تظلمون ؟ حسبي الله عليكم

[miss-qatr]

مادفعني اليوم اني اكتب هالموضوع الا لاني حاسه ان الناس ماصارت اتحاسب ولا تخاف من الله

والله اني استغرب من اللي اسمعه ... ليش الظلم بكل مكان

للاسف صور الظلم كثيره ودرجاتها مختلفه بس تبقى تحت مسمى الظلم

الظلم الاكبر وهو الشرك بالله --------ربي يبعدنا عنه


ظلم العبد لنفسه وهو كل مايتعلق بحقوق الله اللي العبد ملزم ان يسويها


ونجي حق الظلم اللي انتشر بشكل كبير وهو ظلم العبد لغيره


ظلم وظيفي ... ظلم اسري ... الخ


واللي سمعته بالفتره الاخيره من ظلم ظيفي ومن اللي انكتب بالمنتدى خصوصاً من بعض الاخوان

ليش دايماً اللي يملك السلطه والنفوذ يحاول يستعبد غيره ؟؟؟



ياللي تملك وظيفه مدير .... رئيس .... او حتى مسؤول... من سمح لك باستعباد الناس ؟؟؟

لكن للاسف مانشوف هالنوعيه من المسوؤلين الا اللي يعانون من نقص ومرض نفسي اسمه الاستعباد


نسو قول عمر ( رضى الله عنه ) ( متى استعبدتم الناس وقد ولدتهم امهاتهم احرارا )


ونسو ان الله حرم الظلم عل نفسه و قول الرسول صلى الله عليه وسلم (..... الظلم ظلمات يوم القيامه )



ربي عطاااك هالسلطه وممكن ياخذها منك وانت لاهي بالدنيا .. انت اتظن ان الظلم بس يكون بالراتب ؟؟؟


لا والله ... الظلم انك اتفرق بين الموظفين ... الظلم انك تعطى ناس ماتستحق اللي المفروض ما ينعطى

الظلم انك تفرض قوانينك الظالمه وتأمر بتنفيذها


وادهى ظلم انك تقطع ارزاق المساكين وتشردهم .. بتقول ما قطعت ارزاقهم ... بس هم يشردون من تحت سلطتك خوفاً من ظلمك ويفضلون يتمون بدون ظيفه على انك تظلمهم !!!!



يا مسؤولين ماتخااافون من الدعاء اللي يهز عرش الرحمن ( حسبنا الله ونعم الوكيل )


ماتخافون من دعوه المظلوم اللي اهي مستجاابه


ماتخافون على نفسكم انزين خافو على عيالكم ترا جزاء الظلم يكون بالدنيا قبل الآخره


ويا مسؤوليين بعض المؤسسات ؟؟؟ لي متى شغل نرفع اللي نبيه مهما كان افتقاره للكفاءه !!!!!



خاااافو الله ... احنا عيال البلاد وشيخنا عسى الله يطول بعمره عادل عسى ربي يخليه


لكن انا ماشوف الظلم الا يجي من الناس اللي ماتسوى والله

اسمحو لي كتبت الموضوع بالعامي بس اتمنى الفكره توصل للجميع :)

[!قطريـة بنت القمـر!]

يختج والله الواحد لو يكتب من اليوم لين اخر يوم بحياته ما طلع الا شوي من اللي بقلبه .... بالذات الظلم الوظيفي يختج ناس شكثر تقطع ارزاق والالعن تدرين يكون المسؤول عنج مو قطري ويقطع رزقج لاسباب الحقد والحسد والغيره و و و و .... واذا كان قطري بعد لنفس الاسباب .... وفي ناس احنا نتعرض للظلم منهم .... يعني المدير شنو يبي ؟؟ بطريقة غير مباشره اما تعطينه ويه ولا يقطع رزقج ويخليج باسفل السافلين .... يختج الواحد شيقول ؟؟ قمة القهر لما تنذلين والله واللي يعز نفسه (اوت يعني تفنيش بأي طريقة او يعطونه وظيفه تافهه) ما نقول الا لا حول ولا قوة الا بالله حدي مقهوره من هالموضوع والله احس لي رجعة ثانيه اكيد :anger1:

[هتـان قطر]

النار ماتحرق الا رجل واطيها..اكيد اللي حاس بالظلم هو اللي بيتأثر وبيعبر..

الحمدلله على كل حال انا ماحسيت بالظلم في حياتي وما اشتغل على شان كذا

ماحسيت بالظلم الوظيفي..لكن اعتقد شي يقهر لما الواحد يشعر ان حقوقه تسلب

وهو مايملك ادنى حق في ان يدافع عن حقوقه او ان يطالب بها..

قهر لما اقدم كل ماعندي وبالاخر يكرم غيري وهو لا يستحق..

قهر لما انتظر ترقيه او تقدير لما انجز اي عمل ويتم تجاهلي كأني لست موجود..

الله يعين كل اللي يتعرضون للظلم بكافة اشكاله..

تسلمين مس قطر على هالموضوع..

[سهم مديون]

لقد خاطب الله عز وجل آحاد الناس ومجموعهم بخطاب واحد، ان يكون كل واحد ملتزماً بالعدل والحق في أقواله وأفعاله، متوازناً في إعطاء الحكم بعد إمعان النظر، حتى لا يخالف الخطاب الالهي في الأوامر والنواهي، وأن يوازن بين المصالح والمفاسد، وهذا يتطلب من الإنسان البصيرة الهادية النيّرة، والحس المرهف، والشفافية في الرؤية، خوفاً من ظلم غيره مادياً أو معنوياً، وهذا يعزز قيمة التقوى، ويستثير مكنون الصدق والصلاح عند الإنسان الخيّر، صاحب الفطرة النقيّة.
إذا الموظف المسؤول مخاطب مكلف باجراء ميزان العدل والحق في مؤسسته العامة أو الخاصة، مع موظفيه، لا يحابي، ولا يميز، ولا يتهاون، ولا يقرب إلا كل مواظب مجتهد مخلص حريص على سمعة ونظافة دائرته، عينه مفتوحة بأمانة وإخلاص على دائرته، متواضع يطوّر ويحدث ولا يجمد بطريقة عفا عليها الزمن، يقيم العاملين على أسس عادلة، يكافئ المجتهد المخلص، ويعاقب المقصّر بعقوبة يستحقها، يدرك أن من ولاّه الله أمراً فمات وهو غاش لأمته فقد حرّم الله عليه الجنّة، لأن فعله العادل هذا بمثابة الشهادة أمام الله على ناسه والآخرين، وقد وجه الرسول الكريم الحاكم والمحكوم بقوله :''كلكم راع وكلكم مسؤول عن رعيته''.

ولو أدرك الناس جميعاً معنى التوجيه الالهي كونوا قوامين بالقسط شهداء لله ، وأن الإنسان مكلّف شرعاً أن يكون حارساً أميناً للعدل والحق الذي بهما بناء النفوس والأمم، لسادت الثقة بين الحاكم والمحكوم، وتعمقت جذور الطمأنينة والأمن على الوظيفة والرزق، وهذا بالطبع يؤدي إلى التفاعل الايجابي الصادق، والانتاجية الملموسة في العمل، وبالعدل يندفع الظلم الوظيفي، ويحارب الاختلاس المالي، والتنافس غير المشروع، وفي هذا تصهير وبناء واستثمار لطاقات الفرد والأسرة والمجتمع والأمّة، ومحاربة لكل آفات الرذيلة والخيانة والمكر والخديعة.
شكرا اختي الكريمه على اهتمامك بالمواضيع الاجتماعية التي تهم الجميع !!!

[miss-qatr]

يختج والله الواحد لو يكتب من اليوم لين اخر يوم بحياته ما طلع الا شوي من اللي بقلبه .... بالذات الظلم الوظيفي يختج ناس شكثر تقطع ارزاق والالعن تدرين يكون المسؤول عنج مو قطري ويقطع رزقج لاسباب الحقد والحسد والغيره و و و و .... واذا كان قطري بعد لنفس الاسباب .... وفي ناس احنا نتعرض للظلم منهم .... يعني المدير شنو يبي ؟؟ بطريقة غير مباشره اما تعطينه ويه ولا يقطع رزقج ويخليج باسفل السافلين .... يختج الواحد شيقول ؟؟ قمة القهر لما تنذلين والله واللي يعز نفسه (اوت يعني تفنيش بأي طريقة او يعطونه وظيفه تافهه) ما نقول الا لا حول ولا قوة الا بالله حدي مقهوره من هالموضوع والله احس لي رجعة ثانيه اكيد :anger1:


على الاقل يكتب ولو كل انسان انظلم يكتب القسم والاداره اللي انظلم منها والله بيتسنعون----> مجرد اقتراح :secret:


يخلي اللي مايشتري يتفرج :victory:


ياختي والله اني انقهرت مع ان الشي مايخصني بس ينحرق قلبك من هالناس التافهه


لكن هم يستقوون على الفقارى المساكين اللي مالهم ظهر


تسلمين عالرد

مرحب بك يا قطريه باي وقت :)

[miss-qatr]

النار ماتحرق الا رجل واطيها..اكيد اللي حاس بالظلم هو اللي بيتأثر وبيعبر..

الحمدلله على كل حال انا ماحسيت بالظلم في حياتي وما اشتغل على شان كذا

ماحسيت بالظلم الوظيفي..لكن اعتقد شي يقهر لما الواحد يشعر ان حقوقه تسلب

وهو مايملك ادنى حق في ان يدافع عن حقوقه او ان يطالب بها..

قهر لما اقدم كل ماعندي وبالاخر يكرم غيري وهو لا يستحق..

قهر لما انتظر ترقيه او تقدير لما انجز اي عمل ويتم تجاهلي كأني لست موجود..

الله يعين كل اللي يتعرضون للظلم بكافة اشكاله..

تسلمين مس قطر على هالموضوع..

ربي لايرويك ولايروينا ظلم الدنيا يااختي


انا مثل ماقلت حق قطريه مع ان الموضوع مايخصني بس شي يقهر والله



الله يسلمك وشاكره لك مرورك عسى ربي لايحرمني منه :)

[بلاهويـــــة]

الله على الظالم

[miss-qatr]

لقد خاطب الله عز وجل آحاد الناس ومجموعهم بخطاب واحد، ان يكون كل واحد ملتزماً بالعدل والحق في أقواله وأفعاله، متوازناً في إعطاء الحكم بعد إمعان النظر، حتى لا يخالف الخطاب الالهي في الأوامر والنواهي، وأن يوازن بين المصالح والمفاسد، وهذا يتطلب من الإنسان البصيرة الهادية النيّرة، والحس المرهف، والشفافية في الرؤية، خوفاً من ظلم غيره مادياً أو معنوياً، وهذا يعزز قيمة التقوى، ويستثير مكنون الصدق والصلاح عند الإنسان الخيّر، صاحب الفطرة النقيّة.
إذا الموظف المسؤول مخاطب مكلف باجراء ميزان العدل والحق في مؤسسته العامة أو الخاصة، مع موظفيه، لا يحابي، ولا يميز، ولا يتهاون، ولا يقرب إلا كل مواظب مجتهد مخلص حريص على سمعة ونظافة دائرته، عينه مفتوحة بأمانة وإخلاص على دائرته، متواضع يطوّر ويحدث ولا يجمد بطريقة عفا عليها الزمن، يقيم العاملين على أسس عادلة، يكافئ المجتهد المخلص، ويعاقب المقصّر بعقوبة يستحقها، يدرك أن من ولاّه الله أمراً فمات وهو غاش لأمته فقد حرّم الله عليه الجنّة، لأن فعله العادل هذا بمثابة الشهادة أمام الله على ناسه والآخرين، وقد وجه الرسول الكريم الحاكم والمحكوم بقوله :''كلكم راع وكلكم مسؤول عن رعيته''.

ولو أدرك الناس جميعاً معنى التوجيه الالهي كونوا قوامين بالقسط شهداء لله ، وأن الإنسان مكلّف شرعاً أن يكون حارساً أميناً للعدل والحق الذي بهما بناء النفوس والأمم، لسادت الثقة بين الحاكم والمحكوم، وتعمقت جذور الطمأنينة والأمن على الوظيفة والرزق، وهذا بالطبع يؤدي إلى التفاعل الايجابي الصادق، والانتاجية الملموسة في العمل، وبالعدل يندفع الظلم الوظيفي، ويحارب الاختلاس المالي، والتنافس غير المشروع، وفي هذا تصهير وبناء واستثمار لطاقات الفرد والأسرة والمجتمع والأمّة، ومحاربة لكل آفات الرذيلة والخيانة والمكر والخديعة.
شكرا اختي الكريمه على اهتمامك بالمواضيع الاجتماعية التي تهم الجميع !!!

العفو اخويJama Man

وشاكره لك اضافتك الراااائعه :)

[miss-qatr]

الله على الظالم

شاكره لك مرورك :)

[::.Silent.::]

انا عندي مسؤول ..

مطلع عيني ..

اجنبي ( عربي وعنده جواز دولة اجنبية ) وما يحب القطريين .. ويتبع سياسة (( تطفيش القطري )) ..

كل القطريين اللي تحته راحوا .. واخرهم احد اعضاء المنتدى (( عضو بارز )) ..

والحين مابقى غيير .. اثنين .. انا ورفيجي .. وناطرين .. اي مكان يرد علينـــا .. عشان نطلع ..

للعلم .. اشتكينا عليـــه .. لكن عمله وشغله يشفعون له .. نسيت اقولكم اصلا الادارة اجنبية بكبرهــــا .ز وفيها 2 او 3 قطريين ,, بس شكل .. حق ادارة العمل .. ( يعني شوفوا ترى عندنـــا قطريين ) ..


والله العظيم اني بغيت اشتكى عليه عند ادارة العمل .. بس خايف يقطعون رزقة .. لأنه عنده عيال وحرام يصير لهم شي ..
واللـــــــــــــــــه المستعان ..


ان الله مع الصابرين ..

[الجمارك]

يعطيج العافيه على الطرح المميز والواقع المرير
للاسف هالشي انجوفه في كل مكان سواء من مدير ولا وزير ولا ومسئوول قسم حتى
بس ما نقول الا الله على الظالم
يمهل ولا يهمل
والمظلوم ماله الا الدعاء من القلب على الظالم ( حسبنا الله ونعم الوكيل ) وياليت يقرأ موضوعج ظالم ومتعجرف ويتعض ويجووف الناس اشلون تدعى عليه من جدامه ومن وراه

[miss-qatr]

انا عندي مسؤول ..

مطلع عيني ..

اجنبي ( عربي وعنده جواز دولة اجنبية ) وما يحب القطريين .. ويتبع سياسة (( تطفيش القطري )) ..

كل القطريين اللي تحته راحوا .. واخرهم احد اعضاء المنتدى (( عضو بارز )) ..

والحين مابقى غيير .. اثنين .. انا ورفيجي .. وناطرين .. اي مكان يرد علينـــا .. عشان نطلع ..

للعلم .. اشتكينا عليـــه .. لكن عمله وشغله يشفعون له .. نسيت اقولكم اصلا الادارة اجنبية بكبرهــــا .ز وفيها 2 او 3 قطريين ,, بس شكل .. حق ادارة العمل .. ( يعني شوفوا ترى عندنـــا قطريين ) ..


والله العظيم اني بغيت اشتكى عليه عند ادارة العمل .. بس خايف يقطعون رزقة .. لأنه عنده عيال وحرام يصير لهم شي ..واللـــــــــــــــــه المستعان ..


ان الله مع الصابرين ..


اذا هو ظالم مب غلط انك تشتكي عليه... شلون الواحد يقدر يردعهم اذا انت ياخوي قلت مابي اقطع رزقه وغيرك قال نفس الكلام !!!!!!


بيستمر الظلم

انت ان شاء الله بتحصل وظيفه ثانيه بس لاتنسى في غيرك من اهل قطر بيتوظف تحت سلطته !!!


تسلم على ردك والله يفرجها لكم ان شاء الله

[miss-qatr]

يعطيج العافيه على الطرح المميز والواقع المرير
للاسف هالشي انجوفه في كل مكان سواء من مدير ولا وزير ولا ومسئوول قسم حتى
بس ما نقول الا الله على الظالم
يمهل ولا يهمل
والمظلوم ماله الا الدعاء من القلب على الظالم ( حسبنا الله ونعم الوكيل ) وياليت يقرأ موضوعج ظالم ومتعجرف ويتعض ويجووف الناس اشلون تدعى عليه من جدامه ومن وراه


الله يعاااافيك ياخوي


لا تطمن في هالمنتدى في ناس كثيره بتقرا :whistling:


الله عليهم ان شاء الله وشاكره لك ردك :)

[..الاميرة..]

فعلاً عزيزتي هناك المظلومين
وهناك الغير مقدرين لمجهود الموظف
وهناك من يقطع رزق الغير بغير وجه حق
وهناك من هم يأكلون حقوق الغير بغير حق

اعتقد بل اجزم انهم خلت قلوبهم من الرحمه
الواحد منا يروح آخر اليوم ما يقدر ينام يخاف انه ظلم احد بغير قصد
ويتم تفكيره مشغول انا اش سويت اليوم ؟؟ ظلمة احد .. غلطة على احد .. اسأء الضن في أحد .. زعلت احد !!!
ليش لان يمكن الله ياخذ امانته وما اصبح الصبح
لكن هذول ياويلهم من الله وحسابه العسير إلي وقتها ما تنفعهم لا منصب ولا كرسي
والدنيا دواره يوم لك ويوم عليك

لكن ما نقول غير الله فوق وهو المحاسب والمعاقب
وحسبنا الله ونعمل وكيل على كل ظالم ..

وتسلمين يالغلا ع الموضوع .. :)
ولج ودي .. :nice:

[miss-qatr]

فعلاً عزيزتي هناك المظلومين
وهناك الغير مقدرين لمجهود الموظف
وهناك من يقطع رزق الغير بغير وجه حق
وهناك من هم يأكلون حقوق الغير بغير حق

اعتقد بل اجزم انهم خلت قلوبهم من الرحمه
الواحد منا يروح آخر اليوم ما يقدر ينام يخاف انه ظلم احد بغير قصد
ويتم تفكيره مشغول انا اش سويت اليوم ؟؟ ظلمة احد .. غلطة على احد .. اسأء الضن في أحد .. زعلت احد !!!
ليش لان يمكن الله ياخذ امانه وما اصبح الصبح
لكن هذول ياويلهم من الله وحسابه العسير إلي وقتها ما تنفعهم لا منصب ولا كرسي
والدنيا دواره يوم لك ويوم عليك

لكن ما نقول غير الله فوق وهو المحاسب والمعاقب
وحسبنا الله ونعمل وكيل على كل ظالم ..

وتسلمين يالغلا ع الموضوع .. :)
ولج ودي .. :nice:


الله يسلمك امورة وفعلاً كل كلمه قلتيها كان معاك حق فيها

لكن ذيلا ناس ربي مقسي قلوبهم


احلا تحيه لك امورة :nice:

[..الاميرة..]

انا عندي مسؤول ..
مطلع عيني ..
اجنبي ( عربي وعنده جواز دولة اجنبية ) وما يحب القطريين .. ويتبع سياسة (( تطفيش القطري )) ..
كل القطريين اللي تحته راحوا .. واخرهم احد اعضاء المنتدى (( عضو بارز )) ..
والحين مابقى غيير .. اثنين .. انا ورفيجي .. وناطرين .. اي مكان يرد علينـــا .. عشان نطلع ..
للعلم .. اشتكينا عليـــه .. لكن عمله وشغله يشفعون له .. نسيت اقولكم اصلا الادارة اجنبية بكبرهــــا .ز وفيها 2 او 3 قطريين ,, بس شكل .. حق ادارة العمل .. ( يعني شوفوا ترى عندنـــا قطريين ) ..
والله العظيم اني بغيت اشتكى عليه عند ادارة العمل .. بس خايف يقطعون رزقة .. لأنه عنده عيال وحرام يصير لهم شي ..
واللـــــــــــــــــه المستعان ..
ان الله مع الصابرين ..


اخوي الكريم
ليشش تعمل إحساب لهم !!! ليش تسكت عن حقك !!!
هذه الادارات مثل إدارة العمل وغيرها ما وضعت إلا لمثل هذه الشكاوي والمشاكل ..

إذا انت سكت وغيرك سكت وقلتوا لااا هذا عنده إعيال مادري شنو !!!!!
ليش انت مب راعي مسؤوليات وغيرك من هم مظلومين ما عنده إعيال وبيت ومسؤليات !!!
إذا هذا الشخص ما سوى حساب لغيره ولا خاف من الله انتوا تسون له إحساب !!!!

وانتوا ما راح تتكلمون إلا عن حق لكم إذا انتوا فعلاً لكم الحق ومظلومين ..
اخوي اذا سكتوا ما راح يتعدل الوضع ابداً وهالصنف راح يتمادى ..

[Q6RI-001]

السلام عليكم

تسلم يدج يــ miss-qatr ــا على الموضوع

ربي يعيطج العافيه والصحه

ما نقدر نقول غير ( حسبي الله ونعم الوكيل )

[miss-qatr]

اخوي الكريم
ليشش تعمل إحساب لهم !!! ليش تسكت عن حقك !!!
هذه الادارات مثل إدارة العمل وغيرها ما وضعت إلا لمثل هذه الشكاوي والمشاكل ..

إذا انت سكت وغيرك سكت وقلتوا لااا هذا عنده إعيال مادري شنو !!!!!
ليش انت مب راعي مسؤوليات وغيرك من هم مظلومين ما عنده إعيال وبيت ومسؤليات !!!
إذا هذا الشخص ما سوى حساب لغيره ولا خاف من الله انتوا تسون له إحساب !!!!

وانتوا ما راح تتكلمون إلا عن حق لكم إذا انتوا فعلاً لكم الحق ومظلومين ..
اخوي اذا سكتوا ما راح يتعدل الوضع ابداً وهالصنف راح يتمادى ..


:nice::nice:



السلام عليكم

تسلم يدج يــ miss-qatr ــا على الموضوع

ربي يعيطج العافيه والصحه

ما نقدر نقول غير ( حسبي الله ونعم الوكيل )

وعليكم السلام

الله يسلمك ياخوي

تسلم على مرورك :)

[!الشايمه!]

موضوع........حلو كثير يا مس....

المشكلة الاساسية في الموضوع...الصمت........واحنا ماعدنا بزمن اللي نخاف ونسكت
لو كل شخص شاف شئ غلط.......تكلم وماسكت.......كنا بحال افضل......
ولكن السكوت يقوي الظالم ويخليه يطغي في ظلمه.

انا احس ان كثيرين مب عارفين القوانين وحقوقهم في هذه القوانين.....لو يدرون
كان ياما رؤوس طارت من زمان :)

تحية

[مصراوية]

ميس قطر


والله بجد موضوع حلو اوي
وان دل بيدل علي شعورك الطيب وانك بجد انسانه حساسه


وبصراحه انتي جيتي ع الجرح


بس فعلا انا اللي بستغرب له
الناس دي مش بتخاف ربنا

مش بتفكر بينها وبين نفسها لحظة انا بعمل ليه كده


والله والله الواحد ساعات بيقعد مع نفسه ويحاسبها
ويقول انا عملت كذا وكذا غلط وياريتني ما عملت كده ويحس بالذنب وتأنيب الضمير


هما مش بيعمله زينا كده؟؟

الواحد خايف وهو شايل ذنب نفسه

طيب هو هيشيل ذنوب كتيررررررررررررررر غيره ازاي


بجد والله انا نفسي في مره اسال مديري
واقوله الكلام ده


انتي عارفا اوقات ادخله مكتبه
ويفضل يقولي تعرفي انا افضل حاجه فيا ايه


انا ما احبش ابدا اقطع رزق حد!!
انا اكتر مدير يحس بالموظفين ويساعدهم


والله وهو يبقا لسا فاصل له موظف غلبان او خاصم من راتبه لسبب تافهه
او خاصم من راتبه عشان مش بيستلطفه


اقول ياربي نفسي ارد عليه واقوله
انت هتروح من ربنا فين؟؟؟

انت مصدق نفسك في اللي بتقوله!!!


بس اعمل ايه بسمع الكلام واسكت

تخيلي لما تسافري موظفة تسافر اجازة بلدها وترجع تلاقيها رافدها
عشان غلبانه وفي حالها ولا بتجامل ولا تنافق ولا تهزر معاه

تخيلي لما مدير يشغل كل فراشين الشركة في بيته
للنظافة والصيانه والمشاوير الشخصية


وكل مندوبين الشركة للمشاوير الشخصية
واللي يخلص له حاجات شخصية اكتر ليه معامله خاصة وعلاوة



والله ميس قطر مش عارفا اقولك ايه والا ايه
مهما احكي لك ع الظلم اللي الواحد بيشوفه ليه ولغيره

مش هتتخيلي



بس مافيش غير اني اقول



حسبنا الله ونعم الوكيل

[الجني]

الظلم ظلمات يوم القيامة

[البيئة]

عندما يقع علي الظلم(اشتكي اولا لله عز وجل ثم اشتكي للمسئولين الاعلى ثم اتكلم مع من ظلمني واحيطه علم بانه ظلمني) وعنما لاتفيد الحلول السابقه والله لاكسر وجهه ووجه طوايفه و كان اطلق شنب....

[اعالي الجنان]

مادفعني اليوم اني اكتب هالموضوع الا لاني حاسه ان الناس ماصارت اتحاسب ولا تخاف من الله

والله اني استغرب من اللي اسمعه ... ليش الظلم بكل مكان

للاسف صور الظلم كثيره ودرجاتها مختلفه بس تبقى تحت مسمى الظلم

الظلم الاكبر وهو الشرك بالله --------ربي يبعدنا عنه


ظلم العبد لنفسه وهو كل مايتعلق بحقوق الله اللي العبد ملزم ان يسويها


ونجي حق الظلم اللي انتشر بشكل كبير وهو ظلم العبد لغيره


ظلم وظيفي ... ظلم اسري ... الخ


واللي سمعته بالفتره الاخيره من ظلم ظيفي ومن اللي انكتب بالمنتدى خصوصاً من بعض الاخوان

ليش دايماً اللي يملك السلطه والنفوذ يحاول يستعبد غيره ؟؟؟



ياللي تملك وظيفه مدير .... رئيس .... او حتى مسؤول... من سمح لك باستعباد الناس ؟؟؟

لكن للاسف مانشوف هالنوعيه من المسوؤلين الا اللي يعانون من نقص ومرض نفسي اسمه الاستعباد


نسو قول عمر ( رضى الله عنه ) ( متى استعبدتم الناس وقد ولدتهم امهاتهم احرارا )


ونسو ان الله حرم الظلم عل نفسه و قول الرسول صلى الله عليه وسلم (..... الظلم ظلمات يوم القيامه )



ربي عطاااك هالسلطه وممكن ياخذها منك وانت لاهي بالدنيا .. انت اتظن ان الظلم بس يكون بالراتب ؟؟؟


لا والله ... الظلم انك اتفرق بين الموظفين ... الظلم انك تعطى ناس ماتستحق اللي المفروض ما ينعطى

الظلم انك تفرض قوانينك الظالمه وتأمر بتنفيذها


وادهى ظلم انك تقطع ارزاق المساكين وتشردهم .. بتقول ما قطعت ارزاقهم ... بس هم يشردون من تحت سلطتك خوفاً من ظلمك ويفضلون يتمون بدون ظيفه على انك تظلمهم !!!!



يا مسؤولين ماتخااافون من الدعاء اللي يهز عرش الرحمن ( حسبنا الله ونعم الوكيل )


ماتخافون من دعوه المظلوم اللي اهي مستجاابه


ماتخافون على نفسكم انزين خافو على عيالكم ترا جزاء الظلم يكون بالدنيا قبل الآخره


ويا مسؤوليين بعض المؤسسات ؟؟؟ لي متى شغل نرفع اللي نبيه مهما كان افتقاره للكفاءه !!!!!



خاااافو الله ... احنا عيال البلاد وشيخنا عسى الله يطول بعمره عادل عسى ربي يخليه


لكن انا ماشوف الظلم الا يجي من الناس اللي ماتسوى والله

اسمحو لي كتبت الموضوع بالعامي بس اتمنى الفكره توصل للجميع :)



مس قطر ضربتي عالوتر الحساس وانا اختج

المصيبه تعرفين شنو ؟

المصيبه في المدراء والمسؤولين يشوفون انفسهم انهم صح وغيرهم غلط مهما حاولتي تقنعيهم !!!

عن نفسي تعرضت للظلم من قبل مسؤولتي بس الحمدالله انه شي بسيط يخليني انسى مقابل معاملتها معاي

بس غيري اشوفه دمعتة على خده من القهر !!!

واستغرب اقول ليش الظلم هذا
الظلم ظلمات يوم القيامه ولاحد يرضاها على نفسه

عارفه عشان توضح الصوره اكثر

اللي قريب من الاداره ورايح جاي لهم ومسوي علاقات طيبه معاهم ويوصلون لهم كل الاخبار ذوله مافوقهم فوق !!!! المقربين لهم ولهم كل الامتيازات !!!

واله اللي في حاله وماله خص الابشغله ذوله مقصرين

طبعا ماشمل الكل لا حشا والله

ناس ماعليهم قصور ورايتهم بيضه وناس الله يستر عليهم وعلينا

[>>> غــمـــوض <<<]

اي والله انج صادقه في كل كلمة قلتيها
الظلم صار منتشر بكل مكان
والله اعرف ناس وااايد يتشكون من المسؤليين عليهم بالشغل
والله اعرف وحده تشتكي من مسولتها (( الناس اللي يعرفونها شخصيا وقراب منها واللي يوصلون لها كل الاخبار اللي تصير تنحط على الراس وتكون لهم الامتيازت وهم اصلا مايستحقونها ،،، واللي مسكينه بحالها حتى لو كانت تأدي شغلها بأكمل وجه ماتدري عنهم وتعاملهم معامله قاسيه تضغط عليهم بالشغل وكل شي على راسهم ،،،
تهلكم بالشغل اما الباقي ريل على ريل ))
حتى في سالفه الاجازات بالمزاج لو الوحده بتموت بمزاجها تعطيها الاجازه
لاحول ولا قوة الا بالله
بس هذول مايجون الا بالعين الحمره ،، هالايام الواحد المفروض مايسكت عن حقه ياخذه غصب طيب

تسلمين حبوبه على طرحج للموضوع الحساس المنتشر حاليا بصوره ملحوظه

[ناصر العمادي]

جزاك الله كل خير على هذا الطرح الطيب ...

بكل بساطه أختي ...

مايحصل من ظلم هو نتيجة الفساد الحاصل في البلاد ...

لو في مسؤولين او وزراء مهتمين بمحاسبة هذه الفئه الضاله لما رأينا كل هذا الظلم على المواطنين وغيرهم ...
صدقيني أختي المدراء اللي يظلمون الناس هم فئه مريضه نفسيا وتلاقينهم كانوا حثالة المجتمع وعمرهم ماشافوا خير ولا أحترام ... يعني ناس عطوهم أكثر من أحلامهم فحاولوا ينتقمون من وضعهم المزري سابقا بفرض سلطتهم ونفوذهم وقهرهم على الموظفين ..
لكن صدقيني الواطي يظل واطي وبن الناس المتربي والمحترم بيظل محترم ..

نسمع كثير عن المدراء والمسؤولين اللي يستغلون مناصبهم في تكوين علاقات مع الموظفات ومن ترفض يكزن مصيرها الغضب والتطفيش ومن توافق فلها كل ماتحلم به ومن غير دوام ..فهل بذمتك مسؤول على هذه الشاكله يكون ولد ناس ومحترم ؟؟؟؟؟؟؟؟؟؟؟

القصص لاتنتهي ولن تنتهي سواء مع المسؤولين القطريين او الأجانب اللي حقدهم للقطري بلغ ذروته بسبب التخبط في البلاد .....

انا أشوف أن كل مواطن مظلوم ماله الا التوجه الى الله بالدعاء على الظالم وعلى من حطه في هذا المنصب وعلى كل من جاب الأجنبي الحاقد وحطه مسؤول ...
أن الله يمهل ولا يهمل .... وهو سميع مجيب الدعاء

يعطيك الصحه والعافيه

كل الشكر والتقدير والأحترام لك

الله يوفقك ويبعد عنك كل ظلم وحقد ويرزقك الخير في الدنيا والأخره ...اللهم آمين

[jassim_007]

:weeping: آآآآآآآآآه لاتفتحين المواجع


انا ضاع من عمري حوالي 3 سنوات بسبه الظلم ! عاد هل ال3 سنوات انا اعتبرها كل عمري

:( اشتغلت في مكان على اساس اني اجمع لي مبلغ محترم و اسافر لاي مكان اكمل دراستي...قدمت في كذا مكان لي ما اتصلو لي (جهه حكوميه) تعال و عندك مقابله!

خلصت المقابله و طلعت و انا مستانس مع وعودهم الخياله... لو اتشتغلت لك و لك و لك ...و غير هاي بنخليك تكمل دراستك و بننطر عليك لي خلصت ترجع تشتغل نفس المكان و وايد وعود ثانيه :( كنت مستانس و اشتغل بكل ذمة و ربي الشاهد اني كنت اشتغل لهم سكرتير / علاقات عامه / اساعد قسم المحاسبه / مرات المندوب يغيب و اروح اخلص اشغالهم في الوزارات(بسيارتي الخاصة و ماكانو يعطوني حتى بدل بترول) ...كل هاي و انا ساكت و منطم ... طبعاً مابي اقول كم كان راتبي لانه محد بيصدق في واحد بيداوم بهل الراتب ! بعد مرور اكثر من 3 شهور و انا استلم مبلغ (هزيل) جداً يمكن بعض الدريويليه هني يستلمون اكثر منه ! ربعي هناك في الدوام كلموني على اساس اكلمهم و يعدلون وضعي...كلمتهم و قالو مانقدر لي ما تنقل كفالتك...الكفاله و نقلناها و مرت شهور و هم يعطوني وعود خياليه:omen2: مره طرشنا و ماجانا رد و عقب اسمع من السكرتير انه محد طرش شي و مرة يقولون طرشنه و ماردو خذ الكتاب و روح راجع في موضوعك بنفسك و اروح هناك و يقولون مافي اي كتاب! ارجع و اقول لهم رحت و قالو لي ماعندنه اي كتاب لك ...يردون اي اكيد مضيعين الكتاب ....الخ و الخ و الخ لي ما صارت اكثر من سنتين و نص و انا مستحمل هل الوضع :rolleyes2: اشتغل كلشي و اخر شي (بنت الاعداديه) المدلـله عند المديره تروح ترفع تقرير لرئيس و في التقارير تهمش دوري و تسوي روحها سوبر ومن مع انه الكل يدري هي ماتشتغل بس مجرد تجي كل شوي سوو و روحو ! بلفيت تنظمنه و هي اصلاً يبي لها الي ينظم لها !
كنت اداوم اغلب الايام الجمعه و السبت :rolleyes2: و غيري راقد في البيت عقب من يحصل تقدير؟ هم و انا على نفس الراتب الي مايجيب (اكثر من نظارة)

:rolleyes2:انا اصلاً مدري شنو قاعد اكتب من القهر بس الحمدلله طلعت و افتكيت و هو توهقو مو لاني انا الي طلعت ! لا في اكثر من 14 شخص طلعو في حوالي 8 شهور و الحين كل ما طلع واحد المديره تجيب حد من اهلها و توظفهم : )


الله المستعان ...

و انشالله باخذ حقي من الي اكبر منها في هل السنوات و الاحلام الي ضيعتهم علي :rolleyes2: مع اجمل تحيه اخوكم المقهور الي خاطره يكتب كل شي استوت له في هل السنتين و نص

[بنت المنتدى]

سبحان الله من اقول حسبي الله ونعم الوكيل الله ياخذ حقي من هالشخص و أوكل امري لله ..

والله مايمر شهر الا اشوفه في وضع يكسر الخاطر ..!!




ياما انظلمت وياما حطيت راسي ع المخده ودموعي تخرررررر:weeping:





يعطيج الف عافيه ياعمري

[miss-qatr]

موضوع........حلو كثير يا مس....

المشكلة الاساسية في الموضوع...الصمت........واحنا ماعدنا بزمن اللي نخاف ونسكت
لو كل شخص شاف شئ غلط.......تكلم وماسكت.......كنا بحال افضل......
ولكن السكوت يقوي الظالم ويخليه يطغي في ظلمه.

انا احس ان كثيرين مب عارفين القوانين وحقوقهم في هذه القوانين.....لو يدرون
كان ياما رؤوس طارت من زمان :)

تحية

الاحلى مرورك يااختي :)

صدقتي الواحد يسكت عن حقه ويقول مابي اقطع رزق غيري مع انه بسكوته بيكون ظلم نفسه


تسلمين على مرورك

[miss-qatr]

ميس قطر
والله بجد موضوع حلو اوي
وان دل بيدل علي شعورك الطيب وانك بجد انسانه حساسه


وبصراحه انتي جيتي ع الجرح
بس فعلا انا اللي بستغرب له
الناس دي مش بتخاف ربنا

مش بتفكر بينها وبين نفسها لحظة انا بعمل ليه كده

والله والله الواحد ساعات بيقعد مع نفسه ويحاسبها
ويقول انا عملت كذا وكذا غلط وياريتني ما عملت كده ويحس بالذنب وتأنيب الضمير
هما مش بيعمله زينا كده؟؟

الواحد خايف وهو شايل ذنب نفسه
طيب هو هيشيل ذنوب كتيررررررررررررررر غيره ازاي
بجد والله انا نفسي في مره اسال مديري
واقوله الكلام ده
انتي عارفا اوقات ادخله مكتبه
ويفضل يقولي تعرفي انا افضل حاجه فيا ايه
انا ما احبش ابدا اقطع رزق حد!!
انا اكتر مدير يحس بالموظفين ويساعدهم
والله وهو يبقا لسا فاصل له موظف غلبان او خاصم من راتبه لسبب تافهه
او خاصم من راتبه عشان مش بيستلطفه
اقول ياربي نفسي ارد عليه واقوله
انت هتروح من ربنا فين؟؟؟

انت مصدق نفسك في اللي بتقوله!!!
بس اعمل ايه بسمع الكلام واسكت
تخيلي لما تسافري موظفة تسافر اجازة بلدها وترجع تلاقيها رافدها
عشان غلبانه وفي حالها ولا بتجامل ولا تنافق ولا تهزر معاه

تخيلي لما مدير يشغل كل فراشين الشركة في بيته
للنظافة والصيانه والمشاوير الشخصية


وكل مندوبين الشركة للمشاوير الشخصية
واللي يخلص له حاجات شخصية اكتر ليه معامله خاصة وعلاوة

والله ميس قطر مش عارفا اقولك ايه والا ايه
مهما احكي لك ع الظلم اللي الواحد بيشوفه ليه ولغيره
مش هتتخيلي
بس مافيش غير اني اقول

حسبنا الله ونعم الوكيل

اختي مصراويه اللي امس قريته منك اثر فيني والله

يعني مااتخيل ان في مدير بيتعدى مديرك بالظلم !!!!!

حسبي الله عليه

ان شاء الله تلقين لك وظيفه ثانيه وترتاحين منه

ربي يفرجها لك اختي

[miss-qatr]

الظلم ظلمات يوم القيامة

ياخوي بس هم مايعرفون هالشي ولا يعرفونه ويستهبلون

لان غارتهم الدنيا


شاكره لك مرورك اخوي الجني


عندما يقع علي الظلم(اشتكي اولا لله عز وجل ثم اشتكي للمسئولين الاعلى ثم اتكلم مع من ظلمني واحيطه علم بانه ظلمني) وعنما لاتفيد الحلول السابقه والله لاكسر وجهه ووجه طوايفه و كان اطلق شنب....


:nice::nice::nice:

بس بعد الواحد مايودي نفسه بمشكله مايقدر يطلع منها :)

تحياااتي لك

[بويوسف]

احنا قبل لانحتاج الى موضوع مثل هذا نحتاج الى محكمة ادارية للمواطنين الموظفين العاملين في قطر ... عشان محد يتجرأ ويظلم الغير

اللي يعجبهم يترقى ويحصل كل الامتيازات واللي مايعجبهم يبقى سر مكانك ..

والله ان بعض الاماكن (احد البنوك المشهورة) يرقون بكيفهم لو كان المؤهل خبر خير في حين ان بعض الكفاءات التخصصية تبقى في ذيل القائمة .. انه ماعرف ادارة العمل مايحاسبون هالاماكن؟؟ ماينادونهم ويسالونهم ليش خلال 6 اشهر طلعوا معظم القطريين؟؟ ومابقى الا اللي محصل منصب عمره مايحلم فيه لو طلع مكان ثاني.

[jassim_007]

احنا قبل لانحتاج الى موضوع مثل هذا نحتاج الى محكمة ادارية للمواطنين الموظفين العاملين في قطر ... عشان محد يتجرأ ويظلم الغير

اللي يعجبهم يترقى ويحصل كل الامتيازات واللي مايعجبهم يبقى سر مكانك ..

والله ان بعض الاماكن (احد البنوك المشهورة) يرقون بكيفهم لو كان المؤهل خبر خير في حين ان بعض الكفاءات التخصصية تبقى في ذيل القائمة .. انه ماعرف ادارة العمل مايحاسبون هالاماكن؟؟ ماينادونهم ويسالونهم ليش خلال 6 اشهر طلعوا معظم القطريين؟؟ ومابقى الا اللي محصل منصب عمره مايحلم فيه لو طلع مكان ثاني.

المشكله ياخوي اذا تبي توصل ...لازم تترك المكتب و الاعمال المكتبيه و تتجه لمكتب المدير او المديره كل شوي و تنقل اخبار و اطيح مدح في المدير حتى لو هو (قوطي) و غير هاي كل كم يوم تاخذ له هديه و اطيح فيه كلام مدح و انت احلى و احسن مدير و غيره من هل الكلام و عقبه :omen2: الترقيه مضمونه خلال كم شهر ...اما لو بتشتغل بذمه و ضمير و ماتحتك في المدير الا للشغل ...انسى الترقيات :rolleyes2: حتى لو المدير داري اشقاعد تسوي

مختصر الكلام:

تبي ترقيات لازم تخلص اشغال (خاصة) للمدير :victory:

[miss-qatr]

مس قطر ضربتي عالوتر الحساس وانا اختج

المصيبه تعرفين شنو ؟

المصيبه في المدراء والمسؤولين يشوفون انفسهم انهم صح وغيرهم غلط مهما حاولتي تقنعيهم !!!

عن نفسي تعرضت للظلم من قبل مسؤولتي بس الحمدالله انه شي بسيط يخليني انسى مقابل معاملتها معاي

بس غيري اشوفه دمعتة على خده من القهر !!!

واستغرب اقول ليش الظلم هذا
الظلم ظلمات يوم القيامه ولاحد يرضاها على نفسه

عارفه عشان توضح الصوره اكثر

اللي قريب من الاداره ورايح جاي لهم ومسوي علاقات طيبه معاهم ويوصلون لهم كل الاخبار ذوله مافوقهم فوق !!!! المقربين لهم ولهم كل الامتيازات !!!

واله اللي في حاله وماله خص الابشغله ذوله مقصرين

طبعا ماشمل الكل لا حشا والله

ناس ماعليهم قصور ورايتهم بيضه وناس الله يستر عليهم وعلينا

شكلك يا اختي اعالي تشتغلين بمدرسه :rolleyes2:


اختي والله الناس مب سوى لاتظنين ان الناس يفكرون مثلك وان شلون تظلمين حد وتباتين مرتاحه

في بعضهم يظلم وعايش حيااااته مرتاح لكن ربي يمهل ولا يهمل

شاكره لك الغلاا على مرورك :)

[miss-qatr]

اي والله انج صادقه في كل كلمة قلتيها
الظلم صار منتشر بكل مكان
والله اعرف ناس وااايد يتشكون من المسؤليين عليهم بالشغل
والله اعرف وحده تشتكي من مسولتها (( الناس اللي يعرفونها شخصيا وقراب منها واللي يوصلون لها كل الاخبار اللي تصير تنحط على الراس وتكون لهم الامتيازت وهم اصلا مايستحقونها ،،، واللي مسكينه بحالها حتى لو كانت تأدي شغلها بأكمل وجه ماتدري عنهم وتعاملهم معامله قاسيه تضغط عليهم بالشغل وكل شي على راسهم ،،،
تهلكم بالشغل اما الباقي ريل على ريل ))
حتى في سالفه الاجازات بالمزاج لو الوحده بتموت بمزاجها تعطيها الاجازه
لاحول ولا قوة الا بالله
بس هذول مايجون الا بالعين الحمره ،، هالايام الواحد المفروض مايسكت عن حقه ياخذه غصب طيب

تسلمين حبوبه على طرحج للموضوع الحساس المنتشر حاليا بصوره ملحوظه

الله يسلمك اختي غموض

وانتي قلتيها اللي يسكت عن حقه بهالزمن ينداس

شاكره لك مرورك ومشاركتك :)

[AmOuR]

الناس صاروا يظلمون عن بعد ..

للأسف ..

[Ghost]

انا تعرضت للظلم وما اقول الا حسبي الله ونعم الوكيل هو ياخد حقي وانا راضي بحكمه

[الرايقه]

اللهم اجعلني مظلوما ولاتجعلني ظالما

[miss-qatr]

جزاك الله كل خير على هذا الطرح الطيب ...

بكل بساطه أختي ...

مايحصل من ظلم هو نتيجة الفساد الحاصل في البلاد ...

لو في مسؤولين او وزراء مهتمين بمحاسبة هذه الفئه الضاله لما رأينا كل هذا الظلم على المواطنين وغيرهم ...
صدقيني أختي المدراء اللي يظلمون الناس هم فئه مريضه نفسيا وتلاقينهم كانوا حثالة المجتمع وعمرهم ماشافوا خير ولا أحترام ... يعني ناس عطوهم أكثر من أحلامهم فحاولوا ينتقمون من وضعهم المزري سابقا بفرض سلطتهم ونفوذهم وقهرهم على الموظفين ..
لكن صدقيني الواطي يظل واطي وبن الناس المتربي والمحترم بيظل محترم ..

نسمع كثير عن المدراء والمسؤولين اللي يستغلون مناصبهم في تكوين علاقات مع الموظفات ومن ترفض يكزن مصيرها الغضب والتطفيش ومن توافق فلها كل ماتحلم به ومن غير دوام ..فهل بذمتك مسؤول على هذه الشاكله يكون ولد ناس ومحترم ؟؟؟؟؟؟؟؟؟؟؟

القصص لاتنتهي ولن تنتهي سواء مع المسؤولين القطريين او الأجانب اللي حقدهم للقطري بلغ ذروته بسبب التخبط في البلاد .....

انا أشوف أن كل مواطن مظلوم ماله الا التوجه الى الله بالدعاء على الظالم وعلى من حطه في هذا المنصب وعلى كل من جاب الأجنبي الحاقد وحطه مسؤول ...
أن الله يمهل ولا يهمل .... وهو سميع مجيب الدعاء

يعطيك الصحه والعافيه

كل الشكر والتقدير والأحترام لك

الله يوفقك ويبعد عنك كل ظلم وحقد ويرزقك الخير في الدنيا والأخره ...اللهم آمين


وربي يجزيك بمثله ويعاااافيك يارب

فعلاً ياخوي انا معاك ان كل انسان بتعامله مع الغير يعكس بيئته وتربيته

بس الواحد يفكر ومايبي بيوم ينحط بهالوضع يترأسه حد ظالم ولا مدير مايخاف الله

تسلم على هالدعاء ياخوي وشاكره لك مرورك وعاش من شافك :)

[miss-qatr]

:weeping: آآآآآآآآآه لاتفتحين المواجع


انا ضاع من عمري حوالي 3 سنوات بسبه الظلم ! عاد هل ال3 سنوات انا اعتبرها كل عمري

:( اشتغلت في مكان على اساس اني اجمع لي مبلغ محترم و اسافر لاي مكان اكمل دراستي...قدمت في كذا مكان لي ما اتصلو لي (جهه حكوميه) تعال و عندك مقابله!

خلصت المقابله و طلعت و انا مستانس مع وعودهم الخياله... لو اتشتغلت لك و لك و لك ...و غير هاي بنخليك تكمل دراستك و بننطر عليك لي خلصت ترجع تشتغل نفس المكان و وايد وعود ثانيه :( كنت مستانس و اشتغل بكل ذمة و ربي الشاهد اني كنت اشتغل لهم سكرتير / علاقات عامه / اساعد قسم المحاسبه / مرات المندوب يغيب و اروح اخلص اشغالهم في الوزارات(بسيارتي الخاصة و ماكانو يعطوني حتى بدل بترول) ...كل هاي و انا ساكت و منطم ... طبعاً مابي اقول كم كان راتبي لانه محد بيصدق في واحد بيداوم بهل الراتب ! بعد مرور اكثر من 3 شهور و انا استلم مبلغ (هزيل) جداً يمكن بعض الدريويليه هني يستلمون اكثر منه ! ربعي هناك في الدوام كلموني على اساس اكلمهم و يعدلون وضعي...كلمتهم و قالو مانقدر لي ما تنقل كفالتك...الكفاله و نقلناها و مرت شهور و هم يعطوني وعود خياليه:omen2: مره طرشنا و ماجانا رد و عقب اسمع من السكرتير انه محد طرش شي و مرة يقولون طرشنه و ماردو خذ الكتاب و روح راجع في موضوعك بنفسك و اروح هناك و يقولون مافي اي كتاب! ارجع و اقول لهم رحت و قالو لي ماعندنه اي كتاب لك ...يردون اي اكيد مضيعين الكتاب ....الخ و الخ و الخ لي ما صارت اكثر من سنتين و نص و انا مستحمل هل الوضع :rolleyes2: اشتغل كلشي و اخر شي (بنت الاعداديه) المدلـله عند المديره تروح ترفع تقرير لرئيس و في التقارير تهمش دوري و تسوي روحها سوبر ومن مع انه الكل يدري هي ماتشتغل بس مجرد تجي كل شوي سوو و روحو ! بلفيت تنظمنه و هي اصلاً يبي لها الي ينظم لها !
كنت اداوم اغلب الايام الجمعه و السبت :rolleyes2: و غيري راقد في البيت عقب من يحصل تقدير؟ هم و انا على نفس الراتب الي مايجيب (اكثر من نظارة)

:rolleyes2:انا اصلاً مدري شنو قاعد اكتب من القهر بس الحمدلله طلعت و افتكيت و هو توهقو مو لاني انا الي طلعت ! لا في اكثر من 14 شخص طلعو في حوالي 8 شهور و الحين كل ما طلع واحد المديره تجيب حد من اهلها و توظفهم : )


الله المستعان ...

و انشالله باخذ حقي من الي اكبر منها في هل السنوات و الاحلام الي ضيعتهم علي :rolleyes2: مع اجمل تحيه اخوكم المقهور الي خاطره يكتب كل شي استوت له في هل السنتين و نص


لاحول ولاقوه الا بالله

وتتجدد المأساه !!!!!!!!!!!

اخوي انا ماابي اقولك بس الصراحه انت الغلطان محد طلب منك اتسوي اكثر من شغلك مندوب وعلاقات عامه وسكرتير واتسوي شغل غيرك

لاتظن ان في هالزمن حد يقدر ( الا من رحم ربي ) الناس صارو مثل مكاين البيبسي حط ريال تشتغل ماتحط ماراح تشتغل

ومديرتكم هذي ربي يطيرها الزطيه اللي تحسب القلم :secret:

مالها اسم الا ام القلامه :nice:

ربي يعينك ياخوي وربي بيسر لك بشغل وباذن الله بترتاح فيه


اكتب ياخوي اللي بخاطرك هالموضوع لك وحق كل انسان انظلم -------> وليتك تكتب اسم الجهه والاداره :secret: مب اتقول طلعت منهم


تسلم على مشاركتنا قصه ظلمك

[jassim_007]

لاحول ولاقوه الا بالله

وتتجدد المأساه !!!!!!!!!!!

اخوي انا ماابي اقولك بس الصراحه انت الغلطان محد طلب منك اتسوي اكثر من شغلك مندوب وعلاقات عامه وسكرتير واتسوي شغل غيرك

لاتظن ان في هالزمن حد يقدر ( الا من رحم ربي ) الناس صارو مثل مكاين البيبسي حط ريال تشتغل ماتحط ماراح تشتغل

ومديرتكم هذي ربي يطيرها الزطيه اللي تحسب القلم :secret:

مالها اسم الا ام القلامه :nice:

ربي يعينك ياخوي وربي بيسر لك بشغل وباذن الله بترتاح فيه


اكتب ياخوي اللي بخاطرك هالموضوع لك وحق كل انسان انظلم -------> وليتك تكتب اسم الجهه والاداره :secret: مب اتقول طلعت منهم


تسلم على مشاركتنا قصه ظلمك

:rolleyes2: المشكله وقت المقابله فهموني جذي ! اي واحد يسوي اي شي و انا كنت ماشي على هل المبدء ! غير هاي انا بطبعي ماحب اشوف نفسي فاضي اتملل ... بعد غير هاي ماكان ناقصني عوار راس و محاضرة من الوالد ( لانه كل يوم كان يسمعني شريطه انت مب مال شغل ) :rolleyes2: كنت مستحمل كلشي بس علشان الوالد الله يحفظه مايعطيني محاضرات ...والله مرات كنت اداوم من 7 الصباح لي 11 في الليل ! و اليوم الثاني اداوم دوام عادي مثل غيري حتى كلمه مشكور ما اسمعها منهم

بالنسبه لاسم الجهه تبين بعطيج في الخاص اما هني ماقدر لحد الحين لاني على كفالتهم :tease::tease: بس انطري احصل وظيفه ثانيه و اخلص كل اموري و بحش فيهم حششش <<مجرم :nice:

[miss-qatr]

سبحان الله من اقول حسبي الله ونعم الوكيل الله ياخذ حقي من هالشخص و أوكل امري لله ..

والله مايمر شهر الا اشوفه في وضع يكسر الخاطر ..!!


ياما انظلمت وياما حطيت راسي ع المخده ودموعي تخرررررر:weeping:

يعطيج الف عافيه ياعمري


الله يعااااااافيك الغاليه

لانك صبرتي فربي ياخذ حقك منهم ..

تسلمين على تشرفيك لنا في الموضوع بنوته :nice:

[miss-qatr]

احنا قبل لانحتاج الى موضوع مثل هذا نحتاج الى محكمة ادارية للمواطنين الموظفين العاملين في قطر ... عشان محد يتجرأ ويظلم الغير

اللي يعجبهم يترقى ويحصل كل الامتيازات واللي مايعجبهم يبقى سر مكانك ..

والله ان بعض الاماكن (احد البنوك المشهورة) يرقون بكيفهم لو كان المؤهل خبر خير في حين ان بعض الكفاءات التخصصية تبقى في ذيل القائمة .. انه ماعرف ادارة العمل مايحاسبون هالاماكن؟؟ ماينادونهم ويسالونهم ليش خلال 6 اشهر طلعوا معظم القطريين؟؟ ومابقى الا اللي محصل منصب عمره مايحلم فيه لو طلع مكان ثاني.

واذا ماكان عندنا ؟؟؟

لازم انتكلم والمفروض محد يسكت عن حقه


الله المستعااااااان

والله ويبون البلاد اتطور !!!!

تسلم بويوسف على اضافتك

[المتواضع]

للظلم اشكال والوان لايمكن حصرها

رسالة الى كل ظالم



إِنَّهُمْ لَن يُغْنُوا عَنكَ مِنَ اللَّهِ شَيئاً وإِنَّ الظَّالِمِينَ بَعْضُهُمْ أَوْلِيَاء بَعْضٍ وَاللَّهُ وَلِيُّ الْمُتَّقِينَ (19) ( الجاثية

يُدْخِلُ مَن يَشَاءُ فِي رَحْمَتِهِ وَالظَّالِمِينَ أَعَدَّ لَهُمْ عَذَاباً أَلِيماً (31) ( الإنسان)

إِنَّ الْمُجْرِمِينَ فِي عَذَابِ جَهَنَّمَ خَالِدُونَ (74) لَا يُفَتَّرُ عَنْهُمْ وَهُمْ فِيهِ مُبْلِسُونَ (75) وَمَا ظَلَمْنَاهُمْ وَلَكِن كَانُوا هُمُ الظَّالِمِينَ (الزخرف)

وَلَوْ أَنَّ لِلَّذِينَ ظَلَمُوا مَا فِي الْأَرْضِ جَمِيعاً وَمِثْلَهُ مَعَهُ لَافْتَدَوْا بِهِ مِن سُوءِ الْعَذَابِ يَوْمَ الْقِيَامَةِ وَبَدَا لَهُم مِّنَ اللَّهِ مَا لَمْ يَكُونُوا يَحْتَسِبُونَ (47) ( الزمر)

فَالْيَوْمَ لَا يَمْلِكُ بَعْضُكُمْ لِبَعْضٍ نَّفْعاً وَلَا ضَرّاً وَنَقُولُ لِلَّذِينَ ظَلَمُوا ذُوقُوا عَذَابَ النَّارِ الَّتِي كُنتُم بِهَا تُكَذِّبُونَ (42) ( سبأ)

انا اعتدنا للظالمين نارا احاط بهم سرادقها وان يستغيثوا يغاثوا بماء كالمهل يشوي الوجوه بئس الشراب وساءت مرتفقا ( الكهف)

ويل يومئذ للظالمين
ويل يومئذ للظالمين
ويل يومئذ للظالمين

[miss-qatr]

المشكله ياخوي اذا تبي توصل ...لازم تترك المكتب و الاعمال المكتبيه و تتجه لمكتب المدير او المديره كل شوي و تنقل اخبار و اطيح مدح في المدير حتى لو هو (قوطي) و غير هاي كل كم يوم تاخذ له هديه و اطيح فيه كلام مدح و انت احلى و احسن مدير و غيره من هل الكلام و عقبه :omen2: الترقيه مضمونه خلال كم شهر ...اما لو بتشتغل بذمه و ضمير و ماتحتك في المدير الا للشغل ...انسى الترقيات :rolleyes2: حتى لو المدير داري اشقاعد تسوي

مختصر الكلام:

تبي ترقيات لازم تخلص اشغال (خاصة) للمدير :victory:

ليش بعد يبيك الفراش ومدير الاعمال بوقت واحد !!!!!

ماالوم الا اللي يسمح حق شخص مهما كانت رتبته يستعبده بهالطريقه


الناس صاروا يظلمون عن بعد ..

للأسف ..

عن بعد !!!!!


شاكره لك مرورك اختي بس شتقصدين عن بعد ؟؟؟

[almulla]

انا عندي مسؤول ..

مطلع عيني ..

اجنبي ( عربي وعنده جواز دولة اجنبية ) وما يحب القطريين .. ويتبع سياسة (( تطفيش القطري )) ..

كل القطريين اللي تحته راحوا .. واخرهم احد اعضاء المنتدى (( عضو بارز )) ..

والحين مابقى غيير .. اثنين .. انا ورفيجي .. وناطرين .. اي مكان يرد علينـــا .. عشان نطلع ..

للعلم .. اشتكينا عليـــه .. لكن عمله وشغله يشفعون له .. نسيت اقولكم اصلا الادارة اجنبية بكبرهــــا .ز وفيها 2 او 3 قطريين ,, بس شكل .. حق ادارة العمل .. ( يعني شوفوا ترى عندنـــا قطريين ) ..


والله العظيم اني بغيت اشتكى عليه عند ادارة العمل .. بس خايف يقطعون رزقة .. لأنه عنده عيال وحرام يصير لهم شي ..
واللـــــــــــــــــه المستعان ..


ان الله مع الصابرين ..

خل يقطعون رزقه هالـ.......

يستاهل هو وامثاله

بعدين لاتخافين بيشلونه من مكانه وبيحطونه في وظيفه احسن !!

[miss-qatr]

انا تعرضت للظلم وما اقول الا حسبي الله ونعم الوكيل هو ياخد حقي وانا راضي بحكمه

دعاء المظلوم مستجاب ياخوي ومالك الا الصلاه والدعاء وربي بياخذ حقك


ربي يفرجها عليك


اللهم اجعلني مظلوما ولاتجعلني ظالما

شاكره لك اختي الرايقه مشاركتك

تسلمين :)

[miss-qatr]

:rolleyes2: المشكله وقت المقابله فهموني جذي ! اي واحد يسوي اي شي و انا كنت ماشي على هل المبدء ! غير هاي انا بطبعي ماحب اشوف نفسي فاضي اتملل ... بعد غير هاي ماكان ناقصني عوار راس و محاضرة من الوالد ( لانه كل يوم كان يسمعني شريطه انت مب مال شغل ) :rolleyes2: كنت مستحمل كلشي بس علشان الوالد الله يحفظه مايعطيني محاضرات ...والله مرات كنت اداوم من 7 الصباح لي 11 في الليل ! و اليوم الثاني اداوم دوام عادي مثل غيري حتى كلمه مشكور ما اسمعها منهم

بالنسبه لاسم الجهه تبين بعطيج في الخاص اما هني ماقدر لحد الحين لاني على كفالتهم :tease::tease: بس انطري احصل وظيفه ثانيه و اخلص كل اموري و بحش فيهم حششش <<مجرم :nice:

والله بدوامكم يتبعون نظام الاضطهاد :secret:


الله يعينك ياخوي ويفكك منهم

شاكره لك مداخلتك للمره 3

[miss-qatr]

للظلم اشكال والوان لايمكن حصرها

رسالة الى كل ظالم



إِنَّهُمْ لَن يُغْنُوا عَنكَ مِنَ اللَّهِ شَيئاً وإِنَّ الظَّالِمِينَ بَعْضُهُمْ أَوْلِيَاء بَعْضٍ وَاللَّهُ وَلِيُّ الْمُتَّقِينَ (19) ( الجاثية

يُدْخِلُ مَن يَشَاءُ فِي رَحْمَتِهِ وَالظَّالِمِينَ أَعَدَّ لَهُمْ عَذَاباً أَلِيماً (31) ( الإنسان)

إِنَّ الْمُجْرِمِينَ فِي عَذَابِ جَهَنَّمَ خَالِدُونَ (74) لَا يُفَتَّرُ عَنْهُمْ وَهُمْ فِيهِ مُبْلِسُونَ (75) وَمَا ظَلَمْنَاهُمْ وَلَكِن كَانُوا هُمُ الظَّالِمِينَ (الزخرف)

وَلَوْ أَنَّ لِلَّذِينَ ظَلَمُوا مَا فِي الْأَرْضِ جَمِيعاً وَمِثْلَهُ مَعَهُ لَافْتَدَوْا بِهِ مِن سُوءِ الْعَذَابِ يَوْمَ الْقِيَامَةِ وَبَدَا لَهُم مِّنَ اللَّهِ مَا لَمْ يَكُونُوا يَحْتَسِبُونَ (47) ( الزمر)

فَالْيَوْمَ لَا يَمْلِكُ بَعْضُكُمْ لِبَعْضٍ نَّفْعاً وَلَا ضَرّاً وَنَقُولُ لِلَّذِينَ ظَلَمُوا ذُوقُوا عَذَابَ النَّارِ الَّتِي كُنتُم بِهَا تُكَذِّبُونَ (42) ( سبأ)

انا اعتدنا للظالمين نارا احاط بهم سرادقها وان يستغيثوا يغاثوا بماء كالمهل يشوي الوجوه بئس الشراب وساءت مرتفقا ( الكهف)

ويل يومئذ للظالمين
ويل يومئذ للظالمين
ويل يومئذ للظالمين

جزااااك الله خير ياخوي على الاضافه

[غزلان]

لا تظلمن إن كنت مقتدراً *** فإن الظلم ترجع عقباه إلى الندم
تنام عيناك والمظلوم منتبه ٌ*** يدعو عليك وعين الله لم تنم

-
ويابخت من بات مظلوم ولا بات ظالم

شكرا

[miss-qatr]

لا تظلمن إن كنت مقتدراً *** فإن الظلم ترجع عقباه إلى الندم
تنام عيناك والمظلوم منتبه ٌ*** يدعو عليك وعين الله لم تنم

-
ويابخت من بات مظلوم ولا بات ظالم

شكرا

العفووو وتسلمين على اضافتك اختي غزلان


تحياااااتي لك :)

[الخيميائي]

يمهل ولا يهمل

والظالم مهما طغى بيجيله يوم

ونصيحة اذا تسكرت ابواب الدنيا ارفعوا اياديكم للسماء

والله المستعان

وشكرا يامس على الموضوع

[حسين بن عاقول]

بخصوص الظلم الوظيفي فكنت حاس فيه لين كان مديري السابق من جنسيه عربية وبصراحة ما كنت اسكت له وكنت كل يوم طايح معاه بمشكلة يعني من بدال ماينكد علي حياتي صرت انا انكد عليه حياته خخخخ وانصح الجميع لحد يسكت عن حقه..

الحين الحمدلله مديري قطري ونعم فيه وانسان رااااائع بمعنى الكلمة ورجال من ظهر رجال وكانه رفيج مب مدير وهلكلام مع جميع الموظفين القطريين والاجانب.. ويمكن السبب الوحيد الي يخليني اترك الوظيفه هوالراتب مع ان جامعي ومثقف لكن الراتب الحين ماينفع مع الغلا ..


ومشكورين على الموضوع

[لمسات..]

اللي فوقي ماقصروا
باالتوضيح ولكن الظُلم ظلمات يوم القيامه

عزيزتي
الله يبعدج ويبعدنا عن كل ظالم ..

[miss-qatr]

يمهل ولا يهمل

والظالم مهما طغى بيجيله يوم

ونصيحة اذا تسكرت ابواب الدنيا ارفعوا اياديكم للسماء

والله المستعان

وشكرا يامس على الموضوع

العفووو اخوي الخيميائي وتسلم على ردك ومرورك


ولكم باااااااك :)

[miss-qatr]

بخصوص الظلم الوظيفي فكنت حاس فيه لين كان مديري السابق من جنسيه عربية وبصراحة ما كنت اسكت له وكنت كل يوم طايح معاه بمشكلة يعني من بدال ماينكد علي حياتي صرت انا انكد عليه حياته خخخخ وانصح الجميع لحد يسكت عن حقه..

الحين الحمدلله مديري قطري ونعم فيه وانسان رااااائع بمعنى الكلمة ورجال من ظهر رجال وكانه رفيج مب مدير وهلكلام مع جميع الموظفين القطريين والاجانب.. ويمكن السبب الوحيد الي يخليني اترك الوظيفه هوالراتب مع ان جامعي ومثقف لكن الراتب الحين ماينفع مع الغلا ..


ومشكورين على الموضوع

العفووو والحمدلله ربي فكك منه :)

تسلم على مشاركتك ياخوي
اللي فوقي ماقصروا
باالتوضيح ولكن الظُلم ظلمات يوم القيامه

عزيزتي
الله يبعدج ويبعدنا عن كل ظالم ..


اللهم آآآمين

تسلمين اختي لمسات :)

[هتـان قطر]

احيانا الظلم يحصل بسبب خطأ في التفكير..كظلم الاباء لابنائهم

احيانا الاب يكلف نفسه بالتفكير عن الابن وياخذ دوره بالكامل

يخطط لمستقبل الولد بنفسه ويمشيه على هواه ونسى ان الولد كبر

وهو مسؤول عن نفسه ويمكن هذا التوجيه اللي وجهته له ما يناسبه

يمكن الدراسه اللي فرضتها عليه مايرغب فيها..يمكن ميوله واهوائه غير

ميولك انت ايهاالاب..نصيحه للاباء افتحوانافذه للحريه لابنائكم ..

[مصراوية]

حسبنا الله ونعم الوكيل

[miss-qatr]

احيانا الظلم يحصل بسبب خطأ في التفكير..كظلم الاباء لابنائهم

احيانا الاب يكلف نفسه بالتفكير عن الابن وياخذ دوره بالكامل

يخطط لمستقبل الولد بنفسه ويمشيه على هواه ونسى ان الولد كبر

وهو مسؤول عن نفسه ويمكن هذا التوجيه اللي وجهته له ما يناسبه

يمكن الدراسه اللي فرضتها عليه مايرغب فيها..يمكن ميوله واهوائه غير

ميولك انت ايهاالاب..نصيحه للاباء افتحوانافذه للحريه لابنائكم ..

صدقتي يا اختي
اوقات الاباء من دون قصد يظلمون ابنائهم


شاكره لك اضاااافتك الراااااائعه مثلك :)


حسبنا الله ونعم الوكيل

اختي مصراويه شوفي الخاص

[almulla]

بخصوص الظلم الوظيفي فكنت حاس فيه لين كان مديري السابق من جنسيه عربية وبصراحة ما كنت اسكت له وكنت كل يوم طايح معاه بمشكلة يعني من بدال ماينكد علي حياتي صرت انا انكد عليه حياته خخخخ وانصح الجميع لحد يسكت عن حقه..

الحين الحمدلله مديري قطري ونعم فيه وانسان رااااائع بمعنى الكلمة ورجال من ظهر رجال وكانه رفيج مب مدير وهلكلام مع جميع الموظفين القطريين والاجانب.. ويمكن السبب الوحيد الي يخليني اترك الوظيفه هوالراتب مع ان جامعي ومثقف لكن الراتب الحين ماينفع مع الغلا ..


ومشكورين على الموضوع

:nice::nice::nice::nice::nice:

[مصراوية]

:nice::nice::nice::nice::nice:

اخ الملا

لتكون حضرتك مدير الاخ حسين بن عاقول الحالي:victory:

والله ربنا يعلم انا بتبسط اوي لما الاقي ناس عندهم مديرين كويسين ومحترمين
وبيقدرو تعبهم وبيحكمو عليهم بشغلهم مش برضاهم عنهم


وربنا يارب يبارك له مديرك القطري ده اخ حسين ويكثر من امثاله
ويرزقني مدير زيه اللهم امين يارب العالمين