*¤!|| دراســة البنات في الخــارج *¤!||

[>>> غــمـــوض <<<]

http://www2.0zz0.com/2008/08/09/18/768890875.gif

يسرنى طرح موضوع للحوار والنقاش وهو :'*¤!||!¤*'((دراسـة الـبـنات فـي الـخـارجـ))'*¤!||!¤*'


إن العلم سلاح الأمم ، وسر تقدمها ، وهو حق مشروع للذكور والإناث ، فعندما نفتقد الدعم العلمي الذي قد يعيق هذا التقدم ، عندها نضطر الى طلب العلم خارجاً ، فتُشد الرحال إلى معاهدهم وجامعاتهم رغبة في نيل ما فاتهم الحصول عليه في بلادهم ..

قضيتنا موضوعها طويل ومعقد ، والخوض فيها يتطلب سماع كل الآراء ، مؤيدها والمعارض .
نقاشنا لغرض تسليط الضوء على بعض الأسئلة الواقعية .. من ايجابيات وسلبيات السفر للخارج طلباً للعلم ..


1- أثر هذا السفر والعلم على البلد والمجتمع
2- أثره على الأسرة وعلى الأبناء الآن أو مستقبلا
3- ثقة الأهل في بناتهم في أرض الغربة
4- تأثير عادات وتقاليد وديانة وحضارة الدولة التي نسافر لطلب العلم بها

ولنتذكر ..

أن نقاشنا هذا ليس قراراً أو حكماً ، وليس تشريعاً أو تصويتاً ، ولكنه موضوع نقاش وتحاور لنرى فيه الآراء ووجهات النظر ، بعيدا عن الهجوم أو السخرية أو التطاول على ذات الآخرين أو آرائهم .

وفقكم الله جميعا لما فيه مصلحة الجميع ، وفي إنتظار ما تخطه أناملكم الرائعة في هذا الموضوع .
اختكم في الله \ غــمـــوض

[وطن]

موضوع شيق

متابعة

[غزلان]

موضوع مهم خاصه ان اغلبية البنات مسافرين للدراسه

لو وجد محرم يسافر مع البنت بيكون احسن بكثير

شكرا

[>>> غــمـــوض <<<]

موضوع شيق

متابعة

يسعدني تواجدج ومتابعتج للموضوع
بس الاحلى لو تنورين وتعطرين الصفحه بردج الحلو :)

[وطن]

يسعدني تواجدج ومتابعتج للموضوع
بس الاحلى لو تنورين وتعطرين الصفحه بردج الحلو :)

ان شاء الله برجع برد

بس مو الحين

:victory:

[AmOuR]

والله انا مو من المؤيدين لدراسة البنت في الخارج ..

اذا الشباب راحوا يدرسون في الخارج .. يقدرون يدبرون روحهم ..

بس البنات ما بيقدرون .. صعبهـ ..

و ما أظن انهم يقدرون يتحملون الغربهـ ..

[miss-qatr]

الله عليك ياغموض اشهالمواضيع الحلوه :victory:



في ظل التطور اللي شهدته قطر في السنوات الاخيره صار الكل يؤيد دراسه البنت بالخارج بل اصبحت جميع البعثات تكون للدول الاوروبيه وامريكا بدل الدول العربية



وانشوف صارت نسبه البنات المبتعثين للدراسه في الخارج نسبه لا يستهان بها


لكن !!!!!!


انا لو عندي بنت ماراح اخليها تدرس برى.. اول شي بحكم السن

بنت ماتعدى 18 سنه بعدها بسن مراهقه استغرب من اللي يسمحون حق بناتهم لان لين جينا للي يقول انا واثق ..... انزين انت واثق في بنتك لكن هل تثق بالناس اللي حولها ؟؟؟؟؟


ياما مشاكل وبلاوي سمعناها ويؤسفني والله اسمع من بعض البنات .. اول شي بحكم انها برى فيه البعض وارجع اكرر البعض حتى لو كانو قله بس موجودين راحو بالحجاب وشوي شوي بدت تستهين به وهالشي من واقع ....


او تروح البنت وتنحط في سكن طالبات وانت ماتدري نوعيه البنات الموجودات معاها


بعض الاهل للاسف بحكم الانفتاح ( ماشاء الله ) يتفق مع اهل بعض البنات المبتعثات وايكونون البنات في شقه مع بعض


للاسف ماعندي تعليق على الجمله الاخيره ؟؟؟؟؟؟؟؟؟؟؟؟


نسو ان البنت مهما كانت.... بنت ....والعيون عليها من كل صوب ...

مايمنع دراستها ان يروح معاها اخوها مثلاً او اذا كانت متزوجه مع زوجها .. على الاقل في حد يدير باله عليها ويبعد عنها اللي مايخافون الله ( وياكثرهم بهالدنيا )


وكلامي هذا مايعبر الا عن رأيي الشخصي وما افرضه على غيري وكلن حر ببناته وهله


تحيااااااااااتي لك ياغموض :)

[ذيبة الريان]

السلام عليكم ,,

موضوع نقاشي رائع ,,

وبالنسبة لدراسة البنت بالخارج ,,

مو كل بنت تستاهل تروح بره ,,

ما أقصد أنه عيب عليها ,,

بس فيه بنات قد المسؤولية وبنات لا ,,

وأكيد لو كان معاها أهلها أو محرم أحسن كثير ,,

بس إذا الظروف أجبرتها تروح لحالها ,,

تروح لكن المفروض يكون عندها علم بكل شي ,,

ويكون أحسن لو معاها مجموعة ,, أو بنات عرب بالجامعه يساعدونها ,,

وأهلها في البداية يوصلونها لهناك في المرة الأولى ,,

ويتأكدون ان مكان معيشتها جيد ,, ومتوفر لها كل شي ,,

شقة قريبة من الجامعة وفي عمارة عليها حراس ,,

أو سكن داخلي محترم ,,

واللي في شي براسها بتسويه في الديره ولا بره الديره ,,

ومثل ماقلت ,, الدراسه بالخارج مايستاهلها إلا من جد واجتهد ,,

حرآم الواحد يبعد عن أهله وديرته ويضيع عمره على الفاضي ,, لأنها مب لعبة ,,

مشقه مب وناسه ,,

والدراسه غير عن السياحة ,,

وإذا صارت لي فرصة أدرس بره بختار حد من اهلي يجي معاي ,,

مب عشان بنت وما أقدر اتصرف ,,

بس الغربة صعبة ,, تتعب النفسية ,,

واذا تعبت النفسية صعبة الواحد يركز على دراسته ,,

الله يوفق جميع البنات سواء داخل أو خارج البلد ,,

[لجين]

ضد دراسة البنت في الخارج :

أولا : لأنها في الغالب راح تكون بدون محرم .. وهذا حرام

ثانيا : حتى لو كان معاها محرم الجامعه راح تكون مختلطة وهذا أيضا مايجوز

بالاضافة الى الأسباب اللي ذكرتها miss-qatr

[ديمقراطي]

أنا الي أشوفه إنا بلادنا صار فيها جامعات وتفتح جامعات في كل سنه .. بالنسبه للبنات أفضل الدراسه داخل الدولة .. أما للشباب فالخارج ولا الداخل مافي فرق.

[بوحارب]

ضد وبقوة

يعطيج العافية غموض ع الموضوع المهم

[almulla]

دراسة البنات في الخارج افضل من دراستهم في المدينة التعليمية

خصوصا جورج تاون

واتوقع فهمتوا قصدي

[اّل ثاني 77]

ممكن اتكمل دراستها مع محرم فقط لان الغربة تحمل في طياتها الكثير من المخاطر للشباب فما بالكم بالفتيات الله يستر على الجميع

[اعالي الجنان]

ضد الدراسه خارج الدوله ليش اشفيها الدوحه ؟

الرجال يروحون ويهلكون وحالتهم حاله شلون البنت ؟

مستحيل افرط في بناتي لو على موتي مايرحون برع عنهم مادرسو ازوجهم ويقعدون في البيت ابرك

وعقب تكمل دراستها وتروح مع زوجها

موضوع حساس ومهم الف شكر اختي غموض

[الرايقه]

انا ضد سفر الولد ان كان صغيرا للخارج فمابالك بالبنت
لحرمة سفرها بدون محرم ولوجود اختلاط
وليست الثقة مبررة لسفرها لوحدها
المسألة ان البنت امانة

[السنافية]

هلا غمــــــوض ومشكوووووورة حبيبتي على الموضوع


انا من رأيي ان المسألة تعتمد على شخصية البنت نفسها وعلى طموحها وطريقة تفكيرها

ومدى جديتها في مسألة انها تسافر للدراسة.. والبنت هي سفيرة لبلدها

بالنسبه لي انا من المؤيدين بشده بأن البنات يدرسون بالخارج ويتعلمون ويجيبون الشهادات

العليا لانهم بصراحه انجح من الولد بمائة الف مره والكل يشهد على ذلك

ودراستها في الخارج لاينقص من شأنها شي البنت مثل الولد

دام البنت عندها فرصة انها تطور من روحها وتبني مستقبلها وحياتها العلمية

وتزيد معرفتها ..ليش ما تروح؟!!! بس لانها بنت !!!

في بنات قد المسؤلية اكثر من الرجال وقوة احتمالهم اكثر

واهم شي تربية البنت وثقة اهلها فيها

احترام النفس .. و قوة الوازع الديني .. خاصة ان فيها نوع من الغربة و الوحده

اذا كانت البنت متربية على اصول الدين والعادات والتقاليد فلا خوف عليها من الغربه لانه هذة

الاشياء لا يغيرها المكان ولا الزمان

(( اطلبوا العلم ولو في الصين ))

تحياتي ،،،

[الوعد2016]

ضد وبقوة

يعطيج العافية غموض ع الموضوع المهم


:nice::nice::nice::nice:

[الوفـى طبعي]

البنت اهم شي تخلص ثانويه وخلاص تتزوج

وشكرا

[عاشق الشهادة]

موافق بشرط محرمها معاها ان كان ابوها او اخوها او زوجها .

[..الاميرة..]

انا مع دراسة البنت في الخارج في حال كان هناك تخصص غير متوفر بالبلد
ولكن مع محــــــــرم وغير عن ذلك فهو مرفوض تمامـــــــــاً ..
ليس ليشئ او عدم ثقه بها ولكن لدواعي خوفي عليها ..


وتسلمين ياغموض على الموضوع ..

:)

[حقيقه]

احسن لها تدرس في قطر لانه ممكن التخصص اللي تبيه بتحصله في قطر :nice:

[PoBox]

دراسة البنات في الخارج افضل من دراستهم في المدينة التعليمية

خصوصا جورج تاون

واتوقع فهمتوا قصدي


معارض ،،:anger3:
وان شاء الله الله لايحطنا في موقف يتطلب خروج البنت من اجل الدراسة
البنت ان طلعت السوق مع اخوها وتأخرت امها تحاتيها ،
فما بالكم برع البلاد ولحالها:looking:

الولد ينخاف عليه فما بالكم البنت

مااتكلم عن ثقة وخربطة قد يسوونها العيال

بل عن مراهقة عمرها 18-20 تطلع برع البلاد فجاة
وهي متعوده تعيش تحت كنف امها وابوها واخوانها والمجتمع المحافظ
طبعا كلامنا عن البيوت المحافظة
لان البيوت الثانية مب فارقة كثير الوضعية



اما على برع احسن من داخل اخوي الملا
اعتقد مهما كان الفساد الداخلي بالجامعة اللي تقصدها او غيرها
تبقى البنت ان طلعت من الجامعة راح ترجع بيتها وسط اهلها:p


قد تقول البنت طموحي ، ومستقبلي ، وكياني
وتخصصي اللي احبه غير متوافر في البلد
:omen2:

= >> مب لازم عاد اللي يسمعها يقول الشباب الكادح حصل اللي يبيه :omen2:
هي مب لازم تكدح الصراحة :looking:
دراستها وشغلها مب شي رئيسي بل عامل مساعد
ان حبت شي تقدر تتقنه مب لازم شهادة جامعية فيه ،
فيه دورات كتب و و و عقب ماتكمل جامعة في اي تخصص مناسب
قريب لميولها مب لازم نفس المطلوب 100%


على بلاطة ، :telephone:
بلاش عقد :looking:، البنت زواجها احسن من اكمال التخصص اللي تبيه
وهذا عامل مؤثر
كثير من الشباب ينفرون من البنت اللي دارسه برع
وانا واحد منهم ، حتى لو كانت محترمة ومشهود لها
لكن نفور تعودنا عليه

وعذرا على الهذرة الزايده =>> ماعرف اتكلم في سطرين الفكرة ماتوصل:rolleyes2:

وشكرا على الموضوع

[ضوى]

معارض ،،
وان شاء الله الله لايحطنا في موقف يتطلب خروج البنت من اجل الدراسة
البنت ان طلعت السوق مع اخوها وتأخرت امها تحاتيها ،
فما بالكم برع البلاد ولحالها

الولد ينخاف عليه فما بالكم البنت

مااتكلم عن ثقة وخربطة قد يسوونها العيال

بل عن مراهقة عمرها 18-20 تطلع برع البلاد فجاة
وهي متعوده تعيش تحت كنف امها وابوها واخوانها والمجتمع المحافظ
طبعا كلامنا عن البيوت المحافظة
لان البيوت الثانية مب فارقة كثير الوضعية



اما على برع احسن من داخل اخوي الملا
اعتقد مهما كان الفساد الداخلي بالجامعة اللي تقصدها او غيرها
تبقى البنت ان طلعت من الجامعة راح ترجع بيتها وسط اهلها


قد تقول البنت طموحي ، ومستقبلي ، وكياني
وتخصصي اللي احبه غير متوافر في البلد
:omen2:

= >> مب لازم عاد اللي يسمعها يقول الشباب الكادح حصل اللي يبيه :omen2:
هي مب لازم تكدح الصراحة
دراستها وشغلها مب شي رئيسي بل عامل مساعد
ان حبت شي تقدر تتقنه مب لازم شهادة جامعية فيه ، فيه دورات كتب و و و عقب ماتكمل جامعة في اي تخصص مناسب قريب لميولها مب لازم نفس المطلوب 100%


على بلاطة ، :telephone:
بلاش عقد ، البنت زواجها احسن من اكمال التخصص اللي تبيه
وهذا عامل مؤثر
كثير من الشباب ينفرون من البنت اللي دارسه برع
وانا واحد منهم ، حتى لو كانت محترمة ومشهود لها
لكن نفور تعودنا عليه

وعذرا على الهذرة الزايده =>> ماعرف اتكلم في سطرين الفكرة ماتوصل:rolleyes2:

وشكرا على الموضوع



عيل اخوي بوكسينج اشلون الطبيبة والمحامية والصيدلانية والاستاذة حصلت زوج ؟؟؟:secret:

[PoBox]

عيل اخوي بوكسينج اشلون الطبيبة والمحامية والصيدلانية والاستاذة حصلت زوج ؟؟؟:secret:

تحصل زوج ليش لا
انا ماقلت ماتحصل ،، انا قلت انا انفر من هالشي
وكثير ينفرون من جيل الشباب ماقلت الكل

وغالب هالتخصصات الحين موجوده في البلاد :p

[ضوى]

تحصل ليش لا
انا ماقلت ماتحصل انا قلت انا انفر من هالشي
وكثير ينفرون من جيل الشباب ماقلت الكل :p



المشكلة يا اخوي الصغير :)انه شباب هالوقت يدرون هالمهن ويدورون موظفة راهية وهذا تحت ايدي والله للاسف الشديد :rolleyes2:


وبعدين سؤال ليش النفور ؟؟ انه البنت عبقرية وعقلية وممكن تبين ضعف الرجل وعدم قدرته على تسيير الامور مثل البنت؟؟

مجرد سؤال برئ لا تاخذه باي شكل شخصي :)

[PoBox]

المشكلة يا اخوي الصغير :)انه شباب هالوقت يدرون هالمهن ويدورون موظفة راهية وهذا تحت ايدي والله للاسف الشديد :rolleyes2:


وبعدين سؤال ليش النفور ؟؟ انه البنت عبقرية وعقلية وممكن تبين ضعف الرجل وعدم قدرته على تسيير الامور مثل البنت؟؟

مجرد سؤال برئ لا تاخذه باي شكل شخصي :)

والله الصراحة ماادري ان كانوا الشباب يدورون هالمهن لزوجاتهم
يدورون موظفة راهية نعم ،صحيح
لكن مش راعية مهنة طبيبة ، محامية ،مايشوفها الا جاية البيت مهدودة ومكالمات من كل صوب :rolleyes2:


اما على العبقرية مادري ليش الاستنتاج ان اللي تطلع برع وتدرس برع انها عبقرية :rolleyes2:

مب شرط البنت اللي تطلع برع انها عبقرية وعقلية فذه

لو كان هذا المقياس الشباب بعد يطلعون برع
وياما نشوف منهم عقليات من ربعنا لاتعليق الصراحة:rolleyes2:
فالبنات مثل الشباب كعقليات مافي فرق كبير

مش معناه لو بنت ركبت طيارة وخلصت اجراءات سفرها بنفسها
وغسلت وكنست ودرست برع انها صارت عقليه وعبقرية


اما على النفور ليش انفر منها
شخصيا احب بنت البيت واللي تكون متربية وسط اهلها وتحت عينهم
ومتعوده الحياء والخجل الانثوي
مش وحده تكمل تعليمها ودراساتها وتجابل العالم

بكل بساطه
ابي ام لعيالي بمعنى الام
وظيفتها ودراستها مب شي ضروري وماس بالنسبة لي
والناس يختلفون في هالشي
وماله علاقة اني اقدر اسيطر عليها او ما اسيطر او اتحكم في الامور معاها او افرض رايي

العلاقة الزوجية ليست سيطرة بل علاقة بين 2 تربطهم روابط حب وعشرة ابدية وو و

[ضوى]

والله الصراحة ماادري ان كانوا الشباب يدورون هالمهن لزوجاتهم
يدورون موظفة راهية نعم ،صحيح
لكن مش راعية مهنة طبيبة ، محامية ،مايشوفها الا جاية البيت مهدودة ومكالمات من كل صوب :rolleyes2:


اما على العبقرية مادري ليش الاستنتاج ان اللي تطلع برع وتدرس برع انها عبقرية :rolleyes2:

مب شرط البنت اللي تطلع برع انها عبقرية وعقلية فذه

لو كان هذا المقياس الشباب بعد يطلعون برع
وياما نشوف منهم عقليات من ربعنا لاتعليق الصراحة:rolleyes2:
فالبنات مثل الشباب كعقليات مافي فرق كبير

مش معناه لو بنت ركبت طيارة وخلصت اجراءات سفرها بنفسها
وغسلت وكنست ودرست برع انها صارت عقليه وعبقرية


اما على النفور
شخصيا احب بنت البيت واللي تكون متربية وسط اهلها وتحت عينهم
ومتعوده الحياء والخجل الانثوي
مش وحده تكمل تعليمها ودراساتها وتجابل العالم

بكل بساطه
ابي ام لعيالي بمعنى الام
والناس يختلفون في هالشي
وماله علاقة اني اقدر اسيطر عليها او ما اسيطر او اتحكم في الامور معاها او افرض رايي

العلاقة الزوجية ليست سيطرة بل علاقة بين 2 تربطهم روابط حب وعشرة ابدية وو و



هنا تحديدا ارفع لك القبعة

ولكن ما ننسى انه في امهااااااااات بمعنى الكلمة وفي نفس الوقت اصحاب مهن متعبة يعني مهو مقياس ، ياما في بنات متربيات تحت عيون اهلهم لكن استكانة شاي ما تعرف تسوي ؟؟ ما تعرف تقلي بيضة ، وفي بنات اجبرتهم ظروفهم للدراسة خارج البلد ويوم تزوجوا استقروا في بيوتهم ومجابل عيالهم يعني كسبنا اثنين تعليم عالي وتربية وتثقيف جميل للابناء عن طريق الام


عموما الله يرزقك ببنت الحلال اللي يتمناها قلبك اللهم امين

[بوحارب]

البوكسنغ خشمك $^$

[Qa6ar]

ياجماعه الخير كل انسان ينام على الجنب اللي يريحه

فيه ناس عادي بدون محرم وماعندها اي مشاكل واذا اخطأت البنت لاموها لاوالله اللوم على اهلها

اللي خلوها عقب الحكره في البيت والمدرسه فجأه برع قطر تفقد حنان اهلها وبيتها

اذا طلع لها ولد حرام ومايخاف الله والله مايخليها وياما بنات ردت ماكملت دراستها

عموما اؤيد البنت بمحرم اذا البنت عبقريه وفلته

الله يستر علينا وعلى المسلمين ويوفقنا وياكم على مايحب الله ويرضى

[عاشق الشهادة]

عيل اخوي بوكسينج اشلون الطبيبة والمحامية والصيدلانية والاستاذة حصلت زوج ؟؟؟:secret:




اختي انا لي رد بخصوص البنت واكمال تعليمها بالخارج واشترطت لازم يكون معاها محرم ,
واما بخصوص ان الطبيبه او المحاميه حصلت زوج نعم والازواج مام سوئ ؟ .

