بطاقه القطريه نادي الامتياز

[فـــــواز]

السلام عليكم ورحمه الله وبركاته

شباب انا عندي استفسارات عن البطاقه


Current Qpoints: 80
Current Qmiles: 16,131
Qmiles Earned Since Last Statement: 0
Qmiles Redeemed Since Last Statement: 0
Qmiles To Expire on December 31, 2008: 0

الحين انا فاهمه ان مجموع البوينت النقاط 80 اوكي ولاميال 16131

متي بتروح علي النقاط لو ما استخدمتها هل هي بس بتروح النقاط او معها الاميال بعد

انزين الاميال شنو فايدتها النقاط وفاهمنها ترحلك من العضويه العنابيه الي الفضيه الي الذهبيه

وكم باقي لي علي الفضيه و الذهبيه

وهل لو اخذت تذكره عن طريق الاميال هل بتروح علي النقاط البوينت وهل التذكره شامله التاكس

لاني جيت ابحجز تذكره ن طريق الموقع نادي الامتياز واحصل تذاكر رخيصه جدا هل هم احسبوها مع التاكس او من دون التاكس ؟

وكيف طريقه شراء الاميال او النقاط ؟

ياليت توضحولي فكره هذي البطاقه الي عندي ما شفهمه عدل للعلم بطاقتي العنابيه

منتظر ردودكم

[QATAR 11]

السلام عليكم

مرحبا اخووي بالنسبه لسوألك عن النقاط والاميال

النقاط : لكي تحافظ على نوع البطاقه الي عندك اذا كانت عندك بطاقه ذهبيه او فضيه او عنابيه

لم تسافر طول السنه تخسر النقاط وترجع للدرجه الادنى لكن لاتخسر شي من الاميال

وصلاحيه الاميال تكون 3 سنين او خمس سنين وعلى حسب علمي مع انتها مده البطاقه

واذا اردت السفر بتذكره عن طريق الاميال عليك تقديم الطلب قبل السفر باسبوع ع الاقل

وان شاء الله قدرت افيدك بالي عندي انا حاليا امتلك البطاقه الجولد .. الذهبيه ..

[فـــــواز]

مشكور يعطيك العافيه

وننتظر الاخوان ان شاء الله يفيدونا اكثر

بس انا الحين مكتوب في ال اكونت
Qmiles To Expire on December 31, 2008: 0

يعني ظنتك بتنهي النقاط هذي السنه في نهايه السنه هذي او لا

[Qatari 1980]

مشكور يعطيك العافيه

وننتظر الاخوان ان شاء الله يفيدونا اكثر

بس انا الحين مكتوب في ال اكونت
Qmiles To Expire on December 31, 2008: 0

يعني ظنتك بتنهي النقاط هذي السنه في نهايه السنه هذي او لا

السلام عليكم

أخوي هذي الجمله اللي أرفقتها تضاف لك في الكشف الشهري علشان تعرف كم نقطه راح تنتهي نهاية السنه ...
وبالنسبه لك أنت ما راح تنتهي أي نقطه عندك على نهاية السنه ...

مدة صلاحية النقاط هي خمس سنوات ومتى ما يمر عليها خمس سنوات راح تنتهي وتبقى لك باقي النقاط اللي ما مرت عليها الخمس سنوات ..

بخصوص التذكره اللي تبي تحجزها عن طريق النقاط فهي مجانيه ولكن يتبقى عليك دفع ثمن الضريبه ...

على سبيل المثال لو تبي تذكره بالاميال حق دبي راح تدفع التاكس حوالي 400 ريال
لو تبي تذكره حق لندن راح تدفع التاكس حوالي 1500 ريال
والتاكس هذي هي رسوم المطارات ومالها اي علاقه بالقطريه ....


بخصوص الترفيع من العنابيه الى الفضيه والذهبيه فلها حسبتها الخاصه

يعني لازم تحصل على 50 نقطه على الاقل علشان تحصل على العنابيه
و تحصل على 150 نقطه على الأقل علشان تحصل على الفضيه
وتحصل على 300 نقطه على الأقل علشان تحصل على الذهبيه

طبعاً تجميع النقاط يبتدي من أول يوم في السنه ولنفرض 1/1/2008 وحتى أخر يوم في السنه وهو 31/12/2008
وخلال هذي السنه يشوفون كم نقطه جمعت ولو افترضنا انك جمعت 368 نقطه
بالتأكيد راح تحصل على الذهبيه للسنه القادمه يعني على مدى سنة 2009
ولنفرض حصلت على 98 نقطه راح تحصل على العنابيه للسنه القادمه وهكذا


طبعا النقاط تنتهي بعد نهاية السنه علشان يتم تحديد مستوى عضويتك للسنه اللي بعدها

أما بخصوص عدد الأميال فهذا ما ينتهي عندك الا بعد خمس سنوات وتقدر تستفيد منها بالحصول على التذاكر المجانيه ...

وحسبتها بالطريقه التاليه

لو افترضنا انك خلال سنة 2003 حصلت على 4000 نقطه
وخلال سنة 2004 حصلت على 1000 نقطه
وخلال سنة 2005 حصلت على 1500 نقطه

في سنة 2008 فقط راح تنتهي عندك 4000 نقطه وهي تبع سنة 2003 لأن مر عليها خمس سنوات وباقي النقاط تبقى

أما بخصوص شراء الأميال فهي جداً مكلفه يعني الألف ميل ب 50 دولار تقريباً
يعني بحسبه بسيطه راح تجد أن شراء تذكره عاديه راح تكون أرخص من شراء النقاط


اتمنى أني أفدتك

[بوخالد2]

الحين وين موقعه اللى في برج الوكره كنسلوه يقولون !!!

بغيت اضيف اميال التذاكر اللى عندي الحين

وبغيت اسال بنسبه لكيوتل تضاف الاميال ولا لا

ويعطيكم العافيه

[*¤ بن قطر¤*]

الحين وين موقعه اللى في برج الوكره كنسلوه يقولون !!!

بغيت اضيف اميال التذاكر اللى عندي الحين

وبغيت اسال بنسبه لكيوتل تضاف الاميال ولا لا

ويعطيكم العافيه


مرحبا يا بوخالد,,

تقدر تتصل لهم على رقم 4496449 و تعطيهم رقم التذكره واح يضيفونها في الحال. بالنسبة لموضوع الاميال مع كيوتل ماعندي خبر عنه !

[Qatari 1980]

الحين وين موقعه اللى في برج الوكره كنسلوه يقولون !!!

بغيت اضيف اميال التذاكر اللى عندي الحين

وبغيت اسال بنسبه لكيوتل تضاف الاميال ولا لا

ويعطيكم العافيه


بخصوص الموقع هم ألحين لهم مبنى جنب النادي الأهلى

وأنت جاب من دوار التضامن باتجاه دوار المول
راح تأخذ يمين على اللفه الجانبيه ويجيك على اليمين مبنى الكهرباء والماء وبعدها بتجيك ثلاث مباني جديده متشابهه .. أخر مبنى هو مبنى نادي الامتياز وللأسف ما عليه لوحة توحظ ايش هو هذا المبنى

[بوخالد2]

جزاكم الله خير يااخوان

[بالول]

وانا تطلع لي هذي الجملة في كشف الحساب ومش عارف وش معناتها ؟؟؟؟؟؟؟


Lounge Credits Available until December 31, 2008: 2

[Qatari 1980]

وانا تطلع لي هذي الجملة في كشف الحساب ومش عارف وش معناتها ؟؟؟؟؟؟؟


Lounge Credits Available until December 31, 2008: 2

معناها أنك مسموح لك مرتين تستخدمه صالة الدرجه الأولى أو رجال الأعمال ..
وأتوقع أن هذا يختص فقط بالأشخاص المسافرين معاك

لأنك لو كنت عضو فضي فيحق لك كحامل للعضويه الدخول لقاعدة البيزنس كلاس في أي سفره لك لكن لو بغيت تدخل أحد معاك راح تضطر تستخدم هالنقطتين اللي عندك
ونفس الشيء بالنسبه للدرجه الأولى وهكذا ...

[بالول]

معناها أنك مسموح لك مرتين تستخدمه صالة الدرجه الأولى أو رجال الأعمال ..
وأتوقع أن هذا يختص فقط بالأشخاص المسافرين معاك

لأنك لو كنت عضو فضي فيحق لك كحامل للعضويه الدخول لقاعدة البيزنس كلاس في أي سفره لك لكن لو بغيت تدخل أحد معاك راح تضطر تستخدم هالنقطتين اللي عندك
ونفس الشيء بالنسبه للدرجه الأولى وهكذا ...

مشكور الشيخ ........ ماقصرت على التوضيح

[Qatari 1980]

مشكور الشيخ ........ ماقصرت على التوضيح

العفو حاضرين لك أخوي

[بوخالد911]

الحين وين موقعه اللى في برج الوكره كنسلوه يقولون !!!

بغيت اضيف اميال التذاكر اللى عندي الحين

وبغيت اسال بنسبه لكيوتل تضاف الاميال ولا لا

ويعطيكم العافيه



هلا السمي والله
:nice::nice::nice:
؛؛؛

القطرية افتحوا فرع جديد قريب من النادي الأهلي ؛
قبل النادي بحوالي 100 متر
وانت جاي من دوار العربي ( التضامن ) وانت متجه لدوار الأهلي

*&&**&&**
نعم كيوتل تضييف نقاط للأميال ؛ عليك ان تتصل بالرقم 114 من جوالك أو تلفون البيت

ولما تجييك فاتورة كيوتل ؛ بتشووف الأميال اللي تمت اضافتها

ويا هلا السمي
حاضرين لك
:victory::nice::victory:

[فـــــواز]

مشكورين وما قصرتوا

بيض الله وجهيكم

[jajassim]

وانا تطلع لي هذي الجملة في كشف الحساب ومش عارف وش معناتها ؟؟؟؟؟؟؟


Lounge Credits Available until December 31, 2008: 2


يعني مسموح لك ،،، لدخول اثنين من أصدقائك ،، من غير اعضا ء النادي ،،

في كل مرة تسافر وليست مرة واحدة ،،،، وحتى نهاية 31/12/2008م

[Qatari 1980]

يعني مسموح لك ،،، لدخول اثنين من أصدقائك ،، من غير اعضا ء النادي ،،

في كل مرة تسافر وليست مرة واحدة ،،،، وحتى نهاية 31/12/2008م

اسمح لي أخوي جاسم أرد عليك

أنا مره دخلت معاي 2 من أصدقائي وانخصمت علي نقطه ..

يعني في كل مره تدخل فيها أحد معاك تخصم عليك نقطه

[jajassim]

اسمح لي أخوي جاسم أرد عليك

أنا مره دخلت معاي 2 من أصدقائي وانخصمت علي نقطه ..

يعني في كل مره تدخل فيها أحد معاك تخصم عليك نقطه

كلامك صحيح أخوى ،،، ،، وهذا رد (( الخطوط الجوية القطرية )) ،،،، :shy:


Dear Sir / Madam,

Thank you for your email regarding lounge passes in Doha.

We require your Privilege Club number in order for us to process your request. We would appreciate if you could provide this information to membersvc@qmiles.com

Further, your complimentary one-visit lounge passes are electronically credited to your membership account. To use them, you will need to identify yourself along with your guests when entering the Gold or Silver Lounge at the Main Terminal at Doha International Airport and we will debit them from your account.

As a Silver member, you are entitled to two lounge credits per calendar year.

As a Gold member, you are entitled to four lounge credits per calendar year.

Thank you,
Privilege Club Team
www.qmiles.com