Vxr موديل 2004

[ألأصيل]

السلام عليكم...

للبيع او البدل مع Vxr موديل 2009 ويفضل يكون اصفار وانا بزيده

عندي Vxr موديل 2004 بحالة الوكاله اوتوماتيك قاطع 65000 كم بس وعليه رقم رباعي واللي اعتقد انه حلو بس مو مسجل بالمرور (0???) ولون الموتر ذهبي. الموتر عليه حساسات اماميه وخلفيه وفتحه ومكيفين ومركب عليه سكرين (شاشه باللمس) فيه النافيجيشن (خرائط الطرق) والسي دي والدي في دي والبلو توث (للجوال-هاند فري على الشاشه) وشاشات تلفزيون في الكراسي الخلفيه مع كاميرا خلفيه تظهر الخلفيه لمن تريوس او عند الحاجه وتواير اصليه مركبها الشهر اللي طاف وصيانه دوريه كل 5000 كم والفرش المخمل الاصلي ما انكشف لاني ملبس الفرش والطبلون من يوم طلعته من الوكاله مع الارضيه.

جميع الاستفسارات والعروض على الخاص يا الربع

[alkoos]

ماشاءالله من كلامك باين انه نضيف انا بايع واحد ابيض 2004 جلد فيه صبغ بـــ 118 الف ونت على المواك موصفات بجيبلك اكثر وموترك مو ماشي وايد نصيحه مني لا تبيعه اقل من 125 الف بالي فيه

[السد]

الشيخ كم طالب فيه نهائي؟؟

[ألأصيل]

والله يا اخوان انا مو طالع عن الموتر لانه مره نظيف يعني ما فيه لا صبغ ولا دعمه.للحين ما حد جلس على الفرش الاصلي لاني ملبسه من اول يوم. مع النمره والزيادات ظنتي بجيب لي سعر حلو وببدله بموديل 2009 جديد ان شاء الله.
للعلم معروض علي برا المنتدى 135000 ريال وما بعت

[ألأصيل]

يا اخوان الظاهر اني ما اقدر ارد ع الخاص لانها مشاركاتي قليله للحين وبالنسبه للسبير هو تحت الموتر.
ادري انه الرقم غير مميز بالمرور بس انا شايف ارقام مثله وانباعت بي 22000 وفوق للي يعرف طريقة نقل الرقم بالمرور (عند تسجيل السياره ولا شي كذا)

[السد]

والله يا اخوان انا مو طالع عن الموتر لانه مره نظيف يعني ما فيه لا صبغ ولا دعمه.للحين ما حد جلس على الفرش الاصلي لاني ملبسه من اول يوم. مع النمره والزيادات ظنتي بجيب لي سعر حلو وببدله بموديل 2009 جديد ان شاء الله.
للعلم معروض علي برا المنتدى 135000 ريال وما بعت


السعر اللي جاب لك سعر زين
ولكن نصيحة مني لك
اذا تبغي تاخذ لك موتر ثاني اخذ لك لكزس 2008
لان الصراحة الvxr الموديل الجديد مب ذاك الزود ما فيه عزم وقومه
لو ان بدالك ما ابدل موتري لو وشو !!!

[ألأصيل]

بارك الله فيك على المعلومه بس رايك يعني كم بزيد على موتري واحصلي لكزس اصفار او ممشاه قليل موديل 2008؟