ممكن تفيدوووني بليزز

[جوهرة قطر]

السلام عليكم ورحمه الله وبركاته

شحـــالكم عســاكم بخيــر

الصراحه انا بغيت اخذلي سياره ومحتاره ماني عافه شاخذ وماعندي حد اسأله

فقلت مافي الا احط الموضوع فى المنتدى وانشالله انكم تفيدوني وماتقصرون معاااي

السياره الاولي اللى في بالي هي كروزر 2008 بس بغيت اعرف شفيها السياره وليش الكل

يتشكى منهاا

والثانية بورش وبغيت اعرف ابكم وهل صج سمالها غالي ولا لا

وبليز ابيكم تفيدووني لاني صج محتاااره وماعرف شاخذ

ويعطيكم الف عاافية

[ALRAYYAN]

هلا بج اختي الجوهره

انا عندي vxr 2008 بصراحه الموتر فيه عيوب بسيطه ومو ذيك العيوب المزعجه اللي تخلي الواحد يكره السياره مثلا

مثل موضوع تاني البترول انه العوامه تخترب لو مشيتي عليه وهو مصفر من البترول
او الطقه اللي تطلع وهي فعلا عاديه وسيفتي بين عمود الشفت والجير والواحد مع الوقت يتعود عليها

غير جذي الموتر عندي من شهر واحد وماشي الحين 14 الف كم وكل شي اوكي

بالمقابل الموتر فخم وروعه من داخل وخصوصا اذا كان شاشه .. لأن 50% من فخامة الموتر في استعماله عن طريق الشاشه بصراحه
الموتر حلو وخصوصا في السفر .. سافرت عليه مرتين بصراحه روعه .. وريافه غير عاديه سواء ع الشارع او في البر
ولا تنسين ان في النهاية الموتر عليه ضمان 5 سنوات بدون تحديد كيلو متر وهذه اكبر ميزه

نجي للبورش

البورش سياره حلوه وبنوتيه اكثر وانا استعملتها بصراحه روووعه وماعليها كلام
واللي اعرفه ان قطع الغيار مو غاليه وان السيرفس وايد تحسن عن قبل من قبل شركة البراق وصار الخدمه OK

اذا ممكن تاخذين صالون .. بصراحه حطي اكس كبير على ماذكر اعلاه .. وعليج بالمرسدس
هيبه وفخامه وسيرفس وقطع غيار اسعارها ولا شي مقارنه بمواتر ثانيه
وعندي خصم محترم في شركة الفهد .. اذا قررتي بس عطيني خبر وفالج طيب على اساس ان السياره لي

وفي النهاية شاوري بس اخذي اللي في خاطرج لأنج انتي اللي بتستعملينه

وبالتوفيق

[جوهرة قطر]

مشكووور اخووووي وماقصرت والله يعطيك العافيه على المساعده اللطيفه منك..

والله انك فدتني واايد ..جزاااك الله الف خير..

بس انا ماافكر اخذ صالووون بالمره ..وشكلي بفكر ف الكروزر

[عاشق الغرافة]

زين شرايج في فرخ الكروزر اللي يجي فل أوبشن رقم واحد

كامل الزيادات واللي يسمونه ال Fj ؟؟!!

موتر لبق وخفيف لان الصراحه الكروزر ما يلبق حق الحريم خير شر !!

[جوهرة قطر]

مشكوووره اختى عاشقة الغراافة

بس بعد احس الـ f j

سياره مو حريميه احسهاا وايد دفشه

[العابر]

أختي اللكزس الفورويل الصغيرة أشوفها حريمية والله يوفقج

[راعي ال2008 الاسود]

والله اختي تبين رأيي البورش احلى وانا اشوف يعني الحريم وايد مهتمين بالبورش كيان اس وايد
وبعدين الكروزر وايد كبير وتحسينه دفش على الحريم انا شايف كذا وحده تسوق لها كروزر 2008 احسه
مب لهم هالموتر يعني ماينفع لهم ينفع الفرويل مثل البورش ول الرنج لهم اما الكروزر في رأيي انا ماينفع
لهم ولكن من ناحية السمان والسيرفس والله ماعندي فكرة عنهم بس انا سامع
من كلام الناس انهم السمان غالي والسيرفس والخدمة اي كلام وهااي من فترة طويلة لكن اذا الحين عدلوا الخدمة مادري عنهم والله وبالتوفيق ان شاء الله لج اختي

[HEART_LION]

مثل ماقالوا الشباب مازيد عليهم الا اني مجرب السيارتين الكروزر ماعليه كلام
والبورش بعد لاتقارنين الماني بياباني شي ثاني مافيه وجهه مقارنه للي جرب السيارتين
لاكن اذا خايفه من قطع الغيار لاتفكرين تروحين صوب البورش خير شر تبديل ايل 800 ريال
سفايف قدام وورا 3600 ريال هذي اشياء بسيطه شلون اذا مشيتي 40 او 50 الف ولا 100 الف في الموتر الله يعينج

والخيار لج

[فلفل حار]

اختي لاتفكرين في عيوب الكروزر ، لانه عيوبه تافهه مقارنة بسواقته ، وفوق جي عليه ضمان 5 سنوات واخوي الريان ماقصر وياج :nice:

انا عندي واحد واستخدامه ما شاءالله حلو مثل ماقالج اخوي الريان

توكلي علي الله وروحي احجزي :)

[البدر 8]

اكيد بورش كايين اس

[جوهرة قطر]

مشكووورين والله ومااقصرتو

وانا اصلان كنت مفكره فى الاكروزر بس كنت خايفه من العيبوب اللى فيه

على العموم خلاص بتوكل على الله وباخذه

ويعطيكم العافيه