المساعد الشخصي الرقمي

مشاهدة النسخة كاملة : القطرية.....مب مالت شغل!!؟


!الشايمه!
15-08-2008, 10:20 AM
صباح الخير .....

امس كنا بجلسة عائلية مع بعض المعارف....

ذكرت لهم حادثة صارت معاي بنفس اليوم.........

اتصلت بجهة وزارية....كان ودي اسال عن بعض الامور في هذه الوزارة
ردت علي اخت قطرية.......تعمل هناك

تفاجأت بجوابها الوحيد.....على كل اسئلتي.......ماعرف!؟
وساحولك لشخص ثاني.....يعرف عن هذه الامور!!

انا قلت يمكن الموضوع ليس في ايدينها....هذا التحويل انتقل لاربع
موظفات قطريات.........كلهن يحملن نفس الرد.......والتهرب من السؤال
بالتحويل لموظفة اخرى....يمكن بنفس القسم.

في الاخير..........حولوني لاخت.....مصرية....بصراحة ...كانت المكالمة الشافيه
عطتني كل الاجوبة التي اريدها......وزيادة عليها........

بعد ساعة تذكرت سؤال ثاني.......واتصلت مرة اخرى.....

وتعرضت لنفس سلسلة التحويلات........حتى وصلت لاخ قطري......
وكانت الاجابة الشافية.......مع بعض النصائح.
.......
لما ذكرت الحادثة....في جلستنا.....الكل قال لي بالحرف :

القطرية تشتغل زينه بس...ولا تدري عن شغلها..........مب مالت شغل....!!!
على طول اطلبي تحويل للمسؤول او لاي رجل!؟

معقوله هذا الكلام؟
هل مرت عليكم مثل هذه الحوادث؟

بصراحة مر علي الكثير...ونفس الموقف يصير لي

لماذا دائماً القطرية تعطي انطباع سئ في مكان عملها؟

طبعاً.......مانعمم ........ولكن البعض !

تحية
up-limit
15-08-2008, 10:28 AM
صباح الخير .....

امس كنا بجلسة عائلية مع بعض المعارف....

ذكرت لهم حادثة صارت معاي بنفس اليوم.........

اتصلت بجهة وزارية....كان ودي اسال عن بعض الامور في هذه الوزارة
ردت علي اخت قطرية.......تعمل هناك

تفاجأت بجوابها الوحيد.....على كل اسئلتي.......ماعرف!؟
وساحولك لشخص ثاني.....يعرف عن هذه الامور!!

انا قلت يمكن الموضوع ليس في ايدينها....هذا التحويل انتقل لاربع
موظفات قطريات.........كلهن يحملن نفس الرد.......والتهرب من السؤال
بالتحويل لموظفة اخرى....يمكن بنفس القسم.

في الاخير..........حولوني لاخت.....مصرية....بصراحة ...كانت المكالمة الشافيه
عطتني كل الاجوبة التي اريدها......وزيادة عليها........

بعد ساعة تذكرت سؤال ثاني.......واتصلت مرة اخرى.....

وتعرضت لنفس سلسلة التحويلات........حتى وصلت لاخ قطري......
وكانت الاجابة الشافية.......مع بعض النصائح.
.......
لما ذكرت الحادثة....في جلستنا.....الكل قال لي بالحرف :

القطرية تشتغل زينه بس...ولا تدري عن شغلها..........مب مالت شغل....!!!
على طول اطلبي تحويل للمسؤول او لاي رجل!؟

معقوله هذا الكلام؟
هل مرت عليكم مثل هذه الحوادث؟

بصراحة مر علي الكثير...ونفس الموقف يصير لي

لماذا دائماً القطرية تعطي انطباع سئ في مكان عملها؟

تحية

صباح النور والسرور ..

انا الصراحه لاحظت هالشي .. يمكن لانها يوم تقدم على الشغل تكون اول ماتفكر فيه

الراتب ولاشي غير الراتب يعني طموحها يكون الراتب وبس ونادر مانشوف قطري او قطريه

يوشكرون في عملهم اكثر مانشوف الاجانب :weeping: .. طبعا مو الكل ومب البنات بس حتى

الشباب .. مجرد وجهة نظر لا اكثر :victory:
سداوي&مدريدي
15-08-2008, 10:29 AM
والله هذي مشكله

بعضهم وجودهم من عدمه واحد

والعتب على الي وظفهم

وبعضهم لا والله قايم بالواجب وزياده
Qatar4all
15-08-2008, 10:37 AM
صباح النور ....


بصراحة مرت علي وايد من هالمواقف ... ومثل ماقلتي وأكثر .. أنا مره اتصلت البنك اسأل عن بطاقة البنك والأخت تدور وتحوس ولحظه شوي بشيك وارد عليك والمهم حول الساعه على هالموضوع ... المهم عقب هالساعه قالت خلاص البطاقه روح استلمها من البريد ... المهم خذت الكلام بمحمل الجد ورحت البريد واسأل هناك عن البطاقه قالوا لي لا في بطاقه ولا هم يحزنون.
شفت الوان الطيف كلها جدامي وسيده اتصل البنك مره ثانيه وين اللي ردت علي المهم خلص الشفت وتبدل امر قو عطوني مديركم بسرعه المهم ... قلت له ممكن تسمع الشريط اللي في تسجيل المكالمات قالي أكيد قلت له ممكن تسمع موظفتكم ايش قالت ؟؟؟
الرد ايوه وانا راح اتأكد والكلام اللي ما منه فايده .... قلت له باختصار انتوا فرحانين بهذي الجمله ... سوف يتم تسجيل مكامتك لضمان الجودة ولا دريتوا عن الجوده أساسا ...


المهم ثاني يوم اتصلت وردت علي وحده مره ثانيه ... قالت الو قلت لها ممكن اسمج ... وحياتكم على طول حولتني على موظفه ثانيه ... وبعد قطريه بس بصراحه والحق ينقال فرق بين أمس واليوم عطتني اسمها وردت على كل أجوبتي وبدقة متناهية . وكانت واثقه من اللي تقوله ...

الموظفتين قطريات

اتوقع ان الموضوع يعتمد عالتدريب اللي يحصله الموظف قبل لا يستلم الوظفيه وبالذات الوظايف اللي فيها احتكاك مباشر مع الجمهور لانه يعكس صورة المكان اللي الموظف يشتغل فيه ...

تقبلوا مروري
!الشايمه!
15-08-2008, 10:46 AM
صباح النور والسرور ..

انا الصراحه لاحظت هالشي .. يمكن لانها يوم تقدم على الشغل تكون اول ماتفكر فيه

الراتب ولاشي غير الراتب يعني طموحها يكون الراتب وبس ونادر مانشوف قطري او قطريه

يوشكرون في عملهم اكثر مانشوف الاجانب :weeping: .. طبعا مو الكل ومب البنات بس حتى

الشباب .. مجرد وجهة نظر لا اكثر :victory:



للأسف يا اب لمت....كثير نشوف ..هذا الشئ واحيان اذا واجهناهن تاخذهن العزة
بالإثم.....وتكابر......هذا ان ماكنت قدامها وحذفتك بالملف :) <<<ذكرتني بموضوع
ثاني مشابه........بس اخاف يقولون انتي ضد القطريات؟!

والله العمل.....أمانة والمفروض الموظف يعرف كل شئ عن وظيفته...
ولا يتهرب الا لما فعلاً تكون المعلومات ليست عنده.....لعدم اختصاصه بها
وليس لمجرد الجهل بها.

تحية لمرورك الطيب
!الشايمه!
15-08-2008, 10:49 AM
والله هذي مشكله

بعضهم وجودهم من عدمه واحد

والعتب على الي وظفهم

وبعضهم لا والله قايم بالواجب وزياده


ياهلا سداوي........فعلاً.......المفروض رب العمل يكون عنده علم او طريقة تمكنه انه
يعرف طبيعة الموظفين والموظفات.....يكون هناك.....استفسار وتقييم لطريقة التعامل
مع المتصلين والمراجعين.......وخاصة المراجعين لان ليس هناك دليل....
مثل تسجيل المكالمات.......

وجزا الله خير.......من قامت وقام بعمله.....بكل اتقان.
في ناس يبردون القلب........وفي ناس يرفعون ضغطك.

تحية
!الشايمه!
15-08-2008, 10:57 AM
صباح النور ....


بصراحة مرت علي وايد من هالمواقف ... ومثل ماقلتي وأكثر .. أنا مره اتصلت البنك اسأل عن بطاقة البنك والأخت تدور وتحوس ولحظه شوي بشيك وارد عليك والمهم حول الساعه على هالموضوع ... المهم عقب هالساعه قالت خلاص البطاقه روح استلمها من البريد ... المهم خذت الكلام بمحمل الجد ورحت البريد واسأل هناك عن البطاقه قالوا لي لا في بطاقه ولا هم يحزنون.
شفت الوان الطيف كلها جدامي وسيده اتصل البنك مره ثانيه وين اللي ردت علي المهم خلص الشفت وتبدل امر قو عطوني مديركم بسرعه المهم ... قلت له ممكن تسمع الشريط اللي في تسجيل المكالمات قالي أكيد قلت له ممكن تسمع موظفتكم ايش قالت ؟؟؟
الرد ايوه وانا راح اتأكد والكلام اللي ما منه فايده .... قلت له باختصار انتوا فرحانين بهذي الجمله ... سوف يتم تسجيل مكامتك لضمان الجودة ولا دريتوا عن الجوده أساسا ...


المهم ثاني يوم اتصلت وردت علي وحده مره ثانيه ... قالت الو قلت لها ممكن اسمج ... وحياتكم على طول حولتني على موظفه ثانيه ... وبعد قطريه بس بصراحه والحق ينقال فرق بين أمس واليوم عطتني اسمها وردت على كل أجوبتي وبدقة متناهية . وكانت واثقه من اللي تقوله ...

الموظفتين قطريات

اتوقع ان الموضوع يعتمد عالتدريب اللي يحصله الموظف قبل لا يستلم الوظفيه وبالذات الوظايف اللي فيها احتكاك مباشر مع الجمهور لانه يعكس صورة المكان اللي الموظف يشتغل فيه ...

تقبلوا مروري


ياهلا والله قطر.......فور اول.......

فعلا التعامل مع الجمهور.......مكان حساس جداً.....ويحتاج لتدريب كبير في حسن
التعامل ...وكيفية تدارك الاخطاء......والتعامل مع الامور الطارئة......والاستعداد
لجميع الاسئلة المطروحة.....

اول مرة اعرف ان ممكن نسأل عن الاسماء <<<راح اطبقها :) اذا استلزم

اما مسألة تسجيل المكالمات....بصراحة اعتقد انها خطوة جيدة....في جهة تحسن تعامل
موظفيها.....مع المتصلين......لما حفظوا هالجملتين اللي يكررونها بكل اتصال :) .......
خوفاً من هذا التسجيل......

ودائماً الوزارة او الهيئة التي تحرص على سمعتها.....وتهتم بمراجعينها....
تراقب سلوك موظفين الاستقبال.......والمراجعات.

الدور والباقي على موظفات .........المراكز الصحية ؟!!!

تحية لهذا التواجد الجميل.
Qatar4all
15-08-2008, 11:18 AM
ياهلا والله قطر.......فور اول.......

فعلا التعامل مع الجمهور.......مكان حساس جداً.....ويحتاج لتدريب كبير في حسن
التعامل ...وكيفية تدارك الاخطاء......والتعامل مع الامور الطارئة......والاستعداد
لجميع الاسئلة المطروحة.....

اول مرة اعرف ان ممكن نسأل عن الاسماء <<<راح اطبقها :) اذا استلزم

اما مسألة تسجيل المكالمات....بصراحة اعتقد انها خطوة جيدة....في جهة تحسن تعامل
موظفيها.....مع المتصلين......لما حفظوا هالجملتين اللي يكررونها بكل اتصال :) .......
خوفاً من هذا التسجيل......

ودائماً الوزارة او الهيئة التي تحرص على سمعتها.....وتهتم بمراجعينها....
تراقب سلوك موظفين الاستقبال.......والمراجعات.

الدور والباقي على موظفات .........المراكز الصحية ؟!!!

تحية لهذا التواجد الجميل.

وأنا أسعد والله اني قدرت ادخل بينكم في وقت قياسي ::..

المهم بالنسبه للاستفسار عن اسم الموظف تره على المزاج يمكن بعد تتفشلين بس الفن يكون ردج جاهز يعني انا صارت لي سألت عن اسمها ... وحده ... ردت قالت مب شغلك ... أنواع الاحراج ... فالرد لازم يكون جاهز وانتي ماحطوج علشان تقولين هالكلمتين وفي ردود وايد الواحد يقدر يرد عليهم فيها ويكون فيها اقناع.


أما المراكز الصحية فأنسي الموضوع لانه مدير المركز واتكلم عن مركز واحد انا جربته ... المدير مع الرعيه
هدوء 2
15-08-2008, 12:45 PM
اقول لج وبأمانة انا مو ضد بنت بلدي تواجد الوجه القطري في اي دائرة فرحة واعتزاز للكل ولكن الاصابع موسوى بس وحدة ممكن تعطي الانطباع عن الكل
وحياتج توني متعينة جديد قرابة 3 اشهر اقول السلام عليكم ولا وحده ترد صدقيني لو داشه على يهود ثقي ان ردو بس ليومج اقول باقول السلام ردو يا مرحبا اهم شي ملائكتهم حاضرة مب عارفة ليش رافضين وجودي وللاسف بنت بلدي معاهم والغالبية جنسيات عربية ومتحدين ليش؟؟؟ وذا قلت Good Morning للاجنبيات ردو الاجنبيات ( الاوربيات )بأبتسامة............. والله يصبرني واسمحيلي اني فتحت موضوع ثاني وذا كان عن عملهم الله بالخير مائبي اتكلم والطابق حلو اذا كان مستور بس هذا مو تعميم على الكل .........في النهاية مشكورة اختي
!الشايمه!
15-08-2008, 02:07 PM
وأنا أسعد والله اني قدرت ادخل بينكم في وقت قياسي ::..

المهم بالنسبه للاستفسار عن اسم الموظف تره على المزاج يمكن بعد تتفشلين بس الفن يكون ردج جاهز يعني انا صارت لي سألت عن اسمها ... وحده ... ردت قالت مب شغلك ... أنواع الاحراج ... فالرد لازم يكون جاهز وانتي ماحطوج علشان تقولين هالكلمتين وفي ردود وايد الواحد يقدر يرد عليهم فيها ويكون فيها اقناع.


أما المراكز الصحية فأنسي الموضوع لانه مدير المركز واتكلم عن مركز واحد انا جربته ... المدير مع الرعيه


ياهلا اخوي قطر........وانا اساساً جديده مثلك :)
بخصوص.....الاسم اكيد بيكون طلب الاسم في وقته وباسلوب...ولو هي واثقة من نفسها
كموظفة تقوم بعملها على اكمل وجه.......ماراح تخاف تجاوب......في ناس تعرف كيف ترد عليهم
وفي ناس تحشم نفسك عنهم...... بخصوص المراكز الصحية.....والله ان مرت علي مواقف
واسمع مواقف تشيب الشعر.

تحية لك
!الشايمه!
15-08-2008, 02:19 PM
اقول لج وبأمانة انا مو ضد بنت بلدي تواجد الوجه القطري في اي دائرة فرحة واعتزاز للكل ولكن الاصابع موسوى بس وحدة ممكن تعطي الانطباع عن الكل
وحياتج توني متعينة جديد قرابة 3 اشهر اقول السلام عليكم ولا وحده ترد صدقيني لو داشه على يهود ثقي ان ردو بس ليومج اقول باقول السلام ردو يا مرحبا اهم شي ملائكتهم حاضرة مب عارفة ليش رافضين وجودي وللاسف بنت بلدي معاهم والغالبية جنسيات عربية ومتحدين ليش؟؟؟ وذا قلت Good Morning للاجنبيات ردو الاجنبيات ( الاوربيات )بأبتسامة............. والله يصبرني واسمحيلي اني فتحت موضوع ثاني وذا كان عن عملهم الله بالخير مائبي اتكلم والطابق حلو اذا كان مستور بس هذا مو تعميم على الكل .........في النهاية مشكورة اختي


يامرحبا والله اختي هدؤ....الله يعينج والله على ما ابتلاج........
موقفج هذا جربته بالجامعة....ثلاث سنين....ويالله يالله تو البنات يتعلمون كيف يبتسمون او يردون السلام.....
على بعض...كله شلل......وهالشئ ترا نلاحظه في كل مكان وليس مكان العمل فقط....
انا داومت شهر....كمتدربة في مكان عملي...بصراحة الجو مسيطر عليه.....جو التخوف من هذه الجديده....
وايش شهادتها......وكم بتاخذ...وهل ممكن تترقى اسرع منا!!؟ وهل بتاخذ مكانا!!

والله يجزيج خير .....لاتحزنين ترى انتي تاخذين حسناتهن...ابتسمي في وجوههن لانج
في الموقف الاقوى....ونفسيتج صحية......والله يعينهن على ماابتلاهن.....
وصدقيني مع الوقت راح يتفكك الجليد.....والوحده لو تلقى صديقة وحده بس... اهم من عشر
من نوعية اللي وياج......والله يصبرج عزيزتي.

في مجال العمل.....اهم شئ اهتمي بعملج.....وتجبني اي كيد من الاخريات!؟
وامشي عدل يحتار عدوج فيج.

والله يوفقج يارب

اسعدني تواجدج........تحية من القلب
مستثمر111
15-08-2008, 02:26 PM
صباح الخير .....

امس كنا بجلسة عائلية مع بعض المعارف....

ذكرت لهم حادثة صارت معاي بنفس اليوم.........

اتصلت بجهة وزارية....كان ودي اسال عن بعض الامور في هذه الوزارة
ردت علي اخت قطرية.......تعمل هناك

تفاجأت بجوابها الوحيد.....على كل اسئلتي.......ماعرف!؟
وساحولك لشخص ثاني.....يعرف عن هذه الامور!!

انا قلت يمكن الموضوع ليس في ايدينها....هذا التحويل انتقل لاربع
موظفات قطريات.........كلهن يحملن نفس الرد.......والتهرب من السؤال
بالتحويل لموظفة اخرى....يمكن بنفس القسم.

في الاخير..........حولوني لاخت.....مصرية....بصراحة ...كانت المكالمة الشافيه
عطتني كل الاجوبة التي اريدها......وزيادة عليها........

بعد ساعة تذكرت سؤال ثاني.......واتصلت مرة اخرى.....

وتعرضت لنفس سلسلة التحويلات........حتى وصلت لاخ قطري......
وكانت الاجابة الشافية.......مع بعض النصائح.
.......
لما ذكرت الحادثة....في جلستنا.....الكل قال لي بالحرف :

القطرية تشتغل زينه بس...ولا تدري عن شغلها..........مب مالت شغل....!!!
على طول اطلبي تحويل للمسؤول او لاي رجل!؟

معقوله هذا الكلام؟
هل مرت عليكم مثل هذه الحوادث؟

بصراحة مر علي الكثير...ونفس الموقف يصير لي

لماذا دائماً القطرية تعطي انطباع سئ في مكان عملها؟

طبعاً.......مانعمم ........ولكن البعض !

تحية



انا عن نفسي جربت اشتغل مع اقطريات كنت شغال في بنك وكان تحتي 4 اقطريات والله ولا اروع منهم في الشغل والله انهم كانو يكرفون كرف كانو يقعدون لين الساعه 5 المغرب في بعض الايام والله اشكرهم على العمل الي قامو فيه وارجع واقول القطريه اذا سلمتها مسؤليه تكون قدها لكن انك تعطيها شغل وتسلم المسؤليه والترقيات لغيرها من الاجانب هنا تزعل وتنقهر وتهمل الشغل
!الشايمه!
15-08-2008, 02:36 PM
انا عن نفسي جربت اشتغل مع اقطريات كنت شغال في بنك وكان تحتي 4 اقطريات والله ولا اروع منهم في الشغل والله انهم كانو يكرفون كرف كانو يقعدون لين الساعه 5 المغرب في بعض الايام والله اشكرهم على العمل الي قامو فيه وارجع واقول القطريه اذا سلمتها مسؤليه تكون قدها لكن انك تعطيها شغل وتسلم المسؤليه والترقيات لغيرها من الاجانب هنا تزعل وتنقهر وتهمل الشغل


اخوي مستثمر.....الاكيد انه هناك...قطريات والنعم فيهن....قد مسؤولية العمل
وانا مااتكلم عن القطاع الخاص.....لان جو العمل هناك مختلف...وهناك اللي
مايشتغل يتأثر بهذا الشئ.....
.لكن في كثيرمن الوزارات....للأسف......الموظفات
كمالة عدد.....وطريقة تعاملهن مع المراجعين او المتصلين.....يبين هذا النقص
الكبير في فهم عملهن....والجهل في ابسط طرق التعامل مع الجمهور.

شكراً لتواجدك.......واظهار وجهة نظر اخرى
eXpert*
15-08-2008, 03:06 PM
بصراحة في قطريات يشتغلون بضميرة وهمه وفي غيرهم زيادة لنسبة التقطير لا أكثر ولا أقل ..

بخصوص اخذ اسم الموظفة ،، اعتقد مسموح لهم بس يعطونك الاسم الاول فقط !!

احدى المرات بطاقة البنك انسبحت بسبب ادخال الرقم السري 3 مرات خطأ

المهم كل ما اتصلت البنك اسالهم وصلت يقولون للحين مافي شي ويبدأ المسلسل المكسيكي

- أخوي أي صراف انسحبت
- الوقت والتاريخ لو سمحت
- كم مرة دخلت الرقم السري خطأ لحد ما انسحبت البطاقة !!! <<=== سؤال غبيّ طبعاً العدد المتعارف عليه 3 مرات .


المهم وحدة من الموظفات عقب كل هالمسلسل قالت برجع اكلمك ،، اتظر اكثر من 3 ساعات ولا أحد اتصل ...

مريت الفرع وطلبت اقابل مدير الفرع ،، دخلت سلمت وطلب لي مشروب بارد ،،يوم سمع ان بطاقتي اكثر من 14 يوم وما جات بدأت حالة الاستنفار في البنك .. خلصت مشروبيّ المنعش والا بطاقة الصراف في ظرف قداميّ ..


شكرت الله وحمدته ودعوت لمدير الفرع ،، لان طفح الكيل وكنت على وشك نقل حسابي لبنك اخر بسبب اهمال موظفو البنك ..
!الشايمه!
15-08-2008, 03:25 PM
بصراحة في قطريات يشتغلون بضميرة وهمه وفي غيرهم زيادة لنسبة التقطير لا أكثر ولا أقل ..

بخصوص اخذ اسم الموظفة ،، اعتقد مسموح لهم بس يعطونك الاسم الاول فقط !!

احدى المرات بطاقة البنك انسبحت بسبب ادخال الرقم السري 3 مرات خطأ

المهم كل ما اتصلت البنك اسالهم وصلت يقولون للحين مافي شي ويبدأ المسلسل المكسيكي

- أخوي أي صراف انسحبت
- الوقت والتاريخ لو سمحت
- كم مرة دخلت الرقم السري خطأ لحد ما انسحبت البطاقة !!! <<=== سؤال غبيّ طبعاً العدد المتعارف عليه 3 مرات .


المهم وحدة من الموظفات عقب كل هالمسلسل قالت برجع اكلمك ،، اتظر اكثر من 3 ساعات ولا أحد اتصل ...

مريت الفرع وطلبت اقابل مدير الفرع ،، دخلت سلمت وطلب لي مشروب بارد ،،يوم سمع ان بطاقتي اكثر من 14 يوم وما جات بدأت حالة الاستنفار في البنك .. خلصت مشروبيّ المنعش والا بطاقة الصراف في ظرف قداميّ ..


شكرت الله وحمدته ودعوت لمدير الفرع ،، لان طفح الكيل وكنت على وشك نقل حسابي لبنك اخر بسبب اهمال موظفو البنك ..





البنوك......ياحيهم....شغلهم مايتاخر بالعادة......مجرد اجراءات وروتين
المشكلة لا صادفتك موظفة بكل برود.....مب عارف شغلها......ولاتعطيك الجواب
اللي يريحك......تلف واتدور واتضيع الوقت.......في البنوك تقدر تشتكي ......
لكن في اماكن ثانية......لو تشتكي من اليوم لين بكرة.......مايدرون عنك.

تحية لك
jassim_007
15-08-2008, 08:31 PM
اسمحو لي بس اغلب الموظفات بتفكيرهم الشغل = بيت ابوهم او
الشغل = عرس !

كل وحده تفكر اشلون تكشخ و تطلع احلى من رفيجتها ...سواء من العبايه و غيره و غيره

و لو شافت المسؤول يعطها شغل تعصب او تزعل ! و ليش عطوني شغل اليوم انا (دلوعه ) لازم يدلعوني و ماشتغل!

او تروح تناحس الموظف الي معاها و تدخل امور شخصيه في الشغل ! و غير هاي لو عندها مشاكل في البيت تجي الدوام و اطلع حرتها على الموظفين او المراجعين !

مع ذلك في بنات يشتغلون بذمه و ضمير و يخدمون الناس حتى اكثر من الشباب


نقطة اخيرة ( انا اتكلم عن الموظفات بشكل عام...مالي خص قطريه ولا اجنبيه )
ahmaaaddd
15-08-2008, 09:19 PM
القطرية تشتغل زينه بس...ولا تدري عن شغلها..........مب مالت شغل....!!!
على طول اطلبي تحويل للمسؤول او لاي رجل!؟

معقوله هذا الكلام؟
هل مرت عليكم مثل هذه الحوادث؟

بصراحة مر علي الكثير...ونفس الموقف يصير لي

لماذا دائماً القطرية تعطي انطباع سئ في مكان عملها؟

طبعاً.......مانعمم ........ولكن البعض !

تحية[/color][/center][/quote]

طبعا معقولة وهذا في كثير من الادارات ولكن الأمر ما يخلى هم بعد في بنات قطريات يشتغلون .
ومرة كنت اتكلم مع مدير صديق لي وكنا نتكلم بهذا الموضوع يقول انه يمكن السبب كثرة الموظفات في الدائرة الواحدة وكل واحدة ترمي الشغل على الثانية ولاجل هالشي تحصلين في موظفة ضحية الاخريات تشتغل عن الجميع
abdulla999
15-08-2008, 09:26 PM
لاتضلمون القطرية يمكن الاجانب مايعلمونهم
انا صارتلي يوم شتغلت مع اجانب والمدير كان قطري ومرة سلني عن شغل قلت ماعرف عند فلان وهاوشني وقالي اذا تبي تططور لازم تعرف تاخذ من الغير حتى لو كان مايعلم وانت وسلوبك
jassim_007
15-08-2008, 11:57 PM
لاتضلمون القطرية يمكن الاجانب مايعلمونهم
انا صارتلي يوم شتغلت مع اجانب والمدير كان قطري ومرة سلني عن شغل قلت ماعرف عند فلان وهاوشني وقالي اذا تبي تططور لازم تعرف تاخذ من الغير حتى لو كان مايعلم وانت وسلوبك

:nice: اتفق معاك


في دوامي السابق كان عندنه (اجنبي) و هو كل بالكل هناك ...

المهم عقب فترة طلبو منه يعلم القطريين و القطريات الي بالدوام طبيعة شغله علشان يساعدونه ...بس ماكان يساعد ولا يعلم حد : ) و يوم يشتكون عليه عند المديرة ...يرد و يقول لها انا اعلمهم بس هم مايستوعبون ....طبعاً كل هاي لانه كان خايف على منصبه :rolleyes2:
..الاميرة..
16-08-2008, 12:24 AM
بكل امانه وصراحه ولاحد يزعل او ياخذ بخاطره وهذا الكلام عن البعض ..

اختي الشايمة اايد كلامج مئة بالمئة .. :nice:

في الهيئات والوزارات جرب واتصل وشوف إذا كان فيه رد شافي من اول اتصال
واكبر دليل شغلي الحالي أغلب الموظفات من إلي صار لهم سنتين وثلاث
كل ما أسألهم عن أي شئ يخص مواضيع معينه تخص الشغل يقولون الكلمه المعتاده مااادري :eek5:
طيب انتي صار لج اسنين في هذا المجال وتقولين مادري !!!! ليش !!!!

طبعاً بنفسي اجتهد واشوف الموضوع من البدايه واتابعة لحد ما اوصل للأبيه
عقب تجي تسألني عن الموضوع اش صار فيه !! اقولها تـم وانتهينا منه عزيزتي ..

تعرفين شنهي تكون ردت فعلها !!!!
تزعل وتتضايق واتحسين انك ظلمتيها او تعديتي على حق لها !!! :eek5:

طيب ليه الزعل !!!
انتي راضيه تكونين آله في عملك او ما تبين تشتغلين او تتعبين عمرج ولا تسعين في تطوير نفسك بنفسك ..
إذا هي تحب تكون في نفس مستواها فغيرها لا طبعاً يحب يعرف كل شي وعن اي شئ يخص شغله
علشان يشتغل صح وما يكون إتكالي ..
وفي الاخير الشغل امانه والراتب إلي تاخذه آخر الشهر تحط في بالها لازم يكون حلال 100% ..
LOLOO
16-08-2008, 12:53 AM
انا وجهة نظري ان ربط الجنسية ....اي كانت بالقدرة على العمل...هذا شي غير صحيح..وحكم غير عادل...

لكن نقدر انقول ان هناك من يمتلك القدرة على العمل لكن ينقصه التدريب والاعداد الصحيح
وهذا مع الوقت ان كانت لديه الرغبة في العطاء سييتنج ويصبح مثالا جيدا سواء قطري او قطرية..اهم شي انه يطور نفسه ويتعلم وما يعتمد على غيره في العمل..

ويعطيك العافية اختي...
almulla
16-08-2008, 05:42 AM
الحريم كلهم جذي في الدوائر الحكومية سواء قطريات او اجنبيات اذا كانوا متجمعين

يسولفون ويا بعض ويهدون الشغل نفس حركات الخدامات يعني تفريقهم احسن
!الشايمه!
16-08-2008, 05:42 PM
اسمحو لي بس اغلب الموظفات بتفكيرهم الشغل = بيت ابوهم او
الشغل = عرس !

كل وحده تفكر اشلون تكشخ و تطلع احلى من رفيجتها ...سواء من العبايه و غيره و غيره

و لو شافت المسؤول يعطها شغل تعصب او تزعل ! و ليش عطوني شغل اليوم انا (دلوعه ) لازم يدلعوني و ماشتغل!

او تروح تناحس الموظف الي معاها و تدخل امور شخصيه في الشغل ! و غير هاي لو عندها مشاكل في البيت تجي الدوام و اطلع حرتها على الموظفين او المراجعين !

مع ذلك في بنات يشتغلون بذمه و ضمير و يخدمون الناس حتى اكثر من الشباب


نقطة اخيرة ( انا اتكلم عن الموظفات بشكل عام...مالي خص قطريه ولا اجنبيه )


اما عن سالفة التزين....انا اشوف لكل مكان له طريقة في اللبس والكشخه....وهي يعتمد
على تفكير البنت نفسها....اللي تبالغ.....واللي يكون مقبول....واهم شئ ما تكون دمية في
فترينة......لمناظر اللي رايح وجاي.....وفي الشغل ميح.!!
لكن هنا الموضوع......عن التعامل.......مهما كانت نفسيتي....مااتعامل بشكل وقح
والا سئ مع المراجعين.....واذا كنت بموقع اتصال دائم مع الجمهور اعتقد المفروض
الادارة تكون مسؤولة عن مراقبة هالموظفات....واهم شئ توفير لهن التدريب...
والمعلومات المطلوبة للرد على اسئلة الجمهور.

ونرد ونقول........مب الكل.......البعض

تحية
!الشايمه!
16-08-2008, 05:48 PM
القطرية تشتغل زينه بس...ولا تدري عن شغلها..........مب مالت شغل....!!!
على طول اطلبي تحويل للمسؤول او لاي رجل!؟

معقوله هذا الكلام؟
هل مرت عليكم مثل هذه الحوادث؟

بصراحة مر علي الكثير...ونفس الموقف يصير لي

لماذا دائماً القطرية تعطي انطباع سئ في مكان عملها؟

طبعاً.......مانعمم ........ولكن البعض !

