شكوى ع اعضاء بالمنتدى .. مهم ..

[coolqtri]

بسم الله الرحمن الرحيم ..

وبة نستعين ..

أولاً .. حاب اني احيي جميع اعضاء المنتدى ..

وحاب اني اعرض عليكم شكواي .. على المنتدى ..

وبغيت أقول .. إني راح أكتب بالعامي البحت .. من بعد إذنكم طبعاً ..

وتراني باكتب .. بإسلوب جفش ومستفز شوية .. فتحملوني ..

..................

الشكوى هي .. على بعض الأعضاء .. اللي انا تكلمت مع بعضهم هنا .. وكلمتة على أسلوبة .. مثل مانعرف .. جميعاً .. الكل يحاول انة يطور في المنتدى أسلوباًً .. وكتابتةً .. و أختيار للأعضاء ..

بس في .. مشكلة بسيطة .. أتعرض لها ان شخصياً .. ( لأني جداً صريح ) .. ويتعرض لها بعض العضوات والأعضاء .. وهي ..

تحطيم .. وتهميش .. وتكسير .. شخصية العضو او الكاتب .. في رد أو موضوع .. أو مشاركة ..

يوجد لدينا هنا .. بعض الأعضاء .. المتسمين .. بالتقوى .. وهذا اللي باين .. ولكن بشيء .. زيادة عن حدة .. شوي .. طيب أنصح .. لكن بأسلوب معتدل .. وبدون طاري الأهل .. او التربية .. او نقصان الدين ..

يعني .. أنا ولا غيري .. لما نكتب او نشارك في موضوع .. وكل واحد برأية .. حرية وديمقراطية .. طبعاً مانحتاج .. يجي واحد عضوأ كان او عضوة .. ينصح .. ويحلل .. ويفتي .. من كيفة .. او يقول انت على خطاً .. أو مايجوز .. او يستلمني بمحاضرة ..انا في غنى عنها .. وبدون ماتجيبون فتوى طويلة عريضة مالها خص في الموضوع .. وأحاديث .. ماتتدخل في اللي نتكلم علية ..

كل واحد .. شارك في المنتدى .. والحمدلله .. متربي .. ومتسنع .. ويعرف الذوق والأدب .. ويعرف دينة عدل .. ومايحتاج .. لأي واحد يقولة ..كلام يدل على نقص تربيتة .. أو دينة .. وخصوصاً .. إذا كان مايعرفة .. لأن أكثر الأعضاء مايعرفون بعض .. وانا ماأعارض .. على (المطاوعة) .. بالعكس .. انا أبوي مطوع .. وانا ولله الحمد والمنه .. وديني مافية قصور ..

وليش .. البعض .. في المنتدى .. يحاول انة يتنزه عن كل خطاً .. ويبين انة معصوم .. ومسوي نفسة نازل من السما(أستغفرالله العظيم) .. ليش العضو مايكون على طبيعتة .. أحسن والله .. ليش ..

وليش .. البعض .. يحاول .. أنة ينافق (اعذروني) .. أو يتملق .. بعض الاعضاء الأقدم منة .. أو الأكبر .. في مسماة في المنتدى .. ليش ..

ليش .. ليش ..ليش .. والله أن فية كذا سبب .. ومايحضرني أكثرها .. وياريت .. واتمنى من الأعضاء .. أنهم يشاركوني .. وكل واحد يكتب الشيء السلبي في المنتدى ..

طبعاً أي مكان لا يخلو من الأشياء السلبية ..

وأنا ماكتبت هالموضوع الا .. لتطوير المنتدى .. والرقي .. في خدماتة .. وبس

وأرجو منكم مرة أخرى .. المشاركة .. بدون خوف او سحى ..( ترا ماحد بيكرهكم اذا شاركتوني) ..

وبدون زعل من أعضاء المنتدى .. على صراحتي .. ولحد يحطني في بالة .. لأني أكن لكم كل الإحترام والتقدير ..

[بوخالد2]

كلام جميل اخى العزيز

وياريت يطبق من قبل الكل !!

[coolqtri]

كلام جميل اخى العزيز

وياريت يطبق من قبل الكل !!

اول .. حافز .. أشكرك من كل قلبي ..

[بنت المنتدى]

وليش .. البعض .. في المنتدى .. يحاول انة يتنزه عن كل خطاً .. ويبين انة معصوم .. ومسوي نفسة نازل من السما(أستغفرالله العظيم) .. ليش العضو مايكون على طبيعتة .. أحسن والله .. ليش ..

وليش .. البعض .. يحاول .. أنة ينافق (اعذروني) .. أو يتملق .. بعض الاعضاء الأقدم منة .. أو الأكبر .. في مسماة في المنتدى .. ليش ..






مااقدر اقول غير صح ألسانك والله !!

[coolqtri]

وليش .. البعض .. في المنتدى .. يحاول انة يتنزه عن كل خطاً .. ويبين انة معصوم .. ومسوي نفسة نازل من السما(أستغفرالله العظيم) .. ليش العضو مايكون على طبيعتة .. أحسن والله .. ليش ..

وليش .. البعض .. يحاول .. أنة ينافق (اعذروني) .. أو يتملق .. بعض الاعضاء الأقدم منة .. أو الأكبر .. في مسماة في المنتدى .. ليش ..






مااقدر اقول غير صح ألسانك والله !!


وياك .. ان شاء الله .. والله لايهينك .. بس إن شاء الله محد يزعل .. ويفهمون ..

[miss-qatr]

ليش يتحول للشكاوي !!!!!!


الموضوع يخص الاعضاء ومناقشه سلوك بعض الاعضاء



الاداره مالها بهالمشكله

[بنت المنتدى]

وياك .. ان شاء الله .. والله لايهينك .. بس إن شاء الله محد يزعل .. ويفهمون ..



اخوي الفاضل ..


انا كل مافي المنتدى عاجبني وع العين والراس الا سالفة المثاليه الزايده .. يعني لاحظ اخر موضوع انا مشاركه فيه اللي للمناقشه هو عن النظاره الشمسيه ان فيه ناس يلبسونها في المجمعات .. الكل دخل وقال الحمدلله والشكر .. وايش هالحركات .. و و و ....

طيب اذا انا وانت وغيرنا مانسوي هالشي اجل قولنا مين اللي يسوي !!!!


خصوصا ان هالمنتدى له جمهوره الكبير ماشاءالله يعني كل اللي ابقوله لبعض الاعضاء ترى بسكم من المثاليه والتمثيل قولوا الصج ولايهمكم احد دام انكم ماغلطوا على احد وماغلطوا بحق احد اذا الشخص يسوي خل يقول اي نعم انا اسوي واذا مايسوي خل ينشغل بعيوب نفسه احسن من انتقاد الناس واني اتكلم فيهم (ومااعم بكلامي لكن كلن عارف نفسه وكلن عارف اسلوبه)






لما نكتب او نشارك في موضوع .. وكل واحد برأية .. حرية وديمقراطية .. طبعاً مانحتاج .. يجي واحد عضوأ كان او عضوة .. ينصح .. ويحلل .. ويفتي .. من كيفة .. او يقول انت على خطاً .. أو مايجوز .. او يستلمني بمحاضرة ..انا في غنى عنها .. وبدون ماتجيبون فتوى طويلة عريضة مالها خص في الموضوع .. وأحاديث .. ماتتدخل في اللي نتكلم علية ..




اووووه سالفة الديمقراطيه والرأي الحر صارت معاي وشكثر اقربها امس اتكلم عن موضوع الخدم انهم مايجوز انهم يقعدون مع زوجي في نفس السفره هم ع العين والراس وبشر مثلنا لكن باي حق اقعد الاجنبيه مع زوجي او اخوي .....


تتوقع وش رد صاحب الموضوع اللي حلل على كيفه ومن ذوقه قالي ....



انتي متخلفه ومرضيه نفسياً ...!!!!









الأدب


الأدب


الأدب




ياناس ترى والله عيب والله العظيم عيب ... ترى محد محد بضامن عمره ع الاقل لو ربي اخذ امانته ابغي الناس تقول الله يذكرها بالخير مش الحمدلله ارتاحت وريحت !!

ترانا نظل اخوان وخوات ونظل عيال بلد واحد وراعي الموقع مافتح هالمنتدى الا عشان يشوفنا متفقين بأرائنا ومتفاهمين ومطورين من نفسنا ورافعين اسم بلادنا مش عشان يشوف قلة الادب والكلام غير المهذب .!!



عموما اخوي طرحك جا في وقته واسفه لاني طولت

[coolqtri]

بنت المنتدى .. واسم على مسمى .. جبتيها صح .. وشاكر لك

هاذي الكلمة اللي ادور عليها ..

انا كل مافي المنتدى عاجبني وع العين والراس الا سالفة المثاليه الزايده

وسالفة الخدم .. ياما صار معي نفسها ..

وهالشيء يخليني أكرة المنتدى .. بس غصب عني .. انا مأقدر أغيب عن المنتدى أبداً .. صار في جدولي اليومي .. خلاص ..

بس .. المثالية هي اللي تخلي .. الواحد يكرة المنتدى .. لعنبو .. مافية حد .. عوي .. كلهم سيدة ..( أسف ) .. مايصير ..

وانا بعد مب كامل .. فيني شكثر قصور ..

[::.Silent.::]

اصابعك ماهي سوى ..

وكلن له تفكيره ..

فياريت توسع صدرك .. وتقبل وجهة نظر الاخرين ..

وفالك طيب ..

موضوعك تحفة .. وجريء ..

[coolqtri]

ليش يتحول للشكاوي !!!!!!


الموضوع يخص الاعضاء ومناقشه سلوك بعض الاعضاء



الاداره مالها بهالمشكله

:victory::victory:

مب شاكر مرورك ..
.
.
.
.
.
الا اكسترا شاكر مرورك ..

[coolqtri]

اصابعك ماهي سوى ..

وكلن له تفكيره ..

فياريت توسع صدرك .. وتقبل وجهة نظر الاخرين ..

وفالك طيب ..

موضوعك تحفة .. وجريء ..

:nice::nice::nice:


هذا النقاش اللي أدورة .. تعجبني .. وشكرا لك ..

[ابوعبدالعزيز]

الأخ العزيز :

كلامك جدا جميل وفي محله ، بس الشكوى مب من المنتدى بقدر ما هي من الأعضاء للمنتدي ، وهي في رأيي الشخصي ترجع لعقلية والحالة المزاجية للعضو .

تحياتي ، ولك مني أجمل وردة .

[AmOuR]

في هذا الموضوع انا معااك ..

في بعض الأعضاء في المنتدى يعانون من مرض المثاليه الزايده ..

احنا في المنتدى .. كل ٍ على سجيته .. ماله داعي للمثاليه ..

وان محد فوقي .. وانا الـ Boss

شفت منهم واايد ...

اتمنى انهم يعرفون نفسهم ..

ويعطيك العافيه ع الموضوع الحلو ..

[hamoor4ever]

كلامك صحيح وانا لاحظت هالشي ولهذا آثرت اني اشوف المواضيع وبس دون ابداء الرأي لان يوجد بعض الأشخاص واكرر البعض يحاول انه يقلل من وطنيتك او يجرحك بس لانك مش نفس رايه واللي يتحكم في المنتدى كم شخص فقط

كلامك درر

[coolqtri]

ابوعبدالعزيز

AmOuR

hamoor4ever


شاكر لكم من كل.عمق.inside.جواة.داخل .... قلبي ..على المرور والتعليق .

والله أرتفعت معنوياتي .. والله يستر من كبارية المنتدى .. شبيقولون .. في المسا ..:nice:

[السيف5]

صباح الخير
موضوع جميل جدا وأتمنى من بعض الاعضاء أن تكون صدورهم رحبة وخصوصا بعض البنات من يخالف رأيها يتسم ردها بالعصبية وتلاقي من عضوة أوعضو آخر تأييد على طول الخط -------------------------من يطرح رأيا وأنا خالفته يحترمني وأحترمه --وأخيرا ألاحترام للطرف الأخر عنوان مشاركتنا


وأخيرا لك الود والاحترام

[AmOuR]

ابوعبدالعزيز

AmOuR

hamoor4ever


شاكر لكم من كل.عمق.inside.جواة.داخل .... قلبي ..على المرور والتعليق .

والله أرتفعت معنوياتي .. والله يستر من كبارية المنتدى .. شبيقولون .. في المسا ..:nice:


العفو .. بس هالموضوع أظن ان كلنا نعااني منه ..

و دامك واثق ان اللي قلته صح ..

دربك خضر ..

[bo_hamad]

كتابة الموضوع أو الرد على دايماً يكون بعقلانية وبدون تجريح لأي عضو

[الوجبه]

يعني المنتدى فيه شليله

[دلة الرسلان]

الله يكثر الاراء المثالية في كل موضوع ولا اتكلم هنا عن موضوع معين ولكن بصفة عامة

لا نريد ان يجاهر الجميع بمعاصيهم واخطائهم وكلنا خطاؤن لان ذلك يشجع البعض على

استمراء الخطأ بما أنه متعارف عليه في المجتمع على اعتبار ان المنتدى صورة مصغرة

للمجتمع .

[الزعفراني82]

كلام مزبووووووووووووووووووووووووووط

[سلفي]

الموضوع ممتاز جدآ

أنا عن نفسي مسكين جدآ

في الكتابة والتعبير والفهم

واعتذر للجميع عن ما بدر مني

من قلة فهم او تعبير

واذا تحتاجون اكتب هاذاة المقدمة في

كل مواضيعي انا ما عندي مانع

[OREO]

الصراحه موضوع مميز مثلك يا المميز ( كووول قطر ) ..

و هذه هدية مني لك ..

صديقك من يصارحك بأخطائك .. لان من يجملها ليكسب رضاك ..

و في الاخير لا تنسى ان اصابعك ماهي سوا و حاول قد ما تقدر اتشوف الايجابيه و تاخذ منها

و السلبيه قطها في سلة المهملات سواء في وندوز فيستا او اكس بي :)

و كل اللي اقدر اقولك في الوقت الحالي ,,, يعطيك العافيه انت و جميع اللي شاركوا ..

و تحياتي لك ..

[..الاميرة..]

اتفق معاك مليون بالميه في كل حرف كتبته .. :discuss:

وبعدين ليش تزعل وتتضايق وتقول إنك بتترك المنتدى .. :)
بالعكس الاشخاص إلي تقصدهم في الموضوع
اقل شئ ممكن انك تسويه تتحاشاهم وما تعطيهم أهميه .. :):)
مثلي انا حاطه (×) على عدد (2) من الاعضاء بكل صراحه

بسبب الاول اسلوبه مع الاعضاء ما يعجبني
والثاني موقف صار معاي في موضوع العضو الثاني
وكان ردي على موضوعه بصراحه ومن وجهة نظري
لكن بعد ما شفت رده واسلوبه على ردي
اعتذرت على اني علقت على موضوعه وعقبها
حطيت عليه ×××××× مليون اكس على مواضيعه
وردوده حتى لو تكون على ردودي .. :discuss:
لان اسلوبي في المواضيع اقول رأي بكل صراحه وما يهمني شي دام اني ما تعديت الخطوط الحمراء
ومش مضطره اجامل فلان ولا علان (ليش وعشان شنو واش الهدف !!!!!!!!!!!!!)


وما احب اتعامل ما ناس اسلوبهم بنفس الصفات إلي ذكرتها في موضوعك
بأنهم يتهمون البعض بأنك مب متربي او غير محترم (ليش من يكون حضرته عشان يحكم علي او على غيري !!! ) :anger1:
وتخيل كنت شاكه فيه هو نفس الشخص ألي
عطوه من قبل 3 مرات بــــاند .. :secret: <<<< وشكل الرابع في الطريق
لان فعلاً لي له طبع واسلوب معين استحااااله يغيره
وحتى لو حاول يغيره في فتره من الفترات راح ينكشف
في اي موضوع طبعاً من اسلوبه ..


حتى انا احياناً اعصب واتنرفز لسوء فهمي لبعض المدخلات
لكن على طووووول اعتذر واعترف بالخطاء ويااما عفسنا مواضيع وتهاوشنا مع بعض الاعضاء .. :tease:
لكن مسألت اني اتهمة احد في اخلاقه او دينه (والعياذ بالله) او شخصه أبداً ..
وأصلاً مش من حقي اني احكم على شخص ما اعرفه ومجرد اني اتعامل معاه من خلف الشاشات ..
لان المواضيع تطرح للنقاش والاطلاع على أراء الاعضاء المختلفه ونحترمهااا
واستحاله ان الجميع لهم نفس الاراء ووجهات النظر وإلا ما حطينا هذا الموضيع للنقاش

وفي الاخير اسمى هذا المنتدى ملتقى الاحبه .. :victory:
واتمنى ان صراحتي تكون مقبوله .. :)
والف شكر على الموضوع المهم جداً جداً .. :victory:

ادري اني طولت في الموضوع لكن شي في الخاطر وقلته :)

[Bu Rashid]

كلام صحيح 100%... البعض " لا يعجبة العجب ولا الصوم برجب..."

[coolqtri]

AmOuR .. واثق ونص .. ودربك خضر بعد انتي ..

bo_hamad .. كلامك صحيح .. وان شاء الله .. لا أنا ولا أي عضو غيري .. نحاول نجرح في أي عضو ثاني .. وكلهم على الراس والعين .. شاكر لك .. مرورك ..

الوجبه .. إن شاء الله الشللية .. مش موجودة .. وهذا مب القصد من الموضوع اخوي .. شاكر مرورك وتعليقك ..

دلة الرسلان .. كانة كلامك موجة لي :shy: .. وانتي معاك حق .. انا صراحة بعض المرات .. ماأردها في خاطري .. والسبب .. المذكور في الموضوع .. شاكر مرورك وتعليقك .. وجزاك الله خير ..

الزعفراني82 .. وانت أزبط .. شاكر مرورك وتعليقك ..

سلفي .. أخوي .. أنت على راسي وعيني والله .. وكلامك كلة عسل عالقلب .. وقدرك محفوظ .. ولاتعتذر ولا شيء احنا أخوان .. شاكر لك مرورك وتعليقك ..

Qatar Zone .. انت مميز أكثر اخوي .. وهديتك مقبولة :shy:

..الاميرة.. .. كلام جميل .. وتستاهلين التحية .. شاكر مرورك وتعليقك ..

Bu Rashid .. مشكور والله لايهينك على المرور والرد ..

[بوشهاب]

والله جبتها على العوق يا راعي الموضوع واحييك صراحه

انا من يومين كنت احاول اكتب نفس هالموضوع ,,, كنت استرسل في الكتابه بس يخوني الاسلوب في بعض الاحيان واضطر امسح وأأجل الكتابه حق وقت ثاني

وكنت ناوي اركز على نقطة ( بعض )اهل التقوى ,,, اللي الاسلوب الله بالخير و اللي حتى لو الموضوع ماله خص بالدين ولا فيه منكر ولاهو بحرام واساس الموضوع عادي وتقدر تقول عنه تافه او للمرح فقط ,,,, بيدخلك من زاوية التشبه بالكفار وبيسرد لك موضوع طول وعرض وكلام في الدين وبيخليك تقول والله ما يسوى علي اني كتبت الموضوع او رديت عليه
يعني ابي اعرف ليش ما يسخر جهده حق موضوع اعظم

[ROSE]

اسمح لي اخوي اغير عنوان موضوعك

لان شكواك على اعضاء بالمنتدى مش على المنتدى واسمح لي

[coolqtri]

تسلم اخوي بوشهاب علمرور والرد .. واعضاء المنتدى كلهم يكملون بعض ..


اسمح لي اخوي اغير عنوان موضوعك

لان شكواك على اعضاء بالمنتدى مش على المنتدى واسمح لي

أخت ROSE .. مسموحة وأشكرك على تصحيحك للعنوان .. وانا أتشرف بمرورك .. ومنكم نتعلم ..

[شهبندرالتجار]

شكراً على هذا الموضوع أخي الكريم :coolqtri

وقد طرح قديماً في هذا المنتدى ، وتم التنبيه أكثر من مرة على مثل تلك التصرفات والمداخلات....
وإنا قليل المشاركات بسبب سؤ رد بعض المشاركين وعقلياتهم ، ولكني متابع جيد للموضوعات وللأعضاء وعندي فكرة عن العديد من الأعضاء - طريقته أسلوبه أو تفكيره – توجهاته..... واستطيع ان أزعم أني أعرف ممن هم بدون ان أتحرى أو أسأل عنهم ...

فنحن عندما نتحدث في موضوع ما .... لا نعرف المستوى الفكري والتربوي والعلمي لهذا العضو أو ذاك إلا من خلال ردوده ومشاركاته ، بعدها أما ان نتخذه صديق ونتابع موضوعاته ، وأم مثل ما أشارت ... " الأميرة " نضع على مشاركاته xxxxx ، قد تعجب مشاركات ذلك العضو البعض ، ولكن أنا متأكد ان الكثير من الأعضاء لا يعجبهم ذلك الأسلوب في التعامل ... لأن المستوى العام للمنتدى جيد جداً بمشاركة العديد من الأعضاء الذين نعتبر مستوياتهم الفكرية عالية ومداخلاتهم تتصف بالجدية والاتزان خاصة من هم يشاركون بأسمائهم الحقيقية .

والذين أحيهم على ذلك .

بس في النهائية سوف تظل تلك العقليات بأسلوبهم التعبان في المنتدى قلنا ولا ما قلنا " لان كل آناء بما فيه ينضح "

[بولينجر]

كلامك صحيح اخوي كول قطري... وانا شخصيا حاط اكس على مواضيع كذا عضو او ردودهم لأني ما ابي (اعور راسي)

وكل عضو يفرض احترامه بأسلوبه الحسن والطيب في المنتدى مع الجميع بدون استثناء... والله يهدي الجميع

[!الشايمه!]

اتفق معاك مليون بالميه في كل حرف كتبته .. :discuss:


لان اسلوبي في المواضيع اقول رأي بكل صراحه وما يهمني شي دام اني ما تعديت الخطوط الحمراء
ومش مضطره اجامل فلان ولا علان (ليش وعشان شنو واش الهدف !!!!!!!!!!!!!)


:)


كلام.......سليم

كول قطر....خلك كوووووول على طوووووول
وهذا حال المنتديات.........

برد على قلبك
http://pms.panet.co.il/online/images/articles/2007/08/25-08-07/T_5f2d50ba-f47c-4930-99c8-a0c86bb17f99.jpg

:)

تحية

[A07]

كل اللي تفضلت فيه اخوي العزيز صحيح مليون في الميه
وللاسف انا شفت ردود بعض الاعضاء بصراحه يغثون
صاحب الموضوع .. والمشكله انه يشوف نفسه فوق
وانه يعرف ومتعلم ومثقف .. ولكن في الحقيقه في داخله
فراغ فاضي متروس هوا ..

ومثل ماقالت الاخت الكريمه ( خلك كووول على طووول )

الله يرحم والديك على الطرح المميز :)

[شاهين]

تدري شنهو مشكلتنا
أخوي قطري كول
عدم تقبل النصيحه وأعتبار الشخص المنصح منافق
أخوي قطري أأكون معك صريح ولاتعتبرني قاااصدك أو أكن لك الكره
لا والله

هـل إسـلـوب الـنـصـاح هـو الـسـبـب فـي عـدم قـبـول الـنـصـيـحـة ؟
الاسلوب مهم جدا ممكن واحد ينصحنى بطريقة تعسوفية
اعمل العكس من غير ما افكر
وممكن واحد يكلمنى وما يترك مجال لى للتفكير
أم أنـنـا أصـبـحـنـا نـثـق بـأنـنـا لا نـخـطـئ ونـحـن دائـمـاً عـلـى صـواب ؟
لايوجد احد الان ع صواب والكل يعلم ذلك
لـمـاذا نـنـظـر لـعـيـوب الآخـريـن ونـشـتـغـل بـهـا ولا نـنـظـر الـى عـيـوبـنـا ؟
حتى نبين اننا ملائكة
ولـمـاذا لا نـنـصـحـح عـيـوبـنـا فـنـحـن نـراهـا وبـشـكـل واضـح ؟
البعض غرورة يعمى عن اخطاء

ولـكـن نـقـنـع أنـفـسـنـا بـأنـنـا كـامـلـون ولا شـيء يـنـقـصـنـا ؟
البعض يظن ذلك
إذا وجـهـت لـك الـنـصـيـحـة هـل تـقـبـلـهـا ؟
اكيد ما دام صح
أم سـتـنـظـر الـى الـشـخـص مـوجـه الـنـصـيـحـة ؟
لااتقبلها

أخوي قطري كول
أغلب اللي ردو عليك أيدو كلامك بنسبة مليون في 100
لاكن هل من أحد وجه نصيحه لك أو للأعضاء

قال رسول الله صلى الله عليه وسلم : " الدين النصيحة "
فـقـد كـانـت الـنـصـيـحـة سـلـوكـاً
يـتـبـعـه كـثـيـر مـن خـلـق الله
قـال تـعـالـى :
{ والمؤمنون والمؤمنات بعضهم أولياء بعض
يأمرون بالمعروف وينهون عن المنكر }

فـمـن كـره الـصـواب .. ونـصـر الـخـطـأ
فـلـن نـثـق بـه وسـيـزداد بـعـدنـا عـنـه



ولك كل الأحترام والتقدير

[!قطريـة بنت القمـر!]

السلام عليكم ورحمة الله وبركاته .... اشكرك من كل قلبي اخوي قطري كول على طرح هالموضوع وبصراحه هالموضوع في خاطري من مدة اكتبه بس ادري بنفسي (يمكن اجيب العيد لوووووول) ,,لان هالشي صج منتشر ويتعب الاعضاء نفسيا وممكن يكون العضو في خاطره يعبر بطريقه محترمه ويناقش باسلوب حضاري بعيد عن التكلفه والعصبيه لكن اللي معاه واللي اتكلم عنهم يردون بطريقه استفزازيه بحته وهم لو تقول لهم بيقولون لا هاي مو استفزاز هاي ابيك يا تقنعني يا اقنعك ؟؟ بس هاي مو مناظره عشان يتبع اسلوب اقنعني واقنعك ؟؟ النقاش يعني تقعدون تبدون وجهات النظر بطريقه عقلانيه جدا بعيد عن العصبيه من كل النواحي وبعيد عن الاستفزاز وعن التعصب لشي معين ولازم نتبع الحياديه في الرد ولا نقعد نركز على ناس معينه او فئه ونضغط عليهم لان هاي بعد مو اسلوب حضاري البته ؟؟ وعلى الناس اللي يكونون متشددين الله يهديهم صحيح ان الدين النصيحه لكن النصيحه ما عمرها تكون بهالطريقه والكل يعرف اللي ينصح بالطريقه اللي فيها تجريح في الدين او التشكيك في ايمان الشخص او التزامه ؟؟ هاي فيها اثم والعياذ بالله لانه بهالشي ممكن يخلي اللي قدامه يعانده ويقعد يرتكب الغلط عمدا بسبة الاستفزازيه اللي تعرض لها(بغض النظر ان ردة فعل هالشخص صح او غلط الحين) بس بسبة الشخص اللي نصح بالطريقه الخاطئه تحول لانسان ثاني ؟؟ وعمر الدين ما امرنا النصح بالطريقه هاي .... قال تعالى: (ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ)...وعسى الله يهديهم بس ... وعلى سالفة المثالية الزايده بعد الله يهديهم كلنا نخطيء مافي احد كامل ؟؟ .... والصراحه والله انها احلى شي بالدنيا لكن صح ما يجوز المجاهرة بالخطأ لكن على الاقل مافي داعي يجاهر بانه مثالي وهو مو مثالي ويعرف نفسه ؟؟ ان شاف شي غلط ويدري انه يسويه يكتفي بالرد بالشكر لصاحب الموضوع وخلاص ويدعي لنفسه بالهدايه اما انه يقول الله يبعد عنا هالشي وانا الحمدلله ماسوي هالشي وجي بطريقة انا اسم الله علي بعيده عن هالسوالف هني تبين المبالغه والمثاليه البالغ فيها :omen2: .... وانقول في النهايه الاختلاف في الرأي لا يفسد للود قضيــــه وعسى الله يوفقك اخوي الصراحه موضوع ولا احلى وعسى الكل يشارك ويشوف وينفعنا كلنا باذن الله ودمت بخيــر :thumbup1:

[طارق]

موضوع جميل يا اخي العزيز

والله زهقت من بعض الردود , الي هي بس كوبي بيست من موقع اسلامي
حتى هالاشخاص مايكتب تعليق منه , بس كوبي
شكراا على عالموضوع الجميل

[khalid-qtr]

مشكور اخوي والله كلامك عدل جزاك الله خير ويليت البعض يفهم جوهر كلامك:nice:

[ناصر11]

بس .. المثالية هي اللي تخلي .. الواحد يكرة المنتدى .. لعنبو .. مافية حد .. عوي .. كلهم سيدة ..( أسف ) .. مايصير ..

وانا بعد مب كامل .. فيني شكثر قصور ..
جزأك الله خير والله انك جبت { زبدة الكلام } واحيانا" ومن كثر المثليه في المنتدى أتحس انه الي يكلمك مدرس شرعيه وله مدرسة عربي بس باقي أيقولك كخ بابا لا عيب بابا ....
والله امنيه انه الاعضاء كيتبون ويردون علي الي في خاطرهم من غير تكلاف...و لاينظر للشهره او عدد المواضيع أو المشاركات ............ وانت أتتصفح المنتدى جى في خاطرك كلام أكتبه ورد علي الموضيع وله تجرح صاحب الموضوع والمشاهدين
بس لاتبني لنفسك شخصيه واهميه في المنتدي غير شخصيتك الحقيقيه ....
أشكر صاحب الموضوع والمشاركين

[الوعد2016]

مشكور على الموضوع وكل كلمه لها الف جواب وكلامك صريح ويعطيك العافيه

[امـ عبدالله]

كلام الجد انحذف http://www.pic4ever.com/images/160.gif

عيل الدردشه في الاستراحه ليش تنحذف http://www.pic4ever.com/images/164.gif

والي مب عاجبه اسلوبي وطريقتي في ردودي ايقولي http://www.kolobok.us/smiles/artists/laie/Laie_80.gif

بس لايصارخ علي http://www.cheesebuerger.de/images/smilie/traurig/a005.gif

تراني اقولكم من الحين ماعرف اكتب مثلكم

http://www.kolobok.us/smiles/artists/laie/Laie_91A.gif

وتسلم اخوي على الموضوع

وانا اضم صوتي ل صوتك http://www.kolobok.us/smiles/artists/laie/Laie_82.gif

يبنا العيد يبنا العيد http://www.pic4ever.com/images/bliss.gif

[..الاميرة..]

لاحظة ان (13) عضو تقريباً من المنتسبين عام 2005 يعني القدامى
علقوا على هذا الموضوع وإلي اغلبهم ما نشوفهم ابد في المواضيع
فمعناه انهم فعلاً زعلانين وما خذين في خاطرهم
من اسلوب بعض الاعضاء الجدد في اغلب المواضيع
فياريت لو يرجعون يتحفونا بمواضيعهم وأرائهم بصراحه
عشان نستفيد والكل يستفيد منهم بحكم انهم الاقدم .. :victory:

[الزعفراني]

تسجيل حضور :)

[AmOuR]

صبااح الخير ..

اشصار أمس ..؟؟

انقلب الموضوع فوق تحت ..؟؟

[coolqtri]

شهبندرالتجار
بولينجر
!الشايمه!
A07
شاهين
!قطريـةقمـر!
Amex
طارق
يونيك
khalid-qtr
ناصر11
الوعد2016
امـ عبدالله

بسم الله الرحمن الرحيم

أولا: حبيت أشكركم كلكم من كل قلبي على مشاركتكم في موضوعي .. اللي مانكتب الا لعيونكم وعلشانكم ..

ثانياً: ماتصورون فرحتي .. بردودكم .. والكلام اللي حاس انة طلع من قلوبكم ..

وعلى فكرة .. مشرفي المنتدى الكرام .. مايفوتهم شي .. وانا متأكد انة تم مرورهم على الموضوع .. والحمدلله دام محد منهم رد .. فالسكوت علامة الرضا ..

طبعاً مب السكوت علامة الرضا على العنجهية .. أو المثالية .. أو أي من الصفات السيئة .. التي ذكرت في الموضوع والردود ..

ولكن السكوت علامة الرضا من المشرفين .. على الإرتقاء بالمنتدى .. والمواضيع المطروحة .. ومحاولة .. تصفية المنتدى .. من بعض الأعضاء .. ماقول السيئين .. معاذ الله .. كلهم على الراس والعين .. ولكن أقول بعض الأعضاء اللي ماعرفوا المنتدى عز المعرفة .. وابخصوا الأعضاء الموجودين ..

وأخيرا:

ما أقول الا .. الله يطول عماركم جميع .. ومشاركتكم لي .. أعتبرها دين في رقبتي لن أنساة ..

ومن الان أقولكم .. اني راجع وبقوة الى المنتدى .. وانتظر رجوع بعض الأقلام الغائبة .. اللي نحن في حاجتها صراحة ..

