[][][][][ استشاره ياشباب بخصوص الزجاج الامامي ][][][][]

[ALRAYYAN]

السلام عليكم

كيف الحال .. ان شاء الله تكونون طيبين وفي احسن حال
جا دوري اني استشيركم ... الفزعه :discuss:

موتري vxr 2008 الزجاجه الامامية عندي انرملت من شنو مادري
مع اني ماسافرت في الموتر الا مرتين وبالليل ولا صادني عج خير شر

بس اشوف فيها حبوب صغيييييييره .. غلطتي اني حطيت حمايه اول ماشريت الموتر على الوجه كامل الا الزجاج الامامي

والسؤال الحين

هل اقدر اعالج الزجاج ويرد مثل الاول ؟
ووين اقدر اعالج الزجاج لو يتعالج ؟
وكم يكلف ؟

بصراحه مابي يزيد واضطر اغيرها في المستقبل .. مثل ماتعرفون تغيير الزجاج الامامي سالفه عويصه :weeping:

وتسلموووون مقدماً

[al_noimi]

مرحباا اخووي


واذا انت تقصد النقيطات الصغيره انا عني بعد موجوده ف موتري و 2008 بعد

بس ما تاثر الا اذا ركزت فيها

ف انت لا تدقق وبتكون ف السليم

[ALRAYYAN]

والله ياولد العم انا ماقدر مادقق

استضيق منها .. بس من كلامك افهم ان المواتر الجديده في هالعيب مو موتري بس ؟

[Qtr Denver]

استخدم موووس

[سفيرالاحزان]

انا عندي 2006 صار معاي نفس الشئ و وديت موتري اكثر من مكان مثل كريستال و محل اللى في محطة مسيلة و محل اللى في محطة تيسير اللى في طريق سلوى كلهم قالو لي لازم اتغير الزجاج

[قطر95]

أخوي الريان موتري فيه نفس الشي جي اكس ار 2008 ولاحظت هالشي من بعد غسيل الموتر واعتقد انه شي عادي

[لاداعي]

أخوي الريان واحد من الربع مسويها عند التيسير بس من زمااان

في محل اهناااك يعدل الزجاج الظاهر يحكه عشاان الضرباات الى

من العج اتروووح والله مااادي يالغالي هذا كلام واحد من الربع

واذا تبي انشدلك من عيوني يالذيب بوصل لين عندهم

[على نياته]

ياخوي عندك خيارين لا ثالث لهما :
1- تبدل الزجاج الامامي في الوكالة .
2- تنسى الموضوع لانه بسيط ويمكن يكون في ال 2008 كلها .
والسلام عليكم ورحمة الله وبركاته

[وحيد-الشوق]

غريبة قبل كنت مركب حماية على موترالشغل بس الي عالزجاج الامامي شليتها اختربت من المطر خخخ مااشوف لها اي فايده خسارة فلوس عالفاضي

والحين بدون حمايه وشغلي بعيد وايد 200 كيلو رايح جاي وايام عج وغبره وما اشوف شيء على زجاج الموتر شكلك توسوس وايد لاتطالع فيها وموضوعك خالص :nice:

[راعي ال2008 الاسود]

اخووي هااي ماتعالج مالها علاج هااي لزم تبدل الجامة الي قدام وعلى طول يومين بس خلها تثبت وبعدين
ودها الحماية ويركبون الحماية على الجامة والوجة

[راعى Sl]

انا الصراحه ما جربت اعالج لانه مره انكسر الزجاج عندى رحت حق كل المحلات محد منهم قادى واخر شى دليت على واحد غيره كله وعى كم 500 وبضمان بعد محله بالصناعيه

واذا بغيت اسمو المحل ورقمه عندى

شكرا

[فلفل حار]

للرفع ، لاجل خاطر اخونا الريان :)

[cayenne s]

ها اخوى الريان انحلت المشكله والا شلون

[اللهب]

مشكلتك نفسي وعقب حصلت حل لها

اخوي في شارع اسمة الغرابي في الرياض عندهم حلول جميع مشاكل السيارات
صارت عندي وسووها لي 120ريال وطلعت نفس مشريتها من الوكالة
ويعالجون الخدوش ومشوخ وكنة مصار شي
الله يوفق ويعنك على المشوار400كيلو

[ALRAYYAN]

تسلم فلفل حار ع الرفع

والله ياخوي مو مستاهله السالفه اني اروح الرياض .. بس لو الله اراد ورحت بسويها عندهم اكيد

بس اللي خلاني اسكت ان اغلب الشباب مواترهم نفس الشي .. مع اني متاكد انه مو من عج ولا شي

وتسلمون للكل

[راعي ال2008 الاسود]

تسلم فلفل حار ع الرفع

والله ياخوي مو مستاهله السالفه اني اروح الرياض .. بس لو الله اراد ورحت بسويها عندهم اكيد

بس اللي خلاني اسكت ان اغلب الشباب مواترهم نفس الشي .. مع اني متاكد انه مو من عج ولا شي

وتسلمون للكل


اخووي الريان مايبيلة شي روح الوكالة وبدل الجامة انزين هااي كلة من العج وعقبها بيوم
ول يومين روح عند الحماية وسو حماية للوجة والجامة الي قدام وموفق ان شاء الله

[ALRAYYAN]

يسلموووو دياتك ياراعي الاسود

[الكاسر007]

في محل اسمه غلاس في محطة التيسير اللي على طريق سلوى اللي احذا المجموعة ممكن يفيدك اخوي الريان

بس ما ااكد لك انه بيشيل الضربات بس ترا المحل متخصص بمشاكل الزجاج ويمكن يفيدك وبالتوفيق

[البدر 8]

المشكلة موجودة عندي
سيارتي 2008 سعودي جي اكس

[فـــــواز]

المشكله هذي انا اقولك

من التذري وراء الشحنات او السيارات او العج ما فيها ثنتين


والحل مثل ما قالوا الشباب في محل في التيسير شارع سلوى
وفيه محل في محطه مسيله اسمه ناسيه لكن جنب المطعم من وراء
وفيه زيبارات على طريق سلوى
ان شاء الله تلقى عندهم حل

[ALRAYYAN]

تسلمون يالنشاما .. الله يطول اعماركم وماقصرتوا

وان شاء الله بشوف هالمحل اللي في التيسير .. بس انا اعرف نفسي يومي بسنه :shy: