ياجماعة الخير شغالتنا تسكر وتصنع خمر في البيت !

[Gold Boy]

.

.

.

.

يا جماعه

البارح دخلت مستودع البيت وشميت ريحة خمر نعم خمر ولم الصدق قلت يمكن خشمي مخبط

اللي حيرني وخلاني اكذب نفسي انه انا الولد الوحيد والباقي بنات

المهم قلت لازم افتش عدل

فتشت وقلبت الاغراض

ووخرت الثلاجات من محلاتها وبعدها اكتشفت جركل بلاستك 20 لتر محطوط خلف الثلاجه وملزوز خلف الماطور حق الثلاجه وسبب وضع الجركل في هذا المكان لإن السطح مقفل والحوش مكشوف امام الكل واختارت هذا المكان لأنه بعيد عن اعين اهل البيت وماطور الثلاجه من كثرة الشغل يصخن وهذا المطلوب الحراره وجركل البلاستيك يغلي من حرارة الماطور ويستوي عدل ويوفي بالغرض بدل عن حرارة الشمس

وكان الجركل منتفخ حده وينسم من الحراره ولما فتحت الجركل لقيت فيه عنب متنفخ وريحة خميره تلوع الجب

المهم مسكت الفلبينيه من اذنها وعترفت وقالت انها ماتستغني عن الخمر وكانت تسكر من 6 شهور واحنا ماندري وتقول كانت تشتغل في بار للمشروبات في احد الفنادق في الفلبين قبل قدومها الى هنا

وانا الى الان لم اخبر اهلي بما حصل خايف الوالد يذبحها وانا ناوي اسفرها بس ابي عذر مقنع حق الوالد والوالده اكيد بيقولون ليش

بصراحه والدي عصبي جداً واخاف يسبب كارثه لو عرف

ابي حل وش اقوله؟

[حبر سري]

طيب اخوي هل انت امفكر المنتدى مركز شرطة؟
روح بلغ الشرطة اخوي , وشناطر؟
جاي المنتدى شتسوي ؟؟
يعني اي موضوع والسلام؟

[دانـة قطـر]

بل وشدراك بريحة الخمر :confused:

المهم

قول لأبوك وهو يعرف شغله عدل معاها:D

[>>> غــمـــوض <<<]

:eek5:
لاحول ولا قوة الا بالله
قوله الصج ولاتكذب عليه
الله لايبارك فيهم هالخدم ،،، حسبي الله عليهم
خله يذبحها عشان مره ثانيه ماتستغفل اهل البيت واذا اشتغلت بمكان ثاني تحرم تسوي سواتها

[حبر سري]

:eek5:

خله يذبحها عشان مره ثانيه ماتستغفل اهل البيت واذا اشتغلت بمكان ثاني تحرم تسوي سواتها



لا حول ولا قوة الا بالله
لان الموضوع اي كلام فالردود اي كلام بعد
خله يذبحها؟ وان شا الله انتي اللي بتطلعينه من السجن عقبها؟؟
وين المشرفين بس والله خاطري افهم

[Qatar4all]

مافي أقوى من هالعذر

[وطن]

أخبر في شي اسمه الابعاد

موجود للحين ولا سكروه

ودها هناك
على ما تكنسل فيزتها وتسفرها

:)

والعذر قوله بعد ما توديها الابعاد
بهالطريقة تضمن ان الوالد ماراح يسوي لها كارثة

[>>> غــمـــوض <<<]

لا حول ولا قوة الا بالله
لان الموضوع اي كلام فالردود اي كلام بعد
خله يذبحها؟ وان شا الله انتي اللي بتطلعينه من السجن عقبها؟؟
وين المشرفين بس والله خاطري افهم

ردي مافيه اي عيب
اكيد خله يسنعها ويطيرها بلادها
والله من يرضيه يشوف ببيته الحرام ،،، ومو اي حرام خمر والعياذ بالله
الغلط ماينسكت عنه

