طلب معلومات عن اجراءات نقل الكفالة!! [الأرشيف]

Riku3

11-08-2008, 10:50 AM

السلام عليكم ورحمة الله وبركاته .. صبحكم الله بالخير ^^ ..

عندي بعض الاستفسارات ماعرفت وين اوجهها علشان احصل على اجابه , وقلت مافي الا قطرشير واعضاءه ممكن يفيدوني :] .. :telephone:

ابي اسأل عن اجراءات نقل كفالة بتأشيرة خارجية :shy: ..

كل الي عملته هو اني طلبت فيزا خارجية للشركة من وزارة العمل والشئون الاجتماعيه وجاتني الموافقة لجلب موظف مصري لوظيفة محاسب .. واللحين ماني متأكد شنو المطلوب مني ههههه :rolleyes2:

هل يكفي ان اعمل كتاب لادارة شئون الوافدين لاخذ البصمه مع كتاب للقومسيون الطبي لعمل الفحص الطبي .. او هناك اجراءات قبل هالشيء ؟ .

وكيف احدد ان هالفيزا هي للموظف فلان ..

اتمنى من الي عنده معلومات ان يساعدني :] .

jajassim

11-08-2008, 11:15 AM

هلا والله بالغالي ،،

مادام عندك موافقة على مصري ،،

اولا تقدم طلب تأشيرة دخول ومرفق مع الطلب نسخة من الجواز للمصري

وتعبي هذا النموذج

http://www.moi.gov.qa/site/arabic/departments/PassportDept/resources/2008/02/03_6134.pdf

Riku3

11-08-2008, 04:00 PM

تسلم والله ماتقصر :) ..

ان شاء الله بكره الصبح بروح الجوازات اخلص معاملة التأشيرة وانقلها من زيارة الى تأشيرة عمل :) .

بس الله يسلمك ماتعرف شنو الخطوات الي بعدها بالترتيب ؟ .. لاني اليوم شوي ضايع وكنت بالنهاية بكلم مكتب يخلصلي السالفة ولا اعور راسي Xd .. بس انا من النوع الي احب اخلص كل شي بنفسي علشان اخذ الخبرة فيها @_@ .

المشكلة الجوازات عندهم رقم للاستفسار بس محد يرد :\ .. وانا صراحه ما اقدر اطلع من دوامي كل يوم والثاني >_<" .

والله كان ودي الشركة تجيب محاسب قطري صغير نعلمه ويكبر معانا وهو اولى بال 16 الف ريال بالشهر .. ولا احوس هالحوسه بس ربك يرزق والرجال طيب الله يوفقه .

jajassim

11-08-2008, 04:10 PM

تسلم والله ماتقصر :) ..

ان شاء الله بكره الصبح بروح الجوازات اخلص معاملة التأشيرة وانقلها من زيارة الى تأشيرة عمل :) .

بس الله يسلمك ماتعرف شنو الخطوات الي بعدها بالترتيب ؟ .. لاني اليوم شوي ضايع وكنت بالنهاية بكلم مكتب يخلصلي السالفة ولا اعور راسي Xd .. بس انا من النوع الي احب اخلص كل شي بنفسي علشان اخذ الخبرة فيها @_@ .

المشكلة الجوازات عندهم رقم للاستفسار بس محد يرد :\ .. وانا صراحه ما اقدر اطلع من دوامي كل يوم والثاني >_<" .

والله كان ودي الشركة تجيب محاسب قطري صغير نعلمه ويكبر معانا وهو اولى بال 16 الف ريال بالشهر .. ولا احوس هالحوسه بس ربك يرزق والرجال طيب الله يوفقه .

بعد ما تخلص الخطوة الأولى ،،، بلغنا ،، وفالك طيب ،،، لان بعد ما تقدم الطلب ،، تطلع التأشيرة بعد 3 أيام :nice: ونحن موجودين ،،وبنمشي معك خطوة خطوة ،،

الوعد2016

12-08-2008, 06:51 AM

بالتوفيق

Riku3

12-08-2008, 08:26 PM

بعد ما تخلص الخطوة الأولى ،،، بلغنا ،، وفالك طيب ،،، لان بعد ما تقدم الطلب ،، تطلع التأشيرة بعد 3 أيام ونحن موجودين ،،وبنمشي معك خطوة خطوة ،،
والله يا اخوك لوعو جبدي اليوم ..

اول شي رحت الصباح الساعة 9 والاوراق جاهزة بس ناقصه توقيع المدير لانه مشغول بإجتماعات فقلت اروح اتأكد من كل شي قبل لاقدم الاوراق ..

وبعدها الي موجودين بالبوابة 4 في الجوازات ماقصروا وقالوا موضوعك ان شاءالله خالص بس روح وقعها ..

وبعد ما وقعتها رجعت للجوازات الساعه 11 .. وطلع ان الشركات بعد الساعة 1 فجلست انتظر ..

وبعد ماجاي وقت الصلاة قمت اصلي ولما رجعت لقيت الصاله مليانه هنود شكلهم جايين بباصات ! .. ولما جلست انتظر وجات الارقام الساعه 1 ونص , وقمت كلمت الضابط علشان اخلص بالاول لاني موجود من قبل اذان الظهر .. بس قالي كلها 5 دقايق انتظر مو مشكلة .. .. جاي دوري الساعة 2 ونص

ولما رحت اقدم الاوراق الا يقولون لي مايصير لازم تكون مندوب الشركة ! .. اقولهم انا مواطن وانا مدير بالشركة يعني لو عندنا مندوب كان بيشتغل عند الي يشتغل عندي فكيف انا ما اكفي؟ .. وكلمت الضابط الموجود يقولي الموظف غير والمندوب غير .. ويفتحلي صورة قيد المنشأة ويقولي خل واحد منهم يجي بنفسه والموضوع بيخلص ! ..

اقوله اوكي اقرء الاسماء بالاول ... يعني تبيني اقول للشيخ تعال خلص الاوراق ؟ .. يقولي تعال الصبح وجيب ورقة من الشركة وخذ موافقة من ناصر العطية انك تكون مندوب الشركة , وبعدها تعال الساعه 1 مره ثانيه وقدم الاوراق ..

ياخوك مايسوى علي كل هالذل ! .. الشركة جديدة ومب بحاجه لمندوب دائم فرحت عطيتها لواحد مصري عنده محل تخليص معاملات وقالي موضوعك بسيييييييييييط وبيخلص بسهولة ! ..

بس ابي اعرف اللحين .. يعني كيف يقبلونها من واحد ماله دخل بالشركة ابداً وانا الي شغال بالشركة الكبيرة بوظيفة مسماها واضح ان انا المسئول العام عن التنظيم في الشركة .. والله عجيبه ! .

بديت اتعب ياخي شغال علاقات عامه وشئون مساهمين و IT وسكرتاريه وتنظيم مجالس الادارة والحمعيات العموميه ومصمم اعلانات للشركة .. وشكلي بنقلب المندوب بعد ههههه

اسمحولي على الاطاله .. وان شاء الله برجعلكم لما تخلص المعامله علشان باقي الاجراءات P: .

jajassim

12-08-2008, 10:19 PM

ولما رحت اقدم الاوراق الا يقولون لي مايصير لازم تكون مندوب الشركة ! .. اقولهم انا مواطن وانا مدير بالشركة يعني لو عندنا مندوب كان بيشتغل عند الي يشتغل عندي فكيف انا ما اكفي؟ .. وكلمت الضابط الموجود يقولي الموظف غير والمندوب غير .. ويفتحلي صورة قيد المنشأة ويقولي خل واحد منهم يجي بنفسه والموضوع بيخلص ! ..

:secret::secret:

Riku3

19-08-2008, 09:12 PM

اخوي جاسم والله ماقصرت معاي الله يجعله بميزان حسناتك وييسر امورك :) ..

اللحين انا انتهيت من الاجرائات التالية :-
- عمل تأشيرة جديدة (تأشيرة عمل) (300 ريال).
- نقل التأشيرة وتسجيل الجديدة بالجواز (500 ريال).
- عمل القمسيون الطبي (150 ريال).

وان شاء الله بكره بروح ادارة الادله الجنائية لعمل البصمه للمحاسب ! ..

بس بغيت اسألك اذا بتلحق تشوف الموضوع قبل 8 الصبح :"( ..

واحد قالي ان المفروض اطلع معلومات القومسيون من الانترنت واطبعها وبعدها اخذها البصمه وانا مافهمت ايش الاجراءات المطلوبه بالضبط ! .

الي اعرفه بالسابق عن شخص بدلت كفالته من والده الى الشركه هو اني اخذته للادله الجنائية واخذوا اوراقه وعملوله البصمه وانتظر اسبوعين ليما جاله الرفض ..

فإيش هالورقه الي يتلكلمون عنها @_@ .. وشنو الاجراء الي المفروض اعمله اللحين ... وهل صحيح ان المحاسب لازم يروح دحل وليس المعموره لاخذ البصمه ؟

jajassim

19-08-2008, 10:47 PM

اخوي جاسم والله ماقصرت معاي الله يجعله بميزان حسناتك وييسر امورك :) ..

اللحين انا انتهيت من الاجرائات التالية :-
- عمل تأشيرة جديدة (تأشيرة عمل) (300 ريال).
- نقل التأشيرة وتسجيل الجديدة بالجواز (500 ريال).
- عمل القمسيون الطبي (150 ريال).

وان شاء الله بكره بروح ادارة الادله الجنائية لعمل البصمه للمحاسب ! ..

بس بغيت اسألك اذا بتلحق تشوف الموضوع قبل 8 الصبح :"( ..

واحد قالي ان المفروض اطلع معلومات القومسيون من الانترنت واطبعها وبعدها اخذها البصمه وانا مافهمت ايش الاجراءات المطلوبه بالضبط ! .

الي اعرفه بالسابق عن شخص بدلت كفالته من والده الى الشركه هو اني اخذته للادله الجنائية واخذوا اوراقه وعملوله البصمه وانتظر اسبوعين ليما جاله الرفض ..

فإيش هالورقه الي يتلكلمون عنها @_@ .. وشنو الاجراء الي المفروض اعمله اللحين ... وهل صحيح ان المحاسب لازم يروح دحل وليس المعموره لاخذ البصمه ؟

الله يعيينك أخوى ،،، ادخل على موقع وزارة الداخلية ( اضغط هنا (http://www.moi.gov.qa/site/arabic/index.html) ) واختار متابعة وطباعة طلب الاقامة

http://up.do7a.com/get-8-2008-do7a_com_50dxx1ib.png (http://up.do7a.com)

وهذا ( الاوبش ) ما يطلع الا بعد الحصول على نتيجة الفحص الطبي ( القومسيون الطبي ) على العموم جرب وادخل الموقع ،، وبعد ما تعبي النموذج ،، اطبعه ، وخذ معاك للبصمة في الدحيل ( للشركات ) :nice:

qatar.up

20-08-2008, 01:02 AM

الفيزا للبيع

Riku3

20-08-2008, 09:18 AM

وهذا ( الاوبش ) ما يطلع الا بعد الحصول على نتيجة الفحص الطبي ( القومسيون الطبي ) على العموم جرب وادخل الموقع ،، وبعد ما تعبي النموذج ،، اطبعه ، وخذ معاك للبصمة في الدحيل ( للشركات )
يعطيك الف عاااافية ياخي تعقدت وانا ادور امس ههههه .. المشكلة ان الاوبشن مايوضح محتواه ..

بس والله مشكلة لازم اوديه دحيل وزحمة الادلة الي هناك :/ .. شكلي بسوي نفسي غشيم بالاول واروح العزيزية واتمصلح يمكن يمشوني P: .

بس بالاول لازم ننتظر المخول بالتوقيع لانه مسافر وراجع بكره ان شاء الله .. وبعدها ان شاء الله بخلص من هالسالفة الممله هههه .

الفيزا للبيع
خلاص تسجلت طال عمرك وين للبيع هههه .. في شي بقطر صار مب للبيع هالايام ! P: .