تحية[/color][/center]

طبعا معقولة وهذا في كثير من الادارات ولكن الأمر ما يخلى هم بعد في بنات قطريات يشتغلون .
ومرة كنت اتكلم مع مدير صديق لي وكنا نتكلم بهذا الموضوع يقول انه يمكن السبب كثرة الموظفات في الدائرة الواحدة وكل واحدة ترمي الشغل على الثانية ولاجل هالشي تحصلين في موظفة ضحية الاخريات تشتغل عن الجميع[/QUOTE]


طيب هذا الشئ من المسؤول عنه.....هل هذي اللي تشتغل عن الجميع....ستكافأ اكثر من
الآخريات....؟ ليستمر النشاط.....والحماس للعمل؟...... ومامصير الآخريات......للأسف ليس هناك....آلية....لجعل الجميع يعمل
بشكل متكافئ.....يمكن لو هناك حوافز؟ ......سيتغير الوضع.

تحية
!الشايمه!
16-08-2008, 05:50 PM
لاتضلمون القطرية يمكن الاجانب مايعلمونهم
انا صارتلي يوم شتغلت مع اجانب والمدير كان قطري ومرة سلني عن شغل قلت ماعرف عند فلان وهاوشني وقالي اذا تبي تططور لازم تعرف تاخذ من الغير حتى لو كان مايعلم وانت وسلوبك


في مجال العمل.....اللي ينتظر ان الآخرين يعلمونه......بيضيع..وخاصة مع الهجمة
من المقيمين.....الكل يعمل.....ليتميز.......ويتطور.......وردي نفس رد مديرك......
ونفس رد الاخت اميرة.

تحية
!الشايمه!
16-08-2008, 06:05 PM
بكل امانه وصراحه ولاحد يزعل او ياخذ بخاطره وهذا الكلام عن البعض ..

اختي الشايمة اايد كلامج مئة بالمئة .. :nice:

في الهيئات والوزارات جرب واتصل وشوف إذا كان فيه رد شافي من اول اتصال
واكبر دليل شغلي الحالي أغلب الموظفات من إلي صار لهم سنتين وثلاث
كل ما أسألهم عن أي شئ يخص مواضيع معينه تخص الشغل يقولون الكلمه المعتاده مااادري :eek5:
طيب انتي صار لج اسنين في هذا المجال وتقولين مادري !!!! ليش !!!!

طبعاً بنفسي اجتهد واشوف الموضوع من البدايه واتابعة لحد ما اوصل للأبيه
عقب تجي تسألني عن الموضوع اش صار فيه !! اقولها تـم وانتهينا منه عزيزتي ..

تعرفين شنهي تكون ردت فعلها !!!!
تزعل وتتضايق واتحسين انك ظلمتيها او تعديتي على حق لها !!! :eek5:

طيب ليه الزعل !!!
انتي راضيه تكونين آله في عملك او ما تبين تشتغلين او تتعبين عمرج ولا تسعين في تطوير نفسك بنفسك ..
إذا هي تحب تكون في نفس مستواها فغيرها لا طبعاً يحب يعرف كل شي وعن اي شئ يخص شغله
علشان يشتغل صح وما يكون إتكالي ..
وفي الاخير الشغل امانه والراتب إلي تاخذه آخر الشهر تحط في بالها لازم يكون حلال 100% ..


كلامج صحيح .......فعلاً لا للتجمد...وعدم التطور.....حتى الموظف نفسه كيف يكون احساسه
وهو نفسه محلك سر ....طوال سنين.......اعتقد انه وقت التميز.....

احييج على اهتمامج.......وسعيج للتطور......دام عندنا مثلك وان شاء الله الكثيرين
اكيد راح نشوف جيل قادر على الالمام بكل شئ في مجال عمله.....والتميز

تحية لج
!الشايمه!
16-08-2008, 06:10 PM
انا وجهة نظري ان ربط الجنسية ....اي كانت بالقدرة على العمل...هذا شي غير صحيح..وحكم غير عادل...

لكن نقدر انقول ان هناك من يمتلك القدرة على العمل لكن ينقصه التدريب والاعداد الصحيح
وهذا مع الوقت ان كانت لديه الرغبة في العطاء سييتنج ويصبح مثالا جيدا سواء قطري او قطرية..اهم شي انه يطور نفسه ويتعلم وما يعتمد على غيره في العمل..

ويعطيك العافية اختي...


كلامك صحيح.......ولكن هذا اللي نشوفه.....كل ماتعاملنا مع مثل هالموظفات....
وهذا الكلام ليس ناتج عن موقف او موقفين.......اسال حولك وانت تشوف الاجابات
والمواقف اللي تصير........هذا عدى......التعامل بخياس نفس.....وكأن المراجع جاي
يشحت منها......واللسان الطويل.....والمشكلة انها تتخذ كونها قطرية ان لها
الحق في التعدي والتطاول.......احيان نفكر....اذا احنا قطريات حالنا حالها وجذيه يتعاملون
معانا.........عيل لو يجي شخص اسيوي او غيره....ايش راح تسوي؟

تحية
!الشايمه!
16-08-2008, 06:16 PM
الحريم كلهم جذي في الدوائر الحكومية سواء قطريات او اجنبيات اذا كانوا متجمعين

يسولفون ويا بعض ويهدون الشغل نفس حركات الخدامات يعني تفريقهم احسن


ههههههههههه قوية يا الملا.........
اوكي مب مشكله يسولفن........لكن لا لترك العمل.....والاهمال.....وتأخير المراجعين
والا ترك الهاتف يرن لين الله يشوف له.......والله ياما شفنا بعينا.

تحية لك
AmOuR
16-08-2008, 07:44 PM
بصرااحهـ هالشي صادفني انا بعد في عدة أماكن ..

القطريهـ ما يهمها غير معااشها .. و السوالف مع اللي معااها في القسم ..

حتى لو تلاحظون لو حطيتوا قطريه في قسم ما فيه ولا بنت .. غير ..

و لو تحطونها في قسم فيه لو بنت وحده .. حدددددددددددددها غير ..

طبعاً هلعينه من البعض مو الكل
!الشايمه!
17-08-2008, 01:16 AM
بصرااحهـ هالشي صادفني انا بعد في عدة أماكن ..

القطريهـ ما يهمها غير معااشها .. و السوالف مع اللي معااها في القسم ..

حتى لو تلاحظون لو حطيتوا قطريه في قسم ما فيه ولا بنت .. غير ..

و لو تحطونها في قسم فيه لو بنت وحده .. حدددددددددددددها غير ..

طبعاً هلعينه من البعض مو الكل


يعني.....ياما يسولفون والا مايعرفون يشتغلون......طيب مايصير الاثنين :)
لازم يكون هناك نوع من الكنترول على النفس....هذا مكان عمل بالاول
والاخير..........وليس مكان تتنزه فيه.

تحية لج يا آمور
Riku3
17-08-2008, 03:36 PM
نفس الشي صار معاي امس يوم اتصلت الجوازات .. مسكينة اسألها عن الاجرائات ولاهي عارفه شي ! .. اوكي ليش حولوني عليج ^^" ..

بس بالنهاية اخذت منها معلومات بسيطه وصلتني بوكيل هو الي عطاني باقي التفاصيل ^^ ..

المشكلة هي سوء التخطيط والتدريب للقطريات ! .. تلاقينها تخرجت من الثانوية او الجامعه واخذوها وجلسوها على الكرسي ولا اخذت عندهم دورة او اي شي .... فقط ان الادارة وظفت عدد "كذا" من القطريات وخلاص .
بنت المنتدى
17-08-2008, 04:33 PM
من خلال تجربتي في الثمان سنوات الماضيه

اللي ماتعرف شطبخه ترى توها مشتغله يعني يبغي لها وقت لكن اللي مشتغله من زمان تعجبج


وفيه بنات عقولهم نظيفه وتصيد السالفه بأول دقيقه


بس ياشينج وانتي تعلمين وحده جديده والله تطلع لج قرون:anger1:



وعلى فكره

في اي مكان احب اتعامل مع الرجل اكثر من المراءه احس فاهم ومؤدب في تعامله معج ويسوي لج اللي تبينه واكثر
!الشايمه!
18-08-2008, 12:21 AM
نفس الشي صار معاي امس يوم اتصلت الجوازات .. مسكينة اسألها عن الاجرائات ولاهي عارفه شي ! .. اوكي ليش حولوني عليج ^^" ..

بس بالنهاية اخذت منها معلومات بسيطه وصلتني بوكيل هو الي عطاني باقي التفاصيل ^^ ..

المشكلة هي سوء التخطيط والتدريب للقطريات ! .. تلاقينها تخرجت من الثانوية او الجامعه واخذوها وجلسوها على الكرسي ولا اخذت عندهم دورة او اي شي .... فقط ان الادارة وظفت عدد "كذا" من القطريات وخلاص .


بصراحة .... وبدون وضع اعذار.....معظم الموظفات...اللي نتكلم عنهن......مب توهن متوظفات
يعني السالفة مب سالفة تدريب...ولا شئ...معقوله اربع موظفات بنفس القسم.....كلهن متدربات!!؟؟؟؟؟؟

تحية
!الشايمه!
18-08-2008, 12:26 AM
من خلال تجربتي في الثمان سنوات الماضيه

اللي ماتعرف شطبخه ترى توها مشتغله يعني يبغي لها وقت لكن اللي مشتغله من زمان تعجبج


وفيه بنات عقولهم نظيفه وتصيد السالفه بأول دقيقه


بس ياشينج وانتي تعلمين وحده جديده والله تطلع لج قرون:anger1:



وعلى فكره

في اي مكان احب اتعامل مع الرجل اكثر من المراءه احس فاهم ومؤدب في تعامله معج ويسوي لج اللي تبينه واكثر


في النقطة الاخيرة....فعلا......انا وحدتن ويمكن غيري الكثيرين.....مايحبون يتعاملون الا
مع الرجال.....على الاقل اسلوب وذوق....ويعطيج الزبدة كلها....وغير هذا ممكن يفيدج من
واقع خبرته ويعطيج نصايح..... اما العاملة.......ترد عليج بدون نفس.....وبخياس نفس
وتجرين منها الحكي بالعذاب....واي سؤال ماتدري....خاطري اقول لها انتي شنو شغلتج
بالحياة دام حتى الكلام الطيب ماتعرفينه.......

وكلهن كوم واللي بالمستشفيات....الواحد مريض والا جايب عياله مرضى....وهي يادوب
عاملة استقبال وتبي تسوي فيها مديرة ........والله حاله.

تحية لج بنوته :)