بعيد الشر عنكم ... أحد مجرب الليزك !؟

[شاي كرك]

السلام عليكم

صباحكم & مساكم كرك ... حبيت استفسر عن موضوع "الليزك" عمليات تصحيح النظر إذا أحد مجرب علشان يفيدنا فهالموضوع ... وخصوصا ان الموضوع صار يهم البعض .. ووين ممكن الواحد يسوي هالعملية ... ؟؟ وهل صحيح ان عيادات البحرين وخصوصا عيادة الدكتور العراقي هي الأفضل ؟؟ ... ومن الأمور إلي خوفتني إن موضوع هالعمليات ينتهي مفعولها بعد فترة !!! صحيح هالكلام ؟؟؟ ياليت أحد يفيدنا بهالموضوع ....

[بوحارب]

مساء الخير اخوي كرك ^ ـ ^

اعرف شباب سوو عملية الليزك وصحتهم صارت زينه بفضل الله

أتوقع سووها في البحرين

الله يشفي اللي بيسويها

[aljaber1]

انا عملت قبل اربع سنوات في مجمع ابن النفيس الطبي بالبحرين عند الدكتور حسن العريض
الحمد لله افتكيت من النظاره الطبيه والى الان الوضع تمام
واتمنى لك التوفيق بالعلم ان مثل هذه العمليات اصبحت سهله مع تطور الاجهزه

[إنتعاش]

انا عملتها اخوي في شهر 1- 2005
عند الدكتور العراقي مأمون ريفي في البحرين
التكاليف كانت حوالي 5000 ريال تقريبا شامل كل شي

النتيجه : ممتازه الحمدلله
الآن : رجع النظر عندي خصوصا في الليل
يعني ليتات السيارات وليتات الشوارع
يعني بالعربي لما ابي اسافر بر في الليل لازم البس نظاره احتياط .

السبب : الادمان على الانترنت طبعا والكمبيوتر والتلفزيون اكيد لهم دور كبير اخوي .
درجه رجوع قصر النظر : يعني تقدر تقول نص درجه او ربع درجه يعني معقوله ..

وين تنصحني اسويها ؟

في قطر : مجمع الجبر الطبي عند اشارات السينما يجيبون الدكتور المعروف الشريف
مدري اسمه خالد الشريف الظاهر .. معروف اردني .. يجيبونه فتره وفتره ويعلنون لما يجي قطر
في الجرايد .. تكلفة العمليه حوالي 9000 ريال

خارج قطر : عندك حسن العريض في البحرين و مأمون ريفي .


النصيحه النهائية :

لا حد يسوي الليزك الا لما يوصل النظر عنده كلشششششششش
يعني درجه كبيرة من القصر .. عشان تفرق معاه صح ..
لكن اللي نظره نازل ربع درجه او حولها ..لا يسوي ..
وجهة نظري هي ممتازة للي نظره ناقص كثير .

والله يوفقك

[مسمار]

انا مسويها عند د خالد الشريف في الاردن
يجي قطر في مجمع الجبر الطبي

انصحك تسوي العمليه راح تتغير حياتك بعدها وتفتك من النظاره

[عهد]

بالكويت الكل يسويها وعندنا دكاتره ممتازين واقدمهم واشهرهم باليزك د.سامي ربيعه

[لجين]

انا سويت الليزك سنة 2001 عند الدكتور مؤمن الريفي

ووايد من الاهل سووها عنده في نفس الفترة والحمدلله ماتغير شي ..

وطبعا الأجهزة الحين تغيرت للأفضل .. مايقطعون القرنية مثل ماسووا فيني : (

وبخصوص الريفي هو ممتاز بس الفحص عنده مب ذاك الزود

فحص ع السريع .. انا فحصت عند العريض وبعد يمدحونه

وفيه دكتورة اعتقد اسمها فاطمة الدوسري بحرينية وحدة من الاهل سوت عندها

والدكتور الشريف بعد يمدحونه

وماعليك شر اخوي لاتحاتي .. ولا تنسى الاستخارة

[سهم مديون]

السلام عليكم

صباحكم & مساكم كرك ... حبيت استفسر عن موضوع "الليزك" عمليات تصحيح النظر إذا أحد مجرب علشان يفيدنا فهالموضوع ... وخصوصا ان الموضوع صار يهم البعض .. ووين ممكن الواحد يسوي هالعملية ... ؟؟ وهل صحيح ان عيادات البحرين وخصوصا عيادة الدكتور العراقي هي الأفضل ؟؟ ... ومن الأمور إلي خوفتني إن موضوع هالعمليات ينتهي مفعولها بعد فترة !!! صحيح هالكلام ؟؟؟ ياليت أحد يفيدنا بهالموضوع ....

