المساعد الشخصي الرقمي

مشاهدة النسخة كاملة : استفسار


BusinessWoman
22-03-2005, 10:51 AM
اخواني انا شاريه اسهم في المخازن باسماء الاهل وقت الاكتتاب

والحين لما جيت احولهم باسمي ... في البورصه

قالوا لي لازم المعنين بالموضوع يحضرون المبنى شخصيا

بغيت اعرف مافي حل احسن من هالشيء

خصوصا انهم حريم كبار في السن شلون اخذهم معاي السوق علشان تحويل الاسهم ..

اتمنى حد يفديني لو عنده فكره عن هذا الموضوع ...؟

:(
بيـــزات
22-03-2005, 10:55 AM
على ما اعتقد ان مو شرط ... يكفي الظاهر البطاقه الشخصيه

وتنازل من صاحب العلاقه عند الوسيط.. وان شاء الله

لان اخبر اخوي حولها بالبطاقه الشخصيه لصاحب العلاقه بس الحين ما ادري
BusinessWoman
22-03-2005, 11:00 AM
اخوي بيزات مشكور على ردك ... حتى انا كنت احسبها جذيه ووخذت لهم صور من البطاقات الشخصيه

بس مااقبلوها .... قالوا لازم يحضرون شخصيا !!!!!

ابي حد يتاكد لي من الموضوع :(

تحيااتي لك يااخوي
الوضع ما يطمن
22-03-2005, 11:01 AM
ليتني اقدر اساعدك ...
سهم عتيج
22-03-2005, 11:01 AM
في طريقة ثانية,, وهي أنك تقومين باحضار مندوبة من الشؤون القانونية للبيت لتحويل الأسهم باسمك,, وياخذون 150 ريال,, بس ما أدري هل على كل عملية,, ولا على الحضور,,
وفي شي ثاني,, هل هؤلاء هم من اقاربك من الدرجة الاولى؟؟ اذا لم يكونوا من الدرجة الاولى,, فيجب ان تتم البيع عبر الشاشة..

والله الموفق
BusinessWoman
22-03-2005, 11:05 AM
اخوي الوضع ما يطمن مشكور على مرورك ..


اخوي سهم عتيج هم اقارب اكيد من الدرجه الاولى ... بس احضار مندوبه من الشؤون القانونيه للبيت
اشدعوه ... هل هذه من القوانين الجديده في الدوله ... !!!!!

؟؟؟؟
بيـــزات
22-03-2005, 11:07 AM
زين انتي ما استفسرتي من الوسيط

شنهو الحلول المتاحه غير حضورهم اكيد بيفيدج بالطريق المباشر

وبالتوفيق
BusinessWoman
22-03-2005, 11:14 AM
الوسيط بعد ماعنده فكره .. قال لي يمكن هذه شروط جديده حطتها الدوله بعد التلاعب الي صار بخصوص الناقلات

من جذيه قلت اسئل الاخوان هني يمكن حد يكون عنده فكره عن هذا الموضوع !!!
العنان
22-03-2005, 11:43 AM
اختي ممكن اتخلينهم يعملون لج توكيل قاونوني وعلى اساس هالتوكيل ممكن تتصرفين بالأسهم هذا اللي اعرفه قانوناً ان الوكيل يقدر يتصرف بأملاك الموكل حسب الصلاحيات المعطاه له من قبل موكله...
الله يخلي جامعة قطر :)
عزيز
22-03-2005, 12:59 PM
السلام عليكم

بصراحه مالج الا التوكيل تاخذينه من وزاره العدل وتحولين الاسهم من أسمهم لين أسمج بس بتعورين راسج معاهم روح وتعال وانطر بالدور احسن حل لج تبيعين عن طريق الشاشه اذا ماتعرفين حد

من فتره شريت اسهم اعيال عمتي وعطيتهم مبلغ الاسهم كاش وخذت بس صوره من بطاقته الشخصيه ورحت حق وسيطي الخاص وحول لي كل شي عن طريق الكمبيوتر بس خذو عموله بيع وشراء حتي مانزل الاسهم بالسوق والعموله طبعا 4 في الاف

طبعا اذا تعرفين حد بيصرفونج بس اذا ماتعرفين مالج الا تبيعين وتشترين بالسوق بس لازم تأكدين علي الوسيط الي راح يبيع ويشتريلج انه محد يشتريهم غيرج وبنفس الدقيقه وانتي واقفه عنده لازم هالشي تأكدين عليه جدامه لانه فيه احتمال انه لو نزلها بالسوق يمكن فيه طلب ثاني علي سعر السهم الي انتي عرضتيه وتتسجل بأسمه وتروح عليج الأسهم وبيعطونج فلوسهم وانتي طبعا ماتبين الفلوس تبين الاسهم

اختي علشان ماطول عليج لانه الطريقه معقده شوي اتصلي في المجموعه واساليهم عن طريقه

4444444 أو 4442288

أستفسري منهم واشرحي لهم وان شاء الله يساعدونج
والله يوفقج اختي والله لو بيدي شي جان ساعدتج السموحه علي القصور
ابوعلي اليافعي
22-03-2005, 01:57 PM
اختي بزنس ومن ساحاول التاكد من الموضوع وانشالله ستجدين الرد مساء في نفس المكان...وشكرا
ابـو مــحــــمـــــد
22-03-2005, 03:55 PM
اختي انا يوم الاحد مسوي تحويل شي منهم بـ اسامي عيالي وشي زوجتي وعمتي وعيال اخوي وكل الي جبته معاي شهادة الميلاد للاطفال والبطاقات الشخصيه للكبار وخذيت كشف حساب بالاسهم الي عندهم وطلعت للدور الثالث اعتقد او الثاني وهناك فيه بنات هم المسولين عن ها النقطه وقالو لي شنهو الي تبي تحوله وعلمت عليه وتم التحويل بسعر رمزي خذوه مني وتم التحويل بعدها ولا طلبو مني حضور حد لكن قبلها كنت مستفسر منهم وقالو لي اهم شي البطاقات الاصليه
azgert
22-03-2005, 04:21 PM
امممممممممممممم
ابوعلي اليافعي
22-03-2005, 08:03 PM
بعد التاكد من الموضوع فان حضور اصحاب العلاقه ضروري وان كانوا اقارب من الدرجه الاولى..وممكن اذا كانوا كبار بالسن ان يبقوا فالسياره وسيحضر مندوب من المكتب الى السياره لاخذ توقيعهم او البصمه..وشكرااا
BusinessWoman
23-03-2005, 11:46 AM
مشكور اخوي بو علي يعني الي انقال لي صج
الله يعطيك العافية