السلام عليكم ورحمه الله وبركاته

[راعي ال2008 الاسود]

كيف الحال يااعضاء منتدانى الرائع اخباركم ان شاء الله بخير

انا حبيت اني استشيركم في موضوع سفر شهر العسل وين تنصحوني في جنوب شرق اسيا
ول جولة في اوروبا ومن ماخاب من استشار ابغي اعرف لاني ماقد سافرت برا وحبيت اعرف
من ناحية السكن ول الاسواق والجو شلون هناك وحبيت اشستشيركم جنوب شرق اسيا مثل
ماليزيا وتايلند ول جولة اوروبية وابي الكل الي يشارك يعطني تجربتة على الدولة الي زارها
من هالدول الاوروبية وشينصحني فيها وابي اعرف شلون الاسعار هناك

وبالتوفيق ان شاء الله للجميع وارجوا من الكل يشارك معااي في هالموضوع :nice::nice:

[اعالي الجنان]

وعليكم السلام ورحمة الله وبركاته

يسرني اكون اول من يبارك لك اخوي بالمبارك والله يتمم عليكم ان شاءالله وسفره سعيده

ان شاءالله يفيدونك الاعضاء

[إنتعاش]

الله يبارك لك اخوي وعساه زواج مبروك وسعيد
ومنك المال منها العيال ياخوي

بس حبيت انك تذكر للاخوان معلومتين :

1- تاريخ السفر : حتى يعرفون في هالاوقات اي البلدان احلى كجو

2- هل التركيز يكون على المناظر الطبيعيه الخلابه ؟ او المدن التاريخية والمعروفة ؟ او التسوق ؟

3- الميزانية في حدود كم وكم ليله انت بتسافر

كل هالنقاط ياريتك تذكرها

وان شاءالله اخوانك واخواتك ما يقصرون معاك

[LOLOO]

الــــــــــــــــــــف مبروك اخوي....وبالرفاء والبنين ان شاء الله


نصيحة اخوي.....اوروباااااااااااااااا.......وبس

جنوب شرق اسيا مثل ماليزيا وااجد يرحوون لها شهر عسل..بس انا كجو كلششششش
ماعجبتني....


والله يوفقك وتروح مكان يعجبك وتستانس فيه....

[بنت المنتدى]

http://abeermahmoud2006.jeeran.com/574-Wedding-Greetings.gif

والله يوفقك ان شاءالله ويتمم لك على خير يارب





نصيحتي يااخوي انك تروح



(( قلب أوروبا النابض ))



النمسا مافيه اروع منهااا على كثر مارحت ارتحت فيها لدرجه كبيره ..

تهبل من ناحية الجو والامان وكل اللي تشوفهم تحسهم معاريس :shy:




وعندك كوالالمبور حلوه وفيها جزر ومناطق كثيره لكن عيبها شي واحد .. شفت جو الدوحه .. بالضبط هذا هو جوهم .. بس البلد امان ومسلمين وعرب وشكثر يعني شي حلوووو وتقريري ان شاءالله يفيدك ..



تايلند ماانصحك فيها ماقولك مش حلوه هي اوكي لكن مش لشهر العسل لان جوها وسخ وشوارعها مش نظيفه حتى ريحة شوارعهم لوعه والله .. انا رحتها كم مره لكن على طول اطلع الجزر :) لاني مااستحمل ريحة الضفادع والبريعصيه المشويه :weeping:









لكن اعطيك 100% النمسا وبس

[البنز]

في اي شهر ناوي تروح اخوي ؟؟

وألف مبروكـ مقدماً ..

[الغزال العارضية]

المكان حلو والاسعار مناسبه في ماليزيا وهونغ كونغ وسنغافوره وحتى المكان نظيف وامن

بس نصيحه لاتروح تايلاند بتخرب عليك الجوو الرومانسي وجو شهر العسل


انصحك تروح فيينا حق شهر العسل المكان رومانسي وهادي

والله يوفقك ان شاء الله ويرزقك

[HADi]

الف مبروووك اخوي ..

وانا اشوف ان شهر العسل يحتاج .. يكون الجو حلو والبلده هاديه

وانصحك في اروبا

[راعي ال2008 الاسود]

السلام عليكم يالاعضاء في غلط مطبعي انتوا مافهمتوا انا اسأل المكان حق شهر العسل للمتزوجين لان عمي
بيعرس وانا اسأل له وين المكان على شان بيعرس ان شاء الله بعد اسبوعين وابي اسأل له شنو الاحلى
مكان حق شهر العسل وانتوا الله يهديكم حطيتنوي في الصورة وبالتوفيق ان شاء الله للجميع

[راعي ال2008 الاسود]

تسلموووون يالاعضاء على هالمرور الطيب وماقصرتوا

[راعي ال2008 الاسود]

وبالتوفيق ان شاء الله للجميع

[الوعد2016]

كيف الحال يااعضاء منتدانى الرائع اخباركم ان شاء الله بخير

انا حبيت اني استشيركم في موضوع سفر شهر العسل وين تنصحوني في جنوب شرق اسيا
ول جولة في اوروبا ومن ماخاب من استشار ابغي اعرف لاني ماقد سافرت برا وحبيت اعرف
من ناحية السكن ول الاسواق والجو شلون هناك وحبيت اشستشيركم جنوب شرق اسيا مثل
ماليزيا وتايلند ول جولة اوروبية وابي الكل الي يشارك يعطني تجربتة على الدولة الي زارها
من هالدول الاوروبية وشينصحني فيها وابي اعرف شلون الاسعار هناك

وبالتوفيق ان شاء الله للجميع وارجوا من الكل يشارك معااي في هالموضوع :nice::nice:

الاسعار ارخص من الدوحه لاي مكان في العالم سكن شرب اكل اي شي تبي والجو عجييييييييييييييييييييييييييييييييب بعد ومش رطوبه

[ولد شرق]

اخوي
انصح بماليزيا
اخوي اسأل مجرب ولا تسأل طبيب
انا ماخليت دوله في اروبا ومارحت لها
انصحك بماليزيا ناس محترمين والمدينه فيها امان بفضل الله ودوله مسلمه وطبيعه خلابة جدا
ليش اتروح دوله تعاملها مع المسلمين مش ولابد وتحرج نفسك وانت معرس جديد

واذا ناوي على ماليزيا تفضل الموقع للمعلومات فقط يعني احجز عن طريق اي مكتب في قطر ولكم الموقع يحتوي على جميع المعلومات اللي تحتاجها

http://www.daleel-malaysia.com/

اخوي وعندي لك سواق مسلم متلزم واخلاقه عالية اذا نويت على ماليزيا بعطيك رقمه...

والله يبارك لك...

[limited]

اخوي راعي الاسود 2008
بادئ ذي بدء مر على مكه وخذ لك عمره انت وعروسك وبعدها سافروا النمسا وهي مثل ما قالو لك الاخوان مناسبه جدا للاستجمام ومريحه نفسيا وتشرح الصدر وخصوصا زلامسي

[اعالي الجنان]

السلام عليكم يالاعضاء في غلط مطبعي انتوا مافهمتوا انا اسأل المكان حق شهر العسل للمتزوجين لان عمي
بيعرس وانا اسأل له وين المكان على شان بيعرس ان شاء الله بعد اسبوعين وابي اسأل له شنو الاحلى
مكان حق شهر العسل وانتوا الله يهديكم حطيتنوي في الصورة وبالتوفيق ان شاء الله للجميع

اهااا

فهمنا غلط !!

يله فال خير لك اخوي :)

[راعي ال2008 الاسود]

لاهنتوا يالاعضاء على المرور الطيب والحلو

[VIPLady]

أوروبا افضل مكان لشعل العسل .. وجوها يكون حلو ..

باريس
حلوه لشهر العسل
وفيما مطاعم راقيه للعشى بليل اذا طالعين سهره
والشوبنق من اروع ما يمكن

وبالنسبه للاسعار الفنادق وغيرهم ماعندي خبره .. تقدر تشوف الاسعار بالسايت على حسب الفندق الي تبيه ..

[راعي ال2008 الاسود]

لاهنتوا يالاعضاء على المرور الطيب وارجوا من اغلاق الموضوع