مشكلة في بناء ملحق

[شاعر المليون]

ويرغب أنه يبني ملحق في بيت أهله مكون من غرفة ونوافعها بس للأسف

البلدية رافضه الطلب والعذر أن البيت عليه هدم واعادة بناء البيت من بيوت

التركيب واللا سكان يقولون عليه هدم من 2002 ومممنوع البناء فيه حاليا

ايش الحل برايكم يبني بدون ترخيص ولا بيكون عليه مخالفة وقد يلزمونه بالازالة

الهدف من البناء ( الزواج)

[رآعي موآجيب]

عاد هذا الي ماله حل

والله مادري هالناس شلون تفكر ,, يعني وين اروح ؟

من 2002 البيت عليه هدم ومجمدين أمور خلق الله لين متى !! هذي راحت 6 سنوات بدون أي شي !!!!

الله يكون في عونا

يتوكل على الله ويبني وإذا جاء وقت الهدم يحلها ربك
وعليه بالكيربي أوفر والبيت عليه هدم يعني لا يخسر عمره

[عاشق الشهادة]

ويرغب أنه يبني ملحق في بيت أهله مكون من غرفة ونوافعها بس للأسف

البلدية رافضه الطلب والعذر أن البيت عليه هدم واعادة بناء البيت من بيوت

التركيب واللا سكان يقولون عليه هدم من 2002 ومممنوع البناء فيه حاليا

ايش الحل برايكم يبني بدون ترخيص ولا بيكون عليه مخالفة وقد يلزمونه بالازالة

الهدف من البناء ( الزواج)




مثل ماقال أخوي نمر , يبني ويتوكل على الله بدون رخصه :weeping:

[زقرتي ومزاجي]

ويرغب أنه يبني ملحق في بيت أهله مكون من غرفة ونوافعها بس للأسف

البلدية رافضه الطلب والعذر أن البيت عليه هدم واعادة بناء البيت من بيوت

التركيب واللا سكان يقولون عليه هدم من 2002 ومممنوع البناء فيه حاليا

ايش الحل برايكم يبني بدون ترخيص ولا بيكون عليه مخالفة وقد يلزمونه بالازالة

الهدف من البناء ( الزواج)



واحد من الربع بنى له ملحق ... وربي لين الحين متلعوز مع البلديه
وصلوا البيت ولصقوله ستيكر .. (( مخالفه مباني ))

يوم يقولون له ازاله .. ويوم مخالفه لين الحين مارسى على بر

اقولك اخوي من واقع تجربه .. وانت حر :)) بالتووفيق

[naklan]

لو انت في اي بلد اسيوي تقدر تبني في ارضك الي تبي بس عندنا عراقيل لو توزعها تكفي العالم كله اتصدق شارع ترخص تجاري 2006 لي اليوم التخطيط ما افتى كم الارتفاع ولا تقدر تبني فيه لي اليوم انصحك اخوي نصيحه مجرب اعمل ملحق بورت كبن احسن من الكيربي والمباني الرخيصه والبلديه ما تقدر تقول لك شي وقت هدم البيت تفكه وتبيعه وفيه الان ملاحق بورت كبن راقيه وفيها دوره مياه ولله يوفقك

[الوعد2016]

اقولك ابن ولا عليك من البلديه البناء في الليل افضل شي والكهرباء تحتاج شي بسيط

[A.L.I]

اقولك ابن ولا عليك من البلديه البناء في الليل افضل شي والكهرباء تحتاج شي بسيط


بس لا يحط مواد البناء برع البيت

[moonبنتnight]

الله يعينك 00 لحين بالبناء في هل الوقت أزمة 00
الأزمة في أسمنت و الحديد 00 وبناء يكلف وايد 00
وصج سمعت أن عليها هدم بحلول 2010م 00
والله مستعان 00

[_QTR_]

خله يفصل له بورت كابن احسن له

عشان اذا صار شيء يكون هو في السليم

[فراغ]

أعرف شاب كانت عنده مثل هذي المشكلة ونفس الظروف يبغي يتزوج والمشكلة أن بيتهم جنب البلدية يعني أذا بنا بصيدونه على طول وراجعهم لكن مافيه فايدة
شسوى الحبيب
جابله باص وفضاه من داخله من الكراسي ودخله في البيت ملصق طوفة البلدية وسواه غرفه وصاله والله يعزكم حمام وشبكه بالكهرباء من البيت ومشت معاه السالفة
وبعد ما خلص بيته وسكن فيه أستعمل الباص لرحلات

[بو شريم]

؟؟؟
الله يعين

[راشد محمد]

حط بورت كبن موؤقت افضل لك من البنيان والخساير

[المهندس عبدالعزيز]

يا خوي ابني وانت مغمض، البلدية ترى نوعا ما متساهلين مع المخالفات البسيطة مثل الملاحق

[بوحارب]

أعرف شاب كانت عنده مثل هذي المشكلة ونفس الظروف يبغي يتزوج والمشكلة أن بيتهم جنب البلدية يعني أذا بنا بصيدونه على طول وراجعهم لكن مافيه فايدة
شسوى الحبيب
جابله باص وفضاه من داخله من الكراسي ودخله في البيت ملصق طوفة البلدية وسواه غرفه وصاله والله يعزكم حمام وشبكه بالكهرباء من البيت ومشت معاه السالفة
وبعد ما خلص بيته وسكن فيه أستعمل الباص لرحلات

مسكين والله:)

[المشرفي التم]

البورت كابن في هذي الحالة اسلم تقدر تبيعها او تنقلها مثل ما قالوا الاخوان
لان البنيان راح تخسره وما راح يتثمن وخاصة اذا كان من دون رخصة ويمكن تخلص البنيان اليوم والا جايك الشيول بكرة .... محد يدري
الله يسر لك الحل الي في صالحك