نصيحـة للـي يبـي ياخـــذله عــقـار

[ذوق]

السلام عليكم ورحمة الله وبركـاته....


أخواني أخواتي الأعضـاء..عندي أستفسار بخصوص القرض العقاري ...

شخص من الأهـل عازب راتبه حول 11 ألف ريال تقريبآ..وحـاب إن يطور من وضعه المـادي فأقترح علي أعرض فكرته بالمنتدى ليأخذ أكثر من رأي عشان يقرر :)
(( لأنه عليمي في هالأمور))

الله يسلمكم الشخص فكر ياخذ له قرض عقاري عشان يبني بيت أو يشتري بيت صغير أو شقة في المشاريع الجديده ويوسع عقاراته اذا ربي وفقه ويأجرهم بأسعار منافسة يقول يبي يحطم الأسعار العقارية وينزلها قاع :secret:

(ولا زال محتار)..

ماهي نصيحتكم له...!!

مـاهي الأمور الي المفروض يسويها؟

مـاهي أحسن البنوك الي تعطي قروض أسلاميه ممتازه؟

يكلم من في البنك عشان القروض وهل لازم يختار العقار قبل لايكلم البنك...؟

والقروض العقاريه كم تقريبآ تاخذ أقساط من الراتب ( يعني في حالة أخونا = 11 ألف القابل للزياده الى 15 ألف )

لنفترض أن موضوع بناء البيت كـان أفضل أختيار؟ ماذا تنصحون بأي مقاول؟

يعني ودنـا نعرف كل الأمور الي تمت هذا الموضوع بصله وياليت ماتبخلون عليه بالنصيحه ياجماعة الخير

>> شكله إذا عجبني الموضوع بخترب معاه :omen2:

[ذوق]

Up Up Up

[بنت الاصايل]

الله يوفق له يا رب

[ذوق]

يوفقج يالغاليه

[غناتي1]

والله ارباح البنوك كلها تقطع الظهر 000

واللي ما عليه دين 00 وعنده كاش هو اللي

يقدر يوقف على رجوله شوي ويبتدي التجارة

الله يوفقكم 00

[عيسى]

لو افترضت انه راح لبنك قطر الوطني ( الإسلامي )
المعاش 11 ألف نقتطع منه 60% يعني 6600 ريال اقصاط شهرية غير العمولة مقدم كاش
وبعدين بحسبونه عليه على 30 سنه 360شهر
يعني بيكلف عليه القرض 2.4 مليون
ويعطونه حوالي 800ألف وطبعاً هالأيام ما بتحصل بيت بذي القيمة

[hamoor4ever]

قول حق رفيجك خل يرتاح ياخوي لان مابيقدر يشتري بيت لو خذ قرض عقاري ولا كان الناس كلها شرت بيوت يااخوي ، يعني لو فرضنا البنك بيعطيه 800 الف بعد ماراح تلاقي ارض بالسعر هاذي فما بالك انه يبني ولا يشتري جاهز ، عموما اذا هو حصل له فكره خل يقول لي عنها علشان اشتري انا بعد:eek5: مثله

واذا يقصد المشاريع اللي في اللؤلؤه اذا بياخذ دين ماله فايده لانه بيكون على 30 سنه والقسط بيكون عالي يعني نسبه المخاطره اكبر من الربح لا سمح الله ممكن يصير شي بعد عشر سنوات ويأجر الشقه براس مالها ومايحصل فايده او تطلع عليه اجارها بأقل من قسطها وفي هالحاله بيتوهق اذا عنده فلوس يتوكل على الله اما اقساط ماانصحه لان الفوايد على هالمشاريع الجديده عاليه غير ان اقل استوديو سعره فوق ال 800 الف وبيكون في الوسيل يعني لازم يأجرها بمالايقل عن 10 الف علشان يكون مستفيد وتخيل ان صار شي ونزلت الاجارات راح يتوهق من قلب لو شقه بكون لك ممكن لكن ستوديو بيكون وايد صغير وتخاف بعدين مايجيب لك اكثر من سبعه ولا ثمانيه وجذيه بتطلع انت متوهق بذاك الوقت ، وهاذي ثلاثين سنه مب شي بسيط

[ذوق]

مشكورين على المرور...ننتظر ردود أخرى

[عيسى]

في أراضي في قطر على 800ألف
140*10.764*520=800 ألف
شمال قطر


بس انه انصح انه يتشارك مع ناس يضمنهم ويتسجل العقار باسمهم
وبهذي الطريقة بحصل بيت امأجر + مدخول يقدر يسدد من القسط + في منطقة الدوحة + وإذا سار انخفاض في الأراضي راح اتكون نسبة النزول أقل من المناطق الخارجية

[الوعد2016]

بالتوفيق

[ابوعبدالعزيز]

راتبه 11 ألف !!! ويبي ياخذ قرض من البنك !!! عشان يبني أو يشتري عقار (( اليوم )) !!! بهدف التأجير بأسعار منافسة أو يحطم الأسعار (( الحالية )) !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!! .


الله يعينه ، ويعينك على أفكار قريبك .

تحياتي .

[قطري عصامي]

الله يعينه ، وقولي له يريح نفسه ، لأن 11 ألف ما توكل عيش هالايام

[ذوق]

حياكم الله..ليش أغلب الأعضاء تفكيره سلـبي...!!

ننتظر المزيد من الأفكار

[ولد شرق]

السلام عليكم اخوي
الله يوفق رفيجك ان شاء الله
اقترح على الاخ ان يدخل شراكه مع ربعه يعني يكوّن له محفظه استثمارية
ونصيحتي لايروح ياخذ له اراضي في الشمال داخل...لأنه بكره اذا حب يبيع تراها ماتروح بنفس سرعة اراضي الدوحه وماجاورها...
خله يتوكل على الله ومن يتوكل على الله فهو حسبه...

[شمس]

يشتري ارض سعرها معقول(200الف) في اي مكان

[Thamer_Qat]

:anger1::anger1:



يشوف له بنت الحلال ويكون تشتغل وطيبه وعندها طموح مثله
يلحق أول ما يملج يقدم على أرض في أي مكان ولا يتشرط ويحاول ياخذها بالخدمات بأي طريقه
واسطة حنه ورنه فوق روسهم يعني كل يوم عندهم
طلعت الأرض بأذن الله
طبعا في هذه الأثناء يجلس عند أهله بشكل مؤقت ويكون متعاون معاهم في صرف وغيره
يجهز الخرايط والرخص بأسرع وقت
يبني فلتين منفصلين صغار على الأرض وحده بتمويل أسلامي والثانيه بال600 حقة الدولة

وبلا أحلام وديون وهم وغم ونكد وتورط وندم

مسألة وقت
والأهم الزوجة الصالحه:nice:

ربي يوفجه

[قطري عصامي]

يشتري ارض سعرها معقول(200الف) في اي مكان

على يدك ، ممكن ادليني على هالارض؟؟

[قطري عصامي]

حياكم الله..ليش أغلب الأعضاء تفكيره سلـبي...!!

ننتظر المزيد من الأفكار

الا تفكيرنا منطقي وعلى ضوء معطيات الوضع الحالي :(

[ولد الرياان]

يشتري ارض سعرها معقول(200الف) في اي مكان



هههههههههه

كثر منها بـ 200 الف هذي يمكن 10 في 10

[شويش]

الله يوفقكم

[كلام كبير]

اااخخخخخخ طالع من قلب قبل كم سنه مو بعيد كم كان الفوت وكم كانت البيوت الحين نفكر في الاستثمار بعد ما ..... لكن حلو الطموح وخله يستثمر في الاسهم ليش الاسهم حلوه لكن الشركة الزينه الي ارباحها هم حلوه وقويه وانا قلت استثمار مش مضاربه والله يوفقه ويوفق كل مسلم

[ANONYMOUS]

احد الاصدقاء راتبه 40 الف

شرى فله ب 2 مليون

مع الفوايد طلعت يمكن 4 مليون و ونص والقسط 15 تقريبا لمدة 25 سنه

11 خل يتزوج فيها والله يفتح عليه

على فكره.. الارقام تقريبيه..

[شمس]

عنده اراضي دول الخليج محد وصل مواصلينا في فوضى الاسعار

[قطري عصامي]

عنده اراضي دول الخليج محد وصل مواصلينا في فوضى الاسعار

فوضى الاسعار اللي مب عاجبتك ، تعتبر ارخص اسعار الخليج

[RE-Qatar]

انا انصح انه يروح له كم بنك اسلامي مثلاً :-
بنك قطر الوطني الاسلامي
البنك التجاري الاسلامي
بنك الدوحة الاسلامي
بنك قطر الدولي الاسلامي
مصرف قطر الاسلامي
مصرف الريان
ويقول لهم انه راتبه هالكثر ******* ، وكم يقدر ياخذ عليه اذا كان يبي تمويل عقاري
وراح يفيدونه اكثر منا بها الامور ، وبعدها راح يقرر هل يشتر بيت او ارض او يدخل شراكه مع حد ثاني ، وترى كل شي يصير عن طريق البنوك والمصارف ...
والله الموفق

[عيسى]

انا انصح انه يروح له كم بنك اسلامي مثلاً :-
بنك قطر الوطني الاسلامي
البنك التجاري الاسلامي
بنك الدوحة الاسلامي
بنك قطر الدولي الاسلامي
مصرف قطر الاسلامي
مصرف الريان
ويقول لهم انه راتبه هالكثر ******* ، وكم يقدر ياخذ عليه اذا كان يبي تمويل عقاري
وراح يفيدونه اكثر منا بها الامور ، وبعدها راح يقرر هل يشتر بيت او ارض او يدخل شراكه مع حد ثاني ، وترى كل شي يصير عن طريق البنوك والمصارف ...
والله الموفق

وانه معاك على انه يسأل الجهات المختصة بالقروض
وبتتسع نظرته - لكن لا يحط أمل اكبير