((ابي افكار حلوة ممكن تساعدوني ))

[ام راشد]

السلام عليكم ورحمة الله وبركاته

بغتيت تساعدوني ابي افكار حلووووة حق توزيعات حق عيد الميلاد بس حق الكبار توزيعات حق
بيبي ولد اذا عندكم افكار لاتبخلون علي بليــــــــــــــــــز

[ام راشد]

للرفع

[@ دانتيل قطر @]

هلا
أم راشد
أنا عندي فكرة ودايما أطبقها في حفلات بناتي
وهي عباره عن هدايا مختارة ومنوعة للكبار
مثل
بخور
عطر
كريم
شموع
أكسسوارات
أكواب
حصالة
اللي تبين يعني منوعة
:discuss:

وتحطينها في كيس وتكتبين أرقام من 1 -20 مثلا
وتكتبين في أوراق صغيرة نفس الارقام
وتخلين كل وحدة من الحريم تاخذ رقم 00وهي وحظها شنهو بيطلع لها
وخليها تفتح الهدية جدامكم
والفكره حلووه تسويي جو للحفلة
أنا دايم أطبقا والحريم اللي يجوني يستانسون
ويقولون لي ماقصرتي
عاد أنتي وشطارتج في الهدايا السنعة

وبالنسبة للأولاد خذي لهم حصالات بيستانسون عليها
أنا مجربة
ومشكورا
وأن شاالله فكرتي تعجبج

[ام راشد]

ماقصرتي حبيبتي على الفكرة الحلوة بس للا سف انا مراح اسوي حفله لان بيكون في رمضان بس باوزع هدايا حق الحريم الكبار مب عارفه شاخذ ..

[ام راشد]

للرفع

[khk]

عيد ميلاد وفي رمضــــــــــــــــــــــــــــــــــــــــــــان؟ ؟؟؟؟؟؟

[ام راشد]

صادف التاريخ جذي وانا مراح اسوي حفله ولا بنحتفل انا ابي اسوي بس هدايا

[ام راشد]

للرفع

[بو فـهـد]

الاعياد الميلاد حرام سواء برمضان ولا غيره

يا ليت ترجعين بهالقرار ومعوضه خير

:victory:

[فنان قطر]

تصدقي للمحتاجين بفلوس الهديا أحسن لج ... وخلي الاجر أجرين وخاصة في رمضان

[خشوف]

وزعي مداخن وبخور

[VIPLady]

روحي فوشون
اختاري اكوابهم Mug فيه ابيض واسود وفيه الملونين
اختاري كم حبه تبين وخل يحطون لج فيها 3 او4 حبات شوكليت من عندهم
وبعدين يحطونه في علب ( السمول سايز) ويغلفونه بجلادهم و يربطونه بطريقه جدا راقيه وتجيج العلبه كشخه وكبيره و الكوب الخاص في فوشون الكل يحب شكله و راح يستفيد منه ..
انا هذي كانت توزيعاتي لولادتي ....وتقديرن تخلينها للحفله دامها توزيعات للكبار ...شي جدا راقي ويبين في العين .


دورت لج الصور بس ماحصلتها عندي ...للاسف
اذا حفلتج مو مستعجله عليها بنطر بنات اختي بيرجعون اخر الشهر من السفر و اتوقع عندهم صور الديكورات ايام ولادتي...

Happy birthday

[ام راشد]

مشكورين وماقصرتوا على الافكار الحلوة ..

[ام راشد]

الاعياد الميلاد حرام سواء برمضان ولا غيره

يا ليت ترجعين بهالقرار ومعوضه خير

:victory:

انا مراح احتفل ولا باسوي حفله في رمضان ولا غيره

[ام راشد]

تصدقي للمحتاجين بفلوس الهديا أحسن لج ... وخلي الاجر أجرين وخاصة في رمضان

جزاك الله خير انشالله

[VIPLady]

عفوا يعني حتى بلفه وتغليف الهدايه و طلب التوزيعات قلتوا حلال و حرام؟؟
اتوقع مثاليه زايده ...
والمفروض ما نشتري ولا شي و لا نعيش حياتنا و نتصدق بكل شي عندنا و نعيش على عيش .. وخبز .. وماي .؟؟؟
والله يثبت دينكم انشالله ويهدي جميع امه محمد...

السموحه على المداخله بس غصب عني