[مصراوية]

اعوذ بالله

اانا من راي قوله خليه يأدبها احسن
وبعدين سفروها لبلدها احسن لكم وكويس انك اكتشفت كده قبل ما تضركم في اي حاجه

[حبر سري]

ردي مافيه اي عيب
اكيد خله يسنعها
والله من يرضيه يشوف ببيته الحرام ،،، ومو اي حرام خمر والعياذ بالله
الغلط ماينسكت عنه

يسنعها؟؟ بس الدولة فيها قانون على مااذكر
انتي تدرين هاذي لو تشتكي عليه وشبتسوي فيه؟؟؟
حتى لو هي غلطانة
ماتنضرب , بلغ عليها وسفرها بس لاتمد يدك
في مركز شرطة , في نيابة عامة , (في منتدى , طبعا علشان نرضي القولد بوي صاحب الموضوع لانه امفكر المنتدى مركز شرطة العاصمة)
الامور مب فوضى

[Gold Boy]

بل وشدراك بريحة الخمر :confused:

المهم

قول لأبوك وهو يعرف شغله عدل معاها:D

سمعت يقولون ريحته جذيه :tease:

يسلمو على المرور

[Chambray]

طيب اخوي هل انت امفكر المنتدى مركز شرطة؟
روح بلغ الشرطة اخوي , وشناطر؟
جاي المنتدى شتسوي ؟؟
يعني اي موضوع والسلام؟

ياخي في رد احلى من هالرد !
الرجال حاط الموضوع يبي مساعدة من اخوانه وخواته !!
وهو يدل مركز الشرطة ما اعتقد انه مايدل !!
بس يبي شورنا ، وحط الموضوع علشان اهل الخبره يرشدونه للطريق الصحيح ، بروحه متوهق ومايعرف شيسوي !!

الله يهديك يا حبر سري ، الظاهر في حد مضايقك :)

[Gold Boy]

:eek5:
لاحول ولا قوة الا بالله
قوله الصج ولاتكذب عليه
الله لايبارك فيهم هالخدم ،،، حسبي الله عليهم
خله يذبحها عشان مره ثانيه ماتستغفل اهل البيت واذا اشتغلت بمكان ثاني تحرم تسوي سواتها




والله خايف يذبحها صج ترى ابوي عصبي حده

[>>> غــمـــوض <<<]

يسنعها؟؟ بس الدولة فيها قانون على مااذكر
انتي تدرين هاذي لو تشتكي عليه وشبتسوي فيه؟؟؟
حتى لو هي غلطانة
ماتنضرب , بلغ عليها وسفرها بس لاتمد يدك
في مركز شرطة , في نيابة عامة , (في منتدى , طبعا علشان نرضي القولد بوي صاحب الموضوع لانه امفكر المنتدى مركز شرطة العاصمة)
الامور مب فوضى


ندري ان البلاد فيها قانون والكل يدري بهالشي
بس بعد الواحد مايرضا يشوف الغلط وبكل سهوله يوديها ببرودة دم
وحتى لو ضربها الشرطه تتفهم هالشي لان الموضوع مو هين (( اصلن هم اذا مازادوها ضرب وكملو عليها ))
هي مابتقدر تشتكي لان هو بيحذفها عندهم وعقب القانون ياخذ مجراه

واعتقد مو غلط لو اخونا العزيز حط الموضوع وحاول يستشير
والمثل يقول (( ماخاب من استشار ))
:nice:

[Gold Boy]

مافي أقوى من هالعذر


ان بعض الظن أثم

[Gold Boy]

أخبر في شي اسمه الابعاد

موجود للحين ولا سكروه

ودها هناك
على ما تكنسل فيزتها وتسفرها

:)

والعذر قوله بعد ما توديها الابعاد
بهالطريقة تضمن ان الوالد ماراح يسوي لها كارثة

كلامك في محله بس العذر وشو ابي عذر جامد اقولك الوالد والله لو عرف بيذبحها وفوق هذا ماراح تدش خدامه البيت من اليوم ورايح وانا بصراحه مابي خواتي يشتغلون في البيت اخر عمرهم وصير انا السبب

[بنت المنتدى]

الجركل :eek5:


<< يعني شنو هاااي ؟؟





المهم




ليه ماتقول لامك وتقولها يمه لاتقولين لابوي لانج عارفه طينته وخل امك تقول لابوك ان شغلها صار مب شي وكله تصيح تبي اهلها :anger1::anger1:

يااخوي سرع شوي لان وحده سوت هالشي وش يضمنك ماتسوي بلاوي ثانيه

هذي تسكر مش تلعب !!




وبعدين لاتسفرها بس جذي قول للشرطه عشان يمنعونها من قطر مره ثانيه

[Qatar4all]

ان بعض الظن أثم

:rolleyes2: :rolleyes2: :rolleyes2:


مب تقول شايف كل شي ؟؟؟؟؟

مب تقول انها معترفه ؟؟؟؟


السموحه يا جماعه وتقلوا مروري على هالموضوع :)

[яέέⓜ]

بلغ الشرطه
ولما ايجون ياخذونها خبر الوالد
واقصر الشر لانها ممكن اتبلااك

وللباقيني مافيها شي لو نزل موضوع ع الاقل عشان بعض الناس النايمه في العسل تاخذ بالها

[Gold Boy]

ياخي في رد احلى من هالرد !
الرجال حاط الموضوع يبي مساعدة من اخوانه وخواته !!
وهو يدل مركز الشرطة ما اعتقد انه مايدل !!
بس يبي شورنا ، وحط الموضوع علشان اهل الخبره يرشدونه للطريق الصحيح ، بروحه متوهق ومايعرف شيسوي !!

الله يهديك يا حبر سري ، الظاهر في حد مضايقك :)
صدقت :nice:

[بولينجر]

عندك الشرطة... ولازم تبلغ ابوك بعد.... ما يصير تخش عنه اي شي.... هو مسؤول عن البيت ولازم يعرف

[Gold Boy]

بلغ الشرطه
ولما ايجون ياخذونها خبر الوالد
واقصر الشر لانها ممكن اتبلااك

وللباقيني مافيها شي لو نزل موضوع ع الاقل عشان بعض الناس النايمه في العسل تاخذ بالها

:nice::nice:

[أبـوسعـود]

حبر سرى

هو الحين ما يقول شنو اسوى فيها

هو يبى حجه يقنع ابوه فيها اتمنى تقرا الموضوع مره ثانيه يالغالى

اللى يعجبنى فى هذا المنتدى ان اهل قطر قلوبهم على بعض ولو اختلفوا وهذا يبى راي

[أبـوسعـود]

بالنسبه للضرب لا يجوز ضربها

لانها اجيره مو امه ولا محرم له

ولو شربت الخمر هى غير مسلمه

ودينها يسمح لها بهذا الشئ

الاجراءات الاخرى مقبوله مثل الشرطه والابعاد و و و

لكن الضرب ليس بحل

[Gold Boy]

حبر سرى

هو الحين ما يقول شنو اسوى فيها

هو يبى حجه يقنع ابوه فيها اتمنى تقرا الموضوع مره ثانيه يالغالى

اللى يعجبنى فى هذا المنتدى ان اهل قطر قلوبهم على بعض ولو اختلفوا وهذا يبى راي

ياليت بعض الناس فيها من عقلك لو ذره:nice:

[البيت القديم]

على فكرة , ترى شفت واحد من شوي يشرب خمر في التلفزيون
وشرايكم؟
موضوع للنقاش


ياخي لو اتقولي ماركة التلفزيون الي شفت فيه هاي المشهد..

موضوع للنقاش

:nice::nice:

[أبـوسعـود]

ههههههه الله يهداكم خلاص والله

[Gold Boy]

ياجماعه احسبوها بالعقل


لو عرف الوالد بيذبحها صج مو سوالف تعرفون صج انا اعرف ابوي وفوق هذا ماراح تدش خدامه البيت من اليوم ورايح وانا بصراحه مابي خواتي يشتغلون في البيت اخر عمرهم

وصيييييييييييييير انا السبب في بهذلتهم

فهمتو

[Qatar4all]

الظاهر مشارك بالغلط .... اشدخل كلن يرى الناس بعين طبعه ... انت صاحب الموضوع وانت اللي قلت السالفه وانت اللي شفت ...

عالعموم الموضوع خذ أكبر من حجمه ومشكور يالغالي على ردودك :)

[hich]

انا رأيي تبلغ الوالد , لانه اذا سفرتها بدون سبب بيقولون يمكن أنك معتدي عليها وعشان تستر على نفسك سفرتها ....... رأيي تخبر أبوك وهو اعرف يوديها لشرطه او الأبعاد ......وكذا أخليت مسؤولويتك

[Gold Boy]

انا رأيي تبلغ الوالد , لانه اذا سفرتها بدون سبب بيقولون يمكن أنك معتدي عليها وعشان تستر على نفسك سفرتها ....... رأيي تخبر أبوك وهو اعرف يوديها لشرطه او الأبعاد ......وكذا أخليت مسؤولويتك



لو عرف الوالد بيذبحها صج مو سوالف تعرفون صج انا اعرف ابوي وفوق هذا ماراح تدش خدامه البيت من اليوم ورايح وانا بصراحه مابي خواتي يشتغلون في البيت اخر عمرهم

وصيييييييييييييير انا السبب في بهذلتهم

:anger1:

[๏̯͡๏]

بااااااااااااااااال

خميره حته وحده

[Gold Boy]

بااااااااااااااااال

خميره حته وحده

شفت وشلون

[بنت نت]

بلغ حد من خواتك وخلها تسنع لك عذر اذا انت مو قادر المهم شوف لك دبره الموضوع خطير ولازم تعجل في الحل يمكن تسبب حق بيتكم كارثه لاسمح الله

[وطن]

أخوي
ممكن سؤال ؟

هذي أول خدامة تجيكم ؟؟

[Gold Boy]

أخوي
ممكن سؤال ؟

هذي أول خدامة تجيكم ؟؟

هذي الثالثه

[وطن]

هذي الثالثه

طيب
اللي قبلها شلون تسفروا !!

شنو كانت اعذارهم

!!!

مشوا نفس الأعذار ع الوالد

مع اني مو شايفة العذر الأصلي فيه شي
ودها الابعاد وبعدين قول له
وهو ما بيقدر يسوي لها شي وهي هناك

واذا على سالفة انه ما بيجيب خدامة مره ثانية

بيجيب ان شاء الله
مثل ما جاو اللي قبلها

[Gold Boy]

طيب
اللي قبلها شلون تسفروا !!

شنو كانت اعذارهم

!!!

مشوا نفس الأعذار ع الوالد

مع اني مو شايفة العذر الأصلي فيه شي
ودها الابعاد وبعدين قول له
وهو ما بيقدر يسوي لها شي وهي هناك

واذا على سالفة انه ما بيجيب خدامة مره ثانية

بيجيب ان شاء الله
مثل ما جاو اللي قبلها

اللي قبل منتهيه اقامتهم وطلبو السفر بس هذي مالها الى 6 شهور والوالد يمدح في شغلها والوالده نفس الشي حتى خواتي

[أبل]

لا حول ولا قوة الا بالله

[وطن]

اللي قبل منتهيه اقامتهم وطلبو السفر بس هذي مالها الى 6 شهور والوالد يمدح في شغلها والوالده نفس الشي حتى خواتي

يا أخي خلاص قول لهم الصج

ولا مثل ما قالوا اللي قبل

بتتبلى عليك


وانت كيفك عاد

[( الفهد )]

يا أخي خلاص قول لهم الصج

ولا مثل ما قالوا اللي قبل

بتتبلى عليك


وانت كيفك عاد

هههههههههههههههه .. اذا تبلت عليه ،، حنا بنشهد معااااااااااااااااه !

شوف اخوي جولد بوي

انت ووحدة من الاخوات تنصحونها انه هذا الشي عندنا كمسلمين حرام ولا يجوز
لانها اكيد ما تدري - اذا كانت غير مسلمه ..
ثم تعطونها تحذير نهائي بعدم تكرار هذا الامر .

نصيحه مني : سفروها .. واحضروا مسلمة .

[هدهد سليمان]

البارح دخلت مستودع البيت وشميت ريحة خمر نعم خمر ولم الصدق قلت يمكن خشمي مخبط


[COLOR="RoyalBlue"]يعني شميت ريحت الخمر زين ما قلنا شي !

ووخرت الثلاجات من محلاتها وبعدها اكتشفت جركل بلاستك 20 لتر محطوط خلف الثلاجه وملزوز خلف الماطور حق الثلاجه وسبب وضع الجركل في هذا المكان لإن السطح مقفل والحوش مكشوف امام الكل واختارت هذا المكان لأنه بعيد عن اعين اهل البيت وماطور الثلاجه من كثرة الشغل يصخن وهذا المطلوب الحراره وجركل البلاستيك يغلي من حرارة الماطور ويستوي عدل ويوفي بالغرض بدل عن حرارة الشمس


وش دراك بالحركات والتصنيع هااااا :omen2:

المهم مسكت الفلبينيه من اذنها وعترفت وقالت انها ماتستغني عن الخمر وكانت تسكر من 6 شهور واحنا ماندري وتقول كانت تشتغل في بار للمشروبات في احد الفنادق في الفلبين قبل قدومها الى هنا

شوف يا خوي العزيز كلكم راع وكلكم مسؤول عن رعيته اذا قدرت تستر عليها وان ما تكرر هالشي مره ثانيه وتفهمت هالشي فجزاك الله خير ثاني شي انت لك دور كبير والأهل نفس الشي ليش يا اخي الفاضل ما تحاولوا تعلمونها الدين الاسلامي بالعقل والحكمه ولله الحمد الدين الاسلامي وصل الى آسيا عن طريق التجار اي عن طريق التعامل ، واستر وانا اخوك وحاول تفهمها الغلط وان هالشي حرام سواء تعرف ولا ما تعرف وحاول فهمها ايش مخاطر الخمر وممكن ان يأدي الى عواقب وخيمه والله يهدي الجميع


ودمت على الخير وان شاء الله تكون الامور طيبه

[Riku3]

الكذب حبله قصير =) ..

وشنو يعني لو عصب عليها ؟ .. توكل على الله ترى هذي ممكن بيوم تسويلكم مصيبه وتحول بيتكم وكر لبيع الخمور ! .

[عضو قديم]

ودها الابعاد و قوله طلعت حامل سفحاً وهو بيفهم

[اعالي الجنان]

اعوذ بالله خمر

اخوي هذي مايبلها سكوت بلغ الوالد وخله يتصرف معاها وودوها الابعاد وكنسلو اقامتها لاعاد ادش البلاد

[التيما]

سفروها ..

[همس العيون]

مايبي لها مشوره

سفروها وافتكوا من شرها وبلغ الوالد بهدوء عشان يتفهم الوضع

[بندرصالحي]

قول حق السواق يمكن يتصرف
اذا بيتكم يتصنع فيه خمر وساكت اوكي بلغ الشرطه انت والا بعد انت خايف
اقول ياجماعت الخير احمدو ربكم وشكروه الظاهر الاخ يمزح

[Ali Mohammed]

أخوي اشعرفك انه الي في ال ( جركل ) على قولتك خمر

ليش ما يكون فيمتو حق رمضااااااااان

[الوعد2016]

اقول بلغ ابوك وسلموها لمركز الشرطه
عشان تكون عبره لغيرها
ويتم منعها من دخول دول مجلس التعاون
وخلها في باااارها احسن لها
بكره بتسويلكم مصيبه في البيت

[هجمة مرتدة]

هددها...

