خبراء الاسهم انتظر نصيحتكم :)

[بويوسف]

ماذا نستطيع ان تشتري في هذا الوقت :) بمبلغ 100 الف تقريبا ؟

انتظر منكم نصيحتكم اخواني ..

وجزاكم الله خير مقدما

[خالد علي علي]

حبيبي عندك ثلاث اسهم 1 الدولي 2 المصرف 3 الصناعات من احسن الاسهم بسوق الدوحه

[بويوسف]

حبيبي عندك ثلاث اسهم 1 الدولي 2 المصرف 3 الصناعات من احسن الاسهم بسوق الدوحه

شكرا اخوي :) كنت اتمنى حد يفيدني اكثر عشان اقدر اتخذ قرار .. الاسهم اللي قلت لي عنها جيدة بس مشكلتها اسعارها عالية..

انه افكر في وقود مادري شتنصحوني فيه ؟

الوقود
السلام
مواشي

[SeYaSeEe]

الدولي

الاسلاميه للتامين

المصرف

[إنتعاش]

اخوي الكريم بويوسف
على الوضع الحالي راقب السوق انت ولا تستعجل بالدخول
حتى تعرف الاتجاه العام للسوق . .

وعموما بعد هالمعمعه والنزله امس

راقب الاسهم الآتيه :
وسأذكر لك اللي اقل من 200 ريال سعرهم : بالافضليه

1- وقود
2- المتحده
3- ناقلات
4- الاجاره


والله يوفقك ان شاءالله

[قطر]

ان كان استثمار فلا خوف عليك لكن ايضا انصحك بالتروي عند الدخول ،،

سهم وقود على اللمت داون غدا جيد لكن اذا كانت حالة الهلع لازالت قائمة فالأولى اللإنتظار

اخترت لك وقود نسبة للعائد ،، و لسعرها ،، ثم انها تعتبر اركز الشركات بمعنى عدم دخول المضاربين فيها بشكل قوي مما يحافظ كثيرا على سعرها ،،


ناقلات ا سثمار ممتاز اذا كان طويل الأجل...

اما البنوك لا انصحك الدخول بهذا المبلغ ،،
فلو قارنتها مع عمولة البيع والشراء ((بتطلع عليك اعلى وماتسوى))

اتمنى لك التوفيق هلا بك

[بنت العرب]

ماذا نستطيع ان تشتري في هذا الوقت :) بمبلغ 100 الف تقريبا ؟

انتظر منكم نصيحتكم اخواني ..

وجزاكم الله خير مقدما
بويوسف ... دعوتك موجهة لخبراء الأسهم- ولا أعتبر نفسي منهم - لكن " الدين النصيحة " وأجد أن المتحدة والإجارة وكهرباء وماء عوائدها ممتازة ، وسعرها الحالي مغري خاصة بالنسبة للمبلغ المتاح لك ... والله يوفقك .

[لمت داااون]

مرحبا بو يوسف
أنا تقريبا عندي نفس المبلغ اللي عندك ونصحوني بناقلات و وقود وشكلي باخذ ناقلات لأنها أضمن
تحياتي للجميع

[بويوسف]

شكرا على الردود بس هل تنصحوني بابقاء المبلغ للاكتتابات الجديدة ؟؟

وانه افكر في ناقلات بشكل جدي ..

[الكواري]

الإجابة المنطقيه والمضمونه إن شاء الله
الدولي :nice:

[ولد البلد]

شكرا على الردود بس هل تنصحوني بابقاء المبلغ للاكتتابات الجديدة ؟؟

وانه افكر في ناقلات بشكل جدي ..

بو يوسف الرجاء التفكير في شركة قطر للوقود اذا نزل السعر تحت 150 غدا فهو سعر خيالي ولم يكن على حسبان أكبر المتشائمين أن يرجع السعر الى هذا المستوى.
راقب السوق وتأكد من وجود ارتداد حقيقي واشتر عند أو قرب نقطة الدعم. :nice:

[أحمد اليافعي]

ماهي استراتيجيتك في الإستثمار ؟ هل مستثمر لمدة شهرين ثلاثه ست اشهور سنة سنتين ، هل انت مضارب ؟ واذا مضارب هل لمدة اسبوع اسبوعين شهر ؟؟

عموما لازم تحدد الهدف ، وطبعا الكل وده في الربح ، والاسعار اليوم او بكره مقارنة فيها قبل عشرين يوم مناسبة جدا للشراء ، وما اظن فيها اي خساره اذا انت حددت وقررت في أي شركة تاخذ ، كل اللي عليك تسويه انك تقارن بين الأسعار قبل كم اسبوعين واسعار اليوم وعلى ضوءه تحدد في اي شركة تشتري لان مرد الاسعار توصل للأسعار اللي وصلت لها قبل .

والله يوفقك ويرزقك ان شاء الله .