بـيت تـاجر الـذهب

[تـاجر الـذهب]

السلام عليكم ورحمة الله وبركاته

اخوي بوحارب انا اثق في رايك وخبرتك انت وباقي الاخوة المهتمين بالبناء والمقاولات

وانا ناوي ابتدي بناء بيتي تحت اشرافك وتوجيهاتك انت ومن لديه خبره ومشورة لتعم الفائدة

فمما لاشك فيه ان هناك العشرات الي حالتهم مثل حالتي انشغلو بالشغل والحياة
والدراسة خارج قطر والسفر وصارو ضحية للنمو السريع لاقتصاد دولتنا الحبيبة
من حيث تغير المجريات والاجرآئات وتغير النظم كلها في غضون كم سنة لدرجة
أن الواحد مب عارف راسه من رجوله

ابي مساعدتك من الألف الى الياء . من البناء حتى السكن اسكنك الله قصور الجنة

مثلك عارف تعقيدات وتطورات وتحديات تواجه الجيل القادم والله يكون بعونهم

الحمد لله, عندي ارض ونزل اسمي من سنتين في قائمة القروض ومب عارف شاسوي؟

شلون ابتدي وفي اي اجراء ابتدي فيه

فهل ممكن تساعدني وغيري ممن لديه نفس التساؤلات في بناء بيوت المستقبل ؟

أسكنك الله انت وباقي الاخوة المشاركين فسيح جناته

[بوحارب]

السلام عليكم ورحمة الله وبركاته

اخوي بوحارب انا اثق في رايك وخبرتك انت وباقي الاخوة المهتمين بالبناء والمقاولات

وانا ناوي ابتدي بناء بيتي تحت اشرافك وتوجيهاتك انت ومن لديه خبره ومشورة لتعم الفائدة

فمما لاشك فيه ان هناك العشرات الي حالتهم مثل حالتي انشغلو بالشغل والحياة
والدراسة خارج قطر والسفر وصارو ضحية للنمو السريع لاقتصاد دولتنا الحبيبة
من حيث تغير المجريات والاجرآئات وتغير النظم كلها في غضون كم سنة لدرجة
أن الواحد مب عارف راسه من رجوله

ابي مساعدتك من الألف الى الياء . من البناء حتى السكن اسكنك الله قصور الجنة

مثلك عارف تعقيدات وتطورات وتحديات تواجه الجيل القادم والله يكون بعونهم

الحمد لله, عندي ارض ونزل اسمي من سنتين في قائمة القروض ومب عارف شاسوي؟

شلون ابتدي وفي اي اجراء ابتدي فيه

فهل ممكن تساعدني وغيري ممن لديه نفس التساؤلات في بناء بيوت المستقبل ؟

أسكنك الله انت وباقي الاخوة المشاركين فسيح جناته


وعليكم السلام ورحمه الله وبركاته

صباحك خير أخوي تاجر ذهب:)

أشكرك على الثقه هذي فيني وفي باقي الأعضاء

وخل عندك علم انه يوجد هناك من هو أفضل من بوحارب في هالمنتدى :victory:

لكن الله يقدرني وأفيدك باللي اعرفه وأن شاء بنوقف معاك لين ما تستلم مفاتيح بيتك:)

واتمنى من باقي الأعضاء ان يدلوا بدلوهم هنا وخاصه اخوانا اصحاب التجربه

في البناء وبعض الأعضاء المتخصصين في البناء:looking:

حتى تعم الفائدة للجميع :ok2:

رووووح والقلب داعيلك ياراعي الذهب ولا تنسى الصوغة:thumbup1:

[تـاجر الـذهب]

الله يسلمك يابوحارب ماتقصر وجزاك الله خير والحين ابي اعرف وين اروح بالضبط وشنوهو الاجراء والادارة الي لازم اكون معاها في المرحلة هذة

عندي نموذج بيت ومثل ماقلت لك الحمد لله اخيرا نزل اسمي في القروض وعندي ارض في منطقة مافيها خدمات لكن مسموح بالبناء فيها بدليل انه فيه بيوت قاعده تنبني

[بوحارب]

شلون ابتدي وفي اي اجراء ابتدي فيه



تصدق نسيت شلون بديت البنيان :con2:

خذ ملكية الأرض وودها وزارة العدل اللي في الكورنيش

عند ابراج السليطي :victory:

وأطلب صورة طبق الأصل

وخذ هالصورة وودها لأي مكتب استشاري ^ ــ ^

وخله يسويلك المخطط اللي في بالك

وفالك الذهب:eek5:

[تـاجر الـذهب]

:) تسلم . خلاص بروح لابراج السليطي لوزارة العدل وباخذ صور من ملكية الارض والمخطط او الي اسميه االنموذج جاهز

وبرد لك خبر ان شاء الله

كم صورة اصدقها؟ تعتقد مطلوبة

[بوحارب]

الله يسلمك يابوحارب ماتقصر وجزاك الله خير والحين ابي اعرف وين اروح بالضبط وشنوهو الاجراء والادارة الي لازم اكون معاها في المرحلة هذة

عندي نموذج بيت ومثل ماقلت لك الحمد لله اخيرا نزل اسمي في القروض وعندي ارض في منطقة مافيها خدمات لكن مسموح بالبناء فيها بدليل انه فيه بيوت قاعده تنبني

:con2::con2:

عندك رخصه بنيان ؟



:) تسلم . خلاص بروح لابراج السليطي لوزارة العدل وباخذ صور من ملكية الارض والمخطط او الي اسميه االنموذج جاهز

وبرد لك خبر ان شاء الله

كم صورة اصدقها؟ تعتقد مطلوبة

صورة أو صورتين :)

[تـاجر الـذهب]

:con2::con2:

عندك رخصه بنيان ؟




صورة أو صورتين :)
لا ماعندي رخصة بنيان شلون ومن اي ادارة اجيبها

:nice: اعجبك

تسلم ياغالي

[بوحارب]

لا ماعندي رخصة بنيان شلون ومن اي ادارة اجيبها

:nice: اعجبك

تسلم ياغالي

تعجبني وايد افا عليك :nice:

رخصة بناء يقدم عليها الأستشاري لما يخلص من التصميم :)

الله يسلمك

[تـاجر الـذهب]

شالفرق بين تصميم ومخطط ونتموذج بناء؟ نفس الشي صح مجرد اختلاف تسميات

وخلاص ان شاء الله اخذ التصميم الي عندي مستوي وجاهز و بوديه حق مكتب الاستشاري
الي في بالي مع صورة مصدقة من سند الملكية عشان يقدم لي على رخصة البناء

عندك فكرة كم وقت اخذ عشان الرخصة وكم فلوس تقريبا؟

ولما اخلص برد لك خبر شرايك؟ وهذة تعتبر مشاوير هالاسبوع او الاسبوعين الجايات

وجزاك الله خير

[بوحارب]

شالفرق بين تصميم ومخطط ونتموذج بناء؟ نفس الشي صح مجرد اختلاف تسميات

وخلاص ان شاء الله اخذ التصميم الي عندي مستوي وجاهز و بوديه حق مكتب الاستشاري
الي في بالي مع صورة مصدقة من سند الملكية عشان يقدم لي على رخصة البناء

عندك فكرة كم وقت اخذ عشان الرخصة وكم فلوس تقريبا؟

ولما اخلص برد لك خبر شرايك؟ وهذة تعتبر مشاوير هالاسبوع او الاسبوعين الجايات

وجزاك الله خير

التصميم والمخطط والنموذج <<<< تقريباً نفس الشي{ يعني لازم تحرجني :shy:}

:)

الرخصه على حسب

قبل كانت تاخذ من 40 يوم الى شهرين

اما الحين يقولون الوضع تغير وما صارت تتاخر الرخصة لما تجهز:victory:

[تـاجر الـذهب]

ماعاش من يحرج الحبيب :) وزين انها ما تطول وان شاء الله لما اخلص ارد هنيه بالموضوع باخر التطورات

وجزاك الله خير

[مـراحـب]

تـاجر الـذهب

مرحبا أخوي ، ،

وأن شاء الله أقدر أساعدك باللي أقدر عليه ، ،
لأني مررت بتجربه البنيان مع والدتي ، ،

وأي سؤال أنا حاضرة ، ،

[بوحارب]

ماعاش من يحرج الحبيب :) وزين انها ما تطول وان شاء الله لما اخلص ارد هنيه بالموضوع باخر التطورات

وجزاك الله خير

ويجزاك بمثله

انا في انتضارك :nice:


تـاجر الـذهب

مرحبا أخوي ، ،

وأن شاء الله أقدر أساعدك باللي أقدر عليه ، ،
لأني مررت بتجربه البنيان مع والدتي ، ،

وأي سؤال أنا حاضرة ، ،


اوصلت الفزعه يا تاجر الذهب:app2:

الله يزيد ويبارك

لاتقصرين مع اخونا تاجر ذهب يا مراحب

[تـاجر الـذهب]

:) بوحارب من العجلة على بالي اسمك انقلب من بوحارب صار مراحب

تسلمين يا مراحب وجعلج ذخر انتي وبوحارب وجزاكم الله خير عني وعن كل قطري وقطرية

السؤال الفلته يصير اتعامل مع استشاري مثلا من البحرين او ابوظبي او السعودية؟
ولا لازم بقطر

والتسعيرات يتوقعون 15000 الف هل هذا معقول واذا لا فما هو المعقول وشكرا

:)

[مـراحـب]

[COLOR="red"]اوصلت الفزعه يا تاجر الذهب:app2:

الله يزيد ويبارك

لاتقصرين مع اخونا تاجر ذهب يا مراحب

ولا يهمك بو حريبه

نعين ونعااون باللي نقدر عليه

[بوحارب]

