تكلم عن اغرب شي شفته في بلد سافرت له وبهرك

[naklan]

انا شفت في احدا سفراتي الى مندناو في الفلبين في مكان يدعى ايدن يعني جنه عدن مزرعه على رأوس الجبال فيها منتجع واغرب ما فيها المطر كل يوم ينزل الساعه 12.10 ويوقف الساعه 12.25 بالضبط يوميا في نفس الوقت والساعه:nice:

[عاشق الشهادة]

الشي الغريب بالنسبه لي شفت جسر بغوانزو بالصين بارتفاع 8 ادوار وطوله أكثر20 كيلو ,
والغريب الثاني بالنسبه لي امطار وابردي ودرجه حراره 12 في شهر أغسطس 8 تتوقع وين
( ابها البهيه ) بس هذه السفره كانت العام الماضي .

[naklan]

الشى الغريب الي شفته في النمسا فينا مغاره هتلر وتسمى سقروتا المغاره متعدده الطوابق والطابق السفلي متصل بالنهر والماي يدخل بالمغاره والمراكب تمشى فيها وفيها في الدور الثاني سكة قطار داخليه وداخلها طائره صغيره للفهرر الغريب ارضيه البحيره فيها نور مربع لا يعرف مصده ويوجد الكثير من الغرائب في فينا منها مغاره الملح ثنكشن بيتي

[blueZircon]

اغرب شئ شفته هي حكاية هالجسر في سيدني

http://www.monogramstravel.com/Common/Images/Destinations/sydney-bridge.jpg

فوق ناس يمشون فيه
http://www.tokyoenglish.com/images/Sydney-bridge-climb1.jpg

وتحت الناس يمشي القطار

وتحت القطار تمشي السيارات

وتحت السيارات تمشي السفن بالبحر

وتحت السفن تحت قاع البحر فيه نفق للسيارات

صراحه شئ خيالي

[لورنس العرب]

انا اول مرة اشوف فندق 5 نجوم في استوكهولم ما فيه روم سيرف
يعني انسى الغرفة يرتبونها لك ولا تنفكر انك تطلب حتى ماء في الغرف
تبي تاكل او تشرب عندك المطعم اللي تحت من الساعة 6 الصبح الى 10 في الليل بعدها!!!!!! الله يعينك ادور لك دكان او مطعم
السبب:علشان الموكيت جديد

[naklan]

بهرني في زيارتي لتايلند الدليلاما وهم كهنه اهل التبت الى في الصين يلبس الكاهن نعال برتقالي ويلف نفسه بردا برتقالي وياكل في اي مكان مجاني ما ياخذون منه فلوس وعندهم حج بس يموت من الضحك يقوم الحاج بقياس الارض بجسمه منبطحا علا الرض ويقوم ويحط رجليه مكان راسه وينبطح مره اخرى علا كافه التضاريس والله غريبه الدنيا انعيش ونشوف ولكم الف تحيه

[بوخالد911]

لي عودة لاحقا

[naklan]

لي عودة لاحقا

وين العوده يا ابو خالد وحط لنا الشي الغريب فقط وحياك يا بو خالد911

[nor85]

مش سالفه غريبه انما اختي الغبيه يوم في تايلند تسندت على النمر وصورت معاه

[Qatar4all]

اما بالنسبة لي كان الشي الغريب يوم كنت في الصين في منطقة اسمها هيوا هوا المهم ان محد ياخذ بخشيش لا في الفندق ولا التكاسي وكأنه الواحد سابهم او مسوي شي غلط، الا هذي الدرجه شي غريب والله وأول مره اشوفه

[SaryQatar]

انا زرت دولة قطر , وهي دوله صغيره في الشرق الأوسط ,

واللي بهرني فيها بكل صراحه الحفر المنتشره في شوارعها كنوع من الزينه والديكور , فلا يكاد اي شارع يخلو من تلك الحفر ,

[بوخالد911]

هلا بكم
؛؛؛
وآسف للتأخير
؛؛؛

الشي الغريب واللي عجبني هو :

لما كنت في سنغافورة من 1 - 5 يوليو 2008

نظام التكاسي فعلاً عجيييب

:victory::victory::victory:

الفكرة هي : بتشوف على كل التكاسي أرقام تلفونات شركاتهم
وطبعا معظم التكاسي هناك مشغوولة فيها نااس

كل اللي علييك تسويه هو : تتصل على رقم شركة التكسي
بترد عليك الموظفة وبتسألك :

شسمك؟
انت في ووين؟
ووين حاب تروح ؟

بعدها بتسمع مسج يقول رقم سيارة التكسي اللي تم تخصيصه لك !!!

وكلها دقايق تشووف التكسي جايك !!!

نتأمل من كروة تطبييق هالفكرة

؛؛؛

بوخالد911

:nice::victory::nice:

[Qatar4all]

انا زرت دولة قطر , وهي دوله صغيره في الشرق الأوسط ,

واللي بهرني فيها بكل صراحه الحفر المنتشره في شوارعها كنوع من الزينه والديكور , فلا يكاد اي شارع يخلو من تلك الحفر ,

هههههههههههههههههههههههههههههههههههههههههههههههه

[مـراحـب]

أغرب شي شفته بصراحة

الطبيعه الخلابه بجزر فوكت أو بوكت < < كل ناس يلفظونها شي

والجزر اللي حواليهاا وخصوصا البحر < < خياااالي شفاف كأنه كريستال

كاانت رحله فضيعة ملئية بالمغامرات والأحداث

شهر أبريل 2007

http://www.arb-up.com/files/arb-up-2008-6/tHP31734.jpg (http://www.arb-up.com/)

http://www.arb-up.com/files/arb-up-2008-6/r5n31810.jpg (http://www.arb-up.com/)

http://www.arb-up.com/files/arb-up-2008-6/EjV31849.jpg (http://www.arb-up.com/)

[لوردغاليري]

انا زرت دولة قطر , وهي دوله صغيره في الشرق الأوسط ,

واللي بهرني فيها بكل صراحه الحفر المنتشره في شوارعها كنوع من الزينه والديكور , فلا يكاد اي شارع يخلو من تلك الحفر ,

هههههههههههههههههههههههههههههههههههههههههههههههههه هههههه

[darkuae]

أغرب شي شفته

رحت قلعة في عمان (ناسي اسمها) يقولون إن بانينها جن مع الانس، المهم دخلنا القلعة واحنا ندور فيها قالوا لنا، إن سلطان القلعة كان يصلي بالإنس وعقب ينزل مكان داخل دهليز ويصلي إمام بالجن، فدخلت مسجد الجن فجيت أبي أصور بالجوال الجوال ما صور!!! حاولت أكثر من مرة، قلت يمكن الجوال خبط، كان معانا واحد من الشباب يعتبر مصور الوفد وعنده كيمرة متخصصة فحاول يصور ما اشتغلت الكيمرا أبدا ولا حتى الفلاش، وواحد ثالث حاول يصور بجواله بعد ما قدر!!!

بصراحة تروعنا وكان هاي من أعجب الأشياء إللي شفتها

[سهم طايش]

اما بالنسبة لي كان الشي الغريب يوم كنت في الصين في منطقة اسمها هيوا هوا المهم ان محد ياخذ بخشيش لا في الفندق ولا التكاسي وكأنه الواحد سابهم او مسوي شي غلط، الا هذي الدرجه شي غريب والله وأول مره اشوفه

مصر نفس الشي

:tease::tease:

[أمير فارس]

كل الي ابي اقوله اني ذهلت بمعرض الفراشات الي زرته في ماليزيا
وكيف انواع واحجام لا تصدق من الفاراشات

عجيب

[Qatar4all]

مصر نفس الشي

:tease::tease:

هههههههههههههههههههههههههههههههههههههههه شفتهم شفتهم :nice:

[Chambray]

مافي شئ غريب لدرجة الابهار صراحة . لكن البحيره الزرقاء في سويسرا عجبني فيها زرقتها الخياليه .. وايضاً مطار شيكاغو خيالي بالنسبة لي ، حيث ان في الدقيقة الواحد طائرة تقلع وطائرة تهبط .. والطائرة تكون خلف الطائرة الاخرى في انتظار طيرانها ، مافي مرة طرنا في الوقت الصحيح ، صحيح الطيارة تتحرك من المدرج بالوقت ، لكن ساعة او ساعة ونصف وهي تنتظر دورها لما تطير من المدرج :)

[naklan]

مواضيع جميله ويعطيكم العافيه جميعاً ونبي منكم المزيد من المواضيع المبهرة والغريبه