اخوي اذا تقدر تسافر للمانيا روح حق عيادة البروفسور / كوخ في بون، والمكتب الطبي القطري ماراح يقصرون بيدلونك عليه لكن جدا جدا ممتاز، سوى حق الوالد سحب ماء ابيض وتركيب عدسات والوالد كان يلبس نظارات من 30 سنه و الحين بطل يلبس واموره كلها طيبة !!

[VIPLady]

انا سويتها في 2001 في ولايه ميرلاند
وبصراحه تغير كامل وراح تحس فيه بعد العمليه عل طول .... تقعد من النوم على الاقل تشوف الدنيا تشوف الساعه واهي مكانها مو تقربها شوي تدخل بويهك ..اووف كانت ايام مب حلوه..
تروح الشاليهات ,تسافر, تنام في الطياره مو تقعد يا العدسه ناشفه يا طايحه يا عيونك حمره .... شغلانه

كان النظر عندي -7 ولاعت جبدي من العدسات فصج العمليه تسوى ولا تأجلها وتوكل على الله
واهي عمليه بسيطه يعني نفس اليوم مجرد كم ساعه و انت راجع البيت.. بعدها بكم اسبوع تلبس النظاره السوده كحمايه للعين وفي نفس الوقت حمايتها من الضوء القوي..واول اسبوع تحاول وقت السباحه تكون حذر انه ما يروح فيها ماي ...
وتقدر تمارس حياتك عادي جدا من ثاني يوم بعد العمليه وماعليك من الي يبالغون .. ثاني يوم تشوف تلفزيون تستخدم كمبيوتر تطلع تروح ترجع عااادي جدا ..

وبتدعي لكل من نصحك وقالك سو العمليه

وبالسلامه انشالله

[شاي كرك]

مساء الخير اخوي كرك ^ ـ ^

اعرف شباب سوو عملية الليزك وصحتهم صارت زينه بفضل الله

أتوقع سووها في البحرين

الله يشفي اللي بيسويها

مساء الورد أخوي بوحارب .... شكرا لمداخلتك... وسلامة الشباب إلي سوو العملية ... بس كم صار لهم من يوم سووها ؟؟؟

[شاي كرك]

انا عملت قبل اربع سنوات في مجمع ابن النفيس الطبي بالبحرين عند الدكتور حسن العريض
الحمد لله افتكيت من النظاره الطبيه والى الان الوضع تمام
واتمنى لك التوفيق بالعلم ان مثل هذه العمليات اصبحت سهله مع تطور الاجهزه

حسن العريض .. الدكتور البحريني ؟؟؟ وبالنسبة للنظر شلون ألحين ... يعني في فرق بين أول ما سوييت العملية وألحين ؟؟؟

[شاي كرك]

انا عملتها اخوي في شهر 1- 2005
عند الدكتور العراقي مأمون ريفي في البحرين
التكاليف كانت حوالي 5000 ريال تقريبا شامل كل شي

النتيجه : ممتازه الحمدلله
الآن : رجع النظر عندي خصوصا في الليل
يعني ليتات السيارات وليتات الشوارع
يعني بالعربي لما ابي اسافر بر في الليل لازم البس نظاره احتياط .

السبب : الادمان على الانترنت طبعا والكمبيوتر والتلفزيون اكيد لهم دور كبير اخوي .
درجه رجوع قصر النظر : يعني تقدر تقول نص درجه او ربع درجه يعني معقوله ..

وين تنصحني اسويها ؟

في قطر : مجمع الجبر الطبي عند اشارات السينما يجيبون الدكتور المعروف الشريف
مدري اسمه خالد الشريف الظاهر .. معروف اردني .. يجيبونه فتره وفتره ويعلنون لما يجي قطر
في الجرايد .. تكلفة العمليه حوالي 9000 ريال

خارج قطر : عندك حسن العريض في البحرين و مأمون ريفي .


النصيحه النهائية :

لا حد يسوي الليزك الا لما يوصل النظر عنده كلشششششششش
يعني درجه كبيرة من القصر .. عشان تفرق معاه صح ..
لكن اللي نظره نازل ربع درجه او حولها ..لا يسوي ..
وجهة نظري هي ممتازة للي نظره ناقص كثير .

والله يوفقك

منور يالعود ...صدقت بسالفة الليتات بس مب ذيك الزود ... وبالنسبة للنصيحة ترى بعد السالفة متعبة سواء كان قصر النظر شوي وإلا وايد ... استمتعت بردك ...

[بوحارب]

مساء الورد أخوي بوحارب .... شكرا لمداخلتك... وسلامة الشباب إلي سوو العملية ... بس كم صار لهم من يوم سووها ؟؟؟

صارلهم فتره وحالتهم بخير بفضل ربك

[Q6RI-001]

السلاام عليكم يا شاي كركشاي كرك

والله انا عندي اثنين من الشباب سووها في البحرين عند اللريفي (الدكتور العراقي)
وواحد سواها عنده بس في مستشفى الخبر سنه 2001 والله يمدحوونه يقولون النظر تعدل

واحد من الاهل سواها عند دكتوره بحرينيه بس والله مو ذاكر اسمها الحمدلله تمام يقول احسن من الريفي
والله اعلم

وبنت خالتي سوتها في المغربي في الدوحه من سنتين والحمدلله النظر واايد زين عندها الحين

الوالده الله يعطيها العافيهو الصحه سوت العمليه في ألمانيا سنه 1996 والحمدلله لين الحين نضرها زين
بس بعض الكلمات او الجمل لازم تلبس نظاره وخاصه الكلمات القريبه والصغيرة


والله هاي المعلومات اللي عندي يا شاي كرك ... الله يعطيك العافيه

[شاي كرك]

انا مسويها عند د خالد الشريف في الاردن
يجي قطر في مجمع الجبر الطبي

انصحك تسوي العمليه راح تتغير حياتك بعدها وتفتك من النظاره

يعطيك العافية أخوي ... وأول مرة أسمع عن الدكتور خالد


بالكويت الكل يسويها وعندنا دكاتره ممتازين واقدمهم واشهرهم باليزك د.سامي ربيعه

يعطيك العافية أخوي (عهد) ... وما يشوفون شر اخونا في لكويت ...


انا سويت الليزك سنة 2001 عند الدكتور مؤمن الريفي

ووايد من الاهل سووها عنده في نفس الفترة والحمدلله ماتغير شي ..

وطبعا الأجهزة الحين تغيرت للأفضل .. مايقطعون القرنية مثل ماسووا فيني : (

وبخصوص الريفي هو ممتاز بس الفحص عنده مب ذاك الزود

فحص ع السريع .. انا فحصت عند العريض وبعد يمدحونه

وفيه دكتورة اعتقد اسمها فاطمة الدوسري بحرينية وحدة من الاهل سوت عندها

والدكتور الشريف بعد يمدحونه

وماعليك شر اخوي لاتحاتي .. ولا تنسى الاستخارة

أخبر الريفي اهوا التوب فالبحرين، اذا ما خاب ظني ... وحتى ان عنده اشهر الاستشاريين في التخدير وووو ... ومشكرو اخوي على نصيحة الاستخارة (أروع نصيحة)..

[!قطريـة بنت القمـر!]

والله انا من زمان بعد اسال عن نفس هالشغله بس بغيت اسال انا سالت ناس مسوينها وكان الدكتور يقطع لهم القرنيه ؟؟ فهل هالطريقه للحين موجوده ولا تغيرت ؟؟ وممكن حد يشرح لنا شلون الطريقه الجديده بالتفصيل اذا ممكن :shy:

[لجين]

والله انا من زمان بعد اسال عن نفس هالشغله بس بغيت اسال انا سالت ناس مسوينها وكان الدكتور يقطع لهم القرنيه ؟؟ فهل هالطريقه للحين موجوده ولا تغيرت ؟؟ وممكن حد يشرح لنا شلون الطريقه الجديده بالتفصيل اذا ممكن :shy:

لا اختي الاجهزة الحين تغيرت ومافيها قطع قرنية ولا غيره

بس تركزين على ضوء معين وجك وجبك الا انتي مخلصة العملية

كلها خمس دقايق او اقل

[حمد911]

أنا سويتها بمراكز مغربي في ابوظبي بسنة 2001

والامور زينة لحد الان

[VIPLady]

نو الشغله مو بس تركيز على ضوء وخلاص.. العمليه تاخذ 5 دقايق بس تصير فيها علوم .. وهذي خطواتها
واذكر شرحها لي الدكتور انهم يشقون الطبقه من العين وبعدين تركز على نقطه حمره وبعدين يرجعوها مكانها .. وعلى شان جذي لازم تحاسب بعد العمليه على ما يلتئم وترجع العدسه مثل ما كانت ....
.
1- تبدأ عملية الليزك بوضع المشرط الإلكتروني على العين وتثبيته بدقة
2-يقوم الطبيب بازالة الغشاء بواسطة ملقط معقم ووضعه جانباً لتكون القرنية معرضة لاشعة الليزر للمرحلة التالية.
3-يتم تسليط أشعة الإكزيمر ليزر داخل أنسجة القرنية والتي تكون محسوبة بعدد محدد لازالة السمك المطلوب من سطح القرنية.
4-تتم العملية بإعادة الغشاء الرقيق مكانه كما كان قبل العملية.

[!قطريـة بنت القمـر!]

الحين شلون فيها جرح لقرنية العين ولا لا :weeping:

[VIPLady]

الحين شلون فيها جرح لقرنية العين ولا لا :weeping:

الجرح يكون على العدسه الي تغطي القرنيه والاشعه الي اهي تروح للقرنيه يعني مافيها اي جراحه للقرنيه

[!قطريـة بنت القمـر!]

:nice: اشكرج بعنف

[VIPLady]

:nice: اشكرج بعنف

العفو حياتي :)

[aljaber1]

حسن العريض .. الدكتور البحريني ؟؟؟ وبالنسبة للنظر شلون ألحين ... يعني في فرق بين أول ما سوييت العملية وألحين ؟؟؟


اي بكل تاكيد الحمد لله اقلها ماحتاج النظاره الان اقراء حتى المسجات
بكل امانه احيانا وانا في السياره اشوف اشعاع بسيط طالع من نور عواميد الاناره
في الشوارع لكنه غير مؤثر التغيير بعد التصحيح اشوف واحدد الملامح
او الالوان بشكل دقيق الكلفه في حدود 7000 ريال
اتمنى لك التوفيق وعسى الله يشافيك ويعافيك .

[شويهينــه]

انا اختي مسويتها من سنتين تقريبا عند دكتور ابوالفين في مجمع النخبه وماشالله الحين نظرها تمام وبعد اعرف ثنتين مسوين هالعمليه وحده مسويتها في السعوديه والثانيه في البحرين وكلهم ماشالله عملياتهم ناجحه

بس مثل ماقالوا الاخوان لازم يكون نظرك رايح فيها عشان تسويها والدكاتره قبل مايسوون العمليه ياخذون القياسات وهم يحددون اذا تصلح لك العمليه او لا

[عذب الكلام 1]

اذا انظرك رايح فيها سوها وتوكل على الله ولا تنس الاستخاره اشوف الشريف الى في المركز التخصصي وايد زين لان الهل كلهم امسوين عنده والحين الحمدلله كلهم ابخير و6/6

[شاي كرك]

السلاام عليكم يا شاي كركشاي كرك

والله انا عندي اثنين من الشباب سووها في البحرين عند اللريفي (الدكتور العراقي)
وواحد سواها عنده بس في مستشفى الخبر سنه 2001 والله يمدحوونه يقولون النظر تعدل

واحد من الاهل سواها عند دكتوره بحرينيه بس والله مو ذاكر اسمها الحمدلله تمام يقول احسن من الريفي
والله اعلم

وبنت خالتي سوتها في المغربي في الدوحه من سنتين والحمدلله النظر واايد زين عندها الحين

الوالده الله يعطيها العافيهو الصحه سوت العمليه في ألمانيا سنه 1996 والحمدلله لين الحين نضرها زين
بس بعض الكلمات او الجمل لازم تلبس نظاره وخاصه الكلمات القريبه والصغيرة


والله هاي المعلومات اللي عندي يا شاي كرك ... الله يعطيك العافيه

مشكور اخوي Q6RI-001Q6RI-001Q6RI-001 ... وما تشوفون شر ..


والله انا من زمان بعد اسال عن نفس هالشغله بس بغيت اسال انا سالت ناس مسوينها وكان الدكتور يقطع لهم القرنيه ؟؟ فهل هالطريقه للحين موجوده ولا تغيرت ؟؟ وممكن حد يشرح لنا شلون الطريقه الجديده بالتفصيل اذا ممكن :shy:

ان شاء الله عرفتي ألحين ...


أنا سويتها بمراكز مغربي في ابوظبي بسنة 2001

والامور زينة لحد الان

ان شاء الله على طول ...

[عبدالله العذبة]

أنصح باستخدام تكنولوجيا IntraLasik وهي الأحدث واعتمدها البنتاجون لضباط البحرية.

هذا الجهاز غير متوفر في قطر حتى الآن ويعتمد على أن الجهاز هو من يقوم بعملية القطع وليس باليد ويضمن دقة عالية جداً.

ويجب أن يتجاوز عمر من يريد أن يقوم بالعملية عن 21 سنة لأن العين لا يتوقف نموها قبل بلوغ سن 21.

الجهاز المتقدم موجود في الرياض وجدة في المغربي للعيون وتكلفة العملية 10500 ريال سعودي.
رقم المغربي للعيون بالرياض هو 0096614455049

وهذا هو إيميل منسق المواعيد عندهم hossam_essa@magrabiriyadh.com

الجهاز أيضا موجود في بعض مراكز دبي لتصحيح النظر مثل المركز الطبي الدولي الكلفة وكانت 15000 درهم ولعل السعر زاد أو قل الآن.

رقمهم 97143441142
عنوانهم شارع الشاطئ - الجميرا (1) مقابل مركز ميركاتو

[Bu Rashid]

أخي أنا سويت العملية... وصراحة كل الاعضاء ما قصروا ...تعليقاتهم كانت أيجابية وحقيقية
توكل على اللّة وسوها... مع أني سويتها بالدمام ولكن أنصحك أسويها في قطر وذلك
للفحوصات والمراجعة بسهولة...بالســـــــــــــــــــلامـــــــــــــــ ــــــــــــــــــــــــــــــــــة

[alsenjari]

سؤال يطرح نفسه

ليش وزرارة الصحة ماتوفر هالنوع من العمليات وتفك المواطنين من الشحططه ورى الريفي و ورى خالد الشريف ؟؟؟؟

[jajassim]

http://www.youtub e.com/watch?v=Y-TUMw1FTmY

شوف هذا الرابط ،،، بعد حذف المسافة بين الحرفين ( b و e ) :nice:

ماتشوف شر يالغالي وخطاك السوء ،،

[الوعد2016]

ماتشوف كرك عفوآآآآآآآآ ما تشوف شر والحمدالله على سلامتك قبل الزحمه
انصحك تروح لجده لمغربي او تعرف متى يكون موجود زياره في الدوحه عشان يسويلك العمليه في دكتوور ممتاز جدآآآى في مغربي فرع جده ما اعرف اسمه وراح احاول اسئل عن اسمه

[>>> غــمـــوض <<<]

انه عيوني رايحه فيها ماشوف شي :weeping:
بس خايفه اسويها من اللي سمعته وقت العمليه يقولون ان العين يفتحونها بجهاز عشان الواحد مايقدر يرمش وعقب يجيبون شي ويشرطون العين من النص ،:rolleyes2:، وعقبها يسلطون الضوء
و قبل هالشي يحطون قطره بالعين !!!
بس بخاطري اسويها وافتك بصراحه لو ما البس العدسه جان علومي علوم

[بنت المنتدى]

نو الشغله مو بس تركيز على ضوء وخلاص.. العمليه تاخذ 5 دقايق بس تصير فيها علوم .. وهذي خطواتها
واذكر شرحها لي الدكتور انهم يشقون الطبقه من العين وبعدين تركز على نقطه حمره وبعدين يرجعوها مكانها .. وعلى شان جذي لازم تحاسب بعد العمليه على ما يلتئم وترجع العدسه مثل ما كانت ....
.
1- تبدأ عملية الليزك بوضع المشرط الإلكتروني على العين وتثبيته بدقة
2-يقوم الطبيب بازالة الغشاء بواسطة ملقط معقم ووضعه جانباً لتكون القرنية معرضة لاشعة الليزر للمرحلة التالية.
3-يتم تسليط أشعة الإكزيمر ليزر داخل أنسجة القرنية والتي تكون محسوبة بعدد محدد لازالة السمك المطلوب من سطح القرنية.
4-تتم العملية بإعادة الغشاء الرقيق مكانه كما كان قبل العملية.




:weeping:
:weeping:
:weeping:


الله يعين بس

[مساهم2006]

انا سويتها عند الدكتور عادل الرشود في مجمع الكحال على كورنيش الدمام

العمليه ما خذت 10 دقائق والحمدلله انا مدمن على الكمبيوتر تقدر تقول

تعرف الواجبات والدراسه واخواني مسوينها عنده بعد من تقريبا 2002

ولحد الحين النظر تمام التمام والعمليه تقريبا تكلف 8000 ريال

يسوي الفوحصات الصبح والعمليه العصر واليوم ال2 يتأكد من العمليه وترجع الدوحه بإذن الله بخير وصحه وسلامه

ويقولك بعد مب لازم تلبس النظاره الشمسيه الا اذا حسيت بوجع في العين وتمارس حياتك الطبيعيه على طول

والله الموفق....

[شاي كرك]

انا اختي مسويتها من سنتين تقريبا عند دكتور ابوالفين في مجمع النخبه وماشالله الحين نظرها تمام وبعد اعرف ثنتين مسوين هالعمليه وحده مسويتها في السعوديه والثانيه في البحرين وكلهم ماشالله عملياتهم ناجحه

بس مثل ماقالوا الاخوان لازم يكون نظرك رايح فيها عشان تسويها والدكاتره قبل مايسوون العمليه ياخذون القياسات وهم يحددون اذا تصلح لك العمليه او لا

شلون يعني رايح فيها ...؟؟؟ انا ألحين متضايق من الحالة إلي انا فيها .... بغض النظر إن كنت رايح فيها وإلا للحين .... بس باخذ بشوركم وهداية الله ... مشكورة أختي المستثمرة


اذا انظرك رايح فيها سوها وتوكل على الله ولا تنس الاستخاره اشوف الشريف الى في المركز التخصصي وايد زين لان الهل كلهم امسوين عنده والحين الحمدلله كلهم ابخير و6/6

لا النظر للحين ... وسلامة هلج ..


نو الشغله مو بس تركيز على ضوء وخلاص.. العمليه تاخذ 5 دقايق بس تصير فيها علوم .. وهذي خطواتها
واذكر شرحها لي الدكتور انهم يشقون الطبقه من العين وبعدين تركز على نقطه حمره وبعدين يرجعوها مكانها .. وعلى شان جذي لازم تحاسب بعد العمليه على ما يلتئم وترجع العدسه مثل ما كانت ....
.
1- تبدأ عملية الليزك بوضع المشرط الإلكتروني على العين وتثبيته بدقة
2-يقوم الطبيب بازالة الغشاء بواسطة ملقط معقم ووضعه جانباً لتكون القرنية معرضة لاشعة الليزر للمرحلة التالية.
3-يتم تسليط أشعة الإكزيمر ليزر داخل أنسجة القرنية والتي تكون محسوبة بعدد محدد لازالة السمك المطلوب من سطح القرنية.
4-تتم العملية بإعادة الغشاء الرقيق مكانه كما كان قبل العملية.

مشرط في العين !!!!:rolleyes2: ... ومشكورة على المشاركة المميزة ... بس هالخطوات من وين يبتيها ؟؟؟؟

[وحش قطر]

اخوي انة سويت العملية عند ابن النفيس

ورجع النظر عندي راجعت الدكتور وقالي شي عادي

تكدر تسويها مرة ثانية وكنت ناوي

بس ربك كتب انة طيح جريدة في يدي وانة مسافر في الطيارة

وتحذر من تكرار العملية لانها احتمال تسبب قطع في الشبكية

ربعي كلهم اوكي الا انا :eek5:

اللة يوفقك

[السديم]

انا سويتها قبل 10 سنوات عند الدكتور مؤمن الريفي في البحرين .. والحمدلله عال العال الله لايحرمنا ولا يحرم احد نعمة النظر ..

وكانت مدة العملية 10 دقايق الى ربع ساعه والتكلفة 6000 ريال شاملة الفحوصات والتحاليل .. واكيد الوضع اللحين اختلف خلال 10 سنوات .. وللان الحمدلله نظري ممتاز :)

[VIPLady]

مشرط في العين !!!!:rolleyes2: ... ومشكورة على المشاركة المميزة ... بس هالخطوات من وين يبتيها ؟؟؟؟[/QUOTE]


يبتها من سايت بالنت

[LOLOO]

ماتشوف شر ان شاء الله....
سوالعملية في البحرين وتوكل على الله ...لان كل الي ذكروهم الاخوان على ماسمعت انهم ممتازين...وسعرهم النص بالنسبة لخالد الشريف في المغربي (الاهلي)
بس اهم شي فحص النظر لان الي عرفته في نوع من العيون ماتصلح لهم العملية...كأن الي فيهم انحراف اوشي كذا...

[مجرد احساس]

انا سمعت في البحرين احسن شي الدكتور مؤمن الريفي وفي دكتوره ثانيه اسمها هيفاء بعد يمدحون فيها

[أمير المحبه]

نصيحه انا الولده سوت وكان عندها انحراف بسيط والحاله شوي تحسنت
بس تالمت وعانت الويلات
يعني لاتسو العمليه لو عندك انحراف وشكرا

[شعشوع]

اخواني مشكورين وبارك الله فيكم ع الردود الي تفيد الواحد
لكن حبيت لو احد يفيدنا زود مثل ماتكرم اخوي عبدالله العذبه عن تقنيه
الـ IntraLasik
وشهي بالضبط وشالي تفرق عن الليزك العادي ؟

[عبدالله العذبة]

اخواني مشكورين وبارك الله فيكم ع الردود الي تفيد الواحد
لكن حبيت لو احد يفيدنا زود مثل ماتكرم اخوي عبدالله العذبه عن تقنيه
الـ IntraLasik
وشهي بالضبط وشالي تفرق عن الليزك العادي ؟


الفرق بين اليزك العادي و الانتراليزك هو كالاتي :
في اليزك العادي تتكون العملية من خطوتين ... الخطوة الاولى الضغط على العين و استخدام شفرة لقطع عدسة العين الخارجية
الخطوة الثانية : استخدام اشعة الليزر في اعادة تشكيل القرنية من الداخل .. وثم اعادة العدسة مكانها

-----------------------------------------------------------------------
الانتراليزك :
لا يتم الضغط على العين ابدا
لا يتم استخدام شفرة لقطع العدسة
لا يوجد شي يلمس عينك ابدا

يتم قطع العدسة بأشعة اليزر باستخدام الحاسوب ولا يوجد مجال للخطأ البشري
الخطوة الاخيرة بأن يقوم اليزر بأعادة تشكيل القرنية مرة اخرى ومن ثم اعادة العدسة مكانها

================================================== =
هذا الفلاش التعليمي لكي نعرف الفرق
http://*****************/watch/1418912/4874246

ملاحظة : عملية الانتراليزك اغلى من الليزك العادي ونتائجها افضل بكثير

[شعشوع]

الفرق بين اليزك العادي و الانتراليزك هو كالاتي :
في اليزك العادي تتكون العملية من خطوتين ... الخطوة الاولى الضغط على العين و استخدام شفرة لقطع عدسة العين الخارجية
الخطوة الثانية : استخدام اشعة الليزر في اعادة تشكيل القرنية من الداخل .. وثم اعادة العدسة مكانها

-----------------------------------------------------------------------
الانتراليزك :
لا يتم الضغط على العين ابدا
لا يتم استخدام شفرة لقطع العدسة
لا يوجد شي يلمس عينك ابدا

يتم قطع العدسة بأشعة اليزر باستخدام الحاسوب ولا يوجد مجال للخطأ البشري
الخطوة الاخيرة بأن يقوم اليزر بأعادة تشكيل القرنية مرة اخرى ومن ثم اعادة العدسة مكانها

================================================== =
هذا الفلاش التعليمي لكي نعرف الفرق
http://*****************/watch/1418912/4874246

ملاحظة : عملية الانتراليزك اغلى من الليزك العادي ونتائجها افضل بكثير


بيض الله وجهك يابوعابد
عز الله انك كفيت ووفيت

:victory:

[شاي كرك]

اشكر كل من تمنى لي السلامة ... وأشكر كل من افادني وأفاد الموضوع بمعلوماته وتجاربة الشخصية ... انا اشهد انكم راعين فزعات ...

[شاي كرك]

أنصح باستخدام تكنولوجيا IntraLasik وهي الأحدث واعتمدها البنتاجون لضباط البحرية.

هذا الجهاز غير متوفر في قطر حتى الآن ويعتمد على أن الجهاز هو من يقوم بعملية القطع وليس باليد ويضمن دقة عالية جداً.

ويجب أن يتجاوز عمر من يريد أن يقوم بالعملية عن 21 سنة لأن العين لا يتوقف نموها قبل بلوغ سن 21.

الجهاز المتقدم موجود في الرياض وجدة في المغربي للعيون وتكلفة العملية 10500 ريال سعودي.
رقم المغربي للعيون بالرياض هو 0096614455049

وهذا هو إيميل منسق المواعيد عندهم hossam_essa@magrabiriyadh.com

الجهاز أيضا موجود في بعض مراكز دبي لتصحيح النظر مثل المركز الطبي الدولي الكلفة وكانت 15000 درهم ولعل السعر زاد أو قل الآن.

رقمهم 97143441142
عنوانهم شارع الشاطئ - الجميرا (1) مقابل مركز ميركاتو

مشكور بوحمد على اضافتك المميزة كعادتك ... بس في تقنية أكتشفها الدكتور أحمد زويل خاصة بعمليات تصحيح النظر ... وعلى ما اعتقد خذ عليها جائزة عالمية ... ياليت تفيدنا لو عندك خلفية ...

[bo_hamad]

في عام 2001 عند الدكتور / مأمون الريفي في مملكة البحرين بالمستشفى العسكري وسمعت عنده عيادة خاصة الحين بالبحرين .

[عبدالله العذبة]

مشكور بوحمد على اضافتك المميزة كعادتك ... بس في تقنية أكتشفها الدكتور أحمد زويل خاصة بعمليات تصحيح النظر ... وعلى ما اعتقد خذ عليها جائزة عالمية ... ياليت تفيدنا لو عندك خلفية ...


أخي العزيز شاي كرك وفقه الله

من أبرز إنجازات العالم المصري الاميركي أ.د أحمد زويل هو اختراعه لكاميرا تعمل باستخدام الليزر لها القدرة على رصد حركة الجزيئات عند نشوئها و عند التحام بعضها ببعض.
وايضا له الفضل في اختراع الفيمتو ثانية femtoseconde والتي ساهمت في العديد من استخدامات التكنولوجيات الحديثة.

تكنولوجيا femtoseconde دقة متناهية لأجزاء الثانية التي اخترعها ا. د. أحمد زويل العالم المصري هي المستخدمة في تكنولوجيا IntraLasik التي تعتبر الأفضل في جراحة الليزر للعين حتى الآن؛ والتي أنصح باستخدامها بدلا من الليزك العادية.
جزاك الله خير على إشارتك للدكتور المسلم أحمد زويل من مصر الشقيقة.

[almulla]

^^^^

عاد ماسماها الا الفيمتو

خلاص الحين قرب رمضان :) ماباقي الا فيمتو ثانية