ولا يهمك بو حريبه

نعين ونعااون باللي نقدر عليه

الله يعطيج العافية:)

[darkuae]

الله يوفقك أخوي وييسرلك بنيانك

اسمحلي دخلت عرض على الموضوع

أخوي أنا توني مخلص الخرايط وسويتها ب14500 ريال لأرض صغييرة (حاس انهم قصوا علي بس كانت أفكار الاستشاري حلوة فعشان هالشي ما غيرته) وفي مكاتب استشارية مصنفة تاخذ في حدود 12000 ريال

الله يعينك بالتصميم

وأول ما تروح للاستشاري (إذا ماعندك تصميم جاهز) عطه الأفكار الأساسية للي تبيه في البيت وخله هو يقترحلك تصميم

مثلا تقوله: أبي مجلس خارجي، مجلس ومطعم مفصولين، كم عدد الغرف، في بركة سباحة أو لأ، في مكتب، أي أي احتياجات أخرى وخله هو يصمم لك

وبالتوفيق

[تـاجر الـذهب]

تسلم اخوي drakuse ومشكور على الاضافة الرائعة والله يعينا ويعينك على بالبناء والتكاليف ابشرك التصميم جاهز عندي مستوي من قبل وعلى كيف كيفك وبوديه للاستشاري وانشاءلله خير

بخصوص الاستشاري بقطر ولا من برا طلع لازم من قطر عشان يتابع الرخصة من هنيه ( سالت صديق)

والسؤال االحين هل بعد الرخصة مع الاستشاري فيه شي ثاني بسويه معاه؟ ولابس هالفترة وخلاص
يعني مثلا اثناء البنيان بيتم هو نفسه معاي ولا اقدر اخذ استشاري ثاني وجم هي المصاريف المستقبلية مع الاستشاري

وشكرا اخوي يعطيك الف عافية

[بوحارب]

والسؤال االحين هل بعد الرخصة مع الاستشاري فيه شي ثاني بسويه معاه؟ ولابس هالفترة وخلاص
يعني مثلا اثناء البنيان بيتم هو نفسه معاي ولا اقدر اخذ استشاري ثاني وجم هي المصاريف المستقبلية مع الاستشاري


لا

خله يسويلك التصميم والأشراف أخذه من مكتب ثاني

وتقدر تخليه هو نفسه يشرف لك على البنيان

والمصاريف تختلف على حسب موقع البنيان يعني من 1500 الى 2500 فالشهر :eek5:

[تـاجر الـذهب]

لا

خله يسويلك التصميم والأشراف أخذه من مكتب ثاني

وتقدر تخليه هو نفسه يشرف لك على البنيان

والمصاريف تختلف على حسب موقع البنيان يعني من 1500 الى 2500 فالشهر :eek5:


اوكي علم اخوي بوحارب وهالمصاريف بتكون جزء من اقساط القرض ولا منفصله بروحها :eek5:

[مـراحـب]

تـاجر الـذهب

أتوقع يكون الأستشاري من قطر < < يفضل للمتابعة المستمرة

وفي المقاابل أنت توقف على رأس الأستشاري لاتخليه بروحه

والأستشاري بيشوف الخارطة ومكتب الاتفاق

وبيعدل عليها أذا كان في أي تعديلات ( يقولك المطلوب والناقص )

[تـاجر الـذهب]

تـاجر الـذهب

أتوقع يكون الأستشاري من قطر < < يفضل للمتابعة المستمرة

وفي المقاابل أنت توقف على رأس الأستشاري لاتخليه بروحه

والأستشاري بيشوف الخارطة ومكتب الاتفاق

وبيعدل عليها أذا كان في أي تعديلات ( يقولك المطلوب والناقص )

علم اختي مراحب وربي يسلمج ماقصرتي يالشيخة

[darkuae]

أخوي بالنسبة لمتابع البنيان ممكن هو وممكن استشاري ثاني وكل شي باحسابه:rolleyes2:

نصيحه في الوقت إللي الاستشاري بياخذ فيه الموافقات (بياخذ موافقة على المساحات وعقبها الخدمات وعقبها الحديد والانشائي) فأنت اطلب منه صورة من الخرايط قبل لا تنتهي كامل الموافقات واستغل الوقت انك تدورلك على مقاول للبنيان لحين انتهاء الرخصة النهائية:nice:

وربي يوفقك

[تـاجر الـذهب]

أخوي بالنسبة لمتابع البنيان ممكن هو وممكن استشاري ثاني وكل شي باحسابه:rolleyes2:

نصيحه في الوقت إللي الاستشاري بياخذ فيه الموافقات (بياخذ موافقة على المساحات وعقبها الخدمات وعقبها الحديد والانشائي) فأنت اطلب منه صورة من الخرايط قبل لا تنتهي كامل الموافقات واستغل الوقت انك تدورلك على مقاول للبنيان لحين انتهاء الرخصة النهائية:nice:

وربي يوفقك


نصيحة من ذهب بارك الله فيك وفيها توفير للوقت ربي يسلمكم جميع

كم موافقه لازم ياخذها الاستشاري غير الرخصة؟ ولا تقصد هالموافقات كلها اصلا عشان رخصة البناء؟

سؤال من حديد: شلون اعرف ارضي وين بالضبط. اي اداره اروح؟

جزاكم الله خير وشكرا :nice:

[darkuae]

هاي الموافقات من ضمن الرخصة

وبالنسيبة لي عرفت مكان الأرض بالضببببببببط عن طريق الاحداثيات والجي بي اس

وعرفتها من موظف في التخطيط العمراني في البرج

بس الحين مع التغيير الوزاري ما عرف إيش صار

[تـاجر الـذهب]

هاي الموافقات من ضمن الرخصة

وبالنسيبة لي عرفت مكان الأرض بالضببببببببط عن طريق الاحداثيات والجي بي اس

وعرفتها من موظف في التخطيط العمراني في البرج

بس الحين مع التغيير الوزاري ما عرف إيش صار


ربي يسلمك ويعافيك وجزاك الله عنا خير يالغالي

والله ياخوك مشكله ناس تبي تعرف اراضيها وين بالضبط لازم تستخدم الاقمار الصناعية؟

مفروض يكون هذا الشي سهل وبسيط حاولت قبل سنتين اعرف سوو لي سالفه وتعقيدات
واخرتها انتقل المبنى بكبره وسافرت عقبه

بيسهلها ربك ان شاء الله

[حسين بن عاقول]

تاجرذهب الله يوفقك

بو حارب ماقصرت وبيض الله وجهك وجزاك الله الجنة على لخدمة العظيمة الي تقدمها للاعضاء..


وياتاجر الاعضاء مايقصرون اهني ويعطيهم العافية

حبيت اشكر الجميع بس

فالكم الجنة

[بوحارب]

اوكي علم اخوي بوحارب وهالمصاريف بتكون جزء من اقساط القرض ولا منفصله بروحها :eek5:

من القسط ولا من جيبك كله واحد

انت دافع دافع :(




نصيحه في الوقت إللي الاستشاري بياخذ فيه الموافقات (بياخذ موافقة على المساحات وعقبها الخدمات وعقبها الحديد والانشائي) فأنت اطلب منه صورة من الخرايط قبل لا تنتهي كامل الموافقات واستغل الوقت انك تدورلك على مقاول للبنيان لحين انتهاء الرخصة النهائية:nice:

وربي يوفقك

تاجر ذهب ركز على هالنقطه عدل:eek5:

بيض الله وجهك على التوضيح دارك يو اي اي:)



نصيحة من ذهب بارك الله فيك وفيها توفير للوقت ربي يسلمكم جميع

كم موافقه لازم ياخذها الاستشاري غير الرخصة؟ ولا تقصد هالموافقات كلها اصلا عشان رخصة البناء؟

سؤال من حديد: شلون اعرف ارضي وين بالضبط. اي اداره اروح؟

جزاكم الله خير وشكرا :nice:

أتوقع من التخطيط العمراني:)

على فكرة اذا ماعرفت وين مكان أرضك ترى تتصدر للدولة:secret:

يعني مالك أرض ولا شي:sorry:

أتوقع ارضك تصادرت { الله يعينك } :shy:




تاجرذهب الله يوفقك

بو حارب ماقصرت وبيض الله وجهك وجزاك الله الجنة على لخدمة العظيمة الي تقدمها للاعضاء..


وياتاجر الاعضاء مايقصرون اهني ويعطيهم العافية

حبيت اشكر الجميع بس

فالكم الجنة


ووجهك ابيض يابن عاقول وخلك معانا

ونتمنى انك تساعدنا شوي :)

[مـراحـب]

بعض النصائح قبل البنيان : -

أثناء الحفر للأساس < < تابعهم وخلهم يحفرون حفر عميق مش أي كلام ، ،

نجي لغرف للبيت خل حجمها مناسب ( لا كبير ولا صغير ) ، ،
يعني الغر ف العادية ( 5 * 4.5 ) ، ،
الماستر ( 6 * 5.5 ) ، ،

- واذا عندك مدخل يعني الليوان اللي أمام باب المجلس والصاله يكون مغلق
ان شاء الله فاهمني > > لأنه اذا حطيت بيبان ماتخترب من أشعه الشمس ، ،

الصالة :

-أهم شي الصاله تكون شرحه < < كبيرة نوعا ما وتكون فيها درايش كثيرة للأضاءة ، ،
- مكان بعيد عن أشعة الشمس في اي ركن للطوفه للتلفزيون البلازما ، ،

المجلس :

- يكون كبير نوعا ما ، ،
- مكان للمغاسل للضيوف ( يا 3 أو 2 ) ، ،
- الحمام ( الله يعز القارئ ) يكون فيه مغسله ومرحاض ، ،
- مطعم يكون مفتوح على المجلس يعني بدون باب أو أي شي ، ،

الغرف :

- حدد كم غرفة تحتاج ( فوق - تحت ) أذا بيتك دورين ، ،
- اذا حاب كل غرفه بحمامها ( للخصوصية ) وغرفة ملابس ، ،
- أو كل غرفتين بحمام ، ،
- الماستر ( غرفة + بصاله صغيرة + غرفة ملابس بحمام ، ،
- غرفة صلاة اذا حاب ، ،

- لاتنسى البنت هاوس < < من الضروريات في البيت ، ،
- لا تكثر من الدرايش في الغرف ( وحده كفاية ) لأنه عقب ما تخلص البناء الستاير راح تكلفك وايد ، ، وحجم الدريشة نفسها خلهاا متوسطه ، ،
- واذا تبغي غرف مكتب أوغرفه لألعاب الأطفال < < حط من الحين المتطلبات ، ،

* لابد من توافر ملحق خارجي :

( مطبخ + مخزن + غرفة للكوي - للغسيل + حمام + غرفة للطعام ) ، ،

- اذا تبغي مخيزين صغير < < لأدوات السيارة

* واذا عندك مطبخ خارجي :

- يكون الفيبر ( درام الماي ) يكون خاص بالمطبخ ، ، غير اللي بالبيت ، ،
- لاتنسى المدخنة ( اللي تشفط الدخان فوق الفرن ) ، ،
- لا تنسى توصل بيب الغاز يا يكون تحت البلاط أو أن موصول ببيب إلى مكان الفرن ، ،
- لا تنسى الانترديلكوس ، ،
- المغسله تكون ثنتين احذا بعض , , اللي داخل المطبخ ، ،
- لاتنسى بيب يووصل لين الغساله ، ،
- لانسى مغسله المواعين تكون أرضية برع المطبخ ( للسمك والزفر واللحوم ) ، ،
- اذا بتحط براد ماي < < لاتنسى البيب اللي يوصل الماي تخليه جاهز والكهربا ، ،

وللمخزن :

- من البداية خطط له كم ثلاجة وفريرز ، ،
- لاتنسى الرفوف ( أنظم وأسهل لربة البيت ) عندك الهفوف للرفوف ، ،

* واذا عندك دريول أو خدامه :

- ( غرفة + حمام ) يا يكون أول البيت على يمين البيت وبابه على برع ، ، أو يكون ورى ، ،
- ويفضل أذا كانت عندك خدامه < < تكون غرفتها داخل البيت تفادي للمشاكل ، ،

* والكهرب يعني تحط في اعتبارك :

- كم مكيف تحتاج كل غرفة ( عادي ولا سبيلت يونت ) ، ،
- الأضاءة ( سبوت لايت ولا عاديين ) ، ،
- الجبس ( بلش فيه في مرحلة البناء يا أنه كامل ولا بوردر فقط ) ، ،
- فيش كم تحتاج لكل غرفة - الدشات - للانتر كام ، ،
- كم ساكت تحتاج في الغرفة الواحدة ، ،
- حط سماعات في البيت كامل ( تشغل قرآن أو للآذان ) ، ،
- الجرس يكون مسموع ( الصاله واحد بملحق المطابخ ) ، ،
- دينمو الماي - برشر لضخ الماي ، ،


* للحمامات ( الله يعز القارئين ) :
- يكون مقاسه ( 2.5 * 2.5 ) ، ،
- البانيو + البديه + المرحاض + المغسله ( وحط في اعتبارهم المراحض ما يجابل القبلة )، ،
- كل حمام أو كل حمامين مشتركين لا تنسى سخان الماي ، ،
- لاتنسى الانتردكلوس < < أذا ما عرفته بنزل صورة هاي ينحط فوق السقف ، ،
- لاتنسى مرواح الشفط < < تكون مع الدريشة وما تكون كبيرة ، ،


واللي ذكر أعلاه يحضرني الحين

أي شي تبغيه لا يردك الا الكيبورد

والله يوفق الجميع

مــراحــب

[*¤ بن قطر¤*]

ربي يسلمك ويعافيك وجزاك الله عنا خير يالغالي

والله ياخوك مشكله ناس تبي تعرف اراضيها وين بالضبط لازم تستخدم الاقمار الصناعية؟

مفروض يكون هذا الشي سهل وبسيط حاولت قبل سنتين اعرف سوو لي سالفه وتعقيدات
واخرتها انتقل المبنى بكبره وسافرت عقبه

بيسهلها ربك ان شاء الله


مرحبا أخوي ...

أول شي الله يوفقك ... و يعينك ان شاء الله ...

نصيحتي لك خلك متابع مع الاستشاري خطوه بخطوه لان يومهم عن سنه :anger1: نظرا لحجم الشغل الموكل لهم.
واي فكره تخطر في بالك حطها مع مراعاة تكلفة الفكره ... لان هناك أفكار حلوه ولكن وقت تنفيذها تكون مكلفه ... و ماراح تعرف هالشي الا لي رحت للمقاول.

حاول تبتعد عن الديكورات الخارجيه للفيلا ... لانها دائما ما يكون لها داعي و في نفس الوقت مكلفه جدا. و ركز على التصميم الداخلي و توزيع الغرف.

ولا تقبل بأي تصميم لست مقتنع به .. هذا بيت العمر.

و تقبل مروري بود و محبه - و اذا حبيت اي مساعده انا حاضر و بالشوفه.

أخوك / *¤ بن قطر¤*

[بوحارب]

بعض النصائح قبل البنيان : -

أثناء الحفر للأساس < < تابعهم وخلهم يحفرون حفر عميق مش أي كلام ، ،

نص متر كفايه للفيلا :nice:

لأن كل ما زاد الحفر زادت التكلفه

وأشرط على المقاول قبل البدء فالعمل بأن يكون الحفر حتى تلامس الأرض الصلبه:victory:

نجي لغرف للبيت خل حجمها مناسب ( لا كبير ولا صغير ) ، ،
يعني الغر ف العادية ( 5 * 4.5 ) ، ،
الماستر ( 6 * 5.5 ) ، ،

احلى مساحات

لاهي بالكبيرة ولا الصغيرة:nice:

- واذا عندك مدخل يعني الليوان اللي أمام باب المجلس والصاله يكون مغلق
ان شاء الله فاهمني > > لأنه اذا حطيت بيبان ماتخترب من أشعه الشمس ، ،

يفضل تكون أبواب المداخل الومنيوم لأن ما تتاثر بالعوامل الجويه مثل الخشب :eek5:

الصالة :

-أهم شي الصاله تكون شرحه < < كبيرة نوعا ما وتكون فيها درايش كثيرة للأضاءة ، ،
- مكان بعيد عن أشعة الشمس في اي ركن للطوفه للتلفزيون البلازما ، ،

المجلس :

- يكون كبير نوعا ما ، ،
- مكان للمغاسل للضيوف ( يا 3 أو 2 ) ، ،
- الحمام ( الله يعز القارئ ) يكون فيه مغسله ومرحاض ، ،
- مطعم يكون مفتوح على المجلس يعني بدون باب أو أي شي ، ،

يفضل وضع باب يفصل المجلس عن صاله الطعام

حتى يسهل على الخدم والحشم تقديم الوليمة اللي بيعزمنا عليها تاجر ذهب

بعد الأنتهاء من بناء البيت:shy:

الغرف :

- حدد كم غرفة تحتاج ( فوق - تحت ) أذا بيتك دورين ، ،
- اذا حاب كل غرفه بحمامها ( للخصوصية ) وغرفة ملابس ، ،
- أو كل غرفتين بحمام ، ،
- الماستر ( غرفة + بصاله صغيرة + غرفة ملابس بحمام ، ،
- غرفة صلاة اذا حاب ، ،

تاجر ذهب اذا تبي توزيع مضبوط للغرف

انصحك ترجع لومضوعي

شوف الرابط عدل :eek5:


http://www.qatarshares.com/vb/showthread.php?t=190240


- لاتنسى البنت هاوس < < من الضروريات في البيت ، ،

صحيح شي مهم البنت هاوس

ويكفي غرفة بحمامها :discuss:

- لا تكثر من الدرايش في الغرف ( وحده كفاية ) لأنه عقب ما تخلص البناء الستاير راح تكلفك وايد ، ، وحجم الدريشة نفسها خلهاا متوسطه ، ،

غير تكلفه الستاير

بتكون هناك تكلفه الالونيوم :(

فــ لازم تراعي هالنقطه بعد

- واذا تبغي غرف مكتب أوغرفه لألعاب الأطفال < < حط من الحين المتطلبات ، ،

* لابد من توافر ملحق خارجي :

( مطبخ + مخزن + غرفة للكوي - للغسيل + حمام + غرفة للطعام ) ، ،

- اذا تبغي مخيزين صغير < < لأدوات السيارة

* واذا عندك مطبخ خارجي :

- يكون الفيبر ( درام الماي ) يكون خاص بالمطبخ ، ، غير اللي بالبيت ، ،
- لاتنسى المدخنة ( اللي تشفط الدخان فوق الفرن ) ، ،
- لا تنسى توصل بيب الغاز يا يكون تحت البلاط أو أن موصول ببيب إلى مكان الفرن ، ،
- لا تنسى الانترديلكوس ، ،

الأنترجلاس مب الأنتديلوكس:secret:

