استفسار لاهل قطر من اخوكم محمد

[محمد البحرين]

السلام عليكم ورحمة الله وبركاته

انا عضو جديد يا اخواني القطريين واتشرف بانضمامي لكم

اخواني في قطر احب استفسر عن فرص عملي في قطر

انا توني خريج هندسة بترول من جامعه معترف بها دوليا لكن سؤالي واتمنى احد يفيدني فيه من ناحية الرواتب ومكان العمل والقبول في الشركات

مهندس بترول بحريني......ماهي افضل الشركات في قطر الي ممكن تقبلني

قطر للبترول فقط؟؟

وكم يتراوح الراتب الاساسي شهريا او مع البدالات لمهندس البترول

وشنو الي ممكن يسقط عني او ما احصله لاني مو قطري؟؟واذا احد له احد الاقارب من مهندسين البترول اتمنى يفيدني عن الراتب لاني ابي اخذ فكره وما عندي فكره نهائيا

يقولون الناس للناس والكل بالله وانت اهل الطيب ياهل قطر وانا احتاج مساعدتكم لتتضح لي الصوره

[๏̯͡๏]

اللي عنده علم يفيد اخونا محمد

up

up

[almulla]

تبي الصج يمكن البحريني له مميزات اكثر من القطري بس اللي سمعته ان في مساواه

بس الاجنبي ياخذ اكثر من ناحية البدلات وركز على بدل السكن لان الاجارات غااااالية حدها عندنا

اما الراتب سمعت ان المهندس ياخذ 2000 دينار او اكثر مع البدلات بس انا بنفسي استغربت من اللي سمعته

وانصحك تروح دخان لانها اقرب شي للبحرين لين افتحو الجسر يعني نص ساعة الا انت واصل

وفي في مسيعيد يبيلك ساعة ونص تقريبا اذا جاي من الجسر

وحيااااك الله في بلادك الثانية

[الوعد2016]

القطرين ماحصلوا وظايف يالغالي بس التعاون الدولي بين الدولتين راح يكون فيه خير للبحرينين هل الايام وقدم وراح يكون خير لك اذا الله اراد وجرب وراسل الشركات الموجوده في قطر عبر مواقعهم

[فراغ]

يا أخوي حياك قطر تراها حذفة حصاه يعني مش بعيدة
الهنود جو من الهند وشتغلوا في البترول بويزه سياحه يعني غامروا وجو من بعيد
وأنت أحذانا
تعال لك يومين وقدم ولي الله كاتبه كاتبه
جرب بنفسك حتى تكون أنت بصورة وأنا حاس أنك بتحصل وظيفه حسب ما سمعت عن شهاداتك
لكن المشكله أنك أذا حصلت الوظيفه الله يعينك على الأجار

[hamoor4ever]

الله يعينك على الاجار والبحريني له معامله مواطن مجلس التعاون ، اولا الهندي والاجنبي وبعدين القطري وبعدين مواطنين مجلس التعاون
ويمكن تتوفق وتلاقي لك شي زين .
بالتوفيق بس حط لك حسبه الشقه عندنا ب 7000 ريال وطالع

[The Blade]

هلا الشيخ
اول شئ ياحياك الله شركات البترول عندنا وايد
ومنهم وقود شركة قويه واحد من الجماعة يداوم اهناك راتبة10.100 ثانوية عامة ..واتوقع ان في مكتب في ادارة العمل عندنا خاص بالبحرينين ومكتب ثاني للعمانين :)
راجعهم

[المخفي]

جرب حظك بس اعتقد تحتاج خبرة اما للقطريين ملزومين الجماعة يدربونهم

[محمد البحرين]

مثل ما يقول احد شعراء قطر

ماهو غريب الطيب من منبع الطيب=وشلون نستغرب من الغيم الامطار

~1~
الف الف شكر يكفي مرورك

almulla
الله يحيك ونصيحتك مفيده جدا جدا لي واتمنى تذكر لي اربع اقوى شركات في مجال البترول او الغاز في قطر

الوعد2016
شكر لك والي الله كاتبه للعبد بيحصله

فراغ
كلامك منطقي والله وهذا الي ببالي بس قلت استفسر مبدئيا واعرف اكبر اربع شركات عشان اعرف وين بروح اذا زرت قطر

hamoor4ever
الله يعطيك العافيه بس ممكن تشرح لي شلون اولا الهندي والاجنبي؟؟تقصد هم افضل في القبول او المعامله او ايش؟شكرا اخوي

the blade
الف شكر لك ممكن تساعدني ابي اعرف موقع شركة وقود يعني ابي وصف منك لو ابي اروح لهم اقدم عليهم واذا تقدر تذكر لي اقوى اربع شركات بمجال الغاز وقطر..وشاكر لك اخوي

المخفي
كلامك يغير مسار الرحله 180 درجه ومفيد جدا...الله يعطيك العافيه واتمنى احد من الاخوان يثبت لي او ينفي لي كلام الاخ المخفي يعني هل احد يعرف سعوديين او كويتيين او او تم قبولهم بدون خبره او الكلام هذا نظام متعارف عليه


الف الف الف شكر وجزاكم الله خير ما استغني عن ردودكم لانها تفيدني كثير

[hamoor4ever]

اقصد الاجنبي بالرواتب اعلى وبالنسبه لقبول مجلس التعاون الاولويه للعمانييين والبحرينيين اكثر من غيرهم
واخوي تقدر تقدم عن طريق الانترنت مايحتاج تيجي وهم يردون عليك خبر وعليك بقطر للبترول فهي الاعلى

[سعد آل شريم]

الله يوفقك أن شاء الله

[Khalid222]

مهندس بترول ...
الشركات الي ممكن انك تشتغل معاهم
1- Qp
2- وقود
3- شركة الخليج الدولية للخدمات
4- مصفاة البترول القديمة ( نودكو)- وهي الحين تابعة Qp
5- مصفاة البترول الجديدة ( الشاهين)
6-شركة الخليج للبترول المحدودة القطرية

وهناك شركات ثانية اجنبية .. وتحتاج الى نفس التخصص
على سبيل المثال
ميرسك اويل
اوكسي
اوكستندتل
شل
وغيرهم من الشركات العالمية .. وممكن انك تدخل على الانترنت وتقدم طلب الالتحاق..

في الشركات الثانية وتحتاج الى تخصصات الهندسة الكيميائية او هندسة الغاز وفي بعض الاحيان يتم قبول مهندس البترول لتغطية مثل ها التخصاصت...

شركات صناعات-- قافكو وقابكو - وكفاك
كيو كيم
راس غاز
قطر غاز
دولفين
شل جي تي ال
اوريكس جي تي ال

ومثل ما اذكرو الاخوان .. راجع وزارة العمل .. ان ما خاب ظني عندهم مكتب التمثيل البحريني...

والله الموفق..

[بنت المنتدى]

موفق


للــــــــــــــــــــــــرفع اللي يقدر يفيده اكثر

[ANONYMOUS]

حبيبي..

ما ابي اكون قاسي.. بس الصراحه راحه


لو ماعندك خبره.. انسى انك تشتغل في اي مكان( في مجال صناعة النفط والغاز) إلا بواسطه ..


إلا إذا في اتفاقيه تنص على تدريب غير القطري.. وهذى انا شخصيا اسبتعدهالشي كل الاستبعاد..

انا اتكلم عن الشركات القطريه.. اما الشركات الأخرى.. كـ اوكسي ولا ميرسك وخلافه.. احتمال ياخذون.. ماعندي ادنى فكره..


المميزات والرواتب غالبا ممتازه في كل الشركات سواء قطريه.. او الأخرى..

وأخيرا.. زي ماقالوا الاخوان.. انت جرب.. وقدم.. والباقي على الله.. والانسان مايعرف رزقه وين..

والله يوفق الجميع..

[ahmed jasim]

الخبرة ضرورية وعلى الأقل 3 سنوات
كم معدل التخرج ومن أى جامعة متخرج

[almulla]

اخوي انا سمعت عن بابكو اللي عندكم وعن سيطرة مجموعة من الاشخاص من نفس العرق عليها

وسمعت ان رواتبهم عالية بس دخولها صعب

[hamoor4ever]

لاتحطمون الريال ويمكن معدله زين ويتوفق واللي حصلو مب احسن منه وعندنا ناس اجانب مايسوون بيزه عطوهم مميزات ماكانو يحلمون فيها ، اخوي انت قدم والله يكتب اللي فيه الخير وخاصه ان البحرينين لهم فرصه بس اخوي اهم شي ان معدلك مب مقبول لان اذا مقبول وضعك بيكون صعب خاصه من غير خبره بعد

[سهم طايش]

الله يحيييك يا محمد في قطر

تعال يا خوك كلنا اخوان و انت اولى من غيرك

[Bin Hood]

هلا يازين ما نخيت

+++++++

انزين ليش ما تشتغل في بابكو والا بسبب الي خبري خبرك !!!!!!!!!!!!!!!!!!!!