هل تعتقد أن شهر رمضان الكريم يؤثر سلبيا على سير العملية التعليمية؟

[@ دانتيل قطر @]

هذا موقع وزارة التربية والتعليم
مسويه أستفتاء
وتصويت على أجازة في شهر رمضان للدوام المدرسي
أرجوكم أدخلوو وصوتو


http://www.moe.edu.qa/



نتيجة الإستطلاع -


5 Aug 2008 - 31 Aug 2008
هل تعتقد أن شهر رمضان الكريم يؤثر سلبيا على سير العملية التعليمية؟
الخيارات
النسبة
عدد اللأصوات
موافق
85.18%






1040


ليس بالضرورة
6.06%






74


غير موافق
8.76%






107


إجمالي المصوتين 1221

[ANONYMOUS]

لايؤثر..

المسلسلات والسهر اللي تؤثر في العمليه التعليميه في رمضان

[بنت المنتدى]

اسم الله علينا ماشوف صار لنا شي

اما عيال الحين متعلمين ع البطره والسهر:anger1:

[๏̯͡๏]

طيب والمطلوب؟

يعني تبين تصويت

سوري ماراح اصوت انا موظف يعني مالي شغل

نفسي يحكونهم في رمضان عشرين سنه قدام خلهم يذوقون اللي ذقناه هع

[بنت المنتدى]

طيب والمطلوب؟

يعني تبين تصويت

سوري ماراح اصوت انا موظف يعني مالي شغل

نفسي يحكونهم في رمضان عشرين سنه قدام خلهم يذوقون اللي ذقناه هع



:nice::nice::nice::nice:

الحمدلله فيه ناس تفكر في نفس تفكيري :tooth:

[لولوتي]

ليش ينطرح السؤال من الأساس
ليش مو كل واحد يشوف نفسه
ويتذكر السنين اللي مرت عليه وهو صايم ومداوم
بعز الصيف والحر في المدرسه والباص

اشوف ماكان له هالدوام اي تأثير سلبي علينا:con2:

ليش اليوم عيالنا مايقدرون يتحملون
ليش لازم اليوم التربيه اتكون كلها دلع في دلع
ليش المدرسه في رمضان هي اللي بتتعب عيالنا
وكأنهم الحين في الاجازه مايطلعون ابد في الحر والشمس لوناستهم

والشي الثاني كم مدة الدراسه في رمضان ؟؟؟؟
كم ساعه وكم يوم،،،طبعا اقصد اجازة العيد اعتقد بروحها اتكون 10 ايام ؟؟؟؟

[هدهد سليمان]

اول شيء الناس تتدرع بإجازة رمضان حق العباده الله يوفقهم لكن هالشي ما يمنع من استمرار الدراسة وعلى أكمل وجه والتعب اللي يتكلمون عنه هم اصحاب السهر على المسلسلات والكلام الفاضي ، وقالوا الإخوة وما قصرو ، مرة علينا فترة رمضان في شهر يونيو يعني الحر كله والمكيفات الله يعين والحمدلله ما صار فينا اي شيء ، اعتقد انها دعوه للكسل وليس للعمل والله اعلم

[LOLOO]

وجهة نظري ...ان التحصيل العلمي للطالب في رمضان راح يكون اقل من تحصيلة في الايام الاخرى والسبب...
1-السبب الرئيسي ان معظم المدارس الحكومية ان ماكانت كلها يكون عندها عجز في بداية العام الدراسي في بعض المواد وتروح غالبية الحصص في الاحتياط..حتى يتم سد الشاغر و يستمر احيانا شهر اواكثر...
2-المدرس او (المدرسة.)..صايم وعنده في اليوم ثلاث او اربع حصص.....
يعني القدرة على العطاء ان كانت نصف الطبيعي كثر خيره...
3-الطالب في المرحلة الابتدائية ماراح تفرق معاه بيقوم وبيداوم لكن انه يرجع يذاكر لابد من وجود الام الي بتذاكر له...والام ماراح تقدر تلحق لانها يا موظفة وجاية من الدوام منهد حيلها ماراح تمسك العيال وتدرسهم ...
او بتكون ربة بيت والمطبخ شغلها الشاغل..يعني فترة العصر الي ممكن الام تستغلها في التدريس بتكون للمطبخ...
وبعدالفطوروقت صلاة شهر عباده يعني بترجع بعد الساعة 8 شبقى من الوقت ...
....وسلامتك(يارب يعطونا اجازة)

وشكرا لصاحبة الموضوع....

[أبـوسعـود]

اخ يالقهر والحين بعد قاعات مكيفه للمدارس والله اياما واحنا فى الطابور تحصل كم واحد يطيح ضربة شمس خخخخخخخخخخخخخخخ وكنا نداوم

يارب مايعطونهم اجازه عشان بعدين كله سهر ونوم وقت الصوم

[الوعد2016]

بداية الدوام نقص كتب مدرسي ضياع من كل صوب اول اسبوع مخصوم من الدراسه واخر اسبوع مخصوم من الدراسه الدوام كم ساعه
يعني ما ينفع الدراسه في رمضان

[ريميه]

تم التصويت بالموافقة

شكرآ

[ضوى]

هذي سالفة ولدي اللي رايح خامس شيقولي ؟؟

يقول لي يمه انا افكر اشلون باصوم رمضان بيحكوني حك والله باهلك يا يمه ! قلت له وليش تهلك يا قلبي ؟؟ قال يمه انتي نسيتي انا باص والباص يلف فيني الدوحة كلها ؟؟ قلت له انزين ؟؟ وش فيها الا قاعد بسيارة وباصاتكم مكيفة مو مثل على ايامنا الباصات الحترة اللي ما فيها حتى مراوح قلت له بتصوم وعن الدلع السخيف يقول اييييييييييه الله يعين ان شاء الله واذوب الشحم اللي فيني

الصوم ما ياثر عالدراسة ابدا وصار لهم سنين يصومون ايام المدارس فوين المشكلة ؟؟ حر ؟؟ على عشر دقايق والا ربع ساعة بالشمس ؟؟ كل مان مكيف باص سيارة مدرسة وين الحر ؟؟ما اقول الا الله يجيرنا من حر جهنم ويبعد عنا زفيرها اللهم اميييييييييييييين