وجد الكتابه
18-08-2008, 12:45 AM
ايتساقط دمع عيني كل ما هز الرحيل
كثر ما لوح فراقه صاحت دموعي كفاك
كسر قلب وجبر خاطر لا ولا قولة ذليل
ما بقى عرق يترنم في مزاجية هواك
في غياهب جب حبك شفت أنا العمر الجميل
ضاع ثلثينه وباقي ثلث يسأل وشبلاك
وشبلاك الحب كله بين يدينك قتيل
كن من سن القتل تاريخ ويعيده نباك
وشتقول بتيه خلى لك من ضلوعه مقيل
يبذلك جود بصباحك يثملك وجد بمساك
وشتقول بعشق تايه بين ممكن مستحيل
كل ممكن لجل ترضى يستحيل إن قال فاك
وشتقول بحب روض لك من الشعر الجزيل
أعذب وأكذب قصايد لين حلق في سماك
وشتقول بحاتمية يد ما مدت قليل
قبل لا يرتد طرفك كل ما تبغيه جاك
وشتقول وليه أسئل وانت ما مثلك مثيل
لا انبعث أشقى الخلايق ظنتي يبعث معاك
ولا مثلي وين تلقى مخلص وشهم ونبيل
كان دائه في غرامك وانت في حبه دواك
وين تلقى شخص مثلي يحفظ الذكرى ويشيل
صورتك في عرش جوفه وتحتها يكتب ملاك
وين تلقى شخص مثلي حضنه لحضنك شليل
لو تدك اسوار صدري ما لقيت الا فداك
وين تلقى شخص مثلي لا مشى البيدا تميل
ميل تقدير لمشاعر ما اعشقت احدن سواك
وين تلقى شخص مثلي في سويعات الأصيل
يعتكف محراب غارك ويتعبد في لقاك
وين ما يممت وجهك دور ودور بديل
إن لقيت إحساس خالد فالله يسمح خطاك
أما عني لا تحسب القلب يشعل لك فتيل
دونه اسوارٍ حصينه توردك حوض الهلاك
هل سبق انك سمعت الشمس تشرق وسط ليل
إن حصل سجل تراني راجع ارتع في حماك
حكمتي منهو يبيعك لا تعده لك خليل
واشتر اللي باع روحه لجل روحك واشتراك
والغرام إن كان حمله في صدر خلك ثقيل
انتبه تطلق سراحه لا يتشمت ذا وذاك
واعتقد إني مشيت العشق رغم انه طويل
وكل شي وله نهايه وانتهى عشقي برثاك
جعل عيني ما تشوفك غير في قبرك نزيل
عقب ما اصلي الجنازه وامشي تابوتك وراك
وقتها بقول تذكر يوم هزيت الرحيل
شف غديت اليوم راحل ما لقيت اللي بكاك
لكن الحب القديم في داخلي خيل وصهيل
غصب عني راح يدمع قلب متشبث غلاك
كثر ما لوح فراقه صاحت دموعي كفاك
كسر قلب وجبر خاطر لا ولا قولة ذليل
ما بقى عرق يترنم في مزاجية هواك
في غياهب جب حبك شفت أنا العمر الجميل
ضاع ثلثينه وباقي ثلث يسأل وشبلاك
وشبلاك الحب كله بين يدينك قتيل
كن من سن القتل تاريخ ويعيده نباك
وشتقول بتيه خلى لك من ضلوعه مقيل
يبذلك جود بصباحك يثملك وجد بمساك
وشتقول بعشق تايه بين ممكن مستحيل
كل ممكن لجل ترضى يستحيل إن قال فاك
وشتقول بحب روض لك من الشعر الجزيل
أعذب وأكذب قصايد لين حلق في سماك
وشتقول بحاتمية يد ما مدت قليل
قبل لا يرتد طرفك كل ما تبغيه جاك
وشتقول وليه أسئل وانت ما مثلك مثيل
لا انبعث أشقى الخلايق ظنتي يبعث معاك
ولا مثلي وين تلقى مخلص وشهم ونبيل
كان دائه في غرامك وانت في حبه دواك
وين تلقى شخص مثلي يحفظ الذكرى ويشيل
صورتك في عرش جوفه وتحتها يكتب ملاك
وين تلقى شخص مثلي حضنه لحضنك شليل
لو تدك اسوار صدري ما لقيت الا فداك
وين تلقى شخص مثلي لا مشى البيدا تميل
ميل تقدير لمشاعر ما اعشقت احدن سواك
وين تلقى شخص مثلي في سويعات الأصيل
يعتكف محراب غارك ويتعبد في لقاك
وين ما يممت وجهك دور ودور بديل
إن لقيت إحساس خالد فالله يسمح خطاك
أما عني لا تحسب القلب يشعل لك فتيل
دونه اسوارٍ حصينه توردك حوض الهلاك
هل سبق انك سمعت الشمس تشرق وسط ليل
إن حصل سجل تراني راجع ارتع في حماك
حكمتي منهو يبيعك لا تعده لك خليل
واشتر اللي باع روحه لجل روحك واشتراك
والغرام إن كان حمله في صدر خلك ثقيل
انتبه تطلق سراحه لا يتشمت ذا وذاك
واعتقد إني مشيت العشق رغم انه طويل
وكل شي وله نهايه وانتهى عشقي برثاك
جعل عيني ما تشوفك غير في قبرك نزيل
عقب ما اصلي الجنازه وامشي تابوتك وراك
وقتها بقول تذكر يوم هزيت الرحيل
شف غديت اليوم راحل ما لقيت اللي بكاك
لكن الحب القديم في داخلي خيل وصهيل
غصب عني راح يدمع قلب متشبث غلاك