اللي له خبره في سوق الكورفيت يدخل [الأرشيف] - منتديات شبكة الأسهم القطرية

Charisma

07-08-2008, 06:45 AM

صبحكم (مساكم) الله بالخير جميع..

ياجماعه ابي شوركم وهداية الله..

لقيت لي كورفيت C6 موديل 2006 وآرد الدوحه بلون اصفر قاطعه 80,000
وع الضمان وراعيها توه مطلعها من التجيك..

راعيها طالب فيها 135,000 الف

سؤالي حبايبي..الموتر يستاهل هالقيمه ولا؟..

واذا مايستاهل ..كم اقيامهم في السوق؟

ردوا علي يا جماعة الخير..ابي ردودكم قبل لايطير الموتر..
ويعطيكم العافيه..

Grand T

07-08-2008, 07:20 AM

شوف يا اخ طيارممشى الموتر عادي...ولكن سعره سعر المعارض يعني مب رخيص وايد ....واحد من الربع باع له كورفيت 2006 (( كشف)) من سنه06 ب 160000 وكانت ماشيه حروة الثلاثين...يعني ماعتقد الكورفيت تسوى 25000 في السنه انا اشوف انه لو ينزل زياده بيكون الموتر فرصه طيبه للشراء.

ملاحظه: لازم تاخذ رقم الشاصي وتروح الوكاله بنفسك واتشيك عليه.

واسمحلي على القصور

Charisma

07-08-2008, 07:41 AM

هلاااا اخوي جراااند..يعطيك العافيه يالغالي عالرد..

الموتر فديتك عند واحد من الربع وهو مالك ثاني..

وقيام ال2007 اضني حروة ال155 الف. اذا مب غلطان..انا سمته ب130 والريال متمسك 135 قبل الفحص.. والموتر حلو ماشالله..
يعني تهقوون السعر مبالغ فيه؟؟؟
مابه قصور فديت خشمك..
تسلم اخوي جراند عالمعلومات الطيبه..والله يجزاك خير..

الخارجية

07-08-2008, 07:53 AM

قير عادي او تماتيك

عالي مستواة

07-08-2008, 07:55 AM

وحده معروضه في الجريده C6 امس لونها اسود ومن داخل اسود موديل 2007
ماشيه 600 كيلو بس

ويبي فيها 160 الف

Charisma

07-08-2008, 08:05 AM

قير عادي او تماتيك

هلااا اخوي الخارجيه..قير تماتيك يالغالي..c6

Charisma

07-08-2008, 08:09 AM

وحده معروضه في الجريده C6 امس لونها اسود ومن داخل اسود موديل 2007
ماشيه 600 كيلو بس

ويبي فيها 160 الف

تسلم اخوي عالي مستواه عالرد..
بس ماتدري وارد الدوحه ولا امريكا..بضمان ولا بدون(يمكن طايح ضمانها)
بعدين اللون الاصفر شي ثاني ع الكورفيت..

عالي مستواة

07-08-2008, 08:11 AM

تسلم اخوي عالي مستواه عالرد..
بس ماتدري وارد الدوحه ولا امريكا..بضمان ولا بدون(يمكن طايح ضمانها)
بعدين اللون الاصفر شي ثاني ع الكورفيت..

قير تماتيك ووارد الدوحه وعليها ضمان بعد

والاسود من داخل اسووود احلى واحلى لو تعطيها اللون الاسود المات مع الرنقات بتكون ارهابيه

Charisma

07-08-2008, 08:38 AM

قير تماتيك ووارد الدوحه وعليها ضمان بعد

والاسود من داخل اسووود احلى واحلى لو تعطيها اللون الاسود المات مع الرنقات بتكون ارهابيه

ماختلف معاك في هالشي..بس الاسود منه وايد في الدوحه.. وسعرها حلو بس مابينهم فرق 2006 و 07 واذا عندي ال160 الف بزود فوقهم شوي وباخذلي 08 من الشركه..
تسلم على تواصلك يالغالي..

nyzk

07-08-2008, 05:32 PM

بنظري السعر مناسب لانة واحد من الربع بايع موتر مثل اللي ذكرتة نفس المواصفات وللون راحت 150 الف ولاتنسى للون الاصفر نادر

ملاحضة هو باع الموتر بداية السنة اعتقد شهر 2 او 1

السد

07-08-2008, 06:31 PM

الشيخ عليك اخوي ان تذهب الى قسم السيارات المستعملة - وكالة الجيدة للسيارات
لمعرفة السعر التقريبي للسيارة
لان الكورفيت لها مواصفات وكل سيارة تختلف عن الاخرى من ناحية المواصفات

فلفل حار

07-08-2008, 09:06 PM

الشيخ عليك اخوي ان تذهب الى قسم السيارات المستعملة - وكالة الجيدة للسيارات
لمعرفة السعر التقريبي للسيارة
لان الكورفيت لها مواصفات وكل سيارة تختلف عن الاخرى من ناحية المواصفات

من اجمل النصايح:nice:

والله يوفقك اخووي Pilot علي اختيارك الجرئ :)

Charisma

08-08-2008, 12:39 AM

بنظري السعر مناسب لانة واحد من الربع بايع موتر مثل اللي ذكرتة نفس المواصفات وللون راحت 150 الف ولاتنسى للون الاصفر نادر

ملاحضة هو باع الموتر بداية السنة اعتقد شهر 2 او 1

هلا اخوي نيزك..
تسلم يالغالي ع الطله وع المعلومه الحلوه..وعساااك عالقوووه الشيخ

Charisma

08-08-2008, 12:51 AM

الشيخ عليك اخوي ان تذهب الى قسم السيارات المستعملة - وكالة الجيدة للسيارات
لمعرفة السعر التقريبي للسيارة
لان الكورفيت لها مواصفات وكل سيارة تختلف عن الاخرى من ناحية المواصفات

مرحبااا بالسد وبهل السد وبجمهور السد :victory: << (متعصب ههه)
تسلم فديت خشمك ع النصيحه لاخلاه ولاعدم..ويوم السبت اكشخ وتزقرت ..وعقب صلاة
الفير بحظر عندهم escape
تحياتي لك..

Charisma

08-08-2008, 12:57 AM

من اجمل النصايح:nice:

والله يوفقك اخووي Pilot علي اختيارك الجرئ :)

هلا اخوي سبايسي.. :)
الاجمل طلتك وردك يالغالي...
ويوفقك يارب.. لازم الواحد يقوي قلبه ياخوي لي متى بنتم ع التويوتا والنيسان..<< مع احترامي الشديد لهم..

WARNING

08-08-2008, 11:09 AM

X 4 X

08-08-2008, 12:30 PM

أخوي هاي سعرها في السوق :)

وممشاها لا باس فيه

بالتوفيق انشاءالله

وحيد-الشوق

08-08-2008, 01:11 PM

mubarak2006

08-08-2008, 01:56 PM

الكورفيت بتتغير في 2010 ...اذا مايهمك ..توكل على الله

Charisma

09-08-2008, 03:06 AM

انا اشوف لو انه ينزل من سعرها يكون افضل
لان بيعتها صعبه وهي ماشيه 80 الف
والشركه مسوين عليها عرض اعتقد سعرها اللحين 184 في الشركه
ولاتنسى 2008 تغير الديكور الداخلي
والمكينه تغيرت من Ls2 الىls3
وفي فرق 30 حصان تقريبا
لاكن اذا في خاطرك خذها
والله يبارك لك

هلاااا بالشيوخ..
والله يالغالي انا معاك في كل كلمه قلتها وخاصه في ممشى الموتر اهو الحين 80 الف لي خذيتها ومشيتها فوق ال100 شوف كم بيطيح من سعرها..اذا التويوتا يطيح سعره شلون الكورفت؟؟ ان طيحلي من سعرها خير وبركه..وان ماصار..الله يستر عليه وعلى موتره..
وتسلم يالكعبي ..

Charisma

09-08-2008, 03:10 AM

أخوي هاي سعرها في السوق :)

وممشاها لا باس فيه

بالتوفيق انشاءالله

تسلم يا اكس ع الرد الطيب..والله يوفقك

Charisma

09-08-2008, 03:13 AM

السعر تقريبا اشوفه مناسب بس ممشى الموتر وايد

وثاني شيء بصراحه عيب الموتر وايد نازل عادي اي مطبه تضرب عندها بأختصار الموتر ماينفع حق شوارعنا :weeping:

والخيار راجع لك والله ولي التوفيق

مرحبا وغلا اخوي وحيد..اي والله صادق ممشى الموتر اشوفه وايد..وهاي اللي محيرني
وعلى طاري شوارعنا صدقني اذا بنتم انحاتي هالشوارع ترى ماراح انعيش الا على التويوتا والنيسان والجيده..

Charisma

09-08-2008, 03:18 AM

الكورفيت بتتغير في 2010 ...اذا مايهمك ..توكل على الله

يالله انت حيه اخوي مبارك..ونعم بالله يالغالي..بس اذا على 2010 ..واذا خذيته انشالله كلها شهور وينعاف..
وتسلم يالغالي على ردك..

بوميثه

09-08-2008, 03:27 AM

والله اخوي اول شي لونها مب شي
وسعرها وااايد وماشيه وااااايد
خذنا zo6 من فتره ماشيه 9000 كيلو ب150 الف ريال
انا اقول استخيير
وترى مب مهم وارد الدوحه والا الامارات الي عندنا كانت وارد الامارات الضمان يمشي في الخليج عادي

Charisma

09-08-2008, 03:39 AM

والله اخوي اول شي لونها مب شي
وسعرها وااايد وماشيه وااااايد
اخوي خذ zo6 من فتره ماشيه 9000 كيلو ب150 الف ريال
انا اقول استخيير

هلا اخوي بو ميثه..يسعد صباحك..
صدقت يالغالي..راعيها طالب وايد على ممشاها..
آآخ يبتها ع الجرح يابوميثه..وينها انباعت ولا بعدها؟؟؟؟؟zo6
اكيد يالغالي لاتوصي حريص بهالامور..وتسلم على ردك..

بوميثه

09-08-2008, 03:47 AM

اي والله اخوي انباعت
من فتره لو انها موجوده من صوبك
يمكن شفتها رصاصيه من داخل احمر وارد الامارات ليبرتي
الله يسلمك يالشيخ

Charisma

09-08-2008, 04:28 AM

اهاااا..الله يعطي راعيها خيرها ويكفيه شرها.. ويا مرحبا بك يا بوميثه

السد

10-08-2008, 01:17 AM

مرحبااا بالسد وبهل السد وبجمهور السد :victory: << (متعصب ههه)
تسلم فديت خشمك ع النصيحه لاخلاه ولاعدم..ويوم السبت اكشخ وتزقرت ..وعقب صلاة
الفير بحظر عندهم escape
تحياتي لك..

الحمد لله اني مب سداوي
واللي يتعصب يتعصب على اخلاقة الرفيعة مش كوره يا الغالي