بويوسف
09-08-2008, 05:10 PM
قد تكون هذه رحلة البداية لسلوم فهو يفكر جديا في بناء بيت العمر
فصديقنا سلوم ساكن مع عائلته المكونة من زوجته وعياله في ملحق في بيت ابوه.
والملحق بعد انجاب الاولاد ضاق بعائلة سلوم الى حد ان تكومت الاشياء بعضها فوق بعض. واصبح الوضع صعبا فالملحق عبارة عن صالة وغرفة ومطبخ صغير ولايكفي لتلك العائلة الصغيرة !!
- اوووف مب حالة ذي وبعدين يعني انه خدامتي ماحب حد يامرها
- فطووم تراج غثيتينا وبعدين معاج مب خالصين احنا؟
- لي متى ياسلوم خاطري في بيت بروحي وخدامتي حقي انه وبس.
- انزين شلون يعني شاسوي؟ عندج حل.
- اي اكيد خلنا نطلع بيت بروحنا. ولازم نفكر جديا نبني بيتنا..
-------------------------
زوجة سلوم ماسكة مجلة عالم الديكور وتتمقل في الديكورات والتصاميم.
- الله وااااو تعال سالم شوف شحلوة هالبيت يجنن.
- اشوووف .. مممم حليو بس مب كانه عووود.
- لا عادي مافيه الا سبع غرف وسبع حمامات وثلاث مجالس وصالتين.
- نسيتي البرجة والساونا والميلس العربي.
يقول لج البيت مايكمل الا بوجود بيت شعر.
- رن رن رن رن ، الو هلا حنان شخبارج
- الله يسلمج فطيم شمسوية؟
- والله قاعدين انه وسالم نفكر في احتياجاتنا للبيت اللي بنبنيه ،بما انج مصممه معمارية ابي اعرف رايج.
- ممتاز واش هي احتياجاتكم؟
- احنا قلنا كل ولد يكون عنده غرفة عبود غرفة وموزو غرفة وغرفتين احتياط وغرفه ضيوف وغرفتنا يعني ست غرف نوم مع حماماتهم.
وصالتين وحدة فوق ووحدة تحت.
ومجلسين واحد حق النسوان وواحد حق الرجاجيل. ومجلس عربي وغرفة طعام حق الضيوف.
ومطبخ فوق ومطبخ تحت ومطبخ خارجي. وغرفة دريول وغرفة حرس وحمام مغاسل وغرفة خدامه معاها حمام وغرفة كوي.
وبعد.. ممممم ذكريني.
- ماشالله عليج يافطيم ماخليتي شي.
- لا وبعد سالم يبي يسوي غرفة جيم بالبيت وبركة سباحة وجاكوزي وقلنا نسوي بيزمنت حق لعب اليهال. وخاطرنا بمكتبة، وغرفة دراسة.
- شوفي ياصديقتي اول شي تسوينه انج تقعدين انتي وسالم وتحددون انتو اش محتاجين بالضبط وتفرقون بين الحاجات الرئيسية والحاجات الثانوية مثل الجاكوزي وغرفة الجيم مثلا. وتشوفون الميزانية والتكلفة اللي تقدرون عليها وعلى اساسها يكون النظر في الامور الكمالية الاخرى.
- اووه يعني مانسوي اللي بخاطرنا !!
- لا سووه بس اذا كان ريلج الوليد بن طلال وماتهمه الفلوس.
- عن الطنازة ترى ازعل منج زوجي فديته تراه اكشخ من الوليد بن طلال :eek5:..
- هي هي هي اللي اقصده يا فطيم ان بدال ماتبنون بيت كبير وفي الاخير الديون تزيد وماتقدرون اتحملون مصاريفه الافضل تفكرون بطريقة عملية واقتصادية ويكون البيت فعلا بيت العمر اللي تتمنونه واللي يحقق احتياجاتكم الرئيسية ويخلي حياتكم حلوة.
انزين يا حنان واش هي الحاجيات الرئيسية.
- الحاجات الاساسية في تصوري هي الغرف التي يتكون منها كل بيت ومايخلى اي بيت منها
مثل
غرف النوم - المطبخ- الصالة - المجلس - الحمام - المطبخ - المخزن
بعدها تيجي الامور الثانية مثل غرفة العاب للاطفال- مكتبة غرفة سينما - بركة سباحة -غرفة جيم الى اخره .
- مممم زين والله نورتيني يا حنان خلاص بنشوف احتياجنا م وعلى اساسها بنصمم البيت.
- بالتوفيق يا فطيم اتمنى لكم احلى بيت واحلى تصميم.
فصديقنا سلوم ساكن مع عائلته المكونة من زوجته وعياله في ملحق في بيت ابوه.
والملحق بعد انجاب الاولاد ضاق بعائلة سلوم الى حد ان تكومت الاشياء بعضها فوق بعض. واصبح الوضع صعبا فالملحق عبارة عن صالة وغرفة ومطبخ صغير ولايكفي لتلك العائلة الصغيرة !!
- اوووف مب حالة ذي وبعدين يعني انه خدامتي ماحب حد يامرها
- فطووم تراج غثيتينا وبعدين معاج مب خالصين احنا؟
- لي متى ياسلوم خاطري في بيت بروحي وخدامتي حقي انه وبس.
- انزين شلون يعني شاسوي؟ عندج حل.
- اي اكيد خلنا نطلع بيت بروحنا. ولازم نفكر جديا نبني بيتنا..
-------------------------
زوجة سلوم ماسكة مجلة عالم الديكور وتتمقل في الديكورات والتصاميم.
- الله وااااو تعال سالم شوف شحلوة هالبيت يجنن.
- اشوووف .. مممم حليو بس مب كانه عووود.
- لا عادي مافيه الا سبع غرف وسبع حمامات وثلاث مجالس وصالتين.
- نسيتي البرجة والساونا والميلس العربي.
يقول لج البيت مايكمل الا بوجود بيت شعر.
- رن رن رن رن ، الو هلا حنان شخبارج
- الله يسلمج فطيم شمسوية؟
- والله قاعدين انه وسالم نفكر في احتياجاتنا للبيت اللي بنبنيه ،بما انج مصممه معمارية ابي اعرف رايج.
- ممتاز واش هي احتياجاتكم؟
- احنا قلنا كل ولد يكون عنده غرفة عبود غرفة وموزو غرفة وغرفتين احتياط وغرفه ضيوف وغرفتنا يعني ست غرف نوم مع حماماتهم.
وصالتين وحدة فوق ووحدة تحت.
ومجلسين واحد حق النسوان وواحد حق الرجاجيل. ومجلس عربي وغرفة طعام حق الضيوف.
ومطبخ فوق ومطبخ تحت ومطبخ خارجي. وغرفة دريول وغرفة حرس وحمام مغاسل وغرفة خدامه معاها حمام وغرفة كوي.
وبعد.. ممممم ذكريني.
- ماشالله عليج يافطيم ماخليتي شي.
- لا وبعد سالم يبي يسوي غرفة جيم بالبيت وبركة سباحة وجاكوزي وقلنا نسوي بيزمنت حق لعب اليهال. وخاطرنا بمكتبة، وغرفة دراسة.
- شوفي ياصديقتي اول شي تسوينه انج تقعدين انتي وسالم وتحددون انتو اش محتاجين بالضبط وتفرقون بين الحاجات الرئيسية والحاجات الثانوية مثل الجاكوزي وغرفة الجيم مثلا. وتشوفون الميزانية والتكلفة اللي تقدرون عليها وعلى اساسها يكون النظر في الامور الكمالية الاخرى.
- اووه يعني مانسوي اللي بخاطرنا !!
- لا سووه بس اذا كان ريلج الوليد بن طلال وماتهمه الفلوس.
- عن الطنازة ترى ازعل منج زوجي فديته تراه اكشخ من الوليد بن طلال :eek5:..
- هي هي هي اللي اقصده يا فطيم ان بدال ماتبنون بيت كبير وفي الاخير الديون تزيد وماتقدرون اتحملون مصاريفه الافضل تفكرون بطريقة عملية واقتصادية ويكون البيت فعلا بيت العمر اللي تتمنونه واللي يحقق احتياجاتكم الرئيسية ويخلي حياتكم حلوة.
انزين يا حنان واش هي الحاجيات الرئيسية.
- الحاجات الاساسية في تصوري هي الغرف التي يتكون منها كل بيت ومايخلى اي بيت منها
مثل
غرف النوم - المطبخ- الصالة - المجلس - الحمام - المطبخ - المخزن
بعدها تيجي الامور الثانية مثل غرفة العاب للاطفال- مكتبة غرفة سينما - بركة سباحة -غرفة جيم الى اخره .
- مممم زين والله نورتيني يا حنان خلاص بنشوف احتياجنا م وعلى اساسها بنصمم البيت.
- بالتوفيق يا فطيم اتمنى لكم احلى بيت واحلى تصميم.