[ضوى]

الكلام يا بو حارب يدل على نقص عقل وغباء

الحمد لله والشكر لله

كل اناء بما فيه ينضح

[BODYGUARD]

في خطبة جمعة للشيخ ابن العثيمين رحمه الله ذكر التالي
و من الاستطاعة أن يكون للمرأة محرم فليس عليها حج إذا لم يكن لها محرم لأنها لا تستطيع السبيل إلى الحج حيث إنها ممنوعة من الحج شرعا لأن السفر لأن السفر أعني سفر المرأة بدون محرم محرم شرعا قال أبن عباس رضي الله عنهما سمعت النبي صلى الله عليه وعلى آله وسلم يخطب يقول: ( لا يخلون رجل بامرأة إلا ومعها ذو محرم ولا تسافر امرأة إلا مع ذي محرم فقام رجل فقال يا رسول الله أن امرأتي خرجت حاجة وأني اكتتبت في غزوة كذا وكذا فقال النبي صلى الله عليه وسلم انطلق فحج مع امرأتك) فأمر النبي صلى الله عليه وعلى آله وسلم أن يحج مع امرأته مع أنه قد كتب مع الغزاة ولم يستفصل النبي صلى الله عليه وسلم منه هل كانت امرأته شابه أو كان معها نساء أو كانت امرأة كبيرة أو كان معها نساء فأنه دليل على أن المرأة يحرم عليها السفر على أي حال وعلى أي مركوب كان سواء كان طيارة أم سيارة إلا بمحرم وهو زوجها أو من تحرم عليه تحريما مؤبدا كأبيها وأبنها وأخيها وعمها وأبن أخيها وأبن أختها وكل من يحرم عليه نكاحها ولابد أن يكون المحرم بالغا عاقلا فمن كان دون البلوغ فانه لا يكفي أن يكون محرما لأن المقصود من المحرم حفظ المرأة وصيانتها وهيبتها وذلك لا يحصل بالصغير .

===========

(( مهم ))

الشيخ بن جبرين حفظه الله
س : هناك بعض العوائل التي تدعي التقدم والمدنية ترسل بناتها للدراسة في الخارج بمفردهن، فما حكم ذلك؟

ج : هذا لا يجوز أبداً، فأين الغيرة والأنفة من المنكرات ومن إقرارها؟ لا شك أن هؤلاء الذين يرسلون بناتهم ليدربهن الكفار الرجال قد ذهبت الغيرة والحمية من نفوسهم فإنهم مسؤولون عن هؤلاء البنات، ولو طلبت البنت أصلا أن تذهب فذهابها محرم أنها تذهب مع غير حرم، ثم أنها تتعلم على يدي رجال أجانب عنها مع تعرضها للفاحشة والفتنة منها أو بها، زيادة على أنها تتأثر غالبا بفتن الشبهات التي لا يسلم منها مثلها في تلك البلاد.

===========

الشيخ سلمان العودة:
أرجو إراحة قلبي فيما يتعلق بسفر المرأة بدون محرم، أو سفرها بمفردها.؟

الأصل تحريم سفر المرأة بدون محرم، وقد جاء في هذا نصوص في الصحيحين وغيرها، منها: ما رواه البخاري (1024)، ومسلم (2381) عن ابن عمر -رضي الله عنهما - أن النبي - صلى الله عليه وسلم -، قال: " لا تسافر المرأة ثلاثة أيام إلا مع ذي محرم"، ومنها: ما رواه ابن عباس - رضي الله عنهما - أن النبي -صلى الله عليه وسلم-، قال: "لا تسافر المرأة إلا مع ذي محرم، ولا يدخل عليها رجل إلا ومعها محرم، فقال رجل: يا رسول الله، إني أريد أن أخرج في جيش كذا وكذا، وامرأتي تريد الحج؟ فقال: اخرج معها" رواه البخاري (1729)، ومسلم (2391).ومنها: ما رواه أبو سعيد الخدري أن النبي - صلى الله عليه وسلم -، قال: "لا تسافر امرأة فوق ثلاث ليال إلا مع ذي محرم" رواه البخاري (1115)، ومسلم (2385)، ومنها: ما رواه أبو هريرة عن النبي - صلى الله عليه وسلم -، قال: "لا يحل لامرأة تؤمن بالله واليوم الآخر أن تسافر مسيرة يوم إلا مع ذي محرم"

[عاشق الشهادة]

في خطبة جمعة للشيخ ابن العثيمين رحمه الله ذكر التالي
و من الاستطاعة أن يكون للمرأة محرم فليس عليها حج إذا لم يكن لها محرم لأنها لا تستطيع السبيل إلى الحج حيث إنها ممنوعة من الحج شرعا لأن السفر لأن السفر أعني سفر المرأة بدون محرم محرم شرعا قال أبن عباس رضي الله عنهما سمعت النبي صلى الله عليه وعلى آله وسلم يخطب يقول: ( لا يخلون رجل بامرأة إلا ومعها ذو محرم ولا تسافر امرأة إلا مع ذي محرم فقام رجل فقال يا رسول الله أن امرأتي خرجت حاجة وأني اكتتبت في غزوة كذا وكذا فقال النبي صلى الله عليه وسلم انطلق فحج مع امرأتك) فأمر النبي صلى الله عليه وعلى آله وسلم أن يحج مع امرأته مع أنه قد كتب مع الغزاة ولم يستفصل النبي صلى الله عليه وسلم منه هل كانت امرأته شابه أو كان معها نساء أو كانت امرأة كبيرة أو كان معها نساء فأنه دليل على أن المرأة يحرم عليها السفر على أي حال وعلى أي مركوب كان سواء كان طيارة أم سيارة إلا بمحرم وهو زوجها أو من تحرم عليه تحريما مؤبدا كأبيها وأبنها وأخيها وعمها وأبن أخيها وأبن أختها وكل من يحرم عليه نكاحها ولابد أن يكون المحرم بالغا عاقلا فمن كان دون البلوغ فانه لا يكفي أن يكون محرما لأن المقصود من المحرم حفظ المرأة وصيانتها وهيبتها وذلك لا يحصل بالصغير .

===========

(( مهم ))

الشيخ بن جبرين حفظه الله
س : هناك بعض العوائل التي تدعي التقدم والمدنية ترسل بناتها للدراسة في الخارج بمفردهن، فما حكم ذلك؟

ج : هذا لا يجوز أبداً، فأين الغيرة والأنفة من المنكرات ومن إقرارها؟ لا شك أن هؤلاء الذين يرسلون بناتهم ليدربهن الكفار الرجال قد ذهبت الغيرة والحمية من نفوسهم فإنهم مسؤولون عن هؤلاء البنات، ولو طلبت البنت أصلا أن تذهب فذهابها محرم أنها تذهب مع غير حرم، ثم أنها تتعلم على يدي رجال أجانب عنها مع تعرضها للفاحشة والفتنة منها أو بها، زيادة على أنها تتأثر غالبا بفتن الشبهات التي لا يسلم منها مثلها في تلك البلاد.

===========

الشيخ سلمان العودة:
أرجو إراحة قلبي فيما يتعلق بسفر المرأة بدون محرم، أو سفرها بمفردها.؟

الأصل تحريم سفر المرأة بدون محرم، وقد جاء في هذا نصوص في الصحيحين وغيرها، منها: ما رواه البخاري (1024)، ومسلم (2381) عن ابن عمر -رضي الله عنهما - أن النبي - صلى الله عليه وسلم -، قال: " لا تسافر المرأة ثلاثة أيام إلا مع ذي محرم"، ومنها: ما رواه ابن عباس - رضي الله عنهما - أن النبي -صلى الله عليه وسلم-، قال: "لا تسافر المرأة إلا مع ذي محرم، ولا يدخل عليها رجل إلا ومعها محرم، فقال رجل: يا رسول الله، إني أريد أن أخرج في جيش كذا وكذا، وامرأتي تريد الحج؟ فقال: اخرج معها" رواه البخاري (1729)، ومسلم (2391).ومنها: ما رواه أبو سعيد الخدري أن النبي - صلى الله عليه وسلم -، قال: "لا تسافر امرأة فوق ثلاث ليال إلا مع ذي محرم" رواه البخاري (1115)، ومسلم (2385)، ومنها: ما رواه أبو هريرة عن النبي - صلى الله عليه وسلم -، قال: "لا يحل لامرأة تؤمن بالله واليوم الآخر أن تسافر مسيرة يوم إلا مع ذي محرم"




الله يرحم والديك يـ بودي وهذا كان ردي على الموضوع .

[القناص]

بوعلي الرجاء حذف رد العضو الصياد

[أمة الله]

محلل ان شاء الله يـ أخت امه الله . وتعوذي من ابليس بارك الله فيج .

ياخوي الملافظ سعد لكن هذا مضيّع السنع والمذهب بعد....خيييييبه مب ذمه ولا ضمير عنده!

[رايق]

بكل بساطه
ابي ام لعيالي بمعنى الام
وظيفتها ودراستها مب شي ضروري وماس بالنسبة لي
والناس يختلفون في هالشي
وماله علاقة اني اقدر اسيطر عليها او ما اسيطر او اتحكم في الامور معاها او افرض رايي

العلاقة الزوجية ليست سيطرة بل علاقة بين 2 تربطهم روابط حب وعشرة ابدية وو و

:victory::victory::victory:

[عاشق الشهادة]

ياخوي الملافظ سعد لكن هذا مضيّع السنع والمذهب بعد....خيييييبه مب ذمه ولا ضمير عنده!



الله يهديه ويهدينا معاه .

[>>> غــمـــوض <<<]

موضوع مهم خاصه ان اغلبية البنات مسافرين للدراسه

لو وجد محرم يسافر مع البنت بيكون احسن بكثير

شكرا

عين العقل المحرم اهم شي لتواجد البنت في الخارج للدراسه
تحياتي لج حبوبه:victory:

[>>> غــمـــوض <<<]

والله انا مو من المؤيدين لدراسة البنت في الخارج ..

اذا الشباب راحوا يدرسون في الخارج .. يقدرون يدبرون روحهم ..

بس البنات ما بيقدرون .. صعبهـ ..

و ما أظن انهم يقدرون يتحملون الغربهـ ..

يسعدني تقبل ردج بصدر رحب
بس بغيت اعقب على كلامج
ترى ما شاء الله في واايد بنات درسوا وقدروا يتحملون الغربه ولو انهم عانوا شوي من فراق الاهل الا انهم قدروا يوصلون لمبتغاهم ونالوا الشهاده
والحمد الله رجعوا للبلاد بشهادتهم اللي يتمنونها
والبنات دايما بالغربه اللي يكونون (( بدون محرم )) اللي يساعدهم انهم يكونون مع شلة بنات ويتساعدون في كل شي وهالشي اللي يخفف عليهم غربتهم
طبعا هالكلام اللي قلته من الواقع اللي اشوفه

تحياتي لج حبيبتي

[>>> غــمـــوض <<<]

الله عليك ياغموض اشهالمواضيع الحلوه :victory:



في ظل التطور اللي شهدته قطر في السنوات الاخيره صار الكل يؤيد دراسه البنت بالخارج بل اصبحت جميع البعثات تكون للدول الاوروبيه وامريكا بدل الدول العربية



وانشوف صارت نسبه البنات المبتعثين للدراسه في الخارج نسبه لا يستهان بها


لكن !!!!!!


انا لو عندي بنت ماراح اخليها تدرس برى.. اول شي بحكم السن

بنت ماتعدى 18 سنه بعدها بسن مراهقه استغرب من اللي يسمحون حق بناتهم لان لين جينا للي يقول انا واثق ..... انزين انت واثق في بنتك لكن هل تثق بالناس اللي حولها ؟؟؟؟؟


ياما مشاكل وبلاوي سمعناها ويؤسفني والله اسمع من بعض البنات .. اول شي بحكم انها برى فيه البعض وارجع اكرر البعض حتى لو كانو قله بس موجودين راحو بالحجاب وشوي شوي بدت تستهين به وهالشي من واقع ....


او تروح البنت وتنحط في سكن طالبات وانت ماتدري نوعيه البنات الموجودات معاها


بعض الاهل للاسف بحكم الانفتاح ( ماشاء الله ) يتفق مع اهل بعض البنات المبتعثات وايكونون البنات في شقه مع بعض


للاسف ماعندي تعليق على الجمله الاخيره ؟؟؟؟؟؟؟؟؟؟؟؟


نسو ان البنت مهما كانت.... بنت ....والعيون عليها من كل صوب ...

مايمنع دراستها ان يروح معاها اخوها مثلاً او اذا كانت متزوجه مع زوجها .. على الاقل في حد يدير باله عليها ويبعد عنها اللي مايخافون الله ( وياكثرهم بهالدنيا )


وكلامي هذا مايعبر الا عن رأيي الشخصي وما افرضه على غيري وكلن حر ببناته وهله


تحيااااااااااتي لك ياغموض :)

تواجدج بالموضوع هو الاحلى
تسلمين على السطور اللي خطتها يمناج
كلامج عين العقل ،،، لان فعلا الواحد يخاف على بناته
وش حاد الامهات يتمون يحاتون بناتهم بالغربه 24 ساعه ،،،

بس لو كان البنت في خاطرها تتعلم مافي مانع اذا كان زوجها او اخوها معاها :omen2:
شاكره لج مرورج:victory:

[اسعاف]

في السعودية
يعطون المحرم المرافق نفس ميزة المبتعث تقريبا
وذلك من اجل تطبيق منهج الأسلام في عدم جواز سفر المرأة دون محرمها
يا ليت البعثات ينظرون الى البنت والمرأة بنفس نظرة بعثات السعودية
حتى تدرس البنت وهي في مأمن

[>>> غــمـــوض <<<]

السلام عليكم ,,

موضوع نقاشي رائع ,,

وبالنسبة لدراسة البنت بالخارج ,,

مو كل بنت تستاهل تروح بره ,,

ما أقصد أنه عيب عليها ,,

بس فيه بنات قد المسؤولية وبنات لا ,,

وأكيد لو كان معاها أهلها أو محرم أحسن كثير ,,

بس إذا الظروف أجبرتها تروح لحالها ,,

تروح لكن المفروض يكون عندها علم بكل شي ,,

ويكون أحسن لو معاها مجموعة ,, أو بنات عرب بالجامعه يساعدونها ,,

وأهلها في البداية يوصلونها لهناك في المرة الأولى ,,

ويتأكدون ان مكان معيشتها جيد ,, ومتوفر لها كل شي ,,

شقة قريبة من الجامعة وفي عمارة عليها حراس ,,

أو سكن داخلي محترم ,,

واللي في شي براسها بتسويه في الديره ولا بره الديره ,,

ومثل ماقلت ,, الدراسه بالخارج مايستاهلها إلا من جد واجتهد ,,

حرآم الواحد يبعد عن أهله وديرته ويضيع عمره على الفاضي ,, لأنها مب لعبة ,,

مشقه مب وناسه ,,

والدراسه غير عن السياحة ,,

وإذا صارت لي فرصة أدرس بره بختار حد من اهلي يجي معاي ,,

مب عشان بنت وما أقدر اتصرف ,,

بس الغربة صعبة ,, تتعب النفسية ,,

واذا تعبت النفسية صعبة الواحد يركز على دراسته ,,

الله يوفق جميع البنات سواء داخل أو خارج البلد ,,

ما شاء الله عليج ذيبة الريان
كفيتي ووفيتي
كلام منطقي يصدر من قلم رائع
يسعدني تواجدج الدائم :nice:

[!قطريـة بنت القمـر!]

السلام عليكم ,,

موضوع نقاشي رائع ,,

وبالنسبة لدراسة البنت بالخارج ,,

مو كل بنت تستاهل تروح بره ,,

ما أقصد أنه عيب عليها ,,

بس فيه بنات قد المسؤولية وبنات لا ,,

وأكيد لو كان معاها أهلها أو محرم أحسن كثير ,,

بس إذا الظروف أجبرتها تروح لحالها ,,

تروح لكن المفروض يكون عندها علم بكل شي ,,

ويكون أحسن لو معاها مجموعة ,, أو بنات عرب بالجامعه يساعدونها ,,

وأهلها في البداية يوصلونها لهناك في المرة الأولى ,,

ويتأكدون ان مكان معيشتها جيد ,, ومتوفر لها كل شي ,,

شقة قريبة من الجامعة وفي عمارة عليها حراس ,,

أو سكن داخلي محترم ,,

واللي في شي براسها بتسويه في الديره ولا بره الديره ,,

ومثل ماقلت ,, الدراسه بالخارج مايستاهلها إلا من جد واجتهد ,,

حرآم الواحد يبعد عن أهله وديرته ويضيع عمره على الفاضي ,, لأنها مب لعبة ,,

مشقه مب وناسه ,,

والدراسه غير عن السياحة ,,

وإذا صارت لي فرصة أدرس بره بختار حد من اهلي يجي معاي ,,

مب عشان بنت وما أقدر اتصرف ,,

بس الغربة صعبة ,, تتعب النفسية ,,

واذا تعبت النفسية صعبة الواحد يركز على دراسته ,,

الله يوفق جميع البنات سواء داخل أو خارج البلد ,,


نفس رايي بالضبط :nice: :nice: :nice: :nice:

[jassim_007]

بخصوص المجموعات و يعني البنت تسافر و معاها شلة او مجموعه بنات مثل ما البعض كتب...


ترا كل الدمار من تحت هل المجموعات ...

يكفي وحده من هل البنات تكون منتهيه و تروح معاهم .... عقب مع الايام بتخرب اغلب البنات الي بالشله : )


شخصياً افضل البنت تكمل دراستها هني ! و الدراسه بدون محرم بالنسبه لي لا يجوز نهائياً

[>>> غــمـــوض <<<]

ضد دراسة البنت في الخارج :

أولا : لأنها في الغالب راح تكون بدون محرم .. وهذا حرام

ثانيا : حتى لو كان معاها محرم الجامعه راح تكون مختلطة وهذا أيضا مايجوز

بالاضافة الى الأسباب اللي ذكرتها miss-qatr

كلامج على العين والراس لان البنت صعبه عليها تتعايش مع الجو الخارجي بدون محرم
ولكن عن الاختلاط ترى كل الجامعات اللي عندنا كلها خلط ماعدا جامعة قطر
وجامعة قطر مافيها كل التخصصات

واغلب الوظايف كلها خلط
انه حاليا ادرس بجامعه خلط بس الحمد الله محترمه نفسي ،، وفي بنات وااايد محترمات ومحد يقدر يقول عنا وعنهم الا الخير
والبنات المحترمات والله ومن واقع تجربتي مايقدرون يتجرأون بربع كلمه لنا
تحياتي لج

[PoBox]

بخصوص المجموعات و يعني البنت تسافر و معاها شلة او مجموعه بنات مثل ما البعض كتب...


ترا كل الدمار من تحت هل المجموعات ...

يكفي وحده من هل البنات تكون منتهيه و تروح معاهم .... عقب مع الايام بتخرب اغلب البنات الي بالشله : )



قانون السوق المركزي - سوق الخضرة - يقول
البرتقاله الخربانه تخرب كل كرتون البرتقال
ومع كثرة البرتقال الصالح في الصندوق ، الا انه لايؤثر على البرتقاله المعفنة
- مع فارق التشبيه والهداية القابلة للبشر -

http://i233.photobucket.com/albums/ee128/fsn_l/o.jpg

[>>> غــمـــوض <<<]

أنا الي أشوفه إنا بلادنا صار فيها جامعات وتفتح جامعات في كل سنه .. بالنسبه للبنات أفضل الدراسه داخل الدولة .. أما للشباب فالخارج ولا الداخل مافي فرق.

:) شاكره لك وجهة نظرك
:nice:

[لجين]

كلامج على العين والراس لان البنت صعبه عليها تتعايش مع الجو الخارجي بدون محرم
ولكن عن الاختلاط ترى كل الجامعات اللي عندنا كلها خلط ماعدا جامعة قطر
وجامعة قطر مافيها كل التخصصات

واغلب الوظايف كلها خلط
انه حاليا ادرس بجامعه خلط بس الحمد الله محترمه نفسي ،، وفي بنات وااايد محترمات ومحد يقدر يقول عنا وعنهم الا الخير
والبنات المحترمات والله ومن واقع تجربتي مايقدرون يتجرأون بربع كلمه لنا
تحياتي لج

مع احترامي لرايج اختي

مافي بنت محترمة ومو محترمة ..الحرام حرام على الكل

واذا التخصص اللي ابيه مب موجود في جامعة قطر اخذ تخصص غيره

واذا كل الجامعات اختلاط اقعد في البيت ابرك لي

[jassim_007]

قانون السوق المركزي - سوق الخضرة - يقول
البرتقاله الخربانه تخرب كل كرتون البرتقال
ومع كثرة البرتقال الصالح في الصندوق ، الا انه لايؤثر على البرتقاله المعفنة
- مع فارق التشبيه والهداية القابلة للبشر -

http://i233.photobucket.com/albums/ee128/fsn_l/o.jpg



صحيح كلامك...


بالنسبه للبنات الي يقولون نسافر لانه التخصص الفلاني مب موجودة بالدوحه ...


يعني مدري انا لو تخصصو في مجال ثاني اشبيصير فيهم ! ... حتى لو تقول ابي اشتغل و ابني مستقبلي و غيره...ترا اشتغلتي ولا لا ...بالنهايه مستقبلج مع زوجج و ابو عيالج ...و الشغل مو من الواجبات الاساسيه للبنت

[miss-qatr]

قانون السوق المركزي - سوق الخضرة - يقول
البرتقاله الخربانه تخرب كل كرتون البرتقال
ومع كثرة البرتقال الصالح في الصندوق ، الا انه لايؤثر على البرتقاله المعفنة
- مع فارق التشبيه والهداية القابلة للبشر -

http://i233.photobucket.com/albums/ee128/fsn_l/o.jpg



ههههههههههه بعد قانون السوق المركزي

هو له قانون ؟؟ :secret:





بس معاك حق انا شخصياً جاتني بعثه وكان حلمي ادرس تخصص ماكان موجود بقطر بس يوم فكرت فيها عدل عرفت ان هلي معاهم حق


ومرت السنين وجاتني اخبار البنات اللي كانو مبتعثات معاي ( لنفس التخصص ) للاسف والله ..... 2 منهم ... ممكن خربو الباقي بس مايمنع ان في منهم الزين بس السوالف الشينه اهي اللي تطلع وللاسف الناس تعم ماتخص وجاتني السالفه عن الكل مع اني اعرف ان مب الكل ....


اش راح يخسرون لو خلو كل وحده مع محرم ؟؟؟؟ اضمن للبنت وتفادياً لمثل هالسوالف


اسمحيلي غموض على مداخلتي الثانيه :)

[سداوي&مدريدي]

المشكله في بنات راحيين بروحهم

:secret:

[بوحارب]

قبل سنتين عطوني بعثه من الشغل لأكمل دراسستي في استراليا

ورفضت لأني ماحب الغربه هذا وانا رجال { والنعم } :shy:

فكيف البنت تقدر على الغربه:looking:

[بوحارب]

المشكله في بنات راحيين بروحهم

:secret:


يصير اروح معاهم { محرم }:looking:

[مهندس]

أنا شخصيا من أشد المعارضين لدراسة البنت بالخارج من غير محرم ......

و عن تجربة بل تجارب شخصية ....و أرفض ذلك بكل قوة ليس لشي و لكن لمصلحتها هي...

أنا من أشد المناصرين لحقوق المرأة وفق ديننا الإسلامي....

ولكن و بكل صراحة أبدا لا ؤأيد ذلك....و لو كان عندي بنت ودها تدرس بالخارج..أول ما أقوم به هو تقديم إستقالتي أو تقاعدي للذهاب معها.....

وإسأل مجرب و لا تسأل طبيب :)

[jassim_007]

ههههههههههه بعد قانون السوق المركزي

هو له قانون ؟؟ :secret:





بس معاك حق انا شخصياً جاتني بعثه وكان حلمي ادرس تخصص ماكان موجود بقطر بس يوم فكرت فيها عدل عرفت ان هلي معاهم حق


ومرت السنين وجاتني اخبار البنات اللي كانو مبتعثات معاي ( لنفس التخصص ) للاسف والله ..... 2 منهم ... ممكن خربو الباقي بس مايمنع ان في منهم الزين بس السوالف الشينه اهي اللي تطلع وللاسف الناس تعم ماتخص وجاتني السالفه عن الكل مع اني اعرف ان مب الكل ....


اش راح يخسرون لو خلو كل وحده مع محرم ؟؟؟؟ اضمن للبنت وتفادياً لمثل هالسوالف


اسمحيلي غموض على مداخلتي الثانيه :)

:nice: والله اهنيج ...زين سويتي


تعرفين شالمشكله ...المشكله في بنات (ماشايفين خير) مامصدقين يبتعدون عن اهلهم ...يبون يحسون بالحريه بشكل كامل في الغربه ...عبالهم الحريه يعني فصخي الحجاب و لبسي قصير او ضيق....تعرفي على الشباب ...دخلي مراقص...و الخ و الخ و (كلام مشفر)


:rolleyes2: هذي غير عن نظره الشاب (العربي) للبنت (العربيه) في الغربه ...دايماً يفكر و يقول دام هل البنت جايه بروحها يعني (رايحه فيها) و بسرعه (تتضبط و تتعرف)


:rolleyes2: و بعد غير عن البنات الي رايحين فيها و من كثر ما يحترون من البنات الي مالهم شغل في حد ...ينشرون سوالف بين بعض و فلانه كلمت و فلانه سوت ...او حتى يطرشون الشباب عليهم ...يلا خذ هذي رقم فلانه و صعب تتعرف عليها بس يلا نبي نشوف شطارتك...و غيرها الكثير و الكثير من السوالف



زبده الكلام : مايسوى على ( إي بنت محترمه) تضحي بشرفها من اجل دراسه : ) لجل الشرف تحترق الدراسه و الي جابه

[>>> غــمـــوض <<<]

مع احترامي لرايج اختي

مافي بنت محترمة ومو محترمة ..الحرام حرام على الكل

واذا التخصص اللي ابيه مب موجود في جامعة قطر اخذ تخصص غيره

واذا كل الجامعات اختلاط اقعد في البيت ابرك لي

شلون مافي بنت محترمه ومو محترمه (( اكيد في )) احنا عايشين بالدنيا والدنيا فيها الزين والشين واصابعج ترى مو سوا
يعني من كلامج افهم انه كل الحريم اللي يشتغلون في مكان خلط كلهم مو محترمات ؟؟

واذا التخصص اللي ابيه مو بالجامعه اش حادني اتخصص بشي مايحبه قلبي
واذا بدرس شي ماحبه اكيد ماراح ابدع فيه

انتي لو مالقيتي التخصص في جامعة قطر بتقعدين بالبيت لان هالشي يريحج

بس عن نفسي مستحيل اضحي بحبي للتخصص ومستقبلي اللي ان شاء الله ببدع فيه بمسمى الخلط
لان الخلط صار بأغلب الاماكن وهالشي مفروغ منه

ومثل ماقلت اللي محترمه نفسها محد يتجرأ يتطاول عليها
على الاقل ادرس بجامعة خلط في بلادي وبين اهلي ولا اني اروح برا بدون محرم

[بوحارب]

بخصوص المجموعات و يعني البنت تسافر و معاها شلة او مجموعه بنات مثل ما البعض كتب...


ترا كل الدمار من تحت هل المجموعات ...

يكفي وحده من هل البنات تكون منتهيه و تروح معاهم .... عقب مع الايام بتخرب اغلب البنات الي بالشله : )


شخصياً افضل البنت تكمل دراستها هني ! و الدراسه بدون محرم بالنسبه لي لا يجوز نهائياً


تستاهل بوسه على الخشم مع قلاص كرك


http://www.qatarshares.com.qa/data/208/211/storm_1905603357_492078895.jpg

[jassim_007]

قبل سنتين عطوني بعثه من الشغل لأكمل دراسستي في استراليا

ورفضت لأني ماحب الغربه هذا وانا رجال { والنعم } :shy:



خف علينه بس :tease: اشك الصراحه

انت حدك يعطونك بعثه لروضه عين خالد :tease: لحد يزعل بس

و بعدين كم مره اقول لك انا ماحب الكرك


روح اشتر لي كابتشينو من الخيام <<طرار و يتشرط هع

[>>> غــمـــوض <<<]

أنا شخصيا من أشد المعارضين لدراسة البنت بالخارج من غير محرم ......

و عن تجربة بل تجارب شخصية ....و أرفض ذلك بكل قوة ليس لشي و لكن لمصلحتها هي...

أنا من أشد المناصرين لحقوق المرأة وفق ديننا الإسلامي....

ولكن و بكل صراحة أبدا لا ؤأيد ذلك....و لو كان عندي بنت ودها تدرس بالخارج..أول ما أقوم به هو تقديم إستقالتي أو تقاعدي للذهاب معها.....

