نصيحتكم لو تكرمتوا

[مبتدئه]

اريد رايكم


عندي اسهم مواشي والصراحه ما شفت منها خير يعني كل مالها تنزل راس مالي احسه مجمد عند هذي الشركه فكرة ابيعها واخذ لي اسهم في السلام الشركه فيها حركه وسعر الشراء نفس بيع اسهم مواشي يعني بحدود 35 (انا خذيت مواشي على 57) يعني خسران فيها لكن يمكن اعوض خسارتي بالسلام اذا كان سعرها مناسب للشراءهاي الايام

اريد نصيحتكم لو تكرمتوا


واللي عنده شور اخر انا ارحب فيه

[جوجو]

انه سمعت ان مواشي زينه لأن أرباح الشركة زادت يعني بعد فترة راح ترتفع والله أعلم بس أنتي أسألي أكثر وشوفي أرباح الشركة .
وانه قلت اللي سمعت عنه أرجو ان محد يفهمني غلط .

[مبتدئه]

تسلم واعطيتنا بصيص امل مشكور على المرور

[الشراكة]

هلا اختي مبتدئه طبعاً بكون البيع فيه خسارة كبيرة وفرق 22 ريال ....

بس ما انصحج تاخذين السلام لانه في الوقت الحالي لو طلع راح يصادف بيع كثير وكبير من المتذمرين للسهم .. وانتي تبين تعوضيع خسارتج ...

[المراقب]

أختي برأي أنك تداوي الداء بالداء.

الشراء في السلام الأن يبدو لي مغامرة لأن السهم لم نعرف له الأن قاع. أي متى سيتوقف عن النزول. أنصحج بعدم الشراء فيه إلا عند استقراره وبدء التداول الفعلي عليه.

بالنسبة للمواشي، فالشركة حققت بعض الأرباح، وبالتالي سهمها مرشح للصعود.

[مبتدئه]

مشكوريين على النصيحه والله استفدة منها لاني ماعرف بالاسهم ولابالبيع والشراء جزاكم الله خير

[الحرمى]

بسم الله الرحمن الرحيم
اختى العزيزه لا تبعين بخساره والخير بقباله واذا فكرتى بالبيع ففى شهر اثنين او ثلا ثه ابرك وانشاء الله بربح وليس خساره
والله اعلم

[بو سلطان]

اختي مبتدئه انا مع كلام الاخ الحرمي مالج الا الصبر $$$$$$

[ontop]

بسم الله الرحمن الرحيم
اختى العزيزه لا تبعين بخساره والخير بقباله واذا فكرتى بالبيع ففى شهر اثنين او ثلا ثه ابرك وانشاء الله بربح وليس خساره
والله اعلم

هذا الكلام السليم...

اصبري اختي ولا تتسرعين

إذا كنت حابة تبيعين السهم بيعيه لما يقرب توزيع الأرباح

وقتها بيكون السهم في أفضل حالاته

والله يوفقج ويوفق الجميع

[مبتدئه]

ما قصرتوا مشكورين على النصيحه جزاكم الله كل خير

[المخلب]

يالطيبه مالك غير الصبر للعيد الجاي وبعد العيد بيعي لو شفتيه ارتفع حتى ولو شئ بسيط

لانك لو بعتي الحين مافي فايده ! والاخوان ماقصروا تحياتي

[مبتدئه]

شكرآ وجزاك الله خير