قول لها خل تطلب السفر من نفسها!!

وإن رفضت هددها بالسجن...

وبهالاسلوب راح تسافر غصبن عن اللي جابوها!!!

[jassim_007]

يعني تبي تقول انك حاط كل بلاوي خدامتكم ورا ظهرك و جاي تاخذ استشارة من اهل المنتدى


زين صدقت :victory:

[ANONYMOUS]

العضيد العضيد

[زقرتي ومزاجي]

قولها تقول حق والدك انها تبي تسافر
وانتهى الموضوع

[Gold Boy]

الف شكر للجميع على المرور والنصائح القيمه

[Bu Rashid]

شوووووووف من هولاء العملاء أو زباينها ...؟؟؟

[الرايقه]

احجز لها وسفرها والتذاكر من عندي (ههههه) بس بسرعة على اقرب طيارة هذي بلوى الله لايبلانا وعلم الوالد بعمايلها واكيد الوالد بيستانس من فعلك

هذا شي مايبي مشورة ابعدها قبل ماتجلب مصائب اكبر

[لجين]

لاتشترون عنب

[غزلان]

لاتشترون عنب


هههههههههههههه

[!الشايمه!]

طيب اخوي هل انت امفكر المنتدى مركز شرطة؟
روح بلغ الشرطة اخوي , وشناطر؟
جاي المنتدى شتسوي ؟؟
يعني اي موضوع والسلام؟


:) انا راسي يعورني ومصدعه......شوروا علي ايش اسوي :funny:

[بوخالد911]

ودها الشرطة

وبعدين بلغ الوالد

وسفرووها بنهاية المطاااف

[أمير المحبه]

اخوي مالك الا انك اتوديها المركز وبعدها اتخبر ابوك بالسالفه ليش الخوف يالغالي
خلي اتروح بلعنه ترا يمكن تضر خواتك وتهددك فيهم بعدين انت حر
ترا ذيلا كل شي يسوونه او انها اتعرف وحده مالت اطبوب تربط السانك
ذيج الحزه ماتقدر تفتح حلجك اب ولاكلمه اخوي
هاي نصيحتي ونصيحة الاخوان مفيده جدا بعد
موضوع جميل عشان الباقي ينتبهم للخدم

[al7oooot]

بلغ العضيد

[سلامي للكل]

الســـلام عليك ورحمــة الله وبركاته اخـــوي:)

ما شاء الله الاعضـــاء ماقصــروا:nice: عطـــوك حلول مالها حــل طب وتخيـــر:)

اخـــوي موضـــوع التسفيـــر بدون بلاغ عنهـــا عنـــد الشرطــة حـــل غيــر مناسب, علشـــان ماترجــع مرة ثانية ويبتلــش فيها غيـــرك

يعني بلــغ :telephone: عنها وخلهم يسجلــون قضيــة عليهــا وبعـدها الابعاد

وبخصـــوص الوالد مدري شاقــول لك, دبر حالك والله يعينكم على عصبية الوالد

والله يبعــد عنكم الشـــر:victory:

[al7oooot]

الســـلام عليك ورحمــة الله وبركاته اخـــوي:)

ما شاء الله الاعضـــاء ماقصــروا:nice: عطـــوك حلول مالها حــل طب وتخيـــر:)

اخـــوي موضـــوع التسفيـــر بدون بلاغ عنهـــا عنـــد الشرطــة حـــل غيــر مناسب, علشـــان ماترجــع مرة ثانية ويبتلــش فيها غيـــرك