وإسأل مجرب و لا تسأل طبيب :)
:victory:

[>>> غــمـــوض <<<]

في السعودية
يعطون المحرم المرافق نفس ميزة المبتعث تقريبا
وذلك من اجل تطبيق منهج الأسلام في عدم جواز سفر المرأة دون محرمها
يا ليت البعثات ينظرون الى البنت والمرأة بنفس نظرة بعثات السعودية
حتى تدرس البنت وهي في مأمن

يليت يصير هالشي عندنا
عشان البنات يرتاحون ويلبون الاهل رغبتهم بتكلمة دراستهم في الخارج

[jassim_007]

الأقلاص يتغير الله يسلمك

نفس كافتريا النعيمي:)

:shy:انا قلت اكيد تغسل القلاص بديتول :rolleyes2:

[supra-concep]

اشكر الاخت غموض على الموضوع المهم واتمنى من الاداره عدم غلق المواضيع المهمه وحذف المشاركات الغير لائقه وبالذات هالموضوع لانه مهم ويمس شريحة كبيرة من بناتنا الله يحفظهم

هاي الرد من امس وحاولت احطه بس الموضوع كان مرفوع من الاداره
بالنسبه لرأيي انا معاااااااااااااااااااااااارض وبعنف وقوة بعد الا بوجود محرم مع البنت طول فترة دراستها وبصراحه وبدون زعل اذا اي اهل يوافقون على دراسة بناتهم يدل على عدم غيرتهم عليها مهما اوصلت الثقة في البنت فلازم انصونها مب نبعثها للخارج ومن خبرة في الدراسة بالخارج انا شفت بنات خليجيات يتعرضون للمضايقات من الشباب (العرب خصوصا للاسف مب من الاجانب)

ومن الاخر الغربه مب سهلة على الشباب فما بالكم في بناتنا
بوجود محرم نعم
بدون محرم لا والف لا:anger1::anger1:

[ضوى]

عجبني المشرف بو علي

حذف الردود الغير لائقة ونزل الموضوع مرة ثانية

الصراحة شئ جميل الاختلاف في وجهات النظر هذا معارض وهذا مؤيد وكل واحد له اسبابه اهم شئ الابتعاد

عن التجريح والغلط على بنات الناس واهاليهم

نعم يا اعضاء المنتدى الراقيين هكذا تكون النقاشات والا فلا وفي النهاية اختلاف الرأي لا يفسد للود قضية

[>>> غــمـــوض <<<]

تبون الصج وبصراحه امس انه كتبت الموضوع وسكرت النت ... حلو
بعد فتره بسيطه تتصل صديقتي الصدوقه
تقولي الحقي يا فلانه على موضوعج بيتسكر...
انه بققت عيني على هالكبر :eek5: قتلها ليش شالسالفه

قالت لي الكلام اللي الاعضاء كتبوه
انه صادتني صدمه كبييييييييره معقوله في اعضاء يبدون رايهم بهالطريقه
جنهم قاعدين في مجلس واحد من الشباب
والحمد الله ان المشرفين الغوا هالردود اللي مالها لزمه

لان انه لاحظت كذا موضوع قاعدين يتسكرون بسبة هالردود
ترى ولله حرام يعني يجيك عضو مستانس يكتب موضوع وعقب يتسكر عشان هالردود اللي مالها لزمه
هذي رساله اوجهها لكل الاعضاء
ترى النقاش احلى منه مافي بدون اي تجريح وتطاول

::::::::::::::::::::::::::::::::::::::::::::::::

بما ان الردود كثيره وما اقدر ارد على كل واحد بروحه
والله اهنيكم كلكم على ابداء رايكم بطريقه حلوه ،، تفتح النفس
ترى الدنيا في النهاية اخذ وعطى وكل شي بالهدوء يمشي
كلن له رايه بهالدنيا سواء زين او شين (( مع او ضد ))
بس الحلو لما الواحد يبديه بطريقه انه ماتظر اللي حواليه بتهجمه المبالغ فيه ... صح ولا لاء
تحياتي لكم
اختكم في الله \ غــمـــوض

[>>> غــمـــوض <<<]

عجبني المشرف بو علي

حذف الردود الغير لائقة ونزل الموضوع مرة ثانية

الصراحة شئ جميل الاختلاف في وجهات النظر هذا معارض وهذا مؤيد وكل واحد له اسبابه اهم شئ الابتعاد

عن التجريح والغلط على بنات الناس واهاليهم

نعم يا اعضاء المنتدى الراقيين هكذا تكون النقاشات والا فلا وفي النهاية اختلاف الرأي لا يفسد للود قضية

ايوه يا اخت ضوى هالكلام اللي بخاطري اقوله
تسلمين حبيبتي

[supra-concep]

شلون مافي بنت محترمه ومو محترمه (( اكيد في )) احنا عايشين بالدنيا والدنيا فيها الزين والشين واصابعج ترى مو سوا
يعني من كلامج افهم انه كل الحريم اللي يشتغلون في مكان خلط كلهم مو محترمات ؟؟

واذا التخصص اللي ابيه مو بالجامعه اش حادني اتخصص بشي مايحبه قلبي
واذا بدرس شي ماحبه اكيد ماراح ابدع فيه

انتي لو مالقيتي التخصص في جامعة قطر بتقعدين بالبيت لان هالشي يريحج

بس عن نفسي مستحيل اضحي بحبي للتخصص ومستقبلي اللي ان شاء الله ببدع فيه بمسمى الخلط
لان الخلط صار بأغلب الاماكن وهالشي مفروغ منه

ومثل ماقلت اللي محترمه نفسها محد يتجرأ يتطاول عليها
على الاقل ادرس بجامعة خلط في بلادي وبين اهلي ولا اني اروح برا بدون محرم





اسف بس انا اخالفج الراي بس هالكلام مب صحيح واشكثر بنات محترمات ومع ذي ناس وايد يتطاولون عليها لو كان المكان خلط سواء بكلمه او بغيرها وعموما البنت بطبعها ضعيفه وكثر الدق يفج اللحام

[supra-concep]

عجبني المشرف بو علي

حذف الردود الغير لائقة ونزل الموضوع مرة ثانية

الصراحة شئ جميل الاختلاف في وجهات النظر هذا معارض وهذا مؤيد وكل واحد له اسبابه اهم شئ الابتعاد

عن التجريح والغلط على بنات الناس واهاليهم

نعم يا اعضاء المنتدى الراقيين هكذا تكون النقاشات والا فلا وفي النهاية اختلاف الرأي لا يفسد للود قضية



اخت ضوى مشكوره على ردودج وعلى غيرتج على البنات وكان واضح في ردودج امس على بعض اللي تطاولوا في الموضوع والحمدلله المشرف بوعلي ماقصر وحذفهم ورد الموضوع :discuss:

بالتوفيق للجميع

[>>> غــمـــوض <<<]

اسف بس انا اخالفج الراي بس هالكلام مب صحيح واشكثر بنات محترمات ومع ذي ناس وايد يتطاولون عليها لو كان المكان خلط سواء بكلمه او بغيرها وعموما البنت بطبعها ضعيفه وكثر الدق يفج اللحام

شلون يعني كثر الدق يفج اللحام ؟؟؟؟ :anger1:
مب لانه قط كلمتين ثلاث خلاص بتضعف وبتميل له .... ما اايدك بصراحه

اللي عارفه نفسها وواثقه من شخصيتها محد يتجرأ عليها
واذا جا واحد من اللي مايخافون من ربهم حاول يقط كلمتين ثلاثه
اعتقد انه بأسلوبها تقدر توقفه عند حده ،، وتخليه يلزم حدوده

[سداوي&مدريدي]

تبون الصج وبصراحه امس انه كتبت الموضوع وسكرت النت ... حلو
بعد فتره بسيطه تتصل صديقتي الصدوقه
تقولي الحقي يا فلانه على موضوعج بيتسكر...
انه بققت عيني على هالكبر :eek5: قتلها ليش شالسالفه

قالت لي الكلام اللي الاعضاء كتبوه
انه صادتني صدمه كبييييييييره معقوله في اعضاء يبدون رايهم بهالطريقه
جنهم قاعدين في مجلس واحد من الشباب
والحمد الله ان المشرفين الغوا هالردود اللي مالها لزمه

لان انه لاحظت كذا موضوع قاعدين يتسكرون بسبة هالردود
ترى ولله حرام يعني يجيك عضو مستانس يكتب موضوع وعقب يتسكر عشان هالردود اللي مالها لزمه
هذي رساله اوجهها لكل الاعضاء
ترى النقاش احلى منه مافي بدون اي تجريح وتطاول

::::::::::::::::::::::::::::::::::::::::::::::::

بما ان الردود كثيره وما اقدر ارد على كل واحد بروحه
والله اهنيكم كلكم على ابداء رايكم بطريقه حلوه ،، تفتح النفس
ترى الدنيا في النهاية اخذ وعطى وكل شي بالهدوء يمشي
كلن له رايه بهالدنيا سواء زين او شين (( مع او ضد ))
بس الحلو لما الواحد يبديه بطريقه انه ماتظر اللي حواليه بتهجمه المبالغ فيه ... صح ولا لاء
تحياتي لكم
اختكم في الله \ غــمـــوض


صح مديره :nice:

[لجين]

شلون مافي بنت محترمه ومو محترمه (( اكيد في )) احنا عايشين بالدنيا والدنيا فيها الزين والشين واصابعج ترى مو سوا
يعني من كلامج افهم انه كل الحريم اللي يشتغلون في مكان خلط كلهم مو محترمات ؟؟

واذا التخصص اللي ابيه مو بالجامعه اش حادني اتخصص بشي مايحبه قلبي
واذا بدرس شي ماحبه اكيد ماراح ابدع فيه

انتي لو مالقيتي التخصص في جامعة قطر بتقعدين بالبيت لان هالشي يريحج

بس عن نفسي مستحيل اضحي بحبي للتخصص ومستقبلي اللي ان شاء الله ببدع فيه بمسمى الخلط
لان الخلط صار بأغلب الاماكن وهالشي مفروغ منه

ومثل ماقلت اللي محترمه نفسها محد يتجرأ يتطاول عليها
على الاقل ادرس بجامعة خلط في بلادي وبين اهلي ولا اني اروح برا بدون محرم



ياعزيزتي الظاهر فهمتيني غلط :rolleyes2:

انا ماعلي من البنت محترمة والا لا

انا علي من الشرع .. الشرع يقووول لايجووووز الاختلاط لا في العمل ولا في التعليم

ماقال الشرع لو البنت محترمة يجوز لها الاختلاط ..والبنت اللي مب محترمة مايجوز

وبعدين انا مايهمني تخصصي اللي ابيه بقدر مايهمني رضا ربي علي

نفس الشي في العمل .. هذا انا قاعده في البيت 4 سنين لاشغل ولامشغلة

والسبب اني ماحصلت عمل من غير اختلاط ..والحمدلله على كل حال

وبخصوص كلامج:

على الاقل ادرس بجامعة خلط في بلادي وبين اهلي ولا اني اروح برا بدون محرم

وش الفرق بينهم ؟ اثنينهم حكمهم غير جائز : )

واخيرا ((من ترك شيئا لله عوضه الله خيرا منه))

وان شاءالله فهمتي قصدي هالمرة : )

[>>> غــمـــوض <<<]

ياعزيزتي الظاهر فهمتيني غلط :rolleyes2:

انا ماعلي من البنت محترمة والا لا

انا علي من الشرع .. الشرع يقووول لايجووووز الاختلاط لا في العمل ولا في التعليم

ماقال الشرع لو البنت محترمة يجوز لها الاختلاط ..والبنت اللي مب محترمة مايجوز

وبعدين انا مايهمني تخصصي اللي ابيه بقدر مايهمني رضا ربي علي

نفس الشي في العمل .. هذا انا قاعده في البيت 4 سنين لاشغل ولامشغلة

والسبب اني ماحصلت عمل من غير اختلاط ..والحمدلله على كل حال

وبخصوص كلامج:

على الاقل ادرس بجامعة خلط في بلادي وبين اهلي ولا اني اروح برا بدون محرم

وش الفرق بينهم ؟ اثنينهم حكمهم غير جائز : )

واخيرا ((من ترك شيئا لله عوضه الله خيرا منه))

وان شاءالله فهمتي قصدي هالمرة : )

بس فديتج لو الواحد بيشوف الحرام ترى واايد في حياتنا ،، مب بس في الدراسه بوجود الاختلاط او في الشغل
يعني مايصير الواحد يحرم نفسه من الدراسه عشان الاختلاط واقعد في البيت بدون هدف

بعدين حتى جامعة قطر فيها اختلاط يعني هالدكاتره اللي يدرسون مب رياييل
في الجمعيات والاسواق والمجمعات التجاريه في اختلاط واحنا نروح هالاماكن
ونتعامل مع الموظفين هناك واغلبيتهم رياييل
في المستشفيات مثلا ::::::::الخ

يعني الاختلاط في دولتنا قاعدين نشوفه وبشكل ملحوظ فليش احرم نفسي من حق الدراسه اللي بفيد فيها نفسي واهلي ومجتمعي
واحرم نفسي من الوظيفه الزينه

على العموم الله يقويج على دينج ،، ويوفقج في دنياج واخرتج

اختج في الله \ غــمـــوض

[اعالي الجنان]

بوبوكسنج + جاسم 007

عين العقل كلامكم الله يحفظكم

[ذربة ألكلام]

اما تسافر مع اهلها او زوجها

غير هذا الشي ما أيد

[اعالي الجنان]

اشكر الاخت غموض على الموضوع المهم واتمنى من الاداره عدم غلق المواضيع المهمه وحذف المشاركات الغير لائقه وبالذات هالموضوع لانه مهم ويمس شريحة كبيرة من بناتنا الله يحفظهم

هاي الرد من امس وحاولت احطه بس الموضوع كان مرفوع من الاداره
بالنسبه لرأيي انا معاااااااااااااااااااااااارض وبعنف وقوة بعد الا بوجود محرم مع البنت طول فترة دراستها وبصراحه وبدون زعل اذا اي اهل يوافقون على دراسة بناتهم يدل على عدم غيرتهم عليها مهما اوصلت الثقة في البنت فلازم انصونها مب نبعثها للخارج ومن خبرة في الدراسة بالخارج انا شفت بنات خليجيات يتعرضون للمضايقات من الشباب (العرب خصوصا للاسف مب من الاجانب)

ومن الاخر الغربه مب سهلة على الشباب فما بالكم في بناتنا
بوجود محرم نعم
بدون محرم لا والف لا:anger1::anger1:






:nice::nice::nice::nice::nice::nice:

كفوووو والله وانا خالتك

[عابرة سبيل]

بوجود محرم افضل ومحرم محترم يعرف العادات والتقاليد

وبالتوفيق

[شذى الحياة]

تدرس بالخارج بشرط وجود محرم....

شكراً غموض على الموضوووع الرااائع...:)

[عذب الكلام 1]

اتكمل الدراسه فى البلد ابرك لها او اذا اضطرت بلد عربي او مسلم اذا التخصص نادر فيمكن اوروبا اوامريكا ولكن الاولى ان تكون مع محرم انا اشوف اتربي اعيالها ابرك لها لانها بتخرج جيل يمكن واحد دكتور وواحد مهندس واحد طيار وهذي هي الحكمه من التربيه

[هتـان قطر]

في السعودية
يعطون المحرم المرافق نفس ميزة المبتعث تقريبا
وذلك من اجل تطبيق منهج الأسلام في عدم جواز سفر المرأة دون محرمها
يا ليت البعثات ينظرون الى البنت والمرأة بنفس نظرة بعثات السعودية
حتى تدرس البنت وهي في مأمن



ياليت والله نتمنى انهم يطبقون هالقرار..

انا ضد ترك البنت للسفر بدون محرم بغرض الدراسه.. تدرس في بلادها استر لها واضمن

او تتزوج وتتفرغ لدورها الاساسي اللي خلقت من اجله..

[supra-concep]

:nice::nice::nice::nice::nice::nice:

كفوووو والله وانا خالتك



:fight::fight::fight::fight::fight:

[عبدالله الخوار]

موضوع مهم جدا وحساس .. وتشكرين عليه يا اخت غموض

معارض بشدة .. خصوصا ان الشباب اللي يسافرون برا .. بعثه

مع البنات .. يرفضون فكرة الزواج ببنت دارسه برااا

عاد اهما .. عارفين شاللي يصير هناك

مهما كانت البنت .. من عايله محافظه .. بس صعب تخليها تعيش

بين .. شباب هناك .. وطلعات رايحه وجايه الكلية

يعني تغيير عليها الوضع 180 درجه

من حرص عليها 100 % الى حرية 100 %

والبنت مثل ما قالوا .. عاطفية ماقدر اقط بنتي في دولة ماشوفها

الا بالشهر مرة او الثلاث شهور مرة :)

ما ذم كل بنت تدرس برااا

بس لنا عاداتنا وتقاليدنا .. والواحد شاب راسه من اللي يشوفه

في الدوله المبتعث لها الموضوع اعلاه :)

[هداف]

ايييييييييييييييييييييييييييييييييييه تكلمتي عن بلاء عظيم شفناه بعيونا ماسمعناه


نعم شفناهم بكل انواع الانحلال في الخارج ونقول البعض ويكرمون الباقين ولكن سفر البنت من غير محرم فيه بلاء وعواقبه وخيمه !!

[supra-concep]

شلون يعني كثر الدق يفج اللحام ؟؟؟؟ :anger1:
مب لانه قط كلمتين ثلاث خلاص بتضعف وبتميل له .... ما اايدك بصراحه

اللي عارفه نفسها وواثقه من شخصيتها محد يتجرأ عليها
واذا جا واحد من اللي مايخافون من ربهم حاول يقط كلمتين ثلاثه
اعتقد انه بأسلوبها تقدر توقفه عند حده ،، وتخليه يلزم حدوده



ماعتقد ان هالمثل جا مني والطريق وما قالوه الاولين الا من تجاااارب في الحياة واذا عن الحدود فانا اقولج الشيطان قوي وماله حدود الا اللي كان ايمانه بالله قوي واذا كان الايمان بالله قوي ماعتقد ان البنت بتروح بدون محرم واتمنى تكون الفكره اوصلت

وكلامي مب عن الكل لكن مثل ما قال غانم السليطي البعض

[ناصر العمادي]

موضوع أكثر من هام ..

أنا ضد سفر البنات للدراسه في الخارج من غير محرم ..

طبعا أنا سأتكلم من واقع تجربه خلال دراستي في أحدى الدول العربيه وأحدى الدول الأجنبيه ..

بكل أسف هناك من البنات من هم على قدر المسؤوليه والثقه وهناك من هم غير مؤهلين للخروج من البلاد ...!!!!!!

ماشاهدته انا وشاهده غيري شي محزن ومخزي بكل أسف ..

هناك من تنسى نفسها في الخارج وبدل الدراسه نجدها في الملاهي الليليه والفنادق ونراها كل يوم مع شخص أخر ...هذا واقع بعض البنات بكل أسف في الخارج

طبعا الأسباب كثيره

منها لا للحصر ...
صغر سن البنت مما يجعلها غير مهيأه للتعامل مع التغيير الكبير الذي يحدث معها في الخارج من مشاهد الأنفتاح وغيره ..
المبتعثه غالبا تكون في سن بين 18 وال 20 وهي سن حرجه للبنت وممكن بسهوله أن تغير كل مفاهيمها للدنيا وأن تتأثر بما حولها ...
ولاننسى دور الصديقات ودور الأختلاط في الجامعات الخارجيه وهذا أكبر مسبب لأنحراف البنت الا من رحم ربي ..
وما يحزن بالفعل هو أهمال الأهل للبنت في الخارج ...يعني نجدهم في البدايه حريصين على السؤال والمتابعه ولكن مع مرور الوقت يتركون البنت على حريتها من مبدأ الثقه وهذا أكبر غلط ..
كما أن ترك البنت بدون محرم يجعلها تلجأ للغير ... وماأدرك مالغير ...؟؟؟؟؟؟!!!!!!!!!!!

نسأل الله أن يهدي بناتنا وبنات المسلمين ... اللهم آمين

يعطيك الصحه والعافيه على الطرح الرائع

كل الشكر والتقدير لك

الله يوفقك ويرضى عليك دنيا وأخره أن شاء الله

[عبدالله الخوار]

ماعتقد ان هالمثل جا مني والطريق وما قالوه الاولين الا من تجاااارب في الحياة واذا عن الحدود فانا اقولج الشيطان قوي وماله حدود الا اللي كان ايمانه بالله قوي واذا كان الايمان بالله قوي ماعتقد ان البنت بتروح بدون محرم واتمنى تكون الفكره اوصلت

وكلامي مب عن الكل لكن مثل ما قال غانم السليطي البعض



كلام ..مقنع

يبيله ايمان قوي .. وماعتقد فيه وحدة ايمانها قوي .. تروح تدرس بروحها

والله انك رهيب يا اخ العرب :)

[>>> غــمـــوض <<<]

ماعتقد ان هالمثل جا مني والطريق وما قالوه الاولين الا من تجاااارب في الحياة واذا عن الحدود فانا اقولج الشيطان قوي وماله حدود الا اللي كان ايمانه بالله قوي واذا كان الايمان بالله قوي ماعتقد ان البنت بتروح بدون محرم واتمنى تكون الفكره اوصلت

وكلامي مب عن الكل لكن مثل ما قال غانم السليطي البعض

اول شي انه ما أايد السفر من غير محرم ومن قالك اني مأيدته والفكره هذي عندي اياها من زمان مب شي جديد علي /// علشان تقولي وصلت
بس كان ردي عليك بخصوص الاخت لجين لانك اقتبست كلامي لها
والكلام مو عن الدراسه من غير محرم :)
لاني كنتت اعقب على ردها لي وهو عن الاختلاط في دراستي هني

وانت قلت كثر الدق يفج اللحام وانه رديت عليك::: بهالرد
اللي عارفه نفسها وواثقه من شخصيتها محد بيتجرأ عليها
واذا جا واحد من اللي مايخاف ربه وتطاول بالكلام او قط كلمتين ثلاث
بأسلوبها تقدر توقفه عند حده وتخليه يلزم حدوده

ترى اصابعك مب سوى والبنت لو تبي تسوي شي بتسويه حتى لو كانت في بيتهم
محد يقدر يجبرها لاكلمه حنونه ولا نظره ولا من هالخرابيط:)

[supra-concep]

كلام ..مقنع

يبيله ايمان قوي .. وماعتقد فيه وحدة ايمانها قوي .. تروح تدرس بروحها

والله انك رهيب يا اخ العرب :)


جزاك الله خير:victory:

[supra-concep]

اول شي انه ما أايد السفر من غير محرم ومن قالك اني مأيدته والفكره هذي عندي اياها من زمان مب شي جديد علي /// علشان تقولي وصلت
بس كان ردي عليك بخصوص الاخت لجين لانك اقتبست كلامي لها
والكلام مو عن الدراسه من غير محرم :)
لاني كنتت اعقب على ردها لي وهو عن الاختلاط في دراستي هني

وانت قلت كثر الدق يفج اللحام وانه رديت عليك::: بهالرد
اللي عارفه نفسها وواثقه من شخصيتها محد بيتجرأ عليها
واذا جا واحد من اللي مايخاف ربه وتطاول بالكلام او قط كلمتين ثلاث
بأسلوبها تقدر توقفه عند حده وتخليه يلزم حدوده

ترى اصابعك مب سوى والبنت لو تبي تسوي شي بتسويه حتى لو كانت في بيتهم
محد يقدر يجبرها لاكلمه حنونه ولا نظره ولا من هالخرابيط:)




:discuss:الله يحفظج اختي وبالتوفيق

[سوق واقف]

أنا ضد دراسة المرأة في الخارج

[سوق واقف]

لا تقولون عندها ايمان وبنت خارج البلد بروحها تسوي كل شيء وانتو تشوفون بعينكم

[وحيد-الشوق]

موضوع مهم والله مستغرب من بعض الاهالي يخلون بنات بروحهم يدرسون في امريكا ولندن وفرنسا وغيره .. :omg:

صراحه الي يخلي اخته او بنته تدرس برا ماعنده غيره والله طبعا بدون محرم :secret:

قلنا سياحه وسفر وبلعانها بالعافية :anger1: بعد دراسة 4 او 5 سنين :eek5: لا وألف لا :anger1:

يازين الجامعات الي عندنا اذا بعض الشباب يسافرون للدراسة بعضهم يضيع ويخترب ... فما بالكم بالبنات

يعطيج العافية اختي غموض عالطرح القيم والمفيد :)

[almulla]

اذا لم يتوفر محرم فلا بأس من ذهابها مع نساء تؤتمن عليهن البنت

وهذا رأي الشافعية

[!الشايمه!]

بعد تتبع الردود.........النتيجة

كل من درس بالخارج او في خلط .......يرفض ......وليس كل مانعرفه ممكن ينقال وينكتب!!
كل من كان بعيد عن الموضوع.......تعذر باعذار اكل عليها الزمن وشرب

فمن ثقة الاهل........والتربية ......واللي قال لازم محرم......واذا ماامكن تكون مع صديقات ثقة...
واللي قال نعم.....اذا التخصص غير موجود في البلد.....واللي قال بترك شغلي وبروح محرم لبنتي؟!!

والله الناس خيالهم واسع وطيبين على نياتهم بزيادة في زمن......اقل مايقال عنه انه زمن فتنة ودمار
وتتقلب فيه القلوب....بين لحظه ولحظة.

تربية الاهل........والثقة في البنت.....والصديقات...... اصبحوا الشماعة التي تتمسك بها البنت
لاقناع اهلها بالسفر... شدعوه مب واثقين فيني......شدعوه ماتعرفون شلون ربيتوني.....شدعوه
صديقاتي كلهن ثقة........ والله شوف عيني.....وانا كنت ضمن دفعة معظم البنات سافروا للدراسة
في الخارج.......

مااقول الله يعين الاهل على بناتهن....والسوالف والبلاوي اللي سمعناها :(
ما اقول الكل.........ولكن الله يستر على الباقي.......

سالفة...التخصص غير موجود.....واللي بيترك شغله عشان يروح ويا بنته او اخته .........

معقوله ....الحين البلد والاقتصاد كله بيتوقف اذا هالبنت الفلته ......ماسافرت ولا انقذت
الأمة الاسلامية من براثن الجهل والتخلف.......ودرست وجابت لهم الناموس من الخارج.

التخصص......اللي معظم الناس يتحججون فيه......اللي يسمعهم.....مايدري ان ثلاث ارباع
الطلاب......يتخرجون ويشتغلون في شغل مايتعلق نهائياً ......بتخصصهم.....ويازينهن
تعذيب اربع سنين....غربة......وفتنه....وضياع سمعة.........وفي الاخير عاملات ارشيف
والا طباعات والا سكرتيرات!!؟

الله يهدي الجميع......خلكم من الاحلام الحلوه......وفتحوا عينكم على الواقع.

تحية

[التيما]

والله انا شفت بناتنا المبعوثات في كذا دوله اوروبيه وفي امريكا .. صراحه بعضهم وخاصه القله منهم المو متزوجات بالذات ورايحين بروحهم او ابوهم شيبه ماديري بشي .. شي يفشل ومخجل .. والله اني كنت استحي لمن يقولون انهم قطريات في امريكا استغربوا اني قطريه يمكن مو متعودين على قطريه بنفس المكان محجبه ومحتشمه .. مادري شسالفتهم .. بس في الصين شفت طالبات منهم ماشاء الله عليهم يرفعون الراس بس رايحين مع محرمهم ..

عن نفسي ما أأيد تروح بنت ياهل 18 سنه برا بروحها لازم محرم ولازم اخ اكبر منها بعد مو اصغر منها .. او زوج او اب يقدر على بنته مو شيبه مايدري بالدنيا ..

[بنت المنتدى]

خاطري بس شاسوي ريلي مب راضي صار لي سنتين وانا احن:anger1:

[>>> غــمـــوض <<<]

خاطري بس شاسوي ريلي مب راضي صار لي سنتين وانا احن:anger1:

انزين حبوبه اقنعيه يروح معاج:)

[بنت المنتدى]

انزين حبوبه اقنعيه يروح معاج:)






عنده مليون ارتباط مايقدر .. وهو شغله شبه بالخارج ..


وتبغين الصج انا لو بسافر مابيكون هدفي الاول هو الدراسه .. انا ابي اطلع كم سنه وارجع بالشهاده منها غيرت من الروتين ومنها اخذت الشهاده


يلااا يقولج المثل


لو تجري جري الوحوش غير رزقك ماتحوش .. وكل شي بالدنيا ارزاق :)



مشكوره حياتي غمووووووضه

[>>> غــمـــوض <<<]

عنده مليون ارتباط مايقدر .. وهو شغله شبه بالخارج ..


وتبغين الصج انا لو بسافر مابيكون هدفي الاول هو الدراسه .. انا ابي اطلع كم سنه وارجع بالشهاده منها غيرت من الروتين ومنها اخذت الشهاده


يلااا يقولج المثل


لو تجري جري الوحوش غير رزقك ماتحوش .. وكل شي بالدنيا ارزاق :)



مشكوره حياتي غمووووووضه


العفــو حياتـي :)
عسى ربي يوفقج في دنياج واخرتج
ويارب يتحقق اللي ببالج
الله يعطيج على قد نيتج وتتوفقين

تحياتي لج
اختج في الله \ غـــمـــوض

[امـ عبدالله]

فديتهاا صعبـــــــــــــــــه

مب يايتني النوووووده وباتحسف قد شعر راسي

لو خليتها اترووح

والثقه الزايده بايخه هاليووووووووميــن

[simsim1963]

الشاعر أحمد شوقي يقول " أنما الأمم أخلاق فأن هم ذهبت أخلاقهم ذهبوا " والشرع يقول لا يجوز تسافر بدون محرم . وياكم من بنت ماخذة الدكتوراة وجالسه في البيت وتتحسر وتقول ريحه ياهل (طفل)ولا شهادة الفلس(الدكتوراة) المرأة واقصد كل نساء العالم بلا استثناء حلمها بيت واسرة فقط وبالنسبه للرزق رب الاسرة مسؤؤل عنه