شراييكم في الـ Fj [الأرشيف] - منتديات شبكة الأسهم القطرية

السد

30-07-2008, 11:59 AM

بغيت اشتري تويوتا Fj شراييكم فيها
وما هي الالوان والمواصفات الزينة الواحد ياخذها
وهل بها عيوب السيارة
ومن ناحية القوة
ارجو الافادة

فلفل حار

02-08-2008, 05:17 AM

الالوان احلى لون رصاصي ، لكن لو بتاخذ اسود وتصبغ السقف اسود بيطلع احلى وايد

والقوه ماعليها كلام

والعيوب يقولون في اللفات تزحف لو فهيت وبريكها مب لي هناك

والله اعلم :)

الحريري

02-08-2008, 09:35 AM

الالوان احلى لون رصاصي ، لكن لو بتاخذ اسود وتصبغ السقف اسود بيطلع احلى وايد

والقوه ماعليها كلام

والعيوب يقولون في اللفات تزحف لو فهيت وبريكها مب لي هناك

والله اعلم :)

كلام صحيح
:)
بس بالنسبه لسعره :nice: حلو

:)

الغادر

02-08-2008, 09:53 AM

اخووي السد اول سطر كتبت شرايكم فيها..

فاطمه جاسم :nice: ماااتعجبني لا منظر ولا قوه..

والله يوفقك ان شالله

الرايــق

02-08-2008, 10:51 AM

والله موتر عجيب الصراحة ..

توكل على الله
ولو على القوة ما عليها كلام :)

السد

02-08-2008, 11:37 AM

يعني fj احسن من الهمر h3 ??

S A L M A N

02-08-2008, 12:11 PM

شكله يضحك باختصار

كلش ما انصحك فيه

من ناحية شكل فهو مضحك

بس قوي

السد

02-08-2008, 12:18 PM

قوي من اي ناحية ؟؟

فلفل حار

02-08-2008, 12:28 PM

يعني fj احسن من الهمر h3 ??

اكيد احسن من الهمر

مافي مقارنه اصلا من صجك :rolleyes2:

والشباب يقصدون قوي من ناحيه المكينه ، لانه نفس مكينه الجي اكس بالضبط

وخفيف علي الطعوس والرمل

والله يوفقك اخوي:)

اّل ثاني 77

02-08-2008, 04:23 PM

موتر ماعليه كلام
توكل على الله :victory:

hola

02-08-2008, 05:58 PM

ما شاء الله

وحيد-الشوق

02-08-2008, 09:07 PM

الموتر حلو كنت افكر اخذه بس غيرت رايي لما شفته من داخل صراحه يلوع الجبد :secret:

شوف اذا مو مهتم لشكله من داخل اخذه الموتر قوي وماعليه كلام :nice:

وبالمبارك مقدما وعليك بالاستخاره

همر

03-08-2008, 08:53 AM

اكيد احسن من الهمر

مافي مقارنه اصلا من صجك :rolleyes2:

والشباب يقصدون قوي من ناحيه المكينه ، لانه نفس مكينه الجي اكس بالضبط

وخفيف علي الطعوس والرمل

والله يوفقك اخوي:)

يهبااااااااا احسن من الهمر في وشو ؟!!! :anger1:

على الاقل الهمر 4 بيبان مب غماره وربع كانه بيكم مصندق :tease:

اذا فطوم جاسم 250 حصان فالهمر 245 يعني مب ذاك الفرق

واذا على السرعه اكيد فطوم مافي اسرع منها حق الشرده ... شتوقع من بدي كرتون ؟!! :tease:

لا سيفتي ولا هم يزعلوووووووون

الهمر ثقيل والثقل صنعه ثابت عالخط واللفات مب لوح تزلج مثل ال اف جي

وكفايه شكله احلى :victory:

ومن داخل بعد احلى... وفيه شاشه ونفجيشن واعتقد كيمره... وفتحه... واكسسواراته احلى...

ووكالته وخدمتهم اطقع من وكالة تويوتا مليوووووووووووووون... اخر احترام واهتمام... يتصلون فيك مركز العملاء بعد كل خدمه تسويها في الشركه يسألونك عن رضاك من الخدمه... لا ويتصلون لك مركز خدمة العملاء في دبي يسألونك عن خدمة الدوحه :omg:

تعال خل حد يسأل عنك في وكالة الكراتين... خل يهتمون بسيارتك والله الغني عن سؤالهم... مكالمات التلفون بتقلل ارباحهم...

نرجع للكرتون...

بس جرب تصفق باب ال اف جي... باب عزبه... يعطيك احساس انك نازل من درام ماي... لووووول

ارجو اني اكون زفيت ووفيت... :secret:

بوحماني

03-08-2008, 09:47 AM

الموتر ماعلية كلام ولاتردد نهائياً ، انا كنت نفسك متردد ولما استعملت الموتر طلع ماعلية كلام من عزم وقوة ........ اما بنسبة للون انا افضل الاسود او الابيض

أحلى وسيطه

03-08-2008, 11:17 AM

:nice::nice::nice::nice::nice:
الموتر ماعلية كلام ولاتردد نهائياً ، انا كنت نفسك متردد ولما استعملت الموتر طلع ماعلية كلام من عزم وقوة ........ اما بنسبة للون انا افضل الاسود او الابيض

السد

10-08-2008, 01:19 AM

ان شاء الله آخذ لي هذه السيارة

sanad81

10-08-2008, 08:54 AM

يا جماعة حد يعرف أسعارها فالمستعمل ؟
هي عند عبد الغني ثلاث درجات:
1- 113000 فل اتماتيك
2-118000 مع بوصلة و مانع انزلاق وتثبيت سرعة ...
3-123000 مع دفلوك و وسائد هوائية جانبية (عالأبواب)..

الخارجية

10-08-2008, 09:54 AM

اخوي خذ من السعودية مواصفاتها احسن من الدوحة وبعد ارخص من قطر

السد

10-08-2008, 04:55 PM

بوسعود180

10-08-2008, 07:09 PM

الصراحه موتر كد ومد وقوه وشكل حلو

ونصيحه تعال خذه من السعوديه فل ابشن فالوكاله ب110 الف

وفالمعارض ارخص

qatar700

10-08-2008, 10:43 PM

يا اخوان عند اخوي Fj وارد امريكا تزويد شركة تريد الصراحه السيارة ما عليها كلام بس مثل ما قالوا الاخوان نظام المكابح ( البريك ) ما فيها امان و عند الانحناءات نفس الشي يزحف الموتر اما عن القوه والقومه ما عليه كلام , من الداخل الكرسي مش مريح مثل باقي السيارات وما يتوافق مع سيارة فورويل
ولكم تحياتي ...........

غير عنهم

10-08-2008, 11:30 PM

انا انصحك وارد الدوحه لان الضمان خمس سنوات والكيلو متر مفتوح

qatar700

11-08-2008, 12:34 AM

السيارة عجيبة
توكل على الله

نيساني

11-08-2008, 12:40 AM

لو خيروني بين الهمر والاف جي والله اختار الاف جي بدون تفكير والخيار لك بعد الاستخاره ان شاء الله

Aek

11-08-2008, 01:26 AM

الموتر عجيب وماعليه كلام

bo3of

11-08-2008, 01:45 AM

اخوي توكل على الله صراحة من بعد تجربتي للسيارة انربشت عليها قوة وعزم مايحتاي وعقب جربت الكروزر 6 سلندر الجديد قلت والله الاف جي ارحم لي لاني بعد ناوي ان شاء الله اخذ لي واحد وافكر اخذ الاسود والله بيكون وحش ولا بعد ازوده بقطع TRD تفجير .. بالتوفيق اخوي

مستر بن

11-08-2008, 01:54 AM

هو شكله من وره مايعجبني
بس من جدام يعني
وانت اذا عجبك توكل على الله:):)

_QTR_

11-08-2008, 07:22 AM

والله يا اخوي السد

انا نفسك ناوي آخذ لي واحد بس أهم شيء انك تغير جانبيناته

وفي نوعين من الجانبينات نوع بـــ 8000 ريال (غاز) ونوع بـــ 3000 ريال وهذا عشان الثبات في الخط واللفات

انا عندي في أكس آر 2006 اذا لقيت لي Fj موديل 2007 او 2008 باخذ

واذا لقيت لي واحد يبادلني ويزيدني شوي بعد مستعد

حمد

11-08-2008, 09:32 AM

_QTR_

11-08-2008, 01:40 PM

الموترمانزل قطر والخليج الا موديل 2008

اذا لقيت 2007 فهذا وارد امريكا

انزين عرفنا انه عندك واحد

ودوم نشوفه عند المجلس خخخخخخخخخخخخخخخخخخخخخخخخخ

بوتميم شحاااااااااااااااااااااااااالك وشحال اللي بالي بالك

(الشنطة الخضراء) :tease:هههههههههههههههههههههههههههههههههههههههه

ألأصيل

11-08-2008, 02:21 PM

يقولون عنه انه صلب ويستحمل الشغل حاله حال الكبسوله والله اعلم

حمد

11-08-2008, 07:22 PM

انزين عرفنا انه عندك واحد

ودوم نشوفه عند المجلس خخخخخخخخخخخخخخخخخخخخخخخخخ

بوتميم شحاااااااااااااااااااااااااالك وشحال اللي بالي بالك

(الشنطة الخضراء) :tease:هههههههههههههههههههههههههههههههههههههههه

اخوي اي مجلس واف جي وبوتميم !!!! .... شكلك ... مغلط

ANONYMOUS

13-08-2008, 07:00 PM

احد عيوبه

مايصلح للمدخنين.. الرماد كله بيطير ورى داخل السياره

يمكن لان الدرايش مربعه..:eek5:

:)