المساعد الشخصي الرقمي

مشاهدة النسخة كاملة : نظام الدور اللي ينتهي قبل ساعات الدوام هل هو اختراع الموظفين؟


khaldoon
18-08-2008, 11:39 AM
نظام الدور اللي ينتهي قبل ساعات الدوام هل هو اختراع الموظفين؟

السلام عليكم و رحمة الله و بركاته

لاحظت لما اروح على بعض الدوائر الحكوميه الخدماتيه اللي تستعمل نظام الدور لتنظيم خدمات المراجعين كنظام الدور في استصدار و تجديد البطاقات الصحيه في المراكز الصحيه و المراكز المختصه بتجديد الاقامه انهم يقومون بعمل عدد معين من ارقام الدور في اليوم الواحد ...بحيث انه لو خلص هذا العدد يسكرون و يرفضون استقبال اي معاملات جديده رغم انه الدوام الرسمي ما خلص

مثلا انا في هذا الشهر رحت اجدد اقامة الاهل الساعه الخامسة مساء و رفض الموظف التجديد لاني جاي متأخر و انه الادوار انتهت ....رجيته اني فعلا روحت من الدوام على الساعه 4:30 و اني على طول رحت الجوازات فوافق و جدد لي و كنت طبعا اخر واحد يجدد له الاقامه و كانت الساعه تقريبا 5:10...مع العلم انه الدوام يخلص الساعه 6:00 مساء...صحيح اني رجيته و هو وافق بس اعتقد هذا حق لي كمراجع لازم احصل عليه من غير منه من احد طالما اني جاي في اوقات الدوام

اروح المركز الصحي لتجديد البطاقات الصحيه الاقيهم مسويين الدور لحد 60 و طبعا اللي يطوف دوره مكسب للموظف و ارتاح منه و خير بركه وما في تعويض بتمديد عدد الادوار

بمجرد انتهاء الدور رقم 60 تعال بكره ..طيب الادوار تتوزع قبل الساعه 9:00 صباحا ....بيخص اخر دور قبل الساعه 11 او 12 ظهرا.......ايش بسوون باقي ساعات الدوام؟؟!!!

السؤال اللي ابي اسأله؟؟...


ما تعتقدون انه هذه الظاهره من اختراع الموظفين انفسهم مب من اختراع الاداره القائمة على الموظفين

ربما يحتاج هؤلاء الموظفين وقت لترتيب الاوراق والملفات بعد خدمة المراجعين بس اعتقد انه الوقت المخصص لهشي بالغوا فيه...و صراحة ما شفتهم يسوون شي بعد هالوقت و الله اعلم والا انتم ايش رأيكم؟

على اي اساس تم اختيار رقم 60 مراجع مثلا او اي رقم يختارونه ...هل هذا الرقم بنظرهم راح يخلص اجراءات اخر مراجع مع نهاية الدوام والا انهم يعطون لنفسهم ساعة او ساعتين راحه قبل نهاية الدوام و هم و شطارتهم وحظهم

اعتقد انه لابد من الادارات الموقره و اللي ما قصروا في جهودهم الجباره في خدمة الشعب بكافة اطيافه من مواطنين ومقيمين انهم يلقوا نظره على هذه الظاهره للتخفيف منها لما فيه مصلحة عامة تخدم الجميع

جزاكم الله كل خير
هتـان قطر
18-08-2008, 12:00 PM
نظام الدور اللي ينتهي قبل ساعات الدوام هل هو اختراع الموظفين؟

السلام عليكم و رحمة الله و بركاته

لاحظت لما اروح على بعض الدوائر الحكوميه الخدماتيه اللي تستعمل نظام الدور لتنظيم خدمات المراجعين كنظام الدور في استصدار و تجديد البطاقات الصحيه في المراكز الصحيه و المراكز المختصه بتجديد الاقامه انهم يقومون بعمل عدد معين من ارقام الدور في اليوم الواحد ...بحيث انه لو خلص هذا العدد يسكرون و يرفضون استقبال اي معاملات جديده رغم انه الدوام الرسمي ما خلص

مثلا انا في هذا الشهر رحت اجدد اقامة الاهل الساعه الخامسة مساء و رفض الموظف التجديد لاني جاي متأخر و انه الادوار انتهت ....رجيته اني فعلا روحت من الدوام على الساعه 4:30 و اني على طول رحت الجوازات فوافق و جدد لي و كنت طبعا اخر واحد يجدد له الاقامه و كانت الساعه تقريبا 5:10...مع العلم انه الدوام يخلص الساعه 6:00 مساء...صحيح اني رجيته و هو وافق بس اعتقد هذا حق لي كمراجع لازم احصل عليه من غير منه من احد طالما اني جاي في اوقات الدوام

اروح المركز الصحي لتجديد البطاقات الصحيه الاقيهم مسويين الدور لحد 60 و طبعا اللي يطوف دوره مكسب للموظف و ارتاح منه و خير بركه وما في تعويض بتمديد عدد الادوار

بمجرد انتهاء الدور رقم 60 تعال بكره ..طيب الادوار تتوزع قبل الساعه 9:00 صباحا ....بيخص اخر دور قبل الساعه 11 او 12 ظهرا.......ايش بسوون باقي ساعات الدوام؟؟!!!

السؤال اللي ابي اسأله؟؟...


ما تعتقدون انه هذه الظاهره من اختراع الموظفين انفسهم مب من اختراع الاداره القائمة على الموظفين

ربما يحتاج هؤلاء الموظفين وقت لترتيب الاوراق والملفات بعد خدمة المراجعين بس اعتقد انه الوقت المخصص لهشي بالغوا فيه...و صراحة ما شفتهم يسوون شي بعد هالوقت و الله اعلم والا انتم ايش رأيكم؟

على اي اساس تم اختيار رقم 60 مراجع مثلا او اي رقم يختارونه ...هل هذا الرقم بنظرهم راح يخلص اجراءات اخر مراجع مع نهاية الدوام والا انهم يعطون لنفسهم ساعة او ساعتين راحه قبل نهاية الدوام و هم و شطارتهم وحظهم

اعتقد انه لابد من الادارات الموقره و اللي ما قصروا في جهودهم الجباره في خدمة الشعب بكافة اطيافه من مواطنين ومقيمين انهم يلقوا نظره على هذه الظاهره للتخفيف منها لما فيه مصلحة عامة تخدم الجميع

جزاكم الله كل خير



كلامك فيه شي من الصحه..احنا مب ضد الترتيب واللي يجي قبل هو الاولى..ولكن

بعد انا ما غلطت لما جيت قبل انتهاء الدوام الرسمي...فيمكن اكون موظفه ولي وقت

محدد اطلع..

بخصوص البطاقات الصحيه انا مره جيتهم وكانت الساعه11 وشويه ولقيت وحده

تترجى المسؤوله انها تخلصها والمسؤوله رافضه قالت الارقام خلصت ولازم تجي بكره

قالت لها الاخت بس انا موظفه ومقدر اطلع على كيفي..طبعا رفضت وما عطتها وجه..

انا الزمتها حطيت البطاقات ومعها الصور والفلوس وخليتهم على مكتبها وقلت لها

انا مابيهم اليوم خلصيهم في اي وقت وبرجع بكره والا اللي بعده وطلعت وخليتها..

وفعلا بعد 3 ايام رجعت لقيتها مخلصتهم..ومب شرط اني انتظر لما يجي دوري

سابقا كانوا ياخذون البطاقات والفلوس ونجيهم بعدين الحين يابلفيت ينجزون العمل بسرعه

وهذا هو المطلوب..واذا كانوا متأخرين.. ياخذون الاوراق ويوعدون الشخص يجيهم بكره..
وطن
18-08-2008, 12:32 PM
شدعوه يوقفون الأرقام !!
مثل ما قلت
لو خلصوا المراجعين بدري
وباقي ساعة او ساعتين على انتهاء عملهم الرسمي
يقعدون شيسوون !!!
الوعد2016
18-08-2008, 12:55 PM
وياليتك تتكلم عن الاجازات الصيفيه خصوصآ اذا المدير والمساعد والكل غايب او في اجازه او متاخر او مرضيه او اي ظروف اخرى من يتحمل المسؤوليه وتاخير معاملات النااااااااااااااس
وهذا الحال كل صيف
ولا الانصراف قبل الوقت اهون بكثير من تاخر معاملات لشهرين او ثلاثه بسبب الاجازه
khaldoon
18-08-2008, 01:39 PM
كلامك فيه شي من الصحه..احنا مب ضد الترتيب واللي يجي قبل هو الاولى..ولكن

بعد انا ما غلطت لما جيت قبل انتهاء الدوام الرسمي...فيمكن اكون موظفه ولي وقت

محدد اطلع..

بخصوص البطاقات الصحيه انا مره جيتهم وكانت الساعه11 وشويه ولقيت وحده

تترجى المسؤوله انها تخلصها والمسؤوله رافضه قالت الارقام خلصت ولازم تجي بكره

قالت لها الاخت بس انا موظفه ومقدر اطلع على كيفي..طبعا رفضت وما عطتها وجه..

انا الزمتها حطيت البطاقات ومعها الصور والفلوس وخليتهم على مكتبها وقلت لها

انا مابيهم اليوم خلصيهم في اي وقت وبرجع بكره والا اللي بعده وطلعت وخليتها..

وفعلا بعد 3 ايام رجعت لقيتها مخلصتهم..ومب شرط اني انتظر لما يجي دوري

سابقا كانوا ياخذون البطاقات والفلوس ونجيهم بعدين الحين يابلفيت ينجزون العمل بسرعه

وهذا هو المطلوب..واذا كانوا متأخرين.. ياخذون الاوراق ويوعدون الشخص يجيهم بكره..

بارك الله فيكي اخت هتان على تشريفي بمرورك الرائع و اضافاتك القيمه للموضوع

فعلا معلومه غريبه علي اني اقدر احط الاوراق و اجي ثاني يوم بس تعتقدين بيقبل او تقبل الموظفه هالشي انهم ياخذون الاوراق...العناد والنحاسه ما تنفعني وانا الوحيد الخسران

بعدين الصراحه اخاف اترك الاوراق و اجي مره ثانيه و يقولي وين و مين و ما اذكر و تضيع و سوي اوراق ثانيه طيب الفلوس...يعني معقول احط فلوس و الارواق و اتركهم و بعدين يقولون لي ما نعرف و مين اللي اخذ منك و مين و متى

معقول احط جواز السفر و اتركه وامشي لتجديد الاقامه...و المسأله ما تاخذ خمس دقايق تجديد وبعدين يضيع الجواز...تعرفي ايش يعني اترك جواز السفر في اي مكان من غير وصل ويضيع ايش نتائجها و ايش بيصير في صاحب جاوز السفر المفقود؟؟؟!!!:secret:

اختي هذه المسأله موجوده من زماااااااااااااااااااااااااااااان مب من اليوم ولا بالصيف موجوده من سنين

والله العظيم كنت اروح الشباك في الجوازات ايام النظام القديم الساعه 10:00 من كم سنه يقولي تعال بكره......

بكل بساطه يقولي حبيبي في عدد محدد يخلص بساعه او يخلص اخر الدوام هذا النظام و بس...تعال بكره :(
khaldoon
18-08-2008, 01:41 PM
شدعوه يوقفون الأرقام !!
مثل ما قلت
لو خلصوا المراجعين بدري
وباقي ساعة او ساعتين على انتهاء عملهم الرسمي
يقعدون شيسوون !!!

عاد ايش يسوون....الله اعلم بس ما اعتقد يسوون شغل وان بعض الظن اثم:secret:

بعدين معقول يا اخت وطن ما مرت عليج هذه الحالات.....شكلج اول مره تسمعين بالسالفه :telephone:
الوعد2016
18-08-2008, 01:42 PM
شدعوه يوقفون الأرقام !!
مثل ما قلت
لو خلصوا المراجعين بدري
وباقي ساعة او ساعتين على انتهاء عملهم الرسمي
يقعدون شيسوون !!!

