المساعد الشخصي الرقمي

مشاهدة النسخة كاملة : هل السحب عن طريق بطاقة الماستر كارد التابعه لبنك قطر الوطني الاسلامي يعتبر ربـا !!


Chambray
07-08-2008, 07:29 PM
ابي رايكم ياهل المشورة ، هل السحب النقدي من بطاقة الماستر كارد يعتبر ربا ؟؟؟ وهذا الشئ الي انا ماجربته ولا ودي اجربه ،، كل استخداماتي للبطاقة هي لمشتريات مباشرة او عن طريق النت ..

لكن المشكلة اني دفعت دفعة للبطاقة قدرها 6500 ريال لتسديد المطلوب الي علي ، لكن بعدها بيومين تم خصم نفس المبلغ من حسابي الجاري لحساب الماستر ، فصار حساب الماستر + 6500 عن اللمت الموجود !!! قسماً بالله بطو جبدي ، لكن الشكوى لغير الله مذله ..

هل السحب الكاش من البطاقة يعتبر ربا ؟؟
الزعفراني82
07-08-2008, 07:31 PM
انا لا عندي ماستر كارد ولا فيزا كارد ولا اي نوع من بطاقات الائتمان

كله كاش او علا الفيزا الكترون العادي و نفس ما قال الزعفراني 82 ( الكاش يقلل النقاش )
سلفي
07-08-2008, 07:37 PM
ابي رايكم ياهل المشورة ، هل السحب النقدي من بطاقة الماستر كارد يعتبر ربا ؟؟؟ وهذا الشئ الي انا ماجربته ولا ودي اجربه ،، كل استخداماتي للبطاقة هي لمشتريات مباشرة او عن طريق النت ..

لكن المشكلة اني دفعت دفعة للبطاقة قدرها 6500 ريال لتسديد المطلوب الي علي ، لكن بعدها بيومين تم خصم نفس المبلغ من حسابي الجاري لحساب الماستر ، فصار حساب الماستر + 6500 عن اللمت الموجود !!! قسماً بالله بطو جبدي ، لكن الشكوى لغير الله مذله ..

هل السحب الكاش من البطاقة يعتبر ربا ؟؟


ومن قالك ان المنتدى متخصص في الاستشارات الاسلامية

قسم المعاملات البنكية

يرجى الاتصال على قسم الرقابة الشرعية التابع للبنك نفسة

او قسم الافتاء في وزارة الاوقاف
hich
07-08-2008, 07:37 PM
خطا البنك الوطني الاسلامي جيد
انا أقصد البنك الدولي الأسلامي
المشكلة في السفر تحتاج الماستر او الفيزا

عموما هالبنك موب نازلي من زور كل خطواته فاشله ولا يوجد مصداقية

لا والشعار دفعوا عليه فلوس بالهبل وتاليتها قصوا عليهم وعطوهم شعار شناط السومسونايت
hich
07-08-2008, 07:39 PM
ومن قالك ان المنتدى متخصص في الاستشارات الاسلامية

قسم المعاملات البنكية

يرجى الاتصال على قسم الرقابة الشرعية التابع للبنك نفسة

او قسم الافتاء في وزارة الاوقاف

بدون زعل يالغالي

المتدى في أغلب الأوقات يتواجد فيه بعض طلبة العلم وأحيانا بعض المشايخ
فلا أرى ضرر من طرح الأخ لموضوعه وذالك لعموم الفائدة
Bin Hood
07-08-2008, 07:43 PM
ومن قالك ان المنتدى متخصص في الاستشارات الاسلامية

قسم المعاملات البنكية

يرجى الاتصال على قسم الرقابة الشرعية التابع للبنك نفسة

او قسم الافتاء في وزارة الاوقاف

ما عندك اسلوب

حتى لو كنت ناصح
أبا خطاب الهلالي
07-08-2008, 07:47 PM
كل قرض جر نفع هو ربا

فلو سحبت من بطاقة ولا سلف ولا بأي طريقة من الطرق وفي النهاية

سددت زيادة على المبلغ فهو كبيرة الربا بلا شك

فمثلاً سحبت 6000 كسلف وسددتها 6000.5 طبقت كبيرة الربا

مثل هذي البطاقات المفروض مصيرها للزبالة من البداية وخلك على بطاقات السحب العادية
PoBox
07-08-2008, 08:01 PM
ابي رايكم ياهل المشورة ، هل السحب النقدي من بطاقة الماستر كارد يعتبر ربا ؟؟؟ وهذا الشئ الي انا ماجربته ولا ودي اجربه ،، كل استخداماتي للبطاقة هي لمشتريات مباشرة او عن طريق النت ..

لكن المشكلة اني دفعت دفعة للبطاقة قدرها 6500 ريال لتسديد المطلوب الي علي ، لكن بعدها بيومين تم خصم نفس المبلغ من حسابي الجاري لحساب الماستر ، فصار حساب الماستر + 6500 عن اللمت الموجود !!! قسماً بالله بطو جبدي ، لكن الشكوى لغير الله مذله ..

هل السحب الكاش من البطاقة يعتبر ربا ؟؟

هذي مشكلة الوطني الاسلامي في ايام التسديد (( نهاية الشهر ))
نهاية الشهر لين يصدرون الكشف ويجيك مسج عليك المبلغ الفلاني

المفروض ماتدفعه
لانه ينخصم تلقائيا من الحساب
وان دفعته راح ينسحب مرة ثانية لانه سستم مبرمج
اي دفعة تدفعها لازم تكون قبل اصدار الكشف من البنك وقبل المسج
مثلا لو نفرض عليك 10 آلاف
دفعت منها قول بتاريخ 27 الشهر 3 آلاف
راح يجيك مسج ان عليك 7000 مطلوبة السداد
لكن ان دفعت 3 آلاف بتاريخ 29 مثلا
راح يجيك مسج ان عليك 10 آلاف :telephone:
وال3 اللي دفعتها بتصير فوق اللمت

ان وصل المسج المفروض ماتدفع خلاص لانها بتندفع تلقائيا
حتى لو ماوصل لو حبيت تصفي نفسك بدون شوشرة ودفع مضاعف
ادفع بتاريخ 26 كل شهر من النت ابرك من خربطة السستم
مرة يسحبون تاريخ 30 -- مرة 2 الشهر الللي بعده --- مرة 5 وانت وحظك


اما السحب فنعم مايجوز لان عليه عمولة 3% اظن هذا حسب مصرف قطر الاسلامي
وطبعا المبلغ اللي اخذته يعتبر سلفة وفايده المبلغ 3%
حتى بالمصرف هو حرام ، وبالوطني الاسلامي نفس الشي لانه بنفس الطريقة

بس المبلغ لازال عندك
يعني انتقل من حسابك الجاري لحساب الكردت
يعني بما معناه بيرتفع عندك اللمت بمقدار الزياده اللي دفعتها
جرب تتصل البنك 4407777 وقولهم يردون المبلغ للجاري لانك دفعت مرتين خطا
وتبي المبلغ يرجع الجاري مب يبقى بالكردت - ان شاء الله يصير -
Chambray
07-08-2008, 09:46 PM
ومن قالك ان المنتدى متخصص في الاستشارات الاسلامية

قسم المعاملات البنكية

يرجى الاتصال على قسم الرقابة الشرعية التابع للبنك نفسة

او قسم الافتاء في وزارة الاوقاف

ياخي إذا ماعندك رد عدل لاترد .. انا ماطلبت منك انك تفتيني او حتى ترد على الموضوع .. وياريت انك ماترد على مواضيعي مستقبلاً لاني ماتشرف بردود نفس هالرد ..



انا لا عندي ماستر كارد ولا فيزا كارد ولا اي نوع من بطاقات الائتمان

كله كاش او علا الفيزا الكترون العادي و نفس ما قال الزعفراني 82 ( الكاش يقلل النقاش )
تسلم اخوي . لكن دام ماعندك لا فيزا ولا ماستر ، ليش ترد !! انا سؤالي محدد !!
Chambray
07-08-2008, 09:57 PM
بدون زعل يالغالي

المتدى في أغلب الأوقات يتواجد فيه بعض طلبة العلم وأحيانا بعض المشايخ
فلا أرى ضرر من طرح الأخ لموضوعه وذالك لعموم الفائدة
جزاك الله خير ، ماقصرت يالغالي ..



ما عندك اسلوب

حتى لو كنت ناصح
بارك الله فيك اخي الكريم ..





كل قرض جر نفع هو ربا

فلو سحبت من بطاقة ولا سلف ولا بأي طريقة من الطرق وفي النهاية

سددت زيادة على المبلغ فهو كبيرة الربا بلا شك

فمثلاً سحبت 6000 كسلف وسددتها 6000.5 طبقت كبيرة الربا

مثل هذي البطاقات المفروض مصيرها للزبالة من البداية وخلك على بطاقات السحب العادية

والله هالبطاقة انا احتاجها في استخدام الانترنت وبعض المشتريات وفي السفر ايضاً ضروريه مثلاً تبي تأجر سيارة او في فندق لابد ان يكون عندك فيزا او ماستر !! فصارت هالبطاقة من الضروريات في الحياه ..
لكن بما ان السحب فيه نسبه من الربا .. فأن شاء الله راح استخدمها في السحب من المحلات وليس سحب الكاش ..
لكن سؤالي ، ايضاً إذا استخدم كرت ATM العاديه من مكاين السحب الآلي في الخارج ففي كل سحبه فيها فوائد ايضاً يعني لو سحبت 1000 ياخذون 30 ريال رسوم ! فهل تعتبر هذي بعد ربا !! مع العلم اني في الخارج وليس في قطر !؟ فهمتني ؟؟



هذي مشكلة الوطني الاسلامي في ايام التسديد (( نهاية الشهر ))
نهاية الشهر لين يصدرون الكشف ويجيك مسج عليك المبلغ الفلاني

المفروض ماتدفعه
لانه ينخصم تلقائيا من الحساب
وان دفعته راح ينسحب مرة ثانية لانه سستم مبرمج
اي دفعة تدفعها لازم تكون قبل اصدار الكشف من البنك وقبل المسج
مثلا لو نفرض عليك 10 آلاف
دفعت منها قول بتاريخ 27 الشهر 3 آلاف
راح يجيك مسج ان عليك 7000 مطلوبة السداد
لكن ان دفعت 3 آلاف بتاريخ 29 مثلا
راح يجيك مسج ان عليك 10 آلاف :telephone:
وال3 اللي دفعتها بتصير فوق اللمت

ان وصل المسج المفروض ماتدفع خلاص لانها بتندفع تلقائيا
حتى لو ماوصل لو حبيت تصفي نفسك بدون شوشرة ودفع مضاعف
ادفع بتاريخ 26 كل شهر من النت ابرك من خربطة السستم
مرة يسحبون تاريخ 30 -- مرة 2 الشهر الللي بعده --- مرة 5 وانت وحظك


اما السحب فنعم مايجوز لان عليه عمولة 3% اظن هذا حسب مصرف قطر الاسلامي
وطبعا المبلغ اللي اخذته يعتبر سلفة وفايده المبلغ 3%
حتى بالمصرف هو حرام ، وبالوطني الاسلامي نفس الشي لانه بنفس الطريقة

بس المبلغ لازال عندك
يعني انتقل من حسابك الجاري لحساب الكردت
يعني بما معناه بيرتفع عندك اللمت بمقدار الزياده اللي دفعتها
جرب تتصل البنك 4407777 وقولهم يردون المبلغ للجاري لانك دفعت مرتين خطا
وتبي المبلغ يرجع الجاري مب يبقى بالكردت - ان شاء الله يصير -

والله انك صادق ، بس ياخي انا ماوصلني مسج ، واتصلت لهم وتأكدت منهم وقالولي ادفع عادي ويوم دفعت بكم يوم انخصم المبلغ واتصلت لهم ايضاً وقلت لهم انتوا قلتولي سدد واحين تخصمون مني مرتين رجعوا المبلغ من الماستر إلى حسابي الجاري ! قالولي راجع الفرع الاسلامي احنا مالنا خص !!


عموماً حصل خير .. والحمد لله مستوره والي عندي يكفي وزياده ، وإن نقصني اقدر بعد استخدم المبلغ الفائض في الماستر . بس قلت اسأل اهل الخبره في هالمواضيع ، لان الماستر ماستخدمها إلا نادر .. وحرام يتم فيها مبلغ وقدره من غير فايده .. يمكن احتاج له يوم من الايام ماقدر اسحبه ،، يعني لازم اشتري فيه شئ .. وماقدر اسحب لان فيه نسبه من الربا .. عموماً هذا درس لي .. واستفدت من ردك جداً .. شكراً لك

وشكراً لكم عزيزي
غزلان
07-08-2008, 10:01 PM
اخوي ان اعندي ماستر وفيزا بس لبنك قطر الوطني مب الأسلامي بصراحه مخليتهم للضروره لكن ما استخدمهم احب الكاش ..بخصوص سؤالك الله واعلم
هدهد سليمان
07-08-2008, 10:01 PM
كل قرض جر نفع هو ربا

فلو سحبت من بطاقة ولا سلف ولا بأي طريقة من الطرق وفي النهاية

سددت زيادة على المبلغ فهو كبيرة الربا بلا شك

فمثلاً سحبت 6000 كسلف وسددتها 6000.5 طبقت كبيرة الربا

مثل هذي البطاقات المفروض مصيرها للزبالة من البداية وخلك على بطاقات السحب العادية


اخي الفاضل صاحب السؤال جزيت خيرا على السؤال الطيب الذي ينم عن اهتمامك بدينك وعملك الخالص لله عز وجل تقبل منك الله الطاعات وجواب اخي mr.q ان شاء الله ان يكون واضح واضيف اليك هذا الرابط واتمنى ان يكون شافيا ووافيا لك ما عليك سوى الضغط على الرابط وتقبل مروري اخي في الله .
http://www.islamweb.net/ver2/Fatwa/ShowFatwa.php?lang=A&Id=6275&Option=FatwaId
Chambray
07-08-2008, 10:05 PM
اخوي ان اعندي ماستر وفيزا بس لبنك قطر الوطني مب الأسلامي بصراحه مخليتهم للضروره لكن ما استخدمهم احب الكاش ..بخصوص سؤالك الله واعلم

انا ايضاً مخليها للضرورة ، ولا في عمري سحبت كاش منهم ، لكن بسبب الخطأ الي صار من بنك قطر الوطني وانخصم المبلغ من حسابي مرتين مرة انا دفعه ومرة خصموه تلقائياً ، فقلت اسحبه واخليه عندي المبلغ .. بدلاً من انه يتم في رصيد الماستر كارد من غير فايده .. ومايصير يرجعون المبلغ من حساب الماستر إلى حسابي ..
علشان كذا سألت وشكراً جزيلاً لج اختي
Chambray
07-08-2008, 10:07 PM
اخي الفاضل صاحب السؤال جزيت خيرا على السؤال الطيب الذي ينم عن اهتمامك بدينك وعملك الخالص لله عز وجل تقبل منك الله الطاعات وجواب اخي mr.q ان شاء الله ان يكون واضح واضيف اليك هذا الرابط واتمنى ان يكون شافيا ووافيا لك ما عليك سوى الضغط على الرابط وتقبل مروري اخي في الله .
http://www.islamweb.net/ver2/Fatwa/ShowFatwa.php?lang=A&Id=6275&Option=FatwaId


وفا وكفا اخوي جزاك الله خير يالغالي وبارك الله فيك ان شاء الله في ميزان حسناتك انت وجميع الاخوه ..

لكن هالسؤال الصراحة سحب سؤال ثاني ..
وهو ان عندي بطاقة الصراف الآلي العاديه ATM وكوني في خارج الدولة استخدمها في سحوبات من مكائن الصرف الآلي في فرنسا ، وهم ياخذون فوائد على السحب ، فهل هذا ايضاً يدخل ضمن دائرة الربا !!
وإذا دخل في دائرة الربا ايضاً ؟؟؟؟؟؟؟؟ من وين باسحب ؟؟؟؟
هدهد سليمان
07-08-2008, 10:16 PM
وفا وكفا اخوي جزاك الله خير يالغالي وبارك الله فيك ان شاء الله في ميزان حسناتك انت وجميع الاخوه ..

لكن هالسؤال الصراحة سحب سؤال ثاني ..
وهو ان عندي بطاقة الصراف الآلي العاديه ATM وكوني في خارج الدولة استخدمها في سحوبات من مكائن الصرف الآلي في فرنسا ، وهم ياخذون فوائد على السحب ، فهل هذا ايضاً يدخل ضمن دائرة الربا !!
وإذا دخل في دائرة الربا ايضاً ؟؟؟؟؟؟؟؟ من وين باسحب ؟؟؟؟


اليك هذا الرابط وان شاء الله سوف يجيب عن كل اسئلتك بإذن الله .
http://www.islamacademy.net/Index.aspx?function=Item&id=3590&lang=
أبا خطاب الهلالي
08-08-2008, 06:56 AM
لكن هالسؤال الصراحة سحب سؤال ثاني ..
وهو ان عندي بطاقة الصراف الآلي العاديه ATM وكوني في خارج الدولة استخدمها في سحوبات من مكائن الصرف الآلي في فرنسا ، وهم ياخذون فوائد على السحب ، فهل هذا ايضاً يدخل ضمن دائرة الربا !!
وإذا دخل في دائرة الربا ايضاً ؟؟؟؟؟؟؟؟ من وين باسحب ؟؟؟؟



أخوي الغالي في المعاملات المالية المعاصرة تكلموا العلماء في هذا الشأن
وكان الظن في البداية انها ربا ولكن اتضح انها فايده على استخدام الصراف كخدمة من البنك الأخر لأن هذا الصراف يخصه وليس بفائده على المبلغ المسحوب وبارك الرحمن فيك وجعلك للمتقين إماما
سهم بن سهم
08-08-2008, 10:07 AM
اخوي الحبيب
اللي اعرفه بان السحب للكاش من بطاقة السحب أي كان نوعها ( فيزا , ملستر , داينر , أمريكان اكسبريس ...... الخ ) راح ياخذون عليك فايدة إضافية على مقدار ماتسحب وهذه الفائدة ربا وحرام فتجنب السحب الكاش .

المشتريات من بطاقة الإئتمان إذا سددت قيمة المشتريات بالكامل نهاية كل شهر فلابأس في ذلك ولاحرج أما إن سددت جزء من قيمة المشتريات ورحلت الباقي للشهر اللي بعده يعني سددت 25% من القيمة هذا لايجوز والبنك راح يأخذ عليك فايده والفايدة تعني الربا

حاول إذا اشتريت بالبطاقة ان تسدد قيمتها كاملة آخر كل شهر حتى لاتتراكم عليك المبالغ وتؤدي للبنك أن يأخذ عليك فائده .

هذا ما أعرفه والله أعلم
سهم بن سهم
08-08-2008, 10:14 AM
بطاقة الصراف الآلي Aitm تسحب من حسابك وانت في الخارج هذا لاشيء عليه لانك تسحب من حسابك والفايدة التي ياخذونها منك بسيطه هي نظير خدمة وليست فائده

يعني مثلا لو سحبت من حسابك 200 يورو وانت في الخارج فالبنك يخصم من حسابك فرق العملة فقط وخدمه مقدار ( 2 يورو ) فلاشيء فيه

شوف افرض لو حسابك في مصرف قطر الاسلامي وانت سحبت من حسابك الاي تي أم مبلغ 200 يورو فهل تعتقد بان مصرف قطر الاسلامي راح ياخذ عليك فايده ؟؟؟؟؟؟؟؟ ما اعتقد

هي نظير خدمه اخوي ومبلغ مايتعدى يورو وين فقط وفرق العملة راح يكون في صالحك بعد


هذا ما اعرفه والله اعلم
م. عبدالعزيز
08-08-2008, 10:23 AM
يعطيك العافيه اخوي استفسار جميل كان يدور في بالي وحبيت اعرف المزيد،،
عن نفسي عندي على المصرف بطاقتين،، بطاقة صراف عادية وبطاقة فيزا .. ونفس النظام بالضبط الصراف مابه فوائد والفيزا مالها فوائد الا ال3% اذا سحبت كاش منها .. وعن نفسي لحد الان ماجربت اسحب كاش بالفيزا ولا مفكر اجرب حتى الشباب اللي اعرفهم ماينصحوني اجرب.. الفيزا مخليها حق المشتريات مثل كارفور ولا الفندق اذا سافرت برع ولا فواتير كيوتل

سويت بحث سريع في قوقل وظهر لي التالي
http://www.islamtoday.net/questions/show_question_content.cfm?id=42244
http://www.22522.com/vb/showpost.php?p=283880&postcount=1
http://www.tdwl.net/vb/archive/index.php/t-156481.html

طيب ممكن اسألك سؤال؟ بحكمي اني مارحت بلدان بعيده مثل ماليزيا وبعض البلدان الاوروبيه،، هل جربت تشوف اقرب صراف وتستخدم بطاقة الصراف العاديه وتسحب ؟
انا هالصيف رحت السعوديه وسحبت من صراف سعودي ببطاقة الصراف العاديه وبدون اي زيادات ..

وآسف عالاطاله
راعي السهم الأول
08-08-2008, 11:20 PM
ابي رايكم ياهل المشورة ، هل السحب النقدي من بطاقة الماستر كارد يعتبر ربا
؟؟؟
وهذا الشئ الي انا ماجربته ولا ودي اجربه ،، كل استخداماتي للبطاقة هي لمشتريات مباشرة او عن طريق النت


:deal:
من مسماها هي أساسا تعتبر بطاقة مشتريات مخصصه ويفضل إستخدامها عند نقاط البيع لن في بعض المحلات تعمل خصم مميز لحاملي هالبطاقه بنسبه معينه فتلقى البنك يقوم بترويج لها عند فتح أي عميل حساب ويعتمد عالموظف في بعضهم يوصل لك المعلومه كامله وشامله وبعضهم لا مايذكر أي شي بخصوص الفوائد اللي بتنحسب سواء للكاش أو للمشتريات
وعلى حسب تسديدك المبلغ في بعضهم يعطونك نسب وأنت تقرر هل تدفع
100%
50%
25%
10%
5%
من القسط الشهري للبطاقه


لكن المشكلة اني دفعت دفعة للبطاقة قدرها 6500 ريال لتسديد المطلوب الي علي ، لكن بعدها بيومين تم خصم نفس المبلغ من حسابي الجاري لحساب الماستر ، فصار حساب الماستر + 6500 عن اللمت الموجود
!!!
قسماً بالله بطو جبدي ، لكن الشكوى لغير الله مذله ..

:nop:
المفروض أنه دام عندك مبلغ في حسابك اللي ينسحب منه القسط الشهري لبطاقة الماستر لازم أنك ماتدفع لهم أي شي لن أتوماتكلي يسحبون الدفعه من حسابك الظاهر أنك أستعجلت والموظف ماوضح لك هالشي أنت كل شهر في تاريخ محدد لسحب المبلغ الملزوم به للماستر أنت اللي عليك تتصل لهم وتسأل كم المبلغ اللي لازم تدفعه وتشيك إذا اللي فحسابك يغطي روح للبنك وأكتب لهم على اللي صار معاك لنها تحصل دايم مع بعض العملاء أن يدفع القسط اللي عليه وفجأه أنخصم من حسابه وتدبل فيطلبون إعادة المبلغ اللي زاد عن الحاجه ويتم ترجيعه

:shy:
وبالنسبه لهالبطاقه الحلو فيها أنك لو تخليها للمشتريات ولخارج البلد سبحان الله لن يمكن يصادفك مشكله في بطاقة الصراف الآلي فالأحسن لك أن تخليها إحتياط لسفراتك وبالنسبه لسؤالك عنها إن كانت ربويه أساس البنك ربوي يعني إذا بتفرق يمكن في الفايده يحسبونها أقل والله أعلم لن الحمدلله ماعندي إلا بطاقة الصراف وبس

تحــــــــــــــــياتـــــــــــــــــي
الحريف
08-08-2008, 11:24 PM
اخي الكريم ...
بطاقة الفيزا الصادرة من خدمات الصفا الاسلامية التابعة للبنك التجاري تسمحلك بسحب الكاش بدون فائدة وبنظام القرض الحسن واظن بطاقة الوطني الاسلامي نفسها لانها بغير ذلك لا تكون اسلاميو ولا تجاز من قبل هيئة الرقابة الشرعية.. ممكن ياخذون على الكاش بمسمى اخر.
لو كنت مكانك ومحتاج للفلوس اللي سددتها بالخطأ بسحبهم وانا مطمن لانهم فلوسي ومش مقترضهم من البطاقة او البنك وبالتالي ما عليها ربا حتى لو اخذ البنك فلوس على سحب الكاش ... "فلوسي باسترجعها ومش فلوس اقترضها" ...تفرق
Chambray
09-08-2008, 02:27 AM
اخي الكريم ...
بطاقة الفيزا الصادرة من خدمات الصفا الاسلامية التابعة للبنك التجاري تسمحلك بسحب الكاش بدون فائدة وبنظام القرض الحسن واظن بطاقة الوطني الاسلامي نفسها لانها بغير ذلك لا تكون اسلاميو ولا تجاز من قبل هيئة الرقابة الشرعية.. ممكن ياخذون على الكاش بمسمى اخر.
لو كنت مكانك ومحتاج للفلوس اللي سددتها بالخطأ بسحبهم وانا مطمن لانهم فلوسي ومش مقترضهم من البطاقة او البنك وبالتالي ما عليها ربا حتى لو اخذ البنك فلوس على سحب الكاش ... "فلوسي باسترجعها ومش فلوس اقترضها" ...تفرق

يعجبني فيك انك فاهمني ، صج انك حريف .. وبارك الله فيك ..
Chambray
09-08-2008, 02:29 AM
شكراً جزيلاً للجميع ، وبارك الله فيكم
بوخالد911
09-08-2008, 09:26 AM
اخووي جاسم

الصراحة عجبني موقفك لتحري الدقة لمعرفة الحلال والحرام وخاصة في مثل هالأمور

الله يسهل علييك ويبعدك عن الشبهات

مع التحية

؛؛؛

بوخالد911