المساعد الشخصي الرقمي

مشاهدة النسخة كاملة : برنامجكم ( شـريـنـا و بـعـنــا ) 17


قطري
22-03-2005, 11:31 AM
السلام عليكم
اليوم يوم دموي للبعض واخضر للبعض الآخر
من اهم اسباب النزول اليوم هو صناعات قطر
لأنها اصبحت لها ثقل في بورصة الدوحة
في شركات اليوم خضراء طلو اليوم
مثل التحويلية , المتحدة , السلام , الاجارة , العقارية , المواشي , المخازن
وباقي الشركات مانقول الا الصبر ياشباب وماعقب الضيق الا الفرج :)
انا اليوم شريت شوية كهرباء كنت بايعها 116 واليوم شريتها 108.30
اتمنى للجميع مع هذا النزول ان خسائرهم قليلة
نتمنى الكل يشارك معانا لنرى ماهو تصرفك اليوم وماذا اشتريت او بعت
تفضلو :)
الوضع ما يطمن
22-03-2005, 11:36 AM
شريت كهرباء على 108.30 مادري كم سهم شريت ؟ اذا تقدر تقول لنا
سهم عتيج
22-03-2005, 11:37 AM
نفس تفكيري يا قطري بالنسبة للكهرياء,, بس آنه بعت جزء منها على 113,, وكنت أبغي أشتري اليوم,, بس قلت خلني أصبر بكرة يمكن أحصلها بسعر أقل
حمد
22-03-2005, 11:39 AM
مازلت متفرج...

ومحافظ على اسهمي الي شريتهم مؤخرا في الاجاره على 81

حمد
قطري
22-03-2005, 11:40 AM
اخوي الوضع مايطمن شريت 1000 سهم
اخوي سهم عتيج الله يوفقك واذا نزلت بكره ماراح اشتري
لكن لو وصلت مستوى 95 تقريباً اشتري زيادة لعمل متوسط :)
بالتوفيق
قطري
22-03-2005, 11:45 AM
مازلت متفرج...

ومحافظ على اسهمي الي شريتهم مؤخرا في الاجاره على 81

حمد
الاغلبية اليوم اعتقد اكتفوا بالتفرج :)
الله يوفقك اخوي حمد
حمد
22-03-2005, 11:46 AM
والله ياشباب مادري ابيع الاسهم الصغيره الي عندي

مثل اجاره ومواشي والفحص ووقود

واشتري فيهم بكره ولا الي بعده صناعات

رايكم ياشباب

حمد
الحزين
22-03-2005, 11:50 AM
نصيحتي ان يحافظ كل واحد على اسهمه خاصة اذا كان لايحتاج الى سيولة ..
وأعتقد ان هذا الهبوط مؤقت وستعاود الاسهم ارتفاعها في الفترة القامة .. والله أعلم
دنانير
22-03-2005, 11:50 AM
السلام عليكم

عندي 1000 سهم كهرماء شاريهم على سعر 105

هل تتوقعون زياده السهم على المدى القريب


ولا ابيعهم و اشتري صناعات؟؟؟ :confused:
قطري
22-03-2005, 11:56 AM
اخوي دنانير انا دايم اقارن بين شركتين من حيث السعر
وشركتين مثل وقود وكهرباء مثلك عارف مساهمة الدولة فيها
واذا تمت المقارنة بينهم من وجه نظري انا شخصياً اختار كهرباء
والفرق في نسبة توزيع الارباح قليل جداً
اتمنى لك التوفيق
مغروور قطر
22-03-2005, 12:08 PM
مساكم الله بلخير والله يوفق الي شراء وباع اليوم
مغروور قطر
22-03-2005, 12:10 PM
هاه طلع شي رسمي على المتحده او للحين
نوكيا
22-03-2005, 12:11 PM
يمكن انا اول واحد باع الصناعات لمت داون ;)
بعد ماكنا ربحانين فيه طلعنا منه بشي وشويات :d

بس مايخالف إذا الاربعاء نراقب والخميس نشتريه مره ثانيه
مغروور قطر
22-03-2005, 12:13 PM
الله يزيدك يارب
قطر
22-03-2005, 12:20 PM
انا اليوم تحطمت من اشيا وفرحت على اشيا

بس يالله الله ايعوضنا ان شالله وترجع بكره البورصه خضرااااااا
مغروور قطر
22-03-2005, 12:22 PM
ان شاء الله يارب
المستثمر القطري
22-03-2005, 12:30 PM
انا والله لاشريت ولا بعت

بس اعتقد انه هاذي هي الفتره التصحيحيه الي بدا السوق يدخل فيها والله اعلم لين وين بتوصل

والله يستر
boabdullah
22-03-2005, 12:54 PM
مرحبا ,,,,,,,,,,,,,,,,, شباب أنا اليوم ((( متفرج وعندي تخوف من بكرة,,,,,,,,,والله يستر ))) وفرصة الشراءكانت جيدة ,,,, الله يوفق الجميع ,,,,,,,,,,, أخوكم بوعبدالله
قطري
22-03-2005, 12:54 PM
يمكن انا اول واحد باع الصناعات لمت داون ;)
بعد ماكنا ربحانين فيه طلعنا منه بشي وشويات :d

بس مايخالف إذا الاربعاء نراقب والخميس نشتريه مره ثانيه
المهم انك ماخسرت اخوي :)
وان شاء الله تشتري بسعر افضل
قطري
22-03-2005, 01:01 PM
قطر
قو قلبك يابطل :)
ان شاء الله مافي تحطم ولا شي
ويرجع السوق اخضر
المستثمر القطري
مثل ماقلت اخوي هذا عبارة عن تصحيح وان شاء الله
يكون اخر النزول ;)
بوعبدالله
انا كنت مثلك طول اليوم متفرج
وفي اخر نص ساعة شريت
والمضارب الناجح دايم يخلي عنده جزء احتياط
لان لو قدر الله ونزل السوق يقدر يعزز عن سعر مناسب
والله الموفق
Alemadi
22-03-2005, 01:34 PM
اشرابكم في النقل ... توني شريته على 178
ابوعلي اليافعي
22-03-2005, 01:47 PM
اليوم انا قمت بطلب السلام وعندما تاكدت من شراءه قمت ببيع احد الشركات الي مارضت تطلع لتغطية الكميه الي شريتها..قلت السلام سهم طالع وهالشركه وللاسف قاعده تنزل بدون مبرر خلنا مع السلام وبعدين نرد نشتري الكميه الي بعناها مع طلوع الشركه...... والله يوفق الجميع
قطري
22-03-2005, 02:11 PM
اشرابكم في النقل ... توني شريته على 178
اخوي ان شاء الله يكون سعرك مناسب
بالذات ان الشركة نازل من فوق سعر 200
وحتى لو ماطلعت مع 15% اسهم مجانية
و 18.3% اكتتاب بسعر 70 اعتبرها مجدية
والله يوفقك
حيالله بوعلي
والله نكبنا النقل ياخي لكن ان شاء الله له طلعه :)
ابوعلي اليافعي
22-03-2005, 02:55 PM
نكبنا وبس .................لكن قول امين يوصل 250قريب ............... :cool:
The Edge
22-03-2005, 03:41 PM
أنا اليوم شريت السلام وأراقب النقل البحري ومحتار في أمر الصناعات !!!! بتطلع و الا تنزل ؟
azgert
22-03-2005, 04:06 PM
وشو رايكم في الوقود انا اتهدد عليه من زمان بس متردد
قطر
22-03-2005, 05:49 PM
العمادي بالنسبة للنقل السعر اللي شريت به جيدجدا

الله ايوفقك

قطــــــــــري ... وين قوة القلب وانا مشغول 24 ساعه مادري عن السوق
ابي اتحرك اشتري ابيع .... و5% قاهرتني والله ...


ابوعلي ... يابختك حصلت في السلام

انا اتهدد من اسبوع ونص باسوي حركتك بابيع شركة واشتري السلام
وكل متردد ... لين فات الفوت


زقرت ... وقود زينه بس مادري اشفيها مافيها حيل اتروح فوق :)
قطري
22-03-2005, 06:19 PM
بوعلي
بيطلع ان شاء الله بس ماضن تبقى فيني اعصاب
لين 250 ياخي والله صبري نفذ معاه...الله كريم :)
قطر
الله يعطيك العافية اخوي وموفق ان شاء الله
sulai6i
22-03-2005, 07:03 PM
انا اليوم قعدت اراقب ... السهم اللي خسران فيه لين الحين سهم التخصصي لأني حطيت من كم يوم مبلغ جااامد في التخصصي يوم كان على 17 ونص
واشوفه ينزل .. الظاهر بسوي افريج علىالاسبوع الجاي اذا ما ارتفع
اللورد
22-03-2005, 08:06 PM
واحد في حاله
أصبر على سهم التخصصي وسيعاود الارتفاع مجدداً ولاتسوي (أفريج) وأستغل الفلوس اللي عندك في أسهم شركات أخرى وهذا الخيار الأفضل
sulai6i
22-03-2005, 08:14 PM
تسلم اللورد على النصيحة

بعطيه chance شوي وبشوف آخرتها ويااااه
502
22-03-2005, 08:19 PM
السموحة شباب بس بغيت اسئل عن اسهم الملاحة هل ستلاقي ارتفاعاً في الايام المقبلة أو العكس لأني شاري بسعر (214.6) افيدوني ................
قطر
22-03-2005, 08:31 PM
502
اعمل لك افرج احسن لك اذا عندك ميزانية

والنزول لانها وزعت ارباحها من زمان

:)
502
22-03-2005, 08:57 PM
يعنك رايك ابيع ولا اصبر!
قطر
22-03-2005, 09:10 PM
حرام اتبيعها بخساره

عندك حلين

اما انك تشتري بسعر اقل بحيث ان الافرج...يعدل لك معدل البيع ولما يرتفع اتبيع..

او انك تنطر بدون لاتشتري وتخليه ياما يرتفع او ان ارباح شركة ثانيه عندك اتغطي عن خسارة الملاحة

واتخليها استثمار طويل

..... بتقول ليش ماعطيتك راي واحد وخلاص؟؟
لان بصراحه السوق ماينعرف له ... وماينعرف ايش توجهه

حتى المحللين اعجزوا عن تحليله

وبالتوفيق
بوناصر-قطر
22-03-2005, 10:07 PM
اليوم شفت الصناعات في نزول بعت لي جزء والحمدلله واذا انزلت اكثر راح اشتريها مره ثانيه
قطر
22-03-2005, 11:11 PM
دولار خطوة جيده جدا

الله ايوفقك ان شالله حتى لو ماانزلت حاول اتحط اوردرات في شركات ثانيه لها ارباح جيده

:)
قطر
23-03-2005, 12:02 AM
وبهذا ينتهي يومنا سعدنا بمشاركتكم

:)

تصبحون على خير وغدا الى لقاء جديد

فمان الله