المساعد الشخصي الرقمي

مشاهدة النسخة كاملة : دور الميرندا في حل المشاكل الزوجيه..


هتـان قطر
15-08-2008, 03:03 PM
الكاتب خفيف الظل رفيع الشان مواضيعه خفيفه واحياناً ساخره..

لكن توقفت عند هذا الموضوع بالذات...ياليت تقرونه وبعدين نتناقش..

يقول رفيع الشان...:


بادي ذي بدء (( حلوه ذي بادي ذي بدء..ممكن اعيدها؟)) بادي ذي بدء..لا ماهيب مفس البادي الاوله.بعيد اخر مره …بادي ذي بدء ( ايوا كذا) انا من الناس اللي ماحب المشروبات الغازية (( لا ابد ماتحبها بس لو بيبسي بغت تسوي اضخم دعاية لها صورتك بكامرة خفيه وانت تسف لك صندوق علىغدا)) لكن اللي خلاني اطري المشروبات الغازيه هو الشيخ سعد البريك الله يحفظه سمعت له خطبه يحث فيها بحسن معاملة الزوجه والتودد لها وحفظ كرامتها وتطرق لفكرة تجنننن في حالت زعل زوجتك عليك كيف ترضيها وهي انك تجيب لها غرشة ميرندا ( يابلاش) ويقول صدقني راح يطيح كل شي لنها في النهاية هذي هي صويحبتك اللي انت خابر وبيني وبينكم عجبتني الفكرة لنه لو ترجع لزمن الاول كانت المره من تزعل ماترجع غير بعشرين راس غنم وخمس كياس رز وعشر كراتيين صلصه وكرتون شامبو ابو بنت الاحمر وكيس هيل وكيس قهوا ومحماس يستعمل لعدة استعمالات منها الحمس ومنها الخمس على الخشه وطبعا لو تزعل لها عشر زعلات في السنه صارت شيخ قبيلة في ذاك الوقت اما الحين تغير من تزعل المره جبت لها طقمين ذهب ولا طقم الماس او همشة قروش تسد ابها حلقها وبعضهم يتلكك ماتهقا على الله تصير اقل مشكله الا وهي طايره لهلها عشان تفوز بساعة الشوبارد ولا البارثلي وكن هالمسكين وارث بنك ابوها (( لام الله من لامها مالقت من يعطيها ركبه )) .المهم ان من قال الفكره ذي؟ وانا معبي المخزن صناديق غراش ميرندا وجلست على ذا الحال كل مازعلت مديت لها قرشة ميرندا وضحكت والباقي عاد علي انا (( ماينخاف عليك يا الشين تعرف تقنع حتى لو بغيت تقنعها ان صلاح الدين الايوبي اصلا من الاحساء بتصدقك)) المهم صرت امشي وقوارير الميرندا في مخباي كل ما قالت هااااا مديت غرشة وضحكت ويطيح الحطب و صراحه فكرة تجنننن صحيح اني استهلك عشرين صندوق بالشهر لكن ارخص من محلات الذهب وطقوم الاماس غير كذا فكرة الميرندا رخيصه ولا تكلف شي من تقول المراه هااااا حط في حلقها غرشة ام نص ريال وتمشي الامور وجتني ايام احط غراش الميرندا على كومدينت السرير عشان لو حلمت فيني مزعلها وانا نايم مديت لها من قريب القرشة ورجعت نامت وكملت انا نومي وصارت مثل النجدة في حال المغثه صحيح اني غيرت الغراش وخليتها قواطي يعني اغلى بنص ريال لكن اسلم واظمن الروح ماهياش بعزقه والراس مكشوف وثاني شي انصح اللي يبغون يسون هالطريقه التشكيل يعني مره بيبسي مره سفن اب مره ليمون المهم تشكيل عشان مايصفر وجهها من كثر الميرندا

وطبعا هذي النصايح كلها تحت استشارات دكاترة نفسيين وانا معهم (( ليتهم يسمعون لك اسلم))

ثالث شي لاجيت تعطيها غرشة الميرندا عطها وانت مشحب الوجه عشان لاشافتك كذا تجيها رهبة منك وتفكر مليون مرة قبل لاتكفخك فيها

رابع شي حاول تعطيها الميرندا بعد المشكلة ب24 ساعه عشان تهدا الامور وتعرف تركز في كذبك

خامس شي حاول تعطيها الميرندا قبل الغدا ..لنه توصل العلماء في مدينة الحوطه انه في حالة الجوع يوقف التفكير (( اجل على كذا هل الحوطه لهم فوق السنه مادخل بطونهم شي)) لالالا امزح لايطلع لي عالم من الحوطه واروح في عين امها وربي امزح

سادس شي حاول بعد ماترضى عليك تغرغرها بالميرندا لين تندبل كبدها منه عشان لابغت تزعل ثاني مره تذكر انه مافيه غير الميرندا وطعمه اللي دابق بحلقها وتهون من الزعل .

وسابع شي واخر شي حاول تخفي عدد كبير من الميرندا قبل لاتراضيها عشان تعتقد انه عندك زوجه ثانيه وتهرب لها الميرندا من المخزن وصدقني وقتها بترضى ماهوب عشانك لا عشان بس ودها تعرف الميرندا وين اختفت (انتها)

طبعا قصدت المزح لا اكثر ولا المراه حقها اكبر من كذا و كثير من العقال من النساء يعرفون ان قدرهم ماهوب بسعر الهدية او قيمتها قدر ما يهمهم احترام الزوج لهم وتقديرهم واعطائهم دور في حياته ولو جينا للمراه وجدنا انها اوفى مايستحق ذكره بعد الام المراه هي عنوان العطاء والصبر والتضحيه

وصدقوني عمر الرجال مانسى فضل المره بالعكس والله حاولت كثير اني احصي افضالها واحصي عطائها لقيت اني احتاج حلقات كثيره تنافس حللقات ام كلثوم .

الزوجه نبع الاخلاص والتضحية واصل العطاء الا محدود هي ام اغلى مافي الوجود ام اولادك تعطيك عمرها ماتمن بعطاها يوم تغيب ساعه عنها كنك غايب سنوات وهي تحت الشمس تنتظر ويوم تشوفك مقبل عليها كنها ملكت الدنيا ومافيها ويوم تطيح اول من تلقفك بيدها هي اما تسحبك ولا تطيح معك وحتى لو طاحت معك في حفرة كلها ثعابين بتصبح معك حفره كلها زهور وبساتين

تشوفها مثل ضلك في بيتك كل همها انها ترضيك كل همها انها تسعدك تحاول تعرف وش فيك من غير لا تضايقك باحساسها فيك ومن علامة الرضا او الزعل اللي تبان فيك الزوجه مثال رائع للتضحية ومثال رائع للخلاص احيان كثير تفكر فيك اكثر ماتفكر في اولادها وصدقني اذا فيه حب صادق حب زوجتك لك لنه حب رسم حدوده قال الله وقال رسولة وطاعتها لك نابع من ايمانها بالله وصدق محبتها لك ماتشوف الدنيا غير بنظارتك الطبيه


الرضوه كما نسميها اي عندما تزعل الزوجه ..هل من الضروري ارضاؤها بهديه

او بمبلغ من المال..؟ ام ان الكلمه الحلوه والقلب المحب يكفي عن كل الهدايا..؟
!قطريـة بنت القمـر!
15-08-2008, 03:19 PM
والله استمتعت حقا بقراءة هذا المقال .... فكاهي في البدايه ههههههههههه .... بس في النهايه ما شاء الله كلمة حق في المرأه .... وانا اشوف ان المره تكفيها الكلمه الحلوه واذا لا بد من هديه فمافي احلى من الورد او شي بسيط بطاقة صغيره حلوه ويكتب فيها كلام من قلبه يعني الهديه او الرضوه المفروض تكون شغله وايد بسيطه لكن تحمل من المعاني الشيء الكثير اما هدايا كبيره واطقم الماس وهالسوالف اتوقع شي مبالغ فيه جدا جدا وخل يتعلمون من امهاتنا الاولين فديتهم بكلمة ترضى .... احييج اختي على الموضوع الشيق حقا استمتعت بقرائته والرد عليه :victory: .....
eXpert*
15-08-2008, 03:23 PM
والله الكلمة الحلوة والطيبة تسوى كنوز الدنيا كلها
eXpert*
15-08-2008, 03:32 PM
[QUOTE=هتـان قطر;2985520][COLOR="Navy"]

خامس شي حاول تعطيها الميرندا قبل الغدا ..لنه توصل العلماء في مدينة الحوطه انه في حالة الجوع يوقف التفكير (( اجل على كذا هل الحوطه لهم فوق السنه مادخل بطونهم شي)) لالالا امزح لايطلع لي عالم من الحوطه واروح في عين امها وربي امزح


[COLOR="Navy"]

:anger1:
هتـان قطر
15-08-2008, 03:58 PM
والله استمتعت حقا بقراءة هذا المقال .... فكاهي في البدايه ههههههههههه .... بس في النهايه ما شاء الله كلمة حق في المرأه .... وانا اشوف ان المره تكفيها الكلمه الحلوه واذا لا بد من هديه فمافي احلى من الورد او شي بسيط بطاقة صغيره حلوه ويكتب فيها كلام من قلبه يعني الهديه او الرضوه المفروض تكون شغله وايد بسيطه لكن تحمل من المعاني الشيء الكثير اما هدايا كبيره واطقم الماس وهالسوالف اتوقع شي مبالغ فيه جدا جدا وخل يتعلمون من امهاتنا الاولين فديتهم بكلمة ترضى .... احييج اختي على الموضوع الشيق حقا استمتعت بقرائته والرد عليه :victory: .....



مقالات هالكاتب رهيبه وتفطس من الضحك..

بخصوص امهاتنا وجداتنا اختي قمر كانوا بالعكس كل مازعلوا طخوهم ابوانا بسلعة ذهب..

ابوي الله يرحمه كان مغرق امي بالذهب..:eek5: ليكون كانت تزعل وحنا ماندري..؟ يجوز

مع انها كله موجوده في البيت ما اتذكر انها تركتنا بروحنا...المهم كانوا قبل يهتمون بالرضوه

وبزعل الزوجه...الحين بالعكس كلمه حلوه ومش الحال..:omen2:


شرفتي الموضوع قطريه قمر واهم شي انك استانستي..:)
هتـان قطر
15-08-2008, 04:00 PM
والله الكلمة الحلوة والطيبة تسوى كنوز الدنيا كلها


انا معك ..لكن بعد الهديه الثمينه لها طعم ان ماكان قبلها زوجه جديده والا ان الزوج يمهد

لزواج جديد..:anger1: بتفقد الهديه طعمها ان كانت لسبب..اما ان جاتني بقلب محب..

ياااهلا والله
هتـان قطر
15-08-2008, 04:01 PM
[QUOTE=هتـان قطر;2985520][COLOR="Navy"]

خامس شي حاول تعطيها الميرندا قبل الغدا ..لنه توصل العلماء في مدينة الحوطه انه في حالة الجوع يوقف التفكير (( اجل على كذا هل الحوطه لهم فوق السنه مادخل بطونهم شي)) لالالا امزح لايطلع لي عالم من الحوطه واروح في عين امها وربي امزح


[COLOR="Navy"]

:anger1:


:secret:
um abdulla
15-08-2008, 04:10 PM
مقالات هالكاتب رهيبه وتفطس من الضحك..

بخصوص امهاتنا وجداتنا اختي قمر كانوا بالعكس كل مازعلوا طخوهم ابوانا بسلعة ذهب..

ابوي الله يرحمه كان مغرق امي بالذهب..:eek5: ليكون كانت تزعل وحنا ماندري..؟ يجوز

مع انها كله موجوده في البيت ما اتذكر انها تركتنا بروحنا...المهم كانوا قبل يهتمون بالرضوه

وبزعل الزوجه...الحين بالعكس كلمه حلوه ومش الحال..:omen2:


شرفتي الموضوع قطريه قمر واهم شي انك استانستي..:)


هتان
انت تسوين دعاية للميراندا؟ كم عطوس (علميني على الخاص )
شوفي يا اخويتس هالايام الرجاجيل هم اللي يزعلون وحن اللي نراضيهم (باغلى من قراش الميراندا ) :)
نسوان قبل يستاهلون والله يغرقون بالذهب !! لكن مش الكل كان يحصل رضوى مناسبة. لكن بحسب مقدرة الرجال وبحسب كرمه وبحسب جرمه بعد
الكلمة الطيبة هي المقدمة طبعا لان الهدية من غير نفس زي قلتها
صحيح ان الحريم الحين يشتغلن ويصرفن على انفسهن وبيوتهن لكن هدية بعد زعل ما تضرش ولو كانت راقية وجذابة وتلبس في جيد او ساعد احسن من اللي تنحط في الكبد وتدبله
والا اشرايكن يا حريم؟ قولوا : ايييييه:victory:
هتـان قطر
15-08-2008, 04:17 PM
هتان
انت تسوين دعاية للميراندا؟ كم عطوس (علميني على الخاص )
شوفي يا اخويتس هالايام الرجاجيل هم اللي يزعلون وحن اللي نراضيهم (باغلى من قراش الميراندا ) :)
نسوان قبل يستاهلون والله يغرقون بالذهب !! لكن مش الكل كان يحصل رضوى مناسبة. لكن بحسب مقدرة الرجال وبحسب كرمه وبحسب جرمه بعد
الكلمة الطيبة هي المقدمة طبعا لان الهدية من غير نفس زي قلتها
صحيح ان الحريم الحين يشتغلن ويصرفن على انفسهن وبيوتهن لكن هدية بعد زعل ما تضرش ولو كانت راقية وجذابة وتلبس في جيد او ساعد احسن من اللي تنحط في الكبد وتدبله
والا اشرايكن يا حريم؟ قولوا : ايييييه:victory:


ام عبدالله انا بعد ما كبرت صارت نفسي ضعيفه وتحن للهدايا القيمه...الكلمه الحلوه مب شينه

لكن بتكون احلى لما يكون معها هديه محترمه..والا شرايس يام عبدالله:shy:
هتـان قطر
15-08-2008, 04:18 PM
هتان
انت تسوين دعاية للميراندا؟ كم عطوس (علميني على الخاص )
شوفي يا اخويتس هالايام الرجاجيل هم اللي يزعلون وحن اللي نراضيهم (باغلى من قراش الميراندا ) :)
نسوان قبل يستاهلون والله يغرقون بالذهب !! لكن مش الكل كان يحصل رضوى مناسبة. لكن بحسب مقدرة الرجال وبحسب كرمه وبحسب جرمه بعد الكلمة الطيبة هي المقدمة طبعا لان الهدية من غير نفس زي قلتها
صحيح ان الحريم الحين يشتغلن ويصرفن على انفسهن وبيوتهن لكن هدية بعد زعل ما تضرش ولو كانت راقية وجذابة وتلبس في جيد او ساعد احسن من اللي تنحط في الكبد وتدبله
والا اشرايكن يا حريم؟ قولوا : ايييييه:victory:


ضحكتني من قلب هالكلمه...:nice:
LOLOO
15-08-2008, 04:24 PM
يعطيك العافية اختي ع الموضوع....

ولو ان املاء الكاتب في لانه ولانها....شتتني وقعدت اراقب الاملاء....الاان اسلوبه حلووو
um abdulla
15-08-2008, 04:28 PM
ضحكتني من قلب هالكلمه...:nice:

اضحك الله سنك يالغالية على طول
وان شاء الله ، الله لا يجيب زعل بين كل زوجين ويصلح احوال الاسر المسلمة
LOLOO
15-08-2008, 04:32 PM
هتان
انت تسوين دعاية للميراندا؟ كم عطوس (علميني على الخاص )
شوفي يا اخويتس هالايام الرجاجيل هم اللي يزعلون وحن اللي نراضيهم (باغلى من قراش الميراندا ) :)
نسوان قبل يستاهلون والله يغرقون بالذهب !! لكن مش الكل كان يحصل رضوى مناسبة. لكن بحسب مقدرة الرجال وبحسب كرمه وبحسب جرمه بعد
الكلمة الطيبة هي المقدمة طبعا لان الهدية من غير نفس زي قلتها
صحيح ان الحريم الحين يشتغلن ويصرفن على انفسهن وبيوتهن لكن هدية بعد زعل ما تضرش ولو كانت راقية وجذابة وتلبس في جيد او ساعد احسن من اللي تنحط في الكبد وتدبله
والا اشرايكن يا حريم؟ قولوا : ايييييه:victory:

ايوووووووووووووه صح


اولا حمد الله ع السلامة اختي ام عبد الله....

ثانيا ترى فيه من حريم الحين يستاهلون ينصبووون ذهب.....
um abdulla
15-08-2008, 04:40 PM
ايوووووووووووووه صح


اولا حمد الله ع السلامة اختي ام عبد الله....

ثانيا ترى فيه من حريم الحين يستاهلون ينصبووون ذهب.....

الله يسلمك يا اختي لولوو
كلامك صحيح ولكن قلبي اشفق على حال امهاتنا واحوال المعيشة القاسية التي عاشوها مع ابهاتنا وكيف صبروا وعانوا وتجملوا ودبروا واحتالوا لكي تمضى الحياة .
امهاتنا اللي كانوا سنع ودبرة خاطوا وصنعوا ورفعوا ورقعوا وسدوا كل الفراغات اللي تركها غياب الرجال او عجزهم او قسوتهم احيانا . امهاتنا وش حصلوا ؟ حتى الكلمة الحلوة ما لقووا !! ولا كان وراهم المؤسسة القطرية لحماية المرأة والطفل ولا منتدى شبكة الاسهم القطرية الحمدلله غزروها بفضل الله ورحمته ومدة اليد لله والضراعة لشانه العالي
LOLOO
15-08-2008, 06:15 PM
الله يسلمك يا اختي لولوو
كلامك صحيح ولكن قلبي اشفق على حال امهاتنا واحوال المعيشة القاسية التي عاشوها مع ابهاتنا وكيف صبروا وعانوا وتجملوا ودبروا واحتالوا لكي تمضى الحياة .
امهاتنا اللي كانوا سنع ودبرة خاطوا وصنعوا ورفعوا ورقعوا وسدوا كل الفراغات اللي تركها غياب الرجال او عجزهم او قسوتهم احيانا . امهاتنا وش حصلوا ؟ حتى الكلمة الحلوة ما لقووا !! ولا كان وراهم المؤسسة القطرية لحماية المرأة والطفل ولا منتدى شبكة الاسهم القطرية الحمدلله غزروها بفضل الله ورحمته ومدة اليد لله والضراعة لشانه العالي

صدقتي والله....

تسولف علينا جدتي عن صبر الحريم قبل ..ومعاناتهم...
تقول الوحدة حتى اذا الله بلاها بواحد( ضفعه)ومافيه خير...
ومد يده عليها ماتزعل وتروح بيت اهلها..تصبر حتى جاراتها ثاني يوم يجون يباركون لها بالغلا
لانه ضربها....(الظاهر نوع من المواساه)....
مادري سمعتي هالسالفة من قبل ولا لا....
الرايقه
15-08-2008, 07:17 PM
يعطيتس العافية حبيبتي هتان قطر
الرضوة معروفة من زمان تعطى لارضاء الزوجة لما تزعل وتدب الخلافات بينهم وطبعا مايسمح خاطرها الا الذهب او الفلوس (طبعا مو مثل نسوان اليوم كل شيء يزعلها ماتزعل الاللشديد القوي) او تعطى لما يتزوج عليها كهدية لارضائها وخصوصا لما تكون ام عياله يااما ترضى او تتطلق ( لاتغلى تخلى)
وحتى لاتفقد الهدية مصداقيتها مو على كل زعل هدية
وعن نفسي وكل امراة ( احب الهدية حتى لوكنت غنية ) مومعناه لازم ذهب اي شيء حتى لو
http://img33.picoodle.com/img/img33/3/8/15/t_11m_ceb919a.jpg (http://www.picoodle.com/view.php?img=/3/8/15/f_11m_ceb919a.jpg&srv=img33)
هتـان قطر
15-08-2008, 07:32 PM
يعطيك العافية اختي ع الموضوع....

ولو ان املاء الكاتب في لانه ولانها....شتتني وقعدت اراقب الاملاء....الاان اسلوبه حلووو


اتركي الاملاء وركزي على المضمون...:nice:

لولو خاطرس فيه هديه معتبره ...اتجيس بدون هواش ومشاكل والا الهديه

ما تحلى الا عقب هده وهواش..؟

:omen2:
هتـان قطر
15-08-2008, 07:33 PM
اضحك الله سنك يالغالية على طول
وان شاء الله ، الله لا يجيب زعل بين كل زوجين ويصلح احوال الاسر المسلمة


اللهم امين...:)
هتـان قطر
15-08-2008, 07:34 PM
ايوووووووووووووه صح


اولا حمد الله ع السلامة اختي ام عبد الله....

ثانيا ترى فيه من حريم الحين يستاهلون ينصبووون ذهب.....


الله يسلمك يا اختي لولوو
كلامك صحيح ولكن قلبي اشفق على حال امهاتنا واحوال المعيشة القاسية التي عاشوها مع ابهاتنا وكيف صبروا وعانوا وتجملوا ودبروا واحتالوا لكي تمضى الحياة .
امهاتنا اللي كانوا سنع ودبرة خاطوا وصنعوا ورفعوا ورقعوا وسدوا كل الفراغات اللي تركها غياب الرجال او عجزهم او قسوتهم احيانا . امهاتنا وش حصلوا ؟ حتى الكلمة الحلوة ما لقووا !! ولا كان وراهم المؤسسة القطرية لحماية المرأة والطفل ولا منتدى شبكة الاسهم القطرية الحمدلله غزروها بفضل الله ورحمته ومدة اليد لله والضراعة لشانه العالي


صدقتي والله....

تسولف علينا جدتي عن صبر الحريم قبل ..ومعاناتهم...
تقول الوحدة حتى اذا الله بلاها بواحد( ضفعه)ومافيه خير...
ومد يده عليها ماتزعل وتروح بيت اهلها..تصبر حتى جاراتها ثاني يوم يجون يباركون لها بالغلا
لانه ضربها....(الظاهر نوع من المواساه)....
مادري سمعتي هالسالفة من قبل ولا لا....


الله يعطيكم العافيه..اخذوا راحتكم سولفوا مع بعض..:omen2:
هتـان قطر
15-08-2008, 07:36 PM
يعطيتس العافية حبيبتي هتان قطر
الرضوة معروفة من زمان تعطى لارضاء الزوجة لما تزعل وتدب الخلافات بينهم وطبعا مايسمح خاطرها الا الذهب او الفلوس (طبعا مو مثل نسوان اليوم كل شيء يزعلها ماتزعل الاللشديد القوي) او تعطى لما يتزوج عليها كهدية لارضائها وخصوصا لما تكون ام عياله يااما ترضى او تتطلق ( لاتغلى تخلى)
وحتى لاتفقد الهدية مصداقيتها مو على كل زعل هدية
وعن نفسي وكل امراة ( احب الهدية حتى لوكنت غنية ) مومعناه لازم ذهب اي شيء حتى لو
http://img33.picoodle.com/img/img33/3/8/15/t_11m_ceb919a.jpg (http://www.picoodle.com/view.php?img=/3/8/15/f_11m_ceb919a.jpg&srv=img33)



اعتقد كل النسوان مثل بعض...نحب الكلمه الحلوه وما تحلى الا وفوقها هديه..


وفعلا ( احب الهدية حتى لوكنت غنية )..:victory:
um abdulla
15-08-2008, 11:16 PM
اعتقد كل النسوان مثل بعض...نحب الكلمه الحلوه وما تحلى الا وفوقها هديه..


وفعلا ( احب الهدية حتى لوكنت غنية )..:victory:

ما تلاحظين هتان؟ الرجال شردوا من موضوعك !
اكيد دروا انه شلخ ! اجل قرشة ميراندا تسد حلق المرة ؟؟ ما كانش حد غلب !!
فارس الكلمة
15-08-2008, 11:46 PM
أحنا الرجال .. بعد يبيلنا رضوة .. لو زعلنا عليكن ..!!
um abdulla
15-08-2008, 11:52 PM
أحنا الرجال .. بعد يبيلنا رضوة .. لو زعلنا عليكن ..!!

الحقي يا هتان !! حن تسكتنا قرشة ميراندا والرجاجيل وش يرضيهم ؟؟سبرايت وصحن مرقوقة .. وساعة رولكس
هتـان قطر
16-08-2008, 12:17 AM
ما تلاحظين هتان؟ الرجال شردوا من موضوعك !
اكيد دروا انه شلخ ! اجل قرشة ميراندا تسد حلق المرة ؟؟ ما كانش حد غلب !!

:omg:

تصدقين...؟ مالهم حس ابدا...ليكون مستخسرين فينا غرشه الميرندا..؟

تذكرت وحده متصله باحد المشايخ على الهوا قالت احنا ماحنا ببهايم كل مازعلونا

قطوا لنا ورده..ليتكلم الواحد منهم قال ياخي عطها ورده وبتسكت..احنا نبي كلام حلو..

نبي لسان ينقط عسل..:telephone:
هتـان قطر
16-08-2008, 12:17 AM
أحنا الرجال .. بعد يبيلنا رضوة .. لو زعلنا عليكن ..!!


انت بس قول وشتبون..؟ احنا نعرف على طول..
هتـان قطر
16-08-2008, 12:21 AM
الحقي يا هتان !! حن تسكتنا قرشة ميراندا والرجاجيل وش يرضيهم ؟؟سبرايت وصحن مرقوقة .. وساعة رولكس



انا الصراحه مابي غرشة ميرندا...اما ذهب والماس والا على الاقل كلام حلو

اما ميرندا..؟ الدكان مايقصر بشتري بدل الوحده عشر..:anger1:

ام عبدالله الرجاجيل يرضيهم السكوت عن اخطائهم ..مايهمهم لاهدايا ولا غيرها
um abdulla
16-08-2008, 12:32 AM
يا شهرزاد غني الهوى غني الليالي فالشوق عاد
يا شهرزاد و للنوى قصر ببالي رغم البعاد
و أعيدي و أعيدي وأعيدي يا شهرزاد
ما للأغاني عادت بنا صوب المغاني التي لنا
يوم الصبايا زهر العشايا و للحكايا عطر يعاد
و أعيدي و أعيدي وأعيدي يا شهرزاد
أنا شهرزاد القصيدة و صوتي غناء الجراح
أنا كل يوم جديدة أهاجر عند الصباح
و كان شهريار يبدد النساء
يبدد الأشعار و الناس و الأسماء
رأيت دموع العذارى سمعت بكاء السنين
و كيف تضيع العذارى بقصر الضنى و الأنين
و كان شهريار يسهر كل ليلة
مستوحشا فصار سجين ألف ليلة
و صار سجين الحكاية
و قلت للحكاية: ألا حرري السجينات
إنهضن يا سجينات
أنا شهرزاد
غزلان
16-08-2008, 12:38 AM
مافي احلى من الهديه خاصه اذا كانت ورد

شكرا
هتـان قطر
16-08-2008, 12:39 AM
يا شهرزاد غني الهوى غني الليالي فالشوق عاد
يا شهرزاد و للنوى قصر ببالي رغم البعاد
و أعيدي و أعيدي وأعيدي يا شهرزاد
ما للأغاني عادت بنا صوب المغاني التي لنا
يوم الصبايا زهر العشايا و للحكايا عطر يعاد
و أعيدي و أعيدي وأعيدي يا شهرزاد
أنا شهرزاد القصيدة و صوتي غناء الجراح
أنا كل يوم جديدة أهاجر عند الصباح
و كان شهريار يبدد النساء
يبدد الأشعار و الناس و الأسماء
رأيت دموع العذارى سمعت بكاء السنين
و كيف تضيع العذارى بقصر الضنى و الأنين
و كان شهريار يسهر كل ليلة
مستوحشا فصار سجين ألف ليلة
و صار سجين الحكاية
و قلت للحكاية: ألا حرري السجينات
إنهضن يا سجينات
أنا شهرزاد



:omg:



http://www.rooo7i.net/smiles/smiles/3/41.gif (http://www.rooo7i.net)
هتـان قطر
16-08-2008, 12:41 AM
مافي احلى من الهديه خاصه اذا كانت ورد

شكرا



لاتصيرين عاطفيه ياغزلان...ترى المثل يقول يامدور الهين ترى الكايد احلى..

الورده بتشمينها شوي وبتحذفينها..لكن الذهب بتم قيمته فيه..هذا اذا مارتفع

مع اني افضل الالماس اكثر..:)
غزلان
16-08-2008, 12:50 AM
لاتصيرين عاطفيه ياغزلان...ترى المثل يقول يامدور الهين ترى الكايد احلى..

الورده بتشمينها شوي وبتحذفينها..لكن الذهب بتم قيمته فيه..هذا اذا مارتفع

مع اني افضل الالماس اكثر..:)


-
قلت ورد يمكن يفهم ويعرف انه الورد ولا شي فيجيب الأغلى
اذا فيها الماس عيل انا مايملي راسي الا كارتير:shy:
ANONYMOUS
16-08-2008, 02:26 AM
نصيحه لك ايها الرجل..

اذا زعلت زوجتك كيلو ( ماعرف شكثر الكميه ) ازعل منها 1000 كيلو

وبتجيك كأن ماشي صاير..


:victory:


وشكرا عالموضوع ياميرندا
النجلا
16-08-2008, 02:33 AM
الكلمه الحلوه والقلب المحب يكفي عن كل الهدايا

ويعطيك العااااافية على الكلمات الأكثر من روووووعة ,,

:)

يسلمموووووووووووو
وضحى قطر
16-08-2008, 03:39 AM
الكلمه الحلوه تكفي والله احيانا الابتسامه لحالها تشفي ..بس هم بعد لايكثر ويقول رضوتها بالساهل :d
طارق
16-08-2008, 08:43 AM
موضوع , مصاغ بطريقه جميله وحلوه