يعني بلــغ :telephone: عنها وخلهم يسجلــون قضيــة عليهــا وبعـدها الابعاد

وبخصـــوص الوالد مدري شاقــول لك, دبر حالك والله يعينكم على عصبية الوالد

والله يبعــد عنكم الشـــر:victory:

نعم مثل ماقال اخوي سلامي للكل

لازم تبلغ الشرطه ويسجلون قضيه عليها وبعدها الابعاد

لاتنتظر حاول تبلغ في اسرع وقت ممكن

الموضوع خطر على البيت وسمعتكم

[๏̯͡๏]

نعم مثل ماقال اخوي سلامي للكل

لازم تبلغ الشرطه ويسجلون قضيه عليها وبعدها الابعاد

لاتنتظر حاول تبلغ في اسرع وقت ممكن

الموضوع خطر على البيت وسمعتكم

:nice:

[أم الحنايا]

كنسل إقامتها واحجز لها وقبل السفر بساعتين قول لها برزي أغراضج .. ولو سألك أبوك ، قوله تعال وشوف ؟ وراواه الخمر ، وقول له خلها تولي تروح بلادها ابلاها.

[الكواري]

مادامك تكتب جركل و ماطور

ما عندك اي مشكلة:tease:

سؤال (ايش عندك يالحبيب تحوس في الستور والمطبخ):eek5:

:shy:

[قطري vip]

اخوي تاكد بالاول اهي بس تشرب ولا تبيع ترى اذا تبيع وانت مب بالبيت او شي الله لايقول تراها تهمه

واخوي بلغ عليها قبل لاتسكر وتطلع من البيت ووتهمك او شي الله لا يقول يعني الحق بلغ على السريع

لاتنتظر ترى والله الانتظار مامنه فايده ورجعها على المكتب اللي جبتها منه خلها تذلف بس غريبه فلبينيه

وتسوي خمر ليكون فيها عرق بنجالي ولا نيبالي ههههه

[أمير المحبه]

مادامك تكتب جركل و ماطور

ما عندك اي مشكلة:tease:

سؤال (ايش عندك يالحبيب تحوس في الستور والمطبخ):eek5:

:shy:

ههههههههههههههههههههههههههههههههههههههههههههه
ضحكتني الكواري عارفله:dance

[al7oooot]

مادامك تكتب جركل و ماطور

ما عندك اي مشكلة:tease:

سؤال (ايش عندك يالحبيب تحوس في الستور والمطبخ):eek5:

:shy:


قويه :eek5:

[فلفل حار]

اخوي انا اقول تصرف وبأسرع وقت وسفرها بعذر او بدون عذر

هذول كفار فسق مايفتكرون فيك ولا في اهلك ، يمكن تحط شوية من الخمر في مرضاعة طفل او في عصير و اكل الوالده :anger1:

الحق عمرك ياخووي

لاحول ولا قوة الا بالله

[وحيد-الشوق]

ياخوي ليش كل هالحوسه بلغ الوالد وفهمه الموضوع مااعتقد حتى لو عصبي شنو بيسوي هل بيذبحها مثلا :secret:

والله ييسر اموركم ويفكم منها والله خدم هم في هم وخساير فلوس حسبي الله عليهم

[فلفل حار]

اخوي تاكد بالاول اهي بس تشرب ولا تبيع ترى اذا تبيع وانت مب بالبيت او شي الله لايقول تراها تهمه

واخوي بلغ عليها قبل لاتسكر وتطلع من البيت ووتهمك او شي الله لا يقول يعني الحق بلغ على السريع

لاتنتظر ترى والله الانتظار مامنه فايده ورجعها على المكتب اللي جبتها منه خلها تذلف بس غريبه فلبينيه

وتسوي خمر ليكون فيها عرق بنجالي ولا نيبالي ههههه

البوفلبن مايعرفون الخمر ؟

حزات اشك انه هم الي مخترعينه من كثر مايلكونها :omen2: