صوت خفيف في الكارونه ما العمل

[السعدي999]

السلام عليكم ورحمة الله



عندي صوت خفيف في الكارونه وانا مسافر 4000 كيلو هل تؤثر

ونصايحكم ((مافي وقت لتغيرها )) اريد البدائل من اهل الخبره

احد الاخوه نصحني قال اعمل جريز فيها يقوي لزوجة الايل

اريد بعد نصايحكم يالربع

[خالد الخوري]

الجريز بيكسر الكرونة واذا الصوت خفيف مو مشكلة تمشي الكرونة معاك لسنة قدام والله يحفظك

[bnb]

الجريز غلط غلط
1- إذا الصوت خفيف توكل على الله
2- إذا مب مرتاح وفي قلبك شك وبتقعد توسوس
عندك كراج الأبراج يبدلك كرونه خلال ساعات معدودة
3- أذا مسافر بلد فيه جبال وطرق وعره تغيير الكرونه او صيانتها أفضل

[رآعي موآجيب]

اذا الموتر كروزر أو نيسان

بدل زيت الكارونه

وأنصحك بــزيت 90
بيخف الصوت لأن لزوجته عاليه وبيأدي الغرض بأذن الله


بالتوفيق

[بوناصر1]

اخوي اذا ماعندك وقت تغير الكرونه انصحك انك ما تحمل السياره وزن زياده ما لك الا هلحل

[الكواري 1972]

ماشاءالله عليك 4000 متر وشاور الناس

هذا مايبيله تفكير بدل الكرونا وتوكل على الله

انت وراك خط مو سهل

لو انك بدور في الدوحه شئ عادب خل الكرونا اتون لين ماتقول بس

بس دام مسافر الله يعنيك ويسر امرك

[راعي ال2008 الاسود]

اخووي اذا الموتر تيوتا لاتحاتي ان شاء الله بيوديك لكن اول ماتوصل المكان الي تبيه اقرب كراج بدل الكارونة
لان تخاف انها تنكسر او يوقف الموتر بك واذا انت خايف انه يوقف لاتروح بدل الكارونة عند كراج وخلاص
وروح والقلب داعي لك ههههه وبالتوفيق ان شاء الله

[q6ri_vip]

4000 كيلو مب شوي ياخوي بدل الكرونه لاتتكسر عليك على الخط ساعتها بتقول ليتني غيرتها قبل .
ولاتاخذلك مستعمله نصيحه.
واذا ماعندك وقت روح محطه بترول المرخيه وخله يحطلك زيت 90 والله يحفظك .