أسوء وكاله في الدوحه.............

[مستثمر تحت التعليم]

السلام عليكم أخواني

من العنوان حبيت أتناقش معاكم وابرد حرتي شوي (ثراني مقهور ) والسبب وكالة التويوتا بالنسبه للخدمه الصراحه سيئه للغايه صارلي 8 أيام أبغي أدخل سيارتي التشييك (5000 ك) ومب قادر كل مارحت العصر زحمه ومافي أرقام وان رحت الصبح الساعه 7 قالولي مافيه أرقام تعال الساعه 12 الظهر وأن تأخرت شوي عن الساعه 12 قالولك مافيه أرقام والله مليت ماب حاله هالضمان صار مذله لها لوكاله التعبانه ودي أروح أبدل الأيل بس والسياره وصلت 6000 ك ولين الحين ماقدرت أدخلها التشييك شوفولي حل أو أنصحوني شاسوي وهل أنا بروحي في هالحال ، وواحد من الربع قالي من تجربه شخصيه أنه دخل سيارته الوكاله وماطلعة الا بعد 15 يوم :secret: هذي حاله عاد

نرجو مشاركتكم وآرائكم وشكراً

[لورنس العرب]

الله وكيلك انا اول مرة دخلت موتري الوكالة الفرع اللي في محطة البترول قبل اللاندمارك
والله ما سوى غير بدل ايل وشد على كم برغي وفي الاخير قالولي المغسلة عطلانه مافي غسيل
ومن بعدها ما اشيك الا في محطة بترول التيسير اللي على طريق سلوى

[bu salem]

رووووح للفروووع

الزحمه اقل هناااااااااااك


يمدحون فرع الوكره :)

[wrc]

الله يعينك :anger1:

[restricted_1]

والله انا عن نفسي اخوي اروح التيسيير ايل وفلتر وانتهت السالفه وتبديل السفايف هناك يعني

كل شي عندهم وافك عمري من الزحمه وعوار الراس لانه مافي فرق بين الوكاله والتيسيير

[Yaas]

الله يعينك

[سداوي&مدريدي]

من زمان أخوي

[combo]

اخوي خلك مع الوكاله احسن الضمان 5 سنوات لاتضيعه في التيسير وغيره
حتى سعر الموتر يطيح اذا مافي ضمان
وسالفه المغسله الخربانه هذا الكلام من شهر واحد 2008 وما صلحوها
هذي ضريبه شراء اكثر سياره مبيعا في قطر اقصد الشيك بضمان تقدر تصرفه حتى لو مقلوب :)

[supra-concep]

تويــــــــــــــــــــــــــــوتا بلا منازع مع ان موتري كروزر بس معروفين

[سبع الظلما]

انا من سنة 2000 ونا الحمد لله والشكر لة كل سنة اجدد السيارة ارجع فس اكس ار وشتري جديد اشيك بالوكالة 1000 و5000 والباقي براااااااااااااا لان الوكالة زحمة وسالفة الضمان مايهمك كلام فاضي حتي لو انك ملتزم بالتشييكات بالوكالة لازم يسوون لك مشكلة وعوار راس ونا اشوف ان المكينة والقير مايبي ضمان لان التويوتا مجرب ومعروف من سنين

[الجوكر90]

اخوي روح الفرع الي عند محطه الصقر فالهلال وراح يخلصونك نفس اليوم

[نيساني]

انا من سنة 2000 ونا الحمد لله والشكر لة كل سنة اجدد السيارة ارجع فس اكس ار وشتري جديد اشيك بالوكالة 1000 و5000 والباقي براااااااااااااا لان الوكالة زحمة وسالفة الضمان مايهمك كلام فاضي حتي لو انك ملتزم بالتشييكات بالوكالة لازم يسوون لك مشكلة وعوار راس ونا اشوف ان المكينة والقير مايبي ضمان لان التويوتا مجرب ومعروف من سنين




لا والله يالشيخ اكثر ناس يهمهم الضمان هم فئة الشباب وراح تلاحظ هالكلام في فصل الشتاء (سيلين) الدبل مايشتغل - ونه في الكرونه -الدفلوك مب شغال -صوت في الصبابات...الخ:nice:

[اللهب]

انا شيكت وصج وجع راس بس والله انا كنت مسافر وسيارتي عدد 5الف ومريت شركة تويوتا بالسعودية ولا ساعة وانا خلاص وخدمة روعة وختم بدفتر ضمان وسجل بجهاز وصلت تشيكة ثانية بقطر وسلت شركة عبدالله عبدالغني الى بصناعية انا شيكت بالسعودية قال عادي اهم شي تكون شركة تويوتا في مكان

[hasss1969]

انا من سنة 2000 ونا الحمد لله والشكر لة كل سنة اجدد السيارة ارجع فس اكس ار وشتري جديد اشيك بالوكالة 1000 و5000 والباقي براااااااااااااا لان الوكالة زحمة وسالفة الضمان مايهمك كلام فاضي حتي لو انك ملتزم بالتشييكات بالوكالة لازم يسوون لك مشكلة وعوار راس ونا اشوف ان المكينة والقير مايبي ضمان لان التويوتا مجرب ومعروف من سنين

الله لايهينك اخوي ويرحم والديك,,لما ترجع القديم كل سنة وتاخذ جديد ,كم تدفع لهم فرق بين السيارتين؟؟

[HEART_LION]

روح التيسير وريح راسك انا خذت لكزس مافكرت ادخلها الشركه

والحمد لله

[الدنيا تجارب]

امس موتري وصل 5000 دخلته الشركه صوب الاند
الساعه 5 استلمته العصر
مافي اي مشاكل
الله يعينك

[مستثمر111]

التيوتا احسن سيارة في العالم واسوء خدمه في العالم الله كريم بس انا دخلت سيارتي مرة تميت 5 ايام 3 ايام تشيك و يومين اروح ادور على لسيارة ضايعه عندهم

[مساهم نت]

صدقت .. تروح تحجز موعد قبل التشييك

يذكروني بحجوزات الطيران

[راعي ال2008 الاسود]

الله يعينك ان شاء الله

[قلب شاعر]

شي عادي .. ومن قالك التويوتا بس تعبانه بعد النيسان نفس الشي ... بصراحه غير المرسدس وال بي ام دبليوا ماتحصل خدمه غيرهم في قطر كلها ... ياجماعه طرشوا رساله شكوى جماعيه لوكاله التويوتا في اليابان وشوفوا الرد..... لا بد مايكون رد من اليابان لأن مشكله الوكاله والمذله اللي نشوفها لها حل ومب من عند عبدالغني من اليابان وبس

[وطن]

بل

الصراحة الله يكون بعونكم

[المتألق]

خوفتنونا من تويوتا

عندي شيك مجاني

اخاف يصير لي الي صار لكم

[The Edge]

روح الصناعية و لا تذل نفسك مع الفروع, بس الموتر يجهز ثاني يوم
اذا انت راعي بخاشيش, بياخذون منك السيارة في اي وقت بلا ارقام و لا عوار راس, و هذا اللي ماضي في فرع المول و فرع اللاندمارك... انا شخصيا ما احب عوار الراس , اطرش السيارة الصناعية و لا ذل الفروع و لا البخاشيش ,, و تخلص ثاني يوم ,, هذا للتشييك ,,, اما اذا في مشكلة او حادث , اذا شي بسيط اسويه برا واذا شي كبير عاد امرك لله !!
الكروزر ما عليه كلام ,,, لكن بصراحة الوكالة ازبل وكالة في الدوحة و استقبال سئ و كأنهم يتكرمون عليك اذا استقبلوا السيارة منك

[The Edge]

على فكرة انا عندي جمس يوكن بعد ,, اتصل فيهم الصبح يمر علي واحد ياخذها مني في الدوام و يرجعها لي اخر الدوام ,,, بصراحة خدمة و لا أروع و لا عوار راس ولا شي ,,

[rashidq]

الله يكون في عونكم والله الوكالات الحين صارت مافيه خدمات ما بعد البيع

الله يسر الامور

[Aek]

الله المستعان

[بوميثه]

الله يعينك على الشركه

[الألماسي]

إمــــا وكـــاله الفـــردان وإلا بــــــــــــــلاش . .

أروع تعامـــــــل + مواعيدهم بالســــــاعه + يذكرونك بمســـــج ان موعد تشييــك سيارتك قرّب ومتى تبي تدخلها التشييــــك + اذا طلبت سياره محـــل سيارتك يعطونــك شرط تبلغهم قبلها بأسبوعين انك بتدخل موترك الوكاله . .
وأول ماتاخذ سيارتك بعد التشييك يتصلون فيك ويسألونك عن اى مشاكل او اى أمور ماتغيرت من قبل التشييك . .

التيـــــــــوتـــــــــــــا طلقناهـــــــــــــا من زمـــــــــــان :nice:

[@مؤشرات@]

الله يعينك
هذي مشكلتنا مع وكلائنا الأعزاء خدمات مابعد البيع تختلف عن خدمات ماقبل البيع

[MESO]

اسؤ وكاله هي شركه سعد بوزوير اودي

[مستثمر تحت التعليم]

رووووح للفروووع

الزحمه اقل هناااااااااااك


يمدحون فرع الوكره :)


حبيبي أنا أكلمك عن الفروع ........... لاتظن الوكاله :anger1::anger1:


ثاني شيء اللي في الوكاله أيكلموني كأني أطر منهم ماب كني دافع لهم دم قلبي بصراح جربت النيسان والجمس والمستبيشي كخدمه 100% عسل وعلى فكره كلمت واحد منهم وقلت له خلها عندكم لين بكره قالي أنت عاوز أيه قلتله تبديل زيت وفلتر وغسيل قالي بس قلتله بس قام واحد كلمه قاله مفيش أرقام أوله يرجع بكره والله قهر الأرقام الساعه 6 الصبح والساعه 7 مفيش ـــ وانا سهران اليوم ومن الساعه ست الا ربع عندهم وباشوف آخرتها معاهم ماخذ أجازه لهم .......... لاحول ولا قوة الا بالله

[Abu Abboud]

ههههههههههههههههههههههههههه


احين بقول لكم شسالفت مافي ارقام



بسم الله الرحمن الرحيم


انا اول تشيك لي رحت فرع الاند مارك رحت لهم الساعه امممم مب متذكر بضبط بس تغريبا" الساعه 5

قالي الموضف مافي ارقام وتعال لنه بكره الصبح قلتله ماقدر شيقومني الصبح ضحك قالي على راحتك تعال العصر الساعه 4 قلت خير وبركه رحت الساعه 4 ودقيقتين ومتشقق قلت الله رايح من وهل اول ماوصلت انصدمت دخلت داخل قالي الموضف مافي ارقام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قلت له تو الناس 4 ودقيقتين قالي تعال بكره عصبت وطلعت رحت الفرع الي جنب المول دخلت عليهم وقلت له ابي اشيك الموت قالي ماعندي مجال زحمه عندي وعلى فكره قاراجين فاضين قلت له في قاراجين مافيهم حد قالي خربانين عصبت وتنرفزت وبطيت البرمه قلت له انا في سنة 2007 جبت موتري ماشي 150 كيلو وكنت ابي اسافر ومستعيل ورايح لهم على اخر دوامهم والله العظيم والله يشهد على كلامي اني رحت لهم ومعاي واحد يعرف مديرهم ومخلصه في مواضيع خارجيه كلمناه بروحه طلع لنا برع وطلع سياره من القاراج ودخل سيارتي وقالهم بدلوله الايل وشكوله السياره والله يا الربع ماخذت نص ساعه وخلصولي الموتر

المهم طلعت من عنده وانا متنرفز حدي وطرشت الموتر مع الدريول المهم عقب فتره جاتني تشيكت 10 الف

قلت حق اخوي تعال معاي بودي موتري التشيك قالي انا بعد تخاوينا ورحنا الفرع الي عند الاند مارك الساعه 9 ونص وقفت عند الباب وموتر اخوي وراي بضبط ونزلنا من المواتر وقعدنا عند الباب جنه نطر من عنده شفت الناس تتجمع شوي شوي المهم صرنا كلنا تغريبا" 10 سيارات افتحو الباب الساعه 10 الا 10 دقايق دخلت خذت رقم واخوي خذ رقم وقعدنا ننتظر والله العظيم والله يشهد على كلامي ليحين ماصارت 10 بضبط باقي 5 دقايق على العشر بضبط طلع المدير مالهم وقالنا الكل خذ ارقام قلناله اي الكل والله قدام عيوني انه بطل الجهاز وقطع الشريطه مالت الارقام وخله رقم واحد بس برع انا استغربت والكل استغرب من الموضوع عقب دقيقتين جو ثني وره بعض واحد خذ رقم والثاني تم يتلفت قاله ياخي توها 10 بضبط ابي رقم قاله اسمحلي الارقام خلصو عقب الي صار والله ماخليت حد ماقلت له عن الموضوع ومن عقبها انا مسمت ويهي عند الباب وقاعد والشكوه لله مافي حد نقوله الي يصير وتلاعب من مدراء الفروع الي يخدمون ناس وناس وانت يا الفقير تنتظر منت الاجنبي يخلصك هاي الي صاير واي سالفت الارقام الي مخلصه وسمحولي على الاطاله

[سهم سهم]

حتي انا بعد لوعو كبدي ما يسوي علينا انبدل ايل وفلتر عندهم

والله قهر هذيلا ما ايخافون الله حسبي الله عليهم

[Bo Rashid]

What about the Lexus ???

[بووخليفة]

نبي حد يقولنا عن الكسز الفرويل اشلون خدمتهم نفس التيوتا ولا غير ممكن توضيح للي امجرب

[ألأصيل]

وانا اشهد

[combo]

كل الكلام على راسي بس باقول لكم شي
نظريه علميه لتوضيح ليش الشباب يبون كروزر
جيبوا كل السيارات الثانيه الي الشباب يمدحون سياييرهم ووقفوهم جنب بعض
صبوا بترول عليهم و ولعوهم ولا وحده تسوى شي عقبها الا اللهم حديد سكراب
بس الكروزر ب 8000 ريال طبلون+كراسي+وايرات مكينه وصبغ لا وتشوفه يدور في الكورنيش بعد :)
لا تردون علي ترى اتغشمر :)

[Sharshooooor]

انا بعت سيارتي اللكزس عشان يساونها مع الكورولا
بالنسبه للسيرفيس
واذا جيت لهم تبدل آيل كل 5000 كيلوا
تاخذ موعد بعد 10 ايام
الصراحة هالوكالة مصخرة
ومايستاهل عبدالغني ياخذ وكالة توايرها

[البيت بيتك]

الله يعينك

[مستثمر تحت التعليم]

مشكورين أخواني على التفاعل وبالنسبه لي نطرتهم اليوم وانا مأجز ويوم جات الساعه 5 الصبح رقدت ههههههههههههههه والله قهر الله كريم وموعدي بكره الساعه 5ونص الصبح وقولو أنشالله مارقد

[بن درويش]

لتلومونهم من الزحمه الى عندهم وماعندهم موظفين
وفى واحد يشتغل بالشركه قالى مايعطونهم موظفين ازياده
على كلامه وانا مادرى

[سوق واقف]

السلام عليكم أخواني

من العنوان حبيت أتناقش معاكم وابرد حرتي شوي (ثراني مقهور ) والسبب وكالة التويوتا بالنسبه للخدمه الصراحه سيئه للغايه صارلي 8 أيام أبغي أدخل سيارتي التشييك (5000 ك) ومب قادر كل مارحت العصر زحمه ومافي أرقام وان رحت الصبح الساعه 7 قالولي مافيه أرقام تعال الساعه 12 الظهر وأن تأخرت شوي عن الساعه 12 قالولك مافيه أرقام والله مليت ماب حاله هالضمان صار مذله لها لوكاله التعبانه ودي أروح أبدل الأيل بس والسياره وصلت 6000 ك ولين الحين ماقدرت أدخلها التشييك شوفولي حل أو أنصحوني شاسوي وهل أنا بروحي في هالحال ، وواحد من الربع قالي من تجربه شخصيه أنه دخل سيارته الوكاله وماطلعة الا بعد 15 يوم :secret: هذي حاله عاد

نرجو مشاركتكم وآرائكم وشكراً

شنو سيارتك
أنا أدخل سيارتي الصبح استلمها العصر بالكثير تبي نصيحة خذ لكزس لك معاملة خاصة

[شعشوع]

اسؤ وكاله هي شركه سعد بوزوير اودي

اما في هاذي صدقت ..
فعلا أسوأ وكاله .. بعدما كانت عند الي أسوأ منه ( الدرويش )
وكاله البورش لوتدخلونها كنكم داخلين شقق عزاب !!
وأتمنى ياخذون منه وكاله البورش مثل ماخذوا منه وكاله الأودي بالقوه

وللأسف بوزوير مايستاهلها بعد !!

[شعشوع]

لتلومونهم من الزحمه الى عندهم وماعندهم موظفين
وفى واحد يشتغل بالشركه قالى مايعطونهم موظفين ازياده
على كلامه وانا مادرى


اذا لايبيعون سيارات بالهبل دامهم مب قد المسؤوليه !!

[PoBox]

*

جميع وكلاء السيارات في قطر والخليج طين

حقوقنا تضيع مع الوكلاء بحجة الضمان غير مشمول
مش بس في السيارات في كل شي تقريبا

مكيف ، غسالة ، الكترونيات ، و و و

هذي ثقافة عامة مفروضة على الخليجيين والعرب انهم مايعرفون ان هالشي مشمول بالكفالة
كلمة كلمتين ويقصون علينا

المفروض يكون في خط مباشر مع الوكيل ( الشركة الام )
عقبها بيعرفون السنع وكلاءنا

بعضهم والشهادة لله عال العال

اما سالفة زحمة ماتدخل المخ الصراحة
زحمة وسع وزيد العمال بكل بساطه على حساب نسبة بسيطة من الارباح راح تطلعها مستقبلا اضعاف

[زمن الغدر]

الصراحه وكاله مصخره وزودها والوكيل مب مهتم يشوف مواتره تنباعبشكل رهيب وماشيه فعادي مب مهتم لخدمه العميل او رضيتوا ولا ماعجبكم بكره عبد الغني يمكن يقوال الي يبي يشيك موتره ولا يصلحه يرقد عند بيته يومين بالاول ويقدم كتاب ويسوي سي في وربي مصخره
موتر البيت كامري 2008 فيه زلغ رفرف وباب وديته عطوني موعد بعد شهر عشان ادخله اصلحه وعقب هاي الموعد بتم السياره 10 ايام والله فعلا قمت المصخره وديت الموتر شركه التيسير يومين وخلصت

وقبل كم يوم واحد يبغي يشيك موتره الكزس على 10 فح مسكين عند الاند مارك عاشن يخلصوله الموتر بيومين كل ماراح زحمه اخر شي قالو له تعال الساعه 5 الصبح وخذ رقم من النطور ماشاء الله يوزعون خبز ولا صدقه جاريه
اخر شي وقف الموتر قدام الباب وقال لهم الموتر مايتحرك ولا بيشله لا اذا دخلو الموتر وشيكوه دخلوه 10 الصبح 6 المغرب مخلص
فعلا وكيل مستهزء بالعملاء

[زمن الغدر]

شنو سيارتك
أنا أدخل سيارتي الصبح استلمها العصر بالكثير تبي نصيحة خذ لكزس لك معاملة خاصة

اي لكزسيالغالي كله نفس الشي اقراء معانات راعي الكزس فوق

[ولد شرق]

... ياجماعه طرشوا رساله شكوى جماعيه لوكاله التويوتا في اليابان وشوفوا الرد..... لا بد مايكون رد من اليابان لأن مشكله الوكاله والمذله اللي نشوفها لها حل ومب من عند عبدالغني من اليابان وبس

اخوي
ولد بلادك ماوقف معاك (شركة عبدالغني) تبغي اليابانيين يوقفون معاك؟
اليابان اهم شي عندها مبيعاتها للوكلاء فقط...

[سوق واقف]

والله أمس دخلت موتري الصبح واستلمتها العصر

[كاتم الاسرار]

الصراحه انا مافي ولا وكالة في الدوحه زينه كله بووووووووووووووووووووووووووووووووووووق

[شعشوع]

كلمه حق تنقال ..

الفردان هاي عرف يشتغل صح ويقوم وكاله البي ام بعد ماكانت عند الشيخ
ويخليها سياره مرغوبه لأدائها ولأداء وكالتها

انا فعلا مراح معاهم !!
=)

[مستثمر تحت التعليم]

شنو سيارتك
أنا أدخل سيارتي الصبح استلمها العصر بالكثير تبي نصيحة خذ لكزس لك معاملة خاصة

الضاهر أنك ساحر ولا مبخششهم من بضاعتك الحلوه:nice: هههههههههههه :)أتغشمر لاتزعل

وبالنسبه لسيارتي فهي المقروده (الكروزر2008):secret: واسف ماقدر على الكسز هذا حدي:victory:

[رآعي موآجيب]

حي الله مستثمر تحت التعليم

شحالك وعساك بخير

والله وانا اقرا موضوعك قلت عساه بس ما يدعي علي لأني بلشتك بهالموتر :rolleyes2:

{ طبعآ اتغشمر معاك } :nice:

بس والله صدمتني !! للحين ماشيكت الموتر

على كل حال هذي ضريبة الكروزر :victory:

اذا للحين ما شيكت الموتر عطني :telephone:

وفالك طيب ,,, وأجازه سعيده

[Sharshooooor]

اخوي
ولد بلادك ماوقف معاك (شركة عبدالغني) تبغي اليابانيين يوقفون معاك؟
اليابان اهم شي عندها مبيعاتها للوكلاء فقط...

اعرف واحد بعث رسالة للشركة الام
وخلى شركة عبدالغني ترقص من الانفضة
قاموا يتصلون فيه ويتأسفون منه
وخذوا سيارته يشيكونها وعطوه اللكزس الباب واحد الكشف
يستخدمها لين تخلص سيارته

[qtr9993]

الله يعينك الغالي

تراك مب بروحك الكل يعاني من هالمشكله

[التيما]

ههههههههههههههه حالتكم حاله الحمد لله عندي بي ام مرتاحه .. لا وعمري ما طلعت لهم المكتب هم يجوني للسياره بعد .. اذكر رحت مع اختي بسيارتها لكزس لوكاله الاند وقالها زحمه مافي مكان وانا بسيارتي انطرها تجي معاي الا تقولي مافي مكان .. والله نزلت له شرشحت ام الي يابته وقلت له يبا انا مب شاريه كيا ولا هيونداي تقولي زحمه انا شاريه لكزس تستهبل انت ؟ والله دخل السياره وقالي بعد ساعتين تعالي اخذيها .. ناس ما تجي الا بالعين الحمرا ..