### تحذير أو نصيحه ... حاسبوا من لموزين المطار####

[هاجن داز]

اغلبهم يغشك بالسعر والعداد قبل لتركب معاه

نصيحه اذا بتركب لموزين امامك خيارين :

الاول: انك تسأل الموظف الي عند الباب ويسجل الاسامي عن تكلفة العداد بداية مايفتح
وعن الكيلو متر بكم ؟

الثاني : انك اذا وصلت المكان المطلوب شوف العداد قبل لايوقف كم واطلب من سايق السياره
فاتوره وهو لازم يطلعها بس اذا طلبتها وعاده يكون مكان الآله في الطبلون من الجهة اليسرى بجانب باب السايق .

واذا تبي تصيده سومثلي اليوم :

وقف السياره داخل البيت وعلى طول سكرالعداد وانا قدني شايف العداد كم ... ( 60 ريال ) وشافني مشغول مع اليهال والشنط وقعد ينزلهم وبعد ماخلص قلت له كم :
قال ( 85 ريال ) !!!!!

قلت له : وين الفاتوره .... <<< توهق
راح وسحبها الا هي (60 ريال )

وبالمواجهه قعد يلف ويدور ويقول ضريبة المطار ولاني وقفت .... المهم وويهه معتفس

فحذاري منهم لان هالموضوع حصل لي في كل مره ارجع فيها البيت باللوموزين
وانا مابالغ اذا قلت انه في كل مره ؟؟؟؟

لان عندهم مبدأ ( ان القطري مايفهم يدفع وبس زي ....... )













فنصيحه وحذاري منهم

اخوكم هاجن بن داز

[nor85]

احنا يوم رجعنا من السفر فتح العداد من المطار 18 ريال نصابين

[كاتم الاسرار]

يعطيك العافيه على الموضوع والانتباه بس المشكله في ناس ما تدري والله مثل كبار السن او مستجعل ولا يشوف العداد المهم يوصل

انا مره ركبت لموزين جاكور وما ادري المهم يوم وصلت قال لي 120 ريال الصراحه كنت تعبان من السفر بس سئلته ليش قال عشان الموتر جاكور وجديد والله

بس من عقبها حرمت الموزيييييييييييييييييين

[حصة911]

نصيحة جيدة والله

[هاجن داز]

كل الشكر لكل من علق على الموضوع

وترى التنبيه واجب

[الجنوبي 11]

المفروض تبليغ الشركة عنهم وتسجيل رقم السيارة،او طلب الشرطه لهم ،بطريقتنا هذي فعلا بيعتقدون اننا ندفع وبس ،ودايما نسامح من منطلق الطيبه.

[سوق واقف]

وين الرقابة

[بنت المنتدى]

اي وربي انك صادق


مره صكني بسعر 160 ريال شكيت اني ساكنه في البحرين:omg:




جزاك الله كل خير

[هاجن داز]

المفروض تبليغ الشركة عنهم وتسجيل رقم السيارة،او طلب الشرطه لهم ،بطريقتنا هذي فعلا بيعتقدون اننا ندفع وبس ،ودايما نسامح من منطلق الطيبه.

كلامك صحيح اخوي

بس بعد الواحد اذا مكمله 10 ساعات في الجو والمطارات ومخسر الآف
فماعنده مشاكل يدفع من غير ليشوف المهم يوصل البيت

على العمموم انا اليوم مسافر وبارجع 22 /8 وباشوف شبيسوون

وباعمل لهم سالفه وباوافيكم بالموضوع

[هاجن داز]

وين الرقابة

اي رقابه دام مافيه اوراق موجوده في اللموزين تنبه الراكب بالاسعار

لازم تكون فطين وتفتح عينك

[هاجن داز]

اي وربي انك صادق


مره صكني بسعر 160 ريال شكيت اني ساكنه في البحرين:omg:




جزاك الله كل خير

شكله ضرب عليك ضربه عوده

لكنها في ذمته ... واحذري ثاني مره :)

[بنت المنتدى]

كلامك صحيح اخوي

بس بعد الواحد اذا مكمله 10 ساعات في الجو والمطارات ومخسر الآف
فماعنده مشاكل يدفع من غير ليشوف المهم يوصل البيت

على العمموم انا اليوم مسافر وبارجع 22 /8 وباشوف شبيسوون

وباعمل لهم سالفه وباوافيكم بالموضوع




:funny::funny::funny:


شكلك متحلف فيهم الله يحفظك وترجع بالسلامه انت روح وقولنااا لاني بسافر في 21 ان شاءالله وشكلي بسوي نفس كل مره بصف سيارتي لان ذيك المره كانت غلطه :anger1: وكان اللي يسوق الليموزين سوداني والله العظيم دخلنااا رونق سايد .. شفت من وين تطلع السيارات احنا رحنا لهم يعني كنا بندعم وجه بوجه انا ورفيجتي اغمى علينا :weeping: حسبي الله عليه


يلااا انت لاتطير عنك الطياره الله يحفظك

[هاجن داز]

:funny::funny::funny:


شكلك متحلف فيهم الله يحفظك وترجع بالسلامه انت روح وقولنااا لاني بسافر في 21 ان شاءالله وشكلي بسوي نفس كل مره بصف سيارتي لان ذيك المره كانت غلطه :anger1: وكان اللي يسوق الليموزين سوداني والله العظيم دخلنااا رونق سايد .. شفت من وين تطلع السيارات احنا رحنا لهم يعني كنا بندعم وجه بوجه انا ورفيجتي اغمى علينا :weeping: حسبي الله عليه


يلااا انت لاتطير عنك الطياره الله يحفظك

ربي يسلمك

اذا تكرر الموضوع معاي صدقيني باسوي لهم فضيحه بجلا جل
وباتصل في الشركه وباهزئهم :telephone:

بالنسبه للتاخير احس صج اني تأخرت:rolleyes2:

طيارتي الساعه 8 وللحين مالبست ............. اشوفكم على خير:nice:

[التيما]

ليش الليموزين ؟؟

[السهم الذهبي]

الليموزين الجاكور اسعاره مشوار داخل الدوحه 125 وخارج الدوحه 175
الاسعار امبالغ فيها الصراحه اضافة انه لايوجد فيها عداد ..
صادني هالموقف واتصلت وعطوني الاسعار الي ذكرتها

[جوال 11]

كل بيت فيه أكثر من سائق والأصدقاء ما يقصرون والجيران والأهل
ولا تعرض نفسه لسيارات المطار معظم الناس في البلد رواتبهم ما تكفي ويحاولون بكل الطرق الحصول على المال
والله يحفظ الجميعمن جشعهم

[>>> غــمـــوض <<<]

جزاك الله الف الجزاء على التنبيه
انه من النوع اذا كنت راده من السفر الاهل يجون ياخذونه ،، بس الواحد مايدري بالظروف الايام الجايه شلون بتكون
وشي طيب انك تنبهنا عشان الواحد ياخذ احتياطاته وحذره:nice: