مرافقة البنت لامها هل هو خطأ او تصرف صحيح ؟؟

[ضوى]

تعودت دائما أن ابدا مواضيعي بمقدمة حتى ادخل للموضوع الرئيسي ، وعجزت القى مقدمة مناسبة للموضوع اللي باطرحه اليوم ، الصراحة قريت اكثر من موضوع في المنتدى عن البنات وتوزيع صورهم والشات والفيديو والبالتوك وغيره وغيره ، وغير تصرفاتهم في المجمعات والمولات وهذا الموضوع ألمني ما انني ام لبنت عمرها 12 سنة في سن حرجة وسن يسهل فيه غوايتها والضحك عليها باسم الحب ، والصراحة انا اخاف على بنتي وااااااااايد من اللي صاير في البلد من انفتاح وحرية وقلة ادب لم نعرفها ابدا في وقتنا الذي مضى .

خلاصة الموضوع اتبعت اسلوب مع بنتي وانا شخصيا محتارة هل تصرفي صحيح او فيه نوع الخوف الشديد الغير مبرر عليها ، الاسلوب الذي اتبعه معها هو أنها ترافقني لاي مكان اذهب اليه دون قيد او شرط ، مول سينما سوق جاراتي صديقاتي خياط جمعية صالون كل مكان كل مكان ولا اتركها في المنزل ابدا ، بدأت اشعر بأنني ربما اكون سجنتها وحصرتها في زماني انا
صحيح تجلس مع خالاتها وعماتها وبنت خالتها المقربة جدا لها ولكن عندما اخرج اجباري تأتي معي حتى وان قالت لا لا اريد فانا عندي يقين أن الفراغ والوحدة عاملان يساعدان على الانحراف
احيانا الوم نفسي واقول لماذا احصرها في مجتمع نساء كبار وهي لازالت صغيرة ولكن اعود واقول الحمد لله مجتمع النساء الذي انتمي له لا يتفوهون باي شئ غير لائق سوالف نساء كبيرات نعم ولكن لا يتم التطرق لمحرمات او قلة ادب او حتى نميمة او غيبة ولله الحمد فقلبي يحدثني بانها سوف تستفيد من هذه اللقاءات في تكوين شخصية مستقلة لها كسيدة صغيرة ، ربما تعرف من خلال هذه الاحاديث ما يمكنه التأثير على افكارها وعقلياتها فربما تتعلم كيف هي الضيافة وما هي اصولها وكيفية تقديم الشاي والقهوة وكيف تتعلم الا تختبئ من احد عندما يزرونا في البيت والله فقد لاحظت هالشئ فيها كانت تخجل من الظهور اما جاراتي اللاتي يزرنني ولكنها الآن تستقبلهم بادب جم وتسلم بلباقة صحيح لم تتعلم بعد تقديم الشاي والقهوة ولكنها تساعد في تجهيز الفناجين والصحون والملاعق وتضيف الضيف بشكل لبق ولائق
مع كل ما تفعله ابنتي فيما يرضيني احس انني لا افعل ما يرضيها فاحيانا تقول سأذهب من صديقاتي للمول بحكم قربه من بيتنا فأرفض وبشدة ودون مناقشة ، عندما تطلب الذهاب للسينما لفيلم يعجبها اشرط عليها إن اخذك والدك أو اخوك الكبير فلا باس اما غير ذلك لا مع انها تذهب معي دائما في كل الافلام التي احضرها ولكن احس البنات في هذا السن يتطلعون للاستقلالية والانفراد بنفسهم مع صديقاتهم وهذا شئ مرفوض تماما لدي بحكم ما اسمع وارى فانا لدي كامل الحق في خوفي على ابنتي فهل انا على حق ؟؟؟؟؟؟؟

موضوع للفضفة والمناقشة العاقلة جدا

تحياتي و صباحكم خير

[SaryQatar]

تصرف صحيح ميّه بالميه , ويوم تكبر بنتكم راح تدعيلكم , ما عليكم من اللي يقولون لازم تعطينها ثقه وثقه ومدري ايش ,

هذا احنا تربينا بالعقل والخيازرين على ظهورنا , والحمدلله النتيجه طلعت مرضيه ,

[بوخالد2]

عن نفسي اشوف الامر هذا عادي جدااا

واحنا انا اشوف الوالده اترافق البنت اذا طلبت زيارة صديقاتها بحيث تكون تجلس معا ام البنت طبعا التعارف زين للامهات بالذات

بالعكس الحرص زين ولكن لانضيق عليه اكثر من لازم ......

[المشط]

تصرف ممتاز اختي

الله يحفظ بنتج وكل بنات المسلمين

[الورده]

تصرفج صح وانا باقول لج تجربتي مع بناتي يوم كانوا صغار مستحيل اخليهم يروحون مكان الا انا معهم حتى لصديقاتهم اتعرف على امهاتهم وازورهم مع بناتي ولا يروحون السوق لا انا معهم ولا لخوالهم او عماتهم او اي احد لا انا اكون وياهم ولا يتكلمون في التلفون لا مع صديقاتهم اللي اعرفهم واذا شكيت في البنت ولا نقدت عليها فهمت بنتي ان البنت هذي فيها غلط لا تكلمينها كانت تزعل وتضيق وانتي ما تخلينا نأخذ راحتنا بس ما علي منهم وبعد الساعه 9 ما فيه مكالمات خلاص ونفس الشئ كانوا يضيقونومع هذا حصل اغلاط بسيطه مثل الا عجاب اللي في المدارس بس الحين الكبيرة عمرها 23سنه وعندها بنت ما تخلي بنتها تخاف عليها نفس تربيتي فيها والصغيره 22سنه نفس اللي ربيتها عليه اشوفها تسويه مع خواتها اللي اصغر منها والحمد لله ملتزمات واسألهم هل انا كنت شديدة معاكم يقولون ايه يمه بس الحين ندري ان الشدة اللي اتبعتيها معانا صح ولا قعدت معاهم الحين نتذكر سوالفهم وهم صغار نضحك عليها
بس نصيحه اختي الغاليه وديها للحلقات الدينيه دخليها مركز تحفيظ دوري لها الصحبه الصالحه
يمكن تضيق شوي ان انتي ما تخلينها تروح مع صديقاتها قولي انا اخاف عليج لاني احبج وافرح لما اكون معاج واستأنس احب اشوفج قدام عيوني اذا غبتي مني احزن وافتخر ان عندي بنت مثلج
واسمحيلي يا قلبي اذا طولت عليج

[اعالي الجنان]

تعودت دائما أن ابدا مواضيعي بمقدمة حتى ادخل للموضوع الرئيسي ، وعجزت القى مقدمة مناسبة للموضوع اللي باطرحه اليوم ، الصراحة قريت اكثر من موضوع في المنتدى عن البنات وتوزيع صورهم والشات والفيديو والبالتوك وغيره وغيره ، وغير تصرفاتهم في المجمعات والمولات وهذا الموضوع ألمني ما انني ام لبنت عمرها 12 سنة في سن حرجة وسن يسهل فيه غوايتها والضحك عليها باسم الحب ، والصراحة انا اخاف على بنتي وااااااااايد من اللي صاير في البلد من انفتاح وحرية وقلة ادب لم نعرفها ابدا في وقتنا الذي مضى .

خلاصة الموضوع اتبعت اسلوب مع بنتي وانا شخصيا محتارة هل تصرفي صحيح او فيه نوع الخوف الشديد الغير مبرر عليها ، الاسلوب الذي اتبعه معها هو أنها ترافقني لاي مكان اذهب اليه دون قيد او شرط ، مول سينما سوق جاراتي صديقاتي خياط جمعية صالون كل مكان كل مكان ولا اتركها في المنزل ابدا ، بدأت اشعر بأنني ربما اكون سجنتها وحصرتها في زماني انا
صحيح تجلس مع خالاتها وعماتها وبنت خالتها المقربة جدا لها ولكن عندما اخرج اجباري تأتي معي حتى وان قالت لا لا اريد فانا عندي يقين أن الفراغ والوحدة عاملان يساعدان على الانحراف
احيانا الوم نفسي واقول لماذا احصرها في مجتمع نساء كبار وهي لازالت صغيرة ولكن اعود واقول الحمد لله مجتمع النساء الذي انتمي له لا يتفوهون باي شئ غير لائق سوالف نساء كبيرات نعم ولكن لا يتم التطرق لمحرمات او قلة ادب او حتى نميمة او غيبة ولله الحمد فقلبي يحدثني بانها سوف تستفيد من هذه اللقاءات في تكوين شخصية مستقلة لها كسيدة صغيرة ، ربما تعرف من خلال هذه الاحاديث ما يمكنه التأثير على افكارها وعقلياتها فربما تتعلم كيف هي الضيافة وما هي اصولها وكيفية تقديم الشاي والقهوة وكيف تتعلم الا تختبئ من احد عندما يزرونا في البيت والله فقد لاحظت هالشئ فيها كانت تخجل من الظهور اما جاراتي اللاتي يزرنني ولكنها الآن تستقبلهم بادب جم وتسلم بلباقة صحيح لم تتعلم بعد تقديم الشاي والقهوة ولكنها تساعد في تجهيز الفناجين والصحون والملاعق وتضيف الضيف بشكل لبق ولائق
مع كل ما تفعله ابنتي فيما يرضيني احس انني لا افعل ما يرضيها فاحيانا تقول سأذهب من صديقاتي للمول بحكم قربه من بيتنا فأرفض وبشدة ودون مناقشة ، عندما تطلب الذهاب للسينما لفيلم يعجبها اشرط عليها إن اخذك والدك أو اخوك الكبير فلا باس اما غير ذلك لا مع انها تذهب معي دائما في كل الافلام التي احضرها ولكن احس البنات في هذا السن يتطلعون للاستقلالية والانفراد بنفسهم مع صديقاتهم وهذا شئ مرفوض تماما لدي بحكم ما اسمع وارى فانا لدي كامل الحق في خوفي على ابنتي فهل انا على حق ؟؟؟؟؟؟؟

موضوع للفضفة والمناقشة العاقلة جدا

تحياتي و صباحكم خير

موضوع حساس ياضوى

البنت همها هم سبحان الله خاصه لي طلعتي وشفتي اللي حولج خوفج يزيد الله المستعان

اللي تسوينه انا ساعات اتبعه مع بنتي بس بنتي تحب الشي ذي مااجبرها عليه هي اللي تصر تروح معاي كل مكان وانا ساعات ارفض لان في زيارات الواحد يستحي ياخذ فيها بناته

بس اكبر هم عندي هو لي طلبت تزور صديقاتها اللي معاها بالمدرسه ياختي ماأمن ولايرتاح قلبي انها تروح بيوتهم وهذا الشي الين الحين مرفوض اقولها اذا هم بيجون حياهم الله وعقب انتي تروحين لهم
بس طبعا محد يزورها
مره من المرات وحده من صديقات بنتي تحبها واايييد واتصالات ياكثرها حسيت فعلا انها متعلقه في بنتي وانا ارقب بصمت لدرجة انه ام البنت كلمتني وقالت لي بنتي اذبحتني على بنتج وصرحت برغبتها انها تزورنا البيت هي وبنتها

ماقولج ارتحت والله ورحبت فيها وجونا البيت ومن يومها علاقتي فيها من افضل العلاقات الي اليوم وبنتي مع بنتها ضحك وسوالف وانا مرتاحه لاني عرفت بنتي من تكلم ومن البنت هذي واخلاقها

بس ساعات يجيني شعور اني مضيقه عليها وحارمتها مع انها اكثر وحده تلبى مطالبها بس مساله الطلعات والزيارات حق ربعها لي شروط وقيود فيها

تدرين تذكرت امي يوم كانت تمنعني من زيارة ربعي وفهمتها على كبر يوم اشوف بنتي تطلب مني الشي هذا اتخيل شعوري كنت ازعل وانقهرواليوم اشوف الشي على بنتي وهذا اللي يحزني عليها اشلون افهمها


والهم الثاني بالنسبه لي يوم تطلب تبات عند خالاتها وله بيت جدها ابوها يرفض اله في حالة وجودي معاها ( حالة سفر ) وهي تحاول معاي اخليها بدون مايعرف ابوها لانها متعلقه فيهم

بس ارفض رفض قاطع حتى لو انهم هلي لانه في صبيان في البيت واخااف عليها

الموضوع ذو شجن يالغاليه واحس انه كلامي وايييد مايخلص هذا اللي تذكرته الحين ولي عوده ان شاءالله

يعطيج العافيه يالغاليه

[miss-qatr]

اول شي صبااااااح الخير اختي ضوى :)



انا اوافقك بجااااانب كبير من اللي سويتيه بس بعد الومك من جانب ثاني



اختي تعودت من كنت صغيره ان مااطلع الا مع الوالده وسالفه خدامه وطلعت سوق معاها هذا مرفوض وغير قابل للنقاش


بالسفر حتى الحين يوم كبرت صرت مااحب اتمشى الا معاها واقعد بالكوفي شوبات معاها لان مالي الا هي واستشيرها باللبس مع ان جيلين مختلفين بس انا ادري انها اتحاول اتأقلم نفسها معاي ( قد ماتقدر :rolleyes2: )


كنت وانا صغيره اشوف غيري والبنات شلون يطلعون مع بعض وانا لا .... كان هالشي يحز بخاطري واقول اشمعنى هم !!!!!

بس والله يوم اني كبرت الحين عرفت ان اللي سوته الوالده ربي يحفظها راح اسويه مع بنتي ان شاء الله :)


بس انك ااختي ضوى بكل مكان اتودينها معك حتى الجمعيه ولا غيره ... وين شخصيه البنت ؟؟؟

شالمانع انها تقعد بالبيت ...تدرس ... تقرا ... اتشوف التلفزيون ؟؟؟

انا مااوافقك اختي ضوى خوفك عليها اعتبره بهالمرحله سجن لها ولشخصيتها

انا الوالده مع ان يمكن انتي اتفوقينها بالثقافه بمراااااااااااااااحل بس عمرها مااجبرتني على طلعه غصب عني

علميها انك اترافقينها بالسينمات .. بالمجمعات .. بيت صديقتها مثلاً ..


لكن انك تجبرينها بكل مكان معك ... لا والله يا اختي اسمحيلي انك غلطانه


السموحه طولت عليك :)

[أحلى وسيطه]

والله انج ام الزين يالغاليه


وهاي التربيه ولا بلاش والله يقدرنا ويقدرج على التربيه الصالحه انشالله

[سهم بن سهم]

انا يوم كنت صغير كانت امي الله يرحمها توديني وياها كل مكان

:weeping::weeping:

[ضوى]

تصرف صحيح ميّه بالميه , ويوم تكبر بنتكم راح تدعيلكم , ما عليكم من اللي يقولون لازم تعطينها ثقه وثقه ومدري ايش ,

هذا احنا تربينا بالعقل والخيازرين على ظهورنا , والحمدلله النتيجه طلعت مرضيه ,


والله اتمنى انها تدعي لي ما تدعي علي ياختج :rolleyes2:

صدقتي اختي والله مافي على تربية ابهاتنا وامهاتنا الله يرحم الميتين ويبارك في الاحياء اللهم امين

شاكرة لج يالغالية

[البيت القديم]

اختي ضوى الي اتسوينه شي طبيعي وكل ام لازم اتسويه مع بناتها وغير ذلك ماعتبره طبيعي..

تقبلي تحياتي.. اخوك ابن الصياد

[VIPLady]

حلو الشخص يكون محافظ
وكل ام تتمنى بنتها تكون احسن البنات

بس بعد البنت بالعمر هذا تبي تطلع شوي مع رفيجاتها .. حتى لو طلعه بالشهر.. حلوه الخصوصيه..
عزايم و حفلات في بيت رفيجاتها او في بيتها وين المشكله؟ قدام عيون الام ليش لا؟؟؟
الضروري انه الام تعرف من رفيجاتها وبنات من وهل هم كفو او لا.. تعرف اخلاقهم

وحلو انها تعيش حياتها مع صديقاتها و مو شرط تسوي شي غلط .. ليش هالتفكير السلبي انه اذا البنات اجتمعوا او اطلعوا يعني بيتصرفون تصرفات غلط؟؟ بتقولون لي نخاف عليها من الي حولها.. اذا تربيتها صح و تعرف انه امها خلتها لانها تثق فيها ماينخاف عليها.......... والبنت لو تبي تسوي شي بتسويه حتى لو مع امها ..
وبعدين حرام نجبر البنت واهي توها بالسن هذا انها تجلس مع الكبار دايما.. صح تعلمها الجرئه والسنع و انها توجب الناس القاعدين بس مب دايما..
وانج تجبرينها تروح معاج كل مكان... عفوا يعني اختي غلطانه .. عطيها حريه الخروج معاج او لا كيفها ...

والله يحفظ لج بنتج ويخليها لج وتفرحين فيها

[الخيميائي]

تو متش ياضوى

وفي يوم من الايام بتضطر تواجه العالم بروحها

فلا تضغطين عليها بهاي الشكل علشان ماتنصدم بالمستقبل

[هتـان قطر]

مرحبا ضوى...الله يعينك ويعينا على تربية عيالنا تربية صالحه..

انا من رايي تخفين شوي على البنت من ناحية الخروج معك الى اي مكان..

اما خروج مع الصديقات وبروحهم لا والف لا...واسمحيلي اختي ضوى انا استغرب

من اللي يروحون السينما...تضييع وقت على الفاضي ومن غير ان الافلام ما تخلو

من المشاهد اللي تخدش الحياء..فنصيحه من اخت لاختها ابتعدي انتي اولا ومن ثم

ابعدي بنتك عن هالاشياء...

من خلال تجربتي ..انا بناتي مايطلعون للسوق او اي مكان الا انا معهم او ابوهم..

الا اذا كان زيارة بنات خوالهم توصلهم الخادمه او احد من اخوانهم...

اما الزيارات.. لا ما احب البنت اللي ماخذه رجلها على الطلعه..زيارات الاهل نعم اما

زياراتي لغير الاهل مايروحون معاي وهم بعد مايرضون يروحون..واذا زارني احد

متعودين عادي يجون ويضيفون..

وبخصوص زيارات رفيقاتهم ما اسمح لهم لان اغلب المشاكل اللي تصير من خلال

رفيقات السوء..صحيح انا واثقه في بناتي ولكن ثقتي في رفيقاتهم ناقصه..

الحين بس سمحت لبنتي الكبيره انه تزور بعض رفيقاتها بعد ماتمت العشرين واصبحت

على وشك الزواج...

وخلاص تعودوا على هذي الطريقه..ومع اني ما اسلم من حنتهم الا انهم مشوا على

هذا المنوال...

اسمحيلي على الاطاله...:shy:

[AmOuR]

هذا التصرف أمي دائمــــاً تتصرفه معاااي ..

وين ما تروح لازم أكون معاااها ..

و ممنوع علي أطلع مع حد غريب ..

[فارس الكلمة]

التأثيرات تأتي من صحبة المدرسة أحياناً .. فالتصاقك مع أبنتك قد تأتي بنتيجة ..

لكن لا تدرين ما يدور في المدرسة بعد ذلك .. و الحافظ الله ..

[!قطريـة بنت القمـر!]

مرحبا ضوى...الله يعينك ويعينا على تربية عيالنا تربية صالحه..

انا من رايي تخفين شوي على البنت من ناحية الخروج معك الى اي مكان..

اما خروج مع الصديقات وبروحهم لا والف لا...واسمحيلي اختي ضوى انا استغرب

من اللي يروحون السينما...تضييع وقت على الفاضي ومن غير ان الافلام ما تخلو

من المشاهد اللي تخدش الحياء..فنصيحه من اخت لاختها ابتعدي انتي اولا ومن ثم

ابعدي بنتك عن هالاشياء...

من خلال تجربتي ..انا بناتي مايطلعون للسوق او اي مكان الا انا معهم او ابوهم..

الا اذا كان زيارة بنات خوالهم توصلهم الخادمه او احد من اخوانهم...

اما الزيارات.. لا ما احب البنت اللي ماخذه رجلها على الطلعه..زيارات الاهل نعم اما

زياراتي لغير الاهل مايروحون معاي وهم بعد مايرضون يروحون..واذا زارني احد

متعودين عادي يجون ويضيفون..

وبخصوص زيارات رفيقاتهم ما اسمح لهم لان اغلب المشاكل اللي تصير من خلال

رفيقات السوء..صحيح انا واثقه في بناتي ولكن ثقتي في رفيقاتهم ناقصه..

الحين بس سمحت لبنتي الكبيره انه تزور بعض رفيقاتها بعد ماتمت العشرين واصبحت

على وشك الزواج...

وخلاص تعودوا على هذي الطريقه..ومع اني ما اسلم من حنتهم الا انهم مشوا على

هذا المنوال...

اسمحيلي على الاطاله...:shy:

أأيد كلامج مية في الميه من هالناحيه وخصوصا رفيقات السوء لان المرء على دين خليله والصاحب ساحب .. لو كانت البنت مطوعه يمكن رفيجتها تخليها في ظرف كم شهر في حالة يرثى لها .. وهالكلام عن تجارب سواء من ناس اشوفهم قدامي قبل او حصلت لي في فترة من حياتي .. وصج الطلعات الوايده وروحات الصديقات هاي اللي مالها لزمه او حتى برى البيت مالها لزوم وعلى حديث للرسول عليه الصلاة والسلام بما معناه ان المراه لما تخرج يستشرفها الشيطان .. يعني مو تقول انا ام عادي اطلع وقت ما ابي الام دايما قدوة لبنتها وتسير بنتها على نهجها في اغلب الاحيان الخروج الزايد للمراه منهي عنه الا اذا تطلع مع ابوها او اخوها او زوجها هني يختلف الوضع اما مع حد ثاني وخصوصا الصديقات لا والله مو عادي وياما بنات راحو في ستين داهية من ورى هالسوالف واخلاقهم فسدت من سبب صديقات السوء(وياكثرهم) .. اختي ضوى تصرفج صحيح والواحد يقدر خوفج على بنتج اكيد وهاي من حبج واهتمامج لها لكن يبيلج تخفين على البنت لان الضغط يولد الانفجار وهي توها صغيره ويبيلها مساحة من حياتها لو صغيره تمارس فيه خصوصيتها في القراءه او رؤية التلفاز او ممارسة هواياتها او استخدام الكمبيوتر بما هو مفيد فقط او اشياء اخرى .. في النهاية اكيد ما بتكون بروحها في البيت وباقي الاهل معاها يعني اخوانها الكبار او خواتها او حتى الاصغر منها .. بس جزاج الله خير على هالتربية الطيبه وخوفج على بنتج وليت كل الامهات يفكرون بهالطريقه جان ما صار عندنا هالفساد اللي انتشر فجاه في مجتمع لم يكن يعرف التحرر طريقا اليه .. واسمحي لي على الاطاله :) ....

[وطن]

كتبت رد شطووووووووووول

بعدين علق النت

:(


برجع في وقت ثاني

[هتـان قطر]

كتبت رد شطووووووووووول

بعدين علق النت

:(


برجع في وقت ثاني



:) عادي لا تضيقين خلقك...كلها تدريب للاصابع..:)

[بنت المنتدى]

حلو الشخص يكون محافظ
وكل ام تتمنى بنتها تكون احسن البنات

بس بعد البنت بالعمر هذا تبي تطلع شوي مع رفيجاتها .. حتى لو طلعه بالشهر.. حلوه الخصوصيه..
عزايم و حفلات في بيت رفيجاتها او في بيتها وين المشكله؟ قدام عيون الام ليش لا؟؟؟
الضروري انه الام تعرف من رفيجاتها وبنات من وهل هم كفو او لا.. تعرف اخلاقهم

وحلو انها تعيش حياتها مع صديقاتها و مو شرط تسوي شي غلط .. ليش هالتفكير السلبي انه اذا البنات اجتمعوا او اطلعوا يعني بيتصرفون تصرفات غلط؟؟ بتقولون لي نخاف عليها من الي حولها.. اذا تربيتها صح و تعرف انه امها خلتها لانها تثق فيها ماينخاف عليها.......... والبنت لو تبي تسوي شي بتسويه حتى لو مع امها ..
وبعدين حرام نجبر البنت واهي توها بالسن هذا انها تجلس مع الكبار دايما.. صح تعلمها الجرئه والسنع و انها توجب الناس القاعدين بس مب دايما..
وانج تجبرينها تروح معاج كل مكان... عفوا يعني اختي غلطانه .. عطيها حريه الخروج معاج او لا كيفها ...

والله يحفظ لج بنتج ويخليها لج وتفرحين فيها





تو متش ياضوى

وفي يوم من الايام بتضطر تواجه العالم بروحها

فلا تضغطين عليها بهاي الشكل علشان ماتنصدم بالمستقبل





الغاليه

بقولج تجربتي الخاصه بي في هالموضوع ..


لكن ع الخاص



الله يستر على بنتج ويحفظها من كل شر فديتج ..

[شكري وتقديري]

أختي ضوى:

الله يبارك لك في ذريتك ويستر على بنيتك دنيا ووآخرة .

لكن هالله الله فيها قربيها من نفسك ، لتحس أنها أغلى من عينيك

هاديها في مناسباتها كما يهادونها صديقاتها

فاجئيها بطلعة كانت تتمناها

قربيها من خالاتها وعماتها

أشبعي حاجتها إلى الحنو والحنان والمحبة

[Khalid222]

تو متش ياضوى

وفي يوم من الايام بتضطر تواجه العالم بروحها

فلا تضغطين عليها بهاي الشكل علشان ماتنصدم بالمستقبل

كلام سليم... التوازن في كل شي مطلوب... المهم زرع القيم وتنشئة البنت في محتمع يفرق بين الغلط والصح ... ولابد ان تكوني صريحة وواضحة في تعاملك معها ...

المغريات كثيرة وأعطاء الابناء المسئولية وهم في عمر مبكر مهم جدا في صقل شخصية المراهق وقوة شخصيته .. وهذا مهم جدا حتى لا يكون ضعيف في مواجهة المغريات الخارجية وتئثير اصدقاء السوء علية... من المستحيل ان نحمى النشئ في كل لاحيان ولكن مهم جدا نزرع فيهم الوازع الديني والحس في معرفة ما هو الخطى وما هو الصواب عند غيابنا عنهم ....


وتخيلي لو عندك سبرينج حلزوني .. لو ضغطتيه بيتم مضغوط وياخذ الشكل الي تبغينه انتى وفي حالة انك شلتي عنه الضغط .. توقعي اي شي منه.. يطير .. يرجع الى الشكل الاصلي ... ينحرف ..

وهذا ينطبق على اسلوب التربية

المشكلة اننا ومن غير قصد نزرع الاتكالية في الابناء ويكون اعتمادهم الكلي في حل اي مشكلة او معضلة اتواجهم على الاباء والامهات.. وهذا قد يتسبب لهم الكثير من المشاكل في حياتهم في مستقبلهم في تعليمهم .. ...وبلا شك نلغي فيهم روح التحدي والتفكير وتوسعة مدارك النشئ في اتخاذ قرارته واستلام المسئولية في سن مبكر .. ..

وبالتاكيد هذا ينطبق على اسلوب الحماية والخوف عليهم ومنعهم من كل شي بدافع الحماية والحب..

اتمنى اني قدرت اوصل لك ولو جزء من الى في بالى ..

والله يحفظها انشاء الله من كل شر...

[الرايقه]

اختي الغالية
مايحصل في المجتمع من مشاكل اجتماعية وسلوكية يجعلنا نخاف ومن شدة خوفنا نلتزم الحذر
على ابنائنا بشكل عام وعلى البنات بشكل خاص
اجعلي بنتك صديقة تقول لك ما تود ان تقوله لصديقاتها
اغرسي فيها القيم وعوديها على المحافظة على الصلاة
انا لاالومك فيما تفعليه لانه من باب الخوف عليها وانا افعل مثلك ماعدا الذهاب الى صديقاتي فبمجرد ان انوي زيارة صديقة اودعها كالامانه عند جدتها ولااتركها في البيت مع الشغالة لوحدها
حفظالله ابنتك وبناتنا وبنات المسلمين (( والله خير حافظ))

[ضوى]

عن نفسي اشوف الامر هذا عادي جدااا

واحنا انا اشوف الوالده اترافق البنت اذا طلبت زيارة صديقاتها بحيث تكون تجلس معا ام البنت طبعا التعارف زين للامهات بالذات

بالعكس الحرص زين ولكن لانضيق عليه اكثر من لازم ......

شكرا لك يا بو خالد :victory:


تصرف ممتاز اختي

الله يحفظ بنتج وكل بنات المسلمين


اللهم امين شاكرة لك


تصرفج صح وانا باقول لج تجربتي مع بناتي يوم كانوا صغار مستحيل اخليهم يروحون مكان الا انا معهم حتى لصديقاتهم اتعرف على امهاتهم وازورهم مع بناتي ولا يروحون السوق لا انا معهم ولا لخوالهم او عماتهم او اي احد لا انا اكون وياهم ولا يتكلمون في التلفون لا مع صديقاتهم اللي اعرفهم واذا شكيت في البنت ولا نقدت عليها فهمت بنتي ان البنت هذي فيها غلط لا تكلمينها كانت تزعل وتضيق وانتي ما تخلينا نأخذ راحتنا بس ما علي منهم وبعد الساعه 9 ما فيه مكالمات خلاص ونفس الشئ كانوا يضيقونومع هذا حصل اغلاط بسيطه مثل الا عجاب اللي في المدارس بس الحين الكبيرة عمرها 23سنه وعندها بنت ما تخلي بنتها تخاف عليها نفس تربيتي فيها والصغيره 22سنه نفس اللي ربيتها عليه اشوفها تسويه مع خواتها اللي اصغر منها والحمد لله ملتزمات واسألهم هل انا كنت شديدة معاكم يقولون ايه يمه بس الحين ندري ان الشدة اللي اتبعتيها معانا صح ولا قعدت معاهم الحين نتذكر سوالفهم وهم صغار نضحك عليها
بس نصيحه اختي الغاليه وديها للحلقات الدينيه دخليها مركز تحفيظ دوري لها الصحبه الصالحه
يمكن تضيق شوي ان انتي ما تخلينها تروح مع صديقاتها قولي انا اخاف عليج لاني احبج وافرح لما اكون معاج واستأنس احب اشوفج قدام عيوني اذا غبتي مني احزن وافتخر ان عندي بنت مثلج
واسمحيلي يا قلبي اذا طولت عليج

لا فديتج تجربتج اكيد بتفيديني وتفيد الامهات اللي بمثل حالتي

شاكرة لج




موضوع حساس ياضوى

البنت همها هم سبحان الله خاصه لي طلعتي وشفتي اللي حولج خوفج يزيد الله المستعان

اللي تسوينه انا ساعات اتبعه مع بنتي بس بنتي تحب الشي ذي مااجبرها عليه هي اللي تصر تروح معاي كل مكان وانا ساعات ارفض لان في زيارات الواحد يستحي ياخذ فيها بناته

بس اكبر هم عندي هو لي طلبت تزور صديقاتها اللي معاها بالمدرسه ياختي ماأمن ولايرتاح قلبي انها تروح بيوتهم وهذا الشي الين الحين مرفوض اقولها اذا هم بيجون حياهم الله وعقب انتي تروحين لهم
بس طبعا محد يزورها
مره من المرات وحده من صديقات بنتي تحبها واايييد واتصالات ياكثرها حسيت فعلا انها متعلقه في بنتي وانا ارقب بصمت لدرجة انه ام البنت كلمتني وقالت لي بنتي اذبحتني على بنتج وصرحت برغبتها انها تزورنا البيت هي وبنتها

ماقولج ارتحت والله ورحبت فيها وجونا البيت ومن يومها علاقتي فيها من افضل العلاقات الي اليوم وبنتي مع بنتها ضحك وسوالف وانا مرتاحه لاني عرفت بنتي من تكلم ومن البنت هذي واخلاقها

بس ساعات يجيني شعور اني مضيقه عليها وحارمتها مع انها اكثر وحده تلبى مطالبها بس مساله الطلعات والزيارات حق ربعها لي شروط وقيود فيها

تدرين تذكرت امي يوم كانت تمنعني من زيارة ربعي وفهمتها على كبر يوم اشوف بنتي تطلب مني الشي هذا اتخيل شعوري كنت ازعل وانقهرواليوم اشوف الشي على بنتي وهذا اللي يحزني عليها اشلون افهمها


والهم الثاني بالنسبه لي يوم تطلب تبات عند خالاتها وله بيت جدها ابوها يرفض اله في حالة وجودي معاها ( حالة سفر ) وهي تحاول معاي اخليها بدون مايعرف ابوها لانها متعلقه فيهم

بس ارفض رفض قاطع حتى لو انهم هلي لانه في صبيان في البيت واخااف عليها

الموضوع ذو شجن يالغاليه واحس انه كلامي وايييد مايخلص هذا اللي تذكرته الحين ولي عوده ان شاءالله

يعطيج العافيه يالغاليه

والله يا اعالي الجنان البنت همها هم هذي وهي جدام عيوني الله المستعان ، شوفي اختي انا ما عندي مشاكل مع خالاتها ما عندي مشاكل وياهم يعني اثق فيهم وادري يخافون عليها كثري ويمكن اكثر الخوف من صديقات السوء للاسف الشديد كانت تقول لي فلانة كذا وفلانة كذا وتخيلي بنات توهم بخامس وسادس الله المستعان
انا اخاف عليها من وجودها بالبيت لانه عندي ولد مراهق واخاف يقعدون ويا بعض حتى لو احد معاهم سبحان الله هالايام الواحد مايامن على عياله يخاف من كل شئ خاصة بعد هالانفتاح اللي صاير باليلاد

شاكرة لج وتشرفني عودتج مرة ثانية


اول شي صبااااااح الخير اختي ضوى :)



انا اوافقك بجااااانب كبير من اللي سويتيه بس بعد الومك من جانب ثاني



اختي تعودت من كنت صغيره ان مااطلع الا مع الوالده وسالفه خدامه وطلعت سوق معاها هذا مرفوض وغير قابل للنقاش


بالسفر حتى الحين يوم كبرت صرت مااحب اتمشى الا معاها واقعد بالكوفي شوبات معاها لان مالي الا هي واستشيرها باللبس مع ان جيلين مختلفين بس انا ادري انها اتحاول اتأقلم نفسها معاي ( قد ماتقدر :rolleyes2: )


كنت وانا صغيره اشوف غيري والبنات شلون يطلعون مع بعض وانا لا .... كان هالشي يحز بخاطري واقول اشمعنى هم !!!!!

بس والله يوم اني كبرت الحين عرفت ان اللي سوته الوالده ربي يحفظها راح اسويه مع بنتي ان شاء الله :)


بس انك ااختي ضوى بكل مكان اتودينها معك حتى الجمعيه ولا غيره ... وين شخصيه البنت ؟؟؟

شالمانع انها تقعد بالبيت ...تدرس ... تقرا ... اتشوف التلفزيون ؟؟؟

انا مااوافقك اختي ضوى خوفك عليها اعتبره بهالمرحله سجن لها ولشخصيتها

انا الوالده مع ان يمكن انتي اتفوقينها بالثقافه بمراااااااااااااااحل بس عمرها مااجبرتني على طلعه غصب عني

علميها انك اترافقينها بالسينمات .. بالمجمعات .. بيت صديقتها مثلاً ..


لكن انك تجبرينها بكل مكان معك ... لا والله يا اختي اسمحيلي انك غلطانه


السموحه طولت عليك :)

شوفي اختي انا وضحت لاعالي الجنان ليش اوديها كل مكان اخاف يختلون مع بعض بروحهم الشيطان موجود وانا اخاف عليها مووووووووت مو منه بس من كل اللي حواليها هذي بنت وشرفها مثل الزجاج لو تهشم لو بالكلام ضاعت سمعتها اسم الله عليها ويحفظها


والله انج ام الزين يالغاليه


وهاي التربيه ولا بلاش والله يقدرنا ويقدرج على التربيه الصالحه انشالله

اللهم امييييييييييييييييييييييييين وياج يالغالية


انا يوم كنت صغير كانت امي الله يرحمها توديني وياها كل مكان

:weeping::weeping:

:shy::shy:

لا تعليق يليق



اختي ضوى الي اتسوينه شي طبيعي وكل ام لازم اتسويه مع بناتها وغير ذلك ماعتبره طبيعي..

تقبلي تحياتي.. اخوك ابن الصياد

شكرا لك اخوي الكريم


حلو الشخص يكون محافظ
وكل ام تتمنى بنتها تكون احسن البنات

بس بعد البنت بالعمر هذا تبي تطلع شوي مع رفيجاتها .. حتى لو طلعه بالشهر.. حلوه الخصوصيه..
عزايم و حفلات في بيت رفيجاتها او في بيتها وين المشكله؟ قدام عيون الام ليش لا؟؟؟
الضروري انه الام تعرف من رفيجاتها وبنات من وهل هم كفو او لا.. تعرف اخلاقهم

وحلو انها تعيش حياتها مع صديقاتها و مو شرط تسوي شي غلط .. ليش هالتفكير السلبي انه اذا البنات اجتمعوا او اطلعوا يعني بيتصرفون تصرفات غلط؟؟ بتقولون لي نخاف عليها من الي حولها.. اذا تربيتها صح و تعرف انه امها خلتها لانها تثق فيها ماينخاف عليها.......... والبنت لو تبي تسوي شي بتسويه حتى لو مع امها ..
وبعدين حرام نجبر البنت واهي توها بالسن هذا انها تجلس مع الكبار دايما.. صح تعلمها الجرئه والسنع و انها توجب الناس القاعدين بس مب دايما..
وانج تجبرينها تروح معاج كل مكان... عفوا يعني اختي غلطانه .. عطيها حريه الخروج معاج او لا كيفها ...

والله يحفظ لج بنتج ويخليها لج وتفرحين فيها

شكرا لج اختي الكريمة مداخلتج اسعدتني الا انني قد لا اتفق في بعض ماجاء بها غلط البنت تطلع مع صديقاتها بروحهم لو نص ساعة بالسنة طلعات صديقات مرفوضة يعني تروح بيتهم وناس اعرفهمن حق المعرفة ايه ممكن لكن غير هذا لااااااااا


تو متش ياضوى

وفي يوم من الايام بتضطر تواجه العالم بروحها

فلا تضغطين عليها بهاي الشكل علشان ماتنصدم بالمستقبل

والله شاقول لك يا خيميائي والله ودي اخفف عنها شوي بس بالفعل مب قادرة احس الخوف ياكلني عليها خاصة من كثر ما اسمع واشوف والله وبالله مرة دخلتها المنتدى وقلت لها تعالي اقري شوفي الشباب شيقولون عن البنت اللي تطلع بروحها وتتقصع في المجمعات ويا صديقاتها او تكلم شباب ، سمعي وشوفي شيقولون عنها والله انها انصدمت حسيتها خافت على نفسها اسم الله عليها ودي اخف عليها وقاعدة احاول بس فعلا مب قادرة الله يساعدني


مرحبا ضوى...الله يعينك ويعينا على تربية عيالنا تربية صالحه..

انا من رايي تخفين شوي على البنت من ناحية الخروج معك الى اي مكان..

اما خروج مع الصديقات وبروحهم لا والف لا...واسمحيلي اختي ضوى انا استغرب

من اللي يروحون السينما...تضييع وقت على الفاضي ومن غير ان الافلام ما تخلو

من المشاهد اللي تخدش الحياء..فنصيحه من اخت لاختها ابتعدي انتي اولا ومن ثم

ابعدي بنتك عن هالاشياء...

من خلال تجربتي ..انا بناتي مايطلعون للسوق او اي مكان الا انا معهم او ابوهم..

الا اذا كان زيارة بنات خوالهم توصلهم الخادمه او احد من اخوانهم...

اما الزيارات.. لا ما احب البنت اللي ماخذه رجلها على الطلعه..زيارات الاهل نعم اما

زياراتي لغير الاهل مايروحون معاي وهم بعد مايرضون يروحون..واذا زارني احد

متعودين عادي يجون ويضيفون..

وبخصوص زيارات رفيقاتهم ما اسمح لهم لان اغلب المشاكل اللي تصير من خلال

رفيقات السوء..صحيح انا واثقه في بناتي ولكن ثقتي في رفيقاتهم ناقصه..

الحين بس سمحت لبنتي الكبيره انه تزور بعض رفيقاتها بعد ماتمت العشرين واصبحت

على وشك الزواج...

وخلاص تعودوا على هذي الطريقه..ومع اني ما اسلم من حنتهم الا انهم مشوا على

هذا المنوال...

اسمحيلي على الاطاله...:shy:

هلا باالغالية هتان ، اسمحي لي اختي مو كل الافلام فيها مقاطع تخدش الحياء وانا لما اروح اختار الافلام اللي تناسبني وتناسبها يعين ما اوديها مثلا فيلم رومانسي مثلا ، وبعدين الافلام ممتعة خاصة لما تجي فيها قصة فيلم رعب على اثارة مو شرط تكون اباحية كلها ، يعني الترفيه مطلوب خاصة اني لاغية كل قنوات الافلام والمسلسلات والاغاني من الدش عندهم فبالتالي ترفع عن نفسها معاي بافلام هي تحبها
طلعة مع الصديقات بالطبع لا ولا راح اتقبله لين تروح بيت زوجها ان شاء الله

شاكرة لج اختي هتان


هذا التصرف أمي دائمــــاً تتصرفه معاااي ..

وين ما تروح لازم أكون معاااها ..

و ممنوع علي أطلع مع حد غريب ..

كفو على امج يا الغالية الله يخليها لج


التأثيرات تأتي من صحبة المدرسة أحياناً .. فالتصاقك مع أبنتك قد تأتي بنتيجة ..

لكن لا تدرين ما يدور في المدرسة بعد ذلك .. و الحافظ الله ..

والله هذا اللي يخوف المدرسة اللي يصير مب هين والزين فيها تجي تقول والحمد لله الله يقدرني نصحها باللي يفيدها ان شاء الله


أأيد كلامج مية في الميه من هالناحيه وخصوصا رفيقات السوء لان المرء على دين خليله والصاحب ساحب .. لو كانت البنت مطوعه يمكن رفيجتها تخليها في ظرف كم شهر في حالة يرثى لها .. وهالكلام عن تجارب سواء من ناس اشوفهم قدامي قبل او حصلت لي في فترة من حياتي .. وصج الطلعات الوايده وروحات الصديقات هاي اللي مالها لزمه او حتى برى البيت مالها لزوم وعلى حديث للرسول عليه الصلاة والسلام بما معناه ان المراه لما تخرج يستشرفها الشيطان .. يعني مو تقول انا ام عادي اطلع وقت ما ابي الام دايما قدوة لبنتها وتسير بنتها على نهجها في اغلب الاحيان الخروج الزايد للمراه منهي عنه الا اذا تطلع مع ابوها او اخوها او زوجها هني يختلف الوضع اما مع حد ثاني وخصوصا الصديقات لا والله مو عادي وياما بنات راحو في ستين داهية من ورى هالسوالف واخلاقهم فسدت من سبب صديقات السوء(وياكثرهم) .. اختي ضوى تصرفج صحيح والواحد يقدر خوفج على بنتج اكيد وهاي من حبج واهتمامج لها لكن يبيلج تخفين على البنت لان الضغط يولد الانفجار وهي توها صغيره ويبيلها مساحة من حياتها لو صغيره تمارس فيه خصوصيتها في القراءه او رؤية التلفاز او ممارسة هواياتها او استخدام الكمبيوتر بما هو مفيد فقط او اشياء اخرى .. في النهاية اكيد ما بتكون بروحها في البيت وباقي الاهل معاها يعني اخوانها الكبار او خواتها او حتى الاصغر منها .. بس جزاج الله خير على هالتربية الطيبه وخوفج على بنتج وليت كل الامهات يفكرون بهالطريقه جان ما صار عندنا هالفساد اللي انتشر فجاه في مجتمع لم يكن يعرف التحرر طريقا اليه .. واسمحي لي على الاطاله :) ....


اختي من قال اين حارمتها من القراءة او التلفزيون او الكمبيوتر كل هذا تمارسه وانا مو كل يوم اطلع طلعاتي معدودة ، يعني مو حارمتها من شئ كلش ولله الحمد


كتبت رد شطووووووووووول

بعدين علق النت

:(


برجع في وقت ثاني

ناطرة ردتج يالغالية














الغاليه

بقولج تجربتي الخاصه بي في هالموضوع ..


لكن ع الخاص



الله يستر على بنتج ويحفظها من كل شر فديتج ..

اللهم امين

وبارد على ردج خاص بعد

الله يستر عليج دنيا واخرة ويبارك لج بحياتج اللهم امين



أختي ضوى:

الله يبارك لك في ذريتك ويستر على بنيتك دنيا ووآخرة .

لكن هالله الله فيها قربيها من نفسك ، لتحس أنها أغلى من عينيك

هاديها في مناسباتها كما يهادونها صديقاتها

فاجئيها بطلعة كانت تتمناها

قربيها من خالاتها وعماتها

أشبعي حاجتها إلى الحنو والحنان والمحبة

بارك الله فيج اختي دباس وجزاك الله الجنة



كلام سليم... التوازن في كل شي مطلوب... المهم زرع القيم وتنشئة البنت في محتمع يفرق بين الغلط والصح ... ولابد ان تكوني صريحة وواضحة في تعاملك معها ...

المغريات كثيرة وأعطاء الابناء المسئولية وهم في عمر مبكر مهم جدا في صقل شخصية المراهق وقوة شخصيته .. وهذا مهم جدا حتى لا يكون ضعيف في مواجهة المغريات الخارجية وتئثير اصدقاء السوء علية... من المستحيل ان نحمى النشئ في كل لاحيان ولكن مهم جدا نزرع فيهم الوازع الديني والحس في معرفة ما هو الخطى وما هو الصواب عند غيابنا عنهم ....


وتخيلي لو عندك سبرينج حلزوني .. لو ضغطتيه بيتم مضغوط وياخذ الشكل الي تبغينه انتى وفي حالة انك شلتي عنه الضغط .. توقعي اي شي منه.. يطير .. يرجع الى الشكل الاصلي ... ينحرف ..

وهذا ينطبق على اسلوب التربية

المشكلة اننا ومن غير قصد نزرع الاتكالية في الابناء ويكون اعتمادهم الكلي في حل اي مشكلة او معضلة اتواجهم على الاباء والامهات.. وهذا قد يتسبب لهم الكثير من المشاكل في حياتهم في مستقبلهم في تعليمهم .. ...وبلا شك نلغي فيهم روح التحدي والتفكير وتوسعة مدارك النشئ في اتخاذ قرارته واستلام المسئولية في سن مبكر .. ..

وبالتاكيد هذا ينطبق على اسلوب الحماية والخوف عليهم ومنعهم من كل شي بدافع الحماية والحب..

اتمنى اني قدرت اوصل لك ولو جزء من الى في بالى ..

والله يحفظها انشاء الله من كل شر...

الله في بالك وصل لذلك طرحت هالموضوع ابيكم تعطوني عوامل تخليني اخفف الضغط شوي ن ابيكم تعلموني اشلون اخفف هالخوف عليها ابي اشياء منطقية اقدر اسويها اكسب بنتي بالنهاية

شاكرة لك يا خوي الفاضل


اختي الغالية
مايحصل في المجتمع من مشاكل اجتماعية وسلوكية يجعلنا نخاف ومن شدة خوفنا نلتزم الحذر
على ابنائنا بشكل عام وعلى البنات بشكل خاص
اجعلي بنتك صديقة تقول لك ما تود ان تقوله لصديقاتها
اغرسي فيها القيم وعوديها على المحافظة على الصلاة
انا لاالومك فيما تفعليه لانه من باب الخوف عليها وانا افعل مثلك ماعدا الذهاب الى صديقاتي فبمجرد ان انوي زيارة صديقة اودعها كالامانه عند جدتها ولااتركها في البيت مع الشغالة لوحدها
حفظالله ابنتك وبناتنا وبنات المسلمين (( والله خير حافظ))

اللهم امين

بارك الله فيك اختي الغالية وجزاك الله الف خير

[>>> غــمـــوض <<<]

اهنيج اختي ضوى على خوفج الشديد على بنتج
انه اشوف تصرفج عااادي وماعليه اي كلام :)
بقولج تجربتي مع الوالده الله يحفظها وان شاء الله تكون لج فيها من الفايده ،،،

شوفي حبوبه انه من يوم صغيره تعودت مااطع الا مع امي ،،،
اي مكان تروحه اروح معاها للجمعيه للسوق لكل مكان يخطر ببالج حتى مع صديقاتها
يعني شاركتها كل شي بحياتها (( بس هالشي ماكان غصبن عني )) مثلا ساعات تقولي بطلع تعالي معاي ،، اقولها عيزانه ،، ترد علي بس انه بتملل بدونج تعودت عليج في كل طلعاتي ،، هني انه اتحمس واتشجع اني اروح معاها :) وصرت ماخليها بروحها كلش
يعني انتي حاولي تحسسينها انج محتاجه لوجودها معاج (( مو انتي ماتخلينها عشان انج خايفه عليها من الانحراف او اي شي من هالامور ،، لان البنت عقب بتفكر انج ماتثقين فيها ويمكن هالشي يزعلها ويأثر عليها تأثير عكسي

وفوق ذي علمتني تعاملني على اني صديقتها مو بس بنتها ،،،
الوالده الله يحفظها ابتدت معاي بإسلوب المصارحه والتفاهم بينه بين بعض ،، يعني
اذا هي بخاطرها شي او زعلانه من شي تجي تقولي :: واعتبرتني اني كبيره مو صغيره مثل مايسوون بعض الحريم يعتبرون بناتهم يهال ومايقولون لهم كل شي
وهني حسيت براحه من ناحيتها صرت انه اذا فيني شي لا اراديا اقول لها
حسستني بثقتي بنفسي ،، وبدت شخصيتي تقوى مع مرور الايام

امي كانت تخاف علي من صديقات السوء فكنت اذا ابغي اروح بيت وحده ،، تقولي خليها اهي تجي بيتنه عشان اتعرف عليها ولما تجي البنت بيتنه تقعد امي معانه تسلم عليها تسولف شوي وتخلينه براحتنه عشان نسولف مع بعض
اهني امي تتطمن اكثر لانها ماشاء الله عليها فاهمه الحياه وتعرف تفرق البنت الزينه من غيره
ومع مرو الايام بعد ماتتأكد من البنت تخليني اروح لبيتهم بس من فتره لي فتره وقبلها تكلم امها عشان توصيها علي ،، هني ترتاح و تطمئن اكثر

مو بس قربتني لها ،، لا ،، حتى صديقاتي قربتهم منها يعني لما اكلم وحده منهم بالتلفون تجي تسلم عليهم وتقولهم وينج ماتبينين من زمان ماشفناج ،، كانت تضحك معاهم وتسولف وتتغشمر فصارو هم يطلبون ان امي تجي معانه لو كنت ابي اطلع مكان (( فبجذي اكون انه قدام عيونها ))

لما امي تخاف علي من شي كانت تصارحني وتقول شوفي انه اسوي هالشي لمصلحتج لاني مريت بتجارب (( وتقعد تسولف لي عن تجاربها وعن اللي مرت فيه بحياتها وهي صغيره:) )) عشان انه اتجنب هالاشياء وتكون عندي خبره ،، وعشان اذا صار شي احاول احله وبتعقل

والحين لو تشوفينه والله كله عندها مافارقها كلش خير شر
حتى وانه بالجامعه تطرش لي مسجات حبيبتي تحملي بروحج ،، ناطرتج عالغدا ،، البيت بدونج مب حلو ،،، ومن هالكلام اللي والله يفرح قلبي ومهما وصفت مدى فرحتي ماعتقد ان هالسطور البسيطه توفي حقها

والله لولاها جان ماصارت شخصيتي قويه وجان ماتعلمت اشلون اتعامل بطريقه حلوه مع الكل

والحين صرت الجأ لها بكل صغيره وكبيره :::

لو بتم اتكلم مابخلص
بس ان شاء الله بنتج بتتفهم الوضع مع مرور الايام وصدقيني انتي حاولي توصلين لها حنانج وخوفج عليها بطريقه ماتضايقها وشوفي شلون الايام بتثبت لها معنى تصرفاتج هذي

الله يحفظها لج ويخليكم لبعض

تحياتي لج
اختج في الله \ غـمـــوض

[ام عبدالعزيز]

فانا عندي يقين أن الفراغ والوحدة عاملان يساعدان على الانحراف


مليون في الميه المقوووله هاي..


ونصيحه خليها تدش قران بعد...حلووو

وووووواسلوبج رااائع نفس قسوووتي انااا الكل يقول اني قاسيه بس هاي الصح الام اللي ماتكون صديقه واخت وحبيبه لبنتها راحت الببنت وانكسرت...

فالواحد قد مايقدر يحافظ عليهن...

والا على البنات السلام...

ترا اللي بالمجمعات امهاتهم متبعين التربيه الحديثه...تطورو وتقدموا بس بالعلم والثقافه مب بالبس المفصخ والبنات اللمهملات..


وسلامتكم..

[وطن]

أنا رديت

عاد ان شاء الله اتذكر الحجي اللي كتبته قبل
:)

المهم
صحيح أنا للحين ما تزوجت
ومالي في التربية وايد

بس بقول لج عن كم نقطه

أول شي اذا البنت ما تبي تطلع لا تجبرينها
ع الأقل في طلعاتج القصيرة
لازم تكون عندها شخصيتها المستقله
وانتي باجبارج لها بتقضين على هالشخصية
وبيتكم ما شاء الله أكيد فيه ناس
اخوانها واخبر قلتي أم زوجج معاكم ان ماخانتني الذاكرة
يعني ماراح تكون بروحها

لكن مو تجبرينها في كل طلعة حرام
:(


وبخصوص زيارة الصديقات في بيوتهم والطلعات
انا معاج الصراحة
البنات والأولاد ينخاف عليهم
مو بس البنات

بس مثل ما هي تروح معاج الفيلم اللي انتي تبينه وديها الفيلم اللي هي تبيه
مو تقولين اذا ابوج بيروح
لا انتي روحي معاها ...
صادقيها وخلج قريبة منها عشان تفتح لج قلبها وما تخش عنج شي
طبعاً أكيد انتي مو مقصرة معاها بالنصايح والتوجيهات
وهذا اللي انا اتوقعه منج
وأنا متأكده ان طريقتج حلوة بس بعد صادقيها خليها تكون قريبة منج وتفتح لج قلبها

اذا تبي تطلع مع صديقاتها انتي اخذيهم ووديهم بنفسج
لكن لا تقولين لا والفكرة مرفوضة

ولو عندها صديقة انتي واثقه من امها وانها بتلازمهم في طلعتهم خليها تطلع مره او مرتين بين كل فترة والثانية
لكن لا تحرمينها كلش من الطلعات أهم شي يكونون تحت عينكم

ولين رجعت سولفي معاها و اسحبي منها الكلام عن يومها بطريقة حلوة
عشان تطمنين من الوضع
واذا احتاجت توجيه بخصوص نقطه معينه بتوجهينها فيها


لكن جذي بتضغطين عليها وايد
حرام



ترى مرينا بهالمرحلة
ولازلنا نمر فيها في بعض المواقف :(

يعني نعرف معنى الضغط

[jassim_007]

اختي العزيزة
مافيها شي بنتج تقعد في البيت مرات ...مو لازم في كل طلعاتج تجبرينها تطلع معاج ...

بس خوفاً عليها : ) لاتعطينها جوال مهما كان السبب ... لانه اصلاً هي مب بحاجه للجوال ولاهو شي ضروري بالنسبهلها و لو كانت تحتاجه لغرض معين ممكن تعطينها و بعد ماتخلص(المهمه) تاخذين الجوال منها ...يعني ماتخلين الجوال معاها


ثاني شي لو تدخل على النت ....قعدي معاها و راقبيها و تأكدي بانها ماتدخل الشات و المسنجر و هل السوالف : ) حتى لو قالت لج بفتح المسنجر و بكلم ربعي لاتخلينها ! اذا كانت بتكلم ربعها قولي لها تتصل من رقمج او تتصل لهم من البيت : )


هذي تقريباً اكبر سببين لدمار البنات لو ابعدتيهم عن هل الشيئين + ماخليتيها تروح مع ربعها المجمعاتبتكونين ضمنتي مستقبل بنتج بنسبه 99% : )


صح نسيت اهم شي ...حاولي يكون علاقتج فيها علاقه صديقه بصديقتها ...مو علاقه ام لبنتها ! هل الشي بيقرف معاها وايد و حتى لو غلطت بتقول لج بدون إي خوف : )

[بولينجر]

أختي ضوى أحييج على حرصج في تربية بنتج الله يحفظها لج....

لكن في كذا نقطة اشوفها في غير محلها....

خروجها معاج في كل طلعاتج بالذات اختلاطها بالنساء الكبار... هذي اسمحي لي في نظري تصرف غير سليم...بتقولين ليش؟ الله يسلمج هذا يعلم البنت (القواه)...تعرفين شقصد...صح؟ امهاتنا الاول ما كانوا يخلون البنت تختلط بجلسة النساء الكبار لسبب رئيسي وهو حفظ حياءها.... تأكدي مهما كان مدى احترام النساء اللي تختلط بهم الا وتلاقين ان البنت صارت تعرف ترادد وتلاسن....ومافي احلى من البنت بحياها....

شي ثاني الخروج الى السينما.... اختي ضوى ترى عشنا عمر -وللحين- والبنات عندنا ولا وحده تروح السينما.... حد يسميه تخلف انا اسميه حفظ الجوارح وحفظ حياء البنت....

نفس الكلام بالنسبة للصديقات.... ترى الصداقات مالها معنى اذا تجاوزت حدود المدرسة.... صديقتها اي بس في المدرسة.... اما زيارات وهالكلام ترى كله مضيعة وقت وفتح ذرائع الشيطان....

وساعة خاطر تقدر توسع خاطرها بالطلعة معاج المكان اللي هي تبيه...اسأليها وين تبي تروح مب تكون الطلعة على المخطط اللي انتي حاطته وبس.... واذا ماتبي تطلع خليها في البيت بس يكون معاها وحدة من الاهل كبيرة...اما تتم قاعدة في البيت ومافيه غير الذكور من الاسرة فلا.... وقتها تفاهموا يا انج تقعدين معاها والا تطلع معاج....

التليفونات والجوال.... لو في يدها جوال اتمنى ان العلاقة بينكم تكون مفتوحة بحيث ان يكون عادي عندها لو تمسكين الجوال وتشوفين اللي فيه كذلك ما يكون عندج مانع تشوف جوالج...وبتحس بالقرب منج اكثر وبترتاح انها تصارحج بأي شي يطرأ على نفسها.... والمكالمات لا تصير في مكان منعزل عن سمعج وفي اوقات معينة لاتتجاوزها... ترى الشيطان موجود.... ولو تخلي الجوال عندج في الليل احسن....مع تأكيد وجود الثقة بينكم....

وبكره بتشكرج بنتج على تربيتج.... :victory:

:shy: واعذريني على المصطلحات المستخدمة... احس اني زودتها شوي :shy:

[ضوى]

اهنيج اختي ضوى على خوفج الشديد على بنتج
انه اشوف تصرفج عااادي وماعليه اي كلام :)
بقولج تجربتي مع الوالده الله يحفظها وان شاء الله تكون لج فيها من الفايده ،،،

شوفي حبوبه انه من يوم صغيره تعودت مااطع الا مع امي ،،،
اي مكان تروحه اروح معاها للجمعيه للسوق لكل مكان يخطر ببالج حتى مع صديقاتها
يعني شاركتها كل شي بحياتها (( بس هالشي ماكان غصبن عني )) مثلا ساعات تقولي بطلع تعالي معاي ،، اقولها عيزانه ،، ترد علي بس انه بتملل بدونج تعودت عليج في كل طلعاتي ،، هني انه اتحمس واتشجع اني اروح معاها :) وصرت ماخليها بروحها كلش
يعني انتي حاولي تحسسينها انج محتاجه لوجودها معاج (( مو انتي ماتخلينها عشان انج خايفه عليها من الانحراف او اي شي من هالامور ،، لان البنت عقب بتفكر انج ماتثقين فيها ويمكن هالشي يزعلها ويأثر عليها تأثير عكسي

وفوق ذي علمتني تعاملني على اني صديقتها مو بس بنتها ،،،
الوالده الله يحفظها ابتدت معاي بإسلوب المصارحه والتفاهم بينه بين بعض ،، يعني
اذا هي بخاطرها شي او زعلانه من شي تجي تقولي :: واعتبرتني اني كبيره مو صغيره مثل مايسوون بعض الحريم يعتبرون بناتهم يهال ومايقولون لهم كل شي
وهني حسيت براحه من ناحيتها صرت انه اذا فيني شي لا اراديا اقول لها
حسستني بثقتي بنفسي ،، وبدت شخصيتي تقوى مع مرور الايام

امي كانت تخاف علي من صديقات السوء فكنت اذا ابغي اروح بيت وحده ،، تقولي خليها اهي تجي بيتنه عشان اتعرف عليها ولما تجي البنت بيتنه تقعد امي معانه تسلم عليها تسولف شوي وتخلينه براحتنه عشان نسولف مع بعض
اهني امي تتطمن اكثر لانها ماشاء الله عليها فاهمه الحياه وتعرف تفرق البنت الزينه من غيره
ومع مرو الايام بعد ماتتأكد من البنت تخليني اروح لبيتهم بس من فتره لي فتره وقبلها تكلم امها عشان توصيها علي ،، هني ترتاح و تطمئن اكثر

مو بس قربتني لها ،، لا ،، حتى صديقاتي قربتهم منها يعني لما اكلم وحده منهم بالتلفون تجي تسلم عليهم وتقولهم وينج ماتبينين من زمان ماشفناج ،، كانت تضحك معاهم وتسولف وتتغشمر فصارو هم يطلبون ان امي تجي معانه لو كنت ابي اطلع مكان (( فبجذي اكون انه قدام عيونها ))

لما امي تخاف علي من شي كانت تصارحني وتقول شوفي انه اسوي هالشي لمصلحتج لاني مريت بتجارب (( وتقعد تسولف لي عن تجاربها وعن اللي مرت فيه بحياتها وهي صغيره:) )) عشان انه اتجنب هالاشياء وتكون عندي خبره ،، وعشان اذا صار شي احاول احله وبتعقل

والحين لو تشوفينه والله كله عندها مافارقها كلش خير شر
حتى وانه بالجامعه تطرش لي مسجات حبيبتي تحملي بروحج ،، ناطرتج عالغدا ،، البيت بدونج مب حلو ،،، ومن هالكلام اللي والله يفرح قلبي ومهما وصفت مدى فرحتي ماعتقد ان هالسطور البسيطه توفي حقها

والله لولاها جان ماصارت شخصيتي قويه وجان ماتعلمت اشلون اتعامل بطريقه حلوه مع الكل

والحين صرت الجأ لها بكل صغيره وكبيره :::

لو بتم اتكلم مابخلص
بس ان شاء الله بنتج بتتفهم الوضع مع مرور الايام وصدقيني انتي حاولي توصلين لها حنانج وخوفج عليها بطريقه ماتضايقها وشوفي شلون الايام بتثبت لها معنى تصرفاتج هذي

الله يحفظها لج ويخليكم لبعض

تحياتي لج
اختج في الله \ غـمـــوض

تجربة تستحق القراءة بجد شاكرة لج اختي غموض بارك الله فيج

بالنسبة لتفهم بنتي للوضع الصراحة هي ما اشتكت ولا قالت لي شئ بس انا احس جذي يعني هي احيانا تتحلطم لما اوديها مكان لانها ما تبي تروح تبي تقعد تشوف قناة الاطفال احيانا مو دايما ، بنتي وايد قريبة مني بس اكيد لو في شئ بقلبها ماراح تقول لي احس نفسي قاسية معاها مع اني احبها وابين لها في احيان كثيرة هالحب وبالفعل احبها تكون جدام عيني ما تغيب عن نظر عيني

[بنت الدوحه]

لا تضغطين عليها اختي ضوى

خصوصا اذا كان معاها احد كبير وعاقل وتثقين فيه من خالاتها وعماتها

لان الضغط هذا ممكن يؤثر عليها بشكل عكسي

الخوف والحرص والمراقبه مطلوبه بس الثقه بعد مطلوبه مثل ما قال احد الاخوان

انها راح يجي يوم وتكون بروحها وانتي عودتيها انها لازم دايما معاج

فبالتالي ما راح تقدر تعتمد على نفسها بأي شي ولازم تكونين انتي معاها

يمكن انتي حابه تطلعين هي مالها مزاج تطلع

هذا شي يتعبها ويتعب نفسيتها

والله يستر عليكم ويرزقج برها وتفرحين فيها وهي عروس ان شاء الله

[أمة الله]

اسمحيلي أقول رايي اختي ضوى :)

الواحد ممكن يتفهّم خوفج وحرصج عالبنت لكن اسمحيلي انتي بجذيه خانقتها وهالشي ممكن يظهر بشكل سلبي....ممكن انها تتمنى الفرصه بس عشان تتنفس....عطيها شوي حريتها....راقبي من بعيد لبعيد عشان ماتحس انها مسألة انعدام ثقه....خليها تكوّن شخصيتها وإلاّ بتظهر مهزوزه....

طلعات مع الصديقات معاج 100\100 أو ممكن إذا هالشي أمنيتها...قولي لها اوكي و روحي معاها....خليها تقعد مع صديقاتها في طاوله احذاكم فالكوفي شوب (قسم النساء طبعاً) وانتي قعدي بطاوله ثانيه مع هلج او حد من صديقاتج....منها يستانسون هي وربعها ويآخذون راحتهم ومنها تكون تحت نظرج......طبعاً تمشي عالفاضي هي وربعها ممنوع مليون فالميه....

بخصوص قعدتها فالبيت......مافيها شي إذا تمّت فالبيت....أحياناً احنا مايكون لنا نفس نظهر فما بالج بنت في هالسن لها تقلباتها المزاجية والنفسية.....

اجبارها على الروحه والقعده مع الحريم الكبار شي غريب.....ليش تخلينها تسوي شي ماتبيه....خليها تعيش المرحلة السنيّة اللي هي فيها ليش تكبرينها قبل سنها! هي وشو يهمها لوسمعت العيش غلى وصرّة البقدونس بمدري كم صارت والعيال مدري اشفيهم و ولدي مايسمع الكلام ومن هالسوالف اللي أكيد الحريم يسولفونها! معليه تتعلّم السنع ما قلنا لاء بس مب دايماً يعني تآخذينها معاج اجباري.....


اسمحيلي طوّلت وايد وممكن تختلفين معاي بشي و توافقيني بشي فالنهاية الاختلاف في الرأي لا يفسد للوّد قضية والأهم هي مصلحة البنوتة اللي ان شالله ربي يحفظها لج ويبلغج فيها عروس :)

[ضوى]

تصرف صحيح ميّه بالميه , ويوم تكبر بنتكم راح تدعيلكم , ما عليكم من اللي يقولون لازم تعطينها ثقه وثقه ومدري ايش ,

هذا احنا تربينا بالعقل والخيازرين على ظهورنا , والحمدلله النتيجه طلعت مرضيه ,


فانا عندي يقين أن الفراغ والوحدة عاملان يساعدان على الانحراف


مليون في الميه المقوووله هاي..


ونصيحه خليها تدش قران بعد...حلووو

وووووواسلوبج رااائع نفس قسوووتي انااا الكل يقول اني قاسيه بس هاي الصح الام اللي ماتكون صديقه واخت وحبيبه لبنتها راحت الببنت وانكسرت...

فالواحد قد مايقدر يحافظ عليهن...

والا على البنات السلام...

ترا اللي بالمجمعات امهاتهم متبعين التربيه الحديثه...تطورو وتقدموا بس بالعلم والثقافه مب بالبس المفصخ والبنات اللمهملات..


وسلامتكم..


صدقتي يام عبدالعزيز بس احيانا العلم والثقافة تنور العقل وتخلينا نغير من اسلوب تربيتنا عن اللي تربينا عليه

شرفني مرورج ام عبدالعزيز

[ضوى]

أنا رديت

عاد ان شاء الله اتذكر الحجي اللي كتبته قبل
:)

المهم
صحيح أنا للحين ما تزوجت
ومالي في التربية وايد

بس بقول لج عن كم نقطه

أول شي اذا البنت ما تبي تطلع لا تجبرينها
ع الأقل في طلعاتج القصيرة
لازم تكون عندها شخصيتها المستقله
وانتي باجبارج لها بتقضين على هالشخصية
وبيتكم ما شاء الله أكيد فيه ناس
اخوانها واخبر قلتي أم زوجج معاكم ان ماخانتني الذاكرة
يعني ماراح تكون بروحها

لكن مو تجبرينها في كل طلعة حرام
:(


وبخصوص زيارة الصديقات في بيوتهم والطلعات
انا معاج الصراحة
البنات والأولاد ينخاف عليهم
مو بس البنات

بس مثل ما هي تروح معاج الفيلم اللي انتي تبينه وديها الفيلم اللي هي تبيه
مو تقولين اذا ابوج بيروح
لا انتي روحي معاها ...
صادقيها وخلج قريبة منها عشان تفتح لج قلبها وما تخش عنج شي
طبعاً أكيد انتي مو مقصرة معاها بالنصايح والتوجيهات
وهذا اللي انا اتوقعه منج
وأنا متأكده ان طريقتج حلوة بس بعد صادقيها خليها تكون قريبة منج وتفتح لج قلبها

اذا تبي تطلع مع صديقاتها انتي اخذيهم ووديهم بنفسج
لكن لا تقولين لا والفكرة مرفوضة

ولو عندها صديقة انتي واثقه من امها وانها بتلازمهم في طلعتهم خليها تطلع مره او مرتين بين كل فترة والثانية
لكن لا تحرمينها كلش من الطلعات أهم شي يكونون تحت عينكم

ولين رجعت سولفي معاها و اسحبي منها الكلام عن يومها بطريقة حلوة
عشان تطمنين من الوضع
واذا احتاجت توجيه بخصوص نقطه معينه بتوجهينها فيها


لكن جذي بتضغطين عليها وايد
حرام



ترى مرينا بهالمرحلة
ولازلنا نمر فيها في بعض المواقف :(

يعني نعرف معنى الضغط


كلامج جميل ومقنع جدا يا وطن ويدل على رجاحة عقلج ماشاء الله تبارك الله

والله يا وطن انا صديقتها واختها وهي وايد متعلقة فيني ، يوم كانت صغيرة يعني حول الثمان والتسع ما كنت معاها جذي كانت تصيح حتى تجي معاي اقول لها لا ما لج حاجة وتلح وتلح وتقعد زمرانة في البيت ، بس من كبرت ودخلت سن البلوغ حسيت انها المفروض ما تنترك بروحها خاصة يوم تجي تقول لي عن سوالف المدرسة وسوالف البنات اللي للحين ما طلعوا من البيضة وعندهم جوالات ولهم في سوالف الخربطة والله يوم قالت لي انجنيت وصار الخوف عليها نوع من الهوس صرت اخاف من نظرة اي شخص لها خاصة لما تطلع معاي سوق والا مجمع تلاقيني عيوني عليها اخاف تطلع شعرة من راسها اخاف جزء من نحرها يطلع يعني اتابعها بشكل مجنون ، خوف خوف وقلق اللي اشوفه واسمعه غصب يخليني اخاف واقلق ، صحيح هي ما لها ذنب وصحيح هي متربية وانا واثقة فيها وفي اخلاقها بس في نفس الوقت اخاف احد يستغل قلبها الغض يقص عليها فابي اكون مهتمة فيها احس فيها تكون معاي بكل مكان
اللي يقول لي اسلوبي فيه نوع من الشدة والخطأ يعلمني اشلون اتخلص من هالشئ مع كل هالكم الكبير من مسببات القلق حولنا

وطن احبج في الله

[بوخالد2]

أختي ضوى أحييج على حرصج في تربية بنتج الله يحفظها لج....

لكن في كذا نقطة اشوفها في غير محلها....

خروجها معاج في كل طلعاتج بالذات اختلاطها بالنساء الكبار... هذي اسمحي لي في نظري تصرف غير سليم...بتقولين ليش؟ الله يسلمج هذا يعلم البنت (القواه)...تعرفين شقصد...صح؟ امهاتنا الاول ما كانوا يخلون البنت تختلط بجلسة النساء الكبار لسبب رئيسي وهو حفظ حياءها.... تأكدي مهما كان مدى احترام النساء اللي تختلط بهم الا وتلاقين ان البنت صارت تعرف ترادد وتلاسن....ومافي احلى من البنت بحياها....

شي ثاني الخروج الى السينما.... اختي ضوى ترى عشنا عمر -وللحين- والبنات عندنا ولا وحده تروح السينما.... حد يسميه تخلف انا اسميه حفظ الجوارح وحفظ حياء البنت....

نفس الكلام بالنسبة للصديقات.... ترى الصداقات مالها معنى اذا تجاوزت حدود المدرسة.... صديقتها اي بس في المدرسة.... اما زيارات وهالكلام ترى كله مضيعة وقت وفتح ذرائع الشيطان....

وساعة خاطر تقدر توسع خاطرها بالطلعة معاج المكان اللي هي تبيه...اسأليها وين تبي تروح مب تكون الطلعة على المخطط اللي انتي حاطته وبس.... واذا ماتبي تطلع خليها في البيت بس يكون معاها وحدة من الاهل كبيرة...اما تتم قاعدة في البيت ومافيه غير الذكور من الاسرة فلا.... وقتها تفاهموا يا انج تقعدين معاها والا تطلع معاج....

التليفونات والجوال.... لو في يدها جوال اتمنى ان العلاقة بينكم تكون مفتوحة بحيث ان يكون عادي عندها لو تمسكين الجوال وتشوفين اللي فيه كذلك ما يكون عندج مانع تشوف جوالج...وبتحس بالقرب منج اكثر وبترتاح انها تصارحج بأي شي يطرأ على نفسها.... والمكالمات لا تصير في مكان منعزل عن سمعج وفي اوقات معينة لاتتجاوزها... ترى الشيطان موجود.... ولو تخلي الجوال عندج في الليل احسن....مع تأكيد وجود الثقة بينكم....

وبكره بتشكرج بنتج على تربيتج.... :victory:

:shy: واعذريني على المصطلحات المستخدمة... احس اني زودتها شوي :shy:






رد جميل يالغالي :nice:

[ضوى]

اختي العزيزة
مافيها شي بنتج تقعد في البيت مرات ...مو لازم في كل طلعاتج تجبرينها تطلع معاج ...

بس خوفاً عليها : ) لاتعطينها جوال مهما كان السبب ... لانه اصلاً هي مب بحاجه للجوال ولاهو شي ضروري بالنسبهلها و لو كانت تحتاجه لغرض معين ممكن تعطينها و بعد ماتخلص(المهمه) تاخذين الجوال منها ...يعني ماتخلين الجوال معاها


ثاني شي لو تدخل على النت ....قعدي معاها و راقبيها و تأكدي بانها ماتدخل الشات و المسنجر و هل السوالف : ) حتى لو قالت لج بفتح المسنجر و بكلم ربعي لاتخلينها ! اذا كانت بتكلم ربعها قولي لها تتصل من رقمج او تتصل لهم من البيت : )


هذي تقريباً اكبر سببين لدمار البنات لو ابعدتيهم عن هل الشيئين + ماخليتيها تروح مع ربعها المجمعاتبتكونين ضمنتي مستقبل بنتج بنسبه 99% : )


صح نسيت اهم شي ...حاولي يكون علاقتج فيها علاقه صديقه بصديقتها ...مو علاقه ام لبنتها ! هل الشي بيقرف معاها وايد و حتى لو غلطت بتقول لج بدون إي خوف : )

راي مقتع جدا والحمد لله اصلا انا لاغية الماسنجر من لابتوبها وجوال مو معاها ، وما تطلع مجمعات بروحها ويا صديقاتها

اخوي الفاضل مداخلتك قيمة جدا اشكرك عليها






أختي ضوى أحييج على حرصج في تربية بنتج الله يحفظها لج....

لكن في كذا نقطة اشوفها في غير محلها....

خروجها معاج في كل طلعاتج بالذات اختلاطها بالنساء الكبار... هذي اسمحي لي في نظري تصرف غير سليم...بتقولين ليش؟ الله يسلمج هذا يعلم البنت (القواه)...تعرفين شقصد...صح؟ امهاتنا الاول ما كانوا يخلون البنت تختلط بجلسة النساء الكبار لسبب رئيسي وهو حفظ حياءها.... تأكدي مهما كان مدى احترام النساء اللي تختلط بهم الا وتلاقين ان البنت صارت تعرف ترادد وتلاسن....ومافي احلى من البنت بحياها....

شي ثاني الخروج الى السينما.... اختي ضوى ترى عشنا عمر -وللحين- والبنات عندنا ولا وحده تروح السينما.... حد يسميه تخلف انا اسميه حفظ الجوارح وحفظ حياء البنت....

نفس الكلام بالنسبة للصديقات.... ترى الصداقات مالها معنى اذا تجاوزت حدود المدرسة.... صديقتها اي بس في المدرسة.... اما زيارات وهالكلام ترى كله مضيعة وقت وفتح ذرائع الشيطان....

وساعة خاطر تقدر توسع خاطرها بالطلعة معاج المكان اللي هي تبيه...اسأليها وين تبي تروح مب تكون الطلعة على المخطط اللي انتي حاطته وبس.... واذا ماتبي تطلع خليها في البيت بس يكون معاها وحدة من الاهل كبيرة...اما تتم قاعدة في البيت ومافيه غير الذكور من الاسرة فلا.... وقتها تفاهموا يا انج تقعدين معاها والا تطلع معاج....

التليفونات والجوال.... لو في يدها جوال اتمنى ان العلاقة بينكم تكون مفتوحة بحيث ان يكون عادي عندها لو تمسكين الجوال وتشوفين اللي فيه كذلك ما يكون عندج مانع تشوف جوالج...وبتحس بالقرب منج اكثر وبترتاح انها تصارحج بأي شي يطرأ على نفسها.... والمكالمات لا تصير في مكان منعزل عن سمعج وفي اوقات معينة لاتتجاوزها... ترى الشيطان موجود.... ولو تخلي الجوال عندج في الليل احسن....مع تأكيد وجود الثقة بينكم....

وبكره بتشكرج بنتج على تربيتج.... :victory:

:shy: واعذريني على المصطلحات المستخدمة... احس اني زودتها شوي :shy:





ولا يهمك اخوي بولينجر استمتعت بمداخلتك الجميلة

بس نقطة اني اوديها معاي جلسات الكبار مدري انا متحسسة شوي من هالشئ بس مو بيدي ما احب اخليها في البيت ما ابيها تختلي بنفسها وتفكر باشياء ثانية مع اني واثقة فيها ما تسوي شئ غلط بس قلب الام ومدري احس اني انا اللي متعلقة فيها واحب اشوفها دايما جدامي ولو رحنا لنسوان كبار عادة يكون عندهم بنات في سنها اصغر بشوي اكبر بشوي تقعد وياهم تسولف وياهم يعني مو اغلب الوقت قاعدة ويا الحريم الكبار ، وبالنسبة للطلعات والله ابوها ما يقصر قايم بها قومة هو بعد متعلق فيها وين ما تبي يوديها ، بس بشكل عام كل اللي تبيه تمارسه معاي واحنا طالعين الفيلم اللي تحبه ، المحل اللي تحبه تقعد فيه وتختار اللي تبيه المطعم اللي تحبه يعني مو مقصرة معاها بهالناحية

شاكرة لك بولينجر مداخلة قيمة جدا


لا تضغطين عليها اختي ضوى

خصوصا اذا كان معاها احد كبير وعاقل وتثقين فيه من خالاتها وعماتها

لان الضغط هذا ممكن يؤثر عليها بشكل عكسي

الخوف والحرص والمراقبه مطلوبه بس الثقه بعد مطلوبه مثل ما قال احد الاخوان

انها راح يجي يوم وتكون بروحها وانتي عودتيها انها لازم دايما معاج

فبالتالي ما راح تقدر تعتمد على نفسها بأي شي ولازم تكونين انتي معاها

يمكن انتي حابه تطلعين هي مالها مزاج تطلع

هذا شي يتعبها ويتعب نفسيتها

والله يستر عليكم ويرزقج برها وتفرحين فيها وهي عروس ان شاء الله

اختي الغالية
انا مو ضاغطة عليها بشكل مبالغ فيه يعني انا ملزقتها فيني وهي حابة هالشئ صحيح احيانا تنزعج بس بسرعة تقتنع وتستانس على الاقل هذا اللي اشعر به كأم

مشكورة اختي الغالية مداخلتج جميلة


اسمحيلي أقول رايي اختي ضوى :)

الواحد ممكن يتفهّم خوفج وحرصج عالبنت لكن اسمحيلي انتي بجذيه خانقتها وهالشي ممكن يظهر بشكل سلبي....ممكن انها تتمنى الفرصه بس عشان تتنفس....عطيها شوي حريتها....راقبي من بعيد لبعيد عشان ماتحس انها مسألة انعدام ثقه....خليها تكوّن شخصيتها وإلاّ بتظهر مهزوزه....

طلعات مع الصديقات معاج 100\100 أو ممكن إذا هالشي أمنيتها...قولي لها اوكي و روحي معاها....خليها تقعد مع صديقاتها في طاوله احذاكم فالكوفي شوب (قسم النساء طبعاً) وانتي قعدي بطاوله ثانيه مع هلج او حد من صديقاتج....منها يستانسون هي وربعها ويآخذون راحتهم ومنها تكون تحت نظرج......طبعاً تمشي عالفاضي هي وربعها ممنوع مليون فالميه....

بخصوص قعدتها فالبيت......مافيها شي إذا تمّت فالبيت....أحياناً احنا مايكون لنا نفس نظهر فما بالج بنت في هالسن لها تقلباتها المزاجية والنفسية.....

اجبارها على الروحه والقعده مع الحريم الكبار شي غريب.....ليش تخلينها تسوي شي ماتبيه....خليها تعيش المرحلة السنيّة اللي هي فيها ليش تكبرينها قبل سنها! هي وشو يهمها لوسمعت العيش غلى وصرّة البقدونس بمدري كم صارت والعيال مدري اشفيهم و ولدي مايسمع الكلام ومن هالسوالف اللي أكيد الحريم يسولفونها! معليه تتعلّم السنع ما قلنا لاء بس مب دايماً يعني تآخذينها معاج اجباري.....


اسمحيلي طوّلت وايد وممكن تختلفين معاي بشي و توافقيني بشي فالنهاية الاختلاف في الرأي لا يفسد للوّد قضية والأهم هي مصلحة البنوتة اللي ان شالله ربي يحفظها لج ويبلغج فيها عروس :)

اختي الغالية جدا امة الله

اعجبتني سالفة العيش غلا وحزمة البقدونس صارت بكذا :victory:

سبق وقلت لما اخذها لحريم كبار غالبا يكون عندهم بنات في سنها فتقعد شوي مع الحريم لين تتأقلم مع بناتهم وبعدها تروح تقعد معاهم يعني مو كل الوقت مع الحريم الكبار
وانا معاج انه البنت له تقلبات مزاجية ونفسية وانا متفهمة لهالشئ واحاول قدر ما اقدر اني اعطيها مساحة حرية بس اعترف انها اقل من صغيرة جدا
ارد واقول الحرص والخوف عليها من اللي اشوفه واللي اسمعه صرت اخاف عليها من النسمة اللي تمر عليها لا تجرح خدها ووالله الزمن اللي احنا فيه يخوف صحيح التربية لها دور في الحفاظ عالبنت وعلى اخلاقها بس ما ننكر البيئة المحيطة مؤثرة بشكل كبير في سلوك واخلاق البنت

اتمنى تفهموني اللي معارض يعطيني حلول للتخلص من هالقلق والخوف وكيف اتعامل مع هالخوف بشكل ايجابي

[ذوق]

السلام عليكم ورحمة الله وبركاته...

عزيزتي ضوى...خوفج واضح ومن قلبج والدليل إنه دخل قـلبي :)

ما أعتقد إن في حد في هالدنيا عمل بكل أساليب التربية الي عملتها في خواتي بحكم إني البكر ومربيتهم

من سن الحضانة حتى سن الزواج :)

نصيحة لوجه الله عزيزتي...من خلال خبرتي وتعاملي معاهم...في يوم من الأيام كنت أتصرف بتصرفج بالضبط..لكـن صدقيني إن ماجنيت إلا السلبي من الموضوع...وإفساد شخصياتهم ونفسياتهم كـان بسبب هذا التصرف...ولكن الحمدالله من رحمة ربي علي..إنـي بديت خطوة جاده..وقمت أثقف نفسي بنفسي من خلال المحاضرات التي تطرحها الأستشارات الأسريه في تربية الأبناء..وشراء كل الكتب والمواد السمعيه والمرأيه من المكاتب_في تربيه الأبناء والمراهفين بالذات _ ( لأن صراحه طلعولي قرنين)...والحمدالله حمدآ كثيرآ...بإن ربي عطاني على قد نيتي...ولاحظت الفرق بشكــل كبيييييييييييير جدآ وصادقتهم بشكل إني لين اليوم أحسد نفسي على هذه الوقفه...لدرجة إن ولله الحمد بإن توجهاتهم أختلفت ونجاحهم وأنتاجياتهم بدت على النور..بعد ماكانوا يدرسون غصب..يفعلون كل شي مجاملة ولو كانت بإبتسامه صفراء على مايقولون..وتصدقين وانا طول الفتره الي مرت ذيج الأيام على بالي أنهم مرتاحين ولكن الواقع كان عكس ذلك..بعد ماواجهوني عرفت أنهم ماكانوا يبون يزعلوني..ومن حبهم لي تنازلوا عن كثير أشياء..
لأن لازم تحطين في بالج عزيزتي..إن زمنـا يختلف عن زمنهم( وهذه الحقيقة الي لازال الكثير يجهلها على كلام الدكتورالسعودي عبدالهادي)
وتوجهاتنا وشخصياتنا تختلف أيضآ عنهم..يعني تربيتج بهذه الطريقه في هذا السن بالذات وفي هذا الزمن بالذات..ورقة خاسره وأبصملك على العشره..
وعلى ماقالوا ( إلي في راسه حب بيطحنه )...مردها بتدخل الجامعه..مردها بتاخذ حريتها..مردها بتتزوج..يعني ماراح تبقين طول عمرج تلاحقينها..مردها لازم بتجرب الخطئ..وماودي أحبطج بس كل إنسان خطاء ومافي حد معصوم من الخطأ وهذه أيضآ حقيقه أخرى..بإن الأباء يعتقدون بشكل غير واعي بأن أبنائهم مستحيل أن يخطؤا وأنهم دائمآ ناجحين حتى وإن كانت تربيتهم صحيحة ١٠٠%:)
وعـشان ماطول عليج...أنصحج إنج تتثقفين أكثــر وصدقيني راح تلاحظين الفرق..وأكيدآ إنج في البدايه راح تدخلين في متاهات وأخطاء كثيره..لكن صدقيني في النهايه ، راح توصلين لمبتغاج..وبتذكرين كلامي وبتشكريني :)

والله يعطيج يالغاليه على قد نيتج


أختج

ذوق

[دلة الرسلان]

صباح الخير ياضوى

عندي بنت كبر بنتك ولكن ما تحب تطلع اغلب الوقت في البيت اذا طلعات لبنات الاهل اللي هم

جيرانا في نفس الوقت .

نفس وضعك تعيشه اختي مع بنتها الوحيده بين خمسة اولاد فتشوفينها بنتها معاها على طول

وانا شخصيا اتضايق من رفقة المراهقات لاننا لازم نراعي اننا ما نتكلم في شيء خاص امامها

وهنا احنا يا الكبار مش ماخذين راحتنا ولا الصغيرة مرتاحة لاحظي اننا خالاتها فما بالك بالغريب

وياما نبهنا اختي ان مشاويرنا وجمعاتنا نبغيها بدون بنتها بس ما فيها فايده البنت صارت تفضل

قعدة خالاتهاعلى قعدة بنات خالاتها .

[وطن]

كلامج جميل ومقنع جدا يا وطن ويدل على رجاحة عقلج ماشاء الله تبارك الله

والله يا وطن انا صديقتها واختها وهي وايد متعلقة فيني ، يوم كانت صغيرة يعني حول الثمان والتسع ما كنت معاها جذي كانت تصيح حتى تجي معاي اقول لها لا ما لج حاجة وتلح وتلح وتقعد زمرانة في البيت ، بس من كبرت ودخلت سن البلوغ حسيت انها المفروض ما تنترك بروحها خاصة يوم تجي تقول لي عن سوالف المدرسة وسوالف البنات اللي للحين ما طلعوا من البيضة وعندهم جوالات ولهم في سوالف الخربطة والله يوم قالت لي انجنيت وصار الخوف عليها نوع من الهوس صرت اخاف من نظرة اي شخص لها خاصة لما تطلع معاي سوق والا مجمع تلاقيني عيوني عليها اخاف تطلع شعرة من راسها اخاف جزء من نحرها يطلع يعني اتابعها بشكل مجنون ، خوف خوف وقلق اللي اشوفه واسمعه غصب يخليني اخاف واقلق ، صحيح هي ما لها ذنب وصحيح هي متربية وانا واثقة فيها وفي اخلاقها بس في نفس الوقت اخاف احد يستغل قلبها الغض يقص عليها فابي اكون مهتمة فيها احس فيها تكون معاي بكل مكان
اللي يقول لي اسلوبي فيه نوع من الشدة والخطأ يعلمني اشلون اتخلص من هالشئ مع كل هالكم الكبير من مسببات القلق حولنا

وطن احبج في الله

ضوى محد يلومج على هالخوف
بس خففي عليها شوي
:)

وأنا بعد احبج في الله
شعور متبادل

على فكرة
انا يوم كنت في سنها
أهتماماتي كانت الباربي
وسواقة السيارة
كانت متعتي السواقه :victory:
وأبوي ما كان مقصر كل ما رحنا البر يعطيني السيارة

[almulla]

اختي لاتشددين عليها وايد كثرة الضغط يولد الانفجار

:)

انا قريب من عمرها واشوف ان المسنجر والشات والجوال ماله شغل في تغيير نمط الحياة

وهالاشيه لازم تستخدمها بس بحدود يعني لازم تعززين فيها الوازع الديني

هالايام ايام الاتصالات لو الواحد حبس عياله في البيت وماخلاهم يطلعون كلش بعد بيسوون اي شي لو ماكان عندهم الوازع الديني

[jassim_007]

اختي لاتشددين عليها وايد كثرة الضغط يولد الانفجار

:)

انا قريب من عمرها واشوف ان المسنجر والشات والجوال ماله شغل في تغيير نمط الحياة



كل الدمار و الخراب من المسنجر و الجوال ! ولا لو البنت تبي تكلم رفيجتها اشفيها لو تتصل لها على البيت ! الولد بنقول معليه يبي يطلع مع ربعه و يحتاج لجوال اما البنت لو ماتشتغل و قاعده في البيت اشتبي في الجوال ليش ماتتصل من البيت ! و اشتبي في المسنجر بتكلم ربعها من تلفون البيت : )

[ضوى]

السلام عليكم ورحمة الله وبركاته...

عزيزتي ضوى...خوفج واضح ومن قلبج والدليل إنه دخل قـلبي :)

ما أعتقد إن في حد في هالدنيا عمل بكل أساليب التربية الي عملتها في خواتي بحكم إني البكر ومربيتهم

من سن الحضانة حتى سن الزواج :)

نصيحة لوجه الله عزيزتي...من خلال خبرتي وتعاملي معاهم...في يوم من الأيام كنت أتصرف بتصرفج بالضبط..لكـن صدقيني إن ماجنيت إلا السلبي من الموضوع...وإفساد شخصياتهم ونفسياتهم كـان بسبب هذا التصرف...ولكن الحمدالله من رحمة ربي علي..إنـي بديت خطوة جاده..وقمت أثقف نفسي بنفسي من خلال المحاضرات التي تطرحها الأستشارات الأسريه في تربية الأبناء..وشراء كل الكتب والمواد السمعيه والمرأيه من المكاتب_في تربيه الأبناء والمراهفين بالذات _ ( لأن صراحه طلعولي قرنين)...والحمدالله حمدآ كثيرآ...بإن ربي عطاني على قد نيتي...ولاحظت الفرق بشكــل كبيييييييييييير جدآ وصادقتهم بشكل إني لين اليوم أحسد نفسي على هذه الوقفه...لدرجة إن ولله الحمد بإن توجهاتهم أختلفت ونجاحهم وأنتاجياتهم بدت على النور..بعد ماكانوا يدرسون غصب..يفعلون كل شي مجاملة ولو كانت بإبتسامه صفراء على مايقولون..وتصدقين وانا طول الفتره الي مرت ذيج الأيام على بالي أنهم مرتاحين ولكن الواقع كان عكس ذلك..بعد ماواجهوني عرفت أنهم ماكانوا يبون يزعلوني..ومن حبهم لي تنازلوا عن كثير أشياء..
لأن لازم تحطين في بالج عزيزتي..إن زمنـا يختلف عن زمنهم( وهذه الحقيقة الي لازال الكثير يجهلها على كلام الدكتورالسعودي عبدالهادي)
وتوجهاتنا وشخصياتنا تختلف أيضآ عنهم..يعني تربيتج بهذه الطريقه في هذا السن بالذات وفي هذا الزمن بالذات..ورقة خاسره وأبصملك على العشره..
وعلى ماقالوا ( إلي في راسه حب بيطحنه )...مردها بتدخل الجامعه..مردها بتاخذ حريتها..مردها بتتزوج..يعني ماراح تبقين طول عمرج تلاحقينها..مردها لازم بتجرب الخطئ..وماودي أحبطج بس كل إنسان خطاء ومافي حد معصوم من الخطأ وهذه أيضآ حقيقه أخرى..بإن الأباء يعتقدون بشكل غير واعي بأن أبنائهم مستحيل أن يخطؤا وأنهم دائمآ ناجحين حتى وإن كانت تربيتهم صحيحة ١٠٠%:)
وعـشان ماطول عليج...أنصحج إنج تتثقفين أكثــر وصدقيني راح تلاحظين الفرق..وأكيدآ إنج في البدايه راح تدخلين في متاهات وأخطاء كثيره..لكن صدقيني في النهايه ، راح توصلين لمبتغاج..وبتذكرين كلامي وبتشكريني :)

والله يعطيج يالغاليه على قد نيتج


أختج

ذوق

اختي ذوق تدرين كلامج ما احبطني بالعكس والله كلامج صحيح 100% وانا ادري بنتي مهي ملاك واكيد في اخطاء بحياتها وان كانت صغيرة وما صولت لحد التجريم ولله الحمد بس والله يا ذوق الخوف متملكني عليها من اللي اشوفه حولي واللي اسمعه في المنتدى يعني اشياء تشيب شعر الراس ، والله اني اقرا في التربية وطرقها واساليبها بس العقل ما يبي يتفتح يعني دقة قديمة شوي يلين وشوي يتحجر بس ان شاء الله باحاول قد ما اقدر اني اخفف هالحصار عليها
شاكرة لج اختي الغالية ذوق

صباح الخير ياضوى

عندي بنت كبر بنتك ولكن ما تحب تطلع اغلب الوقت في البيت اذا طلعات لبنات الاهل اللي هم

جيرانا في نفس الوقت .

نفس وضعك تعيشه اختي مع بنتها الوحيده بين خمسة اولاد فتشوفينها بنتها معاها على طول

وانا شخصيا اتضايق من رفقة المراهقات لاننا لازم نراعي اننا ما نتكلم في شيء خاص امامها

وهنا احنا يا الكبار مش ماخذين راحتنا ولا الصغيرة مرتاحة لاحظي اننا خالاتها فما بالك بالغريب

وياما نبهنا اختي ان مشاويرنا وجمعاتنا نبغيها بدون بنتها بس ما فيها فايده البنت صارت تفضل

قعدة خالاتهاعلى قعدة بنات خالاتها .


يمكن هذا سبب يا دلة بنت وحيدة يعني لو فيه اكثر من بنت ما اظن كانت معاملتي بتكون بهالطريقة وهذا اللي معور قلبي دايما تقول انا ما عندي احد ليش ما تجيبين لي بنت تلعب معاي وتقعد معاي بس ما باليد حيلة

شاكرة لج يا دلة تجربة قيمة تستحق التوقف عندها


ضوى محد يلومج على هالخوف
بس خففي عليها شوي
:)

وأنا بعد احبج في الله
شعور متبادل

على فكرة
انا يوم كنت في سنها
أهتماماتي كانت الباربي
وسواقة السيارة
كانت متعتي السواقه :victory:
وأبوي ما كان مقصر كل ما رحنا البر يعطيني السيارة

احاول قد ما اقدر التخفيف

شكرا وطن


اختي لاتشددين عليها وايد كثرة الضغط يولد الانفجار

:)

انا قريب من عمرها واشوف ان المسنجر والشات والجوال ماله شغل في تغيير نمط الحياة

وهالاشيه لازم تستخدمها بس بحدود يعني لازم تعززين فيها الوازع الديني

هالايام ايام الاتصالات لو الواحد حبس عياله في البيت وماخلاهم يطلعون كلش بعد بيسوون اي شي لو ماكان عندهم الوازع الديني

غلطان يا خوي بنت عمرها 12 سنة وشلها حاجة بجوال وماسنجر ؟؟لا حدود ولا غير حدود في اشياء ثابته ما لها علاقة بوازع ديني ، يعني اقطها بوسط ذئاب واقول بنتي عندها وازع ديني ؟؟ هذا مو كلام

اسعدتني مشاركتك اخوي

[ضوى]

كل الدمار و الخراب من المسنجر و الجوال ! ولا لو البنت تبي تكلم رفيجتها اشفيها لو تتصل لها على البيت ! الولد بنقول معليه يبي يطلع مع ربعه و يحتاج لجوال اما البنت لو ماتشتغل و قاعده في البيت اشتبي في الجوال ليش ماتتصل من البيت ! و اشتبي في المسنجر بتكلم ربعها من تلفون البيت : )


بارك الله فيك ما قصرت

فعلا هذا هو الكلام

[شقردي]

اختي ضوى اشكرك كل اشكر على حرصك الشديد على بنتك وياليت اغلبية الحريم يسوون نفس طريقتك لاني الصراحه لما اروح مجمع اشوف ساعات بنات مسيبينهم اهلهم والله يستر عليهم شي يقهر

ضوى تصرفك سليم ميه بالميه وحاولي تفهمين البنت لانها الان بتكون في سن مراهقه حاولي اتبينيين انه عدم السماح لها بالذهاب اللي المجمعات مش عدم ثقه لا فهميها ان ديننا ما يسمح للمرأه الذهاب من غير محرم

والله يوفقج يا اختي

[ضوى]

اختي ضوى اشكرك كل اشكر على حرصك الشديد على بنتك وياليت اغلبية الحريم يسوون نفس طريقتك لاني الصراحه لما اروح مجمع اشوف ساعات بنات مسيبينهم اهلهم والله يستر عليهم شي يقهر

ضوى تصرفك سليم ميه بالميه وحاولي تفهمين البنت لانها الان بتكون في سن مراهقه حاولي اتبينيين انه عدم السماح لها بالذهاب اللي المجمعات مش عدم ثقه لا فهميها ان ديننا ما يسمح للمرأه الذهاب من غير محرم

والله يوفقج يا اختي


والله انا مفهمتها انها مش مسألة ثقة قد ماهي مسألة عيب وما يجوز ، الله يستر عليها وعلى بنات المسلمين اللهم امين

شاكرة لك اخوي شقردي

[الغزال العارضية]

هذي هي تربية الامهات الاوليين والجدات
البنت ماتفارق امها وين ماتروح زيارات ولا مناسبات وتتعلم السنع والادب وتتمسك بالاخلاق الطيبه

بس البنت في هذا السن لها شخصيتين لانها ماتعرف هي للحين صغيره ولا كبيره يعني هل جلستها مع الكبار سواء خالتها ولا عماتها وغيرهم او انها تقعد مع الصغار وتلعب معاهم يعني لازم تفهمها الام انها خلاص كبرت وتنصحها من حرصها عليها

بس سالفة انج تاخذينها كل مكان حتى الجمعيات هذي اشوفها زيادة شوي يعني لاتبالغين بخوفج دام انتي واثقه من تربيتج لها خليها فالبيت وتطمني عليها ان احد يكون معاها

يعني لاتضغطين عليها وايد وتحسسينها انها مكبوته ومسجونه لان وايد بنات اعرفهم كانو اهاليهم يعاملونهم هالمعامله صاروووو اخس من اللي كانو اهلهم خايفين منه

حلوو انج تطلعين معاها كل مكان سينما ولا عشا ولا مجمع وسوق


الله يخليها لج ويحفظها ويستر عليها ويبعد عنها كل مكرووه

[الغزال العارضية]

انا يوم كنت صغير كانت امي الله يرحمها توديني وياها كل مكان

:weeping::weeping:

الله يرحمها ان شاء الله ويغفر لها


زين ماكانت تسوي ترى حتى الولد في هالعمر مايتهمل لحاله يعني مب بس البنت :victory:

انزين انت الحين وين تروح ولا مع من تطلع :tease:

[ضوى]

هذي هي تربية الامهات الاوليين والجدات
البنت ماتفارق امها وين ماتروح زيارات ولا مناسبات وتتعلم السنع والادب وتتمسك بالاخلاق الطيبه

بس البنت في هذا السن لها شخصيتين لانها ماتعرف هي للحين صغيره ولا كبيره يعني هل جلستها مع الكبار سواء خالتها ولا عماتها وغيرهم او انها تقعد مع الصغار وتلعب معاهم يعني لازم تفهمها الام انها خلاص كبرت وتنصحها من حرصها عليها

بس سالفة انج تاخذينها كل مكان حتى الجمعيات هذي اشوفها زيادة شوي يعني لاتبالغين بخوفج دام انتي واثقه من تربيتج لها خليها فالبيت وتطمني عليها ان احد يكون معاها

يعني لاتضغطين عليها وايد وتحسسينها انها مكبوته ومسجونه لان وايد بنات اعرفهم كانو اهاليهم يعاملونهم هالمعامله صاروووو اخس من اللي كانو اهلهم خايفين منه

حلوو انج تطلعين معاها كل مكان سينما ولا عشا ولا مجمع وسوق


الله يخليها لج ويحفظها ويستر عليها ويبعد عنها كل مكرووه


اللهم امييييييييييييييييييييييييييييييييييييييييييييين

تعليق جميل منج اختي الغالية شاكرة لج