مطعم بلهمبار ..؟

[فارس الكلمة]

صورت هذا المطعم الجميل المبني على طراز تراثي رائع..

و الواقع على كورنيش الدوحة .. و قد زار هذا المطعم .. عدد من الملوك و الرؤساء..

لكن تم إغلاقه منذ فترة للصيانة أو تجديد الديكور .. و لا أدري إن كان تم إفتتاحه أم لا ..؟

من لديه معلومة .. يرجى تزويد أعضاء المنتدى الكرام بشأنه ...:nice:

http://www.arb-up.com/files/arb-up-2008-6/HLC79478.jpg

[SomeOne]

صورت هذا المطعم الجميل المبني على طراز تراثي رائع..

و الواقع على كورنيش الدوحة .. و قد زار هذا المطعم .. عدد من الملوك و الرؤساء..

لكن تم إغلاقه منذ فترة للصيانة أو تجديد الديكور .. و لا أدري إن كان تم إفتتاحه أم لا ..؟

من لديه معلومة .. يرجى تزويد أعضاء المنتدى الكرام بشأنه ...:nice:

http://www.arb-up.com/files/arb-up-2008-6/HLC79478.jpg


قبل أسبوع رحتلهم ،، لقيت مسكر ،، كان خاطري في مرقوق باللحم

وكان سعر البوفية للكبار 100 ريال والأطفال 50 ريال هذا كان في السابق ،، أكيد بعد تجديد الديكور ،، بيكون السعر للكبار 450 ريال :whistling:

[وطن]

الصراحة كان خوش مكان

[أمة الله]

رحته كذا مره من قبل...على روعة المكان والشكل التراثي لكن للأسف الشديد انهم جداً مهملين من ناحية النظافة وجودة الخدمة والأكل....الاستكانات والقفاش وصخه ولمن تطلب هريس وإلاّ هالشغلات دومه بارد....

ان شاء الله يتم تجديده وتحديثه من كـــــل النواحي لأنه بصراحه جداً ممتاز كموقع وتصميم :)

[AmOuR]

شكله حلـــو ..

يعطيك العافيهـ أخوي ع الصوره ..

[فارس الكلمة]

قبل أسبوع رحتلهم ،، لقيت مسكر ،، كان خاطري في مرقوق باللحم

وكان سعر البوفية للكبار 100 ريال والأطفال 50 ريال هذا كان في السابق ،، أكيد بعد تجديد الديكور ،، بيكون السعر للكبار 450 ريال :whistling:

أعتقد من كان يديره .. دار الإنماء الاجتماعي .. لمساعدة الأسر المنتجة

في زيادة دخلها .. لكن لا أدري لماذا تم إغلاقه ..؟

[فارس الكلمة]

الصراحة كان خوش مكان

يعني سيرتي عليهم من قبل ..؟

فعلاً .. منظر جميل أمام البحر .. و أمواجه تتدحرج على شطآنه ..

[وطن]

يعني سيرتي عليهم من قبل ..؟

فعلاً .. منظر جميل أمام البحر .. و أمواجه تتدحرج على شطآنه ..

ايه أكيد سيرت عليهم
كم مره بعد

صحيح الأكل خصوصا الهريس ماله علاقه بطباخنا الأصلي
بس كانت فكرة حلوة وبداية جيدة

[SomeOne]

ايه أكيد سيرت عليهم
كم مره بعد

صحيح الأكل خصوصا الهريس ماله علاقه بطباخنا الأصلي
بس كانت فكرة حلوة وبداية جيدة

يعني الهريس طبخة هندية:omg:

[وطن]

يعني الهريس طبخة هندية:omg:

هاهاهاهاها

لا الصراحة الهريس مالهم كأنه شي من منتجات ماجي
ماله علاقة بالهريس القطري

[السهم الكلاسيكي]

أعتقد من كان يديره .. دار الإنماء الاجتماعي .. لمساعدة الأسر المنتجة

في زيادة دخلها .. لكن لا أدري لماذا تم إغلاقه ..؟

المطعم ملك سيدة اعمال قطرية وسيعاد افتتاحة بعد تجديد ات في الصيانة والادارة

[اعالي الجنان]

سمعت به بس ماجربته

[فارس الكلمة]

رحته كذا مره من قبل...على روعة المكان والشكل التراثي لكن للأسف الشديد انهم جداً مهملين من ناحية النظافة وجودة الخدمة والأكل....الاستكانات والقفاش وصخه ولمن تطلب هريس وإلاّ هالشغلات دومه بارد....

ان شاء الله يتم تجديده وتحديثه من كـــــل النواحي لأنه بصراحه جداً ممتاز كموقع وتصميم :)

المطاعم .. عموماً تحتاج إلى إشراف و رقابة مستمرة .. خصوصاً جودة

الطعام .. و نظافة المكان .. و العناية بالأواني و أدواتها ..

[QAT2020]

الظاهر انا موب موجود في الدوحه :) ... ولا ادري عنه متى افتحوه ولا متى سكروه ... خبرك من النوع اللي بيت + شغل + الاهل .. فقط :secret:
وسؤال يا أخواني وين مكانه المطعم :shy: ... ؟

وشكراً لك على الموضع الجميل ..

[لجين]

رحت له مرة من 3 سنوات تقريبا

ولا افكر اروح له مرة ثانية

صج القعده حلوة بس مثل ما قالت الاخت امة الله مب نظيف

اذكر كنت مندمجة اطالع الديكور القديم الا بريعصي عند الكرسي اللي جمبي يقولي هاااي

[شكري وتقديري]

فكرة المطعم كان جيدة بحيث يكون أنموذجا للمطاعم الشعبية لكن التنفيذ والمتابعة حدث فيها

بعض الخلل مما جعل المطعم يتأرجح بين التشغيل والإغلاق والخوف من الإغلاق التام لأن مثل

المشاريع وإن بدأت صغيرة إلا أنها تحتاج إلى سيولة متدفقة وإدارة قوية لمداومة تشغيلها .

الله يرد له لأننا في قطر ليس لدينا مطاعم شعبية منافسة للمطاعم الأخرى في المستوى .

[jajassim]

:

وسؤال يا أخواني وين مكانه المطعم :shy: ... ؟

..



http://up.do7a.com/get-8-2008-do7a_com_802u51vk.png (http://up.do7a.com)

http://up.do7a.com/get-8-2008-do7a_com_5ftupv1f.png (http://up.do7a.com)

http://up.do7a.com/get-8-2008-do7a_com_1g2o8dt3.png (http://up.do7a.com)



:whistling::whistling::whistling:

[almulla]

كفكرة وااايد حلو

بس كتطبيق مشكلة

سمعت ان في مافيا تسيطر على المطاعم مايبون مطاعم شعبية (زينة ونظيفة) تفتح في سوق واقف

[blueZircon]

المطعم مسكته اداره لبنانيه وسوف يتم تغيير اسمه

[بويوسف]

ماشالله اللبنانيين في كل الديرة ..

[شذى الحياة]

مامره شفته ...وشوقتووني له ...

لكن اذا السالفه فيها بريعصيه وزهيويه :omg:...لا والله بلا منه...

اسوي مرقوووقه بالبيت احسن لي ...:)

[بوحارب]

ماشالله اللبنانيين في كل الديرة ..

ما شاء الله وليس ماشالله:shy:

[بوحارب]

قبل أسبوع رحتلهم ،، لقيت مسكر ،، كان خاطري في مرقوق باللحم

وكان سعر البوفية للكبار 100 ريال والأطفال 50 ريال هذا كان في السابق ،، أكيد بعد تجديد الديكور ،، بيكون السعر للكبار 450 ريال :whistling:


100 ريال ظرب 100 قلاص شاي يساوي 3 شهور وعشر ايام شرب كرك:(

يعني حرام اضيع 100 ريال في يوم واحد

اشرب فيها كل يوم قلاص كرك لمدة ثلاث شهور وعشر ايام ابرك لي:shy:

[امـ عبدالله]

رحت له من مده شهر

حصلت بو عيون زرق وشعر اشقر ايديره

غميضه على المطعــــــم تغير اسمه بس الافته لين الحين :(

والله يعطيها العافيـــــــــــه الي كانت اديره وماشالله على طباخها

وراح المجبوس وراحت المضروبه

ردينا على المشاوي و المحاشي ماجنه طفحنه منهم

[سهم مديون]

ان شاء الله يفتحونه قبل رمضان خاطري اتسحر فيه !

[سعد آل شريم]

المطعم تابع للمكتب الهندسي ... وتأجر على ناس لبنانيين ... وأن شاء الله راح ينفتح قريب

[Abdulla Ahmed]

ايش تبغون بالمطاعم

كل يوم شكاوي واحوال

يوم زهيوي في الصلونه ويفكرونه بصل محموس

ويوم ذيل ابريعصي في الشوربه ويفكرونه معكرونيه

ويوم خنفسانه في المضروبه ويفكرونها لومي اسود

غير الطباخ واحواله وصاخه في وصاخه

واللحم عاد

الله يعلم لحم اكلاب والا قطاوه

ما ازين اكل البيت ونظافته

والقعده بدون حجاب والسوالف والضحك والتجدي

الله يرحم أمي وامهاتكم

ما احلى ذيك الايام

[الوعد2016]

امس مريت على المكان وكان مغلق
صاحب المطعم محتاج واسطه عشان يوسع ويدفن البحر عشان التوسعه

[The Blade]

فديت اكل الوالده :)
الله يطول في عمرها

[عذب الكلام 1]

المطعم جميل ومكانه اجمل لكن سعره غالى واكله بارد والخدمه بطيئه بس مادري تغير الان نشوف قريباا

[فارس الكلمة]

شكله حلـــو ..

يعطيك العافيهـ أخوي ع الصوره ..

سعدت بتشريفك للموضوع ..


المطعم ملك سيدة اعمال قطرية وسيعاد افتتاحة بعد تجديد ات في الصيانة والادارة

المطعم على ما أعتقد ملك للدولة ..شكراً على الإضافة ..


سمعت به بس ماجربته

إن شاء الله تجربينه .. و نسمع رأيك عنه ..



الظاهر انا موب موجود في الدوحه :) ... ولا ادري عنه متى افتحوه ولا متى سكروه ... خبرك من النوع اللي بيت + شغل + الاهل .. فقط :secret:
وسؤال يا أخواني وين مكانه المطعم :shy: ... ؟

وشكراً لك على الموضع الجميل ..

تحية لك..
المكان تم توضيحه من قبل السيد جاجاسم ..
رحت له مرة من 3 سنوات تقريبا

ولا افكر اروح له مرة ثانية

صج القعده حلوة بس مثل ما قالت الاخت امة الله مب نظيف

اذكر كنت مندمجة اطالع الديكور القديم الا بريعصي عند الكرسي اللي جمبي يقولي هاااي

البريعصي زائر معتاد .. ربما يحتاج إلى من يكرمه بضربة عصى على رأسه ..

[QAT2020]

http://up.do7a.com/get-8-2008-do7a_com_802u51vk.png (http://up.do7a.com)

http://up.do7a.com/get-8-2008-do7a_com_5ftupv1f.png (http://up.do7a.com)

http://up.do7a.com/get-8-2008-do7a_com_1g2o8dt3.png (http://up.do7a.com)



:whistling::whistling::whistling:



صراحه انت اتخوف .. بالاقمار الصناعيه :nice:

شكراً لك ...

[hamoor4ever]

يستاهلون هل لبنان بيديرونه صح بيجيبون شيش وشويه اغاني ودق عود وطبل و رقص خفيف ، وبيدخل ذهب عليهم هاذي الناس اللي تخطط صح ومايهمهم مصدر المال حلال ولا لا مب احنا اكلات شعبيه هريس وثريد

بالبركه

[بوحارب]

يستاهلون هل لبنان بيديرونه صح بيجيبون شيش وشويه اغاني ودق عود وطبل و رقص خفيف ، وبيدخل ذهب عليهم هاذي الناس اللي تخطط صح ومايهمهم مصدر المال حلال ولا لا مب احنا اكلات شعبيه هريس وثريد

بالبركه

ركز على هالنقطة يالهامور :victory: