ودي اسئلكم ( سمعت من زميلي ) ان التغبيره اللى تنحط للسفر قد تكون

[عليان قطر]

مساء الخير
وعساكم بخير

والكلام يكثر والسوالف تزيد لما يكون دوامك طويل

عموما

صحيح ما قال
ان التغبيره ممكن تخرب ماكينة السيارة لو دخلت بداخلها
ودي اسئل العارفين والمجربين:omen2:

[My Trip]

اذا تبي الصج انا مادري اذا التغبيه اتخرب المكينه

انا الي اعرف انه اطير لمعة السيارة ,,,

[عليان قطر]

اشوف اللوكس افضل بكثير

بس لا تحط لوكس على خطوط الموتر
لأنه قوي وممكن يخرب الخط

[هارودز قطر]

^^

اخوي اذا بتحط صابون حط اخس نوع .. لان مفعوله يكون اقل

[القارمن]

التغبيره ب 30 ريال

والوكس ب 5 ريال

لكن الوكس لاتحطه علطول لانه يتفاعل مع صبغ الموتر وياثر

فينصح انك تشيله اول ماتوصل

[راعي ال2008 الاسود]

انا اشوف اللوكس احسن من التغبيرة

[مالك أمل]

ضربت خط لمكه وكان فيه رياح شديدة وأول مابدأت هذه الرياح في الهبوب
ع طوووووووووول أقرب محطة وقوطيين تغبيرة ب 50 ريال ولطست ويه الموتر والزوايا والمرايات
والحمد لله جات على ماتمنيت ، بس سمعت أن التغبيرة تسكر فتحات الرديتور وأول مارجعت الدوحة غسلت الموتر ونصف الغسيل على ويه الموتر والرديتور .

فرضاً ماحطيت تغبيرة أو لم أجد لوكس كان ويه الموتر صار من صيد أمس

[اللهب]

التغبيرة يطيرها الهواء العادي وانت مسرع كيف لو فية عج يعني الفيري او الوكس احسن وانا مجربها

[ولد شرق]

اخوي عندك الفلم الشفاف في شارع السد...

[MESO]

عن نفسي لاتغبيره ولا شي متوكل علا ربي

اللوكس جربناه علا موت ولد عمي وصارت البانه صفره من اللوكس وحتى المرايات الى عاليمين واليسار صارو صفر

والتغبيره تدش في كل زاويه فالموتر لا غسلته وبعد كم يوم شفته وفتحت البانه تراب ماتدري من وين

اقبظ خطك بلاتغبيره وبلا لوكس واللوكس الى بتحطه وفره لصحون البيت احسن

[جاسم القطري]

التغبيره ما تنفع على سرعات عاليه يعني اعتقد فوق 140 ما راح تلقى شي بقى

من التغبيره على وجه الموتر

تأثير التغبيره على مكينه السياره.... السبب بسيط

لو تشوف الراديتر مال السياره راح تلقاه فيه فتحات صغيره عشان يدخل يبرد الراديتر ويدخل

هوا على المكينه ... والتغبيره تسكر هالفتحات الصغيره وتخلي حراره الموتر ترتفع والمكينه تتأثر

طبعا بعض السيارات وخاصه الالمانيه مبرمجينها اول ما ترتفع الحراره تطفي السياره

عشان ما تخبط المكينه بس اذا طفت ما راح تشتغل بسرعه الا اذا بردت المكينه

[السني 73]

من اشين الاشياء واوصخ حماية حطيتها على الموتر التغبيرة .... لا واول مامشيت في نص الطريق الا طارت من الصدام واكثر الوجه .... وحاسب من اللوكس لا يجي على اقليتات الموتر تراه يطير اللمعه .

[عليان قطر]

يعني اكل اجمع على ان اللوكس افضل بكثير
بالرغم من عيوبه المذكوره


والسفر في الليل تقريبا يقلل من اي خدوش او ضربات في وجه السياره

عموما

الله يحفظنا ويحفظكم من كل مكروه

والف شكر لكم


اخوكم


عليان قطر

[بوسعود180]

حمايه على وجهية السياره الله لايهينك وتوكل على الله لاتغبيره ولا لوكس اللي لافيهم لامنظر حلو ولا فايده

[A.L.I]

انا اشوف اللوكس احسن من التغبيرة




:nice::nice::nice::nice:

[hamoor4ever]

حرك باليل اخوي من غير تغبيره ولا لوكس وامورك سهالات بأذن الله

[الدنيا تجارب]

ماتخرب الماكينه
بس في اغبيه يرشون ع الردايتر
سلام عليكم

[راعي المواجيب]

شامبو لادموع بعد اليوم ..

مايأثر على صبغ السيارة .. عكس الفيري

-------------------

هذا الرد منقول من ساحة السيارات يمكن يفيدك:

1- استخدام صابون فيري وتركه فترة على السيارة يبهت اللون .. فيري يحتوى على مركبات كيمائية قوية .. مع طول الفترة والشمس ستضرر سيارتك

2- يمكنك استخدام التغبيرة ( علبة رش ) خاص للسيارات لايؤثر على الصبغ .. عيوبه يحتاج إلى غسلة متقنة أو غسلتين حتى يزول .. وأظن تحتاج إلى علبة أو علبتين حسب المناطق التي تريد حمايتها وسعرها بحدود 30 ريال لا أذكر

3- انتبه من التغبيرة الشفافة (منتج جديد) لاتدوم على السيارة وتزول مع العج .. ولن تستفيد شئيا

4- البرقع من مساوئه .. بعض أنواعه يمنع الهواء من الدخول للسيارة حسب طريقة التفصيل ممايسبب زيادة في الحرارة .. وبعض الأنواع يترك آثار على هيكل السيارة ( زي ماتلبس فانيلة أبو علاق فترة بدون تغيير .. راح تخط )

5- يوجد عازل حماية شفاف جلاد لكل السيارة ويمكن أن تختار تلبيس جزء .. يوجد عليه ضمان حسب نوع المنتج وهو أفضل حل ويستمر معك ويحمي الصبغ ويحافظ على اللمعان .. عيبه قد يكلفك أكثر من 2500 ريال للسيارة حسب الحجم .

6- الحل الذي أستخدمه ( شامبو الأطفال جونسون ) لادموع بعد اليوم ، مكوناته لاتؤذي بشرة الطفل فضلا عن السيارة .. ولا تؤذي الصبغ حتى وإنت تأخرت في غسله

7- الحل الأخير لحماية مقدمة السيارة إن لم تعجبك الحلول السابقة .. يمكن السفر بالريوس (r) وبإذن الله لن تتأذى المقدمة

الكاتب النجم

------------

[DW4]

توافيق من ربي

[فلفل حار]

حرك باليل اخوي من غير تغبيره ولا لوكس وامورك سهالات بأذن الله

:nice::nice:

[hxamad]

أحسلك سافر باليل ووفر فلوسك

[ولد شرق]

7- الحل الأخير لحماية مقدمة السيارة إن لم تعجبك الحلول السابقة .. يمكن السفر بالريوس (r) وبإذن الله لن تتأذى المقدمة

الكاتب النجم

------------

ههههههههههههه ضحكتني والله

[همر]

برقع تفصيل طالبه على النت من امريكا مع اغطيه للمرايا ... ماركه... ومضمون... جلد محترم... بطانه تحافظ على صبغ السياره... ثابت ومفصل صح ما يلعب عالخط... وروح يالمجروح .... :nice:

[عليان قطر]

همر


من امريكا

والعرب ما عندهم شي

[لوسيل]

حرك باليل اخوي من غير تغبيره ولا لوكس وامورك سهالات بأذن الله



أنا مع أخوي هامور وأحسن شي بالليل لا عج ولا خرابيط أمش وأنت بحفظ الله :nice:

[Grand T]

حط لم عازل من حمايه............ااحسن شي فيه انه ضمان مدى الحياه