يا فرحة ما تمت! حفلة زواج تنتهي بمعركة وطلاق

[صغيرون قطر]

يا فرحة ما تمت!
حفلة زواج تنتهي بمعركة وطلاق

قام شاب بحريني بتطليق زوجته في بداية حفلة زفافهما بعد أن نشب شجار بين أهل العروس وأهل العريس بسبب قيام احدى قريبات العريس بواسطة هاتفها المحمول بتصوير أخت العروس وهي ترقص. وعندما طالبتها بمسح الصورة من الجهاز رفضت وقالت: إنها لن تسيء استخدامها وانها لمجرد الذكرى، وبعد فشل عدة محاولات من قبل أهل العروس لأخذ الصورة الموجودة في الهاتف وإفسادها نشب شجار كبير تدخل فيه الرجال من كلا الطرفين حيث تم

الاعتداء بالضرب واستخدام الطاولات والكراسي وتكسيرها وفر جميع المدعوين خارجا واستدعيت الشرطة لحل الخلاف، وانتهت ليلة العروسين في مركز الشرطة، وألزمت أم العروس العريس بتطليق ابنتها لأنها ترى أن العريس غير كفء لابنتها ولا تستطيع ان تأمن عليها مع اهله بعد ما شهدته من قوة بأسهم، علما بأنه يوجد خلاف سابق بين الطرفين.



المصدر - اخبار الخليج البحرينية 16-08-2008م السبت:tease:

[اعالي الجنان]

خلاف سابق بينهم بعد ويزوجون بنتهم له !!!

زين وينكم من البدايه ؟ ليش الزواج تم بعد المشاكل هذي واخرتها مشكله صارت بالعرس علطول طلاق !!

الحمدلله على نعمة العقل والله يهديهم

[bo_hamad]

الله يهديهم لما فيه الخير ولا حول ولا قوة الا بالله

[مـراحـب]

لا حول ولا قوة الا بالله

[وطن]

يحق لهم يطالبون بمسح الصور

بس كان الأجدر من البداية منع الهواتف المزودة بالكاميرا

يالله زين دام هم للحين ع البر
احسن من بعد ما يجيبون عيال

[رآعي موآجيب]

وليش البنت ما مسحت الصور !!!

الحين صاحبة الشأن قالت لها مسحي صورتي خلاص المفروض تمسح صور البنت !

إذا ما خاب ضني ان افتعال المشكله والتسبب في فشل هالزواج { متعمد }

[بوجواهر]

الغلط وكل الغلط من اهل العريس اللي شكلهم قاصدين يكبرون سالفة الصوره علشان يصير اللي صاااار

[بو شريم]

http://www.qatarshares.com.qa/data/457/460/storm_2022710944_267648230.gif

[صغيرون قطر]

إذا ما خاب ضني ان افتعال المشكله والتسبب في فشل هالزواج { متعمد }

احط في ذمتي:tease:


الغلط وكل الغلط من اهل العريس اللي شكلهم قاصدين يكبرون سالفة الصوره علشان يصير اللي صاااار

ممكن ويمكن انا ماكنت معاهم:victory:


تحياتي للجميع على المشاركه والتفاعل:omen2:

[أبـوسعـود]

خاطرى اعرف شلون تدخلو الرجال !!!!

هل اعراسهم مختلطه !!!!

اصلا القصه بكبرها غريبه

فى قطر عندنا الحريم فى قاعه ولا يدرون عنهم الرجال

[امـ عبدالله]

دامهم رضوا بدخول الجوال القاعه

عيل مايلومون اله نفسهم


وترى حاسبوا في اعراسكم

في بنات ايدشون بجوالين مب واحد

المفتشه اجوف واحد وتكتفي

[اسعاف]

هذي من بلاوي الحضارة الحالية
الواحد ما يأمن على اهله
الله المستعان

[امـ حمد]

خلاف سابق بينهم بعد ويزوجون بنتهم له !!!

زين وينكم من البدايه ؟ ليش الزواج تم بعد المشاكل هذي واخرتها مشكله صارت بالعرس علطول طلاق !!

[مضارب دوسري]

نفس سؤال ابو سعود

هل اعراسهم مختلطه لكي يتواجد الرجال وقت رقص البنات!!!!

[الوعد2016]

لاحول ولا قوتة الا بالله
الكل غلطان
والحمدالله ان ماعندهم اصابات او وفيات بسبب التصوير

[بنت نت]

يمكن مكثرين من البيره الله يهديهم!!

[Gold Boy]

يمكن مكثرين من البيره الله يهديهم!!

ههههههههههههههههههههه:nice:

عجيييييب اجل هذا السبب!!!

[التيما]

يتراوالي العرس شكله مختلط .. دام الكل يشوف يات عالتصوير يعني ؟

[بلاهويـــــة]

الحمد الله على نعمة العقل والدين

[أحلى وسيطه]

لاحول ولاقوة الا بالله

الله يثبتنا بنعمه العقل

[BoFahed]

يا ما صارت عندنا للاسف العن شي عندنا في الزواج هو تدخل الاهل قبل وبعد العرس يا ما حالات طلاق ومشاكل بسبب تحريض الاهل من الطرفين والمصيبة انه اذا صارت مشاكل محد يتحمل حتى في العرس تلقى التحدي بالنقوط والتطاول بالالفاظ وتوصل الهواش و لو احد تنازل وعدى بس القلوب مليانه بالحقد والكره وتكون القطيعه بين العائلتين اللي مفروض بدلها اواصر المحبة والاخوه اللي تفرضها المصاهرة .

حالات كثيرة اعرفها شخصيا مشاكل على اشياء تافهه وسطحيه مثلا ام هاوشت زوج بنتها على عدد الكروت قام الولد طلق قبل العرس باسبوع ولا على قاعة العرس الخ الخ
.
.

[FUTURE-1]

لاحول ولاقوة الا بالله