جميع الادارات الحكوميه فيها تسيب
ولا توجد اي جهة بدون تسيب في العمل
لان التسيب ظاهرة في جميع الدول
ووضع حد لها راح يكسر نظام العمل والجميع راح يعمل بدون نفس او التهرب خلف الكواليس من المراجعين حتى لو لم يخرج خارج القسم
khaldoon
18-08-2008, 01:43 PM
وياليتك تتكلم عن الاجازات الصيفيه خصوصآ اذا المدير والمساعد والكل غايب او في اجازه او متاخر او مرضيه او اي ظروف اخرى من يتحمل المسؤوليه وتاخير معاملات النااااااااااااااس
وهذا الحال كل صيف
ولا الانصراف قبل الوقت اهون بكثير من تاخر معاملات لشهرين او ثلاثه بسبب الاجازه

حياك الله يا الغالي

والله السالفه لا صيف ولا شتاء...المسأله طوال اوقات السنه

كل الشكر على تشريفي بمرورك الرائع
khaldoon
18-08-2008, 01:49 PM
جميع الادارات الحكوميه فيها تسيب
ولا توجد اي جهة بدون تسيب في العمل
لان التسيب ظاهرة في جميع الدول
ووضع حد لها راح يكسر نظام العمل والجميع راح يعمل بدون نفس او التهرب خلف الكواليس من المراجعين حتى لو لم يخرج خارج القسم

يا الغالي انا ما اقصد انه تسيب من الادارات نفسها ...هو تسيب من بعض الموظفين اللي ما عاد عندهم ضمير و صار الحق اللي عليهم يظنون انه حق لهم يمنحونه ويأجرون عليه بعد في السماح للمراجعين اللي تأخروا عن العدد اللي هم افترضوه من عندهم انهم يسوون المعامله

يعني يا اخوي لو انهم منظمين عدد 60 شخص في اليوم مثلا و خلصوا الستين قبل الموعد فمب معناها انهم يرفضون استقبال باقي المراجعين...يا اخي اللي جايين بعد الدوام لا تستقبلهم و قلهم تعالوا بكره....بس اللي يجي خلال الدوام و قبل ساعه و ساعتين ليش موضوعه يتعطل

اخوي انت لما تيجي تجدد بطاقتك الصحيه يقولك تعال الصباح...تفهم انك ممكن تيجي اي وقت الصباح قبل الساعه 12 الظهر مثلا علشان الصندوق

تيجي بعد الساعه 9:00 و انت ماخذ اذن من شغلك و جاي يقلك متأخر خلص الدور ...تعال بكره؟؟!!!
اعالي الجنان
18-08-2008, 04:19 PM
كلامك صحيح اخوي خلدون

المشكله حتى المراكز الصحيه ايام التطعيم بالارقام الين 50 واذا خلص يقولو خلصت الارقام

يعني مافي امل تعالو يوم ثاني اله اذا عندك واسطه وتعرف حد هناك بيمشيها لك

انا ضد الشي هذا الموظف وله الموظفه مب كل يوم راح يستأذنون من الشغل ولاكل يوم بيرضى المسؤول باالاستئذان لانه بيشوفها بمنظور ثاني تسيب وهروب

ياليت لو يزيدون من عدد الارقام دام الوقت فيه مجال والدوام ماانتهى

بس عند من الشكوى ومن بياخذ فيها

تقبل مروري اخوي الفاضل
ANONYMOUS
18-08-2008, 04:38 PM
الارقام وضعت لترتيب البشر.. كل واحد عنده رقم.. والدور بالرقم.. مب عشوائي

اما ماهو حاصل حاليا

فقد اسيئ استخدام هالخدمه..

وصار الغرض الجديد من الارقام هو تقنين عدد المعملات في اليوم.. أو الشفت..


وهذا كلام مرفوض نهائيا لايقبله عقل ولامنطق..




لي عوده اوضح الجزء الثاني.. بعطيك ردي على جرعات عشان تستوعب الصدمه:)
Bin Hood
18-08-2008, 04:44 PM
على اي اساس 60 !!!!!!!!!!!!!!!!!!!!

لان ارولة ما تشيل الا 60 رقم !!!!!!!!!!!!!

والي بيطوفه الدور بيروح في 60 داهية !!!!

اتمنى الفكرة وصلت علشان تعذرهم في المرات القادمة وتتجنب الـ 60 داهية !!!!!!!!!!!!!!!!!!!!!!!!!!!
professonal
18-08-2008, 04:59 PM
نعم انا لاحظت هذا الشي في احد مباني الداخلية ولكن هذا النظام متبع فقط لمناديب الشركات ياخذون كل يوم 50 رقم فقط واذا مالحقت على الخمسين تعال بكره والله على مااقول شهيد
khaldoon
19-08-2008, 07:39 AM
كلامك صحيح اخوي خلدون

المشكله حتى المراكز الصحيه ايام التطعيم بالارقام الين 50 واذا خلص يقولو خلصت الارقام

يعني مافي امل تعالو يوم ثاني اله اذا عندك واسطه وتعرف حد هناك بيمشيها لك

انا ضد الشي هذا الموظف وله الموظفه مب كل يوم راح يستأذنون من الشغل ولاكل يوم بيرضى المسؤول باالاستئذان لانه بيشوفها بمنظور ثاني تسيب وهروب

ياليت لو يزيدون من عدد الارقام دام الوقت فيه مجال والدوام ماانتهى

بس عند من الشكوى ومن بياخذ فيها

تقبل مروري اخوي الفاضل


بارك الله فيكي يا اخت اعلي الجنان

فعلا معاكي حق...التطعيم هذا سالفته سالفه....يوم اروح علشان تطعيم الاولاد تروح كل فترة العصر و المغرب بالدور ...و فعلا لو في واسطه الامور بتمشي بسرعه و عن تجربه

صارت مسألة زيادة الارقام كأنها من وقت الموظف اللي اخترعها مب من وقت الحكومه و الشغل...و يمكن يتأمل بزيادة الاجر من رب العباد لما يمنح المراجع من وقته اللي استملكه من وقت الحكومه و العمل واللي يقبض عليه و صار يوهبه خلال ساعات الدوام للمراجعين حسب المزاج


تعرفي شي...الحين هو يقدم هذا الوقت ببلاش و يمن فيه على خلق الله....بكره بيصير بفلوس ...واللي ماعوش ما يلزموش ومن هنا يبدأ الفساد ...لان الفساد يتدرج في اغلب الاحيان

يعني لما يصير اختراع و بعدين يصير هالاختراع عرف من اعراف الشغل يشوفه الموظفين الجدد و انه هذا شي طبيعي ومتعارف عليه في المراجعات الخدماتيه من هالشي....بكره بتوظف واحد عينه فارغه و بصير يطلب فلوس او اكراميه

والا انتم ايش رأيكم

كل الشكر و التقدير على تشريفي بمرورك الرائع ما قصرتي
khaldoon
19-08-2008, 07:50 AM
الارقام وضعت لترتيب البشر.. كل واحد عنده رقم.. والدور بالرقم.. مب عشوائي

اما ماهو حاصل حاليا

فقد اسيئ استخدام هالخدمه..

وصار الغرض الجديد من الارقام هو تقنين عدد المعملات في اليوم.. أو الشفت..


وهذا كلام مرفوض نهائيا لايقبله عقل ولامنطق..




لي عوده اوضح الجزء الثاني.. بعطيك ردي على جرعات عشان تستوعب الصدمه:)

يا الغالي نظام الارقام نظام رائع ما عليه قصور بس المشكله ان كل ما هو رائع و عظيم نتعامل معاه بطريقه خاطئه مدمره للغرض من انشاؤه...مثل الجوال و البيجر قبله و الكاميرات في الجوال و الكمبيوترات والبلوتوث والانترنت والماسنجر والتليفونات و نظام الدور و كل ما هو حضاري

و هي فعلا صارت لتقنين عدد المراجعين......والله العظيم السنه الماضيه رحت اجدد الاقامه الساعه 3 العصر....قالي الدور خلص....قلت له بس الدوام يخلص الساعه 6....قالي ان شاء الله يخلص الساعه 10...لو خلصت الارقام تيجي بكره و بس ...و فعلا ما رضي والله انه يجدد لي الاقامه للخدامه (شوف كيف رده بكامل الثقه و السيطره على الموقف وخلنا نقول انها حالة فرديه)

بانتظار ردك يا الغالي و انا على استعداد لتقبل الصدمات :rolleyes2:
khaldoon
19-08-2008, 07:54 AM
على اي اساس 60 !!!!!!!!!!!!!!!!!!!!

لان ارولة ما تشيل الا 60 رقم !!!!!!!!!!!!!

والي بيطوفه الدور بيروح في 60 داهية !!!!

اتمنى الفكرة وصلت علشان تعذرهم في المرات القادمة وتتجنب الـ 60 داهية !!!!!!!!!!!!!!!!!!!!!!!!!!!

والله يا الغالي هو اختراع ما له علاقه بالرول...الرول اكيد يشيل مئات بس خلق هالموظف و ضميره ما يشيل اكثر من 60...واللي مب عاجبه ب 60 داهية

كل الشكر يا الغالي بن هود على تشريفي بمرورك الرائع ما قصرت
khaldoon
19-08-2008, 07:55 AM
نعم انا لاحظت هذا الشي في احد مباني الداخلية ولكن هذا النظام متبع فقط لمناديب الشركات ياخذون كل يوم 50 رقم فقط واذا مالحقت على الخمسين تعال بكره والله على مااقول شهيد

حياك الله اخوي العزيز professonal....والله انه يطبق على المندوبين وغير المندوبين لاني انا مب مندوب و واجهت النظام هذا كذا مره

كل الشكر والتقدير على تشريفي بمرورك الرائع
الصارم
19-08-2008, 08:51 AM
أنا أعتقد إن الموظفين محتاجين منا كلمة شكر وتقدير على الجهود الضخمه اللي يقومون فيها خصوصاً موظفي وزارة الداخليه الله يقويهم اللي يشتغلون على الكاونترات ( مرور ، جوازات ، اقامات.....) ، تلاقي الموظف يقعد على الكونتر من بداية الدوام ويستمر في الشغل من 5-6 ساعات بدون توقف بسبب كثرة المراجعين في هالمواقع وإذا فكر يريح شوي تضايقوا المراجعين واشتكوا عليه جنه هالموظف مكينه مهب آدمي ، أذكر مره دكتور العيون قالي إنه اللي يشتغل على كمبيوتر حده ساعتين عقب الساعتين لازم يريح نص ساعه على الأقل .....

في النهايه أقول الله يعطيهم العافيه وذا خذو آخر ساعه راحه هذا إذا ماعندهم شغل ترتيب أصلاً فيستاهلون...
khaldoon
19-08-2008, 10:50 AM
أنا أعتقد إن الموظفين محتاجين منا كلمة شكر وتقدير على الجهود الضخمه اللي يقومون فيها خصوصاً موظفي وزارة الداخليه الله يقويهم اللي يشتغلون على الكاونترات ( مرور ، جوازات ، اقامات.....) ، تلاقي الموظف يقعد على الكونتر من بداية الدوام ويستمر في الشغل من 5-6 ساعات بدون توقف بسبب كثرة المراجعين في هالمواقع وإذا فكر يريح شوي تضايقوا المراجعين واشتكوا عليه جنه هالموظف مكينه مهب آدمي ، أذكر مره دكتور العيون قالي إنه اللي يشتغل على كمبيوتر حده ساعتين عقب الساعتين لازم يريح نص ساعه على الأقل .....

في النهايه أقول الله يعطيهم العافيه وذا خذو آخر ساعه راحه هذا إذا ماعندهم شغل ترتيب أصلاً فيستاهلون...


اكيد الله يعيطهم الف صحه وعافيه على جهودهم الجباره وما احد ينكر هالشي انهم يتعبون و انهم يستحقون الراحه ....بس اخوي انا لو مكانهم و ابي ارتاح فالمفروض اني احط بطاقة على الكانونتر اني برجع بعد ربع ساعه او نصف ساعه و ما تنسى انه كثير من هذه الوظائف يقوم فيها اثنين من الموظفين في نفس الوقت على الاقل يعني لو ابي اروح اصلي او اتغدى او اتعشى او اريح شوي فيه مين ينوب عني خلال هذا الوقت مب نسكر و نظل مكاننا و نقول لاي مراجع انت متأخر تعال بكره او حتى نترك الكانونتر و نختفي بين المكاتب

اني اخلص عدد الادوار اللي انا فرضتها وبعدين اقعد مكاني واللي يجيني اقوله تعال بكره و ليش انت متأخر و المسأله ما تاخذ اكثر من خمس الى عشر دقايق فما تشوف انها مب منطقيه وغير شرعيه ...اخوي انا لما اجي قبل ساعه او ساعتين من نهاية الدوام و الادوار خلصت مب معناته اني انا جاي متأخر لانه لما يقولون تعال الصباح او المساء فمعناته تعال اي وقت الصباح خلال ساعات الدوام ما قالولي تعال قبل الساعه 9 الصبح ...والا انت ايش رأيك؟

اخوي اكبر خطر انه ما هو حق علينا نصير نظن مع الزمن انه حق لنا ....انت تقوم بواجباتك على اكمل وجه من غير ما تطلب احد انه يشكرك عليه لانه لا شكر على واجب

انت موجود في مكانك علشان تؤدي مهمتك خلال ساعات الدوام المقرره وهذا ما هو متوقع منك ...مب معناته انه ما يحق لك ترتاح...أكيد يحق لك ترتاح ولو مشغول بامور خاصه ما تداوم بس ما يجوز انه يصير عرف وعادة انه استقبال المراجعين يتوقف خلال ساعات الدوام لانتهاء الدور


الف شكر على مرورك اخوي
__________________________

الحين انا ابس اسأل سؤال و اوجهه لكل اعضاء المنتدى و رواده واتمنى اللي عنده جواب صادق يقوله لنا

هل صادف انه الستين رقم او السبعين او اي رقم يفرضه الموظف في الادوار انها انتهت مع نهاية يومه فعلا او قبل نصف ساعه على الاقل ... ولو صار هالشي...ممكن نعرف كم مره صارت....مره بالاسبوع مثلا والا بالشهر والا بالسنه والا كل يوم تصير و يا دوب الستين تسكر مع نهاية اليوم

اتمنى احصل جواب صادق لسؤالي هذا علشان ما اكون اتبلى على احد


تحياتي
عذب الكلام 1
19-08-2008, 12:27 PM
صدقت اخي في هذا لانى عانيت كثيراا من هذا الامر وشكراا لك
الخيميائي
19-08-2008, 12:32 PM
يمكن موزعين عدد الارقام على عدد المعاملات المفترض انجازها خلال اليوم :)
khaldoon
19-08-2008, 03:15 PM
صدقت اخي في هذا لانى عانيت كثيراا من هذا الامر وشكراا لك

بارك الله فيك اخوي و شرفني مرورك الرائع

حياك الله :victory:
khaldoon
19-08-2008, 03:46 PM
يمكن موزعين عدد الارقام على عدد المعاملات المفترض انجازها خلال اليوم :)

طيب و خلص عدد الارقام على المعاملات المفترض انجازاها خلال اليوم و قعدنا فاضيين لانه صادف انه ذاك اليوم مب زحمة هل معنى ذلك انه نرفض نقوم بعملنا باقي اليوم ونستقبل مراجعين جدد و باقي ساعة و ساعتين على نهاية الدوام

كل الشكر يا الغالي على مرورك الطيب
بنت المنتدى
19-08-2008, 03:53 PM
غريبه والله

اول مره ادري بسوالفهم ؟؟


لأني مااحب اروح لهم .. حتى بطاقتي الصحيه اخر مره جددها لي زوجي عن طريق النت .....

ويوصلونها لك المكان اللي تبيه



المستعان الله
khaldoon
19-08-2008, 10:39 PM
غريبه والله

اول مره ادري بسوالفهم ؟؟


لأني مااحب اروح لهم .. حتى بطاقتي الصحيه اخر مره جددها لي زوجي عن طريق النت .....

ويوصلونها لك المكان اللي تبيه



المستعان الله


الله يريح بالك من هالسوالف يا بنت المنتدى و الف شكر على المرور و الاضافه القيمه ما قصرتي :victory: