تسجيل الدخول

مشاهدة النسخة كاملة : أين حماية المستهلك ( البتيل زاد سعر الكيكة الى 175 ريال


سوق واقف
16-08-2008, 12:56 AM
السلام عليكم ورحمة الله وبركاته


ما أبي أطول عليكم بس الصراحة أنصدمت اليوم في البتيل رافع سعر الكيكة الى 175 ريال الي كانت 100 ريال

سألت الموظف ليش قالي من يومين رفعنا الأسعار ليش عشان رمضان والله حرام يا ناس
لازم يمنعون هذا الأحتيال بعدين هذي مب ذهب الى كيكة ...تهاوشت معاهم وطلعت رحت ماسيس أحسن أحلى وارخص ...

أين حماية المستهلك المحلات قاعده ترفع الأسعار عشان رمضان لازم رقابة عليهم تكون صارمة ...دعوة للنقاش
عليان قطر
16-08-2008, 12:59 AM
هو في شي اسمه حماية مستهلك
ذي ادارة عليها السلام
بنت المنتدى
16-08-2008, 01:02 AM
عليكم السلام ورحمة الله وبركاته




بعد لهم وجه يرفعون كفايه اللي في فريجنا للحين مسكر من وساختهم :anger1:

قبل فتره زادوا اخبر 5 ريال والحين على كلامك زادوا 70 ريال مره وحده :eek5:


والله حرام والله العظيم حررررررررررررررررررررررام

معقوله ان مافيه مسؤولين عن هالمواضيع .............!!


من جد ماادري شاقول لاني والله العظيم مقهوره على سوالفهم كل شي ارتفع كل شي


حسبي الله عليهم



يا ما كتبنا ويا ما قلنا يااخوي ولاحياه لمن تنادي .. يعني قلت او ماقلت صدقني مو متغير شي


:anger1::anger1::anger1::anger1::anger1::anger1:










وعاش من شافك اخوووووووووي ..
ومبارك عليك الشهر مقدماً .. والله يبلغك اياه ان شاءالله
jassim_007
16-08-2008, 01:03 AM
:whistling: عادي بيقولون الايجارات مرتفعه :shy:
الرايقه
16-08-2008, 01:05 AM
لان الطحين اللي يسوون منه الكيك العام كان ب105 ريال والسنه 170 علشان كذا لازم ترتفع اسعار الكيك
ام علي1981
16-08-2008, 01:09 AM
وانا يوم الخميس رحت افصل عباية ولما سالت عن سعر احدى العبايات قالي 1400 وعلى رايك لوانها ذهب
وليش اصحاب المحلات مايفترون مادام مافي رقابة ومافي على لسانهم غير الايجارات ارتفعت يعني الايجارات ما ارتفعت علينا؟؟؟؟؟؟؟؟؟؟؟؟؟؟؟؟؟؟؟؟؟؟؟
هام السحاب
16-08-2008, 01:11 AM
و العثره 70 ريال مره وحده :eek5:
سوق واقف
16-08-2008, 01:13 AM
والله منصدم من السعر ليش شنو ذهب ولا ألماس والله لا تشترون خلو الكيكات تخيس عندهم
الوعد2016
16-08-2008, 01:13 AM
كل ليوم زياده في الاسعار الاكل والمواد الغذائيه والمطاعم والاعاب جنغل زون وغيرها
ومواد التنظيف وغيرها
ولا حماية مستهلك ولا شي حماية وكيل صح
jassim_007
16-08-2008, 01:17 AM
والله منصدم من السعر ليش شنو ذهب ولا ألماس والله لا تشترون خلو الكيكات تخيس عندهم

هههه

اخوي سوق واقف صدقني مايقدرون

احين إي شي غالي هو المرغوب حتى لو مب شي! الناس تركض ورا المظاهر ....يبون يوم يسألونهم من وين شريت يرد و (بكل فخر) يقول من المكان الفلاني (لانه اغلى بس يبي يفوشر)


كمثال بسيط...اشوف الناس طايحين على الكوستا كافيه ...و انا كذا مره جربت بس ابي اشوف ليش الناس ميتين على هل الكوستا والله ماعجبني ...الخيام احلى بالف مرة ! لاتقولون لي الناس اذواق لانه ادري محد ذوقه (داق) جذي :rolleyes2:
هدهد سليمان
16-08-2008, 01:19 AM
السلام عليكم ورحمة الله وبركاته


ما أبي أطول عليكم بس الصراحة أنصدمت اليوم في البتيل رافع سعر الكيكة الى 175 ريال الي كانت 100 ريال


أين حماية المستهلك

بصراحه
استغرب السؤال ، الظاهر انك من امريكا او اوروبا ومن متى كان في شيء اسمه حماية مستهلك؟ اتذكر ان في اسم بس ما ادري وين .. اي تذكرت في الأحلام السعيده بس يا الطيب إذا وقفت على الكيكه هين شوف كل الاسعار ايش صار فيها ولا حياة لمن تنادي صدقني حماية المستهلك هي السبب في الغلاء ، وجرايدنا المحليه ما تقصر في رفع الأسعار تبي تكحلها تعميها ... فعلا وين حماية المستهلك هل يوجد هذا الكائن على قيد الحياة :con2: ؟
اعالي الجنان
16-08-2008, 01:25 AM
لاحولولاقوة الابالله

قلنا زيدو بس مب مره وحده 75 ريال

اله كيكه ماتسوووا السعر ذي

يازين كييك السويسريه شكلنا بنرد له ونطنش البتيل
لولوتي
16-08-2008, 01:26 AM
اي والله حتى انا انصدمت
الاسبوع اللي طاف خذيت منه نفس الكيكات اللي اخذهم دايما
اقصد القطع الاصغيره
وعند الدفع يقولي مبلغ تقريبا الضعف
سوق واقف
16-08-2008, 10:12 AM
أتمنى التدخل من وزارة البلدية
king fish
16-08-2008, 10:17 AM
لو ما اكلت من عنده ماراح تموت كارفور يسوي كيك طازج نفي الي في البتبل واحسن
ب 45 ريال
حبر سري
16-08-2008, 10:17 AM
السلام عليكم ورحمة الله وبركاته


ما أبي أطول عليكم بس الصراحة أنصدمت اليوم في البتيل رافع سعر الكيكة الى 175 ريال الي كانت 100 ريال

سألت الموظف ليش قالي من يومين رفعنا الأسعار ليش عشان رمضان والله حرام يا ناس
لازم يمنعون هذا الأحتيال بعدين هذي مب ذهب الى كيكة ...تهاوشت معاهم وطلعت رحت ماسيس أحسن أحلى وارخص ...

أين حماية المستهلك المحلات قاعده ترفع الأسعار عشان رمضان لازم رقابة عليهم تكون صارمة ...دعوة للنقاش

اخوي
احنا لو يرفعون علينا سعر الحصى اللي في الشارع وعلى الرصيف بعد بنشتري

شعب مستهلك درجة اولى
كل مارفعوا سعر شي قمنا نتضارب عليه ونقول وين حماية المستهلك
المستهلك اللي مثلنا صراحة حرام الحماية فيه

اي سلعة احنا اللي نرفع سعرنا بشراءنا المتكرر لها وهي مش سلعة اساسية
نبي نستهلك وبس
والبتيل ماسوا هخالحركة الا لانه عارف ومتأكد ان الناس بيشترون لو شنو
لو يصير سعر الكيكة الف ريال , هم متاكيدن ان احنا بنشتري
وبنقعد نتشكى وين حماية المستهلك ووين حماية المستهلك
مطـر
16-08-2008, 10:22 AM
لاتشترو منهم وبس
خلهم يولون
في اكثر من مكان غيرهم
والله يستر على عباده
مصراوية
16-08-2008, 11:22 AM
بدل ما نعتمد علي حماية المستهلك
واحنا متاكدين انها مش هتفيدنا


نعتمد علي نفسنا
والمحلات اللي تعلي علينا الاسعار بالطريقة المستفزة دي
مانشتري منها

في الاردن الناس لما زادت اسعار الالبان عملو كده
بعد كده الاسعار نزلت تاني


ليه ما نعمل كده!؟؟؟؟؟
بقينا مستهلكين لدرجة نشوف اصحاب المحلات يسرقونا
وبرضو نسكت ونشتري ونقول هنعمل ايه ما هو مافيش حماية مستهلك


قبل ما ندور علي حد يحمينا
ما نحمي احنا نفسنا بنفسنا
ANONYMOUS
16-08-2008, 11:39 AM
هههه

اخوي سوق واقف صدقني مايقدرون

احين إي شي غالي هو المرغوب حتى لو مب شي! الناس تركض ورا المظاهر ....يبون يوم يسألونهم من وين شريت يرد و (بكل فخر) يقول من المكان الفلاني (لانه اغلى بس يبي يفوشر)


كمثال بسيط...اشوف الناس طايحين على الكوستا كافيه ...و انا كذا مره جربت بس ابي اشوف ليش الناس ميتين على هل الكوستا والله ماعجبني ...الخيام احلى بالف مرة ! لاتقولون لي الناس اذواق لانه ادري محد ذوقه (داق) جذي :rolleyes2:



والله انك صادق..

الخيام احلا من كوستا..

بس كوستا احلا من ستاربكس

ولكن كرك النعيمي افضل الجميع


بريال SHY

:victory:
khalid1975
16-08-2008, 11:50 AM
عاد موب رايح تشتري الا من عند البتيل الله يسامحك...


تعال .. فرعهم اللي في ازغوى ... وشوف ايش على الباب ...

بتلقى ورقه اشكبرها ... حق البلديه .... أغلالالالالالالالالالالالالالالاق


وللحين تشتري منهم!!!!!!!!!
شكري وتقديري
16-08-2008, 12:46 PM
يا ما أحلى كيك البيت .

1. نظافة

2.إبتكار

3. تحد للذات لعمل الأفضل

4. وأخيرا حلاوة ونكهة غير معقولة .


وإنتبهوا لأصابعكم لا تأكلوها وراءه .
مـراحـب
16-08-2008, 12:51 PM
سوق واقف

تشكر لطرحك هذا الموضوع ، ،

والأدهى والأمّر من ذلك ، ،

(( النادي الدبلوماسي ))

تخيل سندويتش الجبن كان ( 2 ) صار ( 5 ) ما فيه الا توست وجبن ، ،

والسلطة من ( 3 ) إلى ( 12 ) ريال ، ،

الفلافل ( 3 ) إلى ( 6 ) ريال ، ،

لا حول ولا قوة الا بالله ، ،

حسبي الله ونعم الوكيل عليهم ، ،

أختك في الله
مـراحـب
Riku3
16-08-2008, 01:07 PM
عاد والله صدقتوا الشعب هنا يحب يفوشر ! ..

انا من فترة شريت حلويات هديه لشخص بـ 800 ريال من لاريسا مع اني شفت في الحلويات السويسرية حلويات احلى واكبر بكثييييييييييير بهالسعر .... ولكني رحت اخذ من لاريسا علشان الاسم بس ههههههه ..

توني شاركت بموضوع مشابه .. هذا ردي بشكل عام على مشكلة الارتفاع وحماية المستهلك ..

مافي دور جاد لحماية المستهلك عندنا .. مجرد اسم .

اذكر السنه الي فاتت كنت اسمع برنامج اذاعي اماراتي وكانوا يتكلمون كيف حماية المستهلك في احد الامارات الغت رفع دور السينما للتذاكر من 30 الى 35 بدون اذن رسمي .. وبعد التدخل رجع السعر الى 30 ريال ! ..

ولكن عندنا السالفة سايبه وكل واحد يرفع من عنده ..

قبل شهرين دخلت جميعة الميرة .. وكالعادة انا اشتري "بونتي" ابو 5 حبات وسعره 8 ريالات .. بس لقيتهم حاطين عرض اشتري علبتين بسعر 20 ريال فقط !! ..

قلت للهندي الي شغال هناك .. كيف 20 ريال للاثنين والواحد سعره 8 ريال يعني المجموع 16 .... قالي لااااا الواحد صار ب 10 ونص ..

قال عرض خاص !! @_@ .. صج صرنا مقصه ! .

المفروض نشوف دور ايجابي لوزارة الاقتصاد بمثل هالامور .. ولو يتم نشر اسماء المخالفين بالجرايد الرسمية بيكون افضل علشان يكونون عبره لمن لايعتبر ! .

هل بيجي اليوم الي نشوف فيه مثل هالامور بقطــــر ؟ .. شخصياً متشائم دام التجار هم الي ماسكين المناصب .
almulla
16-08-2008, 04:44 PM
هههه

اخوي سوق واقف صدقني مايقدرون

احين إي شي غالي هو المرغوب حتى لو مب شي! الناس تركض ورا المظاهر ....يبون يوم يسألونهم من وين شريت يرد و (بكل فخر) يقول من المكان الفلاني (لانه اغلى بس يبي يفوشر)


كمثال بسيط...اشوف الناس طايحين على الكوستا كافيه ...و انا كذا مره جربت بس ابي اشوف ليش الناس ميتين على هل الكوستا والله ماعجبني ...الخيام احلى بالف مرة ! لاتقولون لي الناس اذواق لانه ادري محد ذوقه (داق) جذي :rolleyes2:

اتفق معاك الخيام احلى من كوستا بالف مرة
almulla
16-08-2008, 04:49 PM
تيم اوت كان ب12 شريته ب17 ذاك اليوم مع انه حاطينه 12 لما رحت كاونتر الدفع قالي ب17 ريال !! السعر زاد

خوش زيادة والله

بستك بست اللي هني ب22 ريال في السعودية 12 ريال مع ان المنتج اماراتي

الحمص في السعودية ب3 ريالات ان كثر

الحلويات السويسرية زادو السعر من 3 الى 5 لكافة القطع اللي عندهم وكل يوم يزيدون ريال
khk
16-08-2008, 05:10 PM
::weeping:المشكلة أن أول ما تطلع اشاعة أن الرواتب بتزيد ترتفع الاسعار ولين اتزيد الرواتب ترتفع الاسعار مره ثانية
سوق واقف
16-08-2008, 05:17 PM
خلاص وصلنا الى مرحلة ان أصحاب المحلات صاروا حرامية ولازم يوقفونهم عند حدهم الصراحة
أم أمووون
16-08-2008, 05:26 PM
لقد أسمعت لو ناديت حياً... ولكن... لا حياة لمن تنادي
khalid1975
16-08-2008, 05:27 PM
هذه كله سببه طفرة النفط

اقترح يشوفون كم زاد سعر النفط عن اول .. ويعملون علاوة اضافية ..
بقيمة هذه الزياده

(( اول كان سعر النفط ما يقارب 30 ريال ... الحين تجاوز 120 ريال ... يعني اربع اضعاف اول))

يسمونها
غلاء معيشه

وعند ما ينزل سعر النفط عالميا ... تزول هذه العلاوه


خوش اقتراااااااااااااااااح!!!
شيزكيك
16-08-2008, 06:27 PM
هههه

اخوي سوق واقف صدقني مايقدرون

احين إي شي غالي هو المرغوب حتى لو مب شي! الناس تركض ورا المظاهر ....يبون يوم يسألونهم من وين شريت يرد و (بكل فخر) يقول من المكان الفلاني (لانه اغلى بس يبي يفوشر)


كمثال بسيط...اشوف الناس طايحين على الكوستا كافيه ...و انا كذا مره جربت بس ابي اشوف ليش الناس ميتين على هل الكوستا والله ماعجبني ...الخيام احلى بالف مرة ! لاتقولون لي الناس اذواق لانه ادري محد ذوقه (داق) جذي :rolleyes2:


صح كلامك

الكوستا ماله حلاة كلش وغالي عالفاضي وصج كابتشينو الخيام يسواهم
راسيه
17-08-2008, 12:21 AM
أتمنى التدخل من وزارة البلدية



:eek5: شدخل البلديه

:secret: حمايك المستهلك ماحددت الاسعار ووحدتها


موفق اخوي
وحيد-الشوق
17-08-2008, 06:27 AM
والله قهر كل شيء غالي الحين بس 70 ريال مره وحده الله لايوفقهم :anger1:

امس رايح الحلاق شعر ولحيه 40 :eek5: ماعطيته الا 30 :anger1:

حسبي والله ونعم الوكيل
السنافية
17-08-2008, 06:54 AM
الأسعار صارت خارج حدود السيطره بعض السلع ارفعت اسعارها بنسبة 100%

وكل تاجر صار يرفع بمزاجه حتى لو السلعه ماتستاهل00

يعني السالفة كلها بوق في بوق

حسبي الله ونعم الوكيل ،،،
شويهينــه
17-08-2008, 08:06 AM
وييييييييييييين انت لحين تشتري من عندهم

انا بطلت اشتري من يوم ارفعوها ل100 ريال

الله يرحم ايام كان الكيك ب 80 ريال
سارونه
17-08-2008, 08:12 AM
لا حول ولا قوة الا بالله - ما باليد حيله :(

الحين الواجب عليكم ما تشترون اي شي غالي ولا تساعدون هالتجار على الاستغلال

باخذ الي اشوف سعره عدل ومناسب - اما الغالي خله لهم - مش مستعده اساعدهم على الي يسوونه فينا

(( انا ضد ارتفاع الاسعار ))
عليان قطر
17-08-2008, 08:20 AM
الأسعار صارت خارج حدود السيطره بعض السلع ارفعت اسعارها بنسبة 100%

وكل تاجر صار يرفع بمزاجه حتى لو السلعه ماتستاهل00

يعني السالفة كلها بوق في بوق

حسبي الله ونعم الوكيل ،،،




والله عجبني التوقيع

شي خطير
عساف
17-08-2008, 08:41 AM
حااااااااااااااااااااميها حرااااااااااااااااااميها
سوق واقف
17-08-2008, 09:09 AM
مقاطعة البتيل