مشروب الريد بول يؤدي للإصابة بالجلطة الدماغية

[عزوز المضارب]

مشروب الريد بول يؤدي للإصابة بالجلطة الدماغية

بيع 3.5 مليار علبة في 143 دولة خلال 2007 :eek5:


أكد باحثون استراليون أن تناول مشروب الطاقة والمعروف باسم ريد بول يؤدي للإصابة بأمراض القلب والجلطة الدماغية.

وأشاروا الي ان تناول علبة معدنية سعة 250 ملم من هذا المشروب الذي يزعم البعض انه يزود من يتناوله بجناحين للتحليق :eek2: يزيد لزوجة الدم ويفاقم خطر الاصابة بالجلطة الدماغية.

وأكد الباحثون انه بمرور ساعة علي تناول المشروب تتوقف أجهزة الدم عن العمل بشكل طبيعي مشيرين الي ان الأمر يصبح أكثر خطورة في حالة اصابة المرء بضغط الدم أو أمراض القلب والأوعية الدموية حيث يحتوي علي نسبة عالية من الكافيين تقترب من 80 ملليجرام للعلبة الواحدة.

وكانت دول النرويج والدانمارك واورجواي قد حظرت بيع المشروب بسبب أخطاره الصحية الا ان ذلك لم يمنع الشركة المصنعة له من بيع 3.5 مليار علبة في 143 دولة العام الماضي فقط.

شكل هالباحثين جواسيس :secret:

[عاشق الشهادة]

والله يـ عزوز ما شرابته ولا فكرت فيه لأن اخوك يعجبك :shy:

[عزوز المضارب]

والله يـ عزوز ما شرابته ولا فكرت فيه لأن اخوك يعجبك :shy:

:victory: خير ما عملت

استعد للفيمتو رمضان قرب ومبارك عليك وعلى جميع المسلمين :)

[عاشق الشهادة]

:victory: خير ما عملت

استعد للفيمتو رمضان قرب ومبارك عليك وعلى جميع المسلمين :)



بعد يـ عزوز الفيمتو ما أشربه تصدق او لا امووت في الماي مع ثلج .

[عزوز المضارب]

بعد يـ عزوز الفيمتو ما أشربه تصدق او لا امووت في الماي مع ثلج .

شوف عاد الا الفيمتو
:protest:


بعدين الريد بول ما له علاقه مثل اللي في بالي بالك :unsure:

[عاشق الشهادة]

شوف عاد الا الفيمتو
:protest:


بعدين الريد بول ما له علاقه مثل اللي في بالي بالك :unsure:





:victory::victory:

[الوعد2016]

عندنا في الدوحه مش راضين يعترفون بمضاره او انه مواد مسكره اذا تم تناول الكثير منه اي اكثر من علبع

[blackjacket]

والله انه سالفة هاي الشركة غريبة يوزعزن المشروب ببلاش في كل مكان:eek5: كل فترة و فترة يجون و يوزعون عندنا في الدوام و في جميع الصالات الرياضية:eek5: ينشرون السم ببلاش:nice:

[لمسات..]

الله يبعد عننا السوء ويحفظنا بحفظه
يعطيك العافيه على التبيه

[مساهم عادي]

انا ماحب هالمشروب والمشاريب اللي نفس هالنوع بالمرة...طعمها غريب وفيها مرورة...مادري شلون الناس تشربها

[وحيد-الشوق]

خلاص توبه ماراح اشربه بعد << مسكين كان مدمن عليه :weeping:

سؤال والباورهورس شلون هل فيه شيء بعد :telephone:

[HaMo0o0o0oDE]

اخوي اشكر لك هالموضوع
بس بسألك
هل صحيح هالكلام 100%
ام هناك دعاية من شركات اخرى عشان نجاح الرد بول
ليش الدعايه والكلام عن الرد بول ليش مب عن البور هورس والبايسن وازيوستار وغيرها من المشروبات ؟؟

تبي الصراحه اخوي انا جربت كل المشروبات بحكم اني رياضي مثل الرد بول ماحصلت يعني صج هو مفيد اما عن مضاره

هاي الشي مب انا ولا انت ولا النت نقدر نحكم عليه
هاي الله يسلمك وزارة الصحه تاخذ المشروب تفحصه وبعدين تمنعه
اخوي فكر شوي على كثر الكلام المشروب موجود يعني بذمتك مافي حد في خير في الوزاره وفحص المشروب
اكيد فيه ولو طلع فيه شي بيتم نشره في الجرائد ومنع ادخاله الى البلد
واقل شي ممكن نشوفه يكون نفس الزقائر وتحصل مكتوب عليه تحذير صحي الرد بول مشروب يسبب الجلطه وغيرها من الامراض


اخوي تاكد ان الاشاعات وااااااااااايد
وخصوصا على الشي الناجح

ولاتنتبه للاشاعات وماعليك من الكلام

وتاكد انا مب معا الرد بول وفي نفس الوقت انا مب ضده
بس لو صار وطلع ان الرد بول فيه شي تاكد اني اول واحد بتركه

ولاكن نفس ماقلت الاشاعات وايد
ونتظر وزارة الصحه

[هبة ريح]

عمري ماشربته ولاأفكر اني اشربه
الله يحفظ الجميع ان شاءالله
شكرا على الخبر

[naklan]

حصلت السالفه مع واحد ابنه فاز في المدرسه بكرتون مشروب للطاقه وصار الوالد يشرب كل يوم الى ان حصله فشل كلوي الى الان يعالج عنه والاطفال في بقالات الهنود يشربون شفتهم بعيني لا رقيب ولا حسيب وايام الامتحانات اكثر الشباب يستخدمون هالمشروبات الضاره

[بنت المنتدى]

يلوع الجبد الله يكره اللي اخترعه:anger1:

مستحيل اشربه حاطه على هالسوالف اكس من الكبار :anger1: ..

لكن غلطة عمري .. اللي هي مره من المرات شربته لان كان عندي امتحان ومادرست عدل ربعي قالوا لي والله انج بتركزيين وبتطير النوده :eek5::eek5: ..

شربته :weeping:


لكن ليتني ماطعتهم :( .. صادني الم في بطني وقمت ارجع حسيت اني بموت والله .. على طول رحت الطواري تعبت من قلب واخرتها قالي ان ردبول قوي جدا ع المعده ومعدتي ماستحملته الله يكره لاتذكرني باليوم الاسود اللي عشته :weeping:




مشكوووووووووووووور
ع التنبيه ولاحد يستهين بالموضوع تراه صج

[بنت المنتدى]

خلاص توبه ماراح اشربه بعد << مسكين كان مدمن عليه :weeping:

سؤال والباورهورس شلون هل فيه شيء بعد :telephone:



كلهم نفس الشي

والله ابتعد ترا ماوراه الا البلاوي

يازين عصير بونص وعليه عليه

:weeping:

[ضناني الشوق]

ما كنت احبه بس اضطريت اشربه على ايام الامتحانات بالجامعه ..

بس بعدين قمت اخذ منه بين الفتره وال2 ..

وامس كنت ماخذتلي بوكس كامل للسهر ههههههه

ما وعيت اليوم الا القواطي محذفين بالزباله ( وانتوا بكرامه)

اثاري الوالد حذفهم من بعد ماسمع الخبر وحذرني منه :(

[رحال]

الله يغنينا عنه !!!