ايهما أفضل للحوش ( البلاط ) أو ( الأنترلوك ) ؟؟

[بوحارب]

http://www.qatarshares.com.qa/data/208/211/storm_2097720212_516674653.gif


شحالكم يالربع :shy:


كل واحد له راي في تبليط الحوش

فالبعض يحب البلاط الشعبي والبعض الأنترلوك

وبعضهم الجرانييت :eek5: وووو

أنت لو جيت تبلط حوشك وش بتركب له ؟؟

والسؤال الأهم : ما هو الأرخص البلاط أو الأنترلوك !!;)

[حالي الذوق]

توبه اني اركب الأنترلوك في الحوش

البلاط وبس:nice:

اما عن السعر ما عندي اي فكره:eek5:

[naklan]

الارخص البلاط الشعبي والاجمل الانتر لوك وميزته تقدر تشيله وترجعه وهو اقوا وممكن تشكل فيه رسوم واشكال هندسيه جميله والاغلا هوا الرخام واغلى منه القرانيت والي يركبه في حوشه يكون بايع الاسهم كلها وربحان فيها وبالتوفيق يابو حارب

[abu-nawaf]

اخوي روح بيت العمر للبلاط الاماراتي قرب دوار الصناعية نهاية طريق سلوى( الغانم) قرب محلات السيراميك قطر اعالمية فدرال للحديد

[بويوسف]

والله اظن ان البلاط العادي افضل (التيرازو) الانترلوك اذا بتحطه بمدخل البيت مع تصميم لزراعة ممكن يكون حلو ومرتب .. بس اهم شي يكون تركيبه بطريقه صحيحة

[بوحارب]

توبه اني اركب الأنترلوك في الحوش

البلاط وبس:nice:

اما عن السعر ما عندي اي فكره:eek5:

ليش توبه تركب بلاط ؟؟ :eek5:

[بوحارب]

الارخص البلاط الشعبي والاجمل الانتر لوك وميزته تقدر تشيله وترجعه وهو اقوا وممكن تشكل فيه رسوم واشكال هندسيه جميله والاغلا هوا الرخام واغلى منه القرانيت والي يركبه في حوشه يكون بايع الاسهم كلها وربحان فيها وبالتوفيق يابو حارب

تسلم :nice:



اخوي روح بيت العمر للبلاط الاماراتي قرب دوار الصناعية نهاية طريق سلوى( الغانم) قرب محلات السيراميك قطر اعالمية فدرال للحديد

يعطيك العافية ع التوضيح:)

[بوحارب]

والله اظن ان البلاط العادي افضل (التيرازو) الانترلوك اذا بتحطه بمدخل البيت مع تصميم لزراعة ممكن يكون حلو ومرتب .. بس اهم شي يكون تركيبه بطريقه صحيحة

الله يعطيك العافية يابويوسف على الراي الطيب

:)

[اّل ثاني 77]

بالنسبة لي أفضل الانترلوك
واولا واخيرا الخيار لك :telephone:

[جوال 11]

عليك ببلاط الأمارات ولكن لابد من البودرة مع رشة ماء أو صبية اذا بتمشي عليه السيارات ولا تحط الشعبي لأنه يتغير لونه.

وبالتوفيق

[بوحارب]

بالنسبة لي أفضل الانترلوك
واولا واخيرا الخيار لك :telephone:

وانا أفضل الأنترلوك

اذا تعرف مكان يبيع انترلوك خبرني ولا تهون ! :)

[ريان]

الانترلوك مشكلته التفكك بعد فتره

وكثره النمل .

اما البلاط تاخذه من الاحساء انواع حلوه مربع وسداسي وألوان كثيره .


بالتوفيق -يابوحارب

وذا بديت في البناء ازعجتك بالاسئله :deal:

[القناص]

كم متر البلاط الشعبي للشراء
كم سعر التركيب

[القناص]

الانترلوك مشكلته التفكك بعد فتره

وكثره النمل .

اما البلاط تاخذه من الاحساء انواع حلوه مربع وسداسي وألوان كثيره .


بالتوفيق -يابوحارب

وذا بديت في البناء ازعجتك بالاسئله :deal:

كم سعره هل أرخص من الدوحة

[srs]

بوحارب شلونك نصيحتي لك انترلوك عشان الشكل الجمالي اما الشعبي قديم ما فهمت علامه الاستفهام

[الامانه]

احسن شي كسر رخام
يدوم سنين ومايتغير

[Qatar Flash]

انا شريت بورسلان للحوش وتوبه اسوي انترلوك
تدري ليش ؟
1. انظف ,, يعني تقدر تخمه بالمخمة العادية بدون تعب ولا يجمع تراب مثل الانترلوك
2. تستخدم كمية بسيطة من الماي وتسحبة بالممسحة بينما الانترلوك يحتاج ماي ضغط قوي
3. الالوان الفاتحة تعطي مساحة اكبر من الانترلوك الغامق ( خداع بصري )

[الوعد2016]

الانتر لوك يكون افضل مكان لنمل هذا اكبر عيب فيه بس ولكن اذا جاء مطر يشرب الماء بسرعه واذا كل يوم بتغسل سيارتك فوق الانتر لوك مراح تدفع غرامه ب10000 الف ريال تحايل على مفتش البلديه

[راعي السهم الأول]

*
:victory:
إذا على البلاط الحلو فيه ثباته وسهولة تنظيفه أما الأنترلوك ميزته أن تقدر تشيله وتركبه فأي وقت ويعتمد على اللي بيركبه بطريقه صحيحه يكون متماسك وثابت ومافي فراغات تأثر عقب من أي شي مواتر داخله وطالعه أهم شي فالمستقبل يتنظف بشكل دوري عشان يتم لونه ومظهره مرتب ونظيف لن نوعيته أساسا خشنه وتاخذ غبره وتراب

:rolleyes2:

(( إستفسار ملطوش من برا المنتدى عشان يفيدك))

(س)
وصلت الان في مرحلة تبليط الحوش
وبأذن الله راح اركب انتر لوك
تم ادخال الدفان { مخلوط } بودرة + حصى
السؤال
مالعمل بعد هذي الخطوة
وايهما أفضل قبل الدفن البودرة او الرمل الناعم
؟؟؟؟؟؟؟؟؟؟

(ج)
انصحك بعد تسوية البودره وعمل الميول اللازمه الاكثار من رش الماء وتركه حتى يتغلغل الى الاسفل ( من مرتين الى ثلاث مرات ) بفاصل ثلاثة ايام عن كل مره
ثم دك البودره بمكائن الدك 2 طن
ثم
ركب الانترلوك بالرمل الناعم المرشوش بالماء من 3 الى 5 سم
ثم بعد التركيب وضع الرمل الناعم بين الفواصل

:rolleyes2:

(( رابط ممكن يفيدك ))
7
7
http://www.qatarshares.com/vb/showthread.php?t=63902

:shy:
تحيـــــــــــــــاتي

[ريان]

كم سعره هل أرخص من الدوحة


سعره 21 ريال للمتر .

والتريله يوفرها لك صاحب المحل واسعارهم 1200 تقريبا .

والبلاط سميك جدا . وزن البلاطه -- 5 او 7 كيلو .ناسي كم بالضبط .



احسن شي كسر رخام
يدوم سنين ومايتغير


البلاط اللى اتكلم عنه كسر رخام .

[القناص]

سعره 21 ريال للمتر .

والتريله يوفرها لك صاحب المحل واسعارهم 1200 تقريبا .

والبلاط سميك جدا . وزن البلاطه -- 5 او 7 كيلو .ناسي كم بالضبط .



21 ريال بدون التركيب صح

[KhalidQ]

انا مسوي الحوش ب23 الف ريال انترلك

17 الف ريال قيمة الانترلك و 6 الف ريال شغل التركيب

الوالد مركب انترلك من 10 سنين و الصراحه الانترلك لو

مو تمام ما كان الرصيف انترلك

البلاط للغرف و الانترك للحوش

اذا ركبت بلاط ما تقدر تركب بيب ارضي اذا سويت ملحق

خارجي مع خزان ماي

اذا ركبت انترلك تقدر تشيله و تركبه مره ثانيه واذا صار

للحوش انخفاض او تضاريس تقدر تعيد ترتيبه من جديد

وهكذا تستمر الحياه (اش دخل)

[ريان]

21 ريال بدون التركيب صح



اكيد اخوي بدون تركيب

[حالي الذوق]

ليش توبه تركب بلاط ؟؟ :eek5:

تقصد الأنترلوك


الأنترلوك يجمع تراب:telephone:
مكان يعيش فيه النمل:weeping:
صعب تنظيفه:omen2:

[فلان]

شوف اذا عندكم بزران يلعبون في الحوش خشيشه و رين ترى الطيحه على الانترلوك شينه والله يوفقك

http://farm3.static.flickr.com/2250/2386690009_f23d16bbcd.jpg?v=0

[Khalid222]

في تقنيات جديدة قديمة غير البلاط والانترلوك العادي... Stamped concrete
صبية من الاسمنت والكنكريت او الجابرو مع الرمل تصب ومن ثم تشكل على حسب انواع الاشكال الموجودة عند الشركة الي اتعامل بمثل ها الحلول... مهم جدا النوعية .. انا ركبت الانترلوك وشكله خيالي.. والحين افكر في البلاط المعتق الي يعطيك الوك الاوربي... غالي بس يستاهل.... وانصحك انك اتكبر اماكن الزراعة وتخلى الانترلوك بس ممرات وتهتم بتتمديدات الماء والكهرباء قبل اي شي على الاقل تمدد البيبات الي تقدر تمرر فيهم الكهرباء والماء .. والافضل انك تعزل الاثنين... ...

[قطري عصامي]

نصيحه اخويه ، لا بلاط ولا انترلوك ، اضرب الحوش بصبية اسمنت احسن، هذا اذا بغيت شي يعمر ، اما البلاط واللانترلوك فمساوئهما معروف واذكروه الشباب فوق

[قناص قطر]

السلام عليكم

اخوي انا مركب بالاحواش بلاط سعودي ممتاز ويستحمل الشيول والسيارات الثقيله

اما المدخل الرئيسي للمجمع مركب انترلوك بس بشرط تحط تحت الانترلوك ديزل عن النمل والحشرات

والله الانترلوك زين ويستحمل وسهل تقدر تشيله باي وقت

[اّل ثاني 77]

وانا أفضل الأنترلوك

اذا تعرف مكان يبيع انترلوك خبرني ولا تهون ! :)

ابشر :)

[khaldoon]

هلا والله بوحارب


لاحظت من ناس وايد انهم يفضلون يركبون بلاط كسر رخام على انهم يركبون انترلوك

الانترلوك لو ما دكيت الارضيه تحته و جابت نسبة دك لا تقل عن 95% mdd

و لو ما رشيت الارض من الحشرات من شركة مختصه و عطوك شهاده

و لو ما سويت صبية خرسانه مع شبك حديد 10*10 ملم كل 15-20 سم علشان اوزان السيارات بسماكه لا تقل عن 12-15 سم

و لو ما كان سمك الرمل المغسول (غالي بس افضل علشان النمل و هو نوعيته احسن طبعا) اكثر من 7 سم كحد اقصى (البودره قويه بس ممكن تنفخ فممكن تخلطها مع الرمل لو مسترخص)


و لو ما كان الانترلوك من النوع السميك اصلا (7سم+) (وما راح اقول الخلطه تحتوي على جرانيت لانه مجرد بيت)

و لو ما غطيت الانترلوك بالرمل بعد التركيب و مشيت عليه دكاكه متوسطة الحجم

لو ما سويت هذه الاشياء فالنتيجه التهبيط بالانترلوك و ظهور الحشرات

بس اعتقد انه بجميع الاحوال ما راح ترتاح من النمل الاسود

الانترلوك تقدر تفكه وتعيد تركيبه...و يبيله معلم

البلاط ربما اجمل بس زود ال expansion joints علشان ما ينفخ و يقب لفوق

تحياتي :victory:

[بوحارب]

بيض الله وجيهكم جميعاً

لي عودة لك رد أن شاء الله ^ ــ ^

[بوحارب]

عليك ببلاط الأمارات ولكن لابد من البودرة مع رشة ماء أو صبية اذا بتمشي عليه السيارات ولا تحط الشعبي لأنه يتغير لونه.

وبالتوفيق

حطينا بلاط الأمارات في بيت الواد وطلع اخرطي :nice:

الله يوفق الجميع


الانترلوك مشكلته التفكك بعد فتره

وكثره النمل .

اما البلاط تاخذه من الاحساء انواع حلوه مربع وسداسي وألوان كثيره .


بالتوفيق -يابوحارب

وذا بديت في البناء ازعجتك بالاسئله :deal:

حاظرين للطيبين :)

[بوحارب]

كم متر البلاط الشعبي للشراء
كم سعر التركيب
:rolleyes2:


بوحارب شلونك نصيحتي لك انترلوك عشان الشكل الجمالي اما الشعبي قديم ما فهمت علامه الاستفهام

هلا وغلا اخوي:)

اكيد انتر لوك ولا في اذني الماي بعد :victory:


احسن شي كسر رخام
يدوم سنين ومايتغير

كسر الرخام هو البلاط:nice:

[بوحارب]

انا شريت بورسلان للحوش وتوبه اسوي انترلوك
تدري ليش ؟
1. انظف ,, يعني تقدر تخمه بالمخمة العادية بدون تعب ولا يجمع تراب مثل الانترلوك
2. تستخدم كمية بسيطة من الماي وتسحبة بالممسحة بينما الانترلوك يحتاج ماي ضغط قوي
3. الالوان الفاتحة تعطي مساحة اكبر من الانترلوك الغامق ( خداع بصري )

تسلم على الراي

بس انا مازلت عند راي وهو الأنترلوك:victory:


الانتر لوك يكون افضل مكان لنمل هذا اكبر عيب فيه بس ولكن اذا جاء مطر يشرب الماء بسرعه واذا كل يوم بتغسل سيارتك فوق الانتر لوك مراح تدفع غرامه ب10000 الف ريال تحايل على مفتش البلديه

هاهاهاهاهاا

لاهنت يالوعد :victory:

[بوحارب]

*
:victory:
إذا على البلاط الحلو فيه ثباته وسهولة تنظيفه أما الأنترلوك ميزته أن تقدر تشيله وتركبه فأي وقت ويعتمد على اللي بيركبه بطريقه صحيحه يكون متماسك وثابت ومافي فراغات تأثر عقب من أي شي مواتر داخله وطالعه أهم شي فالمستقبل يتنظف بشكل دوري عشان يتم لونه ومظهره مرتب ونظيف لن نوعيته أساسا خشنه وتاخذ غبره وتراب

:rolleyes2:

(( إستفسار ملطوش من برا المنتدى عشان يفيدك))

(س)
وصلت الان في مرحلة تبليط الحوش
وبأذن الله راح اركب انتر لوك
تم ادخال الدفان { مخلوط } بودرة + حصى
السؤال
مالعمل بعد هذي الخطوة
وايهما أفضل قبل الدفن البودرة او الرمل الناعم
؟؟؟؟؟؟؟؟؟؟

(ج)
انصحك بعد تسوية البودره وعمل الميول اللازمه الاكثار من رش الماء وتركه حتى يتغلغل الى الاسفل ( من مرتين الى ثلاث مرات ) بفاصل ثلاثة ايام عن كل مره
ثم دك البودره بمكائن الدك 2 طن
ثم
ركب الانترلوك بالرمل الناعم المرشوش بالماء من 3 الى 5 سم
ثم بعد التركيب وضع الرمل الناعم بين الفواصل

:rolleyes2:

(( رابط ممكن يفيدك ))
7
7
http://www.qatarshares.com/vb/showthread.php?t=63902

:shy:
تحيـــــــــــــــاتي


:eek5::eek5::eek5::eek5:

اشكر فنك وتسلم على الرابط العجيب:)

[بوحارب]

انا مسوي الحوش ب23 الف ريال انترلك

17 الف ريال قيمة الانترلك و 6 الف ريال شغل التركيب

الوالد مركب انترلك من 10 سنين و الصراحه الانترلك لو

مو تمام ما كان الرصيف انترلك

البلاط للغرف و الانترك للحوش

اذا ركبت بلاط ما تقدر تركب بيب ارضي اذا سويت ملحق

خارجي مع خزان ماي

اذا ركبت انترلك تقدر تشيله و تركبه مره ثانيه واذا صار

للحوش انخفاض او تضاريس تقدر تعيد ترتيبه من جديد

وهكذا تستمر الحياه (اش دخل)

لاهنت يالقحطاني على الراي هذا

ممكن تخبرنا من وين شريت الأنترلوك وعلى كم ومتى :shy:

:)


تقصد الأنترلوك


الأنترلوك يجمع تراب:telephone:
مكان يعيش فيه النمل:weeping:
صعب تنظيفه:omen2:

اهااااااا

يمكن النمل يحبك :shy:


:victory:

[بوحارب]

شوف اذا عندكم بزران يلعبون في الحوش خشيشه و رين ترى الطيحه على الانترلوك شينه والله يوفقك

http://farm3.static.flickr.com/2250/2386690009_f23d16bbcd.jpg?v=0

ههههههههههههههههههههههههههههههه

حلوووة الصورة ^ ــ ^


في تقنيات جديدة قديمة غير البلاط والانترلوك العادي... Stamped concrete
صبية من الاسمنت والكنكريت او الجابرو مع الرمل تصب ومن ثم تشكل على حسب انواع الاشكال الموجودة عند الشركة الي اتعامل بمثل ها الحلول... مهم جدا النوعية .. انا ركبت الانترلوك وشكله خيالي.. والحين افكر في البلاط المعتق الي يعطيك الوك الاوربي... غالي بس يستاهل.... وانصحك انك اتكبر اماكن الزراعة وتخلى الانترلوك بس ممرات وتهتم بتتمديدات الماء والكهرباء قبل اي شي على الاقل تمدد البيبات الي تقدر تمرر فيهم الكهرباء والماء .. والافضل انك تعزل الاثنين... ...

هذي التقنيات حق واحد عنده سيوله كافيه

ولواحد بيسكن البيت ويبي يدلع عمرهـ :victory:

تسلم خالد على هالنصايح اللي من ذهب والله يوفقك :)


نصيحه اخويه ، لا بلاط ولا انترلوك ، اضرب الحوش بصبية اسمنت احسن، هذا اذا بغيت شي يعمر ، اما البلاط واللانترلوك فمساوئهما معروف واذكروه الشباب فوق

الصبيه يبيلها ملايين يالعصامي :eek5:

[بوحارب]

السلام عليكم

اخوي انا مركب بالاحواش بلاط سعودي ممتاز ويستحمل الشيول والسيارات الثقيله

اما المدخل الرئيسي للمجمع مركب انترلوك بس بشرط تحط تحت الانترلوك ديزل عن النمل والحشرات

والله الانترلوك زين ويستحمل وسهل تقدر تشيله باي وقت

وعليكم السلام

البلاط حلو بس انا احب الأنترلوك:nice:

ممكن تقولي كيفيه وضع الديزل تحت الأنترلوك

لأني اول مرة اسمع بهالكلام:omg:

الله يعطيك العافية


ابشر :)


:shy:

[بوحارب]

هلا والله بوحارب


لاحظت من ناس وايد انهم يفضلون يركبون بلاط كسر رخام على انهم يركبون انترلوك

الانترلوك لو ما دكيت الارضيه تحته و جابت نسبة دك لا تقل عن 95% mdd

و لو ما رشيت الارض من الحشرات من شركة مختصه و عطوك شهاده

و لو ما سويت صبية خرسانه مع شبك حديد 10*10 ملم كل 15-20 سم علشان اوزان السيارات بسماكه لا تقل عن 12-15 سم

و لو ما كان سمك الرمل المغسول (غالي بس افضل علشان النمل و هو نوعيته احسن طبعا) اكثر من 7 سم كحد اقصى (البودره قويه بس ممكن تنفخ فممكن تخلطها مع الرمل لو مسترخص)


و لو ما كان الانترلوك من النوع السميك اصلا (7سم+) (وما راح اقول الخلطه تحتوي على جرانيت لانه مجرد بيت)

و لو ما غطيت الانترلوك بالرمل بعد التركيب و مشيت عليه دكاكه متوسطة الحجم

لو ما سويت هذه الاشياء فالنتيجه التهبيط بالانترلوك و ظهور الحشرات

بس اعتقد انه بجميع الاحوال ما راح ترتاح من النمل الاسود

الانترلوك تقدر تفكه وتعيد تركيبه...و يبيله معلم

البلاط ربما اجمل بس زود ال expansion joints علشان ما ينفخ و يقب لفوق

تحياتي :victory:



واااااااوووووووو ما شاء الله عليك بش مهندس خلدون

اتحفتني بهالمشاركة :)

تسلم والله يعطيك العافية

[khaldoon]

واااااااوووووووو ما شاء الله عليك بش مهندس خلدون

اتحفتني بهالمشاركة :)

تسلم والله يعطيك العافية

حياك الله يا الغالي

احنا بالخدمه ...انت تؤمر بس :victory:

[امـ عبدالله]

مافي احسن من لتراب السيفه بو الصبااان عشان اتخمه بالعسوو خخخخخخخ

بلاط الحكومه تندر وطلع الكنكري

والبلااط الابيض الناعم ماعرف اسمه حاار ويحرق ريول الياهال في الصيف

جرب الانترلووك يمكن ابرد وجان تبي انتر لوك ابلااش

روح اقرب رصيف بتحصل لهنود يا حاطينه يا شايلينه

عاد انت حمله في سيارتك واعطهم ايجازه خخخخخخخخ

[الحوت-141]

بلاط شعبي أفضل

[المرعب]

بوحارب اخوي مركب البلاط السعودي الصراحه عجيب ونقشات فيه وحركات واعتقد انه 80×80يعني اذا عندكم مساحه كبيره وتبي تجيب من السعوديه اعتقد اوفرلك واذا تبي ارقام مصناع في السعوديه بلغني على الخاص عشان مادخل النت دوم

[المرعب]

هذا رابط الدليل التجاري في السعوديه يعني اي مصنع او اي شي تبيه بيطلعلك رقمه للاستفاده

http://www.yellowpages.stc.com.sa/index.php

[بوحارب]

حياك الله يا الغالي

احنا بالخدمه ...انت تؤمر بس :victory:

ما يامر عليك عدو يالحبيب:)

[بوحارب]

مافي احسن من لتراب السيفه بو الصبااان عشان اتخمه بالعسوو خخخخخخخ

بلاط الحكومه تندر وطلع الكنكري

والبلااط الابيض الناعم ماعرف اسمه حاار ويحرق ريول الياهال في الصيف

جرب الانترلووك يمكن ابرد وجان تبي انتر لوك ابلااش

روح اقرب رصيف بتحصل لهنود يا حاطينه يا شايلينه

عاد انت حمله في سيارتك واعطهم ايجازه خخخخخخخخ

ههههههههههههااااااااايييييييي


فكرة عجيبة :secret:

تسلمين ع المرور

[بوحارب]

بلاط شعبي أفضل

تسلم على الراي:nice:

[بوحارب]

بوحارب اخوي مركب البلاط السعودي الصراحه عجيب ونقشات فيه وحركات واعتقد انه 80×80يعني اذا عندكم مساحه كبيره وتبي تجيب من السعوديه اعتقد اوفرلك واذا تبي ارقام مصناع في السعوديه بلغني على الخاص عشان مادخل النت دوم


هذا رابط الدليل التجاري في السعوديه يعني اي مصنع او اي شي تبيه بيطلعلك رقمه للاستفاده

http://www.yellowpages.stc.com.sa/index.php

بيض الله وجهك يالمرعب:victory:

[مستثمره جديده]

http://tablerockasphalt.com/images/stamp2.jpg

http://img.alibaba.com/photo/11156181/Stamped_Concrete_Wall_And_Floor.jpg

طبعا افضل شي لحوش البيت هو Stamped Concrete و هو عبارة عن أرضيات

خرسانية يتم صبها في الموقع و يمكن أن تتخذ أشكل و تصميمات متعددة و بالطبع تتميز

بقوة تحملها و عدم وجود فواصل في الأرضية...

وهذا رابط لاستفسار احد الاخوه الاعضاء وهو نفس موضوع استفسارك ممكن انك

تستعين ببعض الاراء اللي فيه :)

http://qatarshares.com/vb/showthread.php?t=50535

[بوحارب]

http://tablerockasphalt.com/images/stamp2.jpg

http://img.alibaba.com/photo/11156181/Stamped_Concrete_Wall_And_Floor.jpg

طبعا افضل شي لحوش البيت هو Stamped Concrete و هو عبارة عن أرضيات

خرسانية يتم صبها في الموقع و يمكن أن تتخذ أشكل و تصميمات متعددة و بالطبع تتميز

بقوة تحملها و عدم وجود فواصل في الأرضية...

وهذا رابط لاستفسار احد الاخوه الاعضاء وهو نفس موضوع استفسارك ممكن انك

تستعين ببعض الاراء اللي فيه :)

http://qatarshares.com/vb/showthread.php?t=50535

صباح الخير المستثمره

الصراحة روووعه وشغل نظيف بس هالشي مكلف وايد

واخوج ماعنده ذيك السيوله الكافيه :nice:

تسلمين ع المشاركة الطيبة:)

[khaldoon]

http://tablerockasphalt.com/images/stamp2.jpg

http://img.alibaba.com/photo/11156181/Stamped_Concrete_Wall_And_Floor.jpg

طبعا افضل شي لحوش البيت هو Stamped Concrete و هو عبارة عن أرضيات

خرسانية يتم صبها في الموقع و يمكن أن تتخذ أشكل و تصميمات متعددة و بالطبع تتميز

بقوة تحملها و عدم وجود فواصل في الأرضية...

وهذا رابط لاستفسار احد الاخوه الاعضاء وهو نفس موضوع استفسارك ممكن انك

تستعين ببعض الاراء اللي فيه :)

http://qatarshares.com/vb/showthread.php?t=50535


اختي بأكد لج انه ما ينفع من غير فواصل تمدد مع الحر في الحوش خصوصا لانه بيصير تشققات و بقب لفوق

:victory:

[r07]

هلا والله بوحارب


لاحظت من ناس وايد انهم يفضلون يركبون بلاط كسر رخام على انهم يركبون انترلوك

الانترلوك لو ما دكيت الارضيه تحته و جابت نسبة دك لا تقل عن 95% mdd

و لو ما رشيت الارض من الحشرات من شركة مختصه و عطوك شهاده

و لو ما سويت صبية خرسانه مع شبك حديد 10*10 ملم كل 15-20 سم علشان اوزان السيارات بسماكه لا تقل عن 12-15 سم

و لو ما كان سمك الرمل المغسول (غالي بس افضل علشان النمل و هو نوعيته احسن طبعا) اكثر من 7 سم كحد اقصى (البودره قويه بس ممكن تنفخ فممكن تخلطها مع الرمل لو مسترخص)


و لو ما كان الانترلوك من النوع السميك اصلا (7سم+) (وما راح اقول الخلطه تحتوي على جرانيت لانه مجرد بيت)

و لو ما غطيت الانترلوك بالرمل بعد التركيب و مشيت عليه دكاكه متوسطة الحجم

لو ما سويت هذه الاشياء فالنتيجه التهبيط بالانترلوك و ظهور الحشرات

بس اعتقد انه بجميع الاحوال ما راح ترتاح من النمل الاسود

الانترلوك تقدر تفكه وتعيد تركيبه...و يبيله معلم

البلاط ربما اجمل بس زود ال expansion joints علشان ما ينفخ و يقب لفوق

تحياتي :victory:



طيب ايش ارخص الإنترلوك مع تكلفت المواد الثانيه المستخدمه للتركيب ولا البلاط اللي ب 30 او 35 للمتر.

[بوحارب]

طيب ايش ارخص الإنترلوك مع تكلفت المواد الثانيه المستخدمه للتركيب ولا البلاط اللي ب 30 او 35 للمتر.

سعر الأنترلوك والبلاط نفس الشي تقريبا:)

انا توني شاري انترلوك على 35 للمتر

[بوخالد911]

سعر الأنترلوك والبلاط نفس الشي تقريبا:)

انا توني شاري انترلوك على 35 للمتر



هلا

من وووين شريته؟؟؟

:omg::eek5::omg:

[khaldoon]

سعر الأنترلوك والبلاط نفس الشي تقريبا:)

انا توني شاري انترلوك على 35 للمتر


صحيح كلامك يا الغالي و اعتقد هالشي من عشر سنوات انه السعر تقريبا واحد او قريب من بعض بس الناس تفضل البلاط علشان النمل في الانترلوك

[بوخالد911]

الصراحة

البلاط لما تغسله أسهل بوااايد من الانترلووك

وكم القرار

؛؛؛

[Some-One]

فيه صور للبلاط السعودي ؟

[بوحارب]

تسلمون ع المرور والدوريات والخويا ^ ـ ^

[محمد البحرين]

فيه صور للبلاط السعودي ؟

نفس السؤال وشكر للمنتدى الرائع ولصاحب الموضوع

تحياتي

[مساهم فنان]

أرى الاختيار بين الاثنين حسب الذوق والشخصية ، فإن كنت تحب أن تغير كل فترة أماكن الزراعة فالإنترلوك أفضل ، وإن كنت غير ذلك فالبلاط أفضل والحوش يكون أنظف من الرمل والنمل وغير ذلك .
مع التحية

[السامـي]

بوحارب..كيف حالك؟.



أنت لو جيت تبلط حوشك وش بتركب له ؟؟
!!;)
أنترلوك..
لك..وللزمن!.

[الوفي]

بوحارب انا توني في بداية البناء لكــــــــن........
أسأل مجرب ولا تسال طبيب فعلشان كذا الي أتضح لي من تجارب الاصدقاء والاقارب.......
البلاط....((السلبيات))
مثلا في بيت الوالد لنا 29 سنه بالبيت من يوم ركب بلاط التورازو وانا أشوف ان البلاط الاماراتي الي مع كسر رخام او العادي هو تقريبا الاقرب من تركيبة وسمك التورازو وطبعا على حسب الحجم...
الي صاير في بيتنا انه ممتاز للحين عايش .... بس الله يعزك من صوب البياره ينزل يعني في مدار البياره دار مادار لان السيارات تدعس على غطى البالوعه فينزل البلاط على تحت.... وبعد... مكان الطبيله موقف السيارات وبعد بيوت الناس الي اعرفهم...
((الايجابيات)) يعيش اذا كان التركيب صح يعني مثلا يكثر الطبقة السفليه من الاسمنت تحت البلاطة...
سهل الغسيل للحوش...
سهل المرور والمشي عليه لكنه خطر بالمطر يزلق خاصة الحريم الي يلبسون كعب..
الانترلوك...((سلبياته))
ينتج منه فتحات تولد بيوت للنمل وتظهر حولها الاعشاب...لو انكسر واحد منها او ظهر من مكانه سلم على الباقي لومر عليه موتر اولو فكوه اليهال....يجعل الحوش وعر من مشي او سواقه
((ايجابياته)) يصلح للزرع او للحدائق وللارصفه مايزلق .... شكله عجيب

بوحارب أنا بالنسبه لي أركب البلاط الاماراتي المتين وكثر الاسمنت وفيه أشكال وايد حلوه ويم الحديقة رصيف وفوقه انتر لوك وفوقة ليتات ارضية
تحياتي لك وأتمنى لك التوفيق....

[بوحارب]

أرى الاختيار بين الاثنين حسب الذوق والشخصية ، فإن كنت تحب أن تغير كل فترة أماكن الزراعة فالإنترلوك أفضل ، وإن كنت غير ذلك فالبلاط أفضل والحوش يكون أنظف من الرمل والنمل وغير ذلك .
مع التحية

تسلم يالفنان ع المرور :nice:


بوحارب..كيف حالك؟.

أنترلوك..
لك..وللزمن!.

هلا وغلا ابوحظين

بخير الله يسلمك

لاهنت ع المشاركة


بوحارب انا توني في بداية البناء لكــــــــن........
أسأل مجرب ولا تسال طبيب فعلشان كذا الي أتضح لي من تجارب الاصدقاء والاقارب.......
البلاط....((السلبيات))
مثلا في بيت الوالد لنا 29 سنه بالبيت من يوم ركب بلاط التورازو وانا أشوف ان البلاط الاماراتي الي مع كسر رخام او العادي هو تقريبا الاقرب من تركيبة وسمك التورازو وطبعا على حسب الحجم...
الي صاير في بيتنا انه ممتاز للحين عايش .... بس الله يعزك من صوب البياره ينزل يعني في مدار البياره دار مادار لان السيارات تدعس على غطى البالوعه فينزل البلاط على تحت.... وبعد... مكان الطبيله موقف السيارات وبعد بيوت الناس الي اعرفهم...
((الايجابيات)) يعيش اذا كان التركيب صح يعني مثلا يكثر الطبقة السفليه من الاسمنت تحت البلاطة...
سهل الغسيل للحوش...
سهل المرور والمشي عليه لكنه خطر بالمطر يزلق خاصة الحريم الي يلبسون كعب..
الانترلوك...((سلبياته))
ينتج منه فتحات تولد بيوت للنمل وتظهر حولها الاعشاب...لو انكسر واحد منها او ظهر من مكانه سلم على الباقي لومر عليه موتر اولو فكوه اليهال....يجعل الحوش وعر من مشي او سواقه
((ايجابياته)) يصلح للزرع او للحدائق وللارصفه مايزلق .... شكله عجيب

بوحارب أنا بالنسبه لي أركب البلاط الاماراتي المتين وكثر الاسمنت وفيه أشكال وايد حلوه ويم الحديقة رصيف وفوقه انتر لوك وفوقة ليتات ارضية
تحياتي لك وأتمنى لك التوفيق....

بيض الله وجهك أخوي الوفي

ما قصرت والله:)

[رنج سبورت]

البلاط ايجابيات اكثر

[الحارثي2008]

يعطيكم العافية