ليش تم استبعاد زيارة قطر (لجنة شاعر المليون النسخة 3)

[مليت]

لجنة شاعر المليون انتهت امس من مقابلة الشعراء في دولة الكويت الشقيقة وتم ايجازة الكثير منهم

ولكن للاسف دولة قطر مش على خريطة الزيارة للجنة

والعذر ان قطر لا يوجد بها عدد كبير من المستابقين فلا داعي للحضور الي يبي يشارك من القطريين يجي لكويت ولا السعودية ولا الاردن ولا يجي بو ظبي ؟؟؟


الغريب في الموضوع والي لم تدركة اللجنة المؤقرة ان دولة قطر الي فيها العدد بسيط فلا تستحق العناء والسفر اليها من قبل اللجنة هي الدولة الوحيده الي قدرت تاخذ بيرق النسخة الاولى والثانية وان شاء الله الثالثة

اتمنى من المهتمين اثراء الموضوع ويذا حد عنده اخبار يعطينا

ياليت نعرف الاسماء القطريين الي حابين يشاركون




ولا ننسى الف الف الف مبروك لشاعر علي المري الي فاز بسيف شاعر المعنى وان شاء الله يصل الدوحة اليوم الساعة 5 المغرب وخير الكلام ما قل ودل

خذنا السيف من ابها والى كل المشككين في شعراء قطر (شهد شاهد من اهله ) وشكراً يا ابها


http://65.17.227.80/elaphweb/Resources/images/Entertainment/2008/7/thumbnails/T_c0d0d93d-54d2-4c94-b63c-84f1b6eab1d9.jpg

[Khalid222]

عذر غير مقنع ... والمفروض ان تكون قطر هي من ضمن اهم المحطات لشاعر المليون ... وتفوق 2 من ابناء قطر وحصولهم على البيرق كان اكبر دليل ان العبرة بالنوعية وليس بالعدد.. وان شاء الله البيرق الثالث قطري ...

[بنت المنتدى]

هلا اخوي صباحك خير ..




تدري وش اللي مااحبه بهالسوالف .. انهم يلفون ويدورون .. في ذمتك هذا عذر >>



والعذر ان قطر لا يوجد بها عدد كبير من المستابقين فلا داعي للحضور


عذر اقبح من ذنب ....!!





العذر الحقيقي اخذه مني .. ان القهر والقلوب السوده والخوف من المواجهه خلاهم يختلقون هالعذر اللي رافع لي ضغطي:anger1:






وان شاءالله البريق للمره المليون بيكون قطــــــــــــــــــــــري وحنا ان شاءالله قول وفعل

[مليت]

عذر غير مقنع ... والمفروض ان تكون قطر هي من ضمن اهم المحطات لشاعر المليون ... وتفوق 2 من ابناء قطر وحصولهم على البيرق كان اكبر دليل ان العبرة بالنوعية وليس بالعدد.. وان شاء الله البيرق الثالث قطري ...

عن جد الموضوع موترني انا روحي وحياتي اشوف قطري في شاعر المليون

مادري شنو الحل هل في قطرين راحوا لكويت امس .؟؟؟

من هم وشصار معاهم وشلون بنتصرف المره الجاية

ولا اخفيك وانت عضو مؤسس السنه الي فاتت المنتدى كان حاذف موضوع شاعر المليون عرض الجدار مجرد موضوع في قسم الشعر لا صور ولا دعاية

الموضوع مزعج بنسبة لي

[مليت]

هلا اخوي صباحك خير ..




تدري وش اللي مااحبه بهالسوالف .. انهم يلفون ويدورون .. في ذمتك هذا عذر >>





عذر اقبح من ذنب ....!!





العذر الحقيقي اخذه مني .. ان القهر والقلوب السوده والخوف من المواجهه خلاهم يختلقون هالعذر اللي رافع لي ضغطي:anger1:






وان شاءالله البريق للمره المليون بيكون قطــــــــــــــــــــــري وحنا ان شاءالله قول وفعل

والله يا عزيزتي شكلها المره هذي جايه عكسية ربج يستر بي

[الزعفراني]

لازم ناخذ الموضوع بصوره كامله وواضحة ، ونكمل مبرر اللجنة المنظمة ، العدد صغير يعني من ناحية انتاجيا للجنة المنظمة راح يكون الموضوع مكلف ماديا خصوصا ان اللجنة لين تمر على هذه الدول يكون معها طاقم فني ضخم، وديكور كامل متنقل، ووحدات إضاءة وكاميرات تصوير ووحدات مونتاج متحركة، حيث يزمع أن يكون التصوير مستمراً لمدة 24 ساعة بحيث يكون مختلفاً كلياً عن العام الماضي كما ذكرت بعض المصادر فجولة السنة الماضية إلى الدوحة ، التي استمرت ليومين لم يكن الإقبال فيها كبيرا وكانوا قرابة الثلاثين شاعراً وتمت إجازة 23 منهم، الأمر الذي كان مخيباً لآمال المنظمين الذين كانوا قد أعلنوا أن فوز شاعر البيرق الأول محمد بن فطيس كان قد أقنعهم بعد مشاركته وحيداً من قطر واحتلاله المركز
الأول في أن يضعوا الدوحة في مقدمة جولات اللجنة. وتم وضع الشرط كما يبدو وفق دراسة إنتاجية لتلافي سلبيات الجولات السابقة ..!!!

فلما اللجنة تجي محملة بكل هالامور وفي الاخير يتقدم 30 مرشحا من قطر للجنة لخوض التصفيات فالموضوع مش محرز ، وعوضا عن ذلك يمكن للمتسابق من قطر السفر الى ابوظبي او السعودية ( لقرب المسافة ) للدخول في المسابقة واجتياز التصفيات ، وهذا حسب ما جاء في بيان اللجنة المنظمة من اعتذارهم واستبعاد قطر ضمن مراحل التصفيات في دول الخليج !

أعتقد ان المبرر الحقيقي في أن موضوع تواجدهم هنا وحضورهم لقطر مكلف من ناحية انتاجية وأعتقد انهم احسبوها صح وانا اتفق وياهم !

[بودحوم]

أنا مع كلام اخوي الزعفراني ولازم ناخذ الموضوع بحسن نية

لا تنسوون ان فريق العمل كامل من فنيين أجهزه وفنيين ديكور ولجنة التحكيم يفوق عدد المشاركين من قطر . هذا غير المعدات الضخمة اللي معاهم

وبإذن الله ان الشعراء القطريين راح يكون حضورهم قوي سوى حضرت اللجنة إلى قطر او لم تحضر .

[بوخالد2]

عذر غير مقنع ... والمفروض ان تكون قطر هي من ضمن اهم المحطات لشاعر المليون ... وتفوق 2 من ابناء قطر وحصولهم على البيرق كان اكبر دليل ان العبرة بالنوعية وليس بالعدد.. وان شاء الله البيرق الثالث قطري ...


اى اخوى خالد لاانه كيوتل هى اللى فوزت الثاني يالغالي

فماعجبتهم الحركه اللى سوهاا فطلعوا بالعذر هذا

والصراحه كانت الحركه مش حلوه في حقنا

[coolqtri]

جعلهم مايجون .. وخير إن شاء الله ..

شباب قطر .. ما شاء الله عليهم .. مايقصرون ..

وأنا سمعت إن اللجنة .. بتسوي مقابلات في القمر .. وتصدقون إنه ماحد قرر يجيهم إلا اهل قطر .. وأول واحد يقولون بيجيهم على .. جي .. لاند كروزر ..
.
.
.
.
.
.
.
هههههههههههههههههههههههههههههههههههههههه


.. الزعفراني كلامة مقنع .. وانا بعد أعتقد ذلك ..

[العنان]

انا اشوف ان كلام اخوي الزعفراني مقنع ، وبعدين مافي شي يمنع الشاعر من انه يسافر حتى يشارك ، نفس بن فطيس في االنسخه الاولى من البرنامج ماكانت قطر ضمن الخريطه في التصفيات لكنه اختبر برع وواصل وخذ البيرق ، وبعدين الشمس ماتغطيها الكف.

[اطلس]

مسكين
حسدينا عالابداع الي عندنا
الحمد لله شبعنا

[مليت]

بعض الي يردون غير منصفين

[بوخالد2]

اخوى مليت احنا مانذم الله يسلمك

ولكن انقول يمكن !

[الوجبه]

اعتقد بعد ما جاهم اللي يقول( زوجتي ما هي قطريه هي فرنسيه وبعدها قال حركت لي شعرها وخشمها )..

الظاهر هذا اللي شردهم

[هدهد سليمان]

يا شباب كفاية حرام على قولة اخوانا المصريين ، اللهم لا حسد مرتين البيرق ما خليتوا شي يا هل قطر ، واللي ما يطول العنب يقول حامض ، عطوا فرصه حق دول ثانية من خاطرهم ، واللي يبي يتكلم يتكلم لا راح يضر ولا ينفع والكلام مردود على صاحبه ودمتم على خير

[coolqtri]

اعتقد بعد ما جاهم اللي يقول( زوجتي ما هي قطريه هي فرنسيه وبعدها قال حركت لي شعرها وخشمها )..

الظاهر هذا اللي شردهم

هههههههههههههههههههههههههههههههههههههههااااااااااا اااااااااااااااااااااااااااااييييييييييييي

الله يقطع ابليسك ... هههههههههههههه .. بموت ... يقوللي فرنسية . هههههههههههههه

لا ويقول بنت خالتي بعد .... هههههههههههههههههه .. وزوجتي في المستقبل .. هههههههههههههههههه .. وااااافضيحتاااااه ...


مسكين الشاعر والله قطعناه ..

[ريال قطري]

اعتقد بعد ما جاهم اللي يقول( زوجتي ما هي قطريه هي فرنسيه وبعدها قال حركت لي شعرها وخشمها )..

الظاهر هذا اللي شردهم




هههههههههههههههه

صحيح الوجبه كلامها فيه شي من الصحه

بس الزعفراني كلامه صحيح احنا لاناخذ الامور بحساسيه وعندنا فيه شعار وعلى كفاءه بعد بس من الي يبي يشارك منهم ؟ اعتقد القليل
والسالفه سالفة انتاج وحركات مثل ماقال الزعفراني
والمشاركه بنشارك بواحد والا اثنين وبناخذ الثالث لاتحاتون ههههههههههه

انا بروح وبشارك وبفوز بالخمسه مليون الجائزه اليديده وبوزع على اعضاء المنتدى كل واحد 100 ريال عشان اتكفي الكل

هههههههه امزح بس كلام الزعفراني هو العدل

[بوخالد2]

ههههههههههههههههههههههه

الله يذكره بالخير اخونا راعي الفرنسيه

[مليت]

؟؟؟؟ اي فلوس تتكلمون عنها واي تكاليف ؟؟؟؟؟

قطر قدمت اكبر مبلغ للبرنامج واحنا فاهمين الرسالة الي يقصدها فلان بن فلان


ونقوله الاول والثاني قطري

الثالث كيفكم فيه عطوه بن حماد الي قصيدته تقول (حبي لك كنه منطاد انفش مادري شيخربط )

[مليت]

اخي الوجبه ليش تذكرت الفرنسية وعزفت على وتر عجب الكثير وينك عن بن فطيس وينك عن الشبرمي ؟؟؟؟


هل هذا سبب مقنع ؟؟؟؟

عشان الفرنسية كنسلوا قطر ؟؟؟؟

قول عشان لقلوب السوده واحنا في قطر عرفنا وسمعنا وقرينا كل كلمه انقال في حقنا من اللجنة ومن غيرهم في المجالس والقهاوي والمنتديات


الله يسامحهم

[قطري عصامي]

اعتقد بعد ما جاهم اللي يقول( زوجتي ما هي قطريه هي فرنسيه وبعدها قال حركت لي شعرها وخشمها )..

الظاهر هذا اللي شردهم

الوجبه

خخخخخخخخخخخخخخخخخ :taunt: راعي الفرنسية مييه في المييه ، اعتقد انه عرف نفسه على انه سعودي مييييه في المييييه اذا ما خانتني الذاكره

[ليث العرين]

اشوفها لعبه واضحه لتضيق الأمل القطري في المشاركه بس
مساكين ما يعرفون القطريــن

وبصراحه عيب عليهم

[SaryQatar]

الثالث كيفكم فيه عطوه بن حماد الي قصيدته تقول (حبي لك كنه منطاد انفش مادري شيخربط )


اهاهاهاهاهاهاااااااااا , اضحك الله سنك ,

[flan2222]

انا اعتقد ان السبب انهم مايبون هالنسخه بعد حق قطري يبون شعراء ثانين يخافون يطلع لهم واحد من ال فطيس!!!!!!!!!!

[uae78]

بصراحة...

المفروض الجميع يقاطع هذي المسابقات الشعرية..

يلعبون عليكم وياخذون فلوسكم..

والادهى ان العصبية القبلية تفشت في مجتمعاتنا..

لا تقولون لي ان الشعر انتشر .. الشعراء موجودين من زمان .. والشاعر ما يحتاج لنا لكي نثبت شاعريته ..

بذمتكم برامج النعيمي على قناة قطر ما كانت تخدم الشعر؟؟؟
الا تخدمه اكثر من خدمة المسابقات له..

فيه طرق لخدمة (الشعر والموروث الشعبي!!!) وليس عن طريق نهب الناس...
ادري ان الناس يصوتون باختيارهم ولا حد بجابرهم..

بس المسؤولين عن هذي المسابقات يلعبون على اوتار حساسة

الحمية للوطن..
والحمية للقبيلة..

اذا يبون يخدمون الشعر على قولتهم يسوون مثل تصويتات البرامج الامريكيةamerican idol وغيره..
بدون فلوس .. من التلفونات الارضية..