ماهي افضل بطاقة فيزا ممكن اظهرها من البنوك ؟

[فلفل حار]

السلام عليكم ورحمة الله وبركاته

اخوكم فلفل عنده بطاقة فيزا العاديه في بنك قطر الوطني ، وتوني طالب الذهبيه من اسبوع وناطرها ان شاء الله

سؤالي هو / هل الفيزا الذهبيه في بنك قطر الوطني لها مميزات اخرى ؟ او بس اللمت هو الزياده ولا شي اكثر ؟

يعني مثلا الي عنده الذهبيه في امريكان اكسبرس يقدر يدخل علي قاعة درجة البزنس في مطار الدوحه والبحرين واي مطار يبغي ، بصراحه خدمه حلوه لكن الامريكان اكسبرس مابي اتعامل معاهم ، اخوي ملدوغ منهم وايد :secret:

هل هناك فيزا ذهبيه لها مميزات حلوه في بنوك اخرى ؟

ننتظر الاجوبه ويسعد صباحكم :nice:

[عاشق الشهادة]

أمريكانا اكسبريس

[*¤ بن قطر¤*]

الحسنه الوحيده لفيزا بنك قطر الوطني هو اكتساب الاميال مع الخطوط الجوية القطريه بحجم مشترياتك.

[ولد شرق]

اخوي
الفيزا مادخلك اي قاعه من قاعات الدرجة الاولى
عندك الداينرز فقط اهي اللي ادخلك قاعات الدرجة الاولى واظن الامريكان اكسبرس
الفيزا ميزتها وحده في كل البنوك ماعدا اللمت والذهبيه ماتفرق عن الثانيه إلا باللمت والرسوم اعلى
روح خذ لك من التجاري افضل على الاقل معاها الداينرز اللي اتخولك للدخول في القاعات
لكن خل الاستقطاع 100% علشان الحلال والحرام
والله بيعدنا عن الحرام بارك الله فيك...

[هدهد سليمان]

نصيحه .. لا تدخل نفسك في دوامه ما لها اول من آخر .. متاهه .. وفكر ولا تستعجل

[سيدة اعمال فلسطنية]

ممكن حدى يشرح مميزات الفيزا بالدولي ومميزات الفيزا بالوطني الاسلامي ؟؟؟وشكراا

[طير شلـوى]

:victory::victory::victory::victory:


http://www.arb-up.com/files/arb-up-2008-6/Rw707112.gif (http://www.arb-up.com/)

:nice::nice::nice::nice::nice:

[وطن]

ما أخبر لها مميزات

حاطتها ديكور في البووك

استخدم الماستر كارد أكثر لأن عن طريقها تكسب أميال للقطرية
:)

[فلفل حار]

جزاكم الله خير ورحم الله والديكم

:nice:

[qatar.1995]

كلهم نفس الشي

[The Watcher]

أنا جربت أكثر من بطاقة

كلهم نفس الشي .. بس في اختلافات بسيطة بين البنوك
- بعض البنوك ياخذون عمولة صغيرة في حالة اشتريت بغير الريال القطري
- بعض البنوك يكون سعر الصرف عندهم اعلى من غيرهم
- بعض البنوك ياخذون رسوم في حالة ارسال كشف الحساب لك (يعني لو مر شهر ماشريت اي شي ماراح يرسلون كشف حساب .. ولو شريت اي شي ياخذون رسوم لأنهم راح يرسلون لك كشف حساب)
- بعض البنوك لما يكون عندك البطاقة البلاتنينية تقدر ترفع الليمت بالتليفون .. بس اذا عندك اقل منها لازم تروح عندهم بنفسك وتقدم الطلب
- بعض البنوك ماتقدر تدفع 100% من المشتريات .. عشان هم يستفيدون من العمولة
- بطاقة داينرز كلوب من البنك التجاري ممكن تدخلك صالة رجال الأعمال .. بس مش في كل المطارات (مطار الدوحة مش من ضمن القائمة) .. وعيباها انها مش مقبولة في كل مكان
- بطاقة امريكان اكسبرس ممكن تدخلك بعد صالة رجال الأعمال .. ومطار الدوحة من ضمن القائمة .. بس نفس العيب انها مش مقبولة في كل مكان .. وياخذون عمولة 2.5% اذا اشتريت بغير عملة البطاقة (عندهم بطاقات بالريال القطري وبطاقات بالدولار الأمريكي)

[المشتاقه الى الجنه]

البطاقات تخرب البيوت
نصيحه مالها داعي أبد

[شرقاويه]

اذا انت ماتبي تعرف الشهر من اوله واخره اخذها