شوف صورته تحت ياراعي الذهب

- المغسله تكون ثنتين احذا بعض , , اللي داخل المطبخ ، ،
- لاتنسى بيب يووصل لين الغساله ، ،
- لانسى مغسله المواعين تكون أرضية برع المطبخ ( للسمك والزفر واللحوم ) ، ،
- اذا بتحط براد ماي < < لاتنسى البيب اللي يوصل الماي تخليه جاهز والكهربا ، ،

وللمخزن :

- من البداية خطط له كم ثلاجة وفريرز ، ،
- لاتنسى الرفوف ( أنظم وأسهل لربة البيت ) عندك الهفوف للرفوف ، ،

* واذا عندك دريول أو خدامه :

- ( غرفة + حمام ) يا يكون أول البيت على يمين البيت وبابه على برع ، ، أو يكون ورى ، ،
- ويفضل أذا كانت عندك خدامه < < تكون غرفتها داخل البيت تفادي للمشاكل ، ،

* والكهرب يعني تحط في اعتبارك :

- كم مكيف تحتاج كل غرفة ( عادي ولا سبيلت يونت ) ، ،
- الأضاءة ( سبوت لايت ولا عاديين ) ، ،
- الجبس ( بلش فيه في مرحلة البناء يا أنه كامل ولا بوردر فقط ) ، ،
- فيش كم تحتاج لكل غرفة - الدشات - للانتر كام ، ،
- كم ساكت تحتاج في الغرفة الواحدة ، ،
- حط سماعات في البيت كامل ( تشغل قرآن أو للآذان ) ، ،
- الجرس يكون مسموع ( الصاله واحد بملحق المطابخ ) ، ،
- دينمو الماي - برشر لضخ الماي ، ،

المكيفات يفضل اسبلت

الجبس على حسب السيوله عندك لأنه مكلف شوي

الدينمو أسأل الفيتر بيب وقت التركيب


* للحمامات ( الله يعز القارئين ) :
- يكون مقاسه ( 2.5 * 2.5 ) ، ،
- البانيو + البديه + المرحاض + المغسله ( وحط في اعتبارهم المراحض ما يجابل القبلة )، ،
- كل حمام أو كل حمامين مشتركين لا تنسى سخان الماي ، ،
- لاتنسى الانتردكلوس < < أذا ما عرفته بنزل صورة هاي ينحط فوق السقف ، ،
- لاتنسى مرواح الشفط < < تكون مع الدريشة وما تكون كبيرة ، ،

2.5X 2.5 مساحة كبيرة شوي:con2:

بس حلوة

واللي ذكر أعلاه يحضرني الحين

أي شي تبغيه لا يردك الا الكيبورد

والله يوفق الجميع

مــراحــب


خلاص يا تاجر ذهب بعد هالتقرير مالنا وجود في الموضوع:weeping:

مراحب غطت علينا والله:sorry:




يعطيج العافية مراحب

[بوحارب]

http://www.qatarshares.com.qa/data/208/211/storm_1009235107_1188952732.jpg

[مـراحـب]

خلاص يا تاجر ذهب بعد هالتقرير مالنا وجود في الموضوع:weeping:

مراحب غطت علينا والله:sorry:




يعطيج العافية مراحب
تسلم يا بو حارب
وتشكر على الأضافات الرائعه

ووجودك مهم معاانا
كلنا نكمل بعض

وعندي ملاحظة الحين طرت على بالي

المكيفات اذا العادية < < يتطلب من برع تحت قاعدة ألمونيوم لكل مكيف
للماي الي يطلع من المكيف ووصله بالبيبات لحد الصرف الصحي

وفي الحوش < < أذا أنت تغسل السيارات او الحوش كثير
في البلاط نفسه تحط قبل البيبان نفسك الشبك لصرف الماي وما يطلع برع
أن شاء الله فااهم اللي أقصده
وبااب الحوش لازم يكون شوي كبير

بو حارب

بعد غير الألمونيوم اذا بتحط درابزين من برع بس للغرف التحتية




http://www.qatarshares.com.qa/data/208/211/storm_1009235107_1188952732.jpg

ما شاء الله عليك
صووورت قبلي
وفي منه بشكل طولي وفيه من مربعات

[بويوسف]

تصدق نسيت شلون بديت البنيان :con2:

خذ ملكية الأرض وودها وزارة العدل اللي في الكورنيش

عند ابراج السليطي :victory:

وأطلب صورة طبق الأصل

وخذ هالصورة وودها لأي مكتب استشاري ^ ــ ^

وخله يسويلك المخطط اللي في بالك

وفالك الذهب:eek5:

همممم نصائح مفيدة :secret:

[بوحارب]

تسلم يا بو حارب
وتشكر على الأضافات الرائعه

ووجودك مهم معاانا
كلنا نكمل بعض
.
العفو وتسلمين :nice:

وعندي ملاحظة الحين طرت على بالي

المكيفات اذا العادية < < يتطلب من برع تحت قاعدة ألمونيوم لكل مكيف
للماي الي يطلع من المكيف ووصله بالبيبات لحد الصرف الصحي

فيه شي افضل من الكور الألومنيوم للمكيفات العادية

شوفوا الصورة

http://www.qatarshares.com.qa/data/208/211/storm_1289507299_1395266080.jpg

هذا افضل بكثير ومنظره حلووووو :nice:

وفي الحوش < < أذا أنت تغسل السيارات او الحوش كثير
في البلاط نفسه تحط قبل البيبان نفسك الشبك لصرف الماي وما يطلع برع
أن شاء الله فااهم اللي أقصده
هذي الحركة تنفع للي بيوتهم فيها صرف حكومي

وليس اللي يعتمدون على اتناكر في سحب المياة

لأن لو ما فيه صرف حكومي للمياة البالوعه بتنترس في يوم وخاصه ايام المطر:eek5:

:)


ما شاء الله عليك
صووورت قبلي
وفي منه بشكل طولي وفيه من مربعات

الشكل الطولي يسمونه الومنيوم أذا ما خاب ظني:unsure:

[بوحارب]

همممم نصائح مفيدة :secret:

بويوسف ترى كنت افكر اطرش لك رساله عالخاص وأقولك تشاركنا:sorry:

لا تخلينا بروحنا :sneaky:

[سلامي للكل]

مســـــاء الخيـــر

http://www.al3nabi.com/vb/images/smilies/stylat/017.gif

الصـــراحــة معلـــومات من ذهــب http://www.al3nabi.com/vb/images/smilies/stylat/034.gif


بوحارب http://www.al3nabi.com/vb/images/smilies/man5.gif

مراحـــب http://www.al3nabi.com/vb/images/smilies/g11.gif

darkuae http://www.al3nabi.com/vb/images/smilies/167.gif

*¤ بن قطر¤* http://www.al3nabi.com/vb/images/smilies/g4.gif

يعطيكــم الف الف عافيــة على المعلــومات المفيــدة والخبــــرة http://www.al3nabi.com/vb/images/smilies/luxhello.gif

وكل الشكـــر لصــاحب المــوضــوع "تاجـــر الذهــب" http://www.al3nabi.com/vb/images/smilies/roxy.gif

وفااااااااااااالكم التوفيــق:victory:

http://www.al3nabi.com/vb/images/smilies/stylat/0223.gif

[jassim_007]

اوه بوحارب طلع منه فايده و انا عبالي شخص عاله على المجتمع <<اتغشمر :tease:


يعطيكم العافيه اخواني على النصايح الي تقدمونه لاخوكم تاجر الذهب

و شكر خاص لبوحارب (مقاول المنتدى):shy: بس مقاول فاشل :rolleyes2: ماتشوف شكل المنتدى اشلون يلا جيب عمالك علشان يسون لنه استايل ثاني ...مايصير عندنه مقاول مثلك و البنر الي فوق مدري اشلون :tease:

[بوحارب]

اوه بوحارب طلع منه فايده و انا عبالي شخص عاله على المجتمع <<اتغشمر :tease:


يعطيكم العافيه اخواني على النصايح الي تقدمونه لاخوكم تاجر الذهب

و شكر خاص لبوحارب (مقاول المنتدى):shy: بس مقاول فاشل :rolleyes2: ماتشوف شكل المنتدى اشلون يلا جيب عمالك علشان يسون لنه استايل ثاني ...مايصير عندنه مقاول مثلك و البنر الي فوق مدري اشلون :tease:


:weeping::(:weeping:

[jassim_007]

:weeping::(:weeping:

:rolleyes2:خلاص اصلاً انت انجح مقاول بالديره بس الناس ماتعرف تقدر:rolleyes2: لاتصيح خلاص



يلا بطلع منها انا خوفي نقلب الموضوع شات :shy:

[سداوي&مدريدي]

الصــراحه موضوع مفيد أتمنى من المشرف تثبيته لتعم الفائده :nice:

الله يوفقك أخوي في بنيانك

ويوفق الجميع

وماقصرو الأعضاء

:nice:

[مـراحـب]

بوحارب الاسم نفسه الانترجلاس

http://www2.0zz0.com/thumbs/2008/08/09/11/987904577.jpg (http://www.0zz0.com/realpic.php?s=2&pic=2008/08/09/11/987904577.jpg)

[مـراحـب]

بوحارب
بخصوص اللي ذكرته
تحط للصرف الصحي ولا تدفع غرامة 10.000 ريال

[بوحارب]

^
^

jassim_007 و سداوي و سلومي { فديتكم } :shy:

لا تخربون موضوع الرجال

ترى بويوسف ما يتغشمر وعلى طوول بيقفل الموضوع

اشربوا الكرك واطلعوا برع بليييييييز :shy:


بوحارب الاسم نفسه الانترجلاس

http://www2.0zz0.com/thumbs/2008/08/09/11/987904577.jpg (http://www.0zz0.com/realpic.php?s=2&pic=2008/08/09/11/987904577.jpg)

عرفته وسعره نفس سعر المربعات تقريبا

والأفضل المربعات { بالنسبة لي } :victory:


بوحارب
بخصوص اللي ذكرته
تحط للصرف الصحي ولا تدفع غرامة 10.000 ريال


10000:eek5:

الله يستر انا كل مرة اغسل مواترري داخل البيت :omg:

بس المشكلة اذا ما كان فيه صرف حكومي !!!!!

الماي بيتجمع وبتطفح ال .... على طووول:(

[المرعب]

في مهندس يسوي خرايط من برا ويختمها لك من اكبر مكاتب استشاريه بس انت الي اتابع البلديه وسعره مايتعدا 9000ريال على حسب البيت الي بتسويه للعلم انا سويت عنده خريطه بيتي فله اريضيه وبنت هوس وخليته يسويل خريطه نفسها دورين وبنت هوس حق المستقبل اذا بكمل البيت طلع على 9000 والحين توني مبادي ومخلص الحفر والي نقدر عليه بنسويه وابشر

[تـاجر الـذهب]

تاجرذهب الله يوفقك

بو حارب ماقصرت وبيض الله وجهك وجزاك الله الجنة على لخدمة العظيمة الي تقدمها للاعضاء..


وياتاجر الاعضاء مايقصرون اهني ويعطيهم العافية

حبيت اشكر الجميع بس

فالكم الجنة


فالك الطيب يا حسين ماقصرت اخوي وبيض الله وجهك ووجيه الاعضاء ماقصرتو والله

[تـاجر الـذهب]

من القسط ولا من جيبك كله واحد

انت دافع دافع :(



تاجر ذهب ركز على هالنقطه عدل:eek5:

بيض الله وجهك على التوضيح دارك يو اي اي:)



أتوقع من التخطيط العمراني:)

على فكرة اذا ماعرفت وين مكان أرضك ترى تتصدر للدولة:secret:

يعني مالك أرض ولا شي:sorry:

أتوقع ارضك تصادرت { الله يعينك } :shy:






ووجهك ابيض يابن عاقول وخلك معانا

ونتمنى انك تساعدنا شوي :)


يعني من القسط الحمد لله نقدر نرتب الاوضاع المالية :telephone:

ركزت على النقطة ومشكور انت ودارك يو اي اي

انت من ضجك تتصدر ارض الي مايعرف وين هي؟

زين ماعندهم سستيم يعرفنا على اراضينا وين الي يستعمل الاقمار الصناعية والي
حالته حاله. غريبه والله مفروض هذا شي بسيط وبديهي اما ابني بارض غلط :secret:

يعني من ضجك؟ ولا تمزح :omen2: حسبي الله ونعم الوكيل صراحه اذا طلع صج

[تـاجر الـذهب]

بعض النصائح قبل البنيان : -

أثناء الحفر للأساس < < تابعهم وخلهم يحفرون حفر عميق مش أي كلام ، ،

نجي لغرف للبيت خل حجمها مناسب ( لا كبير ولا صغير ) ، ،
يعني الغر ف العادية ( 5 * 4.5 ) ، ،
الماستر ( 6 * 5.5 ) ، ،

- واذا عندك مدخل يعني الليوان اللي أمام باب المجلس والصاله يكون مغلق
ان شاء الله فاهمني > > لأنه اذا حطيت بيبان ماتخترب من أشعه الشمس ، ،

الصالة :

-أهم شي الصاله تكون شرحه < < كبيرة نوعا ما وتكون فيها درايش كثيرة للأضاءة ، ،
- مكان بعيد عن أشعة الشمس في اي ركن للطوفه للتلفزيون البلازما ، ،

المجلس :

- يكون كبير نوعا ما ، ،
- مكان للمغاسل للضيوف ( يا 3 أو 2 ) ، ،
- الحمام ( الله يعز القارئ ) يكون فيه مغسله ومرحاض ، ،
- مطعم يكون مفتوح على المجلس يعني بدون باب أو أي شي ، ،

الغرف :

- حدد كم غرفة تحتاج ( فوق - تحت ) أذا بيتك دورين ، ،
- اذا حاب كل غرفه بحمامها ( للخصوصية ) وغرفة ملابس ، ،
- أو كل غرفتين بحمام ، ،
- الماستر ( غرفة + بصاله صغيرة + غرفة ملابس بحمام ، ،
- غرفة صلاة اذا حاب ، ،

- لاتنسى البنت هاوس < < من الضروريات في البيت ، ،
- لا تكثر من الدرايش في الغرف ( وحده كفاية ) لأنه عقب ما تخلص البناء الستاير راح تكلفك وايد ، ، وحجم الدريشة نفسها خلهاا متوسطه ، ،
- واذا تبغي غرف مكتب أوغرفه لألعاب الأطفال < < حط من الحين المتطلبات ، ،

* لابد من توافر ملحق خارجي :

( مطبخ + مخزن + غرفة للكوي - للغسيل + حمام + غرفة للطعام ) ، ،

- اذا تبغي مخيزين صغير < < لأدوات السيارة

* واذا عندك مطبخ خارجي :

- يكون الفيبر ( درام الماي ) يكون خاص بالمطبخ ، ، غير اللي بالبيت ، ،
- لاتنسى المدخنة ( اللي تشفط الدخان فوق الفرن ) ، ،
- لا تنسى توصل بيب الغاز يا يكون تحت البلاط أو أن موصول ببيب إلى مكان الفرن ، ،
- لا تنسى الانترديلكوس ، ،
- المغسله تكون ثنتين احذا بعض , , اللي داخل المطبخ ، ،
- لاتنسى بيب يووصل لين الغساله ، ،
- لانسى مغسله المواعين تكون أرضية برع المطبخ ( للسمك والزفر واللحوم ) ، ،
- اذا بتحط براد ماي < < لاتنسى البيب اللي يوصل الماي تخليه جاهز والكهربا ، ،

وللمخزن :

- من البداية خطط له كم ثلاجة وفريرز ، ،
- لاتنسى الرفوف ( أنظم وأسهل لربة البيت ) عندك الهفوف للرفوف ، ،

* واذا عندك دريول أو خدامه :

- ( غرفة + حمام ) يا يكون أول البيت على يمين البيت وبابه على برع ، ، أو يكون ورى ، ،
- ويفضل أذا كانت عندك خدامه < < تكون غرفتها داخل البيت تفادي للمشاكل ، ،

* والكهرب يعني تحط في اعتبارك :

- كم مكيف تحتاج كل غرفة ( عادي ولا سبيلت يونت ) ، ،
- الأضاءة ( سبوت لايت ولا عاديين ) ، ،
- الجبس ( بلش فيه في مرحلة البناء يا أنه كامل ولا بوردر فقط ) ، ،- فيش كم تحتاج لكل غرفة - الدشات - للانتر كام ، ،
- كم ساكت تحتاج في الغرفة الواحدة ، ،
- حط سماعات في البيت كامل ( تشغل قرآن أو للآذان ) ، ،- الجرس يكون مسموع ( الصاله واحد بملحق المطابخ ) ، ،
- دينمو الماي - برشر لضخ الماي ، ،


* للحمامات ( الله يعز القارئين ) :
- يكون مقاسه ( 2.5 * 2.5 ) ، ،
- البانيو + البديه + المرحاض + المغسله ( وحط في اعتبارهم المراحض ما يجابل القبلة )، ،
- كل حمام أو كل حمامين مشتركين لا تنسى سخان الماي ، ،
- لاتنسى الانتردكلوس < < أذا ما عرفته بنزل صورة هاي ينحط فوق السقف ، ،
- لاتنسى مرواح الشفط < < تكون مع الدريشة وما تكون كبيرة ، ،


واللي ذكر أعلاه يحضرني الحين

أي شي تبغيه لا يردك الا الكيبورد

والله يوفق الجميع

مــراحــب


اللــــــــــــه يرضى عليج ويوفقج يا مراحب ماقصرتي والله وجزاج الله قصور الذهب بالجنة

باخذها نصيحة نصيحة وفالج الخير والطيب وتسلمين يالغالية

[تـاجر الـذهب]

مرحبا أخوي ...

أول شي الله يوفقك ... و يعينك ان شاء الله ...

نصيحتي لك خلك متابع مع الاستشاري خطوه بخطوه لان يومهم عن سنه :anger1: نظرا لحجم الشغل الموكل لهم.

واي فكره تخطر في بالك حطها مع مراعاة تكلفة الفكره ... لان هناك أفكار حلوه ولكن وقت تنفيذها تكون مكلفه ... و ماراح تعرف هالشي الا لي رحت للمقاول.

حاول تبتعد عن الديكورات الخارجيه للفيلا ... لانها دائما ما يكون لها داعي و في نفس الوقت مكلفه جدا. و ركز على التصميم الداخلي و توزيع الغرف.

ولا تقبل بأي تصميم لست مقتنع به .. هذا بيت العمر.

و تقبل مروري بود و محبه - و اذا حبيت اي مساعده انا حاضر و بالشوفه.

أخوك / *¤ بن قطر¤*


ربي يبارك فيك ومن زمان مبروك يابن قطر حيك وحي طواريك وماقصرت والله

وبكون على راسهم كل يوم بيومه ان شاء الله ومشكور على المشاركة ياغالي

[تـاجر الـذهب]

خلاص يا تاجر ذهب بعد هالتقرير مالنا وجود في الموضوع:weeping:

مراحب غطت علينا والله:sorry:




يعطيج العافية مراحب


روووووعة تعليقاتك ومشاركتك مع الغالية مراحب يا بوحارب

جزاكم الله قصور الذهب في جناته

ماتدري يمكن الحين في احد الاعضاء في هالمرحلة زاستفاد من المشاركات ومب عارف
شيسوي

الحين عندي جرعة كافية للبدء ان شاء الله وبوافيكم بالتطورات اول باول
ان شاء الله

عاد ان شاء الله ماصادرو الارض ترى خوفتني يابوحارب

[تـاجر الـذهب]

تسلم يا بو حارب
وتشكر على الأضافات الرائعه

ووجودك مهم معاانا
كلنا نكمل بعض

وعندي ملاحظة الحين طرت على بالي

المكيفات اذا العادية < < يتطلب من برع تحت قاعدة ألمونيوم لكل مكيف
للماي الي يطلع من المكيف ووصله بالبيبات لحد الصرف الصحي

وفي الحوش < < أذا أنت تغسل السيارات او الحوش كثير
في البلاط نفسه تحط قبل البيبان نفسك الشبك لصرف الماي وما يطلع برع
أن شاء الله فااهم اللي أقصده
وبااب الحوش لازم يكون شوي كبير

بو حارب

بعد غير الألمونيوم اذا بتحط درابزين من برع بس للغرف التحتية





ما شاء الله عليك
صووورت قبلي
وفي منه بشكل طولي وفيه من مربعات

جزاكم الله خير على التفصيل الجزيل تسلمون والله يعطيكم الف عافية



همممم نصائح مفيدة :secret:

بويوسف ماتقصر لا انت ولابوحارب تسلمون شرايك في البدايات صحيحة؟ او لا

ودعواتكم صدقني الي مثلي بالعشرات وانا متاكد من هالشي وان شاء الله تعم الفايدة





مســـــاء الخيـــر

http://www.al3nabi.com/vb/images/smilies/stylat/017.gif

الصـــراحــة معلـــومات من ذهــب http://www.al3nabi.com/vb/images/smilies/stylat/034.gif


بوحارب http://www.al3nabi.com/vb/images/smilies/man5.gif

مراحـــب http://www.al3nabi.com/vb/images/smilies/g11.gif

darkuae http://www.al3nabi.com/vb/images/smilies/167.gif

*¤ بن قطر¤* http://www.al3nabi.com/vb/images/smilies/g4.gif

يعطيكــم الف الف عافيــة على المعلــومات المفيــدة والخبــــرة http://www.al3nabi.com/vb/images/smilies/luxhello.gif

وكل الشكـــر لصــاحب المــوضــوع "تاجـــر الذهــب" http://www.al3nabi.com/vb/images/smilies/roxy.gif

وفااااااااااااالكم التوفيــق:victory:


http://www.al3nabi.com/vb/images/smilies/stylat/0223.gif

فالك الخير اخوي سلامي للكل


اوه بوحارب طلع منه فايده و انا عبالي شخص عاله على المجتمع <<اتغشمر :tease:


يعطيكم العافيه اخواني على النصايح الي تقدمونه لاخوكم تاجر الذهب

و شكر خاص لبوحارب (مقاول المنتدى):shy: بس مقاول فاشل :rolleyes2: ماتشوف شكل المنتدى اشلون يلا جيب عمالك علشان يسون لنه استايل ثاني ...مايصير عندنه مقاول مثلك و البنر الي فوق مدري اشلون :tease:

:) اخوي جاسم صدقني مش انا المستفيد الوحيد . كلنا مستفيدين وبعيدن كله الا بوحارب

مارضى عليه :) هذا مقاول المنتدى وباحتراف بعد جزاه الله قصور الذهب بالجنة

[LOLOO]

الله يعينك اخوي ويوفقك ....

دام ابو حارب في الموضوع,,,,,ان شاء الله امورك طيبة رجال خبرة وينصح من قلب ..الله يجزيه خير...


ومشاء الله الاخوان والاخوات مايقصرون,,,

انا نصيحتي لا تستعجل يعني اي خطوة اعرضها على كذا مكتب لانك بتلاقي تفاوت بالاسعار...

الخرايط اولا ..واذا العقد عظم وبلاستر والتشطيب عليك...شوف كذا بيب فيتر كذا كهربائي

بس اهم شي تكون المواصفات هي نفسها في جميع العقود..ولوصلت هالمرحلة ان شاء الله راح اعطيك صورة من عقد الكهرباء والماء لانها تعتبر من اجود المواصفات...

الاستشاري...

شووف لك استشاري زين...لان وجود الاستشاري مهم جداجدا
وان بصراحة ماتوفقت بستشاري عدل...4 الي جبتهم وغيرتهم...

طريقة الاتفاق مع الاستشاري ياانها تكون شهرية يعني يطلع بااستمرار يشوف الموقع ويشيك عالشغل او بمبلغ محدد ومايطلع الموقع الا وقت الصبيات...(يعني صب الخرساناتوالاسقف)....

وان شاء الله اذا في شي ونقدر نفيدك ماراح نقصر....

[تـاجر الـذهب]

الصــراحه موضوع مفيد أتمنى من المشرف تثبيته لتعم الفائده :nice:

الله يوفقك أخوي في بنيانك

ويوفق الجميع

وماقصرو الأعضاء

:nice:

تسلم اخوي سداوي مدريدي ماتقصر والله ولا يقصرون الاخوان والفايدة للجميع ان شاء الله


في مهندس يسوي خرايط من برا ويختمها لك من اكبر مكاتب استشاريه بس انت الي اتابع البلديه وسعره مايتعدا 9000ريال على حسب البيت الي بتسويه للعلم انا سويت عنده خريطه بيتي فله اريضيه وبنت هوس وخليته يسويل خريطه نفسها دورين وبنت هوس حق المستقبل اذا بكمل البيت طلع على 9000 والحين توني مبادي ومخلص الحفر والي نقدر عليه بنسويه وابشر

تسلم يالمرعب وجزاك الله خير انا خرايطي جاهزه مستويه نموذج عاجبني وجاهز بس بخلي
الاستشاري يتابع الرخصة . عندك فكرة كم ياخذون على الخرايط هنيه بقطر سمعت 12000 وسمعت 14000 اذا خريطتي والنموذج جاهز بعد بياخذ علي شي؟ لاني اعتقد انه بياخذ بعد
على متابعة البلدية الي فهمته انه ياخذ حول 14000 للخرايط ومدر يجم بياخذ تقريبا عشان
المتابعة ولا هي مشموله في نفس الموضوع؟


وان شاء الله يارب تتيسر الامور ومن بكرة ببتدي وخلنا نشوف كم ياخذ
بناء بيت العمر ونسال الله البركة والفايدة للجميع ومشكور ياغالي ماتقصر ان شاء الله

[تـاجر الـذهب]

الله يعينك اخوي ويوفقك ....

دام ابو حارب في الموضوع,,,,,ان شاء الله امورك طيبة رجال خبرة وينصح من قلب ..الله يجزيه خير...


ومشاء الله الاخوان والاخوات مايقصرون,,,

انا نصيحتي لا تستعجل يعني اي خطوة اعرضها على كذا مكتب لانك بتلاقي تفاوت بالاسعار...

الخرايط اولا ..واذا العقد عظم وبلاستر والتشطيب عليك...شوف كذا بيب فيتر كذا كهربائي

بس اهم شي تكون المواصفات هي نفسها في جميع العقود..ولوصلت هالمرحلة ان شاء الله راح اعطيك صورة من عقد الكهرباء والماء لانها تعتبر من اجود المواصفات...

الاستشاري...

شووف لك استشاري زين...لان وجود الاستشاري مهم جداجدا
وان بصراحة ماتوفقت بستشاري عدل...4 الي جبتهم وغيرتهم...

طريقة الاتفاق مع الاستشاري ياانها تكون شهرية يعني يطلع بااستمرار يشوف الموقع ويشيك عالشغل او بمبلغ محدد ومايطلع الموقع الا وقت الصبيات...(يعني صب الخرساناتوالاسقف)....

وان شاء الله اذا في شي ونقدر نفيدك ماراح نقصر....


تسلم وتدوم يالغالي ماقصرت وجزاك الله قصور الذهب بالجنة

علم وان شاء الله اخذ نصايحك نصيحة نصيحة وبتابع معاكم اول باول

جزاك الله خير

[LOLOO]

بعض النصائح قبل البنيان : -

أثناء الحفر للأساس < < تابعهم وخلهم يحفرون حفر عميق مش أي كلام ، ،

نجي لغرف للبيت خل حجمها مناسب ( لا كبير ولا صغير ) ، ،
يعني الغر ف العادية ( 5 * 4.5 ) ، ،
الماستر ( 6 * 5.5 ) ، ،

- واذا عندك مدخل يعني الليوان اللي أمام باب المجلس والصاله يكون مغلق
ان شاء الله فاهمني > > لأنه اذا حطيت بيبان ماتخترب من أشعه الشمس ، ،

الصالة :

-أهم شي الصاله تكون شرحه < < كبيرة نوعا ما وتكون فيها درايش كثيرة للأضاءة ، ،
- مكان بعيد عن أشعة الشمس في اي ركن للطوفه للتلفزيون البلازما ، ،

المجلس :

- يكون كبير نوعا ما ، ،
- مكان للمغاسل للضيوف ( يا 3 أو 2 ) ، ،
- الحمام ( الله يعز القارئ ) يكون فيه مغسله ومرحاض ، ،
- مطعم يكون مفتوح على المجلس يعني بدون باب أو أي شي ، ،

الغرف :

- حدد كم غرفة تحتاج ( فوق - تحت ) أذا بيتك دورين ، ،
- اذا حاب كل غرفه بحمامها ( للخصوصية ) وغرفة ملابس ، ،
- أو كل غرفتين بحمام ، ،
- الماستر ( غرفة + بصاله صغيرة + غرفة ملابس بحمام ، ،
- غرفة صلاة اذا حاب ، ،

- لاتنسى البنت هاوس < < من الضروريات في البيت ، ،
- لا تكثر من الدرايش في الغرف ( وحده كفاية ) لأنه عقب ما تخلص البناء الستاير راح تكلفك وايد ، ، وحجم الدريشة نفسها خلهاا متوسطه ، ،
- واذا تبغي غرف مكتب أوغرفه لألعاب الأطفال < < حط من الحين المتطلبات ، ،

* لابد من توافر ملحق خارجي :

( مطبخ + مخزن + غرفة للكوي - للغسيل + حمام + غرفة للطعام ) ، ،

- اذا تبغي مخيزين صغير < < لأدوات السيارة

* واذا عندك مطبخ خارجي :

- يكون الفيبر ( درام الماي ) يكون خاص بالمطبخ ، ، غير اللي بالبيت ، ،
- لاتنسى المدخنة ( اللي تشفط الدخان فوق الفرن ) ، ،
- لا تنسى توصل بيب الغاز يا يكون تحت البلاط أو أن موصول ببيب إلى مكان الفرن ، ،
- لا تنسى الانترديلكوس ، ،
- المغسله تكون ثنتين احذا بعض , , اللي داخل المطبخ ، ،
- لاتنسى بيب يووصل لين الغساله ، ،
- لانسى مغسله المواعين تكون أرضية برع المطبخ ( للسمك والزفر واللحوم ) ، ،
- اذا بتحط براد ماي < < لاتنسى البيب اللي يوصل الماي تخليه جاهز والكهربا ، ،

وللمخزن :

- من البداية خطط له كم ثلاجة وفريرز ، ،
- لاتنسى الرفوف ( أنظم وأسهل لربة البيت ) عندك الهفوف للرفوف ، ،

* واذا عندك دريول أو خدامه :

- ( غرفة + حمام ) يا يكون أول البيت على يمين البيت وبابه على برع ، ، أو يكون ورى ، ،
- ويفضل أذا كانت عندك خدامه < < تكون غرفتها داخل البيت تفادي للمشاكل ، ،

* والكهرب يعني تحط في اعتبارك :

- كم مكيف تحتاج كل غرفة ( عادي ولا سبيلت يونت ) ، ،
- الأضاءة ( سبوت لايت ولا عاديين ) ، ،
- الجبس ( بلش فيه في مرحلة البناء يا أنه كامل ولا بوردر فقط ) ، ،
- فيش كم تحتاج لكل غرفة - الدشات - للانتر كام ، ،
- كم ساكت تحتاج في الغرفة الواحدة ، ،
- حط سماعات في البيت كامل ( تشغل قرآن أو للآذان ) ، ،
- الجرس يكون مسموع ( الصاله واحد بملحق المطابخ ) ، ،
- دينمو الماي - برشر لضخ الماي ، ،


* للحمامات ( الله يعز القارئين ) :
- يكون مقاسه ( 2.5 * 2.5 ) ، ،
- البانيو + البديه + المرحاض + المغسله ( وحط في اعتبارهم المراحض ما يجابل القبلة )، ،
- كل حمام أو كل حمامين مشتركين لا تنسى سخان الماي ، ،
- لاتنسى الانتردكلوس < < أذا ما عرفته بنزل صورة هاي ينحط فوق السقف ، ،
- لاتنسى مرواح الشفط < < تكون مع الدريشة وما تكون كبيرة ، ،


واللي ذكر أعلاه يحضرني الحين

أي شي تبغيه لا يردك الا الكيبورد

والله يوفق الجميع

مــراحــب

يعطيك العافية مراحب فعلا موضوع مفيد...مع اضافة ملاحظات بو حارب....

كملي ...ننتظر البقية

[LOLOO]

الصــراحه موضوع مفيد أتمنى من المشرف تثبيته لتعم الفائده :nice:

الله يوفقك أخوي في بنيانك

ويوفق الجميع

وماقصرو الأعضاء

:nice:

اضم صوتي لصوت اخوي سداوي :::nice:

[المهندس عبدالعزيز]

؟؟؟

في أشياء غير صحيحة تقال في الردود؟؟ وهذه عدد من التنويهات

النقطة الأولى) لا يمكن أستخراج رخصة البناء إلا بعد أنتهاء المخططات

النقطة الثانية) لا يلزم المقاول بالحفر العميق أو الحفر حتى الأرض الصلبة ، ولكن يكتب في الخرائط الإنشائية للقواعد تصل إلى عمق 2 متر أو متر ونصف كما هي العادة

[بوحارب]

؟؟؟

في أشياء غير صحيحة تقال في الردود؟؟ وهذه عدد من التنويهات

النقطة الأولى) لا يمكن أستخراج رخصة البناء إلا بعد أنتهاء المخططات

النقطة الثانية) لا يلزم المقاول بالحفر العميق أو الحفر حتى الأرض الصلبة ، ولكن يكتب في الخرائط الإنشائية للقواعد تصل إلى عمق 2 متر أو متر ونصف كما هي العادة

مساك الله بالخير م / عبدالعزيز :)

ما تلاحظ أن العمق كبير شوي :eek5:


أذا 2م او 1.5 م

بالنسبه لي حفرت البيت 90 سم وأستغرق الحفر شهر بالظبط

لأن الأرض كانت صلبه { الخريطيات } فما بالك لو كان الحفر 2م


خلك معانا ولا تحرمنا من أرائك ( منكم نستفيد ):shy:

[المهندس عبدالعزيز]

مساك الله بالخير م / عبدالعزيز :)

ما تلاحظ أن العمق كبير شوي :eek5:


أذا 2م او 1.5 م

بالنسبه لي حفرت البيت 90 سم وأستغرق الحفر شهر بالظبط

لأن الأرض كانت صلبه { الخريطيات } فما بالك لو كان الحفر 2م


خلك معانا ولا تحرمنا من أرائك ( منكم نستفيد ):shy:

الله يمسيك بالنور اخوي .. هو ما في رقم ثابت متر أو مترين (قاعدة ثابتة) كله يعتمد على الأحمال اللي جاية من العواميد و نوع وخواص التربة وعلى مساحة القواعد المستخدمة (الحسابات الإنشائية والتقرير الإنشائي).

وطبعاً إذا كان نوع التربة رملية الحفر يكون أكثر الحفر وصخرية الحفر يكون أقل ، وإذا كان المبنى كبير ومرتفع الحفر يكون أكثر

يعني اللي مهتم بعمق حفر خله يشوف الرقم المحطوط في الخرائط الإنشائية للقواعد ويتأكد بأن المقاول عمق الحفر صح

[بويوسف]

الحفر في قطر بشكل عام لايحتاج الى عمق مترين ... والحفر يكون حسب مستوى الفيلا .. الارض صلبة وممكن حتى ٦٠ سنتميتر حفر فقط

[بويوسف]

بس بعد الموضوع يحتاج الى كشف بالموقع .. والمهندس هو اللي يحدد بالضبط .. بشكل عام dont worry

[ابوعلي]

ماشاء الله ماقصرتوا في النصايح

ولي ملاحظتين ::

* قوة الكهرباء (( خاصة تكون المكيفات 2.5 طن او اكثر ))

* الصبيه قبل التبليط في موقف السيارة

[المهندس عبدالعزيز]

الحفر في قطر بشكل عام لايحتاج الى عمق مترين ... والحفر يكون حسب مستوى الفيلا .. الارض صلبة وممكن حتى ٦٠ سنتميتر حفر فقط


أخوي شوف الفلل اللي الدفنة ، الحفر أكثر من مترين...لأن التربة رملية

[مـراحـب]

؟؟؟

في أشياء غير صحيحة تقال في الردود؟؟ وهذه عدد من التنويهات

النقطة الثانية) لا يلزم المقاول بالحفر العميق أو الحفر حتى الأرض الصلبة ، ولكن يكتب في الخرائط الإنشائية للقواعد تصل إلى عمق 2 متر أو متر ونصف كما هي العادة

أنا أقصد أذا كانت فيلا يكون حفر عميق

ومن بعدك ما لنا كلام يا المهندس

وجزااك الله خير على التوضيح

[بوحارب]

الله يمسيك بالنور اخوي .. هو ما في رقم ثابت متر أو مترين (قاعدة ثابتة) كله يعتمد على الأحمال اللي جاية من العواميد و نوع وخواص التربة وعلى مساحة القواعد المستخدمة (الحسابات الإنشائية والتقرير الإنشائي).

