[ .. وين اقدر القى مطبعة لكتابي ..؟ ..] [الأرشيف] - منتديات شبكة الأسهم القطرية

مشاهدة النسخة كاملة : [ .. وين اقدر القى مطبعة لكتابي ..؟ ..]

ذيبة الريان

03-08-2008, 11:21 PM

[ .. وين اقدر القى مطبعة لكتابي ..؟ ..]

السلام عليكم ورحمة الله وبركاته ,,

قريباً سأنتهي من كتابي الأول بإذن الله والذي يهتم بالتنمية الذاتيه والتحفيز ,,

ياليت تفيدوني عن مطابع قطريـة للطبع والتوزيع ,,

والخطوات الازمة قبل إصداره في المكتبات ,,

وأفيدوني بنصائحكم ,,

جزاكم الله خير ,,

أختكم في الله ,,

شارع الأصمخ

04-08-2008, 12:42 AM

عادي ترى المطابع بالدوحه وايد بس ما اقدر اذكر اسامي علشان مانسوي دعايه لاحد بس لو تعرفين الاماكن الي يسوون فيها بطاقات الاعراس هم بعد يطبعون الكتب واتمنى اني احصل على نسخه من الكتاب .................................................. ...............................................

تحياتي

04-08-2008, 12:47 AM

أذا تبين الانتشار انصحج تروحين جرير بيسون لج تسويق ..

بالتوفيق والى الامام ان شاء الله ..

KhalidQ

04-08-2008, 12:49 AM

دار النشر للشرق راح يقولون لكي ايش المطلوب

jassim_007

04-08-2008, 12:51 AM

اختي ذيبة الريان

يامكثر المطابع في الدوحه ...يكفيج انج تمرين على اي جريدة و تسألينهم عن المطابع الي لهم او الي يتعاملون معاهم ...

شخصياً جربت كذا مطبعه و بحكم خبرتي الطويله امممم مطابع علي بن علي خدماتهم ممتازه و في مطبعه ثانيه الي هي مطابع الدوحة الحديثه << اتوقع تابعين للرايه

هذول الصراحه شغلهم ممتاز : ) و اذا تبين مطبعة ثانيه انا اعرف شخص... كلميني و راح اعطيج رقم الرجال و تفاهمي معاه...طبعاً هو بيقول لج شنو الخطوات الي لازم تسوينها قبل الطباعه و راح يجاوب على كل استفساراتج ( للعلم الشخص عنده مطبعه ثانيه غير عن المطابع الي ذكرتهم فوق و شغله ممتاز بس مدري عن اسعاره !!)

و خذي بنصيحتي لاتستعجلين خذي فكرة عن المطابع الي بالدوحه و قارني مستوى خدماتهم ( خصوصاً من ناحيه الاوراق و التغليف و ...الخ مع السعر و غيرة و عقب قرري تتعاملين مع إي مطبعه

قبل ما انسى بقول لج اماكن المطابع الي ذكرتهم فوق

علي بن علي = و انتي جايه من المنتزة صوب عالم الجديد ...قبل اشارة تويوتا راح تحصلين لفه على اليمين اول ماتدخلين اللفه راح تحصلين المطبعه ( خلف المطعم الايراني بضبط <<مدري شسم المطعم )

و مطابع الدوحه الحديثه في الصناعيه مب متذكر الشارع عدل بس لو ماخاب ضني بين 8 و 9 و 10

الله يوفقج اختي و عقبال مانشوفج كاتبه معروفة على المستوى الوطن العربي : )

" روح قطر "

04-08-2008, 12:52 AM

الله يوفق لج وعندج مطابع كثيرة

واهم شي ماتعطينهم النسخة الأصلية عليج بالصوره فقط

ولا تنسين العقد اللي بينج وبينهم علشان مايضيع حقج وجهدج وتعبج

وموفقة أن شاء الله

diab911

04-08-2008, 01:01 AM

الاهم من كل شي واول خطوة قبل ما دورين مطبعه

تروحين أدارة المطبوعات والنشر( (موقعها في بن محمود))

وبعد الموافقه على طبع الكتاب بتحصلين مطابع وايد ان شالله

ذيبة الريان

04-08-2008, 01:23 AM

jassim_007

04-08-2008, 01:36 AM

يعطيكم العافيـه أخواني واخواتــي ,,

مشكووورين على مساعدتكم ونصائحكم ..

اشكرك أخوي جاسم .. وإن شاءالله يتحقق هذا الشي ..

..

والكتاب يبله فتره لين ما اخلصه ان شاءالله ..

عشان كذا حبيت من الحين اسأل واعرف كل التفاصيل واشوف جودة المطابع ,, واكيد قبل الطبع ابغى تصميم حلو ,, وما ادري اذا هذا من المطبعه نفسها هي تصمم لي الغلاف .. ومحتويات الكتاب من صور وغيرها ..

والكتاب ابغاه مميزه .. وصورة الغلاف تكون جذابة .. لكن ما أدري التصميم وين اقدر اسويه ..

واللي عندهـ الخبره ياليت يفيدنـي خطوووهـ خطوووهـ ..

جزاك الله خير ..

اختي الشكر لله ^_^

اممم بالنسبه للتصميم تبين اصمم لج حاضرين لج و بدون مقابل ...

غير هاي اكيد المطابع بيصممون لج لو تبين و بيعطونج اكثر من ديزاين و انتي تختارين الي تبين ...

و اذا تبينه صج صج بروفشنال ...عليج من اول صفحه لانه دايماً اول صفحه اهم صفحه ...لو شكله مب مشجع محد بيقرب من كتابج حتى لو كتابج قيم ! حاولي قد ماتقدرين تخلين شكل جلد الكتاب يكون مميز و راقي و غير هاي ركزي على نوعيه الورقه الي راح تختارينه لجلد كتابج ...كل ما كان نوعيه الورقه احسن...التصميم و الوان التصميم بيكون اشيك : )... طبعاً بالنسبه لنوعيه الاوراق المستخدمه للجلد و غيره ...في المطابع في مختصين تقدرين تستشيرينهم في كل هل السوالف

نسيت اقول لج ش مهم !

بخصوص الصور المستخدمه في الكتاب ! لازم وضوحها يكون حوالي 250 بيكسل او اكثر ولا وقت الطباعه بيطلع اي كلام ! ركزي في هاي لانه مهم جداً

ذيبة الريان

04-08-2008, 03:02 AM

يعطيك العافيه أخوي الفاضل ,,

خليتني أركز على نقاط مهمة جداً ,,

ومثل ماقلت ,, أنا ودي كتابي يكون راقي وجذاب من الجلده للجلد ,,

وتكون حتى الأوراق راقية وفخمة ,,

جزاك الله خير ,, وبيض الله وجهك

ماتقصر أخوي

ذيبة الريان

04-08-2008, 03:05 AM

هذا الرابط يحتوي على مُقدمة ونبذة عن الكتاب :

http://www.qatarshares.com/vb/showthread.php?t=191878

تمنياتي أن ينال على إعجابكم ,,