شركات مقفله

[الخبير المالي]

تم الاكتتاب اثناء الاكتتاب في الناقلات
في شركتين لم تطرح للعامه وكان الاكتتاب مقتصرا على المؤسسين فقط والشركات هي
1- شركة قطر للمعارض والمؤتمرات
2- شركة الجارح للشحن والتوزيع
وكان راس المال لكل شركة بمايقارب 10 مليون ريال قطري

[عليان]

الله يبارك و يزيد مثل هذه الشركات لاعمار و تطوير و تنمية بلادنا الغاليه.

وعساكم عالقوه.

[ولد قطــــــر]

بالنسبه لهذي الشركات .. ما اعتقد ينزلونها للاكتتاب العام لان راس مالها بسييييييييييط جدا 10 مليون ريال .. يعني لو طرحو هالشركه للاكتتاب العام .. كل واحد بيطلعله ب 10 اسهم يمكن !!! ههههههههه

[الأستشاري]

تحياتي للجميع ................

عدد الشركات المقفلةالتى تم الأكتتاب فيها مايلي :


1شركة قطر للتنظيفات والخدمات الأمنية .
2 شركة قطر للتنظيم المعارض والمؤتمرات .
3 شركة الخدمات الصحية .
4 شركة الجارح للخدمات والشحن.
5 شركة الخرسانة الجاهزه.
6 شركة المستشفى.............
7 شركة التأمين التكافلي.
8 شركة الديار العقارية .
9 شركة الخدمات العامة ( مخصص لأهالي الخور والذخيره)
10 شركة الخدمات الفندقية .

وسيتم الأعلان قريبا عن عدد من الشركات المقفلة ..

وتحياتي لكم......................

[ابوسعود]

شكرا على الخبر

متى ستدرج في البورصه

[عزيز]

السلام عليكم

ما شاء الله عليك يالاستشاري والله طلعت خطير :d

اخوي تقدر تقولنا اذا فيه شركات مغلقه للأكتتاب جديده غير هذي ونحط فلوسنا فيها حتي لو 5 او 10 الاف

ويعطيك العافيه اخوي :)

[sulai6i]

شكرا للجميع على هذه الأخبار


وبالتوفيق لكل من اكتتب

[الأستشاري]

للأسف أن أغلب هذه الشركات يتم الأتفاق عليها بين أشخاص معينيين ( ربع ) ولا يعلنون عنها لأي أحد ..... اما عن طرحها في السوق فسيكون بعد سنتين من تاريخ تأسيس الشركة وحسب شروط وزارة الأقتصاد و التجارة .


وهناك 3 شركات راح تنزل السوق مباشره بعد أن أخذت موافقة .وأحتمال كبير بعد شهر 6 و منها :

1 الميره للمواد الأستهلاكية

2 الأولى للتمويل

3 الفيصل القابضة

[nor85]

انا ابي اعرف وين ممكن اقدر ابيع عندي اسهم بسيطة للمواشي وانا صراحة ماعندي حد يتابع لي وانا مااعرف كيف اتصرف وشركة الوساطة تبي اسهم كبيرة وانا ماعندي الا قليل ادري دخلت عرض عليكم بس ابي الافادة وسامحوني

[الأستشاري]

مرحبا أختي نور...............

اذا كان قيمته أسهمك أقل من 5000 ريال تباع عن طريق أي مكتب وساطه ولكن عرض أسهمك تكون على الشاشه الداخليه لأنها أقل من 5000 ريال . وأنصحك الأتصال على شركة قطر للأوراق المالية وهي أفضل شركه في التعامل .

[الحزين]

الله يزيد الشركات عشان الكل يستفيد

[nor85]

اخوي الاستشاري كيف يعني اكلمهم ام اروح لهم وكم رقم تلفونهم او مكانهم ومشكور مقدما

[بزنس]

السلام عليكم
اختي نور تقدرين تفتحين حساب في اي بنك يتداول ويبيعون لج على طول

[الخبير المالي]

الاخت نور هذا رابط شركات الوساطه وانشالله يفيدونج
http://www.dsm.com.qa/site/topics/static.asp?cu_no=2&lng=0&template_id=23&temp_type=42&parent_id=21

[الرمز]

اخي الاستشاري
ممكن توضح شلون على الشاشه الداخليه هل يعني عند الوسيط فقط يعني لي في صاله التداول ماراح يعرفون عنها شي ؟

[محمد بن حمد]

بالنسبه حق الشركات المقفله او اللي راح يتم تداولها بعد سنتين ماكانت سريه .. كان الخبر متفشي بن الناس اللي يرتادون سوق الدوحه للاوراق الماليه والمشاركه فيها بملغ معقول عشان تكون من المؤسسين بس اكثر التجار ما يفكر انه يحط مبلغ في شي مردوده اول شي عقب سنتين ثاني شي مجهول يقولك ما ادري شبصير بعد سنتين وبعدين لو تم المبلغ عندي مهما كان ممكن اني اضارب فيه اما اللي عنده ملايين مكدسه بعد له طرقه الخاصه اللي يتاجر فيها ممكن انه ما يفكر ان يدخل في كل شركه تطرح يعني حسب علمي اللي دخلو ناس من متوسطي المستثمرين وكانت في الطبيه .. على انها توفر مستلزمات المستشفيات .. وبعد فتره الربع تخوفوا وقاموا يعرضونها في على بعض من يشيلها .. يعني دايما التردد هو اللي يذبح السوق هذي مقوله معروفه ..المهم الموسس يتملك 40 الف سهم وانا انصح اي حد متملك انه يخليها اي شي في المستقبل ولو طول شوي يتم له رصيد ..

[عاشق قطر]

أحبتي ..... أرجو افادتي
عندي أسهم " الأولى للتمويل " وودي أبيعهم .... كم سعر السهم الآن ؟ وكيف أبيعهم ؟ :)

[الأستشاري]

أخي عاشق قطر ..........

أسهم الأولى ............ لم تطرح للبيع وهي مملوكة لعدد محدود جدا من الأشخاص ومعروفين كما أن الأسهم التى يملكونها لاتقل عن 10000 سهم لك شخص .

ولا أدري على أي أساس تملك انت الأسهم ؟؟؟؟؟؟؟؟؟؟؟ وبأمكاني أزودك بأسماء ملاك هذه الأسهم أن أرت !!!!!

[العنان]

شباب انا اعرف شخص عرض علي 5000 سهم للاكتتاب في الاولى هل تنصحوني اكتتب فيها؟

[الأستشاري]

أخي العنان ...........

أتحدى الشخص الى قالك أنه صادق .....

وتحياتي لك

[عاشق قطر]

الأخ الفاضل / " الاستشاري "
السلام عليكم
أنا أملك 20000 سهم " الاولى للتمويل " أسهم تأسيس ، واذا تحب أطلعك على بطاقة ملكية الأسهم فليس لدي مانع ، مع أنني ليس مضطرا لذلك ، لأنه يفترض بك أن تفترض الصدق في الجميع .... علما بأنني من المهتمين بتحليلاتك . :rolleyes:
أتمنى لك التوفيق والسداد :)