وشكرا ..

[اطلس]

كلام الحق ماينزعل منه
وانت كلك على بعضك حق في حق
وشكرك جزيل الشكر على هالموضوع
والذي ممكن انه ينبه البعض على حسن السلوك واحترام المنتدي والاعضاء

[AmOuR]

شهبندرالتجار
بولينجر
!الشايمه!
A07
شاهين
!قطريـةقمـر!
Amex
طارق
يونيك
khalid-qtr
ناصر11
الوعد2016
امـ عبدالله

بسم الله الرحمن الرحيم

أولا: حبيت أشكركم كلكم من كل قلبي على مشاركتكم في موضوعي .. اللي مانكتب الا لعيونكم وعلشانكم ..

ثانياً: ماتصورون فرحتي .. بردودكم .. والكلام اللي حاس انة طلع من قلوبكم ..

وعلى فكرة .. مشرفي المنتدى الكرام .. مايفوتهم شي .. وانا متأكد انة تم مرورهم على الموضوع .. والحمدلله دام محد منهم رد .. فالسكوت علامة الرضا ..

طبعاً مب السكوت علامة الرضا على العنجهية .. أو المثالية .. أو أي من الصفات السيئة .. التي ذكرت في الموضوع والردود ..

ولكن السكوت علامة الرضا من المشرفين .. على الإرتقاء بالمنتدى .. والمواضيع المطروحة .. ومحاولة .. تصفية المنتدى .. من بعض الأعضاء .. ماقول السيئين .. معاذ الله .. كلهم على الراس والعين .. ولكن أقول بعض الأعضاء اللي ماعرفوا المنتدى عز المعرفة .. وابخصوا الأعضاء الموجودين ..

وأخيرا:

ما أقول الا .. الله يطول عماركم جميع .. ومشاركتكم لي .. أعتبرها دين في رقبتي لن أنساة ..

ومن الان أقولكم .. اني راجع وبقوة الى المنتدى .. وانتظر رجوع بعض الأقلام الغائبة .. اللي نحن في حاجتها صراحة ..

وشكرا ..




يعطيك العافيهـ أخوي ع الكلام الجميل ..

ودام ان الموضوع صحيح ... لازم يكونون اخواننا المشرفين راضيين عليهـ ..

[مداوي القلوب]

يعطيك ألف عافية على موضوعك
ومثل ماطلبت منا نقولك الصراحه في نهاية موضوعك
وهذا شي طيب
بس انا عندي بعض الملاحظات ..

انا ماقولها لاني فاهم احسن من غيري اوشي
لا .. بس بقولها من وجهة نظري ورد على بعد الاشياء اللي قلتها
وصج اني توني جديد في النتدى .. بس مب معناته ان لو في واحد اقدم مني في المنتدى ان كلامه صحيح في كل شي .. والكمال لله عزو وجل

والمعلوم ان النصيحة واجبة لكن بدون المبالغه فيها
يعني اذا الواحد شاف غلط بسييط .. مايكبره ويخليه كأن الواحد مسوي مصيبه
واذا الواحد فينا اذا ماينصح اخوانه اذا شاف الغلط .. فانا اعتبره مافيه خير
والصديق من صدَقك لا صدقك(بتشديد الدال)
ولا المنتدى او صاحب الموضوع مابيستفيد شي لو جامله كل شخص
المفروض ان الواحد فينا لما يشوف موضوع .. المطلوب منه انه مايجامل .. مب ينافق ويسوي نفسه انه موافق مع راعي الموضوع
لان هنا المقصود بالنفاق
لكن الواحد لما يعترض كلامك .. هذا مب اسمه منافق .. هذا اسمه معارض
والمنافقين في زمن الرسول كانوا يبينون انهم يحبووون الرسول - صلى الله عليه وسلم- لكن داخلهم مريض وكانوا يكرهونه بالاصل ويتمنون موته
..
واذا تبيني اقولك على كل كلمه تقولها ( كلامك صحيح 100%) هذا بعد ماينفع اذا كان اقتنااعي الداخلي شي ثاني

ومثل ماتفضلت اخوي البعض يفتي على اي شي يقراه .. ويفتي كأنه شيخ وانا معاك في هذا الشي انه غلط
لان هذا الشي يختص فيه اهل العلم
ومافي مشكله لو قرا فتوى وسوى لها كوبي بست ونقلها للناس عشان يستفيدوا

والحمد لله كل المشاركين في المنتدى متربيين ومتسنعين ويعرفون الذوق والادب
ولا اصلا ماكان بيستمرون في هالمنتدى الاكثر من حلو
بس انا مب معاك في كل واحد يعرف دينه عدل وان مافيهم قصور
بالعكس كل انسان فيه قصور
وانا اول واحد فيكم .. والله ان فيني قصور الله يعلم بها
وعمر بن الخطاب رضي الله عنه اللي فرق بين الحق والباطل كان يقول بمعنى كلامه اذا شفتوا فيني اعوجاج فقوموني بالسيف وهذا يدل من كلامه ان الانسان يكون في قصور
فما بالك فينا احنا ..
وانا قلت اللي بخاطري وماحبيت اجاملك
وان شالله مايكون كلامي في تجريح لحد
وتقبلوا مروري

[هدهد سليمان]

اول شي يجزيكي الله كل خير على الكلام الطيب وبصراحه تعرضت للموقف في اول مشاركه لي واحد من الشباب الله يهديه دش عرض ويقول اني انقل كال....يحمل اسفارا ، يعني بكل وضوح حمار اكرمكم الله حتى خلاني اشك ان الحجاج يكون من جماعتهم!!!

فعلاً كلام طيب وجميل وضروري التشجيع للجميع حتى لو كان الكلام منقولاً ، لكن ما إذا كان مكرراً فمن الأفضل ان يتم ابلاغ القائمين على المنتدى برفع او الغاء هذه المشاركه وهذا ما فعلته بكل صدق ليس لشيء لكن لان القصة مكررة وكان التشجيع ما شاء الله ولا احلى .
لكن واستدراكاً بكلمة لكن طبعا اذا ما كان هناك خطأ والخطأ وارد اتمنى ان يكون التصحيح بصورة محببة للنفس بدون تجريح او تطاول فالكل يخطيء وليس هناك معصوم من الخطأ كلمة اخيرة وعذرا على الإطالة .

كلما ازددت علماً زادني علماً بجهلي

[ابن المنتدى]

كلامك قوي وصريح

[OTOsan]

كان ودي اكتب بالفصحى .. ولكن بما ان المكتوب بالعامية .. فخليها بالعامية ..

موضوع المثالية تكلمنا فيه وايد .. بس اخي الكريم شوف اسباب ادعاء المثالية في التحدث عن معصيه فرضا :

يا اما ان العضو يبي يسوي نفسه منزه غصب .. وهالشي مايجوز
ويا اما انه مايبي يبين وقوعه في المعصيه مثل ماقالت الاخت دلة عشان مايصير اعتقاد ان المعصيه صارت عاديه ويقراها حد ويقول : هذا هو واحد غيري بعد يسويها .. وهالشي ما اظن ان فيه غلط شرط وجود النيه الطيبة .. مع اني افضل انه مايدش في الموضوع من اساسه اذا يبي يكذب فيه !!
يا اما ان العضو فعلا مايسويها .. فبالتالي مانقدر نسوي له شي وننكره !!

اما الدخول في الموضوع بالاحاديث الدينية والايات فيا اخي الكريم ما اعتقد ان عضو على سبيل المثال يجي يكتب موضوع يقول فيه : لي متى بناتنا يتحجبون خلوهم على راحتهم .. فما اعتقد ان حد بيرضى على هالشي ويجب محاولة تغيير مسار تفكير العضو ..


واخيرا .. كل منتدى وفيه هالاشياء .. فخلك على اسمك : كوووووول :)

[coolqtri]

DIBILI
هدهد سليمان
ابن المنتدى
OTOsan

أشكركم بكل عنف وشدة ورعونة .. على مروركم الكريم .. وتعليقكم الجميل .. أبدعتوا ..

والله يعطيكم العافية ..

[عبدالله العذبة]

أخي الكريم coolqtri حفظه الله

إنني عضو ادخل على مواضيع من نوع يشدني كما أن لك مواضيع تشدك نوعيتها دون غيرها.

وقد أدخل موضوعاً لأطلع عليه وقد لا يكون عندي إضافة فيه واكتفي بالقراء والمداخلات لأزيد من معلوماتي.

ومواضيعي التي أضعها هنا في غالبها جادة ولا تحظى بالكثير من الردود لأن هناك أعضاء لا يحبون هذه الأنواع من المواضيع ولولا اختلاف الميول و الفكر لبارت المواضيع المختلفة.

أشكرك على موضوعك و أرجو أن تعذرني على مداخلتي المتأخرة لأنني كنت مسافراً متنقلا في الفترة الأخيرة.

و جزاك الله خير
أخوك
أبو محمد

[coolqtri]

أخي الكريم coolqtri حفظه الله

إنني عضو ادخل على مواضيع من نوع يشدني كما أن لك مواضيع تشدك نوعيتها دون غيرها.

وقد أدخل موضوعاً لأطلع عليه وقد لا يكون عندي إضافة فيه واكتفي بالقراء والمداخلات لأزيد من معلوماتي.

ومواضيعي التي أضعها هنا في غالبها جادة ولا تحظى بالكثير من الردود لأن هناك أعضاء لا يحبون هذه الأنواع من المواضيع ولولا اختلاف الميول و الفكر لبارت المواضيع المختلفة.

أشكرك على موضوعك و أرجو أن تعذرني على مداخلتي المتأخرة لأنني كنت مسافراً متنقلا في الفترة الأخيرة.

و جزاك الله خير
أخوك
أبو محمد


مشكووووووور وماقصرت .. يابو محمد .. ( انا متاكد انك حسيت أني بقولك بو حمد مثل المرة الماضية:) ) .. عالعموم معذور .. وغيابك .. محسوس .. على فكرة كنت انتظرك .. وتاخرت .. وقلت اكيد انك مشغول ولا مسافر .. والحمدلله على سلامتك .. وشاكر مرورك ..
وعلى فكرة .. معالك حق بسالفة مواضيعك .. انا عن نفسي .. أحب أمر مواضيعك وأقراها .. واخرها حق القطرية .. وودي أرد .. ولكن أكتفي بالقراءة أو الإقتباس .. والسبب .. هو .. مستواي في الكتابة والتعبير .. لا يصل لمستواكم .. ولا أبشر بسعدك ..

وشكراً

[هدوء 2]

موضوعك اخوي قمة في الروعة:victory:
في النهاية وجهة نظر وقلتها وكانت عين العقل بالنسبة لي
والاحترام في الردود والموضيع تراهي مطلوبة شاكرتلك طال عمرك وموفق :nice:

[coolqtri]

موضوعك اخوي قمة في الروعة:victory:
في النهاية وجهة نظر وقلتها وكانت عين العقل بالنسبة لي
والاحترام في الردود والموضيع تراهي مطلوبة شاكرتلك طال عمرك وموفق :nice:


وياك أختي .. ومرحبا بك ومسهلا ..

وشاكر من كل أعماقي على مروركم ..