مطار الدوحه ( صاله المغادرين والكراسي ) دعوة للنقاش !!

[اكتتاب خاص]

السلام عليكم

اخواني الاعزاء اطرح هالموضوع لنقاش سالفة عدم وجود كراسي في صالة المغادرين

شي يقهر ويفشل
:anger1:

عيل مطارنا مافيه كرسي واحد في صالة المغادرين !!


اشدعوه مايسافرون شيابنا وعجايزنا ، مايبون كراسي يقعدون عليها


مافيه مريض مسافر


ماتلاقي قدامك طابور وتم تنطر ساعه او اكثر


شيسوي المريض

والا الشايب

والا المره العيوز



والله عيب يا الربع


امس الفجر كنت في المطار وشفت شي يعور القلب
والله انقهرت


مره عيوز ومريضه ومب لاقيه كرسي في المطار والمطار كان فاضي والله

مافيه الا سبعه اشخاص بسسسسسسسسسسسس

انا وواحد من الربع وعايله من اربع حريم وياهل منهم العيوز ومره حامل ، كل وحده منهم مب قادره تشيل عمرها

تاليها اقعدوا على الحدايد ( البيبات اللي حاطينها حمايه لعمدان المطار )

يالربع هالشي يصير في مطار الدوحه في سنة ال2008م


حسبنا الله على اللي امر بأزالة الكراسي

الظاهر انه ما يدش من هالصاله والا كان عرف معاناة العالم وشاللي قاعد يصير


اقتراح اخير

(( ليش ما يتم وضع كم كرسي في الصاله ويحطون عليها لوحه مكتوب فيها لاستخدام كبار السن والمرضى او المراه الحامل فقط ))

اخواني ارجو لو يتم طرح استفتاء على اعاده بعض الكراسي لصالة المغادرين او لو حد من الاخوان يعرف من المسؤول وكيف التواصل معاه لتصحيح هالوضع الغلط واللي صج يفشل

[بوعلي-Qtr]

اخوي اي داخل قبل ماتدخل الجوازات صج مافي كراسي واتمنى يحطوون كراسي

بس داخل الصراحه في وايد

[لولوتي]

بالفعل مريت بنفس الصوره في هالمكان
والعيوز اللي معانا مع انه كانت تنتظرها السياره الخاصه بالمرضى ولكنها في الصاله تعذبت لين اقعدت المسكينه مكان الوزن

واذكر من قبل سنتين الكراسي كانت موجوده والمكان كان مريح بالفعل
يعني ليش مايحطون في اعتبارهم اي تعطيل ممكن يتعرض له المسافر ويحاولون انهم يخلونه مرتاح على الاقل فترة الانتظار :anger1:

[اكتتاب خاص]

اخوي اي داخل قبل ماتدخل الجوازات صج مافي كراسي واتمنى يحطوون كراسي

بس داخل الصراحه في وايد

هلا بك بوعلي

اكيد اخوي ، اتكلم عن صالة الوزن واللي تاخذ منها كروت البورد


وكلنا يعرف انه الزحمه والتأخير كله يصير في هالصاله

[اكتتاب خاص]

بالفعل مريت بنفس الصوره في هالمكان
والعيوز اللي معانا مع انه كانت تنتظرها السياره الخاصه بالمرضى ولكنها في الصاله تعذبت لين اقعدت المسكينه مكان الوزن

واذكر من قبل سنتين الكراسي كانت موجوده والمكان كان مريح بالفعل
يعني ليش مايحطون في اعتبارهم اي تعطيل ممكن يتعرض له المسافر ويحاولون انهم يخلونه مرتاح على الاقل فترة الانتظار :anger1:

هلا بك اختي لولوه


مشكوره على المرور

وياريت كل من مره بمشكله في الصاله يحطها

عشان نعرف حجم المعاناه اللي يمر بها المسافرين في صالة الوزن بمطار الدوحه رغم اننا في العام 2008

[LOLOO]

يعطيك العافية اخوي..

فعلا شي غريب..لكن تعال شوف صالة المغادرين للمسافرين على القطرية في الدرجة الاولى

كراسي وبعد مب اي كراسي...

والقاعة داخل كلها كراسي بشكل يلفت النظر ...


بصراحة مااذكر اني دخلت صالة في اي دولة من الدول الي سافرت لهم وما حصت كرسي اقعد علية؟؟؟؟؟

[امـ عبدالله]

حتى صاله القادمين

اوقات الواحد يضطر اييب حد من المطااااار مافي كراسي

غير في الكوفي شوووووب

وتعالوا جوفووا رزززة الويــه من الي مايستحون على ويهووم

مب اكفايه الواحد ولبه يصطلب ويوقف على ريوله بعد ايحصل له ملاغه اتقززه


قلت في خاطري لو بفلووس الكرسي ادفع المهم اقعد :(

[شيزكيك]

الصراحه معاك حق وانا مب كبيره بس بعد اتعب واضطر اقعد على الحدايد لين يدخلونه

صالة المغادرين صج ما عندهم سالفه ليش شالوا الكراسي من الاصل

[اكتتاب خاص]

يعطيك العافية اخوي..

فعلا شي غريب..لكن تعال شوف صالة المغادرين للمسافرين على القطرية في الدرجة الاولى

كراسي وبعد مب اي كراسي...

والقاعة داخل كلها كراسي بشكل يلفت النظر ...


بصراحة مااذكر اني دخلت صالة في اي دولة من الدول الي سافرت لهم وما حصت كرسي اقعد علية؟؟؟؟؟

هلا اختي لولو

اي والله حتى افقر الدول واللي مطارهم مايقارن بمطارنا لكن عندهم كراسي


مشكوره على المشاركه

[اكتتاب خاص]

حتى صاله القادمين

اوقات الواحد يضطر اييب حد من المطااااار مافي كراسي

غير في الكوفي شوووووب

وتعالوا جوفووا رزززة الويــه من الي مايستحون على ويهووم

مب اكفايه الواحد ولبه يصطلب ويوقف على ريوله بعد ايحصل له ملاغه اتقززه


قلت في خاطري لو بفلووس الكرسي ادفع المهم اقعد :(

اي والله صدقتي يا ام عبدالله

حتى صاله الاستقبال للقادمين حاله ما يسر

اتذكر مره رحت استقبل اخوي

والاقي الصاله صايره كنها هنجر شركه

يمكن عشرين عامل متسدحين داخل الصاله على الارض ، والله منظر يكسر الخاطر

الظاهر تأخر عليهم باص الشركه اللي مفروض يشيلهم وهم مهدودين من السفر

بس منظر ما يليق ببلادنا ، انه مب قادرين يوفرون كراسي للعالم اللي يستقبلون والا يودعون المسافرين

الظاهر المسؤول نسى ان المطار الوجه الحضاري للبلد

[اكتتاب خاص]

الصراحه معاك حق وانا مب كبيره بس بعد اتعب واضطر اقعد على الحدايد لين يدخلونه

صالة المغادرين صج ما عندهم سالفه ليش شالوا الكراسي من الاصل

هلا بك شيز كيك


مشكوره على ا لمشاركه

وصدقيني اللي ا مر انهم يشيلوا الكراسي لو عنده ذره ضمير والا فكر في انه ممكن امه والا ابوه يوقف ساعه من ير لا يلاقي كرسي كان حسب الف حساب قبل لا يصدر الامر

[نورFROM قطر]

انا اقولكم ليش مسويين هالشي علشان تحسون بالفرق بين الدرجه السياحيه والاولى (:

[tajirqatari]

خشوا الكراسي في الستور حق المطار الجديد

والله شي يقهر طبعا

دام انهم شلوا كراسي المسافرين خلهم يشلون كراسي الموظفين بعد عشان يحسون نفس مانحس احنا لين نسافر

مانقول الا الله كريم

[nor85]

انا بعد ابي اعرف ليه مافي كراسي وبالذات في اوقات السفر تلقى طوابير على الكونتر والعايله تلقاها تتنتظر اهي واقفه يمكن ماعندنا فلوس :)

[cavok]

:court::court::court::court:شر البلية ما يضحك

[غيـم الشمـال]

والله صدقت اخوي المفروض يكون هالشئ حتى الدول الاوربيه ترخص للي عمره فوق 60 مادري 70 ترخص له في كل شئ وتلقى لهم كراسي خاصه وكل شئ خاص وحتى المعاقين لهم مثل اهمية الشياب والحوامل

ياريت يتم مراعاة هالشئ في مطار الدوحه على الاقل

تحياتي لسموك الكريم

[اكتتاب خاص]

انا اقولكم ليش مسويين هالشي علشان تحسون بالفرق بين الدرجه السياحيه والاولى (:

هلا بنور

الظاهر يبون العالم تحجز درجه اولى عشان كراسي المطار بعد


شكرا للمرور

[اكتتاب خاص]

خشوا الكراسي في الستور حق المطار الجديد

والله شي يقهر طبعا

دام انهم شلوا كراسي المسافرين خلهم يشلون كراسي الموظفين بعد عشان يحسون نفس مانحس احنا لين نسافر

مانقول الا الله كريم

هلا بخوي تاجر قطري

شكرا لك على المرور والمشاركه

[بوجاسـم]

المغادرين والقادمين

:(

[اكتتاب خاص]

انا بعد ابي اعرف ليه مافي كراسي وبالذات في اوقات السفر تلقى طوابير على الكونتر والعايله تلقاها تتنتظر اهي واقفه يمكن ماعندنا فلوس :)

هلا بنور 85


الغريبه اني متأكد انه محد راح يقول ان ازاله الكراسي صح

اكيد يدرون ان الشي اللي سووه غلط وهم مصرين عليه

هذي هي المشكله الاصرار على الغلط


والمشكله الاكبر ان هالحاله صارت شي ملازم للقطريه

كل شي عكس العالم


على قاعدة خالف تعرف

[اكتتاب خاص]

:court::court::court::court:شر البلية ما يضحك

هلا اخوي صالح


صج شر البليه ما يضحك

ما نقول الا حسبنا الله ونعم الوكيل

[Qa6ar]

جزاك الله خير

ارجوا توصيل الموضوع الى السيد اكبر الباكر :)

[اكتتاب خاص]

والله صدقت اخوي المفروض يكون هالشئ حتى الدول الاوربيه ترخص للي عمره فوق 60 مادري 70 ترخص له في كل شئ وتلقى لهم كراسي خاصه وكل شئ خاص وحتى المعاقين لهم مثل اهمية الشياب والحوامل

ياريت يتم مراعاة هالشئ في مطار الدوحه على الاقل

تحياتي لسموك الكريم

هلا بغيم الشمال

والله يالغالي الحال هذي مايصر حتى العدو


معقوله يبون سياحه وعالم تجيهم وهم يتجاهلون كل شي صح


يالربع القطريه خلاص ، صار ينطبق عليها المثل اللي يقول

وقد اسمعت اذا ناديت حياً ولكن لا حياة لمن تنادي

او

المثل اللي قول الضرب في الميت حرام ، من كثر ما تكلمت العالم على مشاكل القطريه ولا فيه فايده


شكرا لمرورك غيم الشمال

[اكتتاب خاص]

المغادرين والقادمين

:(

هلا بوجاسم

صحيح المغادرين والقادمين بعد

لكن احنا نتكلم على المغادرين بالذات لانه فيه شياب وكبار في السن وحوامل مضطرين يسافرون ولازم توفر لهم كراسي

لكن على الاقل القادمين الصاله الخارجيه اللي بيروح يستقبل هله بيكون لا مريض ومب ماخذ معاه كبار في السن والا اطفال


في حين ان الصاله الداخليه للقادمين تحتوي على صف مقاعد (10 مقاعد تقريباً ) امام انتظار العفش والحقائب

صدقوني تكفي


بالعربي صاله المغادرين ما تبي اكثر من 10 كراسي على الاقل

عشان الحاله الخاصه اللي ذكرناها

[اكتتاب خاص]

جزاك الله خير

ارجوا توصيل الموضوع الى السيد اكبر الباكر :)

وجزاك الله خير الجزاء اخوي قطر


نرجو وصول الامر للشخص المسؤول عنه


وتصحيح هذا الوضع الخاطيء والمخزي

[الوعد2016]

مطار بدون كراسي شي عجيب
لا ويبونك تجي قبل الرحله بساعتين ونصف ومرات باربع ساعات اذا اتصلوا عليك واعتذرو بالشحن اذا معك شحن جيب الاغراض راح نفتح كونتر للشحن وبعد الاغلاق مراح نسمح باخذ الاغراض معك لا شنطه لليد فقط
لا والكراسي حديد وضيقه وكل مكان مفصول عن الاخر عشان اعيال عمه ما ينامون في المطار وتروح رحلاتهم ويعوضهم برحلات

[فلفل حار]

خلني ساكت احسن :anger1:
:weeping:

[اكتتاب خاص]

مطار بدون كراسي شي عجيب
لا ويبونك تجي قبل الرحله بساعتين ونصف ومرات باربع ساعات اذا اتصلوا عليك واعتذرو بالشحن اذا معك شحن جيب الاغراض راح نفتح كونتر للشحن وبعد الاغلاق مراح نسمح باخذ الاغراض معك لا شنطه لليد فقط
لا والكراسي حديد وضيقه وكل مكان مفصول عن الاخر عشان اعيال عمه ما ينامون في المطار وتروح رحلاتهم ويعوضهم برحلات

صدقت والله يالوعد

مشكور على المشاركه

[اكتتاب خاص]

خلني ساكت احسن :anger1:
:weeping:

هلا اخوي فلفل حار


لا يالغالي ان تمينا ساكتين محد مسوي لنا شي


خل نتكلم ونقول وش الغلط عشان يتم التصحيح


على فكره شباب

ياريت لو فيه حد من ا للي يشتغلون في المطار سواء في الامن او في خطوط الطيران و يقولولنا رايهم في اللي يشوفونه كل يوم بخصوص عدم توفر كراسي في الصالات

[بنت المنتدى]

مدام اكبر ماسك المطار ابشروا بالخير بعد ..!!

[arcon]

الله المستعان

[اكتتاب خاص]

مدام اكبر ماسك المطار ابشروا بالخير بعد ..!!

هلا اختي


مشكوره على المرور والمشاركه

وصدقيني ان بلادنا فيها مسؤولين فيهم الخير والبركه واكيد ما راح يرضون عن اي شي يضر الناس من اي شخص مهما كان مكانه ، فما بالك اذا كان المتضررين هم كبار السن والحوامل

[اكتتاب خاص]

الله المستعان


هلا بك اركون

والله المستعان على كل ظالم

[yesno]

ليش الشياب ولا الحوامل ولا العيايز هنود عشان يحطون لهم كراس الا اقطرين يبون ياهلا مايبون على هواهم المطار مب لهم للهنود .

بعدين اشلون المدير راجو يحس انه في بلاده الهند من غير مايشوف ناس منسدحين في الارض :victory:

[اكتتاب خاص]

ليش الشياب ولا الحوامل ولا العيايز هنود عشان يحطون لهم كراس الا اقطرين يبون ياهلا مايبون على هواهم المطار مب لهم للهنود .

بعدين اشلون المدير راجو يحس انه في بلاده الهند من غير مايشوف ناس منسدحين في الارض :victory:

هلا بك اخوي يسنو


مشكور على المرور والمشاركه


والله ان شاء الله يتعدل الحال المايل


قولو امين