ليه تجار المنتدى اسعارهم اغلى من تجار المنتديات الثانيه

[nor85]

انا حبيت اعرف ليه نفس البضاعه ونفس النوعيه القاها في منتديات خليجيه ارخص من عندنا في المنتدى والفرق كبير مش بسيط ممكن البعض يأيدني والبعض يعارض بس هذا اللي اشوفه وانتوا لكم الحكم

[بنت الدوحه]

هلا اختي نور

كلنا نشوف اسعار في منتديات ثانيه أرخص لان التاجرات ياخذونها بسعر أرخص وماتكون البضاعه متوفره هنا بقطر وتاجرات قطر ياخذون من تاجرات المنتديات الثانيه وطبعا ما تقدر التاجره تتخسر سعر البضاعه مع تكاليف الشحن وتبيع بنفس سعر التاجرات بالمنتديات الثانيه لازم تحط فائدتها عليها او تخسر

[nor85]

مشكوره اختي بنت الدوحه في انتظار الاخرين

[شمسة]

ربي ايوفقكم

[nor85]

وويوفق الجميع اختي شمسه

[الماسه79]

حبيبتي السوق عرض وطلب

والاسعار والبضاعه متاحه للجميع

البايع يعرض بضاعته بالسعر اللي يناسبه ويتفق مع جودة بضاعته ومصاريفه واتعابه

والمشتري له الخيار في الشراء سواء من داخل المنتديات او بالخارج

بالسعر اللي يريحه

[nor85]

حبيبتي السوق عرض وطلب

والاسعار والبضاعه متاحه للجميع

البايع يعرض بضاعته بالسعر اللي يناسبه ويتفق مع جودة بضاعته ومصاريفه واتعابه

والمشتري له الخيار في الشراء سواء من داخل المنتديات او بالخارج

بالسعر اللي يريحه

شكرا عزيزتي
بس باقولك على نوع من البضاعه اللي تنباع اهني بكم والمنتديات الثانيه بكم
مثلا المشد الاندونسي اهني ينباع 100- لين 70 برع 25 شوفي الفرق
طاوله اللابتوب شروها الاعضاء على 350 وبرع 170 بعد الفرق كبير

[umhend]

والله كلامج في مكانه بس ان جيتي للصج حتى المحلات الي برا يبيعون في قطر سعر وفي خارج قطر بسعر ثاني ارخص طبعا ... وفي بعض الدول يسمع لهجتج القطريه ويغلي السعر واذا قلتي اشمعنى يقول انتو اهل
الخير :)

[سوق واقف]

الحمد الله أسعاري الأرخص برع القوتشي الجديد 1600 انا 1450

موضوع جميل

[بنت الدوحه]

شكرا عزيزتي
بس باقولك على نوع من البضاعه اللي تنباع اهني بكم والمنتديات الثانيه بكم
مثلا المشد الاندونسي اهني ينباع 100- لين 70 برع 25 شوفي الفرق
طاوله اللابتوب شروها الاعضاء على 350 وبرع 170 بعد الفرق كبير

شوفي يالغاليه لو بتاخذين المشد ب 25 ريال والشحن ب 50 ريال لاول كيلو وزياده 10 ريال لاي كيلو ثاني شوف كم يكلف غير رسوم تحويل المبلغ للتاجره
فرق لما تاجر يشتري من المصدر بسعر أرخص ولما يجي تاجر ياخذ من تاجر ثاني

[سوق واقف]

المشكلة الي في المنتدى عندنا الحسد في ناس تعرض بضاعتها واهي مجرد خيال بس للتخريب

[USB]

بالنسبه لي أغلب بضاعتي مو معروضه بمكان ثاني لأني أتعامل مع المصدر نفسه يعني المصانع

يمكن في غيري يشتري من منتديات ثانيه و يبيع هني فهذا شي يخصه و الله يوفقه

لكن عموماً الزبون ذكي و مفتّح باللبن ما يفوته شي

شكراً عالوضوع.

[$$كلنا قطر$$]

والله انج صااجه فرق واضح وكبير بالأسعار
مع احترامي للكل بس أعذار الشحن وهالسوالف ما تدش المخ يعني دول الخليج الباقيه يشحنون ببلاااش

[سوق واقف]

الشحن 50 ريال
أنا شاحن عباية من دبي لين قطر 65 ريال

[بنت الدوحه]

والله انج صااجه فرق واضح وكبير بالأسعار
مع احترامي للكل بس أعذار الشحن وهالسوالف ما تدش المخ يعني دول الخليج الباقيه يشحنون ببلاااش

من قال لك اخوي ان الشحن ببلاش؟

[OREO]

اذا على الشحن .. عادتا التاجره ما تشحن بضاعه بــو 20 ريال و شحنها 50 ريال ,,

و الا هذه ما تسمى تجاره .. و تقعد بدون تجارتها احسن ..

و لكن من وجهة نظري .. بعض تجار المنتدى يستغفلون الزباين على حساب ابن البلد و بنت البلد و الواحد يترزق و خلوه يترزق و هذا ابن بلادنا و هذا فيه الخير و هذا و هذا ..

عن نفسي .. اطلب اغراضي من المريخ و لا اخذ من بعض التاجرات .. لاني في الاول و الاخير ,, الشئ اللي ابيه راح اخذه بفلوسي مهب ببلاش ..

و شكرا اختي نور85 على طرحك للموضوع ..

[شمسة]

من قال لك اخوي ان الشحن ببلاش؟

http://www.qpost.com.qa/arabic.htm:nice::nice::nice:

[بتّاع المري]

موضوع مهم وكنت اتسأل من قبل عن هالشي


لين جربت بنفسي


اللى سئل عن اسباب الغلا ....

عندنا في الدوحه كتجربه شخصيه لما حبيت اطرش اغراض للندن كلفتني حوالي 3000 ريال قطري ومع ذلك واصله للمطار بس يعني رسوم الجمرك علي بعد


ولكن الاعظم والادهى انى لما طرشتها من الاحساء ... كلفتني 750 ريال واصله للمطار

يعني هناك تفاوت في الاسعار ... من بلد لبلد

وما نلوم الشركات يوم يرفعون اسعارهم ترى بعد شركات وعندهم موظفين .... هذا بالنسبه للشحن واسباب الغلا وليش التجار دائم يقولون ان الشحن سبب ارتفاع بضائعهم


وبالنسبه للمشتريات مهما كان نوعها ... كل بلد وله ميزانيه دخل يعني بعض البلدان رواتبهم قليله يعني التجار علشان يصرفون لازم يراعون ويعتمدون على ايجار المحل والعمال يطلع له مكسب يعيشه هو بعد


لكن لو مثلا صرت انا تاجر (( لا قدر الله)) وفاتح لي محل وايجاري الشهري 7000 وموظف راتبه 1000 وكهرب و و و و ... الخ

اشتري لي بضاعه الحبه ب 25

واجى ابيعها ب 30

صدقوني ما تجيب حمل تعبها ولا راس مالها ....

اللى بشتريه ب 25 بعرضه ب 100

وكل انسان وقدر استطاعته حب يشتري مني حياه الله انا عاوز اوكل نفسي وعيالي ....

طولت عليكم


خلاص اكتفي بالمطالعه والاستمتاع معكم بالنقاش

دمتم بكل ود وتقدير

[بنت الدوحه]

http://www.qpost.com.qa/arabic.htm:nice::nice::nice:

شمسه الرابط ما فتح اختي ياليت تقولين لي وش فيه الرابط هذا

[OREO]

من قال لك اخوي ان الشحن ببلاش؟


http://www.qpost.com.qa/arabic.htm:nice::nice::nice:




الرجال ما يقصد الشحن ببلاش ..

كون بعض تاجرات المنتدى ذكروا انهم يدفعون شحن و الخ .. الرجال رد و قال هل تاجرات الدول الثانيه ما يدفعون ؟؟؟

بالعربي .. اللي يقصده مثل ما تاجراتنا يدفعون للشحن .. هم بعد تاجرات الدول الثانيه يدفعون و لكن ليش فرق السعر اللي يجيب عوار البطن .. :victory:

[بنت الدوحه]

الرجال ما يقصد الشحن ببلاش ..

كون بعض تاجرات المنتدى ذكروا انهم يدفعون شحن و الخ .. الرجال رد و قال هل تاجرات الدول الثانيه ما يدفعون ؟؟؟

بالعربي .. اللي يقصده مثل ما تاجراتنا يدفعون للشحن .. هم بعد تاجرات الدول الثانيه يدفعون و لكن ليش فرق السعر اللي يجيب عوار البطن .. :victory:


لا اخوي مب في كل الاحوال يدفعون على الشحن لان بعض البضاعات موجوده عندهم ببلادهم مش موجوده عندنا بقطر يعني المحل موجود عندها بديرتها مايحتاج تطلبه من برا

[شمسة]

الرجال ما يقصد الشحن ببلاش ..

كون بعض تاجرات المنتدى ذكروا انهم يدفعون شحن و الخ .. الرجال رد و قال هل تاجرات الدول الثانيه ما يدفعون ؟؟؟

بالعربي .. اللي يقصده مثل ما تاجراتنا يدفعون للشحن .. هم بعد تاجرات الدول الثانيه يدفعون و لكن ليش فرق السعر اللي يجيب عوار البطن .. :victory:

ربي ايوفقكم يارب :nice::nice::nice:

[OREO]

لا اخوي مب في كل الاحوال يدفعون على الشحن لان بعض البضاعات موجوده عندهم ببلادهم مش موجوده عندنا بقطر يعني المحل موجود عندها بديرتها مايحتاج تطلبه من برا


حبيت اوضحلج شئ اختي ..

ابوي انولد و جدي تاجر و انا انولدت و ابوي تاجر و ولدي انولد و ابوه تاجر ..

فلذا ماابي ادخل في جدال معاج .. لاني عارف ايش التجاره و متى يكون فرق السعر و كم نسبة فرق السعر ..

و تحياتي لج اختي ..

[فلفل حار]

المشكلة الي في المنتدى عندنا الحسد في ناس تعرض بضاعتها واهي مجرد خيال بس للتخريب

من هذول اخوي ؟ :)

ترى اتهامك قووي مب لعب يهال يالغالي :)

[بنت الدوحه]

حبيت اوضحلج شئ اختي ..

ابوي انولد و جدي تاجر و انا انولدت و ابوي تاجر و ولدي انولد و ابوه تاجر ..

فلذا ماابي ادخل في جدال معاج .. لاني عارف ايش التجاره و متى يكون فرق السعر و كم نسبة فرق السعر ..

و تحياتي لج اختي ..



الله يوفقكم اخوي

هذا مب جدال الله يطول عمرك هذا نقاش عادي والمفروض يتسع صدرك :nice:

يعطيك العافيه

[لوليتا قطر]

بصرااحة كل شي صاار غالي المفرروض انكم تقدروون التجاار اللي بالمووقع
الشحن غالي وتحوويل المباالغ بتعب
انا بااقول لكم مثاال
الالعاااب الزوجية امنعووهاا من دخول قطر بس الطلب كثير عليها وسعرهاا زااد ليش
1 ما ادش الدوحة لازم نساافر طريق بر وجيبها وهذا ما يكلف في نظركم التعب والروووحة والمخاااسير يغني الفااايدة عليها تكون بسيطة
والمشكلة في نااس برع المنتدى في السووق يبيعونهاا بالخش والله اقل سعر ب 180 ريال ومااراح اذكر اسم المحل

[nor85]

لله يرزق الجميع من غير لايحتسب بس انا حبيت تشوفون الفرق بلأسعار

[nor85]

upppppppp

[سهم جديد]

السلام عليكم ورحمة الله وبركاته

بوجهة نظري المتواضعه ان السبب الرئيسي في فرق السعر هو التاجر نفسه
لانه يعتمد على تاجر اخر في استيراد بضاعته اما لو كان معتمد على المصدر نفسه بيكون السعر مناسب

[nor85]

السلام عليكم ورحمة الله وبركاته

بوجهة نظري المتواضعه ان السبب الرئيسي في فرق السعر هو التاجر نفسه
لانه يعتمد على تاجر اخر في استيراد بضاعته اما لو كان معتمد على المصدر نفسه بيكون السعر مناسب

معاك في هذه النقطه ليه مايتم الاستيراد من المصدر نفسه

[سهم جديد]

السبب
اول شي جهل بعض الموجودين بالمصدر الرئيسي فيضطرون يشترون من التجار وطبعا التاجر ياخذ فايدته منهم
والمصدر لمايبيع طبعا بالجمله سعر غير ومعظم التجار الموجودين ماعندهم رخصة استيراد لان شغلهم يتعمد على طلب الزبون ومن ثم طلب الاغراض من التاجر فهذه اسباب :)

[AmOuR]

اختي كل واحد وله سعره ..

وانا عن نفسي .. زفاااتي ما في أرخص منها ..

وين تحصلين حد يسوي لج زفهـ .. أعلى سعر فيها 2000 ريال ..؟؟

ما في .. والمستوى التقني .. نفس مستوى اخواننا اللي يسوون الزفات بأسعار غاليهـ ..

والتوفيق بالأول والأخير من عند الله

[khk]

أنا فعلا لاحظت أن في بعض المنتديات السعودية فيها تاجرات من الحسا و الخبر يبيعون نفس البضاعة الي في المنتدى بالضبط بس السعر في المنتدى أغلى بخمس أضعاف تقريبا مع أن تجارة النت لا عليها ايجار ولا عمال ولا تكاليف نفس الي تكلفها المحلات فليش ارتفاع الاسعار بهذه الطريقة وما أظن أن الشحن يرفع السعر لهذا الحد

[$$كلنا قطر$$]

من قال لك اخوي ان الشحن ببلاش؟

محد قال انا اقول ان مثل ما يدفعون فلووس للشحن في قطر الدول الثانيه بعد تدفع وبعد أسعارهم ارخص بواااايد
شكلج فهمتي كلامي غلط :rolleyes2:

[$$كلنا قطر$$]

حبيت اوضحلج شئ اختي ..

ابوي انولد و جدي تاجر و انا انولدت و ابوي تاجر و ولدي انولد و ابوه تاجر ..

فلذا ماابي ادخل في جدال معاج .. لاني عارف ايش التجاره و متى يكون فرق السعر و كم نسبة فرق السعر ..

و تحياتي لج اختي ..
ما شاء الله
:omg:

[بنت الدوحه]

محد قال انا اقول ان مثل ما يدفعون فلووس للشحن في قطر الدول الثانيه بعد تدفع وبعد أسعارهم ارخص بواااايد
شكلج فهمتي كلامي غلط :rolleyes2:

اسمح لي انا ظنيتك تقول مافيه فلوس على الشحن
بس لو رجعت لردودي تلقاني ذكرت انه مثلا فيه بضاعه بمحلات بالسعوديه
مش موجوده بمحلاتنا ولما نشوف حاجه غريبه نجيبها نبيعها هنا لانها مش موجوده
يعني الاخوات بالسعوديه ياخذونها على طول من المحل بسعر رخيص مايتكلفون في الشحن
مجرد ما يجي لها طلب تروح المحل تاخذ البضاعه وتشحنها لنا
وفي جده اسواق جمله اسعارها رخيصه جدا للمكياج وغيره
يعطيك العافيه اخوي واسمح لي

[nor85]

اختي كل واحد وله سعره ..

وانا عن نفسي .. زفاااتي ما في أرخص منها ..

وين تحصلين حد يسوي لج زفهـ .. أعلى سعر فيها 2000 ريال ..؟؟

ما في .. والمستوى التقني .. نفس مستوى اخواننا اللي يسوون الزفات بأسعار غاليهـ ..

والتوفيق بالأول والأخير من عند الله

الله يوفقكك

[nor85]

أنا فعلا لاحظت أن في بعض المنتديات السعودية فيها تاجرات من الحسا و الخبر يبيعون نفس البضاعة الي في المنتدى بالضبط بس السعر في المنتدى أغلى بخمس أضعاف تقريبا مع أن تجارة النت لا عليها ايجار ولا عمال ولا تكاليف نفس الي تكلفها المحلات فليش ارتفاع الاسعار بهذه الطريقة وما أظن أن الشحن يرفع السعر لهذا الحد
نفس الكلام اللي قلته

[YaZone]

فلوسكم واجده وتحبون تمتلكون كل شيء يعجبكم ولا تفكرون بالسعر :) هذا خاص بأهل قطر

[nor85]

فلوسكم واجده وتحبون تمتلكون كل شيء يعجبكم ولا تفكرون بالسعر :) هذا خاص بأهل قطر

الله يديم علينا النعمه والرزق يارب ..
كيف يعني نحب نمتلك كل شيء مافهمت

[Qt.1]

انا حبيت اعرف ليه نفس البضاعه ونفس النوعيه القاها في منتديات خليجيه ارخص من عندنا في المنتدى والفرق كبير مش بسيط ممكن البعض يأيدني والبعض يعارض بس هذا اللي اشوفه وانتوا لكم الحكم


والله انج جبتيها على العوق صح.....فعلاا في ناس ماشاء الله يبالغون وايد في الااسعار يعني مب اشوي الاا وايد يعني معلي فايده لكن بالعقل يعني وباعطيج مثال انا شاري شنطه بكم اتوقعين شاريها بــ 60 ريال.....!!! حصلتها معروضه بــ 700 ريال شنطه لويس فوتون...؟؟؟

يعني بالذمه هذي تجاره هذي نصب حتى مب زين الواحد ايتحاسب على هالشي يوم القيامه.....

حتى الااسلام حدد لك الفايده مب جذي عاد.....

انا مريح راسي انا بغيت شي الله يخلي النت ارخص واضمن واذا شي مش موجود الواحد لاابد بيسافر او ايعرف حد من هله بيسافر ايجيب له الغرض وانتهت السالفه......

وحبيت اضيف نقطه ترى معظم الااشياء المعروضه موجوده بالسوق لكن الناس فيهم كسل مايروحون يدورنها يبونها على الجاهز.....

:)

[nor85]

والله انج جبتيها على العوق صح.....فعلاا في ناس ماشاء الله يبالغون وايد في الااسعار يعني مب اشوي الاا وايد يعني معلي فايده لكن بالعقل يعني وباعطيج مثال انا شاري شنطه بكم اتوقعين شاريها بــ 60 ريال.....!!! حصلتها معروضه بــ 700 ريال شنطه لويس فوتون...؟؟؟

يعني بالذمه هذي تجاره هذي نصب حتى مب زين الواحد ايتحاسب على هالشي يوم القيامه.....

حتى الااسلام حدد لك الفايده مب جذي عاد.....

انا مريح راسي انا بغيت شي الله يخلي النت ارخص واضمن واذا شي مش موجود الواحد لاابد بيسافر او ايعرف حد من هله بيسافر ايجيب له الغرض وانتهت السالفه......

وحبيت اضيف نقطه ترى معظم الااشياء المعروضه موجوده بالسوق لكن الناس فيهم كسل مايروحون يدورنها يبونها على الجاهز.....

:)

مشكور اخوي على المشاركه
من حق التاجر انه يربح بس مش ذي الدرجه

[nor85]

سبحان الله وبحمده

[مشتاقة لقطر]

مراحب اختي نور
اشكرج على طرح الموضوع

كلامج صح
عندي ملاحظات وتوضيحات
((1))

وبخصوص المثال المشد الاندونيسي اول ما نزل بالسعودية قبل سنتين بالضبط بالمنتديات

نزل ب100 ريال وبالجملة يالله يالله نلاقي حد يبيعه ب65 نهايته بالشحن ذا ماخاب ظني وانا اول تاجرة جبته للمنتديات طبعا مو هنا


وعلى شوي شوي قام ينزل السعر عندهم لين 45 ولين 30 والحين 25


طيب احنا كنا نبيعه ب100 عقب نزلنا لين 80 وموخرا لين 70 واللي تاخ ذاكثر من واحد 60 ومعاه عروض كريم تنحيف وغيره

فاظن الشي هذا طبيعي

حتى الالعاب الزوجية بهدلتها بهدلة بدينا ب125 يوم كان سعرها 80
ونزلنا لين 100
وعقبها لين 80
والحين ب60 وصلت مع انها تنباع بالسيتي وسوق الحريم ب250 ريال للحين

((2))
من ناحية تجارية
الزبونة يوم تشوف شي عجبها برع بسعر 100 ريال مثلا وتلقاه هنيه ب200 مثلا

شالراي ؟؟ تاخذه من هنيه والا هناك ؟

تفكر شوي وتحسبها صح ( الزبونة )
الخطوة الاولى
تقول باراسل التاجرة بلامارات مثلا وباخذ رقمها وبياناتها
الخطوة الثانية
تتصل مكالمة دولية( بفلوس ) للامارات تاخذ تفاصيل او تتطمن اوالخ
الخطوة الثالثة
تروح الصراف مع السايق ( بترول سيارة ) وعبالة درب ووقفي بالطابور ومضيعة وقت بعد
او اخوها او ابوها يسوي التحويل بنفس الخساير الماية والمعنوية
الخطوة الرابعة
قيمة التحويل اذا كان حوالة عادية 20 - 50 على حسب نظام الصراف اللي راحتله او بالوسترن يوينيون ب75 وانتي طالعة على كل 100 -10 ريال يعني اذا الفين ريال تدفعين 200 ريال

الخطوة الخامسة
ارسال رقم الحوالة للاخت بالامارات مسج او مكالمة ( بفلوس )

الخطوة السادسة
انتظار يتراوح بين 3 ايام على اقل تقدير - اسبوعين وممكن يصل لشهر

الخطوة السابعة
مشوار للبريد بالسيارة ( بترول بفلوس ) وانتظار ومشوار وتلبس وعبالة واهدار وقت كان ممكن استثمره بشي احسن او ارتاح فيه بالبيت

الخطوة الثامنة
استلام الطلب وفتحه
من قبل الجمارك بعض الاحيان اذا كان كريم او زيوت او خلطات تروح لوزارة الصحة
واذا كان يخالف قوانين الدولة راحت عليج وتوقيع تعهد بعد ولا فلوس
<<<<< منقرصة الاخت صادروا اغراض بقيمة 2500 ريال
الخطوة التاسعة
ممكن يكون الغرض مخترب او منصب او منكسر او او
هذي بروحها قهر


الخطوة العاشرة

احتمال التاجرة الحلوة اللي اخترتيها تكون نصابة ؟؟ وتقولين ادفع 200 والا تقص علي وحدة وتاكل فلوسي

بس هذي النقطة ممكن تتحذرين منها بمشاهدة الملف الشخصي للتاجرة مسبقا وشوال الاعضا ء عنها




بمتابعة الخطوا ت ممكن تلاحظين كم وصل المبلغ ؟؟
وكم مشوار بالسالفة
وكم انتظار

فيستحسن افيد بنت بلادي بال100 وتسوي عني كل ما سبق ذكره وانا بالبيت مكيفة يجيني الغرض


وجهة نظر شخصية تحتمل الموافقة وتحتمل الرفض

ولي عودة وملاحظات اخرى كثيرة

[hxamad]

صراحة مب كل شىء غالي بعض الباضاعة تكون غالية عشان متعوب عليها وراعيها متكلف لكن بعض البضايع سعرها معقوول وفى متناول الجميع واكيد أن الأعضاء الى يعرضوون مبيبعاتهم أكيد مراعين أعضاء المنتدى
وهذية رأى ومشكور على الطرح

[simsim1963]

الطمع والعياذ بالله

[nor85]

انا معاكم في اللي قلتوا
انا شريت بضاعه من المنتدى ومره ثانيه طلبتها من مكان ثاني طلع لي ارخص بوايد ومع الشحن

[qatari1]

يمكن الأسعار غالية لأن هذا منتدى اقتصادي، وزواره وأعضاؤه ناس كلاس!

[شاهين]

الصراااحه في غلا في بعض البضااائع المعروضه في المنتدى
وعني أنا ماأشتري من المنتدى ألا الشي اللي ماأحصله في السوق حتى لو غااالي
يعني المنتدى نفعني وااايد في بضااايع كنت أدورهااا ...
حتى لو غاااليه بس تستاااهل ...


والله يوفق تجار المنتدى
الصراااحه مب مقصرين

[YaZone]

أنا أعطيكم مثال لبضاعة كانت تنباع هنا ب 370 ريال! لقيتها مع الشحن ب 65 ريال فقط!، أرايل تقوية حول ال 50 ريال مع الشحن معروضه هنا فوق ال 200 ريال!

[nor85]

شكراااااا للجميع

[بشاميل]

في تاجرات توصل عمولتهم ال500 واتقول انها هوايه وبس قلت في مب الكل والله ايوفق الجميع

[Papillon]

ممكن فيه تجار اسعارهم اغلى من التجار في المنتديات الثانية

لكن فيه وااااايد منهم اسعارهم اقل من اسعار السوق

يكفي معاملتهم وروحهم الطيبة

ويكفي انج لين سلمتيهم ريال بتكونين متأكده ان بضاعتج اللي طالبتها بتكون عندج

وعن نفسي...

في شغلات اطلبها واشتغل عليها وابيعها وتطلع قيمتها بعد الشغل ارخص من قيمة القطعه خاليه بدون شغل عند ناس غير
**********************

في البداية وفي النهاية ....
هذا سوق ...
فيه اختلاف في البضاعه
وفيه اختلاف في الاسعار ..
مثل السوق لين رحتيه ...
القطعه نفسها .. بنفس الخامة .. وبنفس الالوان
في محل تلقين قيمتها بــ 20 للمتر
وفي محل تلقين قيمتها بــ120 للمتر

هذا رزق
وكلن له رزقه
والباقي على الشاري...
اللي عاجبه يشتري
واللي مب عاجبه محد جابره ..


اتمنى محد يزعل من كلامي
وتقبلوا تحياتي :)

أختكم
Papillon

[nor85]

ممكن فيه تجار اسعارهم اغلى من التجار في المنتديات الثانية

لكن فيه وااااايد منهم اسعارهم اقل من اسعار السوق

يكفي معاملتهم وروحهم الطيبة

ويكفي انج لين سلمتيهم ريال بتكونين متأكده ان بضاعتج اللي طالبتها بتكون عندج

وعن نفسي...

في شغلات اطلبها واشتغل عليها وابيعها وتطلع قيمتها بعد الشغل ارخص من قيمة القطعه خاليه بدون شغل عند ناس غير
**********************

في البداية وفي النهاية ....
هذا سوق ...
فيه اختلاف في البضاعه
وفيه اختلاف في الاسعار ..
مثل السوق لين رحتيه ...
القطعه نفسها .. بنفس الخامة .. وبنفس الالوان
في محل تلقين قيمتها بــ 20 للمتر
وفي محل تلقين قيمتها بــ120 للمتر

هذا رزق
وكلن له رزقه
والباقي على الشاري...
اللي عاجبه يشتري
واللي مب عاجبه محد جابره ..


اتمنى محد يزعل من كلامي
وتقبلوا تحياتي :)

أختكم
Papillon
احترم وجهه نظرك بس في بضاعه صراحه ماتستاهل قيمتها يعني مبالغ فيها انا من ايام شفت بضاعه في السوق ارخص من اللي في المنتدى اكثر من النص الفرق

[فلفل حار]

فلوسكم واجده وتحبون تمتلكون كل شيء يعجبكم ولا تفكرون بالسعر :) هذا خاص بأهل قطر

اعوذ بالله من هالحسد:rolleyes2:

يالله صباح خير ياخوي :)

[YaZone]

فلفل حار على الصبح :)

أنا واحد من أهل قطر والي قلته من وجهة نظري هو حقيقة

[فلفل حار]

فلفل حار على الصبح :)

أنا واحد من أهل قطر والي قلته من وجهة نظري هو حقيقة

ههههههه ، والنعم فيك والله ياولد بلادي:)

بس ترى مايحسد المال الا صاحبه ، حتي لو عندنا ونحب نشتري الله يزيدنا من خيره ان شاء الله :nice:

ولا انت شرايك فديت خشمك :victory:

[ورقــة أمــل]

افضل اشتري من بقالة ولا اشتري من منتدى
عقدوووني
كل ماشتري شي احصله برع بنص السعر
وياريت الفايده معقولة
يبون فايده خمسين على بضاعه سعرها 100

[nor85]

افضل اشتري من بقالة ولا اشتري من منتدى
عقدوووني
كل ماشتري شي احصله برع بنص السعر
وياريت الفايده معقولة
يبون فايده خمسين على بضاعه سعرها 100

هذا اهو

[qatari1]

ههههههه ، والنعم فيك والله ياولد بلادي:)

بس ترى مايحسد المال الا صاحبه ، حتي لو عندنا ونحب نشتري الله يزيدنا من خيره ان شاء الله :nice:

ولا انت شرايك فديت خشمك :victory:

لا أخي فلفل حار...

شراء شيء لا تحتاجه، ولا تريده يعد من السفه والإسراف!

ولا يعني أننا نملك المال أن نشتري به كل ما يجول في خاطرنا، والنفس طماعة!

وبدلاً من شراء بعض التوافه تصدق في سبيل الله بصدقة تسد حاجة أخيك المسكين، وتستظل بظلها يوم لا ينفع مال ولا بنون.

تحياتي لك، وجمعة مباركة للجميع.

[nor85]

سبحان الله وبحمده