وطبعاً إذا كان نوع التربة رملية الحفر يكون أكثر الحفر وصخرية الحفر يكون أقل ، وإذا كان المبنى كبير ومرتفع الحفر يكون أكثر

يعني اللي مهتم بعمق حفر خله يشوف الرقم المحطوط في الخرائط الإنشائية للقواعد ويتأكد بأن المقاول عمق الحفر صح

:nice:

أعرف واحد من الربع راعي شركة مقاولات{ يبني ويبيع }

ما يحفر ولا يعرف شي اسمة حفر

أقوله يابوفلان أحفر عالأقل ربع متر :eek5:

يقوله ياخي ماله داعي الأرض صلبه

ممجرد يمسح الارض بالشيول وبسسسس:(

لذالك انا دائما أحذر من البيوت الجاهزة:shy:

[darkuae]

ربي يسلمك ويعافيك وجزاك الله عنا خير يالغالي

والله ياخوك مشكله ناس تبي تعرف اراضيها وين بالضبط لازم تستخدم الاقمار الصناعية؟

مفروض يكون هذا الشي سهل وبسيط حاولت قبل سنتين اعرف سوو لي سالفه وتعقيدات
واخرتها انتقل المبنى بكبره وسافرت عقبه

بيسهلها ربك ان شاء الله


أخوي في طريقة انك تعرف مكان الأرض بالضبط وهي عن طريق المربع الأحمر اللي يحطونه في الأرض وعليه الرقم ، بس هاي سالفة قديمة وتتعب جدا:rolleyes2: وخاصة أن الأرقام تنمسح فلازم تشوف أقرب رقم واضح وتبحث عن طريقه على أرضك

خلك على الجي بي اس وإذا محتاج أنا حاضر أوفره لك:nice:

وإذا تبي اسم الموظف اللي أخذت منه احداثيات الأرض أنا حاضر بس كلمني على الخاص:nice:

[darkuae]

تاجر ذهب ركز على هالنقطه عدل:eek5:

بيض الله وجهك على التوضيح دارك يو اي اي:)



ووجهك أبيض يا خبيرنا:)

[ورقــة أمــل]

:rolleyes2::rolleyes2::rolleyes2::rolleyes2:

ياني صدااع

[darkuae]

؟؟؟

في أشياء غير صحيحة تقال في الردود؟؟ وهذه عدد من التنويهات

النقطة الأولى) لا يمكن أستخراج رخصة البناء إلا بعد أنتهاء المخططات



الله يعطيك العافية أخوي ولكن تقدر تدور مقاول استنادا على المخططات ولحين استصدار الرخصة:nice:

وبالتوفيق للجميع

[darkuae]

أخوي بالنسبة للكهرب:

1- أتوقع إنك تحتاج تتخيل شكل الجبس من قبل (مثلا معلق/ مخفي/ ...) عشان تقدر تحدد كم دورة كهربا تحتاج لكل غرفة وخاصة المجلس والصالة

2- في حركة عجبتني وايد وهي انك تخلي في الأماكن الرئيسية مفتاحين حق ليت واحد، مثلا مفتاح للإضاء مع باب المجلس اللي من الخارج ونفس الليتات ممكن تطفيها من مفتاح عند باب المجلس اللي يدخلك على البيت (أتمنى الكلام يكون واضح) ومثلا تحط مفتاح للإضاءة عند مدخل غرفة النوم (الماستر) ومفتاح لنفس الليت عند السرير عشان تبند الليت وانت على السرير (للكسل:shy:) مثل حركة الفنادق ونفس الشي في الصالة ومهم في ليت الدرج.

3- لا تنسى تحط سوكتات خارج الفيلا وتكون نوعية ووتر بروف لأن ممكن تحتاج كهربا خارج البيت ومثلا مكينة غسيل السيارات وغيرها

4- إذا في مكان في الحوش ممكن انك تبني فيه ملحق في المستقبل لا تنسى تحط بيبات فاضية تحت البلاط او الانترلوك موصلة من الفيلا لين المكان اللي احتمال تبني فيه ملحق وهاي ما بيخسرك إلا قيمة البيب مقابل ان في المستقبل بيحميك من انك تكسر السور او البلاك عشان تمد الكهربا

5- لا تنسى السوكتات فوق السطح ما تدري يمكن تحتاج لهم

6- إذا كنت من الناس اللي تحب الديكورات والاضاءة اللي في الطوفة (على الحائط) لازم تحط في بالك من قبل ولا تنسى تحطها في الخرايط.

هاي اللي يحظرني الحين

وبالتوفيق للجميع

[المهندس عبدالعزيز]

الله يعطيك العافية أخوي ولكن تقدر تدور مقاول استنادا على المخططات ولحين استصدار الرخصة:nice:

وبالتوفيق للجميع

صح

وأزيد من الشعر بيت ، أنا قاعد أبني ولين الحين ما حصلت رخصة علشان أستغل الوقت، وإذا بنتظر رخصة صدقني البيت مهب مخلص إلا عقب 12 سنة

[darkuae]

صح

وأزيد من الشعر بيت ، أنا قاعد أبني ولين الحين ما حصلت رخصة علشان أستغل الوقت، وإذا بنتظر رخصة صدقني البيت مهب مخلص إلا عقب 12 سنة


الله يوفقك يالغالي

بس خلك :secret: لا تجيك المخالفات من كل صوب

والله يستر عليك

[بويوسف]

صح

وأزيد من الشعر بيت ، أنا قاعد أبني ولين الحين ما حصلت رخصة علشان أستغل الوقت، وإذا بنتظر رخصة صدقني البيت مهب مخلص إلا عقب 12 سنة

هذا وانت مهندس وانسان فاهم .. شخليت حق اللي ثقافتهم محدودة ..

اخوي رخصة الفيلا ماتاخذ اكثر من اسبوع .. من وين جبت العلوم 12 سنة ؟؟

[المرعب]

جبتلكم برنامج حسبه المواد البناء

[المرعب]

وبعد هذا برنامج ثاني للبناء

[Marriott]

- لاتنسى مرواح الشفط < < تكون مع الدريشة وما تكون كبيرة ، ،



مــراحــب

مرحبا اختي

انا اللي اعرفه ان مكينة الشفط يفضل انها تكون منفصله .. ومايمدحون انها تكون في الدريشة .. تنكسر ومب عمليه ..

مدري شنو رايج ؟

وبارك الله فيكم في المعلومات القيمة.

[darkuae]

جبتلكم برنامج حسبه المواد البناء

بارك الله فيك أخوي على هالبرنامج الطيب

[GreenShare]

ياليت يتثبت هالموضوع للفايده للكل

[المرعب]

اخذ فكره وانت مش خسران ....
اذا تبي تبني بيتك اخذ سعر المقاول سعر العضم..وخذ سعر المواد البناء وسعر الحداد وسعرالنجاروسعر تركيب الطابوق وسعر الحفروسعر المشرف الموقع وزيد عليهم 7% من قيمه الجماليه وشوف الفرق كم
بنسبه لي طلع الفرق العضم من اني اسويه او تخذه شركه فرق اذا بسويه900 مع الزياده يعني مسوي سيفتي والمقولين ارخص واحد 1300 الفرق 400 على المتر ومساحه البيت عندي670يعني مستفيد مني فيذالعظم بس 18800 من غير الكهر والفيتري والخ..
بتقولين شلون اطلع تكلمه البناء خل الستشاري الي مسوي الخرايط يحسبها لك في جدول عدد المواد وكميتها وخذ منه سعر المود بس لاتعتمد عليه في السعر انت الي حاول اطلعها وكل سعر طلعته ضيف عليه 7% واذا متخوف واجد زيدها 10% والي يبي اي سعر من واد البناء بساعده وحطيه الحسبه
وسلامتكم

[المرعب]

مخططات لفلل
http://us.geocities.com/alganop/fell.htm
http://www.mzunh.com/home/home_plans.htm

[darkuae]

اخذ فكره وانت مش خسران ....
اذا تبي تبني بيتك اخذ سعر المقاول سعر العضم..وخذ سعر المواد البناء وسعر الحداد وسعرالنجاروسعر تركيب الطابوق وسعر الحفروسعر المشرف الموقع وزيد عليهم 7% من قيمه الجماليه وشوف الفرق كم
بنسبه لي طلع الفرق العضم من اني اسويه او تخذه شركه فرق اذا بسويه900 مع الزياده يعني مسوي سيفتي والمقولين ارخص واحد 1300 الفرق 400 على المتر ومساحه البيت عندي670يعني مستفيد مني فيذالعظم بس 18800 من غير الكهر والفيتري والخ..
بتقولين شلون اطلع تكلمه البناء خل الستشاري الي مسوي الخرايط يحسبها لك في جدول عدد المواد وكميتها وخذ منه سعر المود بس لاتعتمد عليه في السعر انت الي حاول اطلعها وكل سعر طلعته ضيف عليه 7% واذا متخوف واجد زيدها 10% والي يبي اي سعر من واد البناء بساعده وحطيه الحسبه
وسلامتكم


ما شاء الله عليك يا خبرة:victory:

وشكلي بازعجك الفترة الجاية يالمرعب

[مـراحـب]

مرحبا اختي

انا اللي اعرفه ان مكينة الشفط يفضل انها تكون منفصله .. ومايمدحون انها تكون في الدريشة .. تنكسر ومب عمليه ..

مدري شنو رايج ؟

وبارك الله فيكم في المعلومات القيمة.

هلا أخوي ، ،

أحنا في بيتنا كل الدرايش ( الله يعزك ) اللي بالحمام بهاي الطريقة ، ،

الدريشه وفي وسطها مروحه الشفط ، ،

والحمدلله الحين صار لنا من 2006 ساكنين ما صار عليهم شي ، ،

لا اله الا الله محمد رسول الله ، ،

والأمر راجع لك شوف أنت شتحب ، ،

[قطري عصامي]

انا موجود بصفة مراقب :cool: ، خاصه اني افكر ابني ومب عارف من وين أبدأ

كل الشكر والتقدير لصاحب الموضوع واصحاب المداخلات.

[تـاجر الـذهب]

السلام عليكم بعد طول غيبة حول شهرين :) . أخوي بوحارب مساء الخير وابشرك وصلت مرحلة البحث عن مقاول والخريطة رجعتها لاستشاري ثاني عشان شوية تعديلات والامور ان شاء الله متيسره الى الحين

بس كل شي يطول :( مافيه اقل من اسبوع اسبوعين حق كل شي

حبيت اتابع معاك الموضوع هذا . موضوع العمر . وجزاك الله خير وجميع المشاركين