نشرة اعلانية (صدى الاسواق)

[مضارب مبتدئ]

السلام عليكم ورحمة الله وبركاتة


عندي استفسار بسيط واتمنى انكم تتجاوبو معاي
فيه مجلة او بالاحرى نشرة اعلانية موجودة في السوق نفس الوسيط(مب وسيط الشرق)
اسمها صدى الاسواق على شكل مجلة يعني فيها اعلانات ابغي اعرف حد سمع عنها
واشرايكم فيها واذا عندكم ملاحظات عليها ياليت تفيدوني لاني صاحب المجلة وابغي اطور منها وافتح لها فروع واحنا في العدد رقم 12
واخر عدد نزل الاربعاءبتاريخ 6\8\2008

ياليت تقولو لي رايكم واقتراحاتكم
ودمتم بود

[بويوسف]

للاسف ماشفتها اخوي ..

وين توزعها ؟؟

ذكرتني بهندي كان يوزع دعاية حق محل وعطاني عشرين نشرة عشان يفك عمره !!

[hich]

أأخوي مشكلة نشرتكم هي التوزيع والاعتماد على ناس غير أكفاء في الادارة والتسويق فقد حصل ان طلبوا مني أن أكون معلن دائم في النشرة وبسبب عدم خبرة الموظفيين لم يستطيعوا الحفاظ على وجودي كمعلن

كما ان التصميم غير جيد وغير مريح للعين نهائيا....وهاذي من الأسباب غير الظاهره التي توءدي الى فشل او نجاح المجلات

أخي يجب ان تقوم ب سوات انلزيز الا وهو تحليل لنقاط القوة والضعف و المنافسين والتهديد وهناك نقطة التأكد من التوزيع وعدد النسخ وسعر الطباعة وارسال نسخ الكترونية الى الشركات وموقع الكتروني

وهناك الكثير من الأشياءوالنقاط

[مضارب مبتدئ]

تسلم اخوي بو يوسف على الرد السريع
بس والله المجلة صار لها 6 شهور وكل شهر عددين وما شفتها
اهئ اهئ اهئ
المجلة تتوزع في المحلات التجارية وفي بعض المناطق السكنية

[مضارب مبتدئ]

هلا اخوي hich
في هاي معاك حق ياخي مالقيت مندوبين هاي اللي عندي انا سويت اعلان في الجرايد وللحين ادور مندوبين وما للقيت
وبالنسبة للموظف اللي جاك امسحها في وجهي خلاص تعال وبنزلك ببلاش ولا يصير خاطرك الا طيب
وبالنسبة للتوزيع انا اشرف على التوزيع ومتابعة أول بأول
وبعدين ما فية في السوق الا احنا والوسيط بس كشركات خاصة
وبالنسبة للتصميم انت قولي اشلون اطورة عطني فكرة
والحين اطرش لك المندوب والا لا
تسلم الغالي على ملااحظاتك

[almulla]

مامرت علي من قبل

في وحدة اسمها اسواق قطر هذي مرت علي ووايد عجبتني

حاول تركز على الهنود (مجمع اللولو وكارفور وهالسوالف)

دايما احصل هالنشرات عند الدريول والخداديم مع انها بالعربي

[مضارب مبتدئ]

حياك اله اخوي الملا بالنسبة لاسواق قطر خلاص الشركة مقفولة
وما في في السوق الا احنا والوسيط
وتسلم على مرورك

[الوعد2016]

لم اسمع عن هذي المجله

[عاشق الشهادة]

^


جريده او نشره اسبوعيه:shy:

[M.K]

للاسف ماسمعت عنها ولا شفتها...

بس ليش ماتحاول توزعها مع الجرايد اعتقد بتكون افضل..

[مضارب مبتدئ]

والله تقهروني لما تقول ما سمعت عنها
هذي نشرة اعلانية مرتين كل شهر
وسالفت الجرايد حاولت بس يقول لك تضارب مصالح
يعني اذا بوزع مع الراية بتضر بمصلحتهم لان عندهم الشامل للأعلانات
وهاي تضارب في المصالح
وشكرا على مروركم الكريم

[RE-Qatar]

لا تشيل هم المجله معروووفه ، ودايما توصلني ، واكثر شي يجذبني صورة الغلاف :nice::nice: ابصم له بالعشره يابو ناصر

[مضارب مبتدئ]

لا تشيل هم المجله معروووفه ، ودايما توصلني ، واكثر شي يجذبني صورة الغلاف :nice::nice: ابصم له بالعشره يابو ناصر


حياك الله اخوي بس انت غلطان انا مب بوناصر
وانا اشوف اكثر الناس مب عارفينها
عالعموم شاكر لك مرورك الكريم


ودمت بود