افرض فجأة حصلت هالشي داخل بيتكم؟ اشبتسوي؟

[ولد شرق]

افرض وانت راجع من الدوام ودخلت الصاله إلا ازهيوي تحت الكرسي
اشبتسوي؟
بتذبحه ولا بتخليه؟
انتظر ردودكم...




























يالاخوان... اتقوا الله فيما تكتبون
المنتدى هذا ماشاء الله عليه معروف على مستوى العالم وبدون مبالغه او مجامله
للأسف بعض الاوقات يجذبني عنوان الموضوع ادخل اتفاجأ بأسئلة تافهة جدا لاتليق بمقام المنتدى
اللي كاتب موضوع كامل : اذا قمت من النوم تشرب كرك ولا لاء ؟ انتظر ردودكم
اذامات زوجج بتتزوجين؟ انتظر ردودكم

رايي الشخص ان انكون اكبر من هالمواضيع الصغيره ترى المنتدى يتصفحونه شريحة كبيره من الناس
واعذروني والحق ينقال...

[SomeOne]

سبحان الله

تأمرون الناس بالمعروف وتنسون أنفسكم

اساسا موضوعك ما له قيمة

[miss-qatr]

ياخوي اهو يعتمد على نوع الموضوع ووين راح ينوضع


يعني بالاستراحه اغلب المواضيع اتكون خفيفه ومشاركه الاعضاء مع بعضهم وتفاعلهم مع الموضوع



وياخوي في مراقبين يشوفون الاقسام ويحذفون الشين ويخلون لنا الزين :nice:



خل روحك رياضيه .... انت بالاستراحه :)

[PoBox]

صدقت ياولد شرق
لكن احب اوضح
ان كان بالاستراحة كيفهم يكتبون اللي يكتبونه
لان اسمها استراحة


اما في العام فلا والف لا = >> متحمس
المفروض تنكتب مواضيع قابله للكلام والكتابة والنقاش والاخذ والرد ومفيده
وردود التشات المفروض ينبه كاتبها ان مكانها الصحيح الاستراحة
وان ماانتهى يتبند
ياما نشوف مواضيع تخترب بسبب هالردود

وموضوع مثل هذا شتسوي لو شفت زهيوي
اكيد انه بيكون موضوع تشات ومكانه الاستراحة

شي واحد بجد استغرب منه
جملة

(( ابي اشوف ردود ))

وشو اللي ابي اشوف ردود :omen2:
الموضوع كاتبه للرد ولا لتوصيل شي معين او مداخلة معينة منطق غريب الصراحة

- لو يتحول هالموضوع للعام احسن من الاستراحة -

[!قطريـة بنت القمـر!]

اسمه استراحه اشوف انه استراحة للاعضاء يعني حرام نحرمهم هالحق :) .... لان يصير الواحد في المنتديات العامه يمكن يتناقش وايد ويقعد يتناقش ويتناقش ويبي يرتاح من الضغط ولا يمكن حتى مضغوط في شغله او برى في الشارع او في بيته وجا الاستراحه يبي يعبر عن هالشي او يبي يشوف مواضيع بنكهة خفيفه .... ترى الاعضاء بشر والبشر ينكبتون بمشاغل الحياه ويبون يفرغون هالكبت وجزاهم الله خير بالمنتدى حطو لنا هالقسم عشان كلنا اننفس عن هالكبت وكلن له وجهة نظره وتشكر على هالموضوع اخي الفاضل :nice:

[ولد شرق]

سبحان الله

تأمرون الناس بالمعروف وتنسون أنفسكم

اساسا موضوعك ما له قيمة

اولا اخوي لاتحرف في الآية
(اتأمرون الناس بالبر وتنسون انفسكم)

بعدين انا ماكتب الموضوع وانا جاد فيه كان هدفي القاء الضوء على بعض المواضيع وموضوعي كان مجرد مثال لا اكثر...

انزين ماقلتي اش تعليقك؟ بتذبحه ولا بتخليه :)

[ولد شرق]

مشكورين يالاخوان على التفاعل الطيب واخص بالذكر الاخ PoBoxing

[بنت المنتدى]

أكيد بخليه :tease:

[SomeOne]

اولا اخوي لاتحرف في الآية
(اتأمرون الناس بالبر وتنسون انفسكم)

بعدين انا ماكتب الموضوع وانا جاد فيه كان هدفي القاء الضوء على بعض المواضيع وموضوعي كان مجرد مثال لا اكثر...

انزين ماقلتي اش تعليقك؟ بتذبحه ولا بتخليه :)

شكرا على تصحيح الآية ،،

اما الرد على سؤالك ،، بدون تعليق :victory:

[بوحارب]

افرض وانت راجع من الدوام ودخلت الصاله إلا ازهيوي تحت الكرسي
اشبتسوي؟
بتذبحه ولا بتخليه؟
انتظر ردودكم...




























يالاخوان... اتقوا الله فيما تكتبون
المنتدى هذا ماشاء الله عليه معروف على مستوى العالم وبدون مبالغه او مجامله
للأسف بعض الاوقات يجذبني عنوان الموضوع ادخل اتفاجأ بأسئلة تافهة جدا لاتليق بمقام المنتدى
اللي كاتب موضوع كامل : اذا قمت من النوم تشرب كرك ولا لاء ؟ انتظر ردودكم
اذامات زوجج بتتزوجين؟ انتظر ردودكم

رايي الشخص ان انكون اكبر من هالمواضيع الصغيره ترى المنتدى يتصفحونه شريحة كبيره من الناس
واعذروني والحق ينقال...

هههههههههههههههههههههههههههههههههههههههههههههههههه هههههههههههههههههه

الصراحة بدون تعليييييييييييييييق كللللللللش :nice:

[ولد شرق]

شاكر لكم جميعا...

[بلاهويـــــة]

ولد شرق صح كلامك

صارت بعض المواضيع تافهه وسخيفه ومكررة

[ولد شرق]

تسلم فديت خشمك بلا هويه
شكلك كبيسي؟

[VIPLady]

وين المشكله انه الشخص يدخل يغير جو
يمكن مالي خلق اتنقاش وابدي راي واخذ واعطي وافكر برد لبق
ففيه قسم خاص الي اهو الاستراحه الشخص يدخل يغير جو فيه . فيه اشياء فكاهيه وبعضها معلومات عامه وبعضها معلومات نادرهومن هالنوعيه
فوين المشكله انه الشخص يطرح سؤال اذا مات ريلج ببتزوجين؟؟ ترى الموضوع ممكن يكون بالعام و تتناقش فيه .. لانه بالاخير موضوع اجتماعي بس الاخت الي طرحته طرحته من باب الفكاهه لا اكثر...
وبعدين الاعضاء مع الوقت تصير بينهم ؤلفه يعني ياخذون ويعطون ببعض الردود..
وفيه اقسام ومواضيع كثيره والشخص له مطلق الحريه بالاختيار . فيه المواضيع الجاده ممكن نشارك فيها والمواضيع العاديه والفكاهيه وممكن تشارك فيها ... وهذا ابد ما يقلل من قيمه المنتدى.. بالعكس يجذب ناس اكثر من مختلف الاعمار وبالشكل هذا يكون النقاش فيه تبادل افكار وكل سن له مبدئ و راي ومنطق

اسفه على الاطاله
وبالنسبه للصرصور (اسمه صرصور مو زهيوي ) ماخليه بنادي البيت كله يذبحه بس مو انا لاني اشوف اسد ولا اشوف صرصور بالبيت..

تحياتي

[لاداعي]

صااادق يالغالي لمنتدى العام صااار ماله طعـــم والسبه هالمواضيع التااافهه

يعطيك العافيه يالغالي على طرحك الرائع:nice:

[الخيميائي]

بكل اختصار

صرنا مانقدر نفرق مابين حس الفكاهة وحس السخافة :p

[jajassim]

أخوى ولد شرق ،،، انا أويد كلامك ،، بس ما قلت وشو الحل المناسب ،، عشان نتجنب هالمواضيع التافهة ،، وكيفية رفع مستوى الثقافة لدى الأخرين ::: ونحن فعلا نعاني من هالمشكلة ،،، بس من الصعب التحكم بعقلية الكتاب ،،

وهل نطلب من الادارة ،، حذف الموضوع ؟

ولا نعطي انذار لصاحب الموضوع لارتقاء بمستوى أفضل ؟

ولا نطالب من الأعضاء بعدم الرد على موضوعه ،، وحتى يختفي الموضوع ؟

:telephone:

[ولد شرق]

فيه قسم خاص الي اهو الاستراحه الشخص يدخل يغير جو فيه . فيه اشياء فكاهيه وبعضها معلومات عامه وبعضها معلومات نادرهومن هالنوعيه

وبالنسبه للصرصور (اسمه صرصور مو زهيوي ) ماخليه بنادي البيت كله يذبحه بس مو انا لاني اشوف اسد ولا اشوف صرصور بالبيت..

تحياتي

مثل ماتفضلتي اشياء فكاهية ومعلومات عامه ومعلومات نادره ... ممكن اتقولين لي وين الفكاهه في سؤال ينطرح؟ هل اذا قمت من النوم تشرب كرك؟
ولا وين المعلومات النادره في هالسؤال؟
لو كانت اجابتي ايه اشرب ولا لا ما اشرب ... وبعدين؟

وبعدين اختي اسمه ازهوي بالعاميه الله يكرمج ويكرّم جميع القرّاء

[ولد شرق]

أخوى ولد شرق ،،، انا أويد كلامك ،، بس ما قلت وشو الحل المناسب ،، عشان نتجنب هالمواضيع التافهة ،، وكيفية رفع مستوى الثقافة لدى الأخرين ::: ونحن فعلا نعاني من هالمشكلة ،،، بس من الصعب التحكم بعقلية الكتاب ،،

وهل نطلب من الادارة ،، حذف الموضوع ؟

ولا نعطي انذار لصاحب الموضوع لارتقاء بمستوى أفضل ؟

ولا نطالب من الأعضاء بعدم الرد على موضوعه ،، وحتى يختفي الموضوع ؟

:telephone:

اخوي بارك الله فيك وبكل الاخوان اللي همهم الارتقاء بالمنتدى والنهوض بالثقافة العامه
اقتراحي اخوي انه نرسل له ايميل بمثابة انذار انذار لصاحب الموضوع لارتقاء بمستوى أفضل

وشاكر لك يالغالي...

[غزلان]

شكرا للنصيحه :)

[دهــن العود]

وسع صدرك اخوي

وكلامك عين العقل ..

هذا يعتمد على القسم الي نننشر فيه الموضوع .. طبعا لكل قسم قوانينة الي تحدد نوعية المواضيع فيه

وحلوو نفرج عن انفسنا شوي بسوالف الاعضاء او تعليقاتهم :)

[كشافات بيجو]

انا اشوف هذي الاسئله عاديه وحلو ان نفرفش شوي

[spy_king]

والله مافهمت ليش زعلانين

اطلبو حذف الموضوع وراعي الشأن يبت فية

[maryam5]

انا اشوف انه مب غلط تنوع المواضيع
يعني ماتكون كلها جادة
الانسان يحتاج للضحك والفرفشة
وهالقسم مخصص للشي هذا
كل شي وله وقته وإذا كان الموضوع يتناول موضوع عن الزهيوي مثلاً فهو لرسم ضحكة على شفاه الأعضاء ولا يدل على ان العضو ماعنده سالفة وان الموضوع مب مهم...

هذا رايي

[AmOuR]

اخواني احنا في استراحة المنتدى ...

يعني ما أظن ان في مشكله.. ان ينحط موضوع مثل هالمواضيع ..

اذا الموضوع مو عاجبكم .. لا تردون عليه ..

في نااااس تحب هالمواضيع ...

ليش انتوا جادّين في كل شي ..

[ANONYMOUS]

انا باذبحه واللي فيها فيها

:shy:

[>>> غــمـــوض <<<]

الحيــاة حــلوة http://www.qatarshares.com.qa/data/459/462/storm_918410611_1365653082.gif بــــ:)ــس نفهمـــها ـــــــــــــــ:nice:ــــــــــــــــــــ

[خيال الهدلا]

خخخخخخخ

بروح انام وبخلي احد غيري يتصرف معه

[هدهد سليمان]

اعتقد با خليه لانه يعتبر من الحشرات المنزليه الأليفه !!

[ولد شرق]

شاكر لكم...

[قانوني]

بعذبه

[لاداعي]

لين الحين العالم يعرضون نفس المواضيع التافهه

[Gold Boy]

اخوي

المنتدى فيه اقسام ولكل قسم مقامه وبالنسبه حق الاستراحه وضعت حق مثل هذه المواضيع من باب التنفس والغشمره واذا انت تشوف هذه مواضيع تافهه تستطيع ترك هذا القسم حق ناسه ولك الف شكر على الموضوع

[التيما]

بكل اختصار

صرنا مانقدر نفرق مابين حس الفكاهة وحس السخافة :p

:victory:

اتفق مع اخوي خيمو في عدم التفريق حاليا بين حس الفكاهة والسخافة .. واذا عرف السبب بطل العجب ..

[ولد شرق]

:victory:

اتفق مع اخوي خيمو في عدم التفريق حاليا بين حس الفكاهة والسخافة .. واذا عرف السبب بطل العجب ..

هذا بالضبط اللي كنت ابي اتوصل له معاكم...

[بنت ذياب]

بنادي الخدامة عشان تذبحه خخخخخخخخخخخخخخخخخخخخ

بس يعني هالمواضيع اذا انحطت في قسم الاستراحه ماشوف فيها شي

بالعكس ,, عادي.. خلوا الاعضاء يملغون ويشبعون ملاغة ,, بس بحدود =)

مشكور اخوي ع النصيحة , =)

[joOoreee]

والله ما اجلس في البيت
لين يذبحونه
( ترى متعقدة ......)

[بوعلي2]

مالكم حل ههههههه بالتوفيق

[pure]

ويييه

انا عبالي انه فيه له تحالييل شخصيه

انه مثلا لو ذبحته معناه انت جي

لو خليته ينحاش معناه انت جي

وهكزااا :omen2:


اممم عموما بغض النظر عن هالمواضييع

الاحظ بعض الاعضاء مايعرفون وين يحطون مواضيعهم

يعني موضوع مثل هاي :secret:

مكانه صح ينحط في الاسترااحه

[Msh3l]

هههههههههههههههههههههه ..

مابذبحه .. ولا بخليه ..
برش عليه فليت << جوااب نفس السؤال (( سخيف )) ههههههههههههه ..

[ولد شرق]

شاكر لكم...

[بوعبدالله2]

ما دام اخترت موضوع يجذب بهذه الدرجة كان الأجدر أن تأتي بموضع ينفع وليس زهيوي يلوع الكبد
أرجو أن تستمر في اختيار مواضيع جذابة تتبعها حكيات أكثر جذبا (جذبا بالجيم وليس بالكاف)

[ذيبه مزاجيه]

اممم ومن المواضيع التافهه بعد تعدد الزوجات وتزوج على زوجتك و وحده رايحه ولابسه ضيق وفضايح وانتقادات الحريم للرجال واغلب المواضيع انتقاد الرجال للحريم !! مواضيع ملينا منها الصراحه و مالها هدف بناء سوا الانتقاد و لا غيره !!!

بس المشكله كل واحد و عقليته و تفكيره و احنا ما نقدر نمنع الناس ولا نمسك اياديهم من الكتابه ف شنو الحل !!

[أمير المحبه]

افرض وانت راجع من الدوام ودخلت الصاله إلا ازهيوي تحت الكرسي
اشبتسوي؟
بتذبحه ولا بتخليه؟
انتظر ردودكم...




























يالاخوان... اتقوا الله فيما تكتبون
المنتدى هذا ماشاء الله عليه معروف على مستوى العالم وبدون مبالغه او مجامله
للأسف بعض الاوقات يجذبني عنوان الموضوع ادخل اتفاجأ بأسئلة تافهة جدا لاتليق بمقام المنتدى
اللي كاتب موضوع كامل : اذا قمت من النوم تشرب كرك ولا لاء ؟ انتظر ردودكم
اذامات زوجج بتتزوجين؟ انتظر ردودكم

رايي الشخص ان انكون اكبر من هالمواضيع الصغيره ترى المنتدى يتصفحونه شريحة كبيره من الناس
واعذروني والحق ينقال...

الله يهديييييك شنو ازهيوي ونا توني ابي اااااااكل يععععع
فديت خشمك ليش امصب لا انت يبيلك اتيي معاي اوديك كرك النعيمي
حلفت عليك الاحساب علي :shy: خلاص والله نزل ايدك خلاص حلفت
ههههههه ترا قسم الاستراحه قسم انرفه فيه عن نفنا والله لان المنتدى
العام قسم الجديه وصراحه اخبار تتقطع اقلوبنا لما انشوفها فليش تستخسر علينا
اشوي انا انكون مستانسين ونضحك مع بعض وننسا اللي يصير لخوانا في فلسطين
هييييييه يالغالي خلي نضحك وحياك معانا اضحك عشان الدنيا تضحكلك :victory: