من جرب الطيران الهولندي Klm

[الغزال العارضية]

السلام عليكم ورحمة الله وبركاته

اخواني وخواتي بغيت استفسر عن الطيران الهولندي من جربه

لانها تروح دايركت للدمام واحنا ناوين نحجز عليها

ابي اعرف عن مستوى الخدمات فيها والامان

:)

[jajassim]

السلام عليكم ورحمة الله وبركاته

اخواني وخواتي بغيت استفسر عن الطيران الهولندي من جربه

لانها تروح دايركت للدمام واحنا ناوين نحجز عليها

ابي اعرف عن مستوى الخدمات فيها والامان

:)

نفس مستوى البريطانية ،، :nice:

[sanad81]

سنين وانا رايح جاي معاهم
اكلهم لايؤكل
خدمتهم حلوة
ومطارهم رهييب

[سهم بن سهم]

سنين وانا رايح جاي معاهم
اكلهم لايؤكل
خدمتهم حلوة
ومطارهم رهييب




فعلا هذه هي الـــــــــــــــ KLM بإختصار

هي من اقدم الشركات الاوربية وتطير الى عواصم كثيرة حول العالم لكن إسأل عن نوع الطائرة اللي راح توديك إلى أمستردام أخبر عندهم ايرباص والجامبو والأميركان دوجلاس فلو طائرتهم ايرباص احجز عليها واذا غير لا .

بعدين الـ KLM تجي من امستردام ابوظبي الدمام امستردام اعتقد يعني مثل الجاري تشيل ركاب من كذا محطه :)

[ابـو مــحــــمـــــد]

والله انا اذكرها على ايام 86م
طيران ولا اروع وخدمه مميزه
الحين التنافس كبير ولكن الهولنديه من الطيران المميز على مستوى العالم

[التيما]

صراحه انا جربتها عالبيزنيس لمن رحت امريكا صج قعدت 24 ساعه طيران دوحه امستردام دترويت كنساس .. بس معاملة ممتازة وراقيه وذوق صراحه ..

[اّل ثاني 77]

بالنسبة لي جربتها مرة واحدة سنة 96 امستردام ابوطبي كانت تجربة تعيسة بالنسبة لي

[شقران2]

جربتها في التسعينات


دوحه = امستردام = واشنطن = لندن

حلوه وما عليها كلام واحسن لك تغد ى في بيتكم

[الغزال العارضية]

بذبحكم هههههههههههههههههههههه

انا بروح الدمام بس وهذا سؤالي

مب رايحه امريكا ولا امستردام

[ام خليفة]

الهولنديه ممتازه ومصنفينها من افضل الخطوط في العالم

ولهم خطط ان يعتمدون على الطحالب بدل الوقود (للمعلوماتكم بس ) :)

***
سيمزج الوقود المستخرج من الطحالب في البداية بالوقود التقليدي، وتهدف شركة الخطوط الملكية الهولندية إلى تزويد كل أسطولها الجوي بالوقود المستخرج من الطحالب، ومن مشتقات نباتية أخرى.

وتقول الشركة الناقلة إذا سارت الأمور على ما يرام في الاختبار الذي سيجري على 50 طائرة من طراز فوكر 12، والتي تمثل 7 % من حجم الأسطول، فإنها ستعتمد بالكامل على هذا الوقود المستخرج من الطحالب بحلول عام 2010

[Thamer_Qat]

بذبحكم هههههههههههههههههههههه

انا بروح الدمام بس وهذا سؤالي

مب رايحه امريكا ولا امستردام

خليتي الأعضاء يطلعون الحوا وعروقها
وفي الأخير رايحه على الدمام ومب مكمله لمستردام بلاد الورود:anger1:

اقدم أعتذاري بالنيابه عنج وعن باقي الأعضاء لل KLM

انج ما تقصدين التسبب بكل هالضجه

[الغزال العارضية]

لا اخوي عادي بالعكس بس انا من البدايه كتبت الدمام ومحد انتبه ههههههههههههههه معليش العتب عالنظر

[بدوي]

يابنت الحلال

توكلي على الله

كلها 10 دقايق تقريبآ escape .. أول ماتطير شوي الا وانتوا نازلين

حتى مايمديج تفتحين حزام الأمان

رحلة موفقة ان شاء الله

:victory:

[الغزال العارضية]

ان شاء الله بس للعلم الرحله مدتها 50 دقيقه

خبرك ماتروح سيييدا لازم شوي تلف يمين ويسار

[الوعد2016]

الشباب يمدحون الطيران الهولندي والبريطاني وبعده الاماراتي وقطر اخر مكان في الحجز

[فلفل حار]

الهولنديه ممتازه ومصنفينها من افضل الخطوط في العالم

ولهم خطط ان يعتمدون على الطحالب بدل الوقود (للمعلوماتكم بس ) :)

***
سيمزج الوقود المستخرج من الطحالب في البداية بالوقود التقليدي، وتهدف شركة الخطوط الملكية الهولندية إلى تزويد كل أسطولها الجوي بالوقود المستخرج من الطحالب، ومن مشتقات نباتية أخرى.

وتقول الشركة الناقلة إذا سارت الأمور على ما يرام في الاختبار الذي سيجري على 50 طائرة من طراز فوكر 12، والتي تمثل 7 % من حجم الأسطول، فإنها ستعتمد بالكامل على هذا الوقود المستخرج من الطحالب بحلول عام 2010

طحالب ؟ عز الله طاحت الطياره:)

اقول اختي روحي علي البحرينيه ابرك :tease:

عموما ، ترى مستواها نفس البريطانيه نفس ماقال اخوي جاجاسم واسعارها معقوله بالنسبه لطياراتها وسيرفزها

تروحون وتردون بالسلامه :)

[الوعد2016]

لا اخوي عادي بالعكس بس انا من البدايه كتبت الدمام ومحد انتبه ههههههههههههههه معليش العتب عالنظر

ههههههههههههههههههه قلت رحله طويله تستقرق 7 الى 12 ساعه
السعوديه ممتازه رحلاتها وفي موعدها لا تتاخر

[الغزال العارضية]

البحرينيه بتروح البحرين ترانزيت

هذي الوحيدة اللي تروح للدمام دايركت