إلي يستخدم جهاز Alfa Usb يدخل

[R.T.Z]

السلام عليكم
عندي واحد من ربعي يبي يشتري هالجهاز وماعنده لاب توب
عنده دسك توب يسئلني يشتغل على الدسك توب ولا..لآ على كل حال الجهاز فيه يو اس بي
ابي منكم الحين الي عنده دسك توب يفصل الجهاز من الاب توب ويركبه على الدسك التوب
ويقول لنا أشتغل معاه ولا..لآ
عشان ما يشتري هالجهاز ويتوهق فيه :p

بالنسبه لكل واحد بيدخل يقراء الموضوع من باب الفضول وهو ماعنده هالجهاز يدعي لي في ظهر الغيب وله الاجر أن شاء الله :)

[السكين]

وعليكم السلام

اول شي دعيت لك والله :nice:

بخصوص الجهاز ولاني ما جربته ولا افهم فيه بس اعتقد يصير لانه ( لاقط ) ماله علاقة بلاب توب او جهاز بي سي عادي ..

والله أعلم ..انتظر فطاحل النت يجاوبوك ويفيدونا :victory:

[R.T.Z]

جزاك الله خير على الدعوه الطيب وعندك ملك يقول لك آمين ولك ذلك

وانا عارف ان في ناس بتدخل وهي ماعندها هالجهاز فكنت ابي منهم دعوه في ظهر الغيب والكل مستفيد..والموضوع هذا أن شاء الله يفيد الجميع

(خارج الموضوع)
بتوسط لك ياخالد عشان تدخل في موسوعة غينيس للأرقام القياسيه رديت على الموضوع بعد مانزلته بثلاث دقايق :)

[باقي على ذكراك]

السلام عليكم اخوي

اخوي انا عندي الجهاز واستخدمه على لابتوب وهو اكيد 100% يشتغل على الدسك توب بس في نقطه لازم تعرفها

هالجهااز لين تستخدمه في البيت في مكان مغلق

ممكن انه يقوي لك الارسال اذا ان فيه شبكه عندك بالبيت

اما ااذا بتستخدمه في مكان عاام مفتوح

يعني في الشارع او في الكرنيش مثلا

يلقط لك شبكات وايد

ف نصيحتي لك اذا تبي هالجهاز حق لاب توب عشان تستخدمه حق اماكن عامه خذه لانه قوي ويلقط

اما اذا تبيه حق دسك توب وداخل البيت ماراح ينفعك الا في شي واحد

اذا عندك شبكه قريبه منك وانت تلقط اشارتها بدون مقوي بس الاشاره ضعيفه هالجهاز ممكن يقويها لك

وانا عندي جهاز غيره لو تبيه هو مقوي ويركب على الدسك توب شاريه ب 300 ريال ولو تبيه بابيعه ب 250 يشتغل نفس الراوتر بس هو مقوي بدون يو اس بي ولا شي يعني تقدر تحطه بالكهرب ويقوي الشبكه للمكان كامل

مع العلم
ان الالفا يو اس بي يركب على جهاز واحد ويقوي الاشاره لجهاز واحد فقط

ولو حاول انه يطول الواير حق الالفا يو اس بي يقدر يطوله لحد 5 امتار فقط لا غير انا مجرب الطريقه قلت باحط الجهاز برع وامد له وايد بس مايصير تركب له اكثر من 5 امتار لان الاشاره تختفي

واسف ع الاطاله اتمنى اكون افدتك في شي

[R.T.Z]

جزاكم الله خير
مو هذا إلي أبي أوصله له أن في شخص ركبه على الدسك توب وقال يشتغل عليه بدون مشاكل ويلتقط الاشاره مثل الاب توب... مشكلته أن ماعنده شبكه في البيت
وبالنسبه للجهاز إلي عندك بخبره اذا يبيه بطرش لك إيميله للتواصل معه
ألف شكرعلى الجواب الشافي :)
ونشوف باقي الاعضاء اذا يبون يضيفون شي على كلامك من واقع تجربتهم بهالجهازه على الدسك توب .

[HEART_LION]

اخوي الجهاز يشتغل على الدسك توب

اذا عندك الجهاز ماعندك اي مشكله شغال ميه ميه

واذا ماعندك مانصحك فيه خذلك الاكسباندر اللي يتكلم عنه اخونا باقي على ذكراك

لانه مقوي للارسال تركبه ع الكهرب ويقوي الارسال بينفعك حق اي جهاز عكس اليو اس بي اللي تتكلم عنه جهاز واحد بس

والخيار لك موفق انشالله

[qtr88]

السلام عليكم
اخوي الجهاز يشتغل على الدسك توب وانا مجربه بنفسي وهو افضل في الاستقبال من اجهزه الشركات الاخرى
بس اهم شي نزل السوفت وير من السي دي
واي استفسار انا حاضر

[R.T.Z]

qtr88
HEART_LION
جزاكم الله خير..وبارك الله فيكم ماقصرتو كفيتو وفيتو :nice:
وانا عني بخبره وله الخيار :)

[ذكـــــرى]

وعليكم السلام ورحمة الله وبركاته ..

للأمانة أنا ماااعرف هالسوالف<< داشة هني فضوول ولقااااااااااااافة بس :shy:

وزين والله أستفيد من خبراتكم ومواضيعكم ..
عسى ربي يوووفقك إن شااااء الله ويحقق لك اللي في بالك هع :nice:

وعساهم عالقووة الشااب اللي ردوا :)

[qatar.com]

اخوي انا توني شاري الجهاز يركب على كل جهاز كمبيوتر بس سمعت انة موب اوكي على الفيزتا

قوى عندي الارسال شوي في البيت واذا جيرانكم عندهم وايرلس يمكن تقدر تدش علية

[مساهمه بالحب]

والله انا استخدمته

عندنا حجره فالبيت ينقطع فيها كل شي

ارسال الجواويل والنت وكل شي قلت يمكن ينفع هالجهاز بس للاسف

مانفع بقى الوضع على ماهو عليه

مع ان الجماعه يقولون يلقط الارسال من كيلومترات

مانفعني حق كم متر

يمكن استخامه خارج البيت يكون احسن

هذا والعلم عند الله

[R.T.Z]

qatar.com
مساهمه
جزاكم الله خير على هالمشاركه الطيبه
وأن شاء الله كل من دش وقراء مشاركة الاعضاء استفاد وما نساني بدعوه طيبه